للكوسة في البلاد دي شئون [الأرشيف] - بوابة الثانوية العامة المصرية

مشاهدة النسخة كاملة : للكوسة في البلاد دي شئون

JuMpO

28-08-2006, 02:55 AM

<div align="center">للكوسه في بلادي شئون

بتخلي المسنود فرعون

يتفرعن فين مهما يكون

وتخلي الجاهل أستاذ

والأعرج لاعب جمباز

وتخلي الأحول هداف

والكوره الآوت ف الجون

للكوسه ف بلادي شئون

لو تعرف واحد ف الشرطه

راح تخرج من أجدع ورطه

والراجل اللي انت ظلمته

تلاقيه متلقح مسجون

أو تعرف شخصيه كبيره

شغاله ف البنك مديره

راح تاخد من غير ضمانات

كام قرض بمليون مليون

وهروبك طبعا مضمون

ويا عيني لو تعرف نايب

ف المجلس مش نايب خايب

راح تبني أبراج وهميه

أوراقها مظبوطه أكيد

وفلوس الناس المهريه

حتجيلك م الجيب للإيد

بعديها تروح المستشفى

وتقيد نفسك مجنون

أحكامك تسقط ف ساعتها

بعديها ترجع موزون

ويا عيني لو تعرف شيخ

فجنابك طاهر علطول

وصيامك طبعا مقبول

وإذا فرضا حبيت تتجوز

تتجوز من غير مأذون

وإذا ساكن ف عماره جديده

وحبيبك راجل مسئول

فسيادتك من غير ما تقول

يركب لك فورا تليفون

ولو انت عندك عربيه

ونمرها سوده بنسرين

حتعدي أجدعها كمين

وحتكسر أوضحها إشاره

ماهو نمرك سوده جباره

ولا تعرف أيتها قانون

ولو انت بتعرف فرّان

أو واحد بياع جرنان

راح تاخد طلبك وحتمشي

من غير ولا دوشه ولا دور

والناس الغلبانه حتاخد

طلباتها بعدك وتغور

ماهو كله غيرك بيهون

ولو انت زميل الحلاق

راح تحلق اولها زبون

وإذا كنت بتعرف دكتور

حتعيش متطمن مسرور

وحتسلك ف لجان الشفوي

ومجال تعيينك موفور

وحتطلع فالتليفزيون

بالبدله وفيها الببيون

تتكلم وبكل بساطه

عن شرف المهنه المدفون

لكن لو شاعر غلبان

قلت اللي ف نفسك علطول

حيقولو مين قال لك قول

ويهاجمك مليون إنسان</div>

محدش ليه في الشعر ولا ايه

محمد البري

28-08-2006, 02:59 AM

جميلة جميلة جميلة جميلة وبجد لا تعليق كل كلمة تعبر عن مصر بالضبط

شكلنا هنتاخد امن دولا يا جامبو ههههههههههههههههههههههههههههههههه :D :lol:

JuMpO

28-08-2006, 03:02 AM

انا كنت خايف من كده

msamido

28-08-2006, 03:04 AM

الله عليك بجد الاسلوب روعه

والمضمون لا خلاف علي انه حال البلد

m.h.b

28-08-2006, 03:34 AM

كلمات معبرة فعلا

اسلوبك جميل في التعبير والأخراج

ولكن اعيب عليك كلمة (((( فرعون ))) في جملة ( بتخلي المسنود فرعون) فليس فرعون هو المرجو من اي فرد , وان كانت لتتزن القافية فقد تقبل00

وبالتوفيق ان شاء الله
m.h.b( شباب الراية)

mR . mOstafa Fathi

28-08-2006, 05:45 AM

شكرا للكلمات
يسلمو جمبووو

JuMpO

29-08-2006, 05:38 AM

شكل الباقي مقتنع ان البلد ديحكمها كويس

رفعت فوزى

29-08-2006, 12:50 PM

الله الله بجد
جميله جدا جدا جدا جدا .......
انت بجد عبرت عن الموضوع باسلوب وكلمات ممتازه
وانت تناولت قضيه تستفز اى انسان عايش دلوقتى لانه بيعانى منها
وده هيكون من الاسباب الاساسيه لنجاح العمل
بعد كونه جميل
لكن تعاطف القارىء مع القضيه التى تتناولها لابد ان يؤدى الى نجاحها
والى الامام
ولا تحرمنا من مثل هذه الاعمال الرائعه

