http://abeermahmoud.jeeran.com/07_basmallah.gif
http://jewelsuae.com/gallery/data/media/6/salam11.gif
((يوميات ابليس بيه وابو جهل))
كتبته الاخت الكريمة

Muslima_Mwa7eda (http://forums.way2allah.com/member.php?u=16207)
http://www.mo3afa.com/fasel/f13.gif




حبيت اقدملكم مسلسل ابدى لا ينتهى ولكن الحلقات المكتوبة حتنتهى لكن الحقيقة لا تنتهى الا بقيام الساعة امنتى اقرا ارائكم


الحلقه الاولى

http://www.mo3afa.com/fasel/f40.gif

صباح الفل يا إبليس بيه
- صباح الخير يا بني .. اطلع بينا على سنة 622
- ياااااااااه .. سعادتك إيه اللي هيوديك هناك .. دي الدنيا كات صعبة أوي أيامها
- وحشوني والله يا عكروت .. أعمل ايه بقى .. نفسي أشوف أبوجهل
- ما تشوفش وحش يابيه .. وصلنا خلاص
ينزل إبليس من العربية .. ويخبط الجرس على بيت أبو جهل .. تفتح له الشغالة
- الأستاذ أبو جهل موجود
- أيوه موجود .. مين حضرتك ؟
- قولي له إبليس
- دقيقة واحدة
يخرج أبو جهل
- أهلاااااااااااااان .. إزيك يابو مُـرّة .. واحشني يا راجل .. إيه الغيبة الطويلة دي .. اتفضل اتفضل
- والله هفيت على بالي اليومين اللي فاتوا .. والعالم بتوع القرن الواحد وعشرين خنقوني .. قلت آجي أشرب معاك كاسين .. حجرين .. الموجود بقى .. أي حاجة
- على حسابي وللا على حسابك ؟
- أيوووه عليك .. انت لسه .... زي مانت .. يا راجل ده انا بقالي 200 سنة ما شفتكش .. ده اللي انا علمتهولك ؟
- آه .. ههههههههه .. طب اقعد بس اقعد .. ده الحالة بقت كرب أوي ..http://forums.way2allah.com/images/smilies/36_1_50[1].gif ونفسي أفضفض لك شوية
- خير يا بوجهل
- لا والله مافيش .. فاكر انت آخر مرة كنت معانا لما اتفقنا نطلع من رجل قبيلة .. ونقتل محمد
- آه .. كانت فكرة مالهاش حل
- بس الخطة فشلت .. وقدر يهاجر يثرب ومن بعدها ما شفناش يوم حلو .. والعملية نشفت أوي وبدأوا يقفلوا علينا طرق التجارة .. العيشة بقت صعبة أوي يا إبليس يا خويا
- بس بس قطعت قلبي .http://forums.way2allah.com/images/smilies/36_1_4[1].gif. طيب أنا جاي لك في مشوار حلو .. هيفتح نفسك
- مشوار ايه يا معلم .. قولليhttp://forums.way2allah.com/images/smilies/36_1_36[1].gif
- شوف يا سيدي .. أنا جاي لك دلوقت من القرن الواحد وعشرين .. فيه شغلانة جامدة أوي في مصر ظبطتها تظبيطة ما حصلتش .. وأنا حاسس بيك قلت آخي آخدك تتفرج .. أرفع روحك المعدنية شويةhttp://forums.way2allah.com/images/smilies/36_1_36[1].gif
- بس ما يكونش التظبيط الخايب بتاعك زي شغلانة من كل رجل قبيلة دي
- كده برضه .. الله يسامحك .. بس اطمن المرة دي .. هتيجي جون يعني هتيجي جون
- والمشوار ده هنروحه ازايhttp://forums.way2allah.com/images/smilies/36_19_2[1].gif
- اركب بس اركب .. ما تخافش مش هأخرك
ركب أبو جهل العربية مع إبليس .. ووصلوا القاهرة .. أبو جهل تـَنـّح
- إيه ده يا إبليس يا خويا .. احنا لسه في الدنيا ؟؟http://forums.way2allah.com/images/smilies/36_19_2[1].gif
- هههههه .. جمد قلبك ياراجل .. احنا بعد 1400 سنة من أيامكم
- وايه الناس دي .. عاملين في نفسهم كده ليه
- إيه مش عاجبينك ؟
- يعني .. الستات لابسين عريان قوي .. والرجالة شكلهم شبه الستات .. وبص الواد ده ماشي مع البنت ازاي .. بيحضنها في الشارع كده .. اخص عالرجالةhttp://forums.way2allah.com/images/smilies/36_19_2[1].gif
- ههههههه .. ياراجل ماتقولش كده .. دول على فكرة مسلمين
- إيه ؟؟ .. هو دين محمد وصل لغاية هنا
- آه طبعا .. من زمان أوي .. بص الجوامع أد إيه .. واللي انت سامعه ده اسمه الأذان .. بينادوا عالناس وقت الصلاة عشان يصلوا
- الله ؟؟ .. أمال مالهم قاعدين كده ما بيتحركوش .. وعشرة عشرين واحد بس اللي داخلين الجامع
- آه .. أصل النهارده فيه ماتش .. واللي قاعدين دول بيتفرجوا عالماتش في القهوةhttp://forums.way2allah.com/images/smilies/36_1_36[1].gif
- ماتش ؟؟ .. إيه ده ؟؟
- دي فكرة حلوة من أفكار أخوك .. الناس بتحب الرياضة .. فيها حاجة دي ؟
- لأ مافيهاش
- أنا قعدت بقى أكبرها وانفخ فيها لحد مالناس بقت تحبها أكتر من الصلاة
- يابن الإيييييييه ؟؟ .. ده انت هتروح جهنمhttp://forums.way2allah.com/images/smilies/36_19_2[1].gif
- فال الله ولا فالك .. فقري طول عمرك
- بس ايه اللي مكتوب عالحيطان ده ؟؟ .. الإسلام هو الحل ؟؟ حل إيه ؟؟
- ما هو ده اللي انا جايبك عشانه
- طب نورني .. ايه الموضوع



في الحلقة القادمة ان شاء الله حنشوف ايه الموضوع
http://www.mo3afa.com/fasel/f11.gif

الله يبارك فيكى يارب
منتظرين الحلقة القادمة
بفارغ الصبر
وفعلا الاشكال على طيورها تقع
منتظرين الحلقة التانية
متااااااااااااااااااااابع

