مشاهدة النسخة كاملة : ظاهرة وحشة (اوى)فى المنتدى ........................ خلى بالك من (اوى)
محمد على ابوزياد 30-06-2009, 12:23 AM الســــلام عليكم ورحمة الله وبركـــــــاته
أعزائي أعضاء و مشرفى المنتدى
لا شك أن مشكلة غربة اللغة العربية تؤرق الكثيرين من الغيورين على هذا الدين،
وليت الغربة تقف عند التكلم بالعامية، بل إنها تتعدى إلى الكتابة أيضا،
لتكتمل مسامير نعش اللغة العربية وإنا لله وإنا إليه راجعون.
لعلكم تظنونني أبالغ،
لكن الحقيقة أن الأخطاء الإملائية الجسيمة التي يقع فيها البعض أثناء الكتابة
قد تصبح قواعد مع تقدم الزمان وانتشار الجهل
واجد صاحب موضوع يكتب كلمة( لكن) بالضيغة (لاكن) والله اكثر من مرة فى نفس الموضوع
وجدت عنوان موضوع اعرف( قيمت) نفسك بالتاء المفتوحة
وجدت عنوان موضوع الفرصة ... جت ادخل وقل رايك
اسف لاصحاب المواضيع ولكن انا غيور على اللغة العربية
اقترح على مشرفى الاقسام مراجعة الاخطاء الاملائية للنهوض بمنتدى الثانوية العامة
حيث ان اصحاب المواضيع منهم معلم وطالب جامعى وغيرهم
ارجوا المشاركة والردود من اخوانى اعضاء المنتدىوالسادة المشرفين
وياريت الموضوع يكون موجود فى هذ القسم ولا ينقل الى اقتراحات وشكاوى
لانى اشعر عند نقل موضوعى الى الاقتراحات والشكاوى كانى تم نقلى الى قسم الارشيف بديوان الادارة او المديرية يعنى .......؟
مع خـــــــالص تقديري واحترامي
اوركيديا 30-06-2009, 01:06 AM وياريت الموضوع يكون موجود فى هذ القسم ولا ينقل الى اقتراحات وشكاوى
لانى اشعر عند نقل موضوعى الى الاقتراحات والشكاوى كانى تم نقلى الى قسم الارشيف بديوان الادارة او المديرية يعنى .......؟
مع خـــــــالص تقديري واحترامي
ههههههههههههه
ليه بس
ده حتى انضف قسم فى المنتجع
على العموم هو اساسا موضوع يستحق النقاش
على الاخطاء اللغويه
مع انى اكتر حد بيكتبها
بس بيبقى بقصد
:d
عامه انا كنت ححذف لحضرتك الموضوع ده عشان ده تانى موضوع فى يوم واحد
بي قولت الاولانى اتنقل اساسا
:d
اما بقى على الموضوع نفسه
فده بيبقى خطأ صعب اوى فى حق اللغه نفسها
بقى استخدام الفصحى حاجه كده ملهاش طعم
مش فاكره حد بيستخدم الفصحى فى مواضيعه غير احمد رضا ممكن يعتبر بس كاسلوب بس بردو بيبقى فيها كلام عامى
المصيبه بقى بتبقى
ان الواحد مش بيبقى عارف
الكلمع تتكتب ازاى صح
:bosyht9:
يلا موضوع حلو
;)
فى رعايه الله
مستر محمود صادق 30-06-2009, 01:46 AM شكرا على طرح الموضوع
فعلا فى غاية الاهمية
تقبل تحياتى
eng.sabry elbrins 30-06-2009, 01:52 AM جزاك الله خيرا
ابو البراء محمد بن محمود 30-06-2009, 02:07 AM جزاكم الله كل خير على الموضوع.
وهو موضوع فى غاية الأهميه وأرجو من الله أن يأخذه المشرفون بعين الإعتبار.
