مشاهدة النسخة كاملة : استفسار للسادة الحاصلين على الرخصة الدوليه icdl


mr_mostafa84
27-06-2009, 07:34 PM
يا جماعه طبعا معظمكو حصل على الرخصة الدولية لقيادة الحاسب الالى من خلال دورات نظمتها الادارات التعليمية أو المديريات
المهم احنا كمعلمين مساعدين مش هنقدر نستنى دورنا لما ييجى تحسبا لاى حركه من الوزاره تشترط فيها الحصول على الشهادة و بالتالى روحت لنقابة المعلمين عندنا و سألت على التقديم للشهادة ففوجئت انه يقولى الجماعه بتوع التربيه و التعليم لازم ياخدو ال icdl من خلال الادارة مش من برة غير كده مش بيقبلوها و ابقى اسئل فى الموضوع و رد عليا !!!
انا عايز افهم مش هنا شهاده و هنا شهادة و الاتنين من اليونسكو
و هل فعلا كلامه صح و لو قدمت هتكون الدورة تعب على الفاضى ولا الشهاده من أى جهة معترف بيها

mervatatia
27-06-2009, 07:53 PM
لا طبعا الشهادة من اي مكان فهي دولية ومعترف بيها من العالم ازاي مش حيعترفوا بيها انا شخصيا اخذتها على حسابي من الأكاديمية العربية عندنا في اسكندرية وقدمت الأفادة اني اخذتها ودي ورقة تعطى لحين ارتلام الشهادة من الخارج بعد شهر شهرين على حسبوطبعا بتوع لأدارة مش بيعترفوا بالشهادة لانها مكتوبة بالأنجليزي وعشان كده قدم الأفادة افضل وهي مختومة ومعتمدة بس بعد النجاح في السبع امتحانات

mr_mostafa84
27-06-2009, 08:02 PM
الف شكر على الايضاح
اهم حاجه انهم قبلو الافادة

فى جزء فى كلامك بجد وقفت عنده :
( طبعا بتوع لأدارة مش بيعترفوا بالشهادة لانها مكتوبة بالأنجليزي )
الجملة دى بتوضح حجم المعاناة اللى بنقابلها كلنا فى التعامل مه اصحاب المناصب ذوو الصلاحية المنتهيه و العقليه الغبية

صفاء100
27-06-2009, 08:31 PM
طاب مافي مدرسين بيدربوا في مراكز برة واخدة المنحة ايه الفتاوي دي

leprince
27-06-2009, 09:02 PM
طبعا كلامه غلط

اللهم احفظنا من شر الجهله

mr_mostafa84
27-06-2009, 09:11 PM
شكرا على الاهتمام و الرد
و الله لسه برضو الناس بتتصل بيا تستفسر عن نفس الموضوع
الظاهر انه هيكون موضوع الساعه للمعلم المساعد

Gamal 2005
27-06-2009, 09:12 PM
ياجماعة الموضوع ليس له علاقة بالجهل والعلم فعلا غير مصرح للمعلمين بالحصول على الرخصة الدولية الا من التربية والتعليم ولكن اذا استطاع اي شخص الحصول عليها فلن يستطيع احد ان يعترض على ذلك لأن جهة التقييم والمنح دولية وهي اليونسكو ولك واحد له استمارة مهارات واحدة وشهادة واحدة فكيف الاعتراض فلو تستطيع الحصول من الخارج واعطي لك استمارة مهارات باسمك احصل عليها وتوكل على الله

mohammedabdelsa
27-06-2009, 09:14 PM
الإدارة عندنا ما طلبوش أي حاجة عن الشهادة دي خالص و قالوا لم تأتي لنا أي تعليمات بشأنها

mr_mostafa84
27-06-2009, 09:21 PM
ياجماعة الموضوع ليس له علاقة بالجهل والعلم فعلا غير مصرح للمعلمين بالحصول على الرخصة الدولية الا من التربية والتعليم ولكن اذا استطاع اي شخص الحصول عليها فلن يستطيع احد ان يعترض على ذلك لأن جهة التقييم والمنح دولية وهي اليونسكو ولك واحد له استمارة مهارات واحدة وشهادة واحدة فكيف الاعتراض فلو تستطيع الحصول من الخارج واعطي لك استمارة مهارات باسمك احصل عليها وتوكل على الله


شكرا على النصيحة أخى الفاضل و ان شاء الله بكره هروح لقسم التطوير التابع للادارة و برضو استفسر هناك مع ان انا عارف الرد لن يكون مفيد

