إعلان نتيجة الثانوية الأزهرية منتصف يوليو

الثلاثاء، 23 يونيو 2009 - 15:43

http://www.youm7.com/images/NewsPics/large/S420091115427.jpg د.محمد سيد طنطاوى شيخ الأزهر
كتب عمرو جاد
http://www.youm7.com/images/graphics/lg-addthis-en.gif (http://www.youm7.com/bookmark.php?v=20) أكد الشيخ عبد الفتاح دردير، رئيس قطاع المعاهد الأزهرية، أن الانتهاء من تصحيح أوراق إجابات امتحانات شهادة الثانوية الأزهرية سيكون خلال الأسبوع الأول من شهر يوليو القادم، ليتم بعد ذلك إعلان النتيجة فى منتصف الشهر، والتى سيعتمدها ويعلنها الإمام الأكبر الدكتور محمد سيد طنطاوى شيخ الأزهر.

وأضاف دردير لليوم السابع أن مؤشرات النجاح فى الامتحان الذى أداه 97 ألف طالب على مستوى الجمهورية بعد بداية التصحيح، مرتفعة عن الـ 90%، مشيراً إلى أن عددا كبيرا من أوراق الإجابة فى المواد الشرعية تخطت 95% من المجموع الكلى للمادة.

وقلل رئيس قطاع المعاهد الأزهرية من أهمية الشكاوى التى وردت من بعض الطلاب حول مواد مثل الفيزياء والترجمة، مؤكدا أن الغالبية العظمى من الطلاب لم تصدر منهم أى شكاوى حول صعوبة المواد، اللهم إلا بعض الشكاوى من ضيق الوقت وهى التى تم استدراكها أثناء الامتحان

على فكرة التصحيح بدا

والاوائل هيظهروا اول شهر 7

والنتيجة النهائية هتظهر 5 6 7 من شهر يونيو(7)

قديمة شوف غيرها يا احمد

قديمه اه بس فى مشاركة التصحيح فى بعض المواد خلاص بس النتيجه الاسبوع القادم زى ما الاستاذ قال 5او6او7

النتيجة لن تتاخر وعلى حد علمى سوف تعتمد يوم 29

النتيجه هتظهر متي ارجو الرد بسرعه وعاوز خبر اكيد

ان شاء الله هتظهر النتيجه من يوم الأربعاءالــــــــــــــــــــــــــــــتتتتى السبت أو الأحد والله أعلم

النتيجه هتظههر ان شاء الله اخر الاسبوع ده علي الاربعاء الخميس كده
والله انا عايزه تظهر واخلص بقي وقوع البلا ولا انتظاره
ان شاء الله مش هيكون فيه بلاء وباذن الله ربنا هيرضينا كلنا ياااااارب
يارب كلنا ندخل الكليات اللي احنا عايزينها
والنبي ادعولي كلكم انا تعبت اوي ربنا يستر

ما تقلقوش نفسكم نتيجة السنة اللى فاتت ظهرت يوم13
ويارب تظهر السنة دى بدرى
وبالتوفيق ليكم كلكم ان شاء الله

يا جماعة بجد النتيجة هتظهر اكيد امتى ونجيبها من اي موقع ولا هتظهر ع الموقع دة

تقريبا مش ظهرت 3 من شهر 7
واللي قبلها 5 من نفس الشهر

يا جماعة بجد النتيجة هتظهر اكيد امتى ونجيبها من اي موقع ولا هتظهر ع الموقع دة

الله مع الجميع

ابو زكريا

احنا مش بادينا الا الصبرررررررررررررررررررر

ياجماعة النتيجة هتظهر اخر الاسبوع ده ولو اتاخرت اوى يعنى هتظهر الاحد القادم
وان شاء الله خير لنا كلنا وكل واحد يحقق اللى بيتمناه

السلام عليكم يا ازهريه يا ريت تقبلونى معاكم عضوه جديده وانا ان شاء السنه الجايه هبقى ثانويه ازهريه عشان كده يهمنى اعرف اخبار الثانويه السنه ده ايه واتمنى منكم ان توجهونى بالنصائح لمذكرة الدروس وتنظيم الوقت
اتمنى للجميع التفوق والحصول على اعلى الدرجات ان شاء الله
اتمنى انكم تردو على وتتفاعلو معى وما تطنشونى ما شى الله معكم جميعا
اختكم فى الله قطوف دانيه
والسلام عليكم جميعا

