المدرسين فقط [الأرشيف] - بوابة الثانوية العامة المصرية

د/ أمجد المالكي

22-06-2009, 02:57 PM

تعالوا نقيم امتحان الجيولوجيا
مش سهل او نقول صعب
بكرة او بعدة هنطلع كلنا على نموذج الاجابة واحنا فى التصحيح

مطلوب تقييم الوزن النسبى للابواب
تسجيل الاخطاء الواردة

مثلا السؤال السادس رسم المستوى المحورى خط منقط والمفروض انة مستوى مش خط
وغيرها من الاملاحظات

انا بفتح مجال للنقاش ارجو المشاركة

كلام سيادتك صح مليون %

ولو كل واحد قال علي النقط اللي شايف إنها فنيا فيها مشكلة

يبقي التصحيح هيكون في صالح أبنائنا الطلاب

د/ أمجد المالكي

22-06-2009, 03:13 PM

ملاحظاتي

في السؤال الأول

( ب ) قارن بين الأنهار الشابة والناضجة والكهلة

إحنا مش بنمتحن الطلاب في معاني المفردات
وفي طلبة مش عارفهم اتصلوا بيا يسألوا هو يعني إيه الكهلة ؟؟ إحنا ما خدنهاش

وعلي فكرة من معلوماتي المتواضعة في اللغة العربية كلمة كهل لا تعني عجوز

تكرار لجزئيات من الباب الرابع " الصخور "

لدرجة أن الطلاب قالوا لي إنهم كتبوا نسيج الصخور النارية الجوفية 3 مرات وعندهم حق
1- في المقارنة بين الجرانيت والبازلت ( الثالث - ج )
2- في المقارنة بين الدايوريت والإنديزيت (الرابع - ج - 1 )
3- في سؤال علل : تتميز الصخور النارية الجوفية ببلورات كبيرة الحجم تري بالعين المجردة ( الثاني - ب علل - 3 )

السؤال السادس ج رسمة القطاع الجيولوجي

أولا كتابة f1 , f2 علي الخطوط خطأ فادح لا يغتفر
مما أوحي للطلاب بوجود جزئيات في المنهج لم يذاكروها وكان يكفي استخدامه لرقم

وبعدين الكتل اليمني واليسري اللي سأل عليها تنفع صخور الحائط العلوى وتنفع جزء من الطية

وأضيف صوتي لصوتك في ما يخص المستوي المحوري اللي مرسوم علي هيئة خط متقطع

وشكرا لسيادتك علي اقتراحك لهذه المناقشة

esamrr

22-06-2009, 03:46 PM

السلام عليكم انا عصام عليوه مدرس جيولوجيا بنها اشكر الاستاذ امجد علي المجهود الرائع الذي قام به واريد ان الفت النظر لشىء وهو ان المنهج يحتوي علي مالا يقل عن 100 شكل . وفي الامتحان شكل واحد فقط من اصل خمسه احتوى عليها الامتحان من كتاب المدرسه . كمان النقطه بتاعت f1 وf2 تنفع وجهتين للطيه المقعره اريد الرد لو سمحت

أ/شريف حسان

22-06-2009, 04:22 PM

انا اتفق مع الدكتور امجد فى نسبة اسئلة الباب الرابع الصخور فى الامتحان وكذلك نسيج الصخر النارى الجوفى
وبعض الكلمات مثل عدد (بدلا من اذكر)لان هناك طلبة كتبت اعداد الاشعة وليس اسمائها

وفى سؤال صوب رقم 3 من يكتب الكيميائية فقط تعتبر صواب ام خطأ ام الاجابة يجب ان تكون الكيميائية للفلسبار

وائل غالى

22-06-2009, 04:35 PM

السلام عليكم ورحمة الله
اخوانى الاعزاء لن اقدم اكثر مم قدم الاخوة الافاضل استاز رمات ود/امجد والاستاذ عصام
فعلا الامتحان كان قاصر جدا واغفل نقاط كثيرة فى المنهج وكرر موضوعات معينه اكثر من مرتين مثل
1-الصخور النارية اتت فى اكثر من موضع مثل س1(أ)رقم4 --س2(ب)3--س3(ج)الفرق بين الجرانيت والبازلت--س4(ج)1قارن بين الديوريت والاندزيت--س5 (ج)العينه الثانية--س6 (ج)6 ماذا تمثل الاجسام2/3/4
2-بيئة الماء تكررت ايضا كثيرا مثل س1 (أ)1-- س 2 (أ)1 --س2(ب)2 --س3(أ)--س3(ب)2 --س4(ب)1--س5(ب)1
3-الفوالق تكررت اكثر من مرة فى الرسم س5(ج)1--س6(ج)1

