مشاهدة النسخة كاملة : لو سمحتم حد يرد عليا محتاجه مساعده بجد
نورهاان 26-06-2009, 08:49 AM اولا انا لسه جديده هنا وده اول موضوع اكتبه
انا اسفه علشان ده مش مكانه ولا وقته بس انا بجد محتاجه مساعده حد بصراحه علشان انا ضايعه
هابدا الموضوع واتمنى انكم تردوا عليا
انا فى 3 ثانوى علمى رياضه
انا من فتره باعمل حاجه مش قادره ابطلها ومش عاوزه اكمل فيها علشان مضايقنى اوى
انا بادخل على الشات وباكلم ولاد المصيبه انى باكذب ومش عارفه ابطل ازاى
انا والله المفروض مااقلش لحد على ده بس انا بجد عاوزة اخلص من الارف ده ومش عاوزه اكون كدابه
ياريت لو حد يقدر يساعدنى يتكلم
انا حاسه انى عاوزة دكتور نفسى بس طبعا مفيش حد هيرضى من اهلى ياريت لو حد عنده ايميل دكتور نفسى
سورى اوى اسفه بجد انى طولت عليكم
بس ياريت تساعدونى
نورهاان 26-06-2009, 08:53 AM ماحدش رد عليا ولا حتى قرأ الموضوع
Its My Life 26-06-2009, 09:04 AM ربنا يسهلك ويهديكي
نورهاان 26-06-2009, 09:08 AM متشكره على الرد والدعوه يا بوسى
قوليلى اعمل ايه فى نفسى
بجد انا مخنوقه اوووووووووووووووى
ba7eb alahly awi 26-06-2009, 09:11 AM يا بنتي امتحان الجبر بكره ركزي في الامتحان احسن وانسي اي مواضيع مضيقاكي
حلي كل تركيزك حاليا في الامتحان الشات والكلام الفاضي ده مش هينفعك
ويا ريت تفتكري الدروس اللي انتي اخدتيها والفلوس اللي اهلك صرفوها عليكي يمكن ده يكون دافع ليكي انك تلحقي نفسك وتذاكري
prof.ahmed4d 26-06-2009, 09:11 AM ممكن تبعدى عن النت فترة معقولة يعنى بحيث تقدرى تنسى الموضوع ده
وتحاولى مش تكدبى تانى
مفيش حاجة مستاهله ان الواحد يكدب
ربنا يوفقك
نورهاان 26-06-2009, 09:17 AM ويا ريت تفتكري الدروس اللي انتي اخدتيها والفلوس اللي اهلك صرفوها عليكي يمكن ده يكون دافع ليكي انك تلحقي نفسك وتذاكري
والله العظيم يا جماعه انا باذاكر ومش فاشله انا جبت 97 فى تانيه
بس انا مش عارفه انا ليه باعمل كده
وانا لو ماكنتش عاوزة انى ابطل ماكنتش قلت كده
sooomaaa 26-06-2009, 09:18 AM ربنا يهديكى يا نورهان
حاولى تفتكرى ربنا فى كل حاجه بتعمليها
ان شاء الله ربنا يوفقك
maiay 26-06-2009, 11:13 AM سييييييييبك بس من الكلام دة دلوقتي و ركزي في المذاكرة الامتحاااااااان بكرة
و بالنسبة للشات متحمليش نفسك اكتر من طاقتها و تحسسي نفسك بتانيب ضمير زيادة علي اللزوم
حاولي انك تبعدي عنه بانك تكلمي اصحاااااااابك الموجودين حواليكي لما تكوني عايزة تقولي حاجة و متكونيش انطوائية .. و لو تقدري تلغي اشتراك النت لفترة يكون افضل لانه ساعتها هتحسي فعلا بانه تااااافه جدا