أهلا قطوف

المذاكرة دى مفيش أسهل منها باذات فى السنة دى

أهم حاجة الاستاذ اللى انتى بتخدي عندو درس تكونى فاهمة منه كويس ودا هيسهل عليكى كتيير

تانى حاجة تذاكرى الدروس اللى انتى بتاخديها اول باول ومتخليش اكتر من درسين يفوتوا عليكى ودا هيسهل عليكى كتييييير جدا ايام المراجعه

وبعدين أحسن مذاكرة من كتاب المدرسة أما الحل فمن اى كتاب عادى

يعنى انا مثلا المواد الشرعية كلها كانت من كتاب المدرسة

العربية كان النحو والادب والنصوص من كتاب المعهد أما الصرف فمن مذكرة الاستاذ ومن كتاب المعهد والبلاغة من المذكرة لأن كتاب المدرسة كان فى كلام كتيير بس دا ميمنعش انك لازم تقرى كتاب المعهد ولو مرة واحدة ودا بعد متذكرى المادة كويس

اما المواد العلمية فاكيمياء والاحياء والفيزياء واضحين جدا فى كتاب المدرسة اما الرياضة طبعا حلى من اى كتاب بس حلى التمارين اللى فى كتاب المدرسة والامثلة المحلولة لانه سعات بيجيب منها مسائل

أما الانجليش طبعا بيعتمد على مدرس المادة والحل الكتيير وهو بيركز فى الامتحانات سعات على اسئلة ال Workbook

حتى لو مش عايزة تذاكرى من كتاب المدرسة وحاسة اللى هوا تقيل شوية ذاكرة من اى مذكرة او كتاب خارجى وبعدين اقراى كتاب المدرسة عشان لو فى حاجة مش موجودة فى الكتب اللى انتى مذاكرا منها وموجودة فى الكتاب

وعلى فكرة لو فهما المادة كويس هتذكرى من اى كتاب وطبعا الاستاذ اللى بتروحى عنده درس بيسهل الحتة دى كتييير

وعلى فكرة الدروس والمذاكرة تبدأ من شهر 10 لأن انا كنت بادئ دروس شهر 8 وخلصنا المناهج فى نص اتنين
وفضلت اراجع 3 شهور ونص ودا خلانى أزهأ من المواد اللى انا كررتها كتيير زى المواد العربية والشرعية لكن لو عايزه تبدأى بدرى

عادى ابدأى ولو فى شهر 7 أهم حاجة متمليش من المواد ومن المذاكرة

وعلى فكرة شهر خمسة دا بيبقى شهر مراجعة بس متفكريش انك تذاكرى فيه حاجة نهائى

وأهم حاجة زى ما قلت المذاكرة أول بأول لأن دا هيسهل كتييييييييييييير أوى عليكى وانتى بتراجعى حتبقى مش محاجة وقت كتيير تراجعى فيه المواد

أهم حاجة بس تنظمى الوقت كويس وتنظمى الدروس

وعلى فكرة هى سنة سهلة جدا ومتلقيش خالص من الامتحانات هى بتيجى سهلة وان شاء الله هتيجى سهلة السنة الجاية

وكمان فى حاجة امتحانات السنين اللى فاتت لازم تتحل لأنه سعات بينقل منها بانص يعنى مثلا فى امتحان البلاغة السنة دى نقل سؤالين كانو ا فى امتحان دور تانى قبل كده

وفى الاخر طبعا اللى ذاكر كويس ربنا ان شاء الله هيكرمة ويخش الكلية اللى هوا عايزها

و

السلام عليك يا aboab بصراحه برد حضدرتك على طمنتنى اصل انا سمعت كلام يخوف عن الامتحانات بتاعتك خاصة امتحان الفيزياء وليه واحدة صاحبتى قطعت ورقة الاجابه قبل ما تسلمها بعشر دقايق وبعدين خبطت دماغها فى الحيطه انا من ساعة ما سمعت الخبر ده خفت اوى اصل بينى وبينك كده مستوايا فى الفيزياء زباله يعنى اعلى درجه جبتها وانا مذاكره كويس كانت 16 ونصف ولا حكاية ان فيه خمس حالات اغماء فى سوهاج بسبب امتحان الميكانيكا يا ااااااالله استر علينا
معلش استحمانى شويه سؤال اخير بالنسبه للقران انا للاسف مش فاكره فيه الا من البقره الى الانعام بس والباقى للاسف مش فاكراه خالص ممكن تقولى اعمل ايه فى المشكله دى بصفتك مجرب يعنى
يارب ما اكونش ازعجت حضدرتك بكلامى الكتير ده
تحياتى لك واتمنى من الله ان يرزقك اعلى الدرجات فى الدنيا والاخره

وجزاك الله خيرا
والسلام عليكم ورحمة الله وبركاته

أولا الفيزياء كانت طويبة بس السنة دى بس مش صعية ولا حاجة

هو فى منهج الفيزياء السنة دى باب الكهربية وباب الفيزياء الحديثة

الكهربية دى عوزه تتفهم كويس بس وبعدين ممكن تحلى اتخن مسألة فيها

اما الحديثة فهى معتمدة على الفهم والحفظ بس هو السنة دى مجبش حاجة تقيلة أوى يعنى وبعدين الفيزياء سهلة جدا جدا

أما الميكانيكا فهى استاتيكا وديناميكا

الديناميكا سهلة جدا هى تعتبر فيزياء لأنها هى أكترها من منهج الفيزياء بتاع أولى ثانوى بس بتدرسيها بالعربى ودى كانت جاية سهلة فى الامتحان لأنة بيجيب 3 أسئلة ديناميكا تحلى اتنين

أما الاستاتيكا هى عايزة تركيز شوية بس أما الامتحان السنة دى هو كان 3 أسئلة بردة تختارى اتنين وأول سؤال كان سهل اما فى السؤالين الباقين كان نقطة ( ب) هى اللى كانت عايزة شوية تفكير بس يعنى هو باعتبار اللى انت بتحلى سؤالين بس هى مسألة واحدة اللى كانت صعبة

وعلى فكرة السؤال الثانى جاى منه مسألة مثال محلول فى الكتاب أما المسألة الثانية فهى فى النماذج اللى فى اخر الكتاب برضه
وكذلك السؤال الثالث أما السؤال الأول مدورتش عليه لأنه كان سهل جدا

أما القران انا كنت داخل وأنا حافظ سورة البقرة وال عمران والنساء بس وأوائل السور والحمد لله الامتحان جه سهل

هو الامتحان بيبقى اربع اسئلة أول سؤالين من المنهج وبيبقو سهلين
ثالث سؤال مبيخرجش فيه عن السور دى اللى هى البقرة وال عمران والنساء بس بتهيألى عمره ما جاب من النساء حاجه

السؤال الرابع والأخير بيبقى جايب ثلاث أو اربع سور واكتبى أول ثلاث ايات منها

أما الشفوى انا دخلت لقيته أول حاجة سألنى فى اللى جه فى التحريرى وبعدين سألنى فى أوائل الاربع فى البقرة وبعدين قالى قول سورة الضحى وعدت على خير الحمد لله

وعشان تجيبى درجة حلوة فى الفيزياء
اول حاجة الاستاذ اللى انتى بتروحى عنده كويس جدا وبتقدرى تفهمى منه مضبوط

تانى حاجة حل مسائل كتيير

تالت حاجة مذاكرة النظرى كويس وبفهم لنك ممكن لو فاهماه مجرد متجيبى اوله تعرفيه كله لن فى حاجات فى الفيزياء الحديثة عايزة كده

ولو فى أى حاجة تانية أنا فى الخدمة وربنا يوفقك

السلام عليكم
ياريت يل جماعة محدش يقول الا الاخبار الصحيحة عشان ميوطرش اى حد
جزاكم الله خيرا
اختكم فى الله تماضر

جزاك الله خيرا يا aboab بجد متشكره جدا انا فرحانه ان انت بتشكر فى الفيزياء والرياضه وان شاء الله هصلح علاقتى بيهم
معلش انا عارفه انى غلست على حضدرتك لكن انا عايزه اخد رايك فى حاجه
دلوقتى مدرس الفيزياء اللى انا السنه اللى فاتت كنت باخد عنده وجبت معاه 16 ونصف من 20 معظم البنات اللى فى طب وهندسه رشحوه لى وبعد ما كنت صرفه النظر عنه رغم انى ما كانش عندى بديل له اقتنعت بيه جدا خصوصا بعد ما اقلولى يمكن التقصير كان منك وهو كويس ورغم ان انا في بعض المعلومات ما كنتش بفهمها منه وكنت بحفظها قررت انى اروح له السنه الجايه مش عارفه انا كده صح ولا غلط وحتى لو غلط ما عرفش حد تانى من المدرسين
ممكن تقولى اعمل ايه

