يا جماعة انا متعاقد من 2007 فى الابتدائى بس المشكلة انى تربية فرنسى ومتعاقد فى الابتدائى وبدرس عربى وحساب وجواب التعاقد مدرس فصل والسنة اللى فاتت تم تصعدي الى احدى المدارس التجارية ولكن تم بعد اسبوع ان الغوا انتدابى واعادونى للابتدائى مرة اخرى
وفى شهر فبراير 2009 تم التعاقد مع زميل اخر من كليه الاداب( فرنسى برضو) فى الابتدائى بس ده تم تصعيده مع انه متعاقد فى الابتدائى مثلى وكمان بعدى بسنتين (كوسة بقى )
ياريت حد يحل المشكلةدى وياريت وزير التربية والتعليم يقولى انا هدرس ايه فى الابتدائى على فكرة انا من سوهاج- البلينا

خذ اسم وبيانات زميلك الذى تم تصعيدة بعدك
وقدم شكوىالى
مديرية التربية والتعليم توجية اللغة الفرنسية
و فى التنظيم والادارة
وهيئة الرقابة الادارية
وان شاء الله سوف تأخذ حقك

وان شاء الله سوف تأخذ حقك

شوف انا مريت بنفس القصة مع التربية والتعليم طلع جواب تعيينى مدرس ابتدائى منتدب انتداب كلى على الأعدادى حاولت ان مرتبى يكون فى نفس المدرسة الأعدادى رفضوا مع انى تربية عام رفضوا بحجة ان المسابقة كلها ابتدائى حاولت وجيبت تاشيرة صريحة من وكيل الوزارة وموافقة التوجيه العام نصها ( اوافق وافاد ) والتوجيه العام قال ( يعين المذكور على قوة التعليم الأعدادى اساسى وليس ندب ) ووافق مدير الأدارة ولكن مدير التعليم لأبتدائى رفض ينفذها حاولت على قد ما قدرت مافيش فايدة اول ما زهقت تعاقدت مع الأزهر وريحت دماغى . طولت عليك
نصيحتى ليكى حاول على قد ما تقدر واشتكى وما تسبش حقك ( بس على قدر الامكان بحكمة )

مشكور اخى العزيز وانا والله العظيم حاولت كتير وبحاول وهفضل ادور على حقى ومش هسيبه لحد ما اخد حقى كامل وربنا يوفقنا جميعا