مشاهدة النسخة كاملة : عاوز تفوّر دمك!!


The_Relativistic200
31-08-2006, 09:41 PM
بسم الله الرحمن الرحيم

كل عام وانتم بخير
الدروس بدأت
والمدرسين هيشتغلوا والطلبة هيتنكدوا
والمنتدى احتمال يرجع 20 عضو زى الاول
10 للقسم التعليمى
وعشرة لبقية الاقسام
او ال20 كلهم فى التعليمى الله اعلم


المهم
الموضوع باين من عنوانه
ظاهرات
ممكن ياللى بتقرا تشوفها فين كده بالفكاكة
فى الشارع ....ممكن؟
فى التلفيزيون .....ممكنين وتلاته وعشرة؟
فى الجريدة.....ممكن؟
فى المسجد ......ممكن؟
فى الدرس .....ممكن؟
فى المنتديات....... ممكن جدا وخالص واوى؟

نبدا بايه بس وياريت تصبروا شوية بس عشان انا برضو مستحمل اللى باكتبه بالعافيه
من الغيظ

اولا: فى الشارع:-
**وبينما انا فى مرورى بكوبرى 6 اكتوبر اشاهد يافطة كبيرة لتامر حسنى وقد كتب عليها
وحشتنا......(بالذمة ينفع...... ولن تفاجأ فى القريب بلافتة مماثلة لممدوح اسماعيل و اصحاب الريان)

** انه بعد ان يقول الامام (السلام عليكم ورحمة الله) اسمع....يا احمر يا بطيخ.....بجنيه ونص القوووووطة
خدلك كيلو مانجه تاخد عليه ربع جنيه خصم......

** طريق الاوتوستراد ...تحفة عالمية انوار عواميده يضاء بعضها فى النهار وتطفأ فى الليل

ثانيا: فى التلفيزيون:-
** ساقنى قدرى اولا لمشاهدة برنامج هالة سرحان على روتانا مش هتقدر تصلى الفجر
واجدها تضحك من قلبها واسمع الصراخ والهتافات من البلاتوه
وكانهم يقولون لك........ده استكراد واستعباط عاجبك؟؟؟!!

** ان ارى ممثل يسمى احمد هارون عند سؤاله عن فيلمه القادم
(اقدم شخصية طالب ثانوى...فترد المذيعة: طالب ثانوى ؟!
فيقول: ايوه طالب الثانوى القفل ده اللى شعره على جنب ده!!

نقول للاستاذ: انت جايب كام فى الثانوية ومتخرج من انهى كليه اساسا؟

** حديث حول تغيير اسم مسلسل يلقب بنصر الله الى نصر السماء
فالرقابة دورها الحفاظ على ارواح

نقول للاستاذ: انت جايب كام فى الثانوية ومتخرج من انهى كليه اساسا؟

** حديث حول تغيير اسم مسلسل يلقب بنصر الله الى نصر السماء
فالرقابة دورها الحفاظ على عدم حدوث لبس طبعا
(عفوا....هذا زمن الافاقين!!)

** عقب حادث قليوب مباشرة اجد خبر عن انقلاب قطار فى اسبانيا
فطبعا الكوارث...مش عندنا بس والتسيب ده صناعة عالمية يعنى مستوردة!!


ثالثا: فى الجريدة:-
**للاسف حاليا لا اصدق حرفا واحدا فى الصحف القوميه
فما هى الا شاتم ومشتوم ...مؤيد ومعارض .....سارق ومسروق .....كاذب وكذابين

** نقرأ المقال من دول وتجد الكاتب يمسح بزميله الارض
ويقول لابد لنا من النقد الهادف
وشكرا لسعة صدرك الزميل العزيز

** فى خبر لوزير التعليم اعلن انه لن يتم طبع كتب دراسية للثقافة الجنسية للتدريس
ولا سوف يتم تدريس اللغة العبرية حفاظا على هوية التعليم...
(هى فين الهوية دى حد يقوللى!!)

** اجد فى جريدة معارضة حقائق عن احصائيات حرب اكتوبر وان العالم لم يعترف بهذا النصر
وان العرب وحدهم يعترفون به نظرا لان خسائرنا من الجنود والسلاح اكثر من اسرائيل بكثير
وكل هذا تحت عنوان( هل انتصرنا بالفعل فى حرب اكتوبر؟)
حد يرد على الاستاذ ده يا جماعة اصلها ناقصة

** تصريح للسيد الفاضل الراعى محمد حسنى مبارك
يقول فيه انه لا فائز ولا خاسر فى حرب لبنان...(على اعتبار ان حزب الله ما انتصرش)
(ميلعبوا ضربات جزاء احسن؟!!!)