وائل غالى

22-06-2009, 04:38 PM

وايضا رأى الاستاذ/شريف حسان اعتزر لعدم ذكر اسمك فى المداخلة الاولى لاننا كتبنا فى نفس الوقت

esamrr

22-06-2009, 05:07 PM

ملحوظه اخري لم ياتي من الباب3 جيولوجيا سوي نقطه واحده وهي في
[السؤال الثالث ب رقم 4 لون مسحوق المعدن بدرجه واحده
[هل ده اللي الوزره علمتهولنا في وضع اسئلة الامتحان والوزن النسبى للفصول حسبى الله ونعم الوكيل[

merihan

22-06-2009, 05:13 PM

merihan

22-06-2009, 07:24 PM

لو سمحتم اناعاوزة الرد بسرعة علشان اطمن انا مش عارفة اركز فى علم النفس من كتر مبفكر فى هذا السؤال

merihan

22-06-2009, 08:06 PM

لو سمحتم انتوا لية مبتجوبوش على سوالى ارجو الرد

رمات

22-06-2009, 10:16 PM

واللة الكلام بجد ....
تعليق من الوزارة
سالت واحد منهم قلتلة لية كتبتم

f1 ,f2
قاللى علشان اختصار فالق 1 وفالق 2 ( fault1)
قلت ما كنا نكتب أ و ب
وخلاص

وبعدين اية وضع الطالب اللى كتب توجد طية مقعرة من غير مايقول نعم ؟؟؟؟؟؟؟؟؟؟؟؟؟؟؟؟(نقطة مهمة )
ماهو اللى وضع هذة الفقرة فى السؤال مش فنى بالمرة

انا رايى الكتاب هو اللى لازم يتحدث الصور مش واضحة والمعلومات متعارضة فى كتير من الاجزاء
دة فى سنة كانت نسبة الماء واليابس مختلفة فى البيئة عن الجيولوجيا ؟؟؟؟

وبعدين اية الامتحان الفوالق دة كلة

اشكر الجميع على المشاركة الى بنستفيد منها وخاصة د امجد ود وائل و دشريف المحترمين والمخلصين للمادة بجد

اخوكم تامر صلاح

مستر/ هانى الباسل

23-06-2009, 01:23 AM

د/ أمجد المالكي

23-06-2009, 01:37 AM

انا اريد من مدرس الرد على سوالى هذا ويقول لى انا اجيب كام فى السوال السادس دا دى اجابتى فية 1-يمثل الخطان مستوى الفالق 2-الكتل اليمنى واليسرى الجناحين للطية 3-التركيب المنطقة الوسطى ثنية مقعرة 4- نعم القباب -العروق والجدد النارية 5-الخط الذى يمثلة 1 انا عملاه الفاصل 6- 2- الاكوليث 3- الجدد الوازية 4-العروق النارية ارجو الاجابة علية بسرعة واجيب كام لان انا معنديش غلط فى الاربع الاسئلة الاخى كدة ممكن اجيب كام من 50 ارجو الرد سريعا

والله يا بنتي برافو عيكي

معظم الإجابات صحيحة

والغلطتين اللي عندك انا نفسي بعتبرهم مش غلط لأسباب فنية معينة

لكن اطمنك إن ممكن تاخدي 2.5 من 3 درجات علي أسوأ الفروض

ولو انا اللي بصحح ورقتك هديكي 3 من 3 وممكن كمان اكتبلك شكرا للتميز

د/ أمجد المالكي

23-06-2009, 01:46 AM

السادة الأعزاء الزملاء المدرسين .... من أخوكم الأصغر وتلميذكم مستر / هانى الباسل .. مدرس الجيولوجيا والعلوم البيئية

من الصواب أن يكون الامتحان قوى حتى يتميز الطالب المجتهد الممتاز ... ولكن بشرط أن يراعى الفنيات الأساسية والقواعد العامة التى يجب أن يشتمل عليها أى امتحان ث.ع مثل :

* عدم تكرار بعض الجزيئات لأكثر من مرة * عدم التركيز على باب بعينه ( كالرابع جيولوجيا أو الرابع علوم بيئية ) وعدم تغطية أبواب أخرى قوية وبها جزيئات كثيرة جدا مثل ( الخامس والسابع والثانى جيولوجيا )
* عدم الضغط نفسيا على الطالب واتضح ذلك من خلال ( س5 ، س6 ) فعندما يرى الطالب رسومات غريبة لم يتعود عليها فانه يحبط مما يؤدى الى التأثير عليه سلبيا فى حل باقى الأسئلة .