و بعدين خليكي فاكرة انك لو بتكدبي بانك تبيني مثلا شخصيتك افضل من شخصيتك الحقيقية يبقي دة مش وحش في حد ذاااته و يبقي انتي عايزة تحسني من نفسك بس مش قادرة و طبعاااااااااا النت محدش يعرفك و لا حد شايفك تقدري ترسمي الشخصية اللي انتي عايزااااااهاااااااا ..... لكن متنسيش ان ربنا شايفك و طبعا فوق كل شيء .. يعني الخطوة الاجابية هنا انك تحاولي توصلي بشخصيتك للصورة اللي انتي بتتمنيها دي طبعا احسن من الكدب .. اما لو كنتي بتكدبي عشان شكلك او اي شيء سطحي تاني فارضي بالي ربنا قسمهولك و خلي عندك قناااااااعة
و اي كان من صداقاااااااات او اي حد تتعلقي بيه من علي النت خلي حبك له في الله .... يعني انك تتمني الخير لاصحاااابك من غير مقاااااااااابل و من غير ما تعشمي نفسك بحاجة اكتر من كدة لانه في النهاااااية انتي في عالم افتراضي داخل غرفة الشاااااااات
التعلق بالشات يعد من انواع الادمان عشان كدة اول خطوة انك تتخلصي منه انك تقوي ارادتك
و ربنا يوفقك معلش عشان طولت عليكي
Its My Life 26-06-2009, 11:28 AM بصي يا نورهان انا عندي ليكي اقتراح حلو أوي ولو نفزتيه هترتاحي
وان شاء الله هتنفزيه لان انت عندك عزيمه جمده ما شاء الله
بصي
اول حاجه انت هتعملي ميل جديد وتسجلي فيه ميلات صحباتك بس
وبعدين هتجيبي ورقه وقلم
وتكتبي رقم كبييييييير جدا ومعقد جدا
ماشي
وبعدين هتفتحي الميل القديم وتغيري كلمه السر وتكتبي الرقم الكبير المعقد ده
وبعدين هتقفلي الميل وتقطعي الورقه
خلاص
انسي انك تفتحي الميل تاني
وبالنسبه للكدب
ياريت كل كتيجي تتكلمي تفتكري ان في ملكين على يميمنك وشمالك بيسجلوا كل حاجه
لو كدبتي هتتكتب سيئه
انما لو فكرتي وبعدين صدقتي هتتكتبلك حسنتين واحده علشان مكذبتيش وحسنه علشان صدقتي والحسنه بعشر امثالها
والمفروض ان كلنا بنسعى علشان نزود حسنتنا
فحاولى تقربي من ربنا وابعدي عن أي وحده صحبتك ممكن تبعدك عن ربنا
وصدقيني هترتاحي جامد اوي
ياله طولت عليكي
ربنا يوفقك
TheDeco 26-06-2009, 12:02 PM بالتوفيق ليكي و الاعتراف بالخطأ هو اول طريق الحل
و ان شاء الله تبقي تمام
و ركزي بس في امتحاناتك الجاية
سلااااام
hoodamorsy 26-06-2009, 12:28 PM و الله بوسى بتتكلم صح و مية المية
الكلام ده صح
و انا كان عندى مشكلة شبيهة لبتعتك ... و عملت كده و اتخلصت منها و الحمد لله ..
و بالتوفيق ليكى و ليا و لينا كلنا ان شاء الله فى امتحان بكرة
و تقبلى مرورى ....
FearMaster 27-06-2009, 06:37 AM امممممممممم طيب بصي النت ده ادمان زيي كده بس انا كنت اكتر حاجة باكرهها اني اقعد علي النت واعمل شات او اقعد علي الجهاز علشان ال Games
فانتي حاولي تعملي كده
ابعدي عن النت ولو مش بتعرفي تبعدي علي النت يبقي حلك الوحيد انك تلاقي حاجة مفيده تعمليها
يعني حاولي مثلا بما انك بنت تتعلمي الفوتوشوب و تبدأي تشتغلي عليه منه هتبقي هواية ((او موهبه الله اعلم)) و منه تستهلكي وقتك في حاجة احسن من الشات :)
وبعدين الشات برضة مش وحش يعني انتي لو دخلتي علي الشات و طلعتي ب 2 -3 صحاب بجد صدقيني مش فيه حاجة بس ايه موضو عالكذب ده بقي؟؟؟!!!