** على ذكر نجيب محفوظ رحمه الله..ادركت مقالا بعنوان تأملات
ووصف فيه رجلا نزل من بيته وصلى الفجر وذهب لشراء الفلافل الساخنة
اين تأمل هنا ؟؟!!
مع كل التقدير لروايات نجيب محفوظ التى اعشق بعضها...

** نجد فى كل جريدة الان مربعا جميلا رائعا وكتب فيه
(نأسف لقارئنا العزيز فى زيادة سعر الجريدة الى جنيه مع وعد بمزيد من الخدمات نظرا للاقبال الشديد
على الاعداد واستهلاك الكثير من الورق)
وكأننا لنا رأى فى هذا؟


رابعا:فى المسجد:-
** طفلا فى الصف الاول ولا طفل غيره فى المسجد نجد الشيخ يزحزحه حتى اخر صف ليفسخ مكانا للشيوخ امثاله
على اساس انه صغير ( ابقى قابلنى لو جه صلى تانى)

** انعم الله على فى مرة فذكرنى باخراج صدقة لله
فتحريت من حولى كالصحابة رضوان الله عليهم ووضعتها باليمين
الا انها لم تدخل الصندوق نظرا لضيق الفتحة ضيقا شديدا
وادخلتها بعد ان رآنى جميع من فى المسجد

** اصحاب المعاشات او المتعبين من نزولهم للصلاة فى بعض المساجد نجد كراسيهم فى الصف الاول
وكأن الثواب محجوز مثلا

خامسا:فى الدرس:-
**حصة يقل طلابها عن 18 طالب ليست بحصة او المدرس ده غلبان ومش ماشى فى السوق
** زيادة ثمن الحصة جنيها ....(مش بنزين بيستهلكوه برضو )
** معظم طلبه مصر رايحين دروس لهذه الاسباب
للضحك 70% زهقان 10% استفادة20%
** بسؤال بائع البيتزا او الفطائر عشان الدقة عن الحد الادنى لاى مبلغ ياخذه المدرس من الناس
يرد قائلا: يستاهلوا خليه ينهب فى دمهم

** ان يذكر اسم الاستاذ المنافس قدامك فى الدرس سبعين الف مرة اما بالشتم او السب
ثم عند دخول الصلاة ....يالالا نصلى.. لا بارك الله فى عمل ينهى عن الصلاة

سادسا:فى المنتديات:-
حاجات بسيطة كده
** فى بعض المنتديات نصف المواضيع سيئة والنصف الاخر ليس حلوا
لا...بل انه يقول لك متعملش موضوع سئ بس كده..

** موضوع فى قسم وهو هو الموضوع لنفس الكاتب فى قسم اخر وفى نفس الوقت
وكأنك بتقولوه( حزمنى يا!!!)

** الذى يبكى ويفرفص لكى ترد على مواضيعه
اذا رديت عليه فلن يرد عليك

** تجد فى بعض التواقيع كلمة .......لايوجد توقيع حتى اشعار اخر ...متشكرين

طبعا المنتديات دى ياما فى الجراب يا حاوى
بس كفاية دول اوى

واخيرا
اللى فى جامعة ربنا يوفقوا
واللى فى ثانوى يروح يذاكر

نعتبر الموضوع ده قبل قبل قبل الاخير


استودعكم الله :D

ayooosh
31-08-2006, 09:53 PM
ههههههههههه

جميل خالص الموضوع ده


شكرااااا ليك يا خالد

فتاة الاسلام
31-08-2006, 09:55 PM
يااااااااااه خالد انت تقريبا ذكرت كل المساوى اللى بتحصل فى حياتنا اليومية

لكن
هل انتصرنا بالفعل فى حرب اكتوبر؟ على فكرة الغرب مش معترفين بانتصارنا دة وكتير اوى كتاب يكتبون ويوقولوا اننا منتصرناش لان سيناء مش رجعت بحرب اكتوبر رجعت فى عهد مبارك دة اللى بيتقال كتير وبقى بيزيد فى القول
كل اللى قولتة بيتضح ان سببة الطمع فى الدروس المدرس غلب علية الطمع اصبحت الفلوس اغلى من المادة العلمية
فى المساجد ممكن تعتبر جهل منهم وبعد عن الدين
فى التليفزيون هى دى وظيفتهم انك مش تصلى الفجر او اى فرض تانى استغفر الله العظيم
فى الجريدة لانهم فاهمين حرية التعبير غلط
فى المنتديات ربنا يهدينا جميعا

واسفة للاطالة
شكرا لموضوعك الهايل جدا دة مجهودك ما شاء الله رائع الى الامام دائما

LA STELLA
31-08-2006, 10:09 PM
الموضوع جميل جدا:)

<div class='quotetop'>إقتباس</div>** طريق الاوتوستراد ...تحفة عالمية انوار عواميده يضاء بعضها فى النهار وتطفأ فى الليل[/b]
فى طرق اصلا عواميدها بايظة و ساعات بتقعد سنين متتصلحش كمان و طرق تانية مفهاش كشافات اصلا

طب مثلا قريبنا كهربا العربية فصلت منه ع الطريق الصحراوى و مفهوش ولا كشاف...؟ :huh:
و كان المشى صعب جدا لان الدنيا ليل
كان هيدخل فى الصحرا

حاجات منها كتير للاسف

<div class='quotetop'>إقتباس</div>(هى فين الهوية دى حد يقوللى!!)[/b]
لما يبقى فى حاجة فى البلد دى اصلا اسمها تعليم
و قال بيحاربوا الدروس الخصوصية.. :blink: ما هما السبب فيها اصلا <_< ..و اللى مش بيحب ياخد ولا بياخد بياخد غصب عنه فى الثانوية العامة

<_<


<div class='quotetop'>إقتباس</div>** اجد فى جريدة معارضة حقائق عن احصائيات حرب اكتوبر وان العالم لم يعترف بهذا النصر
وان العرب وحدهم يعترفون به نظرا لان خسائرنا من الجنود والسلاح اكثر من اسرائيل بكثير
وكل هذا تحت عنوان( هل انتصرنا بالفعل فى حرب اكتوبر؟)
حد يرد على الاستاذ ده يا جماعة اصلها ناقصة

احم احم.. :angry: .. و كمان عندى تعليق على كلام فتاة الاسلام..قال ما انتصرناش عشان رجعت فى عهد مبارك..؟طب و ايه اللى رجعها...مش انتصارنا برده فى اكتوبر ولا ايـــــــــه..؟و هيشككونا فى التاريخ ولا هيغيروه ولا مزورين ولا ايه بقى..؟
** تصريح للسيد الفاضل الراعى محمد حسنى مبارك
يقول فيه انه لا فائز ولا خاسر فى حرب لبنان...(على اعتبار ان حزب الله ما انتصرش)
(ميلعبوا ضربات جزاء احسن؟!!!)[/b]


يا ســــــــــلام


ربنا يشفى <_<


<div class='quotetop'>إقتباس</div>** طفلا فى الصف الاول ولا طفل غيره فى المسجد نجد الشيخ يزحزحه حتى اخر صف ليفسخ مكانا للشيوخ امثاله
على اساس انه صغير ( ابقى قابلنى لو جه صلى تانى)[/b]
ولا هيجى
المفروض الاجيال دى الواحد يعودها ع الصلاة و يحببها فيها و مش كدة
و كمان فى الايمان مفيش لا كبير ولا صغير
اه واجب احترام الكبير
و لكن
واجب العطف ع الصغير
و الصغير ساعات بيكون ايمانه اقوى من الكبير
و كمان
المفروض انه بيتأسس هو على اسس الذوق و كدة و لكن ليس اجبارا
و كما قلت هو طفل

<div class='quotetop'>إقتباس</div>** الذى يبكى ويفرفص لكى ترد على مواضيعه
اذا رديت عليه فلن يرد عليك[/b]

دى ناس اصلا بتنشر مواضيع عشان حد يرد عليها و بس
فى ناس يهمها الرد و بس بشكرا او اى حاجة و مش بيطيقوا النقاش
عاوزين ردود و خلاص
بينشروا لاجل الشهرة و..و..




