السلام عليكم ورحمه الله وبركاته

اخوتى واخواتى

والله حتى القسم اللى نفسي اكتب فيه الشكوى مش لاقي له مكان لان المنتدى داخل يمين فى شمال فى بعضو

انا بس بكتب عن اهمال الموقع فى معادله دخول الهندسه

بقالى شهرين عامل موضوع عن اللى يعرف حاجه عن المعادله

اغلب الردود مراكز وكلو عاوز يجذب ناس وبس واروح واسافر والاقى مدرس ابتدائى احسن بكتير من المراكز لحد لما عثرت على مركز ممتاز والحمد لله بزاكر والامتحانات فى شهر 8


لكن انا بدور على كتب وامتحانات ومراجعات لكتب

الفيزيا - والميكانيكآ - والرياضيات (جبر واحصاء وهندسه فراغيه & تفاضل وتكامل ) - وانجليزي

بدور من يوم ما دخلت الموقع على حاجه مفيده مش بلاقى غير اسئله

وكل واحد فى مخه معلومه يروح كاتب موضوه بجد حرام

لحد الان مش لاقى ولا كتاب كامل على بعضو لاى ماده من دول

نفسي الاقى شرح كامل لمنهج منهم ولو حتى باب باب مش شرط يعني المنهج كامل

وغير كده مش لاقى اى اهتمام من الموقع بعمل حتى ربع قسم لطلبه المعادله

ده اكيد شيء ادارى مليش اتكلم فيه بس بطلب من المدرسين ياريت تجمعو المناهج دى

ولو فى دكتور محترم كده يحط روابط للمناهج دى فى الرد ياريت علشان بجد حرام تعبت بقالى يجي ميت قرن بدور اجمع منهج كامل من المنتدى مش لاقى

كل واحد يخترع مسأله يروح كاتبهالى فى توبيك يروح مضيع باقى المواضيع المهمه


ياريت الاقى تفاعل فى الموضوع ده ومش يكون زى اللى قبله اللى لحد الان الله يرحمه حتى مش عارف راح فين من كتر الكلام الكتير


ع العموم هكون شاكر ليكم جدآ لو جمعتو الموآد دى امتحاناتى قربت وانا لسه مخلصتش نص المنهج بجد حرآم نفسي ازاكر مزاكره كامله مش تشتيت ربع درس من هنا وكلمتين من هناك


:028ja7: تحيآتى ليكم ومستنى ردودكم :028ja7:

4 مشاهدات ومفيش ولا حتى حد دخل كح فى الموضوع ده ايه الكرم كله


إذآ اهمال على اهمآل على اهمآل حتى النهايه

انا مش عارف اقولك ايه بس هو من الصعب انك تلاقي منهج كامل هنا
و للأسف انا معرفش حاجة عن المنهج بتاعك عشان اساعدك اللي اقدر اقدمهولك
http://www.thanwya.com/vb/showthread.php?t=86778 ده كل الفيزيا اللي اعرفها
و انا اسف فعلا عشان مش قادر اوفرلك اللي انت عايزه

هو المنتدى اساساً ملهوش علاقة بالكليات
هو تخصصه اصلا ثانوية عامة

وقسم الكليات ده اقسام تعليمية فرعية
فلا يوجد اهتمام منصب عليها ومهتم بمناهجها
لكن كل اللى عنده معلومة او استفسار بيقوله


وبعدين خد لبالك إنه كل كلية وليها مناهجها ومعندناش حاجات موحدة غير العنوانين الاساسية

فصعب جداً تلاقي مناهج لدبلومات ولا معادلات ولا معاهد ولا كليات
وفي القاهرة ولا اسكندرية ولا اسيوط ولا المنصورة

انت فاهمني أكيد

وده من أحد الاسباب اللى مخلية القسم غير نشط والاعضاء مش عارفين يتفاعلوا

بجد كان نفسى اساعدك
بس المشكله مش عارفين انتا بتدرس

حاول ترد تقولنا انتا بتاخد ايه واحنا هنشوف نقدر نجبلك منه ايه

ف انتظار ردك

الحمد لله لقيت موضوعى اللى عامله من سنين بعد الغيبه دى كلهآ أخيرااااااااا
:o
-------------------------------

المعادله مثلهآ مثل الثانوى العام نفس المنهج :blush:

---------------------------------------------

بس بعد ايه انا امتحنت وخلصت امتحانات كمان .. والحمد لله ربنا قدرنى ووفقنى وقدرت الم المنهج بالكامل بالاستعانه بمهندسٍ

احب اشكر كل من حاول او فكر فى مساعدتى فى هذا الوقت شكرآ ليكم
:av4056bb7jp3: :av4056bb7jp3: :av4056bb7jp3: :av4056bb7jp3: :av4056bb7jp3: