|
مشاهدة النسخة كاملة : هتعمل ايه COoL HEaRT 27-08-2006, 08:34 PM كنت عاوزه اعرف لو مثلا انت ليك راى فى موضوع وأهلك ليهم راى تانى وانت واثق ان كلامك صح هتعمل ايه هتمشى ورا كلامهم ولا هتحاول تقنعهم ولو ماقتنعوش هاتعمل ايه وياريت تجاوبونى ;) COoL HEaRT 27-08-2006, 08:52 PM اظاهر ان مواضيعى مش حلوه انا اسفه بس هاعمل اخر موضوع اتمن انه يعجبكوا Flower 27-08-2006, 08:56 PM لا موضوعك كويس ودي نقطه مهمه..... بصي الاول لازم تقنعي الاهل بوجهة نظرك.... وتفهمي وجهة نظرهم لان هم اكيد عندهم خبره ويهمهم مصلحتك......... basmala 27-08-2006, 08:57 PM كلام الاهل اكيد بيكون صح ...بس مش دايما لازم تكون ليا شخصيه ..بس مش معنا كده عدم سمعان الكلام وخلاص FRANKENSTEIN 27-08-2006, 08:58 PM لالالالالالالالالالالالالالالالا مواضيعك جميله وانا كانت عندي نفس المشكله كانوا عاوزني اخد احياء وانا كنت عاوز رياضه فقلت لوالدي اللي انت عاوزه حعمله بس انا مش عاوز ادرس احياء فقالي اللي انت عاوزه اعمله كفايه انك عملت اللي انا عاوزه من غير ما تعترض فسمعت كلامه ودخلت احياء بجد ياسمين صح برضه موضوع جميل بس احنا لازم نسمع كلام الاكبر مننا عشان هما اكثر خبرة ومعرفه بالحياه COoL HEaRT 27-08-2006, 09:01 PM الموضوع مش عليا انا بس هى مسأله بشوفها كتير ان الأهل متصورين انهم معصومين من الخطأ بالإضافه ان توجيه اي ملحوظه بيفكروها انه نقض بالإضافه م مش عاوزين نجرب COoL HEaRT 27-08-2006, 09:28 PM شكرا ليكوا Merooo 27-08-2006, 10:56 PM موضوع جميل ومهم. انا بس كنت عايزة اعقب على كلمة انتى قلتيها وهى انك متأكد انك صح مفيش حد بيشوف نفسه غلط ووفى الوقت اللى انتى بتككونى متأكده ان وجهة نظرك صح 100% هما كمان بيكونوا متأكدين وواثقين ان وجهة نظرهم صح 100%. الفكرة ان كل واحد بيحكم على الصح والغلط من وجهة نظره الشخصية وبناءا على مبادءه وقيمه واخلاقه ودينه ( ده عموما). حاولى ان يكون فى تقارب فى وجهات نظرك ووجهات نظر والديك طبعا فى غير ما يغضب ربنا -سبحانه وتعالى- ولو فشلتى طيعيهم واحتسبى الاجر عند ربنا وخليكى واثقه انك طالما رضيتى ربنا يبقى اكيد اكيد ربنا هيرضيكى. معلش طولت . وبجد شكرا على الموضوع الجميل والمهم ده. COoL HEaRT 27-08-2006, 10:58 PM شكرا ليكى علمي علوم 28-08-2006, 02:21 AM موضوعك جميل يا دريمز وانا مع رأى الاخت فلور لازم تقنعيهم قبلى وتسمعى رأيهم يمكن يكون اصح ومع رأى الاخت ميروو إيضاً واشكرك على طرحك للنقاش ده msamido 28-08-2006, 03:10 AM اهم حاجه ان محدش يحاول يفرض رأيه وخلاص بدون نقاش يعني الأهل مش مفروض يستبدوا برأيهم وهو كده خلاص وهتنفذ اللي بقولك عليه ورجلك فوق رقبتك لا طبعا مش صح وكمان الواحد ميقولش لا انا هعمل اللي علي مزاجي ده مستقبلي انا ودي حريتي انا ويعاند وخلاص لا ده بردوه غلط دايما في اختلاف في وجهات النظر بين الاباء والابناء والطريقه السليمه في مثل هذه المواقف الجلوس وسماع الأخر دون محاولة التأثير علي رايه وفي النهاية لازم حد هيقتنع بصحه كلام الأخر ويمشي الموضوع انا عن نفسي زمان لما كنت في ثانوي واجهتني نفس المشكله بتاعة احياء ورياضه اتنين وطب وحاسبات لاني كان نفسي ادخل حاسبات وقعدت واتكلمت مع بابا والحمد لله بابا راجل متفاهم اوي وقدر وجهة نظري وسابني اعمل الحاجه اللي انا بحبها لاني مش بعرف اعمل اي حاجه انا داخله مش عن اقتناع شكرا ليكي والموضوع فعلا مهم وبيمس جميع الناس |