فى الاخر





شكرا لك على الموضوع الكتير حلو

mohamed_oweis
01-09-2006, 01:26 AM
السلام عليكم ورحمة الله و بركاته..
.موضوع حلو يا خالد ..ومهم جدا..
بالنسبة للى فى الشارع ...فترحيب الناس بتامر حسنى يدل على انتمائتنا و اهتمامتنا ....كانه بيستقبلوا الابطال من انتصروا وحرروا الأقصى...وبعد كدة الناس زعلت من mbc لما عملت ترتيب لافضل الشخصيات العربية ..زكان فيروز قبل سيدنالاأبو بكر الصديق.....وللأسف دة اللى فى قلوب الناس :(
.................................................. ....................
حاجة غريبة بلاحظها فى صلاة الجمعة..تلاقى الناس بتحش فى الجامع واحد واحد بالعافية و بيخرجوا كلهم مرة واحد كانهم كانوا فى السجن ..سبحان الله !
.................................................. .....
موضوع العواميد ة بقى عادى..اساسا و انا مسافر البلد ..بلاقيهم العواميد منورة بالنهار...أمشى بالليل بتكون مطفية !
.................................................. .................................................. ..................
فى الجرايد كلام الوزير مبقاش مقياس خالص
قبل الامتحانات قال مفيش حاجة جاية من النماذج عشان تكافؤ الفرص.....وبعدين :angry:
..وبخصوص حرب اكتوبر..فكان فعلا نصر ..وهو اللى حرر سينا..اللى اعرفه ان حسنى مرجعش غير طابا اللى هى 2 كيلومتر مربع تقريبا..
.................................................. .......................................
فى المسجد أساسا الصف الأول بيكون للشيوخ و حملة القران ...بس طبعا مش من حق شيخ أنه ينهر طفل فى المسجد ..لان الرسول صلى الله عليه و سلم أطال قبل كدة فى السجود لان الأطفال كانوا يلعبون فوق ظهره فانتظر حتى انتهوا....
وباسلوب التعنيف دة مفيش أطفال هيجوا المساجد ....وطبعا مش هيجوا لما يكبروا :(
.................................................. .......................................
شكرا كتير خالد ع الموضوع
جزاك الله خيرا
خليلك :P
محمد

Miss_CaR!zma
01-09-2006, 01:46 AM
موضوع جميل بجد يا خالد
ذكرت فيه مساوئ حياتنا اليوميه فعلا
ونقدك ليها حلو

محمد البري
01-09-2006, 01:51 AM
<div class='quotetop'>إقتباس(خالدالجن @ Sep 1 2006, 12:41 AM) 207152</div>
بسم الله الرحمن الرحيم


[color=#660000]اولا: فى الشارع:-
**وبينما انا فى مرورى بكوبرى 6 اكتوبر اشاهد يافطة كبيرة لتامر حسنى وقد كتب عليها
وحشتنا......(بالذمة ينفع...... ولن تفاجأ فى القريب بلافتة مماثلة لممدوح اسماعيل و اصحاب الريان)

تامر ماله يااااااااااه هقولك ما احنا الطبال والرقاص والحرامي بأى بيه ويتعمل له يافطه واتنين ومليون ( حراميه يا عم)
والمحترم اللي بيراعي ربنا تعدي ع ابو زعبل تلاقيه مشرف التخشيبه بيفطروه كام قلم ويعشوه ع قفاه :huh:


** انه بعد ان يقول الامام (السلام عليكم ورحمة الله) اسمع....يا احمر يا بطيخ.....بجنيه ونص القوووووطة
خدلك كيلو مانجه تاخد عليه ربع جنيه خصم......


هههههههههههه بس طيب اقلك العن في مصر مثلا مش محلات بل فيه محلات مش بتقفل للصلاة اصلا

تطلع بعد الصلاة الناس تسلم ع بعض وهات في سيرة فلان وعلان وكزا عمل ابن ال**** وابن ال ****

حاشا لله انتم لسا خارجين من الصلاة ( ويقوم سابب دين)

تناقض رهيب ..............

** طريق الاوتوستراد ...تحفة عالمية انوار عواميده يضاء بعضها فى النهار وتطفأ فى الليل

ما هما بيشغلوا الانوار من الساعه 7 صباحا حتى 12ظهرا وتاخد ليها ريست وترجع من المغرب لادان العشا وبعدين مش تلاقيها شغالة يقلك فلوس وبتستهلك وبالليل والظلمة احلى جو رومانسي :D

دا ازا لقيت لمبات في العموايد اصلا

ثانيا: فى التلفيزيون:-
** ساقنى قدرى اولا لمشاهدة برنامج هالة سرحان على روتانا مش هتقدر تصلى الفجر
واجدها تضحك من قلبها واسمع الصراخ والهتافات من البلاتوه
وكانهم يقولون لك........ده استكراد واستعباط عاجبك؟؟؟!!

