مشاهدة النسخة كاملة : الأجازة..بح!
أحمد2025 27-08-2006, 10:22 PM السلام عليكم ورحمة الله و بركاته
للأسف الاجازة بتودع,والدراسة جاية,ودة مصير محتوم ..ولازم نعترف بالأمر الواقع,ربنا معانا بقى.
انا سمعت ان فى ناس كتيير بدأوا الدروس من دلوقتى.
يجماعة نصيحة منى..خلوا الأجازة اجازة و الدراسة دراسة.
الحماس الزيادة بيجيب نتائج عكسية...
الناس هتيجى فى نص السنة و قبل كدة و هتفضى التنك
ودى المشكلة الكبيرة.
عاوز اعرف رايكم وهتعملوا اية فى الموضوع دة
basmala 27-08-2006, 10:30 PM وانا برده بنصح الناس ان هى متبدأش دروس بدرى ...انا عن نفسى لسه الحماس ماجاليش
يعنى لسه مش جايلى نفس اذاكر خاالص ...بس انا هبدأ الخميس الجاى ...يعنى على اول 9
انا بتمنى ان الحماس يجيلى قبل نصف السنه بشويه
اينشتاين 27-08-2006, 10:42 PM انا هابدأ ان شاء الله من نص التسعة وانا شايف ان ده احسن كتير عشان الحماس الزايد ده عامل زى الرمل بيسخن بسرعة ويبرد بسرعة
أحمد2025 27-08-2006, 10:46 PM شكرا لمرورك يابسمله وأكيد كلام حضرتك صح
وشكرا لإهتمامك يا إنشتاين وكلام حضرتك أكبرررر صح
COoL HEaRT 27-08-2006, 10:48 PM انا بدات خلاص المانى بس انا ماشيه تاتا لأنى عانيت كتير من التحمس الزايد
الحاجه الحلوه ان اهلى هم المتحمسين
mohamed_oweis 27-08-2006, 10:50 PM يعم احمد ..يا احمد متفكرنش بالكلام دة
بس تعرف كلامك مظبوط 100%
واسأل مجرب...
انا السنة اللى فاتت مبدأتش غير 18/9 تقريبا و كان رياضة بس
وبعد كدة كل اسبوع مادة..تقريبا مبدأتش العربى غير قبل عيد الفطر على طول
لما الدراسة بدأت مكنتش طايق اى حاجة عنها..الحمد لله دة نافعنى كتيير
يعنى بدأت بساعتين كدة ولا حاجة و قعدت ازود ازود...لحد ماتعودت..حبة حبة بقى الواحد و الله حب المذاكرة..تخيل؟
والحمد لله التجربة نجحت جدا..والسنادى ان شاء الله ...يعنى مش قبل 20/9
بس تعرف موضوع حلو أوى
شكرا يا أحمد
ربنا يوفقك و يوفق الجميع ان شاء الله
انا برده لسه مبدأتش ومش هبدأ الا اول الدراسة
السنه طويلة
أحمد2025 27-08-2006, 10:53 PM شكرا لمرورك يادريمز
وأنا بتعلم منك والله يامحمد
شكرا لمرورك يانوسه وهو ده الصح طبعا
هو فعلا آن آلوآحد يبدآ قبل آلدرآسه ده حآجه غلسه بس حكم آلقوي
وآنآ فعلا بدآت دروس بدآت آلمآني وآنجليزي وكيميآء ويوم ىثلاثآء عربي هيكون آول درس ويوم آلجمعه ريآضه آول درس برده
بس بصرآحه بزآكر علشآن منسآش آلي آغدته بس بصرآحه آنآ بعد آلدرس بخرج آن آحنآ لسه في آجآزة
ومحدش يآقدر يحرمنآ منهآ
البحار موندي 28-08-2006, 01:03 AM عزيزي ابدا بس متخليش الحماسه تاخدك ابدا خفيف علشان متملش السنه طويله مش معني ذالكتنفض لا خليك موازن نفسك
ربنا يوفق الجميع
أحمد2025 28-08-2006, 01:34 AM شكرا لمرورك يادينا
وشكرا لإهتمامك ياموندى
COoL HEaRT 17-08-2008, 04:53 AM تقريبا الموضوع ده جه معاده خلاص كله هيبدا دروس بس احنا جيل تانى غير الاخوه اللى ردو فوق تلاقيهم فى كليات دلوقتى :d
gamal saber 17-08-2008, 06:57 AM كلامك صح مليون المية يا احمد
انا السنة الى فاتت بدات جامد جدا
وعلى اخر التيرم حسيت انى كارة ايص حتى لمنظر الكتب
