خدعوك فقالوا بوابه الثانويه العامه [الأرشيف] - بوابة الثانوية العامة المصرية

مشاهدة النسخة كاملة : خدعوك فقالوا بوابه الثانويه العامه

Its My Life

23-06-2009, 08:19 PM

لو سمحتم ممكن اشتكيكم يا اداريين منتدى الثانويه العامه قصدي خدعوك فقالوا بوابه الثانويه العامه

بس بصراحه مش عرفه اشتكيكم لمين

أنا هاشتكيكم لربنا

يعني المفروض ان الامتحانات شغاله وده على حسب اعتقادي منتدى تعليمي هدفه الرئيسي بوابه الثانويه العامه

وطلاب الفيزياء بيشتكوا من عدم وجود أي دروس فيزياء في الغرفه الصوتيه وعدم وجود مدرسين فيزياء أصلا في المنتدى

أول وأكبر تجمع لمعلمي مصر أكثر من 50 ألف معلم

معقوله مفيهمش ولا مدرس فيزياء يساعد الغلبانين الي مش لقيين حد يساعدهم

أنا باقول نسيبنا من الفيزياء والكلام الفارغ ده ونروح نتعلم فوتوشوب وطبيخ والحاجات الجميله دي

بس عموما شكرا لطلاب الكليات الي معملوش اعتبار لغيرهم وسيطروا على المنتدى

اكيد الاستاذ عصام مستحيل يكون عارف موضوع الغرفه الصوتيه الي اتقلب مصيف ده

بس أقول ايه بقى

خلاص مفيش حاجه تتقال

إنا لله وإنا اليه راجعون

ياريت المشاركه دي متتحذفش لان مفيهاش حاجه غلط

نسيت أقول حاجه
ياريت تشوفوا الموضوع ده هيعجبكوا أوي
حاولوا تحذفوه قبل ميخلي المنظر العام مش حلو

http://www.thanwya.com/vb/showthread.php?t=131685 (http://www.thanwya.com/vb/showthread.php?t=131685)

للاسف الي عمله لسه عضو جديد

_GUIDE_

23-06-2009, 08:31 PM

أول وأكبر تجمع لمعلمي مصر أكثر من 50 ألف معلم

وانا كمان فودافون :d

mR . mOstafa Fathi

23-06-2009, 08:32 PM

كدا يبقى تقصير بجد
انا عن نفسى كنت متابع الغرف وجيت فى فترة لقيت اسمى والباص غلط
فخلتنى فى السايت

مش عارف بقى مين سبب التقصير دا
مسيرنا هنعرف

mR . mOstafa Fathi

23-06-2009, 08:36 PM

وانا كمان فودافون :d
احيك على صراحتك الجميلة دى

_GUIDE_

23-06-2009, 08:47 PM

طيب لو عايزين نتكلم بصراحة نتكلم
الاستاذ عصام مش غلطان والاداريين مش غلطانين والاعضاء مش غلطانه
ولو دورنا على اللى سرق الجبنة مش هنقدر نلقيه
الاستاذ عصام مش سوبر مان علشان يعمل كل حاجة لوحده
ده بجانب ان المدرسيين رفضين فكرة مشرف ادارى طالب يبقى مسئول عن تنظيم شغلهم
ولو دورانا على المخطى الاكبر برضه هنلقيه المشرف الادارى التعليمى
لان المفروض فى وقت زى ده يكون متواجد ويساهم
بس هرجع واقول هو مهما كان مدرس ودى فترة امتحانات ومرقبة ومحدش عارف ظروف حد
يعنى من الاخر الفترة دى فترة صعبة على الجميع والمفروض الطالب كمان يتحمل المسئولية زيه زى المدرس زى المدير
لان المدرس فى الاول والاخر بيتعب علشان الطالب اللى هو بيدخل الحصة عايز يتعرف ويهيص ويلعب ومش هجمع فى قلة هى اللى بتعمل كده الغلط ياجماعة مش غلط فرد بعينه الغلط غلط من الجميع لان محدش قادر يتحمل المسئولية
بس والله والله كمان مرة اللى بيحصل ده شىء طبيعى
وبيحصل كل سنة وهيحصل كل سنة ده مش علشان احنا مش عارفين نتطور
لا ده بسبب ان مفيش حد اصلا بيراعى ظروف الغير ولا يعرف ايه اللى
انا فيه او بيتى او شغلى فيه ايه
عمتا دى وجهة نظرى تحتمل الصواب والخطا