بس ممكن توضحلى ازاى غير مصرح للمعلمين بالحصول على الرخصة الدولية الا من التربية والتعليم و ازاى فلن يستطيع احد ان يعترض على ذلك

mr_mostafa84
27-06-2009, 09:25 PM
الإدارة عندنا ما طلبوش أي حاجة عن الشهادة دي خالص و قالوا لم تأتي لنا أي تعليمات بشأنها

و عندنا كمان محدش طلب اى حاجه بس الواحد بيعمل تحسب زى ما قولت لاى اجراء تطلبه الوزاره يتطلب الحصول على الرخصة
و بعدين يا استاذ الطلبات بتظهر عندنا فى السر يعنى محدش بيعلن و بنعرف بس من الناس
واحد يقولك عملت اقرار ذمة ماليه ؟ أصله مطلوب
و تروح تقدمه و انت خارج واحد يقابلك يقولك تصدق طالبين فيش و تشبيه !! مع انك كنت لسه عندهم و محدش قالك حاجه بس لازم تعرف من برة
الواحد كان فاكر ان الموظفين من عينة ( فوت علينا بكره ) انقرضت

sally2009
27-06-2009, 09:50 PM
السلام عليكم.....
بالنسبه لشهادة الicdl انا معلم مساعد علوم اعدادى وانا اخدتها قبل التعاقد من المنحه التابعه لوزارة التعليم العالى بالتعاون مع المصريه للاتصالات والشهاده بالانجليزى ومعتمده من اليونسكو .... يبقى الوضع ايه اروح اجيب افاده باللغه العربيه منين ......

ibrahimsalhin
27-06-2009, 11:52 PM
يا جماعة انا فعلا كنت فى الملفات ولقيت مدرس جايب صورة الشهادة بتاعتicdl وعايز الموظف يحطها فى الملف الموظف قاله ترجمها هو انا هافهم اللى فيها ازاى

samar_kassem
28-06-2009, 02:07 AM
اخي مصرح بها من اي مكان انا وخدها تبع الادارة واختي اخذتها علي حسابها والتي في الخارج افضل من الوزارة لان التي في الخارج un اما من الوزارة فهي eg خدها علي حسابك فية ناس في الوزارة اتدربت من 2007 ولسة مجاش عليهم الدور يمتحنو في طنطا

النجم الكبير
28-06-2009, 02:44 PM
ياجماعة الموضوع ليس له علاقة بالجهل والعلم فعلا غير مصرح للمعلمين بالحصول على الرخصة الدولية الا من التربية والتعليم ولكن اذا استطاع اي شخص الحصول عليها فلن يستطيع احد ان يعترض على ذلك لأن جهة التقييم والمنح دولية وهي اليونسكو ولك واحد له استمارة مهارات واحدة وشهادة واحدة فكيف الاعتراض فلو تستطيع الحصول من الخارج واعطي لك استمارة مهارات باسمك احصل عليها وتوكل على الله


يا عم اكتب على نفسك اقرار فى ايه جهة وخد الشهادة
ده قرار طلعته الوزارة مش عارف ليه
ان المدرس لا يشترك فى اى مكان غير الوزارة

يمكن وراها سبوبة ولا حاجة للوزارة

الله المستعان

nasserfathy
28-06-2009, 04:23 PM
المدرس الاساسي سهل يأخذ icdlمن الوزارة لانه لايدفع تأمين زي المراكز الخارجية ثم ان هذه المراكز معتمدة من وزارة الاتصالات يعني خذ الشهادة من المكان اللي يعجبك بس شد حيلك وتوكل علي الله

Observer
28-06-2009, 04:29 PM
أعتقد أن الشهادة من خارج الوزارة أفضل كثيراً

لسبب وهو إن شهادة الوزارة egy لا يعترف بها إلا فى مصر

أما الشهادة الخارجية فهى un أى دولية معترف بها فى العالم كله

والله أعلم ....