يريت الموضوع يتثبت بعد ازنكم

السلام عليكم

الله الموضوع جميل

وطريقة عرضه حلوة اوى

منتظرين الحلقات القادمة

جزاك الله خيرا

جزاكم الله خيرا وجعلة فى ميزان حسناتكم ان شاء الله

جزاكم الله خير علي الرد


وهاهي الحلقه الثانيه


الحلقة التانية
http://www.mo3afa.com/fasel/f13.gif



شوف يا سيدي .. بعد الأيام بتاعتكم المسلمين وصلوا للدنيا كلها وحكموا البلاد دي بالقرآن اللي جابه محمد
- أيوووووووه .. حكموا البلاد ديhttp://forum.mustafahosny.com/images/smilies/011y.gif
- آه امال ايه .. بس اخوك ما سكتش
- أيوه طمني كده .. عملت ايه بقى ؟؟
- فضلت ورا ناس منهم .. لغاية ما طلعت في دماغهم إن القرآن ده كان بتاع زمان بس .. وما ينفعش الزمان ده
- معقول ؟؟ وصدقوك ؟؟
- طبعا .. ومن يومها بطلوا يحكموا بالقرآن .. وفضلوا يحاربوا الناس اللي عايزة تحكم بالقرآن .. ويقولوا عليهم أسامي تضحك أنا اللي علمتها لهم .. رجعيين .. متخلفين .. متطرفين .. إرهابيين .. حوارات كده
- الله ينور عليك .. أهو كده الشغل الصح .. طب ليه بقى رجعوا يكتبوا الإسلام هو الحل عالحيطان
- أصل مع الوقت الناس اللي انا ربيتهم دول بقوا حرامية كبار أوي .. وسرقوا كل حاجة في البلد .. لحد ما ناس بقت مش لاقية تاكل ..http://forum.mustafahosny.com/images/smilies/frownn.gif
(يسمعوا صوت واحد بيصرخ .. الحقونيييييي .. هيموتونيييييييي)
أبو جهل - ايه ده ؟؟ .. تعال نخلص الراجل ده بسرعة ده بيستنجد بينا .. أنا جاااااااااااي
إبليس - بس بس رايح فين .. انت اتجننت وللا إيه ؟
- اتجننت ؟؟ .. انت مش سامع الراجل بيستنجد بينا .. دول بيسرقوه وهيموتوه .. ده واحد رافع عليه سيفhttp://forum.mustafahosny.com/images/smilies/marsa87.gif
- لا ما تقلقش .. ده عادي دلوقت دول عايزين يسرقوا حاجه منه اسمها الموبايل وده حاجه حكايتها حكايه هبقى اقلك عليها بعدين
- إيه اللي عادي .. ما حدش ينجده ؟؟
- آه .. ما هو أنا خليت الناس دلوقت تنسى حوارات النجدة والمروءة .. والوهم بتاعكوا بتاع زمان ده .. دلوقت لو واحد قعد ينادي على الدنيا كلها الناس ولا هاتعبره
- اخص على الناس .. ده انت بوظت الناس خالص يا جدع.
- أمال كنت فاكرني بالعب الكام ألف سنة اللي فاتوا دول .. شغل يابا
- وبعدين
- رجع الناس يفكروا تاني يحكموا بالقرآن .. وناس كتير طلعت تقول ان الإسلام هو الحل .. بس أنا كنت مظبط بقى شوية ناس يطلعوا في الفضائيات والجرايد فترة طويلة .. الناس وثقت فيهم وبقوا يصدقوهم .. وخليتهم يقولوا إن الإسلام ما ينفعش حل .. وخلينا نجرب فكر جديد وكلام من ده .. وادونا فرصة تانية
- يعني معقول فيه ناس لسه بتفكر يحكموا تاني بالإسلام .. زعلتني يا شيخ
- ما تقلقش .. أخوك شغال .. هم في الآخر اتفقوا يخلوا الناس هي اللي تحكم بينهم .. اللي تختاره الناس يمشي .. عشان كده كل فريق منهم بيعمل إعلانات لفكرته .. ومنها اللي مكتوب عالحيطان ده .. وبيسموا الشغلانة دي انتخابات
- طيب وانت ايه اللي مخليك مطمن أوي ان أغلب الناس مش هتختار الإسلام هو الحل
- لا طبعا .. هو الموضوع مش كده .. تعالى بس اوريك .. انا معزوم النهارده مع اصحابي على قعدة كده عشان نظبط موضوع الانتخابات ده
- وإيه الزحمة دي .. الناس دي كلها بتعمل ايه ؟
- ده واحد نازل الانتخابات وجايب الناس في الشادر ده عشان يقول لهم هيعمل ايه
- ده من بتوع الإسلام هو الحل وللا من اصحابك ؟
- لا ده ولا ده .. أصل فيه ناس تانية كتير مش عاجبها اللي عملناه في البلد .. وبيقولوا لازم نصلح البلد ومش شرط نقول الإسلام هو الحل لإن كل الناس مسلمين .. بس بيني وبينك اصحابي خايفين منهم أويhttp://forum.mustafahosny.com/images/smilies/sunshine1.gif عشان ناس نضيفة مش حرامية زيهم .. ياللا وصلنا اهوه
( يدخلوا فيللا فخمة .. يدخل ابليس ومعاه أبو جهل .. الناس بتبص لابو جهل ومستغربين من شكله .. مزمزة هانم تستقبلهم )
- أهلا أهلا إبليس بيه .. إيه اللي معاك ده ؟؟ .. لقيته فين ده ؟
- أهلا مزموزتي .. لا ده صاحبي عمرو .. بس هو كان رايح حفلة تنكرية وجبته على هنا وما لحقش يغير
- آآآآآآآآآآه .. تصدق ده انت فعلا شبه عبد الكعبة اللي كان في فيلم امبارح ..
- آه .. ماهو يبقى ابن اختي
- ابن اختك ؟؟ ههههههههه .. دمك خفيف أوي يا سي عمرو
- لمـّي إيدك يا ولية انتيhttp://forum.mustafahosny.com/images/smilies/ya--.gif .. .. انتي من أصحاب الرايات الحُمر وللا إيه ؟
- رايات ايه يا دلعدي .. حُمر ؟
ابليس – لا لا ما تاخديش على كلامه .. ده أصله شيوعي .. – عسل يا إبليس بيه .. عسل .. طول عمرك دمك زي العسل
ابليس – طب خلينا في موضوعنا .. الشلة وصلت وللا لأ .. كانوا قايلين لي عايزينـّي النهارده
- كلهم جوه .. مستنيينك من بدري
( يدخل ابليس وأبو جهل .. الناس يشوفوا دقنه وشكله يتخضوا .. ويلموا الورق اللي في إيديهم )
إبليس – ما تخافوش .. إيه ؟؟ .. ده عمرو صاحبي .. أمان يعني .. هو أنا يعني غشيم أجيب لكم حد كده وللا كده
- لا مؤاخذة يا بيسو .. احنا شفنا دقنه http://forum.mustafahosny.com/images/smilies/marsa84.gifقلنا إرهابي وواخدك رهينة وللا حاجة
- يا عبيط .. انتوا هتكدبوا الكدبة وتصدقوها .. مانتو عارفين ان ما حدش بيعمل كده .. المهم .. وروني عملتوا إيه .. إيه الجديد السنة دي
واحد - كتير .. البركة فيك يا ريس
التاني – شوف يا سيدي .. أنا اتفقت مع مقاولين أصوات ندفع للناس فلوس .. ويدونا صوتهم .. هنغريهم بمبالغ كبيرة أوي .. وموبيلات .. وأكل
إبليس – طب ولما ياخد الفلوس ويديهم صوته يا حدق .. هتعمل فيها ايه دي ؟
التالت – عييييييب .. معانا أهو ورق تصويت فاضي .. هادي له اللي متعلم عليها باسمي ويديني الفاضية اللي هياخدها من جوه
إبليس – معقول برضه .. مش بطال .. غيره
الرابع – شوف يا سيدي .. عملنا كشوفات بالناس اللي في شركاتنا وكل واحد طلع لهم ولعيلتهم آلاف البطايق في دايرته
إبليس – قديمة .. ما هو الناس اللي قصادنا كتير برضه وممكن عددهم يبقى أكتر مننا
الرابع – هههههههه .. ما هو احنا بوظنا الكشوفات اللي فيها الأسماء .. ما حدش هيعرف مكانه الجديد .. أي واحد يروح يدي صوته هيحتاس ونلففه على ميت لجنة لحد ما يزهق ويروح
إبليس – براوة عليك يا وله .. أهو كده الشغل وللا بلاش .. إيه رأيك يا عمرو
أبو جهل – لا والله ما هذا بالرأي .. الناس لو مخنوقة منكم فعلا هيفضلوا يدوروا لغاية ما يعرفوا لجانهم
التاني – أمال انت رأيك أيه يا فتك ؟
أبو جهل – ليس لهم إلا السيف .. ادبحوهم .. اسألوني انا
إبليس – اتنيل اسكت انت .. الكلام ده ما عادش ينفع .. ما تشوفوا لنا حاجة تانية يا جماعة .. فين أيام زمان لما كنا بنغير الصناديق
الخامس – ما هو الجماعة اللي جوه اللجنة دلوقت مش تبعنا .. وما نقدرش عليهم ياريس .. وممشيينها ميري أوي
إبليس – طيب .. على أي حال خلينا نشوف .. بيتهيألي احنا نجحنا فعلا نقنع الناس ان فيه تغيير وفكر جديد .. وطلعنا بطاقات كتير .. وشوية بالفلوس .. وما فيش حد أصلا هيروح يدي صوته ..
ومستنيكم في الحلقة القادمة ان شاء الله.. أما نشوف آخرتها