أكرم المسيري

29-08-2006, 08:44 PM

يا جماعة الراجل بيقووووووووووول منقوووووووووووووووول
منقووووووووووووول

يعني مالوش يد ف حاجة غير انه تكرم علينا وجابها لينا

شكرا اخي الفاضل

وعجبني جدا::

لكن لو شاعر غلبان

قلت اللي ف نفسك علطول

حيقولو مين قال لك قول

ويهاجمك مليون إنسان

ههههههههههههههه

اية فايد

12-09-2006, 05:30 AM

كلمات جميلة جدا تعكس واقع اليم جدا

يا ريت بلادنا مكنتش كدا

دا الوسطة بقت فعلا فى كل حاجة حتى وانت بتجيب رغيف العيش

الله اكبر ربنا يرحمنا

شكرا ليك كتير

كوزان

23-05-2008, 06:35 PM

الشاعر يحضر الشنطة
بتاعت المعتقل وسلملي عليه

كوزان

23-05-2008, 06:36 PM

الرد ده انا جبته من واحد صاحبي لما وريته القصيده

بندق__2007

23-05-2008, 06:51 PM

جميلة جدا يا علوة

بجد بتوصف حال البلد اللى اصبح الوطنى فيها خاين و العميل مسؤول

يلا حسبى الله و نعم الوكيل

وفاء البحر

23-05-2008, 07:32 PM

احمد رضا

24-05-2008, 10:38 AM

انا استخستخدمت ذكائي طبعا وعرفت ان انت بتتكلم عن مدغشقر
ومتقوليش غلط عشان تعبت عبال ما استنتجت كدا
:d

طالب الهدى

24-05-2008, 05:05 PM

شكرآ يامان

روميو

24-05-2008, 06:17 PM

بجد كلام جميل اوى تسلم ايدك

JuMpO

25-05-2008, 03:32 AM

ههههههههههه
شكرا ليكم كلكم عل التعليقات دي

بس ضدقني يا رضا مش مدغشقر
فكر كمان شوية
هترقيها بوركينا افييييييييي :d:d
بوركينا فاسو يعني :p

ابن الوادى

25-05-2008, 11:02 PM

الله ينور عليك يا JuMpO (http://www.thanwya.com/vb/member.php?u=20956) ايه الحلاوة دى بجد موضوع جميل أوى
كلامك وقع منى موقع الماء من ذى الغلة الصادى

ابن الوادى

25-05-2008, 11:06 PM

الله ينور عليك يا JuMpO بجد الموضوع جميل أوى
كلامك وقع منى موقع الماء من ذى الغلة الصادى

JuMpO

26-05-2008, 04:26 AM

والله اشكرك عل الكلام اللي ان شاء الله يكون حلو
مع اني مش فاهم ايي حاجة منه :d

JuMpO

27-05-2008, 03:59 AM

كوسة كوسة كوسة
ونهر النيل مش يقدي دمعتها :d:d

بورسعيدى

27-05-2008, 04:22 AM

وهو احنا نقدر نستغنى عن الكوسة؟؟

دى حتى من حلاوة الكوسه خلوها من الفاكهة وليسة من الخضروات

اترقت يعنى عقبال عندكم جميعا

JuMpO

27-05-2008, 04:52 AM

بووووووووووورسعيدي
والله نورت موضوعي بوجود
وهو حد يقدر يستغنا برضوا
ده لولا الكوسة كنا نموت :d