فيرو
28-06-2009, 06:12 PM
طب انا رحت اقدم صورة من الشهادة للموظف اللى فى الادارة كتب انى حاصلة على اسمى اصل اسمى كان بالانجليزى فوضحت له الامر وشطب على الاسم وكتب icdl

Gamal 2005
28-06-2009, 07:29 PM
بسم الله الرحمن الرحيم اخي الكريم انامعلم اول حاسب الي وتم عمل تدريب لنا في اغسطس 2007 للحصول على الشهادة الدولية لقيادة الكمبيوتر وقبل نهاية الدورة اي في اخر مديولان تقدمت لمركز معترف به وهو نقابة المهندسين بالمنوفية وحصلت على تلك الدورة في شهر ديسمبر من نفس العام 2007 وعلمنا من خلال المركز انه تم التنبية عليهم بعدم قبل اي شخص من التربية والتعليم لانهم هم الذين سوف يمنحون تلك الشهادات لأن فيها مردود ليهم وانا حصلت عليها على حسابي وتكلفت تقريبا خمسمائة جنية اما الوزارة بتعطيها مجاني بس من خلال الدور او الذهاب للتطوير التكنولوجي والحصول على تصريح بالحصول عليها وكان من القاهرة ولكن الان اصبح في جميع مديريات التربية والتعليم وتقبل التحية وكل شئ له حل ان شاء الله وده كان القصد من ان حصولك عليها يمنع الطعن فيها

Gamal 2005
28-06-2009, 07:35 PM
أعتقد أن الشهادة من خارج الوزارة أفضل كثيراً

لسبب وهو إن شهادة الوزارة egy لا يعترف بها إلا فى مصر

أما الشهادة الخارجية فهى un أى دولية معترف بها فى العالم كله

والله أعلم ....

اخي الكريم انت قلت ان الشهادة من الوزارة افضل على شان اي جي ويو ان يا اخي الفاضل الشهادة تمنح من اليونسكو وعندما تدخل الامتحان انت تدخل على موقع اليونسكو والنتيجة تحسب من خلال موقع اليونسكو فلا تقول معترف وغير معترف الفرق الوحيد في القبول انك تستطيع ان تدخل الامتحان باللغة العربية او الانجليزية فيكون هنا مدى قبول الجهة التى تأخد الشهادة منك فهناك جهات لا تقبل دخولك الامتحان باللغة العربية وتقبل التحية

mr_mostafa84
28-06-2009, 07:53 PM
بسم الله الرحمن الرحيم اخي الكريم انامعلم اول حاسب الي وتم عمل تدريب لنا في اغسطس 2007 للحصول على الشهادة الدولية لقيادة الكمبيوتر وقبل نهاية الدورة اي في اخر مديولان تقدمت لمركز معترف به وهو نقابة المهندسين بالمنوفية وحصلت على تلك الدورة في شهر ديسمبر من نفس العام 2007 وعلمنا من خلال المركز انه تم التنبية عليهم بعدم قبل اي شخص من التربية والتعليم لانهم هم الذين سوف يمنحون تلك الشهادات لأن فيها مردود ليهم وانا حصلت عليها على حسابي وتكلفت تقريبا خمسمائة جنية اما الوزارة بتعطيها مجاني بس من خلال الدور او الذهاب للتطوير التكنولوجي والحصول على تصريح بالحصول عليها وكان من القاهرة ولكن الان اصبح في جميع مديريات التربية والتعليم وتقبل التحية وكل شئ له حل ان شاء الله وده كان القصد من ان حصولك عليها يمنع الطعن فيها

أخى الفاضل
الف شكر على توضيحك و نصيحتك الغالية و أعتقد ان الحل كله فى واسطه كويسه تدخلنا التدريب بتاع الادارة بدرى من غير دور و باين ان ملهاش الا كده

mr_mostafa84
28-06-2009, 07:58 PM
طب انا رحت اقدم صورة من الشهادة للموظف اللى فى الادارة كتب انى حاصلة على اسمى اصل اسمى كان بالانجليزى فوضحت له الامر وشطب على الاسم وكتب icdl

بصراحه لو انا مكانك مكنتش اعرف انفجر من الضحك فى وش الراجل ولا ابكى على ما وصلنا اليه من جهل
بس اعتقد ان الموظف عندكو ارحم من عندنا لان واضح عندكو جهل مع مرونه لكن عندنا جهل مع تعصب

mr_mostafa84
28-06-2009, 08:02 PM
المدرس الاساسي سهل يأخذ icdlمن الوزارة لانه لايدفع تأمين زي المراكز الخارجية ثم ان هذه المراكز معتمدة من وزارة الاتصالات يعني خذ الشهادة من المكان اللي يعجبك بس شد حيلك وتوكل علي الله


سيدى الفاضل المشكله كلها فى الدور و التأخير و الكلام ده كمان بعد ما اصبحو بيقبلو التقديم من المتعاقدين لانهم الاول مكنش ليهم الحق فى التقديم

mr_mostafa84
28-06-2009, 08:03 PM
أعتقد أن الشهادة من خارج الوزارة أفضل كثيراً

لسبب وهو إن شهادة الوزارة egy لا يعترف بها إلا فى مصر

أما الشهادة الخارجية فهى un أى دولية معترف بها فى العالم كله

والله أعلم ....

