مشاهدة النسخة كاملة : علِّميني ماحبكيش


العزب فتحي
29-06-2009, 09:56 PM
علِّميني ماحبكيش
علِّميني ازاي أعيش ...
من غير ماشوفِك
علِّمي طيفِك ...
يبطَّل يوم يزورني ف المنام
علِّمي كل الكلام ...
إنه مايجيبليش ف سيرتِك
علِّمي صورتك ...
متخطُرليش ف بال
علِّمي حتى الخيال ...
إنه مايسرحشِ فيكي
علِّمي ايديا تموِّت حلمها بلمسة إيديكي
علِّمي عنيكي متسكنش العيون
علمي الصوت الحنون ...
إنُّه يطْلَع م الودان
علِّمي حتى الزمان ...
إنه يرجع تاني بينا
قبل لحظة مالتقينا
قبل مادقت قلوبنا
قبل ما لمَعِت عنينا
***
علِّمي الأشجار متحضُنْش الطيور
علِّمي العصفور يبطل ... زقْزَقَه
علِّمي العشاق يعيشوا بدون أمل لحظة لُقَى
علِّمي الدنيا تبطل تبقى دنيا
علِّمي الثانية ف بعادك إنها متفوتش ........
............................... دهر
علِّمي الزهر ... انه مايجودش بعبير
علِّمي الطير ... لو يبطل يوم يطير
علِّمي القلب الأسير ...
إزاي يعيش من غير ... أمل
...............من غير ... أماني
علِّميني وقولي تاني
ازاي أعيش من غير .......... حياه
علميني ازاي أعيش من غير ماشوفك
علِّميني ازاي ........................ أموت
علِّميني ازاي ........................ أموت
علِّميني ازاي ........................ أموت

العزب فتحي

بنت الريف
29-06-2009, 10:36 PM
الله الله الله يا أستاذ عزب إيه المشاعر الجياشة دى والأحساس المرهف دا :)
قصيدة روعة
ربنا يكرمك وتمتعنا كمان
تقبل مرورى

العزب فتحي
30-06-2009, 05:44 AM
الله الله الله يا أستاذ عزب إيه المشاعر الجياشة دى والأحساس المرهف دا :)

قصيدة روعة
ربنا يكرمك وتمتعنا كمان

تقبل مرورى

أشكرك يا بنت الريف وأسعدني مرورك الكريم جدا
لك مني كل التحية

العزب

الدمعة الحزينة2
30-06-2009, 10:13 PM
ايه دة يا استاذ عزب ايه الجمال دة

العزب فتحي
30-06-2009, 10:29 PM
ايه دة يا استاذ عزب ايه الجمال دة
أيتها الدمعة الحزينة 2 أرجو أن تصبحي البسمة السعيدة 3
وأشكرك على تعليقك الرقيق
وسعدت بمرورك الكريم

العزب

hadeer20
30-06-2009, 10:45 PM
الله بجد تحفة وكلها مشاعر رقيقة
على طول كده ان شاء الله تفضل قصايد حضرتك من احلى لاحلى

العزب فتحي
30-06-2009, 11:45 PM
الله بجد تحفة وكلها مشاعر رقيقة
على طول كده ان شاء الله تفضل قصايد حضرتك من احلى لاحلى

أشكرك يا هدورة
دا انتي الأرق والأجمل
شكرا لتعليقك الرقيق
وشكرا لمرورك الذي أسعدني
تقبلي فائق احترامي

العزب

الأستاذة ام فيصل
01-07-2009, 12:36 AM
الاستاذ الفاضل
قصيدتك رائعه
ومليئه بالاحاسيس والمشاعر
الجياشه ومفعمه بالحب
سلمت يداك
تحياتي

العزب فتحي
01-07-2009, 08:15 PM
الاستاذ الفاضل
قصيدتك رائعه
ومليئه بالاحاسيس والمشاعر
الجياشه ومفعمه بالحب
سلمت يداك
تحياتي

الأخت الفاضلة نغم
جعلك الله نغما في سماء الدنيا تشدو به البلابل
على الأغصان وسط نسيم الربيع العليل
بين الورد والزهور

أشكر لك متابعتك ومرورك الكريم الذي شرفت به
تقبلي مني فائق الاحترام


العزب

الشاعر/محمد علي
02-07-2009, 11:48 PM
علِّميني ماحبكيش

طلب صعب يطلبه محب من محبوبته
اذ أن كل شيىء يمكن تعلمه ولكن ازاى أطلب منها تعلمنى انى ما أحبها
هانشوف ونعيش مع قصيدة أخى وصديقى وحبيبى عزب

علِّميني ازاي أعيش ...
من غير ماشوفِك

طلب المستحيل من محبوبته كيف ان يغيش وهو بالقرب منها من غير ما يشوفها كثيراً ما نلقى بأنفسنا فى تجاربك وبحارك أيها الحب وبعدها نبحث عن المداواة نبحص عن المركب

علِّمي طيفِك ...
يبطَّل يوم يزورني ف المنام

طلب آخر مستحيل وهو ان تمنع طيفها من زيارتك بالمنام طبعا مش هاتقدر ، تقدرى يا حبيبتى تعملى كل شيىء مادى : تمنعى نفسك عنى ، تمنعى أشم ريحتك ، تمنعينى اشوف عيونك ، تمنعينى أشوف خيالك لكن قوة الدنيا كلها لو أتت لكى لن تستطيعى منع طيفك من زيارتى مش هاتقدرى تمنعى قلبى يفكر فيكى ولا عقلى يسرح معاكى

علِّمي كل الكلام ...
إنه مايجيبليش ف سيرتِك

الله الله يا صديقى يا شاعرى دخلنا فى سكة اصعب طلبت منها تعلم الكلام انه ما يتكلمش عنها مايجبش فى سيرتها


علِّمي صورتك ...
متخطُرليش ف بال

جميلة أيضا بس ياريت شاعرنا كان يرسمها أحسن من كدا
علمى صورتك انها ما تترسمش انها متتلونش مش عارف يا صديقى بس حاسس انها جاءت مش مرسومة كويس

علِّمي حتى الخيال ...
إنه مايسرحشِ فيكي

الله : كيف يا شاعرى ماتقدرشى طبعا

علِّمي ايديا تموِّت حلمها بلمسة إيديكي

تموت حلمها؟؟؟ ياريت توضحها

علِّمي عنيكي متسكنش العيون
علمي الصوت الحنون ...
إنُّه يطْلَع م الودان
علِّمي حتى الزمان ...
إنه يرجع تاني بينا
قبل لحظة مالتقينا
قبل مادقت قلوبنا
قبل ما لمَعِت عنينا
***

عمنا وحبيبنا اسمحيلى برهة بس أشرب حاجه لأنى بصراحة تعبت مش عارف هاتعمل ايه معاها فى باقى القصيدة

العزب فتحي
03-07-2009, 12:08 AM
علِّميني ماحبكيش

طلب صعب يطلبه محب من محبوبته
اذ أن كل شيىء يمكن تعلمه ولكن ازاى أطلب منها تعلمنى انى ما أحبها
هانشوف ونعيش مع قصيدة أخى وصديقى وحبيبى عزب

علِّميني ازاي أعيش ...
من غير ماشوفِك

طلب المستحيل من محبوبته كيف ان يغيش وهو بالقرب منها من غير ما يشوفها كثيراً ما نلقى بأنفسنا فى تجاربك وبحارك أيها الحب وبعدها نبحث عن المداواة نبحص عن المركب

علِّمي طيفِك ...
يبطَّل يوم يزورني ف المنام

طلب آخر مستحيل وهو ان تمنع طيفها من زيارتك بالمنام طبعا مش هاتقدر ، تقدرى يا حبيبتى تعملى كل شيىء مادى : تمنعى نفسك عنى ، تمنعى أشم ريحتك ، تمنعينى اشوف عيونك ، تمنعينى أشوف خيالك لكن قوة الدنيا كلها لو أتت لكى لن تستطيعى منع طيفك من زيارتى مش هاتقدرى تمنعى قلبى يفكر فيكى ولا عقلى يسرح معاكى

علِّمي كل الكلام ...
إنه مايجيبليش ف سيرتِك

الله الله يا صديقى يا شاعرى دخلنا فى سكة اصعب طلبت منها تعلم الكلام انه ما يتكلمش عنها مايجبش فى سيرتها