يعني علي النت بس؟!!!!طيب ممكن يكون عندي حل غريب شوية بس ده اللي في مخي حاليا
هو ممكن يبطئ سرعتك وانا عارف ان علي الشات اهم حاجة السرعه فانتي هتفتحي النوت باد وقبل ما تكتبي اي حاجة هتكتبيها في النوتباد وتراجعيها ولو كدبتي في اي حاجة هتعدليهاولما تتاكدي ان كلامك كلوا صح تقدري انك تنسخي كلامك في الشات و خلاص
يعين الشات مش عيب ولا حرام ولا وحش بس للاسف طريقة استخدامه
يعني السكينة مش حرام بس ممكن تستخدم في القتل وهكذا :)
اتمني اكون فدتك وربنا معاكي في الجبر يا رب و ركزي كده
برب
نورهاان 27-06-2009, 11:44 AM شكرا ليكم يا جماعه انا هاعمل كل ده ودلوقتى كمان مش هااجل الموضوع
شكرا اوى ليكم كلكم ربنا يخليكم
انا بقيت احسن كتير والفضل ليكم
الحمد لله حليت انهارده كويس
نورهاان 27-06-2009, 11:50 AM بس طلب اخير ومعلش انا طولت عليكم
حد يقولى ازاى اغير الباسورد بتاعه الايميل انا ياهو
المجاهد فى سبيل الله 27-06-2009, 02:15 PM اولا بجد كلنا فخورين بيكى جدا جدا
لانك فعلا عايزه تغيرى من نفسك
واجمل شئ انك تكونى عارفه انتى عايزه ايه
فى غيريك بيكون تايه ولا عارف هو الى بيعمله دا مفيد ولا مضر
ولا صح ولا غلط
بصى يا اختى تذكرى الله فى كل شئ
شوفى وانىت بتعملى العمل دا او اى عمل
هو لو قبض روحك على الحالة الى انتى فيها حتدخلى الجنه ولا النار
طب
ربنا لو لاقكى فى الشات وانتى بتكلمى ولاد حيدخلك ايه الجنه ولا النار
طب ربنا لو شافك وانتى بتكدبى ها حيكون مبسوط منك ولا حيكون زعلان منك
وانتى عارفه بقى غضب ربنا لما بيغضب من حد
بتبقى صعبة اوى
وكمان
انصحك
انك تخليكى معانا هنا هنا فى بنات كويسه جدا اتعرفى عليهم وصحبيهم
وهما صدقينى حيغنوا عن اى حد وعن كل حد
بالنسبة بقى للميل
لا
متغيرهوش متغيري الباس وحطيه اختبار لكى
ها حتقدرى تستحملى ولا لا
؟؟؟
Dr.love ferdos paradise 28-06-2009, 08:44 PM بصى يا اختى تذكرى الله فى كل شئ
شوفى وانىت بتعملى العمل دا او اى عمل
هو لو قبض روحك على الحالة الى انتى فيها حتدخلى الجنه ولا النار
طب
ربنا لو لاقكى فى الشات وانتى بتكلمى ولاد حيدخلك ايه الجنه ولا النار
طب ربنا لو شافك وانتى بتكدبى ها حيكون مبسوط منك ولا حيكون زعلان منك
وانتى عارفه بقى غضب ربنا لما بيغضب من حد
بتبقى صعبة اوى
في رعاية الله
نورهاان 29-06-2009, 12:19 PM خلاص يا جماعه انا غيرت الباسورد ومش بقيت ادخل هناك تانى
الحمد لله
احب انى اشكركم كلكم ويارب تكونوا مش اضايقتم منى
Dr.love ferdos paradise 29-06-2009, 04:00 PM خلاص يا جماعه انا غيرت الباسورد ومش بقيت ادخل هناك تانى
الحمد لله
احب انى اشكركم كلكم ويارب تكونوا مش اضايقتم منى
لا ابدااا
واالله اكيد مش هنضايق منك
احنا اخوات واكيد لو في اي حاجه تانيه مضيقاكي احنا حنقف جمبك
في رعاية الله
محمد المجدوب 29-06-2009, 04:17 PM ربنا معاكى يا رب ويثبتك ويبعدك عن كل شر
mexem 29-06-2009, 04:37 PM انتي عارفه يا بشمهندسه نورهان ان شاء الله مستقبليا
انا اتر حاجه عجبتني فيكي صراحتك انك قولتي ادام المنتدي كله وبد دا شيء جميل
