السلام عليكم
اولا انا حبيت اعمل الموضوع ده عشان كله يعرف انه مافيش فرق بين الثانويه الازهريه والثانويه العامه وارجوا ان كله طلاب العلمى فى الثانويه العامه والازهريه يشارك اوك
احنا عايزين نعرف امتحانات الرياضه الثلاثه بالنسبه للتانيه ازاى يعنى ايهما اصعب
الجرائد قامت ولم تقعد فى امتحانات الثانويه العامه ولم يذكروا امتحانات الثانويه الازهريه ولان نرييد ان نعرف المقارنه بين الامتحانيين
بالنسبه للتفاضل وبالنسبه للميكانيكا (الصعبه جدا بكلام العاميه ) وبالنسبه للجبر والفراغيه الل اررضت الطرفين
ياريت نشوف الردود

ماشوفناش ردود ياجماعه

انا بقول ياجماعه على الجميع المشاركه مش على الجميع المشاهده

انا كنت في تالتة ازهر و رأيي ان امتحان الميكانيكا في الازهر كان صعب عن امتحان العام بمراحل لكن لايقارن طبعا بامتحان 2008 بتاع العام وكذلك امتحان التفاضل كان فيه مسالتين صعبتين و يخدعوا وكذلك الفيزياء كان فيها حاجات صعبة بعكس العام والجبر كان سهل خالص ورأيي ان امتحانات 2009 في الازهر كانت اصعب امتحانات جت في الازهر في بعض المواد ورايي ان حرام تيجي امتحانات صعبة في الازهر في الرياضيات و الفيزياء لان كمية المواد في الازهر تجعل من الصعب اعطاء تلك المواد حقها في المذاكرة على العموم الحمد لله و السلام ختام

اها عندك حق بس انا من وجهه نظرى المتواضعه ان الامتحانات الازهريه ماكانتش صعبه انما العام هيا الل كانت سهله جدا

لو سمحتوا متنسوش الظغط اللي كان علي طلاب العام وخوفهم لتكون الامتحانات زي السنة اللي فاتت

كان كل اللي يدخل الامتحان اديه ترعش حتي ولو عارف الحل.
وانا بردوا مش شايف امتحان الفيزياء للازهر مش صعب احنا كلنا حلناه بسهولة الحمد لله.

ياجماعه مفيش حاجه صعبة
كل الامتحانات فى الكتاب
الى مذاكر ان شاء الله مفش حاجة هتقف امامه
وشكرا

بالله عليكم أنا عايز واحد بيفهم ازاى تقارن بين طالب بيدرس 17 مادة و طالب بيدرس 5 مواد و عاوز الامتحانات فى الازهر تبقى زى التربية و التعليم لازم يسهلو شوية

بصراحة انا لو من التعليم العام وال 5 مواد بس الي عندهم دول انا كنت اكلت الكتب وشربتها كمان بصراحة انتو بتتدلعو

صراحه امتحانات الازهر اسهل
بس بالنسبه للضغط اللى عليهم من المواد التانيه اكتر بكتير مقارنه بالعامه
دول اكتر من 18 ماده كل ما اخلص واحده الاقى التانيه

بالله عليكم أنا عايز واحد بيفهم ازاى تقارن بين طالب بيدرس 17 مادة و طالب بيدرس 5 مواد و عاوز الامتحانات فى الازهر تبقى زى التربية و التعليم لازم يسهلو شوية


:friendsxs3:

موضوع سهل او صعب دة شىء نسبى بيختلف من شخص لاخر
يعنى لو حليت الامتحان هيبقى سهل بالنسبة لك
وصعب للى ما حلش الامتحان

لان فى النهاية الامتحان من داخل المنهج سواء ازهر او عام

لا تشغل بالك بمثل هذه الامور وركز فى تحصيلك للمعومات
علشان يبقى الامتحان سهل بالنسبة لك

اطيب الامنيات بالتوفيق

انا عن نفسى موضوع سهولة وصعوبة الامتحان ممكن قبل الامتحان احل كتاب امتحانات كامل انما فى اللجنة ربنا يستر
بسبب الضغط وطبعا كم هائل جدا من المواد وخايف من الظلم فى التصحيح
وطبعا الاعلام سايب الازهر خالص وكانه فى بلد تانية بس لو حصل حاجة من واحد كان بيدرس فى الازهر شوف بقى اللى يحصل
................ده طبيب ازهرى .........ده مهندس من الازهر........... وهلم جر
بس طبعا انا ثقتى بالله كبيرة وعندى مبدا ان اى مفيش امتحان صعب وسهل فى فقط توفيق من عند الله وعدم توفيق
وان ربنا بيدى كل انسان قد عمله وقد ثقته بالله
وكمان بالنسبة للعام هم اصلا مش متعودين على الكم الهائل من المواد بس مش اكتر

والله العبره مش بالكتير والقليل العبره انى انت تعمل اللى عليك والباقى على ربنا

وبلاش الاستهتار ونقول 18 ماده نصف المواد بتعلمك امور دينك وكفايا انى انت طالب القران والدين

ولكل مجتهد نصيب

انا ثانوية ازهرية وابحث من اول السنة على دروس الرياضيات و لا اجدها لان حاليا عدد طلاب 3 عام قليل جدا و الازهر ليس في الحسبان بالمرة واسالكم الدعاء بالنجاح

انا من وجهة نظري ان الازهر سهل بالمزاكره بشرط؟؟!ان الامتحانات تكون سهله اما لو جاءت صعبه فلا ! ومن رايي ايضا ان كثرة المواديعوضها سهولة الامتحانات ملحوظه (كثرة المواد كملف لمواد التربيه والتعليم ولكنه مفكوك الضغط)

انا باخذ جميع الدورس مع الثانوية العامة ومستويا زيهم لومكنش احسن بس مش عارف لية كل الاهتمام بيهم واحنا محدش معبرنا

وأنا أنضم إليكم أيضا
دول حتى أوائل الأزهر محدش بيسمع عنهم على التليفيزيون نهائيا
في حين على الجانب الآخر كل القنوات تستضيف أوائل الثانوية العامة ويكرموهم
وحتى لو فرض جدلا أن أمتحانات العام أصعب بس إحنا برضه حملة الدين وعلومه المفروض يكون فيه تكريم ومعاملة أحسن من كده
وفعلا والله طلاب الأزهر يستحقون أكثر من ذلك

السلام عليكم
موضوع مهم وخطير وهو الفرق بين الثانويتين يكمن فى التنسيق لان تسيق ازهر غير تنسيق عام
اما بالنسبة لعدد المواد ففى ازهر الاهتمام يكون للمواد الشرعية لان ها تشمل 60 % من المجموع الكلى اما المواد العلمية لها 40% فقط
اما بالنسبة لصعوبة الامتحانات فكانت متوسطة المستوى لكن الظغط والشد العصبى والنفسى والتسرع فى الاجابة من الاسباب اللى ممكن تخلى الطالب يفقد بعض الدرجات دون ان يشع وشكرا جدا على الموضوع