وبالنسبة للنادى الصيفى اللى فى الغرفة انا عايز
فيه صالة بلياردو :d

admin

23-06-2009, 09:18 PM

بالفعل يوجد تقصير فى الإعداد لتلك المرحلة سببها عدم تحمل بعض المسئولين لمسئولياتهم الأدبية تجاه الطلاب
الجميع هنا متطوع من أجل خدمة الطلاب

أعتذر نيابة عن الإدارة عن هذا التقصير و أعدكم بعدم تكرار هذا
رجاء إبلاغى عن أى طلبات عن طريق الرسائل الخاصة و سأقوم بالبحث عن مدرسين بنفسى لتقديم مراجعات

الجويرية

23-06-2009, 09:26 PM

لو سمحتم ممكن اشتكيكم يا اداريين منتدى الثانويه العامه قصدي خدعوك فقالوا بوابه الثانويه العامه
اتفضلى مع حضرتك

بس بصراحه مش عرفه اشتكيكم لمين

أنا هاشتكيكم لربنا
:)الشكوى لغير الله مزلة

يعني المفروض ان الامتحانات شغاله وده على حسب اعتقادي منتدى تعليمي هدفه الرئيسي بوابه الثانويه العامه
اكيد هدفه الاول والاخير تعليمى وللطالب

وطلاب الفيزياء بيشتكوا من عدم وجود أي دروس فيزياء في الغرفه الصوتيه وعدم وجود مدرسين فيزياء أصلا في المنتدى

أول وأكبر تجمع لمعلمي مصر أكثر من 50 ألف معلم

معقوله مفيهمش ولا مدرس فيزياء يساعد الغلبانين الي مش لقيين حد يساعدهم
طيب وده ذنبنا ايه فيه؟
انا كنت ببقى متواجدة فى الغرف تقريبا ليل ونهار بس للاسف مفيش مدرسين فلزمتى ايه؟
يعنى هانروح نستعير مدرسين احنا بنعمل اللى علينا
والله يكون فى عون الاستاذ عصام والاستاذ محمود متعرفهوش هما بيتعبوا ازاى
وفى الاخر منلاقيش حتى كلمة شكر تتقال على المجهود بس؟

أنا باقول نسيبنا من الفيزياء والكلام الفارغ ده ونروح نتعلم فوتوشوب وطبيخ والحاجات الجميله دي
يااستاذة لو سمحتى نلتزم فى ادب الحوار حضرتك بتقدمى شكوى
تقدميها باسلوب بدون سخرية
لاما هايترد على حضرتك بنفس الاسلوب:)

بس عموما شكرا لطلاب الكليات الي معملوش اعتبار لغيرهم وسيطروا على المنتدى
يااااااه
يااختى ده احنا كلنا فى خدمة الطلبة
انت تعرفى احنا بنعمل ايه
والله لو تعرفى احنا بنشتغل ازاى او بتكلم عن نفسى هاتقدرى
بس للاسف احنا لازم نعتبر كالات فقط لا غير
يعمل 24 ساعة ومعه الضمان كمان

اكيد الاستاذ عصام مستحيل يكون عارف موضوع الغرفه الصوتيه الي اتقلب مصيف ده
على فكرة انا المسؤلة عن النشاطات دى
وانا اللى مسؤلة عن اى حاجة غلط هاتحصل فيها
ولحد دلوقتى مفيش اى غبار على النشاطات كلها دورات مهمة ومفيدة اتحداك لو دخلتى تكونى عارفة الكلام ده
حضرتك احنا مش بندخل الغرفة بنلعب ولا بنعمل شات
واسالى الطلبة اشرافى عامل ازاى فى الغرفة او مرة ادخلى زورينا بدل مانتكلم كدة وخلاص

ثانيا بقى حضرتك بتقولى بنشوشر على الطلبة
اظن الغرفة بتشتغل تعليمى مش من قبل الساعة 9
احنا لا احنا بناخد الغرفة من الساعة 3 للساعة 6 مش اكتر من كدة
اظن كدة مش بنعطل حاجة
واظن اللى من طلاب الثانوية دخل يبقى هو اللى عاوز كدة مش شوشرنا عليه