لا يعترف بها الا فى مصر ازاى
هى مش جهة المنح واحده و هى اليونسكو و المفروض اى شهاده من مصر او من بره تكون معتمده من اليونسكو
أرجو التوضيح ؟

النجم الكبير
28-06-2009, 08:04 PM
اخي الكريم انت قلت ان الشهادة من الوزارة افضل على شان اي جي ويو ان يا اخي الفاضل الشهادة تمنح من اليونسكو وعندما تدخل الامتحان انت تدخل على موقع اليونسكو والنتيجة تحسب من خلال موقع اليونسكو فلا تقول معترف وغير معترف الفرق الوحيد في القبول انك تستطيع ان تدخل الامتحان باللغة العربية او الانجليزية فيكون هنا مدى قبول الجهة التى تأخد الشهادة منك فهناك جهات لا تقبل دخولك الامتحان باللغة العربية وتقبل التحية

هذا كلام كله صحيح لا يحتاج الى تصحيح

جزاك الله خيرا

mr_mostafa84
28-06-2009, 08:16 PM
هذا كلام كله صحيح لا يحتاج الى تصحيح

جزاك الله خيرا
الخلاصه اللى فهمتها ان التربيه و التعليم لا تقبل الا باللغة العربية لاسباب معينة
اخر جزء عايز افهمه هل انت ليك مطلق الحرية فى اختيار اللغة سواء أخدت الدوره تبع الوزارة او من اى جهه خارجية ؟

Mr.Hani
28-06-2009, 08:25 PM
يااخى الفاضل

التربية والتعليم تقبل الانجليزي والعربي

ولكن الموظف الذى وقعت فيه جاهل

hamada_fg2003
28-06-2009, 08:43 PM
مشورين جميعا على الايضاح بس انا اعتقد انها مش هتفرق اهم حاجة انها شهادة دولية معتمدة

راشد راضى
29-06-2009, 12:27 AM
طبعا أنت ليك حرية الاختيار فى اختيار اللغةعند فتح ال skill card

abaw_2010
29-06-2009, 01:27 AM
جزاكم الله كل خير

haitham12
29-06-2009, 10:08 AM
يا جماعه طبعا معظمكو حصل على الرخصة الدولية لقيادة الحاسب الالى من خلال دورات نظمتها الادارات التعليمية أو المديريات
المهم احنا كمعلمين مساعدين مش هنقدر نستنى دورنا لما ييجى تحسبا لاى حركه من الوزاره تشترط فيها الحصول على الشهادة و بالتالى روحت لنقابة المعلمين عندنا و سألت على التقديم للشهادة ففوجئت انه يقولى الجماعه بتوع التربيه و التعليم لازم ياخدو ال icdl من خلال الادارة مش من برة غير كده مش بيقبلوها و ابقى اسئل فى الموضوع و رد عليا !!!
انا عايز افهم مش هنا شهاده و هنا شهادة و الاتنين من اليونسكو
و هل فعلا كلامه صح و لو قدمت هتكون الدورة تعب على الفاضى ولا الشهاده من أى جهة معترف بيها
اولا :- الادارات التعليمية لا تعطي شهادة الـ icdl
ثانيا :-المراكز المعتمدة لهذه الشهادة ليسوا اكثر من مركزين او ثلاثة او اربعة مراكز في كل محافظة
ثالثا :- الشهادات سواء كانت بالعربي او الانجليزي تعتمد فقط من اليونسكو
رابعا :- ايه العلاقة بين المعلمين المساعدين و الـ icdl
خامسا :- حضرتك نسيت تقول لنا انت تبع ادارة ايه بالضبط

mr_mostafa84
29-06-2009, 11:10 AM
اولا :- الادارات التعليمية لا تعطي شهادة الـ icdl

ثانيا :-المراكز المعتمدة لهذه الشهادة ليسوا اكثر من مركزين او ثلاثة او اربعة مراكز في كل محافظة
ثالثا :- الشهادات سواء كانت بالعربي او الانجليزي تعتمد فقط من اليونسكو
رابعا :- ايه العلاقة بين المعلمين المساعدين و الـ icdl