والله الموفق
yomna1993 30-06-2009, 02:07 AM موضوع مهم بس حضرتك بتقول على غلطات عادية لما يكون الكلام اصلا باللغة العامية يعني احنا اصلا دلوقتي مين الي بتكلم باللغة الفصحة في اي موضوع او تعليق او شات بالعكس احنا بنتكلم باللغة العامية و بندخل لغات كمان في الكلام بالعربي
بس وقت الجد بنتكلكم عربي كويس
اشكر حضرتك و ارجو تقبل التعليق
GAMALEWEES 30-06-2009, 02:11 AM على فكرة ياصبرى البرنس التوقيع الانت كتبة تحفة و جامد اوى احنا فعلا فى مصر ام الدنيا و اذا كانت اللغة العربية الفصحى قلت يبقى العيب على البلد مش علينا لان التعليم بايظ بيعلمونا على الطريقة الامريكية اصل احنا ياعينى زى امريكا احنا فى مصر يعنى كل حاجة بايظة و على عينك يا تاجر
بالنسبة لى
العامية افصح من الفصحى ف التعبير عن اللى عايزة اقوله
صعب اوى بالنسبة ليا انى اتكلم بالفصحى
واكيد دى حاجة مش حلوة
بس اتعودت على كدة
مفيش فايدة
:d
محمد على ابوزياد 30-06-2009, 04:06 AM موضوع مهم بس حضرتك بتقول على غلطات عادية لما يكون الكلام اصلا باللغة العامية يعني احنا اصلا دلوقتي مين الي بتكلم باللغة الفصحة في اي موضوع او تعليق او شات بالعكس احنا بنتكلم باللغة العامية و بندخل لغات كمان في الكلام بالعربي
بس وقت الجد بنتكلكم عربي كويس
اشكر حضرتك و ارجو تقبل التعليق
ربنا يبارك فيكِ
اكتبى فصحى
اكتبى عامى
دى مش المشكلة
المشكلة الاخطاء الاملائية
عندما اجد كلمة (لكن) تكتب بهذة الصيغة (لاكن)
خطأ املائى
لما اجد كلمة (قيمة) تكتب بالتاء المفتوحة (قيمت)
خطأ املائى
نكتب عامية نكتب فصحى مش مشكلة
محمد على ابوزياد 30-06-2009, 04:19 AM بالنسبة لى
العامية افصح من الفصحى ف التعبير عن اللى عايزة اقوله
صعب اوى بالنسبة ليا انى اتكلم بالفصحى
واكيد دى حاجة مش حلوة
بس اتعودت على كدة
مفيش فايدة
:d
خلى بالك من عنوانى (اوى)
خطأ املائى
تكتب (قوى) وليس (اوى)
كما قلت سابقا عامية او فصحى دى مش المشكلة المشكلة الاخطاء الاملائية بس محدش من معلمى اللغة العربية يدور على الهمزات علشان دة حيبقى صعب (قوى)
سيف عبد العظيم 30-06-2009, 04:44 AM باااااااااااااااارك الله فيك
اى حاجه تقولها تعادل الميزان بارك الله فيك
محمد على ابوزياد 30-06-2009, 05:11 PM جزء من رد مشاركة على موضوع فى القسم العام
(وعموما لما الحوكمة مش عاوزاها تقع)
(ما شاء اللة هى دى الامتحنات )
( دة طالب ث ع ) مش عيب
اية راى سيادتكم فى الاملاء
BaNZeR 01-07-2009, 01:06 AM هي الاخطاء الاملائية كتير
وانا حتى وانا بكتب الرد بمسح حاجات كتير عشان اعدلها
وانا من محبي اللغة العربية وبحب اكتب بيها كتير
بلفي اماكن مش بكتب غير بالفصحى
وكان ليا اقتراح جميل على الادارة شفته في موضوع تاني
نعمل شهر نسميه شهر اللغة العربية
ويبقى كل الناس بتتكلم في كل الاقسام باللغة العربية إلا لو قسم معين الترفيهي مثلاً او كده
ونسميه أي حاجة فكرة الحفاظ على لغتنا العربية الجميلة
Its My Life 01-07-2009, 12:19 PM يا مسيو الناس هنا بتتكلم بالعاميه
على اساس انهم بيتكلموا بؤيئي مش كتابه ( بلاش تعليق على بؤيءي دي _ دي يعني من فمهم )
يعني مش هنفضل نكتب بالعربيه الفصحى
اكيد حضرتك مش بتتكلم مع الناس بالفصحي
فدي زي دي
أسيل رزق 01-07-2009, 12:35 PM حضرتك بتتكلم فى حاجة صعب تغييرها