ههههههههههههههههههههه
حلقة مميزة جدااااااااا
متاااااااااااااااااااااابع

الحلقة الثالثة
http://www.mo3afa.com/fasel/f13.gif
انتهى الاجتماع بين إبليس وشلته .. وخلاص ماشيين
مزمزة هانم في وداع أبوجهل وإبليس .. أبو جهل يسأل إبليس
- على فين المرة ديhttp://forums.way2allah.com/images/smilies/36_19_2[1].gif
- تعال معايا .. هاسهرك سهرة عمرك ما سهرت زيها
- بس الوقت متأخر أوي .. الساعة عشرة بالليل
مزمزة – متأخر ؟؟ .. هههههه .. والله صاحبك ده تحفة أوي يا إبليس بيه .. هو احنا لسه سهرنا ؟؟ .. ده الناس يا دوبها بتصحى من النوم
إبليس – تعال بقى ما تفضحناش .. مش عايز تشرب لك كاسين ؟؟
أبو جهل – آه والله .. في عرضك .. ده انا دماغي خلاص هتضرب
مزمزة – هتروحوا على فين المرة دي ؟
ابليس – هنروح كاباريه (زأططة)http://forums.way2allah.com/images/smilies/36_1_36[1].gif .. خليه يشوف له يومين
مزمزة – زأططة حتة واحدة ؟؟ ده انت جامد أوي .. بس خللي بالك على صاحبك .. أحسن ده لقطة وممكن هناك يضحكوا عليه للصبح
إبليس – لا .. ده بيتهيألك بس .. سلام
مزمزة – سلام
ينزلوا في الشارع
عسكري المرور – مخالفة يا بيه خمسين جنيه عشان راكن صف تانيhttp://forums.way2allah.com/images/smilies/36_1_28[1].gif
إبليس – معلش بقى فوتها المرة دي
أبو جهل – إيه الموضوع ؟http://forums.way2allah.com/images/smilies/36_19_2[1].gif
إبليس – فيه قانون بيفرض غرامة على اللي يسيب العربية زينا كده
أبو جهل – طب وهتعمل إيه ؟؟
إبليس – ولا حاجة .. هاديله نصهم عشان يسيبنا نمشي
أبو جهل – بس دي رشوة .. أكيد مش هيرضى
إبليس – اسكت انت بس .. خليك في حالك .. خد يا حصـّول .. عشرة جنيه اهي .. عشان تشرب شاي
العسكري – إيه ده يا بيه .. لا .. خليها مش عايزها
أبو جهل – شفت ؟؟ .. مش قلت لك .. مش معقول هياخد رشوة
إبليس ( يبتسم للعسكري ) – ههههه .. طب خلاص .. عشرين اهم .. خلاص بقى يا دفعة
العسكري – تشكر يا بيه .. ما نتحرمشhttp://forums.way2allah.com/images/smilies/36_1_36[1].gif
أبو جهل – إخص على كده .. ياخد رشوة ؟؟
العسكري يبص لابو جهل – بتقول حاجة يا مولانا ؟؟
أبوجهل – باقول ان دي رشوة
العسكري – ياعم الحاج دي إكرامية .. وبعدين ما تقول الكلام ده للحرامية الكبار اللي مجوعينا ومنشفين دمنا .. يعني جت عليا انا ؟؟
إبليس (لأبو جهل) – ياعم انت ما تحبكهاش كده .. أنا مظبط الناس أوي .. تلميذك يا عموووورhttp://forums.way2allah.com/images/smilies/36_9_1[1].gif
أبو جهل – ألا هو احنا لازم نروح البتاع اللي بتقول عليه ده .. ما ينفعش نشرب في أي محل من دول ونروح .. أنا تعبان أويhttp://forums.way2allah.com/images/smilies/36_1_31[1].gif
- لا .. ما ينفعش .. أصل المسلمين بيحرموا الخمرة .. ولو شافونا سكرانين ممكن يضربونا
- يضربوا مين يا جدع .. خللي حد منهم يقرب مني وأنا أوريك هاعمل فيه إيهhttp://forums.way2allah.com/images/smilies/36_1_28[1].gif
- ياعم مش عايزين مشاكل .. خلينا نروح نسهر سهرتنا بمزاج .. أنا كمان لازم أقابل بقية الشلة هناك
يوصلوا زأططة .. المكان آآآآآآآآآآخر ...... زأططة .. يدخل إبليس ومعاه أبوجهل ..
أبوجهل يبص للمنظر .. الأنوار الحمرا .. والدخان الازرق .. والموسيقى الصاخبة .. ضحكات السكارى تتردد في كل مكان .. والرقص شغال .. ومش هنتكلم على اللبس .. آخر زأططةhttp://forums.way2allah.com/images/smilies/36_13_6[1].gif
أبو جهل يتردد في الدخول .. المكان شكله يخض .. يستقبلوه كام واحدة من تلاميذ مزمزة هانم .. بس متفوقين عيها شوية .. التفوق حلو برضه
- أهلاااااااان .. إبليس بيه .. من زمان ما جيتش يا راجل
- كده برضه .. احنا زعلناك في حاجة
- ومين صاحبك ده .. شيك أوي اللبس اللي انت لابسه ده
اتنين يا خدوه بعيد عن إبليس .. يقوموا معاه بواجب الضيافة
أبوجهل (دماغه لفـِّت) – إيه الجمال ده .. تصدقوا انتم بتفكروني بدار بن جدعان (خمارة كانت في مكة أيام الجاهلية)
- دار مين .. ؟؟ .. انت شكلك كده من دولة عربية
- طبعا .. أنا من قريش
- قريش .. والله دمك زي العسل .. تشرب ايه بقى .. ؟؟
- ممكن اشرب لي كاسين خمرة ؟؟
- طبعا .. بس كده .. هنا فيه كل حاجة
- كل حاجة ؟؟ .. بس يعني لو المسلمين عرفوا مش هيعملوا لي حاجة ؟
- حاجة إيه ؟؟ .. ما كلنا مسلمين وموحدين بالله .. إنت إيه حكايتك بالضبط ؟؟
- نعم ؟؟ .. كلكم مسلمين ؟؟ .. أصل يعنييييييييي .. إبليس بيه قاللي كلام يخوف .. وإن المسلمين مش بيشربوا خمرة .. وممكن يضربونا .. وحوارات كده
- لا لا .. دي نقرة ودي نقرة .. وبعدين احنا شغلتنا كده .. أكل عيشنا .. وربنا يتوب علينا بقى .. إنت هتقلب لنا الليلة عكننة ليه .. ؟؟
إبليس ييجي
- إيه بس يا جماعة .. فيه إيه ؟
- صاحبك ده غريب أوي .. هو أول مرة ييجي عندنا وللا إيه ؟؟ ..
- معلش معلش .. آخر مرة .. فضحتني منك لله .. ماتعيش حياتك يا أخي وخلاص .. لزومه ايه كتر الكلام
- مش انت اللي قلت لي الخمرة حرام
- طيب .. بس .. بس .. تعالى عشان عايز اعرفك على بقية الشلة
يقعدوا مع أربعة من اصحاب ابليس بيه .. يظبطوا عشان بكره الانتخابات
نتابع الحلقة القادمة ان شاء الله
ابقو معنا