وبعدين لما نتعلم قرآن وتجويد يبقى ده كلام فارغ
لما ناخد دورات كلام فارغ؟
لما نعمل مسابقات دينية كلام فارغ
اتق الله وفكرى فى الكلام كويس

بس أقول ايه بقى

خلاص مفيش حاجه تتقال
قولى لا اله الا الله

إنا لله وإنا اليه راجعون

ياريت المشاركه دي متتحذفش لان مفيهاش حاجه غلط
لا مش هاتتحذف انا مع حضرتك

انا زى ماقولت لحضرتك انا اول واحدة ايدت النشاط ده
وانا المسؤلة عن اى مشكلة ممكن تحصل منه
واتحداك تجيبى غلط واحد من ساعة مابدا
كلها حاجات مفيدة
وكتر خير الطلبة المساهمة فيه والله متعرفيش هم كمان بيتعبوا علشان يجهزوا الدرس ازاى
بجد ربنا يبارك فيهم
وجزاك الله خيرا

المجاهد فى سبيل الله

23-06-2009, 09:38 PM

السلام عليكم ورحمة الله
اولا يا اختى اعترض على اسلوب حضرتك بس هو مش غريب عليكى
واحب اعرف حضرتك انى وصلنى اربع شكوات قبل كدا على طريقة اسلوب حضرتك فى الكلام مع الاعضاء
دى كانت اولا
ثانيا بالنسبة لمضمون الشكوى
تقدرى تقوليلى احنا حنعمل ايه
المسئول عن المدرسين هو الاستاذ عصام
وهو دخل فى يوم دا لو حضرتك كنتى متابعة وشرح الموقف كله للطلبة وجاوب على كل الاستفسارات
و الراجل كتر خيرة برغم تعبه متابع الغرف خوصوصا الغرف الصوتية
وكلنا شغالين فيها
انا بدخلها كتير
وبلاقى شات جميل ادى الطلبه الى حضرتك بتتكلمى عنهم
وتعارف واميلات وبلاوى
وحضرتك تيجى تكلمينا بالاسلوب ده
لا اله الا الله

MoHaMeD ELsHeRbEnY

23-06-2009, 09:58 PM

السلام عليكم

بصراحة حضرتك معاكى حق فى كل كلمة

وانا عن نفسى متقبل الموقف

بس عاوز حضرتك تهدى شوية وان شاء الله كل حاجة هتتحل

وبلاش التوتر دا ايام الامتحانات عشان ربنا يوفقك وتقدرى تركزى

ندخل بقى فى الموضوع

اولا بالنسبة للمدرسين هوة فعلا فية عجز رهيب فى مدرسين الفيزياء

وخصوصا فى الغرفة الصوتية ودا للاسف مش بايدنا

والله احنا بنعمل الى علينا وزيادة

عموما الموضوع دلوقتى بيتناقش فى حجرة الادارين وباذن الله

زى ما الاستاذ محمود وعد حضراتكم الموضوع دا مش هيكرر مرة تانية

بالنسبة لموضوع النادى الصيفى

هوة انا ليا سؤال هنا وبناء علية هيترتب حاجات تانية

هوة مش النادى الصيفى دا كان فى الغرفة الاولى ؟؟؟

عموما هنكلم فى الموضوع دا فوق ان شاء الله

دلوقتى يا اخت بوسى بجد كلنا بنعتذر لحضراتك و للجميع عن التقصير الى حصل

ودا لسبب ان الاستاذ عصام تعبان صحيا ومش قادر يدخل على الجهاز

وبصراحة والله هوة بيعتب جدا ندعيلة ربنا يشفية ويرجعة لينا بالف سلامة

لان هوة الوحيد الى هيقدر يحل المشاكل دى بسهولة بامر الله

اعتقد كدا الموضوع انتهى ياريت بقى نلتزم الهدوء من الجميع

لحين حل المشكلة فى اسرع وقت بامر الله

فى رعاية الله

_GUIDE_

23-06-2009, 10:04 PM

تقدرى تقوليلى احنا حنعمل ايه

مش معاك فى النقطة دى يا احمد تتحسب عليك مش ليك مفيش حاجة اسمها اعمل ايه
يارجل حتى لو من باب اللياقة تقولها حاضر هنشوف الموضوع هنتكلم مع الاستاذ عصام
انما هعمل ايه دى مش لطيفة