و بصراحة فى بعض الكلمات لازم نكتبها بالعامية .. هو حضرتك بتتكلم مع الناس فى الحقيقة بالفصحى ؟؟
مافتكرش أبداً إن فى حد بيتكلم بالفصحى المطلقة دى دلوقتى
و كلامنا على النت صعب يكون باللغة العربية لإننا مش هنعرف نعبر زى ما بنعبر بالعامية
و دى اللهجة المصرية .. يعنى من سنين طويلة متعوديين عليها
أما بالنسبة لكلمة (قيمت) فا ده جهل باللغة أصلاً .. إن الواحد مش فاهم إن اللى بيكتبه غلط
فى فرق بين واحد عارف إنه بيكتب عامية زى (أوى) و واحد بيكتب كلمة و مش عارف كتابتها الصحيحة
زى اللى بيكتبوا (عامتاً) و هى المفروض تتكتب (عامةً)
و أنا شايفة إن فى كلمات بنشوفها فى المنتدى كتير و بنغفل عنها جداً بالرغم من أهميتها
يا ريت تدخلوا على الموضوع ده
هام جداً .. أرجو الدخول من الجميع لأمر مهم (http://www.thanwya.com/vb/showthread.php?t=133083)
و شكراً يا أستاذ محمد
شهدالجنة 01-07-2009, 09:25 PM شكرا بجد جدا للفتة المهمة جدا
بجد ربا يبار فى حضرتك بجد ويكتر من امثالك
محمد على ابوزياد 01-07-2009, 10:49 PM حضرتك بتتكلم فى حاجة صعب تغييرها
و بصراحة فى بعض الكلمات لازم نكتبها بالعامية .. هو حضرتك بتتكلم مع الناس فى الحقيقة بالفصحى ؟؟
مافتكرش أبداً إن فى حد بيتكلم بالفصحى المطلقة دى دلوقتى
و كلامنا على النت صعب يكون باللغة العربية لإننا مش هنعرف نعبر زى ما بنعبر بالعامية
و دى اللهجة المصرية .. يعنى من سنين طويلة متعوديين عليها
أما بالنسبة لكلمة (قيمت) فا ده جهل باللغة أصلاً .. إن الواحد مش فاهم إن اللى بيكتبه غلط
فى فرق بين واحد عارف إنه بيكتب عامية زى (أوى) و واحد بيكتب كلمة و مش عارف كتابتها الصحيحة
زى اللى بيكتبوا (عامتاً) و هى المفروض تتكتب (عامةً)
و أنا شايفة إن فى كلمات بنشوفها فى المنتدى كتير و بنغفل عنها جداً بالرغم من أهميتها
يا ريت تدخلوا على الموضوع ده
هام جداً .. أرجو الدخول من الجميع لأمر مهم (http://www.thanwya.com/vb/showthread.php?t=133083)
و شكراً يا أستاذ محمد
ربنا يبارك فى الاستاذة /اسيل
المشرفة العظيمة الكبيرة (اوى) اقصد (قوى) علشان انا صعيدى
واتكلم العامية مع الناس ولا اتكلم الفصحى
بس
يا اعضاء المنتدى الكرام انا قصدى الاخطاء الاملائية
ولو خطأ من لوحة المفاتيح كأن ضغطت على حرف خطا مكان حرف
دى مش مشكلة
او ضغطت على حرف فى لوحة المفاتيح ولم يكتب الحرف
عادى
غير العادى
الاخطاء الاملائية
ياريت نتعب (ونتقل ) على المشرفين
ونقترح عليهم مراجعة الاخطاء الاملائية
وانا عارف انهم ح يزعلو ا من الاقتراح المتعب ده
بس ح يبقى شكل المنتدى اجمل (اوى) اقصد (قوى)
محمد على ابوزياد 01-07-2009, 10:56 PM شكرا بجد جدا للفتة المهمة جدا
بجد ربا يبار فى حضرتك بجد ويكتر من امثالك
الرد ده وسام اعتز بة من
الاستاذة /شهد الجنة
ويارب يكون لنا و كل من قرأ الرد (نصيب من الجزء الثانى من اسمها )
عند الله فى الاخرة
والجزء الاول فى الدنيا
امين
امين
امين
يارب العالمين
khas123 02-07-2009, 01:13 AM ان شاء الله كل واحد بيكتب في المنتدى هيحاول على قد مايقدر يحافظ على لغة القران
محمد على ابوزياد 02-07-2009, 09:46 AM ان شاء الله كل واحد بيكتب في المنتدى هيحاول على قد مايقدر يحافظ على لغة القران
جزاك الله خيرا وجعله الله في ميزان حسناتك ان شاء الله
