<div align="center"> :)

بعض النصائح من اختكم Flower.....


السلام عليكم ورحمة الله وبركاته....

بما ان انا الحمد لله انهيت دراستي بالثانويه العامه والتحقت بالجامعه منذ سنه....

لن انسي منتدايا الحبيب الذي استفدت منه الكثير ايام ثانويه عامة....

واخص بالشكر الاستاذ الكبير دكتور physiology

علي مجهوداته ....

ولنبدأ بعض النصائح...

1)الكيمياء...

........................

ماده لذيذه...ودراستها سهله لحد كبير...

وكتير من الطلبه بياخدوها في تانيه ثانوي...

وفيه بعض الطلبه بياخدوها علي سبيل التجربه حتي لو هيحولوا ادبي....

هي ماده دراستها ممتعه جداا...ومفيهاش تعقيد اوي...

وممكن المعادلات تتحفظ بسهوله اكتر لو فهمتوها كويس وطبقتوا عليها كتير

الحفظ مطلوب بس مش هو الاساس...لازم الفهم....

لان اي امتحان بتيجي فيه نسبه كبيره تقيس الذكاء والفهم...

وهنا بالموقع معكم استاذ جمعة جزاه الله كل الخير ...خير عون لكم في ماده الكيمياء ان شاء الله....

.................................................. ..

2) الاحياء..
.................

ماده لذيذه جدا للي يحبها بجد..

وخاصه للناس اللي هدفهم يكونوا اطباء منذ صغرهم....

ومن يحب الخوض وراء الاشياء ويتامل عظمة الخالق سبحانه وتعالي....

بالنسبه لمزاكرتها....

فاول باب كبير بس جميل جدا...

طبعا الاحياء محتاجه حفظ شديد مع فهم اشد ....يعني لازم الفهم...

واؤكد الفهم مطلوب لان الامتحان بييجي نسبه كبيره تقيس مدي الفهم.....

والابواب الباقيه في الاحياء محتاجه فهم وممتعه جدا مثل ال DNA

والوراثه باب جميل جدااا وممتع...

وباب التطور..ممكن تعتبروه قراءه حره يعني ...

...................................

ناتي...


3)الفيزياء...

...........................


كتير من الطلبه بيخافوا منها...

بس هي عايزه حد يكون بيحبها بجد....

ومحتاجه وقت ومجهود وتركيييز شديد....

ونصيحه بجد..فيه بعض الطلبه بتضيع كل وقتها في حل المسائل او بمعني اخر حفظها..!!

ودي ماساه!!

لانها بتضيع وقت...وبعدين لازم النظري يتفهم الاول بجد كويس ..

عشان اللي فاهم النظري اي مساله هيعرف يحلها....

بس ولازم طبعا تحلوا دليل تقويم الطالب...

......................................

وبالتوفيق ان شاء الله...


ويارب اشوفكم دكاتره وعلماء كبار يارب :)[/color]</div>

شكرا يا فلور

لو تعرفى حاجه بقى على الانجليزى قوليها كمان علشان انا معرفش حاجه خالص :D ...معرفش ايه الماده اللى بندرسها

بالذوق او بالعافيه...يعن قوليلى انتى ذاكرتيها ازاى

<div align="center">طيب يا بسمله...:)

بصي هو الانجليش ماده لذيذه اوي وسهله....

وبالنسبه لل Vocabulary ....

فانا هقولك نصيحه بس مش كله بيحب يعمل كده...

بصي الاحسن انك حتي لو بتاخدي درس تقري ال unit كويس اوي اللي في كتاب المدرسه وتفهميه...

وافهمي الفكره العامه لان فيه اسئله بتيجي علي الموضوع كانه درس قراءه كده...

لان بعض المدرسين او الغالبيه العامه مش بيخلوا الطلبه تقري الunit

وبيقولولهم احفظوا الكلمات زي ماهيا كده....ودي مشكله بجد

لان الفهم مهم..

وفي تانيه فيه grammer جديد شويه...في تالته تقريبا مراجعه عامه علي كله..

وبالنسبه للترجمه حاولي تنمي حصيلتك اللغويه وافهمي الفكره العامه كويس.....

ومش مهم ترجمه حرفيه المهم تبقي ترجمه صح وجمل مفيده...

والقصه لذيذه اوي..ومحتاجه فهم وتحلي اسئله عليها كتير وتعرفي مين اللي بيقول كل جمله..ودي ساعات بتيجي بالفهم..مش لازم حفظ..

...........

وبالتوفيق ان شاء الله :)</div>

واي استفسار ان شاء الله اسالوني وهجاوبكم علي قد ماقدر ان شاء الله :)

شكرا فلور ليكى ..ربنا يخليكى

ميرسي جدا يافلور على النصائح
وربنا يسعدنا في الثانوية اللى ششكلنا هنضيع فييها
;)

مرسي فلور ع النصائح بس انا ف تالته وبدرس فيزيا واحياء ودرست كيميا بجد هي الكيميا تتحب وماده جميله جدا جدا


بس انا مقدرش احب الفيزيا ولا الاحياء صحيح الاحياء بجد جميله جدا بس طويله

والفيزيا بايخه جدا جدا
ادعولي بقي

الف شكر يا فلور
بس معندكيش حاجة لرياضة 2
امثالى
ربنا معانا :D
وبالتوفيق للجميع

شكرا يا اخت هبة ع النصايح الجميلة وان شاء الله تكونى دكتورة كبيرة بس بالله عليكى خلى اسعار العيادة ف متناول الايد

انا بس عايز اسألك سؤال

احسن طريقة للحفظ ايه عشان انا ف حيرة من امرى بسبب الحكاية دى مع انى طالع تالتة بس لسه برضه الحكاية دى مضايقانى