شباب الازهر الى داخلين تالته ثانوى ان شاء الله انا معاكو واحده واحد من الاول للاخر فى طريقه المذاكره والتحصيل فى اى ماده
بس اهم حاجه لازم تعرفوها ان تاته ثانوى غير اى سنه تانيه عايزه طريقه تانيه للتعامل معاها عموما انا معاكو فى الى تحتاجوه
اخوكم احمد عادل
دعواتكو ربنا يكرمنا كلنا السنادى

يارب النجاح للجميع رشدى العباسى

السلام عليكم ورحمة الله وبركاته
يا جماعة انا سمعت أن النتيجة ظهرت بس مش عارف أوصلها
يا ريت حد يفيدنى ويرد عليا

ظهرت فيييين؟
أعتقد انها لسه ما ظهرتش والا كان زمانها وصلت ع الموقع هنا

قطوف دانية

أنا كمان كنت بروح عند استاذ فى تانية ثانوى يعنى مكنتش بفهم حاجات منه برضه بس الواحد كان مطنش شوية لأنها تانية ثانوى

وبعدين فى تالتة جربت حوالى 3 مدرسين كل واحد حصة أو حصتين وفى الاخر رحت عند واحد منهم اللى انا حسيت اللى انا

فاهم منه كويس وماشى معاه وسبت اللى انا كنت بروح عنده فى تانية مع ان اصحابى برضه اللى فى اولى جامعة قالولى روح

عنده وكده

مش مهم اللى قبلك فهموا منه كويس ولا لأ أهم حاجة انتى فاهمة كويس منه ولا لأ

لكن لو كنت بتفهمى من الاستاذ دا وانتى مقصرة شوية فى المذاكرة يبقى انتى اللى مفروض تشدى حيلك شوية

لكن لو غير كده عادى جدا غيريه وروحى عند أى حد تانى ولو مفهمتيش كويس برضه عادى روحى عند حد تالت بس اختارى

بسرعة عشان ميضيعش وقت منك كتييير

لأن الفيزياء مادة مهمة برضه وانتى محتاجة تجيبى فيها الدرجة النهائية

وفى وقت الدراسة لو محتاجة حاجة اسألى فيها لأن انا عندى تلخيصات كتتتير حلوة فى المواد

وفى سؤال بعد اذنك انتى منين ؟

عايز اعرف نتيجة الثانوية الازهرية هتظهر امتا بالضبط العام 2009
وشكراااااااااااااااااااااااااااااااااااااااااااااا ااااااااااااااااااااااااااااااااااااا

ياجماعة التصحيح خلص الخميس اللي فات وان شاء الله المتوقع انها تظهر 5/7 يوم الاحد وعلى فكرة النتيجة مش هتتأخر عشان اللي هيخش دور تاني وعشان التنسيق كمان ربنا يكرمنا ويكرمكم وينولنا اللي في بالنا كلنا ان شاء الله

[quote=محمود الكافوري;1371065]ياجماعة التصحيح خلص الخميس اللي فات وان شاء الله المتوقع انها تظهر 5/7 يوم الاحد وعلى فكرة النتيجة مش هتتأخر عشان اللي هيخش دور تاني وعشان التنسيق كمان ربنا يكرمنا ويكرمكم وينولنا اللي في بالنا كلنا ان شاء الله

السلام عليكم ادشكرا لك وجزاك الله خيرا وانا من الغربيه

http://www.thanwya.com/vb/showthread.php?t=134072

http://massai.ahram.org.eg/Index.asp?CurFN=fron10.htm&DID=9996


الأهرام المسائى نشر أسماء الأوائل النهاردة - على الرابط أعلاه

** اخت الازهر

الخبر الاكيد النتيجة يوم الاحد ربنا يسترها مع الجميع قولوا اميـــــــــــــــــــــــــــــــــــــــــــــــ ـن

نتيجة عينة الشهادة الثانوية الأزهرية : الحديث 100% والقرآن100% والنحو 98% والأحياء 93%والإنجليزي98%
21 يونيو 2009 · تعليقات