MOHAMEDSHOMAN 05-07-2009, 12:47 AM من منا إكتملت فصاحته...ولكن يجب المحاوله أن يكون الكلام باللغه العربيه الفصحى{لغه القراًن ولغه أهل الجنه} وأقول لك هذه ثمار التعليم بمصر....جزاك الله خيراً على الموضوع..:d:d:d:d
امؤنا 05-07-2009, 12:54 AM حضرتك عندك حق بس احنا اتعودنا على كده كلامنا كله بالعاميهحتى لما بنكتب بس لازم نتعلم العربية الفصحى احترما على الاقل للغة العربية بس صعب اوى نتكلم بيها
Observer 05-07-2009, 01:31 AM اللغة العربية هى أجمل لغة فى الدنيا وفيها موسيقى عجيبة وغريبة تمتع الآذان
ونحن كعرب علينا أن نتعامل باللغة العربية فى المنتديات أو أثناء الكتابة
ولا أقول أثناء الحديث فى الحياة اليومية العادية لأن هذا شئ صعب جداً
أما بالنسبة للهجة العامية فهى لهجة دارجة لها خصوصية شعبية فريدة أيضاً
وتوفر على المتحدثين بها تكلف جمل عديدة وكلمات كثيرة قد لا تستحضرها الذاكرة وقت الحاجة
عموماً لماذا لا يكون هذا الموضوع نواة لدعوة للكتابة بالعربية الفصحى فى المنتدى ولو ليوم واحد فى الشهر
كما إقترح أحد الأعضاء الكرام ؟!
محمد على ابوزياد 07-07-2009, 05:26 PM اللغة العربية هى أجمل لغة فى الدنيا وفيها موسيقى عجيبة وغريبة تمتع الآذان
ونحن كعرب علينا أن نتعامل باللغة العربية فى المنتديات أو أثناء الكتابة
ولا أقول أثناء الحديث فى الحياة اليومية العادية لأن هذا شئ صعب جداً
أما بالنسبة للهجة العامية فهى لهجة دارجة لها خصوصية شعبية فريدة أيضاً
وتوفر على المتحدثين بها تكلف جمل عديدة وكلمات كثيرة قد لا تستحضرها الذاكرة وقت الحاجة
عموماً لماذا لا يكون هذا الموضوع نواة لدعوة للكتابة بالعربية الفصحى فى المنتدى ولو ليوم واحد فى الشهر
كما إقترح أحد الأعضاء الكرام ؟!
ربنا يبارك فيك
وفى كلامك الجميل
عن الفصحى
والعامية
السليمة من الاخطاء الاملائية
أ/ محمد فوزى باشا
كومندا
اسون الشقيقة
عبده عثمان 07-07-2009, 05:35 PM هذا كلام قد ذهب اهله
Khaled Soliman 07-07-2009, 06:00 PM هذا كلام قد ذهب اهله
بل قل هذا كلام لا أهل له
الله المستعان
محمد على ابوزياد 07-07-2009, 07:18 PM بل قل هذا كلام لا أهل له
الله المستعان
كلام حضرتك الجميل هذا
يجعلك انت اهل للغة العربية الفصحى والعامية
وبدون اخطاء املائية
NOUFALL 07-07-2009, 07:32 PM جزاك الله خيرا على طرحك للموضوع المهم ده
بس دى بقت عاده فينا
الجويرية 07-07-2009, 10:51 PM ولمانيجى نتكلم لغة عربية الناس تقول علينا معقدين
وبنتفلسف عليهم
نعملهم ايه بس؟
بجد موضوع رائع وجدير بالنقاش
جزاكم الله كل خير
وليت اللغة العربية تعوود
Labang 08-07-2009, 02:40 AM هههههههههههه
بصراحة حضرتك عندك حق
سماح المرة دي
مشتاقه لمصر 08-07-2009, 03:03 AM والله يا استاذ محمد
انا بزعل جدا لما بلاقى اخطاء املائيه فى ردود وموضوعات
المنتدى
لأن ده بيعبر عن جيل الشباب اللى جاى
واللى مفروض انه يكون عدى مرحلة الأخطاء الإملائيه دى
ودلوقتى بقى عنده كمبيوتر ونت ودخل على عالم اوسع
مفروض يكون انضج
على الاقل فى كتابة مفردات لغته
اشكرك استاذ محمد على الموضوع
ويارب يكون له صدى بين الاعضاء
ونتيجه افضل
ليتني طفله وهمي لعبتي 08-07-2009, 03:16 AM هذا الكلام لن يذهب أهله مادام القرآن في قلوبنا
ولن يذهب أهله مادام الإسلام هو ديننا
اللغه العربيه لغه أكثر من رائعه
مش أي حد يعرف قيمتها
فعلا.........................................
جزاك الله خيرا بل وكل الخير على طرح هذا الموضوع
فعلا أنا بتعب قوي لما بتكلم مع حد وعنده أخطاءإملائيه
لأن ممكن حرف بس مجرد ما يتغير من العربيه الفصحى إلى العاميه أقصد كتابة
الكلمه ممكن تفهم على محمل أخر تماما يخالف معناها الأصلي
والدنيا بقى تتكلكع في بعضها
ومن يفكها ربنا معاه
والموضوع ده أنا ليا موقف معاه بس أنا لاأذكر الكلمه بالضبط
لكن مره كنت بكلم وحده وكتبت لي كلمه بس أخطائها الإملائيه
خلتني أفهم الموضوع خطأ تماما
وإتخانقنا مع بعض
ومفهمتش الموضوع غير لما تكلمنا في التليفون
لكن فعلا أشكر حضرتك جدا على طرح الموضوع..
وبإذن الله المشرفين يقوموا بالواجب وزياده
أسيل رزق 08-07-2009, 09:39 AM ولمانيجى نتكلم لغة عربية الناس تقول علينا معقدين
وبنتفلسف عليهم
نعملهم ايه بس؟
بجد موضوع رائع وجدير بالنقاش
جزاكم الله كل خير
وليت اللغة العربية تعوود
يا ست آيه مش حكاية تعقيد أو معقدين
مصر بقالها فوق ال200 سنة بيتكلموا باللهجة المصرية و مش بنعرف نوصل كلامنا إلا بكده
إنتى نفسك بتتكلمى عامية مع أى حد و على الميل و فى كل حتة هيبقى ازاى هتوصلى كلامى باللغة العربية زى ما انتى عايزة بالكتابة هنا؟!! .. أكيد مش هينفع .. هو مش موضوع تعبير .. الحيا هنا زى الحياة اللى بنعيشها يعنى لو اتكلمنا بالفصحى هنا يبقى نتكلم بالفصحى فى العادى و ده طبعاً صعب و يمكن يستحيل تحقيقه
محمد على ابوزياد 08-07-2009, 12:15 PM هذا الكلام لن يذهب أهله مادام القرآن في قلوبنا
ولن يذهب أهله مادام الإسلام هو ديننا
اللغه العربيه لغه أكثر من رائعه
مش أي حد يعرف قيمتها
فعلا.........................................
جزاك الله خيرا بل وكل الخير على طرح هذا الموضوع
فعلا أنا بتعب قوي لما بتكلم مع حد وعنده أخطاءإملائيه
لأن ممكن حرف بس مجرد ما يتغير من العربيه الفصحى إلى العاميه أقصد كتابة
الكلمه ممكن تفهم على محمل أخر تماما يخالف معناها الأصلي
والدنيا بقى تتكلكع في بعضها
ومن يفكها ربنا معاه
والموضوع ده أنا ليا موقف معاه بس أنا لاأذكر الكلمه بالضبط
لكن مره كنت بكلم وحده وكتبت لي كلمه بس أخطائها الإملائيه
خلتني أفهم الموضوع خطأ تماما
وإتخانقنا مع بعض
ومفهمتش الموضوع غير لما تكلمنا في التليفون
لكن فعلا أشكر حضرتك جدا على طرح الموضوع..