حضرتك شايفة الكتابة بالورقة والقلم احسن مع انها بتضيع وقت كتير ولا الحفظ الشفوى

يا اينشتين الورقة والقلم شر لا بد منه
تصدق اول مرة اعرف انك طالع تالته

موضوع جميل جداً يا هبة وأشكر لكِ إهتمامك بالأعضاء وهذا وإن دل على شيء فهو يدل على مدى حبك لإخواننا وأخواتنا أعضاء المنتدى
ولكن إسمحي لي أن أعطي تعليق بالنسبة لأخي بات مان 2، فقد قال:
<div class='quotetop'>إقتباس(بات مان 2 @ Aug 27 2006, 01:37 PM) 202881</div>
مرسي فلور ع النصائح بس انا ف تالته وبدرس فيزيا واحياء ودرست كيميا بجد هي الكيميا تتحب وماده جميله جدا جدا


بس انا مقدرش احب الفيزيا ولا الاحياء صحيح الاحياء بجد جميله جدا بس طويله

والفيزيا بايخه جدا جدا
ادعولي بقي
[/b]
الأحياء جميلة فعلاً وطويلة لكن محتاجة إنك تذاكرها وتراجعها بإستمرار لإن لو فات عليك يوم أو يومين من غير ماتراجعها أو تذاكرها هتنساها، ولازم تذاكرها أولاً بأول..
أما الفيزياء فهي أحسن بكتير من الأحياء والكيمياء، أنا عن نفسي حبيتها جداً وحبيت دراستها ومذاكرتها، ولولا إرتباكي منها يوم الإمتحان وحادث ورقة الإمتحان المقطوعة كنت أخذت فيها 50 من 50 لكن للأسف أخذت فيها 48 - والحمد لله على كل شيء- .. نصيحتي لك أيضاً يوم إمتحان الفيزياء لا تجعل الإرتباك يشتتك وركز في السؤال والإجابة قدر المستطاع، وصدقني ستحب الفيزياء جداً جداً جداً عندما تتعمق في دراستها..
وبإذن الله ربنا يوفقكم جميعاً في كابوس الثانوية العامة..
والسلام عليكم

<div align="center"><div class='quotetop'>إقتباس(basmala @ Aug 27 2006, 05:06 AM) 202713</div>
شكرا فلور ليكى ..ربنا يخليكى
[/b]

العفو يا بسمله..


<div class='quotetop'>إقتباس(Dina1991 @ Aug 27 2006, 12:42 PM) 202849</div>
ميرسي جدا يافلور على النصائح
وربنا يسعدنا في الثانوية اللى ششكلنا هنضيع فييها
;)
[/b]

ربنا يوفقك يا دينا..ومحدش هيضيع ولا حاجه باذن الله

اعملي اللي عليكي وتوكلي علي الله

وباذن الله خير......

<div class='quotetop'>إقتباس(بات مان 2 @ Aug 27 2006, 01:37 PM) 202881</div>
مرسي فلور ع النصائح بس انا ف تالته وبدرس فيزيا واحياء ودرست كيميا بجد هي الكيميا تتحب وماده جميله جدا جدا


بس انا مقدرش احب الفيزيا ولا الاحياء صحيح الاحياء بجد جميله جدا بس طويله

والفيزيا بايخه جدا جدا
ادعولي بقي
[/b]

االاحياء طويله فعلا...بس جميله بجد...

الفيزياء برضه محدش بيستظرفها يعني بس حاول تحبها وتفهمها....

هتعرفوا اهميه الفيزياء بجد في الكليه ان شاء الله.....


<div class='quotetop'>إقتباس(خالدالجن @ Aug 27 2006, 01:59 PM) 202896</div>
الف شكر يا فلور
بس معندكيش حاجة لرياضة 2
امثالى
ربنا معانا :D
وبالتوفيق للجميع
[/b]


لا للاسف انا مكنتش رياضه 2 انا كنت علمي علوم
مش هقدر افتي كتير للاسف....

بس الرياضه عايزه حل مسائل كتير ومتابعه...

وربنا يوفقك ...
..................................

<div class='quotetop'>إقتباس(اينشتاين @ Aug 27 2006, 02:24 PM) 202911</div>
شكرا يا اخت هبة ع النصايح الجميلة وان شاء الله تكونى دكتورة كبيرة بس بالله عليكى خلى اسعار العيادة ف متناول الايد

انا بس عايز اسألك سؤال

احسن طريقة للحفظ ايه عشان انا ف حيرة من امرى بسبب الحكاية دى مع انى طالع تالتة بس لسه برضه الحكاية دى مضايقانى

حضرتك شايفة الكتابة بالورقة والقلم احسن مع انها بتضيع وقت كتير ولا الحفظ الشفوى
[/b]

اولا اشكرك لمشاركتك اخي اينشتاين..

وادعوولي يارب اتوفق في الكليه...وان شاء الله العياده مش هتبقي غاليه :)

بالنسبه لاحسن طريقه للحفظ..دي بتختلف من شخص لاخر حسب الفروق الفرديه.....

يعني فيه ناس ربنا مديلهم نعمه كبيره وقدره علي الحفظ بمجرد النظر ..بس دول مش كتير..

والباقي ممكن يجتهدوا ويزاكروا بالورقه والقلم...بس دي طريقه بتاخد وقت ...بس مش بتتنسي بسرعه

لان كلما استخدمت اكتر من وسيله للحفظ زادت القدره علي الحفظ..

يعني بالكتابه بستخدم حاجتين.,..النظر والكتابه...

وكمان فيه ناس بتزاكر كتابه وبصوت مرتفع...

هنا يبقوا استخدموا 3 حاجات او 3 حواس...

وبالتوفيق ان شاء الله



<div class='quotetop'>إقتباس(فتاة_الإسلام @ Aug 27 2006, 02:34 PM) 202919</div>
موضوع جميل جداً يا هبة وأشكر لكِ إهتمامك بالأعضاء وهذا وإن دل على شيء فهو يدل على مدى حبك لإخواننا وأخواتنا أعضاء المنتدى

والسلام عليكم
[/b]

العفو يا علا وفعلا انا بعتبر كل المنتدي اخواتي...:)</div>

شكرا" على هذا الموضوع الرائع

العفو يا استاذ جمعة....:)

شكرا ع النصيحة يا دكتورة وربنا يكرمك يا رب

العفو وربنا يكرمنا جميعا....

:) جزاكى الله كل خير


خليتينى اتفائل شوية بجد رغم انى عندى طموح بس اللى يجرب عملى تفاؤله بيطير شوية :D


اما عن الاحياء فهى جميلة بس مش واخداها باذن الله
الكيمياء
مخنا مقفل فيها طبيعى بس مجبرين عليها و ان شاء الله نحبها فى تانية:)
الفيزياء
حبيبة قلبى من جوه

بس نصايح جميلة و مفيدة
شكرا ليكى
يلا رسمتى البسمة على وجوهنا و كسبتى فينا ثواب :D


طب و نصايح العربى لانى فى سوء تفاهم بينى و بينه..؟ :D


جزاكى الله كل خير:):):)

<div class='quotetop'>إقتباس(Flower @ Aug 27 2006, 06:07 AM) 202684</div>
<div align="center"> :)

بعض النصائح من اختكم Flower.....



1)الكيمياء...

........................

ماده لذيذه...ودراستها سهله لحد كبير...

وكتير من الطلبه بياخدوها في تانيه ثانوي...

وفيه بعض الطلبه بياخدوها علي سبيل التجربه حتي لو هيحولوا ادبي....

هي ماده دراستها ممتعه جداا...ومفيهاش تعقيد اوي...

وممكن المعادلات تتحفظ بسهوله اكتر لو فهمتوها كويس وطبقتوا عليها كتير

الحفظ مطلوب بس مش هو الاساس...لازم الفهم....

لان اي امتحان بتيجي فيه نسبه كبيره تقيس الذكاء والفهم...

وهنا بالموقع معكم استاذ جمعة جزاه الله كل الخير ...خير عون لكم في ماده الكيمياء ان شاء الله....

طبعا كل كلامك انا معاكي فيه يا دكتورة انا كنت عاشق كيمست بس للاسف مصر هنا كلها حفظ ومناهجنا كلها دش سوري يعني بتقيس غباء الطالب

درجات الذكاء اتنين من ستين لا تزيد ولا فيه متفوقين ولا اي حاجا

والكيمياء بالذات لازم تتزاكر كتير قوي ويتحل عليها كتير قوي قوي قوي بالذات في العضوية اللي شلفطوها وغيروها والباب السادس الجديد بتاع افوجادرو وحساب مش عارف ايه كل دا عاوز تركيز

ودا اللي اعتقده فهم في الكيمست اما الباقي دش بيعتمد ع الطالب الحفيظ واللي بيزاكر مرة بمرة يوم بيوم

واللي هيسيب الكيميا يومين ورا بعض هينساها لانها زي السبرتو

.................................................. ..

2) الاحياء..
.................

ماده لذيذه جدا للي يحبها بجد..

وخاصه للناس اللي هدفهم يكونوا اطباء منذ صغرهم....

ومن يحب الخوض وراء الاشياء ويتامل عظمة الخالق سبحانه وتعالي....

بالنسبه لمزاكرتها....

فاول باب كبير بس جميل جدا...

طبعا الاحياء محتاجه حفظ شديد مع فهم اشد ....يعني لازم الفهم...

والله يا دكتورة المادة اللي مش بتتفهم الا في الوراثة اما الباقي كله دش دش دش ولازم الطالب يعبر باسلوب كتاب المدرسة مش يكتب من نفسه بالذات الباب الاول يااااااااااااااااااه كبير قوي

واؤكد الفهم مطلوب لان الامتحان بييجي نسبه كبيره تقيس مدي الفهم..... ( شوفتي امتحانا بتاع السنادي يا دكتورة اكيد لا والله كان كله دش ومفيهوش اي فهم اطلاقا ولا السنة اللي قبلينا ولا سنتكم برضو )

والابواب الباقيه في الاحياء محتاجه فهم وممتعه جدا مثل ال DNA لا سوري ال dna
كله حفظ وبيتنسي بسرعه وفيه تشابهات كبيرة في مفاهيم كتيرة وفيه مقارنات كتيرة زي الجنيوم البشري والمحتوى الجيني فيه اتشابه تعريفات ومقارنات بروتينات هستونيه وكدا بس تافهه جدا لكن كله دش دش دش

والوراثه باب جميل جدااا وممتع...

وباب التطور..ممكن تعتبروه قراءه حره يعني ... :blink: :blink:
اتلغى يا دكتورة باب التطور كله

...................................

ناتي...


3)الفيزياء...

...........................


كتير من الطلبه بيخافوا منها... ( اسهل مادة في الثانوية العامة )

بس هي عايزه حد يكون بيحبها بجد.... دي نصيحة جميلة جدا لازم طل طالب يحب الفيزيكس لانها مادة عاوزه تخيل كبير ورهيب

ومحتاجه وقت ومجهود وتركيييز شديد.... وحل كتير يا دكتورة برضو


ونصيحه بجد..فيه بعض الطلبه بتضيع كل وقتها في حل المسائل او بمعني اخر حفظها..!!


ودي ماساه!!
للاسف نظام تعليم بلدك كله قائم على الحفظ يا دكتورة :(

لانها بتضيع وقت...وبعدين لازم النظري يتفهم الاول بجد كويس .. اكيد دي صح لازم يتفهم بس برضو هينحفظ في الاخر

عشان اللي فاهم النظري اي مساله هيعرف يحلها.... مش شرط يا دكتورة اللي فاهم نظري يحل فيه طلبة بيحفظوا كل القوانين ومبيعرفوش اي حاجا ولا فهمينها ميعرفش يحل لان زي ما حضرتك عارفه فيه اكتر من قانون ينفع وتحويلات وبتاع لا صعب اللي يفهم نظري يحل لازم يفهم قانون واستنتاج ويحل اكتر من مسألة


بس ولازم طبعا تحلوا دليل تقويم الطالب... نصيحة اخ وسوري لاختي الدكتورة فلاور مش تحلوا الدليل الا لو صححوه لانه السنادي سوري في اللفظ كان عاكك احلى عك قوي وكان جايب الملغي والكتاب اهم من الدليل والدليل مش بيجي منه حاجا لان يسري بيه الجمل ربنا يحميه مبيعترفش بيه وفيه المثالي والوسام والماسي التلاته دول وفيه نيوتن ددول ملخصات احسن من الدليل بجد

......................................