انا بدخلها كتير
وبلاقى شات جميل ادى الطلبه الى حضرتك بتتكلمى عنهم
وتعارف واميلات وبلاوى
وحضرتك تيجى تكلمينا بالاسلوب ده

طيب وحضرتك هو ده ذنبها هى ولا ذنب الطلاب اللى دخله علشان تستفيد
لو هتكلم كلمة حق يا احمد ده غلط حضرتكم وغلط حضرتك لو شفت العك ده ومتصرفتش
انما مترميش المسئولية على الطلاب كلها وتحملهم خطا البعض
وبالنسبة للاسلوب
اعتبرها ياسيدى غيرة على الموقع
على العلم والتعليم فى مصر متجيش فى الصغيرة وتمسك يا احمد

واحب اعرف حضرتك انى وصلنى اربع شكوات قبل كدا على طريقة اسلوب حضرتك فى الكلام مع الاعضاء

طيب ايه دخل ده فى ده

بسجل متابعه قبل ما يتقفل

..Just Stop

24-06-2009, 12:03 AM

بس عموما شكرا لطلاب الكليات الي معملوش اعتبار لغيرهم وسيطروا على المنتدى

مهو اللى ميعرفش بيقول ( لا اله الا الله )
بصى يا بسمة
والله انتى لو تعرفى اللى بنعمله مش هتقولى كدا علينا
اولا دى مش مسئوليتنا دى مسئولية المشرفيين الاداريين التعليميين
ونا بردو مش رامى كل المسئولية عليهم الله اعلم بظروفهم
بس علشان كل شوية حد يدخل ويقول انتو ظلمة ومعرفش ايه وبردو بنتشتم فنا مش هسمح بدا
والله من قبل ماتنزلى الموضوع ده
وفى موضوع فى الادارة ومشكلة كبيرة بسبب كدا
والادمن وعدنى انه هبيظبط كل حاجة من اول بكره ان شاء الله
وفى الاول وفى الاخر الموقع للطلبة ومصلحتهم اهم حاجة
وان شاء الله هنتابع الحاجات دى بنفسنا
دمتم فى رعاية الله

A.ra7man1

24-06-2009, 12:36 AM

يا جماعة براحة عليها شوية بصراحة هى عندها حق فى بعض الكلام اللى بتقولة ويوخذ عليها بعض الكلام وبعدين ياريت حضراتكم تقدروا الحالة اللى بيكون عليها اى طالب فى الوقت ده خصوصا المادة الجاية _فيزياء_
--------------
تحياتى للاعضاء وللادارة والناس كلهم
وانا بنضم لاسلام بيه_تملى غتيت_ فى شبكة فودافون مع انّى اتصالات011:av4056bb7jp3:

____>___
ياريت محدش يزعل منى
_______________
_________
____
_
سلام عليكم
Abdelra7man

ymymym

24-06-2009, 12:50 AM

الصراحه مش عارفه ايه اللي جاب اسلوبها للكلام اللي بتقوله
اسلوبها ده موضوع
والكلام اللي بتقوله موضوع تاني مع احترامي ليك يا احمد

بس هو كده فعلا
دلوقتي هي طالع عينهم واحنا عارفين بتبقي حالتهم عامله ازاي قبل الامتحانات وخصوصا الثانويه يعني نتكلم براحه ونهديها ونقولها حاضر خلاص
هنحاول نحل المشكله

صح ولا مش صح
؟
انا بس حبيت انبه للنقطه دي
بس انا معرفش قوي في حكايه الغرف دي
بس لازم تلاقولها حل اكيد يعني ايه تعارف وايميلات
والكلام ده
ربنا يسهلكم

prof.ahmed4d

24-06-2009, 05:00 AM

اولا انا شايف ان في ردود مش ليها لازمة يا ريت تتحذف احسن

ثانيا المفروض لو مفيش مثلا مدرسين او مدرسين مش ايدخلوا يبلغونا بكدة لان في طلبة ممكن تقعد 5 او 6 ساعات بدون اي مدرس يدخل

ثالثا ومن احد الاسباب فعلا ان تبقى شكلها مش كويس لما يكون طالب مشرف زى المدرس عل الغرفة المدرس مش ايحس بمكانته واعتقد ان الموضوع ده زعل بعض المدرسين

