كلنا ندرك معنى الصراحة ولكن هناك من يجهل الخيط الرفيع بين الصراحة والوقاحة ويعتقد أن ما يقوله هو الصراحة وهي الوقاحة بعينها ...

فالصراحة قد تجرح ولكنها حقيقة وتدفعك لتجنب ماصرحت به ... أما الوقاحة حقيقة ولكن لا تجرح فحسب بل قد تشعل نار بداخل الشخص الذي وجهت له تلك الوقاحة لأن الوقاحة والصراحة كليهما متشابه ولكن الاختلاف في طريقة العرض ....
مثلاً لو كان هناك معلم لا يحسن التدريس يفترض من المدير توجيهه بصراحة فيقول له: ربما ما تزال تحتاج إلى الكثير كي تصبح معلم ناجح ولكن هذا لا يمنع أنك جيد ولكن يجب أن تحاول لتكون أفضل مما أنت عليه الآن..هذه هي الصراحة !!
أما الوقاحة أن يقول المدير له مثلا : أنت سيئ جداً وكان يجدر بك أن لا تكون معلم لأنك لا تصلح لمهنة التدريس وينقصك الكثير من الخبره كي تكون معلم ناجح ..
هذا هو الفرق صحيح أن المدير قال الحقيقة في كلا القولين او الحالتين ولكن في قوله الأول كان يوجه المعلم بصراحة كي يدفعه لنجاح..أما في القول الثاني فهو كان يوجه المعلم بوقاحة مما يسبب له إحباط ويجرح شعوره وبالتالي قد يدفعه للفشل..

فما رأيكم في الفرق بين الصراحة والوقاحة حبذا لو يبدي كل منكم وجهة نظره بصراحه

تحياتي لكم

انا موافقك ع معني الصراحه والوقاحه

بس المثلين دول

صراحه بس صراحه لينه يعني هاديه يعني يوصل رايه دون اثاره غضب التاني والتانيه عكس دا

لان الوقاحه هي وصف سئ غير موجود ف الانسان
بس الصراحه وصف الانسان بصفه موجوده فيه

شكرا ع الموضوع

شكرا ليك
بس انا اعتقد ان الأسلوب بيفرق

أكيد فى فرق كبير بين الصراحة والوقاحة يمكن بيتفقوا مع بعض إنهم الاتنين غالبا بيجرحوا بس أنا بعترض معاك فى المثل اللى إنت قولته لسبب إن المدير مهما قال فهو المدير أو صاحب العمل فى الحالة ده منقدرش نقول وقاحة إحنا نقدر نقول إن ده وقاحة لما تتوجه لشخص أقل فى السن أو المكانة .................... الخ يمكن ده فى رأيى كمان الوقاحة كتير بتتضمن الشتيمة والزعيق

شكرا هينار بس مش معنى انه يكون مدير او.........................
انه يكلمنى باسلوب يجرح كرامتى صح

أكيد أنا معاك بس المدير أكيد من حقه يقوللى ملاحظاته وأكيد هو مش مستفيد حاجة إنه يجرح كرامتى كل غرضه التنبيه أو التحفيز

ok
thank you

ميرسي علي الموضوع

الصراحة والوقاحة شئ واحد

فالانسان الفاضل يؤى الصراحة صراحة

بينما غير ذلك يراها وقاحة

ولا يريد ان يسمعها لانها تشينه لانه ليس صريحا او صادقا

اقولك انا يا ست سو:d
قبل كدا ( بكرر الكلام دا كتير )
مرة واحد قاللى هسألك سؤال بكل بجاحة وتجاوبنى عليه بكل وقاحة
ان الصراحة فى نظره تعنى الوقاحة
كلامه صح وغلط فى نفس الوقت
الصراحة زى ما الحاجة مروة بتقول ( الصراحة راحة ياعينى ....)
الصراحة لا بد منها بس صراحة عن صراحة تفرق
الاختلاف بيقا فى طريقة العرض
انتى مكن تتكلمى بكل صراح من غير متزعلى اللى قامك منك ويبقا مبسوط كمان
ليه بقا لانك قولتيله صراحة فى صورة اشبه بالمجاملة لانك قبل ماتصارحيه بعيوبه بتقولى بعض الصفات الحلوة اللى فيه وبعدين تققوليله عيبك كذا ولو غيرته هتبقا زى الفل :d
وفى نفس الوقت ممكن تصارحيه يكرهك ويكره الدنيا لانك جرحتيه بكلامك
فالصراحة معيار فما كان فى اطاره فهو الصراحة وما زاد او نقصفهو الوقاحة
ولا كأنك شفتى حاجة
متى فى رعاية الله:d

اقولك انا يا ست سو:d
قبل كدا ( بكرر الكلام دا كتير )
مرة واحد قاللى هسألك سؤال بكل بجاحة وتجاوبنى عليه بكل وقاحة
ان الصراحة فى نظره تعنى الوقاحة
كلامه صح وغلط فى نفس الوقت
الصراحة زى ما الحاجة مروة بتقول ( الصراحة راحة ياعينى ....)
الصراحة لا بد منها بس صراحة عن صراحة تفرق
الاختلاف بيقا فى طريقة العرض
انتى مكن تتكلمى بكل صراح من غير متزعلى اللى قامك منك ويبقا مبسوط كمان
ليه بقا لانك قولتيله صراحة فى صورة اشبه بالمجاملة لانك قبل ماتصارحيه بعيوبه بتقولى بعض الصفات الحلوة اللى فيه وبعدين تققوليله عيبك كذا ولو غيرته هتبقا زى الفل :d
وفى نفس الوقت ممكن تصارحيه يكرهك ويكره الدنيا لانك جرحتيه بكلامك
فالصراحة معيار فما كان فى اطاره فهو الصراحة وما زاد او نقصفهو الوقاحة
ولا كأنك شفتى حاجة
متى فى رعاية الله:d



انا بستغرب من مواضيع زمان دى كنت عاقله اوى واضح ان الواحد بيكبر ويزداد هبلا

بس انت والله كلامك عقلانى وكويس يلا مش مشكله بس الواحد مطلعش هو الوحيد اللى رغاى

عامه لو هقول وجه نظرى بمانى معنتش ماشيه بالطريقه دى اصلا انا شايفه ان احيانا طريقه الصراحه اللى بنحور فيها دى بتبقى صعبه هو الواحد يقول رائه وينجز وبعد كده الطرف التانى هيعرف حتى لو زعل شويه

بس الواحد بيخلص نفسه يلا مش مشكله ايه بس اللى طلع الحجات دى

ميرسي علي الموضوع

جميل الموضوع ياسو
بصى هو اكييد فى فرق بين الصراحة والوقاحة وده بيعتمد على الاسلوب نفسه اللى الاشخاص بتتكلم بيه

يعنى مثلا عندك لما تقولى لحد

انتي غريبة ودماغك غريبة يا .....وتفكيرك ضيف جدااااااااااا

وانك تقوليلى ........افكارك غلط
عاوزة تراجعيها تان
او مش صح تفكيرك
:)
هتفرق فى اسلوبك اللى تقولى
يمكن اى انسان بيفرق عن غيره فى اسلوبه

واللهى الموضوع جيد جدا واعتقد ان المثال مقنع ايضا بس انا اعتقد ان الوقاحة والصراحة يتفقوا فى انهم بيزعلوا الشخص الموجه اليه الاتهام ولكن يختلفوا فى وقع كل منهما على نفسه واعتقد ان كلمة الصراحة علامة على الصدق اما الشخص اللى بيسخدم الوقاحة ده بيكون اما قليل الذوق او عاجزعن الرد فى المواقف الحرجة اللى بيقع فيها وده رايى والله اعلم وشكرا على الموضوع الجميل ده

الفرق بين الصراحه والوقاحه يكون في جانبين مهمين :

الاول وهو النيه : اذا ما كنت النية طيبه وخالصة في توجيه النصح تكون هذه صراحه أما اذا كانت غير ذلك فتكون وقاحه .

الثاني وهو الاسلوب : فلابد أن يتوافق الاسلوب مع النية فالنية الطيبة لابد لها من أسلوب مهذب للتعبير عن هذه النية في النصح أما ان كان عكس ذلك فتصبح وقاحه .