جمال!..



فى كل دول العالم حكومات...

ووزراء...

ورئيس أو ملك، أو حتى امبراطور...

وفى الغالبية العظمى من تلك الدول، ينجب الملوك والرؤساء، ويأتون بأبناء وبنات، يعيشون معهم، وتحت ظلهم، فى تبات وثبات،و....

وأمل...

قديماً كنا نعرف أنه هناك نظام ملكى، يرث فيه أحد الأبناء ملك أبيه، ضماناً لاستمرار الحكم فى أسرة بعينها، من المهد إلى اللحد...

وهناك نظام رياسى، يفترض فيه أنه ديمقراطى، يرحل عبره الرئيس، وهو فى كامل صحته وعافيته، ليأتى من بعده رئيس جديد، لفترة (محدودة)، وهكذا...

ولكن بلادنا، ذات الديمقراطية الفريدة، الزاهية، التى تخرق عين الأعمى، لو رفعها فى أسياده، لديها نظام خاص جداً، لا يشبه أية نظم رياسية معروفة....

فعندنا الرئيس هو الملهم، والمعجزة، والعبقرية، والألمعية، والأوّل على الثانوية العامة، وشيخ الشيوخ، وجنرال الجنرالات، وبابا وماما، وكل شئ فى الدنيا...

ونظراً لأنه كل هذا وأكثر، فمن الحماقة أن نتركه، أو نسمح له بترك منصبه الرفيع، حتى لا نفقد مميزاته، ومنجزاته، ورقاصينه ورقاصاته....

لذا فهو يبقى، ويبقى، ويبقى، حتى آخر نفس فى حياته....

وبعد أن يدمر بحكمته، حياتنا نحن...

ولكن الديمقراطية الزاهية أثبتت أن هذا النظام غير منطقى، فلا هو بالملكى، ولا هو بالرياسى، لذا تحتم تطويره....

وعندما حانت لحظة التطوير، أتى حكماء الأمة بكتاب الحكومات، وقرأوه، ولكن نظرهم الضعيف جعلهم يقلبون صفحة الرياسة، للدخول فى صفحة الوراثة الملكية (بحسن نية طبعاً)، فتوصلوا إلى النظام المبتكر الجديد....

فالرئيس لن يبقى مدى حياته، ولكن سينقل الحكم إلى ورثته أيضاً بعد وفاته، كما قال الكتاب...

وهكذا، وبعبقرية وزهاء الديمقراطية، أصبح لدينا نظام جديد مدهش....

نظام جميل آخر جمال...

مبارك شعب مصر.

ولا يا بيسو انت لسه مخك و عقليتك صغننه عشان تفهم النظام المصري ده نظام unique فريد من نوعه حتي امريكا لسه ماوصلتلهوش

يعني احنا بنسبق العالم في كل حاجة قدامك الفراعنة عملوا الاهرامات و كمان حسني عمل الديموقرااااااااااااااااطية في مصر ههههه

و الرئيس فعلا كل حاجة حلوة في حياتنا هو الالعقلية الالمعية و الملوخية و التأليه و المهلبية ...............

و هو اول من اخترع السلطة و الكوسة

يعني فعلا يا بختنا بالريس بتاعنا و فعلا مبارك شعب مصر و ربنا يخليلنا النيل و جمااااااااله ههههههههه

ربنا يخليه لينا عشان يشكمنا
هو لو حصله حاجه يعني بعد الشر عليه مين اللي حيسجنا ومين اللي حينفذ قانون الطوارئ ومين اللي حيقيد حريه الصحافه
ههههههههههه

فعلا النظام ده Unique
فريد من نوعه فى كل حاجة

وابقى سلملى على التروماى.....

دكتور نبيل جرئ جدا
ربنا يستر علية
لكن احنا نظامنا خلاص مش هيتغير وجمال هيمسك الحكم هيمسكة لاننا احنا اللى مش عايزين نتغير خايفين اننا نتحد ونقول لا وخايفين نعلى صوتنا
يبقى مبارك لة الحق يفعل كما يشاء لاننا راضين ورضينا قبل كدة كتير

تقريبا كما يقال علينا
احنا الشعب المهان فى ارضة من اهل ارضة

وتقولى نتغير
يااااااااااه لسة كتير اوى

موضوع جرىء جدا

ايه الجراءة دى
ده من نصيبنا اللى بيحصل فينا
هو اللى احنا بنعمله قليل ..........
علشان كده ربنا بيكافئنا