علِّمي صورتك ...
متخطُرليش ف بال

جميلة أيضا بس ياريت شاعرنا كان يرسمها أحسن من كدا
علمى صورتك انها ما تترسمش انها متتلونش مش عارف يا صديقى بس حاسس انها جاءت مش مرسومة كويس


(رد: العزب
الفكرة أن الموضوع لا دخل فيه للرسم ولكن المقصود هل تستطيع الحبيبة أن تمنع الخيال أن تخطر به صورتها
والموضوع كله في إطار من الاستحالات التي ترسمها الكلمات لتعبر عن استحالة النسيان)



علِّمي حتى الخيال ...
إنه مايسرحشِ فيكي

الله : كيف يا شاعرى ماتقدرشى طبعا

علِّمي ايديا تموِّت حلمها بلمسة إيديكي

تموت حلمها؟؟؟ ياريت توضحها

(رد:العزب
المقصود هل تستطيع المحبوبة إذا أرادت من الشاعر أن ينساها أن تجبر يديه على قتل حلمها بلمسة يديها وهو حلم لصعوبة اللقاء بل واستحالته)

علِّمي عنيكي متسكنش العيون
علمي الصوت الحنون ...
إنُّه يطْلَع م الودان
علِّمي حتى الزمان ...
إنه يرجع تاني بينا
قبل لحظة مالتقينا
قبل مادقت قلوبنا
قبل ما لمَعِت عنينا
***

عمنا وحبيبنا اسمحيلى برهة بس أشرب حاجه لأنى بصراحة تعبت مش عارف هاتعمل ايه معاها فى باقى القصيدة

بالهنا والشفا

العزب

العزب فتحي
23-07-2009, 12:49 PM
شكرا لكل من قرأ القصيدة

العزب فتحي
07-09-2009, 02:14 PM
upppppppppppppppppppppp

dr.only hope
07-09-2009, 02:47 PM
قصيدة جميلة جدا يا فندم
تسلم ايد حضرتك ورمضان كريم وفى انتظار المزيد

elsaidhafez
07-09-2009, 04:53 PM
إيه يا عمنا قلبك مفرفر خالص و عمال يزيق لدرجة إنه طالع عندى فى السماعات .
شئ جميل أن تقلب الوضع بالرفض لإثباته و كل شطرة بتقول جديد ..الإيدين الميتة باللمس و كأن الفولت عالى و الصوت إللى بيطلع م الودان.. الشجرة و الطيور و الزقزقة طبعا مش هطول عليك... كل ذلك يدل على أنك شاعر متمكن تملك أدواتك و بتلوى رقبة الكلام زى ما إنت عايز.. آه ... بس كلمة " علمى" يا حلو اتكررت أكتر من الازم أكتر من 20 مرة و عدهم.. ..طبعا دا مش نقد عشان الناس بتزعل ... لكن ممكن تسميها غيرة على العمل لأنه عجبنى.. و ترك انطباع .. مع خاص تحياتى .. السعيد حافظ . م أ.لغة إنجليزية و عضو إتحاد كتاب مصر

العزب فتحي
17-09-2009, 09:49 AM
قصيدة جميلة جدا يا فندم
تسلم ايد حضرتك ورمضان كريم وفى انتظار المزيد

يا فندم أنا أشكر رقتك وزوقك وجزيل الشكر لمرورك الذي شرفني

وكل عام وأنتم بخير


العزب

العزب فتحي
01-12-2009, 08:28 PM
كل عام وأنتم بخير جميعا

فاروق ابوعيانه
20-10-2012, 12:27 AM
الأستاذ الرائع / العزب فتحى
رائعة عاميتك بل هى قمة الروعة
بكتابتك تحملنا معك على جناح الخيال إلى عالم الإبداع
قصيدة متكاملة تترك آثارها فى نفوس محبى الشعر
وتعطى دروسا مجانية لعاشقى العامية

مـــــلك
20-10-2012, 12:30 PM
ممكن حضرتك تعلمني كتبت كده ازاي
بجد روعه تسلم إيدك

نحلة المنتدى
20-10-2012, 01:43 PM
تسلم ايدك بجد روعه

رحييق
23-10-2012, 08:54 AM
حقيقي جميلة
تسلم أستاذي
ويسلم نبض قلم حضرتك
مودتي