رابعا في اكيد مدرسين بيدوا دروس فمش ايبقوا عندهم وقت للغرفة وكدة وده ادى يغتى

خامسا في مدرسين عندها مواقع ومنتديات وكدة ومحدش بقى فاضي للغرفة بره

ده بعض الاسباب الى ممكن تخلى مدرس ميدخلشى الغرفة

بس برده كل مدرس معاه ربنا والغايب حجته معاه

وباذن الله يحاول الاستاذ عصام او اي مرف ادارى في القسم التعليمى ان يتحدث الى بعض المدرسين بطريقة او اخرى

دمتم في رعاية الله

Travel

24-06-2009, 12:48 PM

اممممممم
ع فكرة يا بوسى
كل واحد ربنا عالم بيه وبوقته
بس حابة اقولك حاجة
اللى اعرف انهم ف التعليمى
اية و محمود
تقريبا معرفش حد تانى
والاتنين دول بجد ربنا يكرمهم
هما اللى عمالين ينزلوا المواضيع بالتوقيت ويراقبوا
واكبر دليل الحصص اللى لو دخلتوها هتلاقيوها ماشية كويس
يمكن اللى حضرتها هى حصة مستر/بدوى الدجوى
ف الانجلش
وبعد لما خلصت الحصة
المواضيع اللى بتنزل ع المواعيد
اكيد الادارين مش ماسكين الساعة ومش ذنبهم ف تاخير الرد
كل واحد له ظروفه الخاصة بيه
وكمان ممكن يكون المدرس هو اللى اتاخر ف رده ع الاستعلام عن الوقت والحاجات دى
.. .. .. ..
محدش هيحس بحد الا لما يتحط ف نفس الموقف اللى بيتحط فيه الغير
انا كنت زيك بقول كتير واكتر كمان
كنت ع طوول داخلة جامد بس دلوقت فهمت كل حاجة
وعرفت الدنيا ماشية ازاى
برضوا اللى بيتكلموا كده مش حاسين بحاجة
ربنا يعين كل واحد ع اللى هو فيه
وبالنسبة للطلبة
ربنا يوفقكوا ويكرمكوا ويسهلكوا امتحانتكوا
ويقصرلكوا لسانكوا :slap1qk6:

جانا الهو

24-06-2009, 12:56 PM

Its My Life

24-06-2009, 02:11 PM

والله العظيم حرام الي بيحصل ده
أنا مكتبتش الموضوع ده علشان اتهزأ
أنا كتبته علشان الفت نظركم مش أكتر
وعموما امتحان الفيزياء بكره
ومفيش حد فيزياء السنه الجيه
يعني خلاص راحت علينا

وانا كمان فودافون :d

مش فهمه ايه العلاقه بس مش مشكله

الاستاذ عصام مش غلطان والاداريين مش غلطانين والاعضاء مش غلطانه
ولو دورنا على اللى سرق الجبنة مش هنقدر نلقيه

الغلطه غلطتي أنا الي فكرت اعمل الموضوع أصلا

رجاء إبلاغى عن أى طلبات عن طريق الرسائل الخاصة و سأقوم بالبحث عن مدرسين بنفسى لتقديم مراجعات
خلاص السنه خلصت مفيش الا النهارده والفيزياء بكره
وفر مجهود حضرتك للاجيال القادمه
لان المشكله هنا في الفيزياء مش اكتر
ده للاسف مدرسين الفيزياء الي موجودين بيستخفوا بعقول الطلبه وبس
و لو حضرتك دخلت قسم الفيزياء هتلاقي معظمه اتقلب شات اساسا
ومواضيع غريبه كده ملهاش علاقه بالفيزياء
لان مفيهوش مشرفين قائمين عليه
ومانكرش ان انا اشتركت فيه وبصوره فعاله كمان
بس نعمل ايه بقا ليس على الطلاب حرج