خامسا :- حضرتك نسيت تقول لنا انت تبع ادارة ايه بالضبط


واضح ان حضرتك واخد الشهاده من أحد المراكز المعتمده اللى بتقول عليها
حضرتك لو تبع التربية و التعليم اتفضل روح اسحب ورقه اسمها طلب الحصول على الرخصة الدولية لقيادة الحاسب من الادارة و املآ بياناتك و اتفضل قدمها للتطوير او للمدرب و هيبقى يتصل بيك يقولك على معاد الدورة بتاعة سيادتك بعدها بتاخد اخلاء طرف و تطلع بيه على المديرية التعليمية و هناك بيحددولك معاد اختبارك و ده اللى انا بدات فيه النهارده و لسه مسلم طلب التقديم و الحصول على الشهاده للمدرب
بالنسبة للعلاقه بين المعلم المساعد و ال icdl فأعتقد ان المعلم المساعد اصبح لا يقل اهمية عن المعلم الاساسى حاليا و النظره القديمة للمعلم المساعد بانه ليس له الحق فى الحصول على تأمين صحى او شهادة خبره أو كارنيه نقابة او icdl هذه النظرة لابد من تغييرها ان لم تكن قد تغيرت بالفعل لكن يبدو انها مازلت عند البعض راسخه للاسف
بالنسبه لاعتماد الشهادات من اليونسكو فده شىء مسلم بيه لكن النقاش سيدى الفاضل حول مدى اعتراف موظفين الاداره عندنا بالشهادة بالانجليزى

Abu Menna Mohamed
29-06-2009, 11:31 AM
هو فيه ايه ؟

mervatatia
29-06-2009, 11:42 AM
يجماعة المشكلة كمان في ان الموظفين في قسم الملفات كمان ممكن يرفض ياخد الصورة للشهادة لو لم يكن معك افادة فالحل زي مازملاؤنا عملوا سحبوها على الأسكانر وطبعوها بالألوان على ورق تشبه الشهادة وقدموها واخذوها يعنى بنتصرف المهم ان الأداريين يوافقوا ياخذوها كلنا بنعاني بالرغم من اننا مدرسين حاسب وانا شخصيا موجه حاسب بادارة المنتزه - اسكندرية وطبعا انا متواجدة في الأدارة واعرف غالبية الناس لكن العقول غريبة بس ده دليل على ان مافيش وعى عند الناس دي مش لهم اولاد جامعيين واكيد حصلوا على نفس الشهادة بس نقول ايه دي وزارة الكبير بيفكر زي الصغير النكته ان احنا في توجيه الحاسب اللى بندرب المدرسين وياخدوا الشهادة على حسابهم او تبع التطوير وزملائي اخدوا منهم الشهادة بواسطة بعد ما قعدنا نقنع الموظفة وارفقنا الأفادة وعجبي..... على وزارتنا ماهو لو في قرار او منشور للأداريين بان هم ياخذوا الشهادة ماكانش حصل كده

فيرو
29-06-2009, 01:33 PM
مافيش اى اخبار عن الزيادة لشهادة ال icdl

نور الوادى
30-06-2009, 01:48 AM
السلام عليكم كيف الحال انا قرات الكلام و الحقيقة استغربت جدا بس نصيحة منى خدها على حسابك او ذكرها من اسطوانة ولو عاوزين الاسئلة قولوا وانا انزلهلكم وياؤيت تلحقوا قبل ما الاصدار يتغير ومحدش يعنى هيقولك شهادتك من الادارة او غيرها اهم حاجة تكون معتمدة من اليونسكو وترح مركز مضمون او الجامعة لو عندكم عشان النصب كتر موفق ان شاء الله

mr_mostafa84
30-06-2009, 06:13 AM
السلام عليكم كيف الحال انا قرات الكلام و الحقيقة استغربت جدا بس نصيحة منى خدها على حسابك او ذكرها من اسطوانة ولو عاوزين الاسئلة قولوا وانا انزلهلكم وياؤيت تلحقوا قبل ما الاصدار يتغير ومحدش يعنى هيقولك شهادتك من الادارة او غيرها اهم حاجة تكون معتمدة من اليونسكو وترح مركز مضمون او الجامعة لو عندكم عشان النصب كتر موفق ان شاء الله

الف شكر على النصيحة الغالية
تقبل تحياتى أخى الفاضل