وأخيرا وبمنتهى الاحترام أموت وأعرف ماذا يعمل واضع هذا الامتحان ؟

* هل هو أستاذ جامعة فى برج عاجى وجهبذ من الجهابذة
* أم هو مستشار مادة ونسى فنيات التدريس و أسس وضع الامتحانات
* أم هو جيولوجى متخصص وفولت العلم والتمكن عندى عالى بما لا يتحمله طالب ث . ع غلبان

والا هو واحد مالوش فى ........ ولا الطحين

ارحمنا يا وزير التعليم ... التعليم بقى سمك .. لبن .. تمر هندى

وياريت حد يوافقنى أو يوجهنى اذا كنت غلطان

أخوانى طلبة ث . ع

لكم الله

مستر / هانى الباســــل

أولا : شرفتنا بمشاركتك في بوابة الثانوية

اتفق معاك يا أ/ هاني في ضرورة وجود درجات للتميز

وبيحضرني موقف بمناسبة تعليقك :

في ليلة الامتحان وضعت بالملزمة 3 قطاعات جيولوجية لإني حسيت إن ممكن واضع الامتحان يعملها

بس وانا بشرحهم للطلبة حسيت بخوف شديد في عنيهم ما بالك إني بشرح لهم وهما في دماغهم

لو جاء قطاع رابع هنعمل إيه؟؟؟ فطمنتهم بإن أي قطاع هيبقي سهل وبسيط

وقد كان " بسيط للي اتدرب عليه "

فما بالك بالطلاب اللي ما شافوش أي قطاع قبل دخولهم الامتحان

وهي فين في المنهج عشان يجيبها في الامتحان ؟؟؟؟

ومفيش أي رسمة للقطاعات الجيولوجية في النماذج .... كل اللي موجود ارسم عمود جيولوجي للعصور الجيولوجية

وانا مش معترض علي الرسمة دي انا معترض تماما لإن طريقة الأسئلة علي الرسمة هي اللي مش مفهومة وهي اللي مستفزة

raafatatteya

23-06-2009, 02:55 AM

لكم ان تتخيلوا الباب الرابع فى البيئة 14 درجة اى اكثر من نصف الدرجة المخصصة للبيئة
الباب الاول 4
الباب الثانى 2
الباب الثالث 4

raafatatteya

23-06-2009, 02:58 AM

لكم ايضا
الباب الثالث جيو 1
الباب الخامس فى الجيو 2
السادس 3
السابع 5

merihan

23-06-2009, 05:26 AM

شكرا جزيلا يا استاذ امجد يعنى فى احتمال كبير ان اجيب 2.5 من 3 مش 2 من 3 وانا عندى سوال اخر من فضلك ان تجاوب عليا فيهم بسرعة السوال بتاع التجوية فى صصح انا عملتة تجوية كيمائية فقط مكتبتش للفلسبار مع انى والله عرفاها ولكن مختش بالى منها خالص انا ممكن انقص عليها كام وبالنسة للسوال السادس ممكن مدرس يدينى فية 3 من 3 وهو نموذج بتاع التصحيح بتاع الوزارة هينزل امتى شكرااااااااااااااا

merihan

23-06-2009, 05:28 AM

وممكن اعرف ايه هما الغلطتين

merihan

23-06-2009, 06:21 AM

طيب السوال بتاع صصح الرخام اتا عملاه صخر متحول بس كدة تبقى ناقصة هية دى الاسئلة اللى انا شاكة فيها فى الامتحان كلة انا كدة ممكن اجيب كام يا استاذ امجد ارجو الرد بسرعة

رمات

23-06-2009, 12:09 PM

الاسئلة اللى عليها اختلاف لسة محدش يقدر يقول توزيع درجاتها اية
النموذج فية تعديل توزيع درجات
الكلام بتاعى اكيد .......وان شاء اللة .يبقى فى مصلحة الطالب ..

merihan

23-06-2009, 12:43 PM

يعنى لو سمحتم اسئلة صحح اللى انا كتباه كدة صح ولا غلط يعنى ممكن انقص عليها درجات ارجو الرد سريعاااا حضرتك فين يا استاذ امجد

stoneKane

23-06-2009, 05:43 PM

الاسئلة اللى عليها اختلاف لسة محدش يقدر يقول توزيع درجاتها اية
النموذج فية تعديل توزيع درجات
الكلام بتاعى اكيد .......وان شاء اللة .يبقى فى مصلحة الطالب ..

يعنى كده توزيع الدرجات هيتغير على الكل ولا كل طالب هيبقى ليه توزيع لوحده!!! عشان انا معتمد على كذا سؤال هما اللى هيخلونى انجح فلو غيروا توزيع الدرجات انا كده ممكن اشيل الماده

رمات

23-06-2009, 06:06 PM

كل سؤال عشر درجات بس قى نقط هتتعدل اجابتها لتسمح باكبر عدد من اجابات الطلاب ودى حاجة حلوة

esamrr

23-06-2009, 06:44 PM

لو سمحتو عاوزين نسخه من نموذج الاجابه في اقرب وقت ممكن والتصحيح هيبداء امتى ارجو الرد يا استاذ امجد

merihan

23-06-2009, 09:36 PM

لو سمحتم حد يرد على اسئلتى للضرورة من فضلكم

د/ أمجد المالكي

23-06-2009, 11:19 PM

يعنى لو سمحتم اسئلة صحح اللى انا كتباه كدة صح ولا غلط يعنى ممكن انقص عليها درجات ارجو الرد سريعاااا حضرتك فين يا استاذ امجد

شوفي يا ميرهان

زي ما قولنا موضوع توزيع الدرجات لسه بدري عليه
عشان المشاكل الفنية اللي في الامتحان

يعني مثلا ممكن يتعاد توزيع درجات الرسمة مثلا وتبقي درجة ونص بدل 3 درجات وهكذا

أما بالنسبة للتصحيح

فالرخام صخر متحول بالحرارة

ولازم نشوف نموذج الإجابة عشان نحكم

merihan

23-06-2009, 11:59 PM

د/ أمجد المالكي

24-06-2009, 12:12 AM

وهو هو نموذج الاجابة هينزل امتى انا قلقانة اوى يعنى فى بتاعة التجوية ممكن اخد عليها نصف درجة فقط من 1 على شان مكتبتش للفلسبار وكذلك بتاعت الرخام علشان الحرارة ولا ممكن انقص عليها الرجة كاملة ومخدش فيها جاجة خالص مع انى كاتبة التجوية الكيمائية والرخام متحول وبعدين احنا مخدناش بالنة منها لان مقبناش سوال كدة قبل كدة كان التصحيح بيكون كلمة واحدة فقط صحححححححححححح ياريت ترد عليا يا استاذ امجد انا كان نفسى ماقلش عن49 ولكن لو التصحيح جة كدة انا كدة مش حجيب 47 مع انى تعبت فى الجيولوجيا اقوى والله

مش معاكي بالنسبة لسؤال التصحيح فيه جمل كتيرة بنغير فيها كلمتين واكتر

ونصيحتي ليكي

ياريت تركزي في اللي جاي مش اللي فات

انت قلوقة جدا وعشان درجة ولا اتنين هتبتدي تفقدي تركيزك

واللي جاي أهم

لازم تخرجي من مرحة الجيولوجيا تماما وبسرعة جدا

واطوي الصفحة دي نهائيا وشوفي عندك مادة إيه اللي جاية و اديها كل تركيزك

مستر/ هانى الباسل

24-06-2009, 02:42 AM

أولا : شرفتنا بمشاركتك في بوابة الثانوية

اتفق معاك يا أ/ هاني في ضرورة وجود درجات للتميز

وبيحضرني موقف بمناسبة تعليقك :

في ليلة الامتحان وضعت بالملزمة 3 قطاعات جيولوجية لإني حسيت إن ممكن واضع الامتحان يعملها

بس وانا بشرحهم للطلبة حسيت بخوف شديد في عنيهم ما بالك إني بشرح لهم وهما في دماغهم

لو جاء قطاع رابع هنعمل إيه؟؟؟ فطمنتهم بإن أي قطاع هيبقي سهل وبسيط

وقد كان " بسيط للي اتدرب عليه "