وبإذن الله المشرفين يقوموا بالواجب وزياده
اهل اللغة العربية
واهل لغة القران
فى قلب كل عربى غيور على اللغة العربية
طالما يوجد رد جميل مثل رد
"ليتني طفله وهمي لعبتي"
جزاكِ الله خيرا على الرد والمشاركة العظيمة فى الموضوع
Mr. Medhat Salah 08-07-2009, 12:29 PM هيا بنا دعوه صحح لغتك
d00ry 08-07-2009, 03:21 PM انا كان ليا رد ياريت ما يضايقش حضرتك
لو حضرتك لاحظت اناحنا بنكتب الكلام كله بالعامية فالحاجات دى ممكن تبقى عادى يعنى مفيهاش تدقيق اوى
محمد على ابوزياد 08-07-2009, 05:30 PM انا كان ليا رد ياريت ما يضايقش حضرتك
لو حضرتك لاحظت اناحنا بنكتب الكلام كله بالعامية فالحاجات دى ممكن تبقى عادى يعنى مفيهاش تدقيق اوى
لا والله ما فى تضايق من رد حضرتك لكن الذى ابحث عنة قدر الامكان حتى ولو بالكلام باللغة العامية
هو الاخطاء الاملائية الفظيعة التى يكتبها الاعضاء فى الردود وخصوصا انهم طلاب جامعة و معلمون ودى المصيبة الاكبر
جزاك الله خيرا على الرد الجميل
لؤلؤة الإسلام 08-07-2009, 05:39 PM جزاك الله خيرا
ناصر الفخرانى 10-07-2009, 12:47 AM جزاكم الله خيراً أستاذ محمد على هذا الموضوع
هذه المشكلة تؤرقنى جداً ، خاصة عندما أجد كلمات بها أخطاء إملائية
والتى تكتب دون قصد ، وأحياناً لضعف فى اللغة وكتابة الهمزات فى مواضعها الصحيحة
وليس الكل يعلم قواعد هذه الهمزات .
والخطأ الفادح والأعظم هو كتابة لفظ الجلالة بهذا الشكل ( اللة ) وتشبيهها باللات أحد أصنام الجاهلية.
والكلام فى هذا الأمر كثير وكثير .
وعندما أجد مشاركة بها أخطاء إملائية يدفعنى حماسى للغة العربية لتعديلها فوراً.
هدانا الله وإياكم للخير .
وجزاكم خيراً عن هذا الموضوع .
تقبل مرورى.
عاشقة الموج 10-07-2009, 08:00 AM لن يفرق كثيراً الكتابة بالعامية أو الفصحى التى ننشدها و لكن كلام أستاذ محمد المقصود به هو التدقيق الإملائي ومراعاة ماينطق و لايكتب
مثال كلمة --لاكن--- المفروض هى-- لكن --
كلمة-- هاذا -- المفروض -- هذا --
وهكذا لابد من التدقيق حتى تكون الكتابة بدون أخطاء إملائية
وعذراً للطالب أن يخطئ فى كلمات بها بعض الهمزات ولكن التحرى مطلوب
و ياليت نحاول أن نتكلم لغة قومنا و لغة أهل الجنة
و نكون غيوريين عليها من الانحدار و إحلال لغة أخرى بدلاً منها
هدانا و إياكم اللسان السليم و الكتابة السليمة
فنحن نعتز بلغة الضاد
لمى 2016 10-07-2009, 06:18 PM حيبقى صعب (قوى
على فكرة اللغة العربية مفيهاش حاجة اسمها
صعب قوى
اسمها
صعب جدا
صعب للغاية
بس مفيش صعب قوى دى:d
محمد على ابوزياد 11-07-2009, 05:06 PM جزاكم الله خيراً أستاذ محمد على هذا الموضوع
هذه المشكلة تؤرقنى جداً ، خاصة عندما أجد كلمات بها أخطاء إملائية
والتى تكتب دون قصد ، وأحياناً لضعف فى اللغة وكتابة الهمزات فى مواضعها الصحيحة
وليس الكل يعلم قواعد هذه الهمزات .
والخطأ الفادح والأعظم هو كتابة لفظ الجلالة بهذا الشكل ( اللة ) وتشبيهها باللات أحد أصنام الجاهلية.
والكلام فى هذا الأمر كثير وكثير .
وعندما أجد مشاركة بها أخطاء إملائية يدفعنى حماسى للغة العربية لتعديلها فوراً.
هدانا الله وإياكم للخير .
وجزاكم خيراً عن هذا الموضوع .
تقبل مرورى.
ربنا يبارك فى حضرتك
أ/ ناصر الفخرانى
نورت موضوعى
و شرفت انا برد حضرتك
محمد على ابوزياد 11-07-2009, 05:10 PM على فكرة اللغة العربية مفيهاش حاجة اسمها
صعب قوى
اسمها
صعب جدا
صعب للغاية
بس مفيش صعب قوى دى:d
جزاك الله خيرا على المعلومة
التى لم اكن اعلمها وعلمتها من حضرتك
يا لمى2016
وربنا يبارك فى حضرتك
|