وبالتوفيق ان شاء الله...


ويارب اشوفكم دكاتره وعلماء كبار يارب :)[/color]
[/b][/quote]


ربنا يوفقكم كلكم وشكرا ليكي لنصيحتهم يا دكتورة وربنا يوفقهم كلهم لكل ما يتمنوه

ع فكرة الثانوية العامة تافهة بكل المقاييس

ب<div class='quotetop'>إقتباس</div>صي هو الانجليش ماده لذيذه اوي وسهله....
بكل المقاييس اسهل مادة في الثانوية العامة

وبالنسبه لل Vocabulary ....

فانا هقولك نصيحه بس مش كله بيحب يعمل كده...

بصي الاحسن انك حتي لو بتاخدي درس تقري ال unit كويس اوي اللي في كتاب المدرسه وتفهميه... نصيحة جميلة قوي قوي بجد اللي هيقرأ الدرس من اليونت هيفهم كل كلمة ومعناها وكل حاجا


وافهمي الفكره العامه لان فيه اسئله بتيجي علي الموضوع كانه درس قراءه كده...أكيد يا دكتورة بتجي في الاتشويس

لان بعض المدرسين او الغالبيه العامه مش بيخلوا الطلبه تقري الunit هههههههههههههه والله صح كل كلامك بس ممكن الطالب يقرأ السامري التلخيص يعني ويستفيد منه بالذات في السربرايز لان الششتاوي جبار بجد وكل كلمة جديدة بيلونها ليك يعني مية مية

وبيقولولهم احفظوا الكلمات زي ماهيا كده....ودي مشكله بجد

لان الفهم مهم.. نسيتي يا دكتورة اهم حاجا الاديمز adIOMS دي تقريبا بعبع الانجليش لانه الاديمز زي ما نعرف ليها اكثر من استخدام وعندنا برضو الدفينشنز وبرضو حروف الجر كل حاجا بتتلخبطوا فيها يعني لازم التركيز في مزاكرة الانجليش


وفي تانيه فيه grammer جديد شويه...في تالته تقريبا مراجعه عامه علي كله.. ( الجرامر مكرر الا بس قاعدة MUST
الافعال اللي بتجي وراها المصدر والجيراند وفيه برضو قاعدة الافعال الناقصة )

وبالنسبه للترجمه حاولي تنمي حصيلتك اللغويه وافهمي الفكره العامه كويس.....
( اكيد ومش لازم ترجمة حرفيه لو الواحد لقى كلمة مش عارفها ولا عارف معاناه مش يسيب مكانها فارغ يحاول يفهم الفكرة العامة ويترجمها ع الاساس دا ولو مش هتأثر في المعنى يمكن يقلشها وميجيبهاش )

ومش مهم ترجمه حرفيه المهم تبقي ترجمه صح وجمل مفيده...

والقصه لذيذه اوي..ومحتاجه فهم وتحلي اسئله عليها كتير وتعرفي مين اللي بيقول كل جمله..ودي ساعات بتيجي بالفهم..مش لازم حفظ.. ( القصة اهم حاجا فيها الكوتيشون لانه يعتبر اصعب سؤال

سبيدرز في تانيه ثانوي تافهه جدا

اما في تالته ماسك اوف جولد فيه هناك كوتيشونز متشابهه جدا ممكن يفرق فعل حرف وهتلاقي اكتر من شخصية في وقت واحد بيتكلموا ابتداءا من الفصل السادس بس قصة جميلة قوي وشيقة جدا اكتر من سبيدرز)
...........[/b]

<div class='quotetop'>إقتباس(hkk-happy @ Aug 29 2006, 11:10 PM) 205155</div>


طب و نصايح العربى لانى فى سوء تفاهم بينى و بينه..؟ :D


جزاكى الله كل خير:):):)
[/b]


اولا انا هستأذن من الدكتورة فلاور وهيه برضو لازم تحط نصائحها بس هقول نصائحي في العربي


اولا العربي مادة لذيذة قوي انا جبت في تانيه 28.5 وفي تالته 29.5

الحمد لله

بصي بأى يا حابي العربي عاوز مزاكرة من اول السنة لانه اطول مادة

النصوص المطلوب حفظها تحفظيها قوي

في تانيه ثانوي عندك الادب بالذات العصر الاندلسي فيه لبث كتير قوي لقرب الاسامي والبتاعه دي اها افكار كل عصر

ملوك الطوائف وكدا هتلاقي تداخل بين حاجات كتيرة :D

امممممممممم

عندنا بأى ابوخ شئ بجد القراة لانها تافهة قوي قوي قوي :D
يعني تقري الدرس مرة تحلي كل اسئلته

القصة في تانيه رهيبة بجد واسلاماة جميلة قوي بتبدأ القصة تطول فصولها من التامن وطالع

قصة تالتة ثانوي رهيبة الايام مع اني مزاكرتهاش كلها هههههههههههههههههه زاكرت تلات فصول هم اللي جم الحمد لله

يعني برضو بس مش تنشني ع حاجا ههههههههههههههههه انا اه بنشن بس مش كله مرة بتسلم الجرة

واهم حاجا النحو والتعبير والبلاغة تعدي دول هتقفلي الامتحان ان شاء الله

وع فكرة العربي من اسهل المواد تقريبا

وتركزي على دروس معينة ع حساب دروس اخرى هيكون غلط

بس برضو انا كنت بنشن :D

هقولك العربي مش تسيبيه يوم لانه لو سبتيه للاخر زي ما كل صحابك هيقولي ليكي كبري ومش كبري
هتنزنقي قيه بدليل اني داخل الامتحان بتاعنا من غير ما ازاكر تلات تربع المنهج هههههههههههههههههههه

كنت داخل مستبيع وربنا :D

يلا نشوف ارارء الدكتورة فلاور

وبجد الف شكر ليكي يا دكتورة فلاور على موضوعك دا فعلا نصائح غالية لكل الجيل اللي داخل تالته وتانيه ثانوي