وفضلت اسبوعين على الحال دة لحد ماربنا كرمنى وبدات اذاكر تانى
وبعدين اجمد كدة يا مان دانت داخل عى اياااااااااام
سسسسسسسسسسسسس ولا بلاش
ايام زى العسل يا مان
حقوق دى اسهل كلية فى مصر ولا بتلاقى كتب صفحتها بالالفات ولا حاجة خالص
dr_semsemaaa 17-08-2008, 07:17 AM السلام عليكم ورحمة الله وبركاته
انا معاك اننا نبدأ دروسنا بعد ما نكون اخدنا الاجازة وكده
بس بصراحة دا مش بيحصل اوى يعنى انا بديت دروسى 1/8 ودا الطبيعى اللى كل اطلبة عندنا بتعمله بس بصراحة لسه مبدأتش مذاكرة جامد اوى هبدأ جامد لما الدراسة الفعلية تبدأ بس انا معاك لازم نخلى وقت الراحة راحة ووقت الشغل شغل
نورسين
bosy .. mostafa 17-08-2008, 05:35 PM بسم الله الرحمن الرحيم
بصوا يا جماعه
عشان مش نزهق
احنا في اول السنه نذاكر 3 ساعات و تبقى كل يوم ماده .. الماده اللي اخدنا فيها الدرس في اليوم ده
و بعديها بشهر و شويه نذاكر 5 ساعات و يبقى مادتين كل ماده ساعتين و نص
بعد نص السنه اكيد بنبدأ مراجعات و الحماس بييجي
نبقى نذاكر بقى مذاكره بجد و نراجع و ربنا يوفقنا
SaNdi 17-08-2008, 05:47 PM فعلا الاجازه هتخلص انا حاسه انها امبارح
بس مش عايزه ارجع للدارسه
ماهينور 2 17-08-2008, 05:56 PM هو موضوع جامد بس يعني كده كده الدروس بتبدا بدري كالعاده بس الواحد لازم ينظم وقته يعني يشوف اخد ايه في الدرس ويحل عليه وبقيت اليوم اجازه لحد مايجي معاد الدراسه وباذن الله هتكونوا اخذتوا علي المذاكره وربنا يوفقوا جميعا يارب وتعدوا السنه دي علي خير
ZAHIMR 17-08-2008, 06:05 PM انا هابدء الدروس على اول الدراسة
انا لسة اولى ثانوى
ربنا يستر والايام دى ماتعديش بسرعة مش هاتتعود
شكرا لموضوعك احمد
فعلا الموضوع بقاله كتيير اوى
بس بيتناسب مع حالتنا دلوقتى
:D
انا اصلا بدأت خلاص
بدأت الانجليش بقالى اسبوعين
والاسبوع ده - باذن الله - هابدأ جيولوجيا وعلم نفس وفلسفة
:(
لكن مفيش اى حماس خاالص
بدليل انى مقضياها رسم
ولو مش بارسم بابقى على المنتدى
اللى باعمله واجب الانجليش
عشان لو مش عملته مش هادخل الحصة
:D
لكن اكيد من اول الاسبوع ده هابتدى اذاكر شوية عشان ماينفعش ابدأ السنة وانا عليا حاجات متراكمة
لكن مش عايزة اخدها بحماس جامد زى السنة اللى فاتت
لانى وصلت لشهر 1 وكنت كرهت المذاكرة والدروس وكرهت نفسى اصلا
وابتديت اضيع وقت بطريقة غريبة
انا لحد دلوقتى فاكرة جزء الكيميا اللى درسته اول السنة قبل ماحول تاريخ
ومش فاكرة نص كلمة ف التاريخ اللى درسته لاخر السنة
:D
بس ده لانى اصلا مش باحب التاريخ :mad:
---
شكرا يا احمد على الموضوع
هو قديم بس حسسنى انى مش الوحيدة اللى ماعندهاش حماس للسنة الجديدة
:D
بسم الله الرحمن الرحيم
بصوا يا جماعه
عشان مش نزهق
احنا في اول السنه نذاكر 3 ساعات و تبقى كل يوم ماده .. الماده اللي اخدنا فيها الدرس في اليوم ده
و بعديها بشهر و شويه نذاكر 5 ساعات و يبقى مادتين كل ماده ساعتين و نص
بعد نص السنه اكيد بنبدأ مراجعات و الحماس بييجي
نبقى نذاكر بقى مذاكره بجد و نراجع و ربنا يوفقنا
انا ناوية اعمل كدة مع اختلافات بسيطة واولها عدد الساعات
:D
|