والله انا باقى معكم
الحلقات دى جميلة اوى
بجد موضوع رائع بس انتى الى بتكتبى الحلقات دى ولا نقلاهم؟؟؟
متاااااااااااااااااااااااااااااااااااااااااااااااا اااااااااااااااااااابع

السلام عليكم
حقيقى يعجز اللسان عن الاتيان برد يليق بقيمة هذا الموضوع
حقيقى جزاكى الله خيرا

ما شاء الله موضوع جميل جدا
صحيح نص الكلام مفهمتوش
بس اكيد الخلل من عندي:d
جزاكي الله كل خيرا
وياريت الموضوع يتثبت علشان نشوف ابليس ليه نهايه ولا هيفضل كده

شكرا على الموضوع

اية يا رولا فين الحلقة
مستنين اهوة

جزاكم الله خير علي الردود وبالنسبه ليك يا اخ صوت الامه انا كتبت في اول الحلقه ان الموضوع منقول وجزيتم خيرا علي الرد

الحلقه الرابعه
http://www.mo3afa.com/fasel/f13.gif
واحد – والله يا إبليس بيه مش عارفين نودي جمايلك فين .. خيرك مغرقني والله يا باشا
إبليس – انت بالذات ما تتكلمش .. مش انت بعد كل اللي عملته معاك السنين اللي فاتت .. رحت لك المكتب لقيتك معلق لي لوحة كاتب عليها ( هذا من فضل ربي ) .. ده جزاتي ؟؟http://forums.way2allah.com/images/smilies/36_1_28[1].gif
نفس الواحد – ههههههه http://forums.way2allah.com/images/smilies/36_11_6[1].gif.. انت زعلت ياراجل .. لالا مالكش حق .. وبعدين دي كانت جاية لي هدية من واحدة عزيزة عليا أوي .. وما قدرش اكسفها
التاني – شوف بقى سعادتك .. احنا ظبطنا كل حاجة .. وآدي البطايق اللي عملناها للناس بتوعنا .. اسمنا احنا الاتنين فيها اهو .. ووزعناها على ناس كتير أوي
الأول – ودول البودي جاردز بتوعنا .. كل واحد سلاحه معاه .. واللي هيقف في سكتنا هيخلصوا عليهhttp://forums.way2allah.com/images/smilies/36_6_7[1].gif
أبو جهل – أهو كده الشغل .. أنا معاكم يا رجالة .. وسلاحي جاهز .. وهاقف معاكم بكره
الأول – انت ما عرفتناش على صاحبك يا باشا .. مش تعرفنا
إبليس – ده عمرو صاحبي .. خبير في مكافحة الإرهاب .. خبرة سنين طويلة جدا .. جبته عشان يساعدنا اليومين دول
التاني – إيه العظمة دي .. ميه ميه .. نشرب بقى في صحة الإرهاب .. هاهاهاهاهاhttp://forums.way2allah.com/images/smilies/36_11_6[1].gif
يشربوا كلهم
الأول – خلاص بقى .. انت معايا من بكره يا عمرو بيه .. إيه رأيك تكون مرافق ليا ؟
أبو جهل – خلاص أنا معاك .. كلام رجالة
الأول – طب يا جماعة .. هاستأذنكم أنا .. أشوفكوا بكره بقى .. في صحتكم وفي صحة بكره
صوت الراقصة عالي جدا .. أبوجهل قاعد يصقف على الإيقاع .. شوية شوية وهيقوم يرقص .. الراقصة تلاحظ حماسه .. تغمز له بعينها وتغني
http://forums.way2allah.com/images/smilies/36_3_11[1].gif

والعب العب العب .. آه ياسيدي
العب لعب العب .. آه يا عيني
http://www.mo3afa.com/fasel/f40.gif