فما بالك بالطلاب اللي ما شافوش أي قطاع قبل دخولهم الامتحان

وهي فين في المنهج عشان يجيبها في الامتحان ؟؟؟؟

ومفيش أي رسمة للقطاعات الجيولوجية في النماذج .... كل اللي موجود ارسم عمود جيولوجي للعصور الجيولوجية

وانا مش معترض علي الرسمة دي انا معترض تماما لإن طريقة الأسئلة علي الرسمة هي اللي مش مفهومة وهي اللي مستفزة

عظيم الشرف لى يا دكتور أمجد

بالمناسبة نفسى أثير قضية فى امتحانات ال ث . ع فى كل المواد

ألا تتفق معى يا دكتور أن هناك مواد وبالذات فى المواد الاختيارية مثل علم النفس.. الفلسفة..الاحصاء والاقتصاد.....الخ تأتى سهلة دائما مقارنة بالمواد الاخرى بما يجعل الطلاب يتحيزون لمواد دون غيرها ليس عن حب أو ميول أو اتقان .... وانما فقط بناء على سمعة امتحان المادة فى امتحانها لعام أو للأعوام السابقة .

أليس من المفروض يا دكتور أن توضع درجة مقياس واحدة لقوة جميع المواد فى امتحانها النهائى اخر العام .. وذلك تحقيقا لمبدأ تكافؤ الفرص بين المواد؟

خالص تحياتى

مستر / هانى الباسل

د/ أمجد المالكي

24-06-2009, 02:58 AM

والله يا مستر / هاني

انا لي رأي معين في موضوع الثانوية العامة في مصر

إحنا لازم نجيب نظام تعليمي متكامل ناجح من أي دولة متقدمة يكون بيناسبنا

وندخل عليه الطالب من إبتدائي يبقي بعد 12 سنة مش هيبقي عندك شبح الثانوية العامة

ولإن احنا مش بنفكر ولا بنخطط لأكتر من أخر السنة دي يبقي مش هيحصل

وبعدين في مواد لازم تتبدل بمواد تانية خالص زي مواد السياحة والبيئة والتسويق والدعاية والإعلان وحاسبات

واللغات كلها " إيطالي - اسباني - عبري - فارسي وغيرها ...........

ودي الحاجات اللي الناس هتشتغل بيها لما تتخرج

وتكون الثانوية العامة سنة عادية مش مطلوب فيها غير النجاح وبس

وكل اللي عايز يدخل الكلية اللي بيحبها يروح يجتاز المواد المؤهلة ليها والقدرات وده من خلال الكلية نفسها

ونبقي ناس راقية ونطور نفسنا

انا ليه اضغط علي الطالب من صغره عشان يطلع دكتور وافضل اضغط عليه بنظام تعليم اكتر من رديء

لغاية ما يفشل وتتحطم طموحاته اللي زرعناها فيه غلط وهو اصلا بيحب مجال تاني

ارجو ان تكون فكرتي وصلت

merihan

24-06-2009, 07:53 AM

حااااااضر يا استاذ امجد انا حانسى الجيولوجيا لكن حضرتك مردتش عليا بالنسبة لسوال التصحيح انا كدة حانقص الدرجة كاملة ولا نصف الرزجة ياريت تجوبنى

merihan

24-06-2009, 12:25 PM

د/ أمجد المالكي

24-06-2009, 05:05 PM

انا عارفة يا استاذ امجد انى تقلت عليك بالاسئلة واكن استحمانى ولكن دا اخر سوال دى الحاجات اللى انا شاكة فيها فى الامتحان كلة والباقى صح انشاء الله انا كدة ممكن اجيب كام من 50 وحضرتك متنساش اجابتى فى السوال السادس

مش موضوع تقلتي ولا حاجة بس شايفك هتفقدي تركيزك فحبيت أنبهك واصحصحك

دلوقتي سؤال صحح مطلوب كلمتين وانتي عملتي واحدة بس

يبقي تاخدي نص من واحد

merihan

24-06-2009, 05:48 PM

شكرا لحضرتك جدا يا استاذ امجد ومعلش انا تعبت حضرتك معايا وياريت اول ما نموذج الاجابة بتاع الوزارة حضرتك تنزلة هنا ودة انشاء الله يكون اخر طلب اطلبة من حضرتك