يدل ع اننا كلنا هنا لبعض ومحدش انفسه خالص
ادخل بقي في الموضوع
بصي يا جميل هو عموما ايه اللي بيخلي الانسان مننا يكدب وع فكره مفيش انسان مش بيكدب
الاجابه كلمه واحده بس انه خايف
محدش بيكذب غير اللي بيخاف بس
فانتي مثلا كلامك ع النت مع زمايلك دول ايه اللي ممكن تكدبي فيه انك تولي اسم غير اسمك
انك تقولي عنوان غير عنوانك
فانتي بتقولي كده ليه خوف من الشخصيه اللي قدامك
مع انك لو قولتي عنوانك الصحيح عادي برده محدش هيعرف يوصلك غير بمزاجك انتي
وطبعا حاول تبعدي عو النت شويه عن الشات والكلام الفاضي ده
ممن منتديات هتفيدك كتير وهتعرفك ع ناس مفيش بعد كده احترام وماس كويسه جدا
وخلي ذكر الله دايما في بالك
ويارب يكون ردي مفيد واكون فهمت الموضوع صح
يلا مع رعاية الله
نورهاان 29-06-2009, 07:59 PM انتي عارفه يا بشمهندسه نورهان ان شاء الله مستقبليا
بشمهندسه مره واحده قول يارب ربنا يخليك
انا اتر حاجه عجبتني فيكي صراحتك انك قولتي ادام المنتدي كله وبد دا شيء جميل
يدل ع اننا كلنا هنا لبعض ومحدش انفسه خالص
فعلا انا حاسه ان مع اخواتى
ادخل بقي في الموضوع
اتفضل
بصي يا جميل هو عموما ايه اللي بيخلي الانسان مننا يكدب وع فكره مفيش انسان مش بيكدب
الاجابه كلمه واحده بس انه خايف
وممكن لانه محتاج يحس انه مهم شويه او حاجات تانيه مش كده وبس ممكن لانه عاوز الناس تعامله على اسس عقله مش سنه
محدش بيكذب غير اللي بيخاف بس
فانتي مثلا كلامك ع النت مع زمايلك دول ايه اللي ممكن تكدبي فيه انك تولي اسم غير اسمك
انك تقولي عنوان غير عنوانك
فانتي بتقولي كده ليه خوف من الشخصيه اللي قدامك
مع انك لو قولتي عنوانك الصحيح عادي برده محدش هيعرف يوصلك غير بمزاجك انتي
وطبعا حاول تبعدي عو النت شويه عن الشات والكلام الفاضي ده
خلاص الحمد لله
ممن منتديات هتفيدك كتير وهتعرفك ع ناس مفيش بعد كده احترام وماس كويسه جدا
وخلي ذكر الله دايما في بالك
ويارب يكون ردي مفيد واكون فهمت الموضوع صح
يلا مع رعاية الله طبعا فهمت ميرسى على الرد
مسيواحمدشعبان 30-06-2009, 01:18 AM ممكن اقول لك شىء مفيد بالنسبه لحالتك وهو عندما تجلسين على النت حاولى الا تكونى لوحدك بمعنى انك تدربى نفسك على الجلوس على النت فى اوقات الاسره فيه تكون حولك لمده معينه كده وبعد كده انت من نفسك لو جلست لوحدك هتكونى كرهتى هذا العمل وهو الكذب والدخول على الشات وعلى فكره هذا العمل يقوم به الهايفين والتافهين من الشباب وانتى واضح عليكى انك جاده ومؤدبه ومن اسره محترمه فتمسكى بالقيم والفضائل ودعك من التفهات ومضيعة الوقت وتذكرى هذا القول ( ان الله يحب لنا معالى الامور) وبارك الله فيكى على استشارتك هذه التى تدل على ان بداخلك قلب صافى وطاهر وعلى فكره الموضوع ده حله سهل وانتى بخير ولست محتاجه الى طبيب نفسانى ويريت تطمنينى انا و اسرة المنتدى على اخبارك
عفوك ورضاك 01-07-2009, 03:18 AM السلام عيكم ورحمة الله وبركاته
ازيك أختي في الله " نورهان"؟؟
ما شاء الله انتي بجد عجباني فيكي صراحتك قدام المنتدى كله ورغبتك اللي واضحة في كل مشاركاتك في تغير نفسك للاحسن
ان شاء الله .