شهدت عمليات تصحيح العينات العشوائية فى مواد امتحانات الشهادة الثانوية الأزهرية ارتفاع نسب النجاح هذا العام عن العام الماضى.وصرح الشيخ محمود شتا،رئيس كنترول الشهادة الثانوية الأزهرية، لـ«المصرى اليوم» بأنه تم الانتهاء من تصحيح العينات العشوائية فى مواد امتحانات الثانوية الأزهرية التى انتهى الطلاب من أدائها حتى الآن، مشيرا إلى أن نسب النجاح مرتفعة بصورة ملحوظة ومطمئنة.وقال شتا إن نسب النجاح فى العينات العشوائية فى مواد القسم العلمى جاءت (للقسم العلمى) كالتالى: فقه (98%)، تفسير (98%)، حديث (100%)، توحيد (100%)، قرآن ( 100%)، نحو (97%)، صرف (90%)، بلاغة (99%)، أدب (100% ) اللغة الإنجليزية (98%)، الفيزياء (86%)، كيمياء (88%)، الأحياء (93%). وأشار شتا إلى أن نسب النجاح فى العينات العشوائية فى مواد امتحانات القسم الأدبى
جاءت كالتالى: الفقه (91%)، التفسير(87%)، حديث (94.5)، توحيد (90.5%)، نحو ( 67%)، صرف (73.5%)، بلاغة(76%)، أدب ونصوص (81%)، اللغة الإنجليزية (72.5%)، اللغة الفرنسية (86%)، التاريخ (79.5%)، جغرافيا (92%)، المنطق (74.5%).:022yb4::av4056bb7jp3:

من المفترض أن تعتمد النتيجة صباح اليوم السبت ، ومن المتوقع أن تعلن على موقع الأهرام
والله المستعان
وبالتوفيق للجميع

شكرا على الاخبار الجميلة دى بس انا من المنصورة وكل فترة يقولوا هتظهر يوم السبت لا الاحد وناس قالو الثلاثاء وناس قالوا الخميس يالريت حد يقولى هتبان فى اى يوم انا تعبت بجد من الانتظار واعصابى ادمرت

ياأ|خالدالشهادة0هتبان0الليلة0ولا0لأ0ارجوك0ترد0علين ا
دلوقتى

الاكيد من الكنترول ان النتيجة سترفع علي النت غدا
ولكن هناك الكثير من الطلبة قد حصلوا بالفعل علي النتيجة من الثالثة بعد ظهر اليوم ومنهم علي سبيل المثال \
الطالب \ محمد سعيد
رقم الجلوس 109023
وحصل علي 98.6% بالمستوي
والي مش مصدق يبحث عن الرقم ده بكرة وهيتأكد
وهناك العديد من الطلبة اعرفهم ايضا عرفو النتيجة ايضا من الكنترول..مثل 109020 ....وحصل علي 93.5% بالمستوي
وعجبي ناس عايشة وناس لايصة
والشخص الموحود في الكنترول اخبر الطلبة بان النتيجة ستكون علي النت غدا بعد الثانية عشر ظهرا ان شاء الله

ممكن سؤال لو سمحتم النتيجه لو ظهرت راح الاقيها
على الموقع هنا (اقصد راح تنزل بالموقع مجرد وصولها )
ولا ممكن احصلها بموقع تانى قبل ما تظهر هنا
افيدونى بالرد رجاااااااااااااااااااااءاً

السلام عليكم أهلا بيكى ياقطوف وربنا يوفقك وتحصلى على الدرجات العليا فى الدنيا والأخرة الحقيقة زى ما الأخ قال إن المذاكرة بدرى بتفرق كتير لكن والحمد لله مابيحصلش ملل غير فى شهر أربعة ديما وده عندى غالبا لكن لما ببدأ أمل بكون خلصت بفضل الله كل المواد وبراجع عليها لكن الملل ده طبيعى أنا الحمد لله خلصت الثانوية وكنت من الأوائل على الشرقية وكنت الأولة على معهدى ودخلت الكلية وأنا خلصتها بفضل الله بتقدير امتياز مع مرتبة الشرف الأولى وكنت الأولى على الدفعة وأنتظر التعيين فادعوا لى

جزاك الله خيرا وان شاء الله تتعين بسرعه وتبق اكتر موظف بياخد مرتب هههه و وان شاء الله هحاول ابقى مجتهده مثلك رغم انى ما فيش ولا سنه كنت فيها من الاوائل على المدرسه والحمد لله وربنا ييسر الحال