السلام عليكم ورحمة الله

اولا يا اختى اعترض على اسلوب حضرتك بس هو مش غريب عليكى
شكرا
واحب اعرف حضرتك انى وصلنى اربع شكوات قبل كدا على طريقة اسلوب حضرتك فى الكلام مع الاعضاء
هو مش المفروض لو في شكوه مني اعرفها
وبعدين ده ملوش علاققه أصلا بالموضوع
دى كانت اولا
ثانيا بالنسبة لمضمون الشكوى
تقدرى تقوليلى احنا حنعمل ايه
المسئول عن المدرسين هو الاستاذ عصام
وهو دخل فى يوم دا لو حضرتك كنتى متابعة وشرح الموقف كله للطلبة وجاوب على كل الاستفسارات
و الراجل كتر خيرة برغم تعبه متابع الغرف خوصوصا الغرف الصوتية
وكلنا شغالين فيها
طبعا كلكم شغالين فيها بس أنا مليش دعوه بالموضوع ده
أنا هنا شكوتي خاصه بالفيزياء
يعني كان في 7 ايام قبل امتحان الفيزياء
مكنش في اي حاجه في الغرفه تبع الفيزياء خالص
انا بدخلها كتير
وبلاقى شات جميل ادى الطلبه الى حضرتك بتتكلمى عنهم
وتعارف واميلات وبلاوى
وحضرتك تيجى تكلمينا بالاسلوب ده

لا اله الا الله

اكيد موضوع الشات والميلات دي مش مشكلتي
دي مشكله الاداريين الي بيسكتوا علةى الموضوع ده

عموما الموضوع دلوقتى بيتناقش فى حجرة الادارين وباذن الله

زى ما الاستاذ محمود وعد حضراتكم الموضوع دا مش هيكرر مرة تانية

الامتحاااااااااااااااااااااااااااااااااااااااااااا اااان بكره

هوة انا ليا سؤال هنا وبناء علية هيترتب حاجات تانية

هوة مش النادى الصيفى دا كان فى الغرفة الاولى ؟؟؟
اه والغرفه التنيه فضيه:d

عموما هنكلم فى الموضوع دا فوق ان شاء الله
فوق فين؟؟

دلوقتى يا اخت بوسى بجد كلنا بنعتذر لحضراتك و للجميع عن التقصير الى حصل

ودا لسبب ان الاستاذ عصام تعبان صحيا ومش قادر يدخل على الجهاز

وبصراحة والله هوة بيعتب جدا ندعيلة ربنا يشفية ويرجعة لينا بالف سلامة
ربنا يشفيه ويرجعه بالف سلامه ان شاء الله

فى رعاية الله

طيب وحضرتك هو ده ذنبها هى ولا ذنب الطلاب اللى دخله علشان تستفيد
لو هتكلم كلمة حق يا احمد ده غلط حضرتكم وغلط حضرتك لو شفت العك ده ومتصرفتش
انما مترميش المسئولية على الطلاب كلها وتحملهم خطا البعض
وبالنسبة للاسلوب
اعتبرها ياسيدى غيرة على الموقع
على العلم والتعليم فى مصر متجيش فى الصغيرة وتمسك يا احمد
طيب ايه دخل ده فى ده
بسجل متابعه قبل ما يتقفل

شكرا لانك ردتلي اعتباري

الصراحه مش عارفه ايه اللي جاب اسلوبها للكلام اللي بتقوله
اسلوبها ده موضوع
والكلام اللي بتقوله موضوع تاني مع احترامي ليك يا احمد

بس هو كده فعلا
دلوقتي هي طالع عينهم واحنا عارفين بتبقي حالتهم عامله ازاي قبل الامتحانات وخصوصا الثانويه يعني نتكلم براحه ونهديها ونقولها حاضر خلاص
هنحاول نحل المشكله

صح ولا مش صح
؟

بجد حسستيني ان أنا مجنونه

شكرا على الاهتمام بتاع حضرتكم
صحيح اتهزأت شويه بس مش مشكله انا الصغسره بردو والمسامح كريم
بس ادعولي بس علشان امتحان الفيزياء بكره
والي مش هيدعيلي هو حر:stickjo4:

بس بالله عليكم محدش يدعي عليا
في رعايه الله

..Just Stop

24-06-2009, 02:29 PM

ربنا يوفق الجميع ان شاء الله

_GUIDE_

24-06-2009, 02:35 PM

طيب مش ناويين تقفله الموضوع ؟

..Just Stop

24-06-2009, 02:49 PM

حاضر يا اسلام
كلوزد
مغلق يعنى
دمتم فى رعاية الله