زكريا حجاب

24-06-2009, 08:14 PM

الرسم الموجود فى س6 ليست غريبة على الطلبة لماذا ؟
لأنه يوجد فى درس الطيات :
مميزاتها: قلما توجد منفردة فى الطبيعة.
شرح هذه الجملة معناه أنه نادرا ما توجد طية بمفردها فيمكن ان يصاحبها فاصل أو فالق أو اكثر .
ثانيا : نعم الإمتحان فيه اخطاء فنية كثيرة جدا ، كما توجد اخطاء ايضا فى نموزج الإجابة للأسف الشديد.
ثالثا: هذا الإمتحان بالرغم من الأخطاء الفنية الموجودة به الإ انه لأول مرة يوضع امتحان فى الجيولوجيا به اسئلة تبين مدى فهم واستيعاب المادة ، وليست اسئلة مكررة من الإمتحانات السابقة لدرجة ان الطالب الذى يقوم بحفظ اسئلة الإمتحانات السابقة يحصل على الدرجات النهائية فهل هذا معقول.

abo marco

24-06-2009, 10:07 PM

اولا احب ارست تهنئة حرة حارة لكل العاملين فى الموقع على جهدهم الرائع والمتميز طوال العام والذى ارجو ان يكون ابنائنا الطلبة قد استفادو منة -------
اما عن الامتحان فارجو ان اشارك براى المتواضع وذلك بعد رؤية نموذج الاجابة (وهو على فكرة لايخلو من بعض الاخطاء)وكذلك بعد البدء فى عملية التصحيح فمن المعروف ان توزيع الدرجات على اسئلة الامتحان ليس عشوائيا او على مزاج واضع الامتحان ولكن لة قواعد فنية وعلى واضع الامتحان الالتزام بها(ولكن من الواضح ان واضع الامتحان كان مستعجل او عندة مشوار او دماغة مشغولة باى حاجة الا الامتحان الذى يقوم بوضعة) ومن هذة القواعد كما علمنا الاساتذة موجهى مادة العلوم البيئة و الجيولوجيا ان درجة كل باب يجب ان تتناسب مع عدد حصص تدريس هذا الباب فتعالو نرى معا توزيع درجات الامتحان وذلك بالنسبة لطالب حل اول خمسة اسئلة لانة بالطبع اتخض اول ماشاف الرسمة الموجودة فى السؤال السادس فبعد عنة وتركة فى .
الباب الاول بيئة3درجات-الباب الثانىبيئةلايوجد(الدرجة الوحيدة الموجودة علية فى السؤال السادس)الياب الثالث بيئة4.5 درجة
الباب الرابع بيئة 13.5درجة (نعم الرقم صحيح) اما عن جزء الجيولوجيا بالنسبة لاول خمسة اسئلة فهى كالنالى
الباب الاول6.5 درجة-الباب الثانى5.5درجة-الباب الثالث درجة واحدة فقط- الباب الرابع 9 درجات- الباب الخامس3 درجات- الباب السادس درجة واحدة فقط??????? الباب السابع 3 درجات ولاتعليق منى على ذلك واترك لكم التعليقز
وشكرا لكم مرة اخرى وعلى لقاء مرة اخرى ولكن فى امتحان افضل من ذلكز
اخوكم ابو ماركو مدرس جيولوجيا وعضو بموقعكم المحترم.

abo marco

24-06-2009, 10:15 PM

هل من الممكن ومن فنيات الامتحان ان توجد عدد 5 اسئلة مقارنة وكمان كلها من الجيولوجيا هو مافيش مقارنات علوم يبئية والا اية كلة جيولوجيا جيولوجيا.

esamrr

25-06-2009, 01:33 AM

لو سمحتم الناس اللى بدءت التصحيح عاوزين نموزج الاجابه كامل لو سمحتو

healer_sword

25-06-2009, 11:20 AM

السلام عليكم ورحمة الله

الأصدقاء والزملاء الأعزاء ......
واضح طبعا ... إن واضع الإمتحان ... (إيده مش في المنهج) .... بدليل جميع الأخطاء الفنيه التي تم مناقشتها من حضراتكم .. ويكفي أنه في نموذج الأجابه في السؤال الخامس في المقارنه بين التراكيب الأوليه والثانويه تم شطب الجزئية الاخيره لأنها غير مقرره وأيضا في الرسم في السؤال السادس .. لم يكلف نفسه عناء تغيير الرموز على الرسم ونقلها نقل حرفي .... مما سبب ارتباك شديد للطلاب .... وكل ما نستطيع فعله أو قوله ... علينا مستقبلا أن نعمل جاهدين على توقع جميع المفاجأت ( والافتكاسات ) وتحذير ابناءنا منها ... وكل عام وانتم بخير