عاشقـــ الانمى ـــة

28-05-2008, 08:28 AM

مبحبش الكوسه
مشيها حاجة تانية:p

JuMpO

29-05-2008, 11:42 PM

في حضرتك كرنب
ومحشي ورق عنب
وفي كمان فلفل
انتي هتتشرطي ولا ايه:d:d
مفيش غير كوسة :p

عاشقـــ الانمى ـــة

30-05-2008, 09:03 AM

في حضرتك كرنب
ومحشي ورق عنب
وفي كمان فلفل
انتي هتتشرطي ولا ايه:d:d
مفيش غير كوسة :p
وانا قولت مبحبهاش
هتغيرها ولا:mad:

JuMpO

01-06-2008, 03:46 AM

مش مغير
وهو ده اللي عندنا في المنيو
مش عاجبك في كوك دوور ومؤمن وماك وكنتاكي:p:d:d:d:d

sh2awa _ 91

01-06-2008, 06:00 AM

JuMpO

02-06-2008, 07:27 AM

ههههههههههههههههه جامدة طحن يا jumpo تسلم ايدك , بس خاف على نفسك احنا ايام امتحانات والبيه الكبير ايده طوييييييييلة ومنكن يحصل حاجات غير مستحبة ,, ( بس انا اعرف حد في الحرس الجمهو ........ كدة يعني ) قولي بس وانا هاطلعك منها زي الفل ههههههههههههه

ثاااااااااااااااااااااااااااااانكس

ثانكس كتييييييير عل الرد
بس بؤضو اطمني انا مش هكتب كده
غير لما يكون ليا ظهر
هههههههههههههههههه
ولو عزت حاجة هقولك
شكرا :D
بس على فكرة التوقيع بتاعك تحفة وانا هاخده نيك نيم في الماسنجر :P بجد والله

sh2awa _ 91

02-06-2008, 07:30 AM

ثانكس كتييييييير عل الرد
بس بؤضو اطمني انا مش هكتب كده
غير لما يكون ليا ظهر
هههههههههههههههههه
ولو عزت حاجة هقولك
شكرا :D
بس على فكرة التوقيع بتاعك تحفة وانا هاخده نيك نيم في الماسنجر :P بجد والله

ههههه ما انا بقول كدة برده ,
وثانكس ان التوقيع عجباك بس ازاي هاتخده نيك نايم دا طووويييييييل اوي ولا انتا قصدك على اسم ( sh2awa ) هههههههه دي حاجة كدة على ما قسم !!!
ثاااااااااااااااااااااانكس

goda2

02-06-2008, 01:29 PM

helwa awy begad
keep yourself

JuMpO

06-06-2008, 12:38 AM

ههههه ما انا بقول كدة برده ,
وثانكس ان التوقيع عجباك بس ازاي هاتخده نيك نايم دا طووويييييييل اوي ولا انتا قصدك على اسم ( sh2awa ) هههههههه دي حاجة كدة على ما قسم !!!
ثاااااااااااااااااااااانكس

لأ انا قصدي التوقيع لأنو جامد اوي يا مان ;)
انا اخدته خلاص :D:D

شكرا اوي يا جودة عل الرد :)

rainy

19-06-2008, 09:15 PM

جميلة جداااااااااااااااا وجاااااااااااااااامدة
بتعكس بالظبط اللي بنعيشة
خلي بالك على نفسك بقة ويبقى احسن لو تقعد في البيت
بس برده ابقى حضر الشنطةهههههههههههههههههههههههههههههههههه

JuMpO

19-07-2008, 01:05 PM

اطمني عامل حسابي :d
كلتبه من سنة
والشنطة لحد دلوقتي جاهزة :d

ريهام رشاد

24-07-2008, 01:19 PM

لا فعلا الكلام كلة على مصر والكوسة بالملى كلامك رائع فعلا:d

super_adam888

21-08-2008, 07:16 PM

اسلوب جميل لكن محتوى سيء

.. Mysterious ..

08-11-2008, 04:01 AM

موضوع جميل جدا
تسلم ايديك يا فندم