(أبو جهل يوطي على إبليس ) – بتقوللي انا ؟؟ أنا العب ؟؟
إبليس – لا لا .. ده الأغنية بتقول كده .. أقعد يا اخي
أبو جهل يقوم – سيبني يا عم .. دي بتقوللي انا .. أنا هاروح العب
إبليس – ياعم اقعد بقى .. هابقى اخليك تلعب .. بس بعدين بعدين
أصحاب إبليس ميتين على روحهم من الضحك http://forums.way2allah.com/images/smilies/36_11_6[1].gif.. وأبو جهل يبص لأبليس بغيظ ..http://forums.way2allah.com/images/smilies/36_1_28[1].gif ويقعد
يشربوا كاسين .. وعقدة اللسان تتحل شوية شوية
التاني (بيتكلم على المرشح زميله) – ياساتر .. الجدع ده حقنة .. أهو خلع اهه .. بص بقى يا إبليس بيه .. أنا اتخنقت من الجدع ده .. وبصراحة هو اللي هيخسرني لو فضلت معاه .. وانا مش صارف عشرة مليون عشان اخسرhttp://forums.way2allah.com/images/smilies/36_1_38[1].gif
ابليس – ياعم استحمله .. هو حقنة فعلا .. بس اصحابك اللي حاطينه .. نعمل لهم ايه .. عندك حل تاني ؟
التاني – آه .. شوف .. مش ده الورق اللي ورا هولك فيه اسمنا احنا الاتنين
إبليس – آه
التاني – شوف الورق ده .. ده فيه اسمي مع مرشح تاني .. كده ممكن اكسب .. ونقلب الجدع البارد ده .. أنا عارف اختاروه على ايه
أبو جهل – تقلبه يعني إيه ؟
التاني – نقلبه ياعم .. نزحلقه .. هو كان من بقية أهالينا
أبوجهل – يعني هتقول لأصحابك يختاروك انت وواحد تاني غيره
التاني – عليك نووووووورhttp://forums.way2allah.com/images/smilies/36_1_55[1].gif
أبو جهل – بس انا اديت الراجل كلمة اني اقف معاه .. دي تبقى خيانة
التاني – إيه ؟؟ خيانة ؟؟ .. انت هتديني درس في الأخلاق .. انت معايا وللا معاه ؟؟
أبو جهل – لا واللات والعزى .. لا تحدث العرب أني حنثت بوعدي أبدا
التاني – هاهاهاهااااااااااي .http://forums.way2allah.com/images/smilies/36_11_6[1].gif. حلوة .. بقولك ايه .. ماتبقاش تشرب كتير بعد كده .. انت شكلك كده مش قد الحاجات دي
أبو جهل – إيه ده يا إبليس .. فيه كده ؟http://forums.way2allah.com/images/smilies/36_19_2[1].gif
إبليس – أمال يا بني .. انت لسه شفت حاجة ؟؟ .. ده انا عندي حاجات تشيب .. ياللا بينا مش عايزين نسهر اكتر من كده .. لازم نصحى بدري بكره
أبو جهل – أحسن والله .. المكان ده موبوء .. أنا اتخنقت منه
يروحوا البيت قرب الفجر .. إبليس ينام ويشخر .http://forums.way2allah.com/images/smilies/36_1_50[1].gif. أبوجهل مش جاي له نوم .. أول مرة يسافر بعيد كده ومش واخد عالغربة
يسمع الأذان .. يبص عالجامع .. مافيش حد رايح الجامع .. كل شوية واحد يدخل .. تمن تسع تنفار بالكتير .. يبتسم في رضا .. أهوكده الشغل وللا بلاش .. خليه يدّن في مالطة
يحاول ينام .. بعد شوية يسمع أصوات في الشارع .. يبص من الشباك
شباب كتير خارجين من الجامع .. معاهم لوحات .. إيه اللي مكتوب عليها ده .. الإسلام هو الحل .. تااااااني ؟؟ .. كانوا فين دول ؟؟ بايتين في الجامع وللا إيه ؟؟
يحاول يسمع اللي بيقولوه .. كانوا بايتين في الجامع فعلا .. سهرانين طول الليل بيجهزوا الدعاية .. ويصلوا ويدعوا ربنا .. شكلهم فعلا ما ناموش .. يصحّى إبليس http://forums.way2allah.com/images/smilies/36_1_25[1].gif
أبو جهل – إصحى يا جدع انت .. اصحى .. أصحاب محمد تحت اهم
إبليس – فيه ايه يا أخي ؟؟ http://forums.way2allah.com/images/smilies/36_1_50[1].gif.. بتصحيني من عز النوم ليه
أبوجهل – أصحاب محمد تحت أهم .. بص شكلهم عامل ازاي .. دول شبه اللي كانوا عندنا في مكة بالضبط .. اعمل أي حاجة .. هتسيبهم كده
إبليس – اطمن انت بس .. مش قلت لك كل شيء محسوب حسابه .. نام انت والصباح رباحhttp://forums.way2allah.com/images/smilies/36_1_50[1].gif
أبو جهل – أنام ازاي .. بص بيسلموا على بعض ازاي .. دول شكلهم بيحبوا بعض أوي .. انت ازاي سايبهم كده .. ؟؟ .. انا هاخد السيف وانزل لهمhttp://forums.way2allah.com/images/smilies/36_1_28[1].gif
ابليس – سيف ايه بس بلاش فضايح .. سيبهم لي وانا هاتصرف .. انت تتفرج بس .. نام بقى
أبو جهل – طيب هانام .. أما نشوف آخرتها
http://forums.way2allah.com/images/smilies/36_1_50[1].gif
http://www.mo3afa.com/fasel/f11.gif
وخلينا سوا نشوف آخرتها الحلقة الجاية ان شاء الله .. ابقوا معنا

مشكورة
منتهى التشويق و الإثارة
و نعم اختيار الموضوع
مسرحية جميلة و الصراع بدأ و ربنا يسهل
أحسنت و بارك الله فيك وعليك