ربنا معاكم ويعنكم باذن الله وحطوا في بالكوا ان ربنا مش بيضيع تعب اي انسان يارب اكون قدرت افيدكم

استودعكم الله

:D ماشى يابرى
بس انا اصلا معرفش حاجة فى البلاغة من بتاعة اولى عشان امشى فى النصوص حتى ولا حتى فى النحو:huh:
الظاهر انى محتاجة شوية جهد زيادة كمان
:D :D
انا و الحمدلله اللى بينجحنى فى العربى التعبير و الحمدلله كل مدرسة اروحها بكون احسن طالبة تكتب فيها تعبير ع المدرسة كلها

:D:D
اصل المدرسة اللى انا فيها رقم 5 بالنسبة لى و الادارة رقم 4 بالنسبة لى برده :lol:
معلش خرفنا شويتين بقى
بس جزاكى الله كل خير يا فلاور
بتدعينا للتفاؤل نوعا ما :)
و يارب كل اسئلة كل الامتحانات تبقى مقالية و كدة بتبقى عسل خالص B)

<div align="center">ماكنتش اعرف ان باب التطور اتلغي.... :ph34r:

بس كويس بجد..لانه كان علي سنتي موجود...

باشكرك لاضافاتك اخي د محمد البري

ولي عوده للموضوع للرد علي حابي باذن الله</div>

:rolleyes: :) فعلا باب التطور اتلغى و نزل سنة اولى ثانوى و الوراثة طلع سنة تالتة

بصراحة احنا الميس كانت متلخبطة و هى بتشرح لنا باب التطور
كانت بتقول لنا انتم المفروض تدرسوا الوراثة الاول و بعدين تاخدوا التطور بس اهو

:):):) شكرا ليكى

شكرا جدا ليك يا دكتورة ويا أستاذ محمد بس ياجماعة إنتوا نسيتوا حاجة مهمة جدا أو بمعنى أصح فى نظرى مهمة جدا وهى الحالة النفسية تجاه المادة أنا شخصيا بكره الفيزيا ده لله فى لله لإنى ربنا رزقنى بمدرسة فيزيا من وأنا فى أولى ثانوى كرهتنى فى الفيزيا واللى إخترعها وبصراحة مش عارفة هدرسها السنة ده إزاى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بالنسبة للحالة النفسية


بصي يا اخت او يا اخ


الحالة النفسية يتحكم فيها حاجات كتيرة قوي

1- العلاقة بينك وبين ربنا ودي الاهم

2- الحالة الاسرية وتوفير جو هادي ليك في المزاكرة

3- التشجيع من قبل الاسرة ليك

4- يكون ليك حافز انك عاوز تكون شئ يعني دكتور دكتورة مهندس مهندسة تجيبي ورقة او اي حاجا وتكتب او تكتبي اسمك عليها

الدكتور.................. # البشمهندس........................... وتلزقها قدامك على المكان اللي حاطط فيه مكتبك وبتزاكر

دي هتوفر ليك حافز كبير قوي


5- ابعد عن صحابك اللي بيتكلموا عن المزاكرة كتيرة لانهم بجد هيربكوك ومش تتكلم مع اي حد لا زاكرت ايه ولا خلصت ايه

استعينوا على قضاء حوائجكم بالكتمان ...............

6- اهم حاجا بأى بجد دعاء الوالدين بيديك ثقة اوي اوي في نفسك

7- الغرور البتعد عنه مش كل ما حد يقولك يا دحيح يا حريت والكلام دا كله تصدقه لا هو بيضحك عليك وبس

8- يجي واحد يقلك يا عم السنة كبيرة طويلة عريضة لا سيبك منه

اهم حاجا هنيجي في حته كرهتي الفيزيا او مادة معينة

دي عائق كبير والله وع فكرة انا كنت بكره باب ال dna في البيولوجي وحليت كل اسئلته

في الامتحان صح

من شعورك بالضغط النفسي الكبير بتحس انك كرهت المادة لكن لا مش بتكرهها .... حاول تدي للفيزيا اهتمام ابدأ بالساهل هتحبها اكيد

وحل كتير مسائل بس ايااك ان الفيزيا او اي مادة تطغى ع بقية المواد ودي نصيحة اخ كان في ثانوية


والحالة النفسية كل ما تحس انك مخنوق قوم اتوضا وصلي ركعتين وادعي ربنا يرزقك انك تفهم شئ معين

وقرأ سورة يس

فسورة يس لما قرأت له

والسلام عليكم

أولا : شكرا جدا جدا جدا على الرد بجد جزاكم الله خيرا
ثانيا :أنا أختك فى الله هينار
ثالثا :وده الأهم إنى أنا فعلا السنة اللى فاتت جبت ورقة وكتبت فيها الدكتورة هينار بس كنت كل أما أضايق أقطعها وفى النهاية زهقت وما عنتش كتبت حاجة تانى خالص
رابعا: أنا للأسف من النوع اللى بيذاكر كل أما بيحس إنه فاشل وده الحافز بانسبة ليا
وفى النهاية أنا آسفة على التطويل وشكرااااااااااااااااااااااااااااااا

الشكر لله وحده


اها بالنسبة للفيزيا بأى وازاي تزاكريها

انتي عندك خمس وحدات على 15 فصل

طبعا نص المنهج تافهه ( لعب عيال)


عندك في الاول الوحدة الاولى ( الأمواج)

تلات فصول : الفصل الاول : كام مقارنة على تعرفين لربما يجي مقارنة بس بين الموجات الطولية والمستعرضة & او موجات الكهرومغانطيسية والموجات الميكانيكية

الفصل التاني طبعا الصوت : اهم حاجا فيه مسائل الاوتار وفيه تعريف التردد والنغمات الفوقية والتوافقية وعدد العقد والبطون دي كلها حاجات تركزوا عليها قوي ولازم تيجي مسألة في الاوتار وقوة الشد والتردد والطول الموجي وكدا

وبرضو تراكب الموجات والتداخل وكل دا


الفصل التالت عندك الضوء تافهه جدا اهم حاجا تقسيمات الضوء ( دي في اشعاع الجسم الاسود ؟)" معلومة بس"

وعندك بأى المناشير طبعا من منشور رقيق ومنشور ثلاثي وطبعا دي حاجات ساهلة قوي

زاوية الانحراف والزاوية الحرجة وعندك برضو قوة التفريق اللوني " دي جات في امتحانا السنادي"

وكام سؤال علل في الصوت والضوء وطبعا عندكم تجربة الشق المزدوج والقانون او العلاقة المستنطبة منها يعني حاجات سهلة قوي قوي



ندخل بأى ع الشغل بجد

الوحدة التانية بتتكلم عن الموائع وخواصها في فصلين هما

الفصل الرابع خواص الموائع الساكنة

هتاخدي الضغط وبرضو فيه قاعدة ماكسويل " مبدأ انتقال الضغط بتمامه" والاهم وكل الافكار عليه " مبدأ ارشميدس " او زي ما بيقولوا ( قانون الطفو)

هتاخدوا هنا اثبات لقانون واحد في الفصل دا كله وهتركزوا ع البلونات وقوة الشد لاعلى ولاسفل وكلها حاجات بسيطة قوي

هتاخدوا افكار بأى الانابيب ذات الشعبتين وكام سؤال علل لذيذ عليها بيتحل بواسطه العلاقات

هتاخدوا وحدات قياس الضغط " سم زئبق" & " مم زئبق" $ " التور" $ البسكال

يعني حاجات كلها جميلة باذن الله وسهلة جدا جدا جدا

تركزي بس ع تعدد الاوزان في قانون الطفو ( ارشميدس) وافكارة

والافكار بتاعت انابيب ذات شعبتين وتعدد السوائل وكدا


تدخلي بعد كدا ع الفصل الخامس ياااااااااااه جميل قوي خواص الموائع المتحركة

السريان واللزوجة حاجات تافهة قوي قوي قوي

مفيهوش حاجا كام صفحة الفصل دا يعني مية مية


احسبي كدا وحدتين اهو وسهلين قوي قوي واقل مجهود


الوحدة الثالثة ( دي بأى عشقي الاول والاخير في الفيزيا )

تنقسم لثلاث فصول وهم


الفصل السادس : تجارب كله فيه حوالي خمس تجارب لاستنتاج قانون بويل وقانون شارل وقانون الضغط او جولي

دا بأى فيه 5 تجارب ساهلين قوي وفيه استنتاج القانون العام للغازت باستخدام قانونين اما بويل وشارل

او بويل والضغوط ودا كله علاقات

وهتاخدوا صفر كلفن وتعرفيه وكيفيه حسابه يعني ساهل قوي قوي قوي


وهتاخدوا معامل التمدد الحجمي وكدا حاجات سهلة قوي ان شاء الله


الفصل السابع : استنتاجات وفيه استنتاجين حلوين قوي قوي

يعني مية مية يا جماعة مفيش فيه الا فروض وبس واستنتاجات

هتاخدوا عدد افوجادرو ودا اخدتوه في الكيميا في الباب السادس وساهل قوي وكام تعريف وكفى الله المؤمنين القتال


هندخل على احلى حاجا في الفيزيا

الفصل التامن " التبريد"

هتاخدوا ظاهرة مايسنر والقطار الطائر والتلاجات وكدا الفصل كله لو ملخص عبارة عن اربع صفحات وتافه قوي اهم حاجا فيه ظاهرة مايسنر والتوصيل الحراري الفائق


هندخل على حوت الفيزيا كلها ودي مش بعشقها بس انا كنت مش احب اذاكر الاها ( الكهربية)

يشتكي منها اكترية الطلبة للطولها بس جميلة قوي قوي قوي


الفصل التاسع : طرق التوصيل هتاخدوا توالي وتوازي وازاي تحسبوا في الدوائر على الرسومات المقاومة المكافئة وشدة التيار الكهربي المكافئ والقوة الدافعة الكهربية

وهتاخدوا قانون اوم للدائرة المفتوحة والمغلقة والفصل دا المدخل والاسهل وكل فصل منفصل عن التاني

الفصل العاشر بأى: عزم الازواج المغناطيسي والقوة المغناطيسية وكدا حاجات حلوة قوي وهتاخدوا الملف الدائري والحلزوني والسلك المستقيم وحساب شدة التيار بهم وتحديد المسافة بينهم ومسائل جميلة قوي شيقة جدا

واستنتاج في اخر الفصل بسيط قوي وهتاخدوا اجهزة القياس الجلفانومتر والاميتر والاوميتر

نروح بأى لايه للاقوى الفصل ال 11

بيسموه بعبع الفيزيا ( الحث الكهرومغناطيسي)

ياااااااااااه سهل قوي قوي هتاخدوا الحث وافران الحث وهتاخدوا اجهزة الدينامو وكدا يعني جميل قوي قوي

وفيه مسائل سهلة قوي



نيجي لاخر وحدة في المنهج وهيه الوحدة الخمسة عبارة عن اربع فصول

الفصل الثاني عشر : اشعاع الجسم الاسود

كلام مفيهوش اي حاجا اصلا ساهل قوي وكله دش مفيهوش الا حاجات معينة بتيجي في الامتحانات تعريف منحنى بلانك وكدا


الفصل الثالث عشر: الاطياف الذرية

منهم حاجات كتيرة اخدتوها فروض شرودنجر وبور ورذرفورد حاجات كلها مكررة قوي وفيها جديد مش كتير اللي هو اطياف ذرة الهيدروجين مقسمة لمجموعات زي ( بالمر & باشن & براكت&& ....) هما خمسة على ما افتكر ولكل واحدة مستوى طاقة بتنزل منه للمستوى الارضي


الفصل الرابع عشر : الليزر

دا بأى رهيب قوي قوي قوي يعني مفيهوش اي حاجا الا مدفع الليزر بتاع الهليوم نيون وكام كلمة كدا حلوين قوي والله انا بحاول اركز وافتكر ليكم وربنا يقدرني وافتح ليكم بس ثغرات بسيطة في المنهج

وطريقة عمل الليزر وجهاز الليزر والحاجات اللي بتستخدم لعمل الليزر


الفصل الخامس عشر والاخير:

بيتكلم عن الترانزستور والتطعيم والشوائب وكدا جميل قوي والتوصيل الامامي والخلفي



يارب اكون قدرت افتح ليكم ولو مجرد منافذ صغيرة قوي في منهج الفيزيا


بجد مادة شيقة قوي قوي وسهلة قوي قوي قوي

ربنا يوفقكم وبندعيلكم من كل قلوبنا

وفقكم الله وسدد خطاكم وان شاء الله خمسين في الفيزيا واي حد يعوز اي استفسار عن اي مادة وطريقة مذاكرتها بجد لو اقدر افيده هفيده ان شاء الله كلنا هنا اخوات وانا لسا خريج ثانوية طازة وحبيب تلات مواد فيزيا واحياء وكيميا

سلام عليكم

للاسف يا جماعة استحملوني بليز انا رغاي

واولا واخيرا والله بشكر اختي الدكتورة فلاور على طرح الموضوع


دلوقتي هتكلم عن البيولوجي


منهج البيولوجي عبارة عن ثلاث ابواب هي ( الباب الاول ) دا بيتكلم في الوظائف الحيوية لجسم الانسان


( الباب الثاني ) الوراثة


( الباب الثالث ) dna الحمض النووي الريبوزي وبرضو الديؤكسي ريبوز


بسم الله نبدأ تقسيمة المنهج


الباب الاول الاطول واللي كله تقريبا يعتمد على شئ اسمه ملكة الحفظ

يتقسم الباب الى ثمان فصول وهيه ع الترتيب

1- التغذية : دا بيتكلم عن طرق التغذية من ذاتية وغير ذاتيه & ذاتية زي النبات وهتاخدوا فيها بأى كيفيه امتصاص الماء والاملاح من التربة وتكوين الورقة وعملية البناء الضوئي والنقل النشط حاجات جميلة قوي قوي والمغذيات الكبرى والصغرى من الاملاح

والتغذية الغير ذاتية الانسان هتاخدوا تركيب الجهاز الهضمي كاملا فم - مرئ - معدة - امعاء - كبد

وهتاخدوا العصارات الهاضمة وانواعها وبتعمل في وسط حمضي ولا قلوي

وهاتخدوا الايض ( الهدم والبناء) اخر صفحة في الفصل :D
ادي الفصل الاول ان شاء الله تافه قوي

2- النقل : طبعا في الانسان وفي النبات هتاخدوا في النبات تركيب الجذر والساق وهتاخدوا برضو تجارب والقوى التي تعمل على صعود العصارة من قوى ثانوية

اهم حاجا نظرية التماسك والتلاصق وقوى الشد

وشوية حاجات كدا جميلة قوي


في الانسان رهيب هتاخدوا القلب وتركيبة والاوعية الدموية والجهاز الليمفاوي طبعا كله بسيط

هتاخدوا طبعا الدورات

الدورة الكبرى & دورة البابية الكبدية & الدورة الصغرى
دي دورات النقل في الانسان وحاجات ساهلة تبدأ منين وتنتهي فين وبتصب فين كل دا ان شاء الله هيكون ساهل عليكوا قوي
زهتاخدوا كرات الدم البيضاء والحمراء والصفائح الدموية وكيفية تكون الجلطة كل دا بسيط باذن واحد أحد

3- التنفس : بعتبره فصل شيق قوي هتاخدوا التنفس في الانسان الاول والفرق بين التنفس الخلوي وتبادل الغازات في مقدمة الفصل وهتاخدوا تركيب الميتوكوندريا وكيفية انتاج الطاقة ونواتج عملية التنفس وهتاخدوا حاجا اسمها دورة كريبس وسلسلة نقل الالكترون وجزيئات ال ATP وكيفية ان الانسان بيحصل على الطاقة

وتركيب الجهاز التنفسي وحاجات جميلة جدا

في النبات هتاخدوا اكيد التنفس في النبات كام تجربة بتوضح التنفس في النبات وان شاء الله كل تمام لغاية دلوقتي

4- الاخراج : دا بأى فصل سهل قوي هتاخدوا مفهوم الاخراج وهو عملية التخلص من الفضلات والتي تمر عبر الاغشية البلازمية
وهتعرفي حاجات جديدة ان مثلا في حاجات كانت بتعتبر اخراج في الاعدادي بس دلوقتي لا زي التخلص من ثاني أكسيد الكربون والنيتروجين الجوي بواسطة الرئتين

وبرضو في حاجات كتيرة قوي هتاخدوا الكليتين والكبد ودور كل شئ في الاخراج والجلد كل دا ان شاء الله وجهاز الكلى الصناعي


بعد كدا الاخراج في النبات والنتح وانواعه والادماع ومعناه وليه الاخراج في النبات اسهل من الحيوان والانسان

وتجربتين ع الماشي :D


5- الاحساس : كنت بعتبره ارخم فصل بس طلع رهيب قوي هتاخدي جهاز العصبي المركزي وتحكمه في كل حاجا والجهاز العصبي الطرفي دا بأى جميل هتدرسوا المخ واقسامه والاعصاب الشوكية والمخية والفعل الارادي واللااردي وحاجات حلوة قوي ان شاء الله والفعل المنعكس برضو وتحكم بعض الاعصاب في عمليات وهتاخدوا كيف يتم اثارة الاعصاب والاستجابة كل دا
وحالة الاستقطاب واللاستقطاب والجموح وحاجات كتيرة وتأثير الجهازين السبمثاوي والبارسبمثاوي على بعض غدد في الجسم وبعض الاعضاء

الفصل دا جميل قوي دا بالنسبة للانسان

في النبات الاحساس ساهل قوي هتاخدوا الانتحاء وهو استجابة النبات لمؤثر خارجي ناشئ عن التوزيع المتكافئ للاوكسينات على جانبي القمة النامية

هتاخدوا انتحاء ارضي ومائي وانتحائ ضوئي

وادي كل الحكايه :D

6- التنسيق الهرموني : دا بأى احسن فصل درسته في حياتي في البيولوجي لحد الان هتدرسوا دور الهرمونات من عادية وجنسية والانسولين كل حاجا هنا والغدد القنوية واللاقنوية هتاخدوا الغدة النخامية وبيسموها المايسترو وبرضو فيه الغدة الكظرية والبنكرياس " غدة مشتركة"
حاجات جميلة قوي

هاتخدوا بأى في النبات الاوكسينات وساهلة قوي اندول حمض الخليك وكدا ونافثول حامض الخليك حاجات بسيطة قوي ان شاء الله خير.....

7- الدعامة والحركة:

في النبات بأى هتاخدوا دعامة تركيبية وفسيولوجية والفرق بينهم أكيد والحركة في النبات حركة الشد والمحلاق حاجات بسيطة قوي

تدخلوا ع الانسان الدعامة والجمجمة والطرفان العلويان والسفليان وبرضو هتاخد حاجات كتيرة زي نظرية الخويط المنزلقة للعالم هكسلي في شرح تركيب العضلات وبروتينات العضلات اللي هما الأكتين والميوسين

وحاجات جميلة والله وحلو الفصل دا في رسوماته

8- التكاثر : وهو يعد اطول فصول المنهج

هتاخدوا التكاثر الجنسي واللاجنسي

التكاثر في النباتات الزهرية وتكوين حبوب اللقاح والبويضات وعملية الاخصاب وتكوين البذرة والثمرة وحاجات جميلة وسهلة جدا
التكاثر في الانسان : ساهل قوي بيتكلم عن تكوين كل من جهاز التناسلي لكل من الذكر والانثى وشرح لوظيفة كل تركيب في الجهاز ووظيفته

وتكوين الحيوانات المنوية والبويضات ودورة الحيض ودورة التزواج في جميع الكائنات

برضو هتاخدوا التؤام وكل دا كلام رهيب قوي وسهل جدا ومعلومات عادية قوي

برضو هتاخدوا زراعة الاجنة والتكاثر العذري والاثمار البكري وبنوك الامشاج وحاجات تانيه في الفصل بس في الاخر

وتحديد الجنس في الحيوانات كل حاجا باذن الله


************** كدا خلص الباب الاول ( تم بحمد الله )*********************


الباب الثاني : علم الوراثة


طبعا العالم جريجور مندل

تلات فصول وهم

1- الاول بيتكلم عن قانون مندل الاول والتاني وهما سهلين قوي وصفات اليلومورفية حاجات بجد جميلة قوي ونبات بسلة الزهور ووراثة صفة واحدة ووراثة صفتين وحاجات مباشرة مندل الاول والتاني ونجاح تجارب مندل وسبب كل دا

2- رهيب قوي قوي فيه كل الشغل هتاخدوا الجينات المتكاملة والجينات المميتة والجينات المتبادلة والارتباط التام وغير التام والعبور وحاجات جميلة قوي قوي قوي

ومعامل ريسس ووراثة فصيلة الدم في الانسان حسب توزيع منطقي وحاجات شيقة جدا جدا واخر حاجا رسم الخريطة الصبغية ودور العالم مورجان سهلة قوي

3- الوراثة الجنسية بتتكلم عن التركيب الجنسي للشخص السليم سواء ذكر او انثى وحالات الشذوذ زي كلاينفلتر وداون وتيرنر والتضاعف الجنسي

برضو فيه مسائل الصفات المرتبطة بالجنس والصفات المتأثرة بالجنس وطبعا المقارنة بينهم


**********************_ تم بحمد الله الباب التاني _ *********************


الباب الثالث : DNA

الفصل الاول سهل قوي وبيتكلم عن المحتوى الجيني وكلام من دا كله وتركيب ال DNA حاجات جميلة قوي قوي عاوز تركيز جامد الباب دا لانه في حاجات كتيرة شبه بعضها وحلو قوي الفصل الاول والتاني وهتاخدوا برضو تركيب ال RNA وكيفية تخليق البروتين حاجات شيقة الجينيوم البشري ومعلومات كتيرة قوي وازاي يتم انتاج هرمون طبيعيا زي الانسولين وانزيمات القطع وبيكتريا ايشيريشا كولاي ودورها حاجات بجد شيقة جدا




والحمد لله بكدا منهج البيولوجي وهو عبارة عن 13 فصل

اسأل الله ان اكون كتبت ولو شئ بسيط يفيدكم

لاني والله مش متذكر كل حاجا وانا بكتب اللي فاكره ودلوقتي مش مركز

نسأل الله ان يوفقكم وان يسدد خطاكم وان شاء الله بالنجاح والتفوق والتميز

سلام الله عليكم


ولو اي حد عاوز مني اي حاجا انا تحت امره بجد طريقة مذاكرة بيولوجي فيزيكس او عربي او انجليش او مادة الادبية تحت امره

استودعكم الله

واسف يا دكتورة بس بجد انا نفسي اساعد ولو بشئ بسيط ليهم لاني اخدت دروس ياما ف الثانوية العامة ربنا معاكم وبدعيلكم من كل قلبي

جزاكى الله كل خير فلور على النصائح الجميله
وشكرا ليك محمد

Flower انت رائعة انك فتحتي الموضوع ده
الاحياء ياحبايبي مادة محتاجة انكو تعيشو جواها يعني
كل ما تذاكر جزء من المنهج الخاص بالانسان طبقه على جسمك تخيل الاكل و هو ماشي جوة جسمك و امشى وراه لحد ما تعرف هو بيمشي باي ترتيب و كده عمرك ما هتنسى تركيب الجهاز الهضمي ، و بعدين فكر في طريقة جوه الدم لحد مايوصل للمخ و اكتبه الأول في ورقة على شكل مخطط بالأسهم علشان تفتكر الدورة الدموية و نفس الكلام بالنسبة للنبات امشي ورا جزيء الماء من التربة لحد ما يتكسر في الورقة و اكتب الأكسجين بيروح فين و الهيدروجين بيروح فين وركز في الشجر لما تمشي في الشارع و حاول تتأمل اللي بيحصل جواه بدال ما تبص على الولد و البنت اللى راكنين جنب الشجرة و بيشتغلو بعض