نصيحة من اخت لاختها.
" خلي عند ايمان بالله وصلي الصلاه في وقتها وافتكري ربنا في كل حاجة بتعمليها وفكري في كل حاجة قبل ما تعمليها ،كـل حاجة...، وادعي ربنا كتير وحاولي تصلي قيام الليل وادعي وانتي ساجدة لان"العبد بيبقى قريب اقوي من ربنا وهو ساجد " واعلمي ان الله يستجيب الدعاء في تلك الاوقات
" بين الاذان والاقامة- في الثلث الاخير من الليل- في وقفة يوم عرفة- وفي وقت الشروق والغروب .." واعلمي ان الله يقبل التوبة من عباده
المخلصين ويمحو سيئاتهم ويعفو عنهم ويرحمهم .
آسفة اختي اني طولت عليكي ربنا يوفقك ويهديكي الى ما يحبه ويرضاه .
طالبة حزينة 03-07-2009, 08:10 AM عايزة اقوللك حاجة يا بشمهندسة نورهان ان شاء الله
ان ربنا قريب قوي قفوي والله لو دعتيه بإخلاص هيستجيب
وانت بتقولى انك خبلاص بطلت وانا بجد بدعيلك من قلبي ان ربنا يثبتك
وانا على فكرة زميلتك في ثالثة ثانوي
نورهاان 03-07-2009, 06:44 PM عايزة اقوللك حاجة يا بشمهندسة نورهان ان شاء الله
ان ربنا قريب قوي قفوي والله لو دعتيه بإخلاص هيستجيب
وانت بتقولى انك خبلاص بطلت وانا بجد بدعيلك من قلبي ان ربنا يثبتك
وانا على فكرة زميلتك في ثالثة ثانوي
شكرا ليكى على النصيحه الحلوه ديه
نورهاان 03-07-2009, 06:46 PM بجد يا جماعه انا باشكركم كلكم
وياريت مايكونش حد خد عنى فكره وحشه
انا عارفه ان لو حد افتكر كده يبقى عنده حق
بس انا والله مش وحشه يعنى كانت غلطه وكلنا بنغلط
واهم حاجه انى خلاص الحمد لله مش بقيت اعمل كده
صح ولا ايه
hima_ib 03-07-2009, 07:38 PM السلام عليكم
ازيكم جميعا وازايك يانورهان صاحبة ةالتوبيك
انا اولا اول مره ادخل المنتدى هنا
ويمكن الموضوع قريته كله صدفة
وبكل ربنا يوفقك وشوية عزيمة واسرار هتبقى احسن انشاء الله
وباذن الله الكل ها يبارك ليكى فى المنتدى هنا لما تدخلى كلية هندسة
انشاء الله
hima_ib 03-07-2009, 07:40 PM السلام عليكم
ازيكم جميعا وازايك يانورهان صاحبة ةالتوبيك
انا اولا اول مره ادخل المنتدى هنا
ويمكن الموضوع قريته كله صدفة
وبكل ربنا يوفقك وشوية عزيمة واسرار هتبقى احسن انشاء الله
وباذن الله الكل ها يبارك ليكى فى المنتدى هنا لما تدخلى كلية هندسة
انشاء الله
|