السلام عليكم ورحمة الله وبركاته





الحلقة الخامسة
http://www.mo3afa.com/fasel/f13.gif
سبنا أبو جهل وصديقه إبليس نايمين .. صحيوا متأخر من الهباب اللي كانوا بيشربوه طول الليل
إبليس – إبو الحكم .. أبو الحكم .. إصحى .. قوم
أبو جهل – عايز ايه يا إبليس .. ما تسيبني أنامhttp://forums.way2allah.com/images/smilies/36_1_50[1].gif شوية يا أخي
إبليس – يا عم قوم .. اتأخرنا قوي .. ورايا كام مشوار مهمين
أبو جهل – طيب طيب .. هاقوم اهه
ينزل أبو جهل وإبليس .. أبو جهل يسترعي انتباهه البوسترات الكبيرة بتاعة المغنيات .. والراقصات .. وكل حاجة في آخرها آآآآآآت
http://forums.way2allah.com/images/smilies/36_1_36[1].gif
أبو جهل – صور مين دول يا إبليس .. ومين اللي صورهم قبل ما يلبسوا كده ؟
إبليس – يا أخي انت هتفضل متخلف كده على طول .. أولا دي صورهم وهم لابسين .. هم هدومهم .. كده .. ثانيا دول يابني نجوم المجتمع .. الشباب ممكن يقعدوا يسمعوهم ساعتين تلاتة عشرة يرقصوا ويغنوا مافيش مشاكل
أبو جهل – مسلمين برضه ؟http://forums.way2allah.com/images/smilies/36_19_2[1].gif
إبليس – طبعا امال ايه .. مش قالوا لك دي نقرة ودي نقرة ؟؟
أبو جهل – طب سؤال أخير .. الله يخليك
إبليس – إسأل .. بس بلاش أسئلة غبية
أبو جهل – أنا أصلي ما شفتش حد خالص من يوم ما جيت بيقرا قرآن .. هو القرآن ملغى السنة دي ؟؟http://forums.way2allah.com/images/smilies/36_19_2[1].gif
إبليس – لا يا غشيم .. أنا خليت الناس تحب الأغاني دي قوي .. فماحدش منهم بقى عنده مزاج يقرا قرآن ولا يسمعه حتى
أبو جهل – أصل محمد(صلى الله عليه وسلم) وأصحابه ما كانش ليهم شغلانة غير قراية القرآن .. لما خلوا الواحد مش عارف يعيش في مكة .. ده المسلمين الزمان ده احسن كتير بصراحة .. الله ينور يا إبليس يا حبيبي
إبليس – وعليك يا باشا
ماشيين في أمان الله .. فجأة ة من ناحية اليمين كاسرة الإشارة ومنطلقة بأقصى سرعة .. السائق بيدوس فرامل بشدة وراح لابس في ة الغلابة أبو جهل وإبليس
ينزل السائق .. يشتم بكلام بذئ جدا .. وينهال بالضرب على أبي جهل المذهول من الموقف http://forums.way2allah.com/images/smilies/36_19_2[1].gif.. وإبليس يحاول يخلصه .. والناس واقفة تتفرج
السائق – انت حمار ؟؟ .. انا نفسي اعرف مين ابن .... اللي علمك السواقة .. الله يخرب بيت ...http://forums.way2allah.com/images/smilies/36_1_28[1].gif.
إبليس – انت اللي غلطان وكاسر الإشارة .. وكمان بتشتم ؟؟
السائق – أقسم بالله العظيم .. أقسم بعزة جلال الله .. انت اللي غلطان .. إنت اللي كاسر الإشارة .. انت ما بتشوفش يا بهيم انتhttp://forums.way2allah.com/images/smilies/36_6_7[1].gif
أبو جهل – وبتحلف كذب يا راجل انت ؟؟ يعني غلطان وتحلف كذب ؟؟
(يميل على إبليس) - مسلم ده برضه ؟؟
إبليس – آه طبعا .. انت مش شايفه بيحلف بالله ؟
أمين الشرطة يقرب منهم .. الراجل السواق راح غامزه ببريزتين ..
أمين الشرطة لإبليس – انت اللي كنت سايق ؟؟ .. رخصك لو سمحت
إبليس – رخصي ليه ؟؟ .. ده هو اللي كاسر الإشارة وغلطانhttp://forums.way2allah.com/images/smilies/36_19_2[1].gif
العسكري – انت هتشوف احسن مني .. وللا هتعلمني شغلي
أبوجهل لأمين الشرطة – ياراجل انت .. أنا شايفه بيديك فلوس .. انت مسلم انت ؟؟ .. بتشهد زور يا مفتري ؟؟http://forums.way2allah.com/images/smilies/36_1_28[1].gif
أمين الشرطة – إنت كمان هتقل أدبك ؟؟ .. طب بطاقتك بقى .. أنا هاعمل لك محضر تعدي
ابو جهل يضرب كف على كف ويقول لإبليس – ياعم هي الناس جرالها ايه ؟؟ رجعني بلدنا احسن .. أنا بصراحة مش مصدق اللي باشوفه ده
إبليس يحاول يتصل من الموبيل .. الموبيل مش بينطق .. ورطة
أمين الشرطة للسائق – طلباتك يا باشا
السائق يشاور لأبوجهل – لا .. ولا حاجة .. أنا هاسيبهم عشان خاطر الشيخ ده بس .. بس يبقوا يخلوا بالهم وهم سايقين بعد كده
يمشي أبو جهل وإبليس .. إبليس هيتجننhttp://forums.way2allah.com/images/smilies/36_1_28[1].gif
إبليس – حاجة تجن .. أنا ما علمتهمش كده أبدا .. نفسي اعرف مين الشيطان اللي معاه ده أشوف ازاي يعلمه المسخرة دي .. وكمان الموبيل .. لسه شاريه امبارح .. مهنج ومش عايز يشتغل .. تعال نروح نشوف ايه حكايته
http://forums.way2allah.com/images/smilies/36_11_6[1].gif
http://www.mo3afa.com/fasel/f40.gif
يدخلوا محل الموبيلات .. محل محترم جدا .. بائعة على سنجة عشرة .. تستقبله بابتسامة ساحرة
http://forums.way2allah.com/images/smilies/36_3_11[1].gif
البائعة – سباح الخييييير .. تهت أمركhttp://forums.way2allah.com/images/smilies/36_1_36[1].gif
إبليس .. بغيظ – الموبيل ده أنا اشتريته من هنا امبارح .. ما بيشتغلش
البائعة تجرب الموبيل – آه .. سحيح .. ده مش بيشتغل .. ليه كده ؟؟
إبليس – هو إيه اللي ليه كده ؟؟ .. مش انتوا اللي بايعينه
البائعة – أسلي باكون موجودة السّبح بس .. (تغمز لابوجهل) .. بعد الدهر ورايا شغل تاني .. هي هي هي .. استنوا زميلتي بتاعة بالليل
إبو جهل لإبليس – إيه ده يا بيسو .. هي تبع مزمزة هانم وللا إيه ؟؟http://forums.way2allah.com/images/smilies/36_19_2[1].gif
إبليس – يا اخي احنا ف إيه وللا ف إيه دلوقت .. بصي يا ست انتي .. أنا مش هاستنى لبالليل .. الموبيل ده من عندكم .. افتحيه وشوفي الشريحة .. انتي مش عارفة الأرقام اللي تبعكم ؟؟
البائعة ترتبك http://forums.way2allah.com/images/smilies/36_1_25[1].gif– لا لا ما تفتحوش .. ممكن تخسر الدّمان
إبليس – ضمان ايه وبتاع ايه .. افتحيه ومالكيش دعوة .. مش عايز ضمان
تفتح الموبيل .. الموبيل مصدي من جوه .. وشكله مستعمل بقاله عشر سنين
إبليس – ياحرامية يا غشاشين .. الموبيل ده انا شاريه جديد .. إنتم بدلتوه في الخباثةhttp://forums.way2allah.com/images/smilies/36_1_28[1].gif
البائعة تردح له – باقول لك ايه ياجدع انت .. هو إيه تلاقيح الجتت ده .. انت هتتبلي عليا وللا ايه ؟؟ .. انت هتغور من هنا وللا اعمل لك محضر انك بتتهجم عليا ؟؟http://forums.way2allah.com/images/smilies/36_1_28[1].gif
إبليس – أنا جيت جنبك يا ولية انتي ؟؟http://forums.way2allah.com/images/smilies/36_19_2[1].gif
البائعة تصرخ – يالهويييييييييي .. الحقونييييييييييي . حرامييييييييييييي
إبليس وأبو جهل يجروا بره المحل .. يركبوا الة .. ويا فكييييييييييك
إبو جهل – ههههههههه http://forums.way2allah.com/images/smilies/36_11_6[1].gif.. والله برافو عليك يا إبليس .. فعلا عامل شغل ميه ميه
إبليس – المشكلة ان انا مش قادر احصل الناس دول .. كل ما افكر في حاجة شيطانية ألاقيهم سبقوني
يوصلوا منطقة شعبية .. حالتها صعبة أوي .. بؤس وفقر ومجاري .. حاجة فظيعة
أبو جهل – يا ساتر .. ايه القرف ده .. ايه المكان ده يا إبليس ؟
http://www.mo3afa.com/fasel/f11.gif
نتابع في الحلقة القادمة ان شاء الله

متااااااااااااابع
ان شاء الله

أبو جهل رأس الكفر يتعجب من حال المسلمين ( رشوة - محسوبية -قلة ضمير ..........إلخ )




أبليس الفاسق يؤكد أن دهاء البشر غلبه

البائعة تردح له – باقول لك ايه ياجدع انت .. هو إيه تلاقيح الجتت ده .. انت هتتبلي عليا وللا ايه ؟؟ .. انت هتغور من هنا وللا اعمل لك محضر انك بتتهجم عليا ؟؟http://forums.way2allah.com/images/smilies/36_1_28[1].gif
إبليس – أنا جيت جنبك يا ولية انتي ؟؟http://forums.way2allah.com/images/smilies/36_19_2[1].gif
البائعة تصرخ – يالهويييييييييي .. الحقونييييييييييي . حرامييييييييييييي
إبليس وأبو جهل يجروا بره المحل .. يركبوا الة .. ويا فكييييييييييك
إبو جهل – ههههههههه http://forums.way2allah.com/images/smilies/36_11_6[1].gif.. والله برافو عليك يا إبليس

لا حول و لا قوة إلا بالله
مشكورة .....
على الطرح الجيد!!!!!!

بجد
يوميات شيقه وجميله
والحلقات كلها اجمل من بعض
جزاكى الله كل خيرااااااااااااااااااااااااااااااااااااااااااااااا اااا
وجعله الله لكى فى ميزان حسناتك

جزاكم الله خير علي الردود الجميله

الحلقة السادسة

أبو جهل – يا ساتر .. ايه القرف ده .. ايه المكان ده يا إبليس ؟http://forums.way2allah.com/images/smilies/36_11_20%5B1%5D.gif
إبليس – أنا ليا واحد صاحبي هنا .. واخد توكيل توزيع البانجو في البلد .. ولازم كل ما آجي اطمن عليه
أبو جهل – بس الناس دي عايشة هنا ازاي كده .http://forums.way2allah.com/images/smilies/36_19_2%5B1%5D.gif. امال الحتة اللي كنا فيها امبارح كانت نضيفة أوي .. معقول دي بلد واحدة
إبليس – آه طبعا .. بس حبة فوق وحبة تحت .. مش قلت لك ان اصحابي الحرامية الكبار سرقوا البلد http://forums.way2allah.com/images/smilies/36_6_7%5B1%5D.gif.. أخدوا فلوس الناس دول وسكنوا في حتت نضيفة ومحترمة ودول بقى عايشين في الفقر ده
أبو جهل – أنا باعمل كده بصراحة .. وكتير كنت باكل على الناس فلوسها .. واشغلهم بالسخرة .. واللي يتكلم يبقى يا ويله .. بس ماكنتش فاكر المسلمين برضه كده .. انت عارف ابوبكر صاحب محمد(صلى الله عليه وسلم)؟؟
ابليس – ابن أبي قحافة ؟؟ .. ياااااه انا ما باكرهش في الدنيا دي قدهhttp://forums.way2allah.com/images/smilies/36_1_25%5B1%5D.gif
أبو جهل – أهو انت عارف أبو بكر ده ؟؟ .. مرة اشترى تلات عبيد من فلوسه عشان كنا بنعذبهم عشان يكفروا بدين محمد (صلى الله عليه وسلم)
ويرجعوا لديننا .. مع ان العبيد دول ولا هينفعهوه بحاجة
إبليس- لا اطمن .. دلوقت أنا ظبطت الناس أوي .. ماحدش بيخدم حد غير لما يكون عنده مصلحة .. عايز منه حاجة .. مافيش حاجة ابدا لوجه الله

يلمح أبوجهل مجموعة من الشباب .. لابسين تي شيرتات مكتوب عليها صناع الحياة .. واقفين وحواليهم مجموعة من الأهالي .. يقرب منهم هو وإبليس
واحد من الفريق – وياريت يا جماعة نحاول نخلص النهارده ان شاء الله .. الموضوع محتاج جهد جامد .. بس انتم شايفين الوضع صعب ازاي من غير مَيـّهhttp://forums.way2allah.com/images/smilies/36_9_1%5B1%5D.gif
أحد الأهالي – ربنا يوفقكم يا بني .. والله أهل الحتة كلها بيدعوا لكم .. مش عارفين نشكركم ازايhttp://forums.way2allah.com/images/smilies/36_3_11%5B1%5D.gif
واحد من الفريق – يا حاج ما تقولش كده .. احنا محتاجين الثواب أكتر مانتم محتاجين الميه .. احنا اللي بنشكركم انكم اديتونا الفرصة دي .. والناس لبعضيها برضه
أبو جهل يقرب منهم – هو فيه إيه .. بتعملوا ايه هنا ؟؟http://forums.way2allah.com/images/smilies/36_19_2%5B1%5D.gif
واحد من الفريق – إحنا يا عم الحاج جايين ندخل الميه الحلوة للمنطقة .. لإنها عشوائية والناس بتشرب ميه ملوثة .. واحنا جمعية خيرية وبنحاول نساعد الناس قد مانقدر
أبو جهل – وهتاخدوا منهم كام في الشغلانة دي ؟؟http://forums.way2allah.com/images/smilies/36_19_2%5B1%5D.gif
واحد من الفريق – لا .. أهل الخير كتير .. ناس اتبرعت بالمواد .. وناس خلصت لنا الإجراءات في الحي .. واحنا هنعمل أقل حاجة .. هنوصل المواسير للبيوت
أبو جهل يبص لإبليس بغيظ –http://forums.way2allah.com/images/smilies/36_1_28%5B1%5D.gif إيه يا إبليس العيال دول ؟؟ .. انت مش قلت لي انك ظبطت الناس .. وكله بالمصالح وماحدش بيخدم حد ؟؟
إبليس (بخزي) – بس بس ما تحسرنيش .. أنا عايز الأرض تنشق وتبلعني .. بس سيبك انت .. انا هاشتغل عليهم دلوقت .. هأخلي كل واحد منهم نيته تتغير .. وبدل ما بيشتغل لله يقعد يستنى نظرات الإعجاب من الناس .. يتعب بقى زي ما يتعب .. في الآخر ولا حسنة واحدة .. سيبني بس أركزhttp://forums.way2allah.com/images/smilies/36_1_36%5B1%5D.gif
رئيس الفريق للمجموعة – طيب يا جماعة اسمحوا لي .. قبل ما نبدأ الشغل بس كل واحد يجدد نيته .. ويحتسب أجره عند الله سبحانه وتعالى .. انتم عارفين الشيطان بيجري من ابن آدم مجرى الدم .. استعيذوا بالله من الشيطان الرجيم .. ياللا توكلوا على الله
إبليس يتضاءل جدا .. يصغر .. يصغر .. يصغر من الاستعاذة بالله .. أبو جهل يبعد من المكان بأقصى سرعة وهو في قمة الغضب .. ينطلق صوت الأذان .. صوت عذب وجميل جدا

الله أكبر الله أكبر الله أكبر الله أكبر
أشهدأن لا إله إلا الله
أشهد أن محمدا رسول الله



الشباب يسيبوا اللي في إيديهم ويتجهوا أفواج للمسجد .. ابتسامة جميلة على وجوههم .. الابتسامة اللي أبو جهل بيكرهها .. وبتفكره بأصحاب محمد .. الأهالي يتجهوا للمسجد بأعداد كبيرة .. ينفجر من شدة الحسرة والغضب .http://forums.way2allah.com/images/smilies/36_1_28%5B1%5D.gif. إبليس يرجع وياخده بسرعة عشان يهربوا من المكان .. يروح يلاقي مفاجأة سارة في انتظاره
العربية اتسرقت .. تلاميذه شغالين كويس .. الحمد لله .. الدنيا بخير .. ههههههههhttp://forums.way2allah.com/images/smilies/36_11_6%5B1%5D.gif

يتبع ان شاء الله

متابع ان شاء الله

شكرا علي الموضوع

من حفر حفرة وقع فيها
التمسك بالدين و العمل به
بداية الطريق للصلاح
ربنا معانا وتنتهى المسرحية
بانتصار الخير على الشر
متابعة
مشكووووووووووووووورة

و الله و الله و الله يا أختت رولا فوق الممتازة

و تعبيراتك رائعة

بارك الله فيك و نفع بك الإسلام

و الله و الله و الله يا أختت رولا فوق الممتازة

و تعبيراتك رائعة

بارك الله فيك و نفع بك الإسلام







جزاك الله خير علي الرد بس ده مش كلامي انا مجرد اني بنقله بس

الحلقة السابعة

http://www.mo3afa.com/fasel/f13.gif
سبنا أبو جهل وإبليس وهم دايخين في الشارع بعد ما عربية إبليس اتسرقت .. إبليس هيتجننhttp://forums.way2allah.com/images/smilies/36_11_20[1].gif لإنه مش عارف يتصرف أو يتصل بأصحابه لإن الموبيل عطلان .. أبوجهل مابين انه فرحان جدا بأخلاق المسلمين البايظة .. وبين انه متضايق عشان حركة العربية
إبليس مش عارف يتصرف .. الشباب حسوا ان فيه مشكلة .. توجهوا لمساعدتهم
واحد (يوجه الحديث لأبو جهل) – خير ان شاء الله يا حاج .. فيه حاجة ؟؟
أبوجهل – العربية اتسرقت .. أنا مش عارف ايه اللي بيحصل في البلد دي
واحد ( يحس بلكنة غريبة في كلام أبو جهل .. يفتكره سايح ) – لامؤاخذة يا حاج والله .. حاجة تكسف .. حضرتك بس اتفضل معانا نصلي سوا .. ونحاول نتصرف بعد الصلاة ان شاء الله .. اتفضل اتفضل
بقية الشباب – أيوه .. نصلي سوا وربنا يحلها ان شاء الله
أبو جهل ( يبص لإبليس ) – لأ .. أصل .. يعنييييييييhttp://forums.way2allah.com/images/smilies/36_19_2[1].gif
إبليس يختفي فجأة .. فص ملح وداب .. وأبو جهل يلاقي نفسه مدفوع دفعا للجامع .. يدخل مع الشباب .. ويروح على الحمام فرارا من الصلاة .. لحد ما الصلاة تخلص
واحد من الشباب .. يسلم على أبو جهل بعد الصلاة – تقبل الله يا حاج .. أمال فين الأستاذ اللي كان مع حضرتك ؟؟
أبو جهل – ده صلى وطلع على طول بعد الصلاة .. موضوع العربية شاغله أوي
واحد تاني – ولا يهمك .. إن شاء الله نتصرف .. ياللا بينا
أبو جهل يدور على حذائه .. يدور .. يدور .. يدور .http://forums.way2allah.com/images/smilies/36_1_38[1].gif. حزروووووووووا حصل إيه .. أيوه بالضبط كده .. مع الأسف الشديد .. جزمته اتسرقت .. إخص على كده
أبو جهل – إيه يابني ده .. معقول الجزمة تتسرق في الجامع ؟؟ .. معقول ؟؟ هم المسلمين دلوقت بقوا كلهم كده ؟؟
الشباب في نص هدومهم .. واحد منهم يتطوع بحذائه عشان الراجل الغريب
– معلش والله يا حاج .. مش عارفين نقولك ايه .. للأسف بعض الناس بتسيء للإسلام جدا .. ربنا ينتقم منهم .. اتفضل حضرتك .. البس الجزمة دي وان شاء الله تطلع على مقاسك
أبو جهل ياخد الحذاء وهو مضطر .. يلبسه ويطلع .. ياخد إبليس على جنب ويمسك فيه
أبو جهل – وكمان يسرقوا جزمتي .. لااااااا .. ده انت زودتها أويhttp://forums.way2allah.com/images/smilies/36_1_28[1].gif
إبليس – معلش .. جت فيك يا عمور .. أصل جزمتك غالية .. لقطة بقى .. هههههههه .http://forums.way2allah.com/images/smilies/36_11_6[1].gif. انت عارف .. أنا حرّمت ناس كتير أوي يخشوا الجوامع بسبب المواضيع دي .. واللي بيصلي مابقاش عارف يركز في الصلاة وللا يبص على الجزمة
أبو جهل – المهم .. هنعمل إيه دلوقت في موضوع العربية
إبليس – أمرنا لله بقى .. نشوف الشباب دول يساعدونا
يوجه كلامه للشباب – نروح نبلغ البوليس .. وللا نعمل ايه في موضوع العربية ده ؟؟http://forums.way2allah.com/images/smilies/36_19_2[1].gif
واحد من أهل المنطقة – إزاي بقى .. ده انتم ضيوفنا .. سيبنا احنا نتصرف ونجيب العيال اللي سرقوا العربية دول من تحت الأرض
شوية كده .. ويظهر واحد معلم كبير من أهل المنطقة .. ومعاه عيلين .. ينزل فيهم ضرب
المعلم – فين ياد انت وهو الوله زقزوق
ولد منهم – آآآآي .. والله ما عرف يا معلم .. آآآآآآآآآي .. قفايا ورم حرام عليكhttp://forums.way2allah.com/images/smilies/36_1_4[1].gif
المعلم – اوع تكون فاكر نفسك عند الحكومة وهنطبطب عليك .. ده انا هاعلقك هنا لو ما جبتليش الواد ده في ساعة تاريخه
الولد – آآآآآىي .. حاضر يا معلم .. هاجيبه .. هاجيبه
إبليس لإبو جهل – يا نهار اسود .. زقزوق ؟؟http://forums.way2allah.com/images/smilies/36_19_2[1].gif
إبو جهل – انت تعرفه ؟
إبليس – أيوه .. ماهو ده صاحبي اللي كنت جاي له
أبو جهل – أيوه .. كده صح .. ماهو انت هتعرف مين غيره ؟؟ .. بس برافو عليك .. عرفت تربي
أبليس – أربي .. ده انا هاديله جـِـزا .. مالقاش غير عربيتي يسرقها
إبو جهل – عشان تحرم تسلط اصحابك على جزمتي
شوية كده وتظهر العربية .. والمعلم الكبير يعتذر لإبليس
المعلم – لا مؤاخذة ياباشا .. عربية سعادتك سليمة اهي .. والواد زقزوق تاويناه .. وآخر مرة ياباشا
إبليس – شكرا يا معلم .. أنا مش عارف من غيرك كنت هاعمل ايه
ينطلق إبليس وأبو جهل بالعربية .. فجأة أبو جهل يحس بآلام شديدة في بطنهhttp://forums.way2allah.com/images/smilies/36_1_31[1].gif
أبو جهل – بطني .. آآآآآآه .. إلحقني يا إبليس .. مغص جامد أوي
إبليس – سلامتك يا أبا الحكم .. مالك .. فيه إيه ؟؟
أبو جهل – سكاكين http://forums.way2allah.com/images/smilies/36_6_7[1].gifبتقطع في بطني .. ألم رهيب
إبليس – طيب .. نطلع على المستشفى حالا
يطلعوا على مستشفى خاص جدا .. جدا .. جدا .. واستثماري جدا .. جدا .. جدا
http://www.mo3afa.com/fasel/f40.gif
يتبع ان شاء الله

الحكايات دي ممكن تكون مضحكة
بس اللي هيفكر كويس هيزعل على حالنا كمسلمين

جزاك الله خيرا يا اخت رولا

كتير حلو يا رولا

ماشاء الله بجد روعة

قريتها مرة وبجد حابة اقراها تاني

فكره جميله لكن ارجو تغيير كلمه (ابليس بيه) لان هذا المدح يجعل الشيطان يتعاظم

موضوع جميل