هالة سرحان والله عمري ما شوفت ليها حلقة عدلة بتعملك انها فاهمة في كل حاجا ومش ضحك سوري في اللفظ دي مسخرة وقلة أدب يا عمي تروح تستغفر ربها ع اللي عملتها اجلها قرب ربنا ياخدها يارب


** ان ارى ممثل يسمى احمد هارون عند سؤاله عن فيلمه القادم
(اقدم شخصية طالب ثانوى...فترد المذيعة: طالب ثانوى ؟!
فيقول: ايوه طالب الثانوى القفل ده اللى شعره على جنب ده!!

ما احنا طلب ثانوية عامة وكنا فيها ومروشيين قوي وبنعمل كل حاجا نخرج ونزاكر وكله والحمد لله دحلنا كليات محترمة بس اكتشفت اننا في بلد تعليمها رهيب ( وربنا الكي جي ون في امريكا واوربا بيفهموا اكتر مننا :D )


نقول للاستاذ: انت جايب كام فى الثانوية ومتخرج من انهى كليه اساسا؟

الاستاذ جايب 25 % دفعة 83 ودا خريج كلية شحاته قسم عيش ناشف :D :lol:

** حديث حول تغيير اسم مسلسل يلقب بنصر الله الى نصر السماء
فالرقابة دورها الحفاظ على ارواح

لا الرقابة شغالة بامارة خروج جيل بوسي سمير وروبي ودومينك ولا الكام فيلم الجديد اللي في السوق كله مناظر تحملتها الرقابة وال ايه مزاعوش شفرة دافنشي :D لاسباب ادبية وسياسية :D ودينية :D

نقول للاستاذ: انت جايب كام فى الثانوية ومتخرج من انهى كليه اساسا؟

برضو زي ما قلت دخل التحسين وجاب 32% دفعه 85 ودخل كلية شحاته قسم لله يا محسنين



** عقب حادث قليوب مباشرة اجد خبر عن انقلاب قطار فى اسبانيا
فطبعا الكوارث...مش عندنا بس والتسيب ده صناعة عالمية يعنى مستوردة!!

لا الريس اتصل بيهم في اسبانيا وقطر اسبانيا كان فاضي :D

اسبانيا بتداري ع الريس ربنا يخلي ليكم حسني وخوان كارلوس


ثالثا: فى الجريدة:-
**للاسف حاليا لا اصدق حرفا واحدا فى الصحف القوميه
فما هى الا شاتم ومشتوم ...مؤيد ومعارض .....سارق ومسروق .....كاذب وكذابين

دا اليومين دول جريدة ازاي انا عمري ما شوفت جرنال عدل لا جرنال حكومي ولا معارضة ولا جريدة صفرا

الحكومي بينافق الحكومة زي الجمهورية والاخبار والاهرام والمسا & المعارضة مش عارف بتتكلم كلام عبط في عبط وبتعمل عك ع الشعب وكل جرنال بيغني عكس التاني & جرنال اصفر يقولك فضيحة الفنان كزا والراقصة كزا والمسئول كزا وابيات الدعارة

هيه دي اخبار الواحد يقراها بزمتك :huh:

** نقرأ المقال من دول وتجد الكاتب يمسح بزميله الارض
ويقول لابد لنا من النقد الهادف
وشكرا لسعة صدرك الزميل العزيز


اه ههههههههههه ويطلع تاني يوم يكذب في الجرنال واعتذار بقد الصفحة والتاني يشتم فيه وياعيني الشعب الغلبان فلوسه بتضيع ع جرنال مفيهوش ربع ورقة تنقرأ

** فى خبر لوزير التعليم اعلن انه لن يتم طبع كتب دراسية للثقافة الجنسية للتدريس
ولا سوف يتم تدريس اللغة العبرية حفاظا على هوية التعليم...
(هى فين الهوية دى حد يقوللى!!)

كتب للثقافة الجنسية هنا في مجتمع شرقي مينفعش لان نسبة الاختلاط بسيطة قوي ....ليها مزايا وليها عيوب النقطة دي لاننا بجد لو فيه ثقاة جنسية مكنش زمان عدد الشعب كدا

اللغة العربية :D
يا عم هو ايه اللي في بلدنا بأى عربي يا امريكاني يا فرنساوي يا اسرائيلاوي


** اجد فى جريدة معارضة حقائق عن احصائيات حرب اكتوبر وان العالم لم يعترف بهذا النصر
وان العرب وحدهم يعترفون به نظرا لان خسائرنا من الجنود والسلاح اكثر من اسرائيل بكثير
وكل هذا تحت عنوان( هل انتصرنا بالفعل فى حرب اكتوبر؟)
حد يرد على الاستاذ ده يا جماعة اصلها ناقصة

احصائيات هههههههههههه يا ربنا دي احصائيات بأى المخابرات الامريكية والاسرائيلية :lol:

كان زمانا مدمرين تل ابيب لولا امريكا ولاد ال *********


** تصريح للسيد الفاضل الراعى محمد حسنى مبارك
يقول فيه انه لا فائز ولا خاسر فى حرب لبنان...(على اعتبار ان حزب الله ما انتصرش)
(ميلعبوا ضربات جزاء احسن؟!!!)

اها ويقولك انها مخاطرة وانهم يحاولون جر رجل مصر للحرب يا سلام ونعم ويقلك مخاطرة غير محسوبة تضعنا في مأزق

خايف على اتفاقية الكويز :lol:

** على ذكر نجيب محفوظ رحمه الله..ادركت مقالا بعنوان تأملات
ووصف فيه رجلا نزل من بيته وصلى الفجر وذهب لشراء الفلافل الساخنة
اين تأمل هنا ؟؟!!
مع كل التقدير لروايات نجيب محفوظ التى اعشق بعضها...

بص فيه حاجات قريتها لنجيب محفوظ مش عارف هو اللي كتبها ولا لأ :D :lol: شكله كان ضارب سجارتين وهو بيكتبها ( مع احترامي له برضو)

** نجد فى كل جريدة الان مربعا جميلا رائعا وكتب فيه
(نأسف لقارئنا العزيز فى زيادة سعر الجريدة الى جنيه مع وعد بمزيد من الخدمات نظرا للاقبال الشديد
على الاعداد واستهلاك الكثير من الورق)
وكأننا لنا رأى فى هذا؟

ونفسي اعرف نص الجرنال رايح في الاعلانات امال الشركات دي مبتديش الجرنال فلوس عشان ينزلهم دعايا :huh:
وياريت الشعب يعرف مفيش جرنال يستاهل ربع جنيه وربنا

رابعا:فى المسجد:-
** طفلا فى الصف الاول ولا طفل غيره فى المسجد نجد الشيخ يزحزحه حتى اخر صف ليفسخ مكانا للشيوخ امثاله
على اساس انه صغير ( ابقى قابلنى لو جه صلى تانى)
يا عمي دا ساعات بيشتمه هههههههههه ويطرده ويقوله بره يبن ال ********* اياك تيجي تاني هنا :D على انه داخل يسرق

** انعم الله على فى مرة فذكرنى باخراج صدقة لله
فتحريت من حولى كالصحابة رضوان الله عليهم ووضعتها باليمين
الا انها لم تدخل الصندوق نظرا لضيق الفتحة ضيقا شديدا
وادخلتها بعد ان رآنى جميع من فى المسجد

لا انتا تطلع الفلوس وتفردها وتشوفها مزورة ولا لأ في الشمس كدا عشان تتأكد او خدلك صندوق مخصص :lol:

** اصحاب المعاشات او المتعبين من نزولهم للصلاة فى بعض المساجد نجد كراسيهم فى الصف الاول
وكأن الثواب محجوز مثلا

لا يا عم شاريين مكان هتقول ايه بس ويقولك تعبان الله معاهم بس برضو

خامسا:فى الدرس:-
**حصة يقل طلابها عن 18 طالب ليست بحصة او المدرس ده غلبان ومش ماشى فى السوق
** زيادة ثمن الحصة جنيها ....(مش بنزين بيستهلكوه برضو )
** معظم طلبه مصر رايحين دروس لهذه الاسباب
للضحك 70% زهقان 10% استفادة20%
** بسؤال بائع البيتزا او الفطائر عشان الدقة عن الحد الادنى لاى مبلغ ياخذه المدرس من الناس
يرد قائلا: يستاهلوا خليه ينهب فى دمهم

** ان يذكر اسم الاستاذ المنافس قدامك فى الدرس سبعين الف مرة اما بالشتم او السب
ثم عند دخول الصلاة ....يالالا نصلى.. لا بارك الله فى عمل ينهى عن الصلاة


دي الدروس دي مهازل المدرسين مبتزين قوي ويقولك يا عمي انا غلبان وتقوله الاستاذ كزا بيقول في دي كزا يقلك دا بن **** ومش بيفهم واللي خلاه مدرس ظلمه اصلا

ومدرس الفصل برضو تلاقيه البيه ابن البيه ( مش كلهم أكيد اللي عنده ضمير مبيعملش كدا)
يدخل يقولك الدرس مشروح
انزلوا الملعب

وما ادراك احنا كنا بنلعب كوتشينة في نص الحصة وشطرنج وناخد الموبايلات نلعب التعبان هههههههههههههه

سادسا:فى المنتديات:-
حاجات بسيطة كده
** فى بعض المنتديات نصف المواضيع سيئة والنصف الاخر ليس حلوا
لا...بل انه يقول لك متعملش موضوع سئ بس كده..

** موضوع فى قسم وهو هو الموضوع لنفس الكاتب فى قسم اخر وفى نفس الوقت
وكأنك بتقولوه( حزمنى يا!!!)

** الذى يبكى ويفرفص لكى ترد على مواضيعه
اذا رديت عليه فلن يرد عليك

** تجد فى بعض التواقيع كلمة .......لايوجد توقيع حتى اشعار اخر ...متشكرين

طبعا المنتديات دى ياما فى الجراب يا حاوى
بس كفاية دول اوى

واخيرا
اللى فى جامعة ربنا يوفقوا
واللى فى ثانوى يروح يذاكر

نعتبر الموضوع ده قبل قبل قبل الاخير

شكرا ليك يا خالد موضوع جميل قوي قوي

ربنا يوفقنا ويوفقكم كلكم بدعيلكم يا طلبة الثانوي ربنا معاكم

استودعكم الله :D
[/b]

Miss_CaR!zma
01-09-2006, 02:16 AM
<div class='quotetop'>إقتباس(خالدالجن @ Aug 31 2006, 08:41 PM) 207152</div>


اولا: فى الشارع:-
**وبينما انا فى مرورى بكوبرى 6 اكتوبر اشاهد يافطة كبيرة لتامر حسنى وقد كتب عليها
وحشتنا......(بالذمة ينفع...... ولن تفاجأ فى القريب بلافتة مماثلة لممدوح اسماعيل و اصحاب الريان)
- لالالا مش تقول كده تامر حسنى دلوقتى هو المثل الاعلى للشباب فطبيعى يبقى شبح بيطاردك فى كل حته تروحها علشان تفتكره دايما
** انه بعد ان يقول الامام (السلام عليكم ورحمة الله) اسمع....يا احمر يا بطيخ.....بجنيه ونص القوووووطة
خدلك كيلو مانجه تاخد عليه ربع جنيه خصم......
- دول اللى انا بسميهم شيوخ ديلفرى
** طريق الاوتوستراد ...تحفة عالمية انوار عواميده يضاء بعضها فى النهار وتطفأ فى الليل
- لعدم ازعاج الحشرات الطائره

ثانيا: فى التلفيزيون:-
** ساقنى قدرى اولا لمشاهدة برنامج هالة سرحان على روتانا مش هتقدر تصلى الفجر
واجدها تضحك من قلبها واسمع الصراخ والهتافات من البلاتوه
وكانهم يقولون لك........ده استكراد واستعباط عاجبك؟؟؟!!
- مش عارفه انا سمعت قبل كده حد من قرايبى بيقول انها بتضحك من رجلها لان الضحكه من النوع اللى تنهار لها اعمده وتتصدع لها بيوت فلا يمكن ان تكون من قلبها :P
** ان ارى ممثل يسمى احمد هارون عند سؤاله عن فيلمه القادم
(اقدم شخصية طالب ثانوى...فترد المذيعة: طالب ثانوى ؟!
فيقول: ايوه طالب الثانوى القفل ده اللى شعره على جنب ده!!

نقول للاستاذ: انت جايب كام فى الثانوية ومتخرج من انهى كليه اساسا؟
- معهد خدمه اجتماعيه وعاد سنه اولى 3 مرات واضحه يعنى :D

** حديث حول تغيير اسم مسلسل يلقب بنصر الله الى نصر السماء
فالرقابة دورها الحفاظ على ارواح
- اكيد فاكرين مسلسل الطريق الى كابول؟؟
نقول للاستاذ: انت جايب كام فى الثانوية ومتخرج من انهى كليه اساسا؟
- كفايه عليه شهاده اعدادى

** حديث حول تغيير اسم مسلسل يلقب بنصر الله الى نصر السماء
فالرقابة دورها الحفاظ على عدم حدوث لبس طبعا
(عفوا....هذا زمن الافاقين!!)

** عقب حادث قليوب مباشرة اجد خبر عن انقلاب قطار فى اسبانيا
فطبعا الكوارث...مش عندنا بس والتسيب ده صناعة عالمية يعنى مستوردة!!
- اللى نرفذنى التعويض بجد 5000 جنيه ( ونعم الكرم :angry: )

ثالثا: فى الجريدة:-
**للاسف حاليا لا اصدق حرفا واحدا فى الصحف القوميه
فما هى الا شاتم ومشتوم ...مؤيد ومعارض .....سارق ومسروق .....كاذب وكذابين
- عندك جريده الجمهوريه مش بستفيد منها غير من الملحق التعليمى بس كفايه اوى

** نقرأ المقال من دول وتجد الكاتب يمسح بزميله الارض
ويقول لابد لنا من النقد الهادف
وشكرا لسعة صدرك الزميل العزيز
- اكيد الكلام ده من حجره العنايه المركزه

** فى خبر لوزير التعليم اعلن انه لن يتم طبع كتب دراسية للثقافة الجنسية للتدريس
ولا سوف يتم تدريس اللغة العبرية حفاظا على هوية التعليم...
(هى فين الهوية دى حد يقوللى!!)
- national identity ( بجرب الاسبلينج بس)
** اجد فى جريدة معارضة حقائق عن احصائيات حرب اكتوبر وان العالم لم يعترف بهذا النصر
وان العرب وحدهم يعترفون به نظرا لان خسائرنا من الجنود والسلاح اكثر من اسرائيل بكثير
وكل هذا تحت عنوان( هل انتصرنا بالفعل فى حرب اكتوبر؟)
حد يرد على الاستاذ ده يا جماعة اصلها ناقصة
- مبارك خليه يعمل تصريحات فى الموضوع ده ويتكلم عن ضربته الجويه <_<

** تصريح للسيد الفاضل الراعى محمد حسنى مبارك
يقول فيه انه لا فائز ولا خاسر فى حرب لبنان...(على اعتبار ان حزب الله ما انتصرش)
(ميلعبوا ضربات جزاء احسن؟!!!)
- توقع اى حاجه من شخص قال جيش مصر للدفاع عن ارضها فقط

** على ذكر نجيب محفوظ رحمه الله..ادركت مقالا بعنوان تأملات
ووصف فيه رجلا نزل من بيته وصلى الفجر وذهب لشراء الفلافل الساخنة
اين تأمل هنا ؟؟!!
مع كل التقدير لروايات نجيب محفوظ التى اعشق بعضها...
- انا مش بحب نجيب محفوط فهقول لا تعلــــيق

** نجد فى كل جريدة الان مربعا جميلا رائعا وكتب فيه
(نأسف لقارئنا العزيز فى زيادة سعر الجريدة الى جنيه مع وعد بمزيد من الخدمات نظرا للاقبال الشديد
على الاعداد واستهلاك الكثير من الورق)
وكأننا لنا رأى فى هذا؟
- هو كده بيخيرك
معاك فلوس اشترى مش معاك ايه اللى جابك هنا
هى دى الديمودكتاروطاطيه :P


رابعا:فى المسجد:-
** طفلا فى الصف الاول ولا طفل غيره فى المسجد نجد الشيخ يزحزحه حتى اخر صف ليفسخ مكانا للشيوخ امثاله
على اساس انه صغير ( ابقى قابلنى لو جه صلى تانى)
- لا ماهو كده بيختبر قدرته على محاربه الشيطان فلازم يعمل كده <_<

** انعم الله على فى مرة فذكرنى باخراج صدقة لله
فتحريت من حولى كالصحابة رضوان الله عليهم ووضعتها باليمين
الا انها لم تدخل الصندوق نظرا لضيق الفتحة ضيقا شديدا
وادخلتها بعد ان رآنى جميع من فى المسجد
-مقصوده وممكن تلاقى بره المسجد بلازما كبيره متصله بكاميرا داخل الندوق علشان يعرفوا كام بالظبط

** اصحاب المعاشات او المتعبين من نزولهم للصلاة فى بعض المساجد نجد كراسيهم فى الصف الاول
وكأن الثواب محجوز مثلا
- لا تعليق
انا مش مقتنعه ان الصلاه فى المسجد بقت كما يجب ان تكون <_<

خامسا:فى الدرس:-
**حصة يقل طلابها عن 18 طالب ليست بحصة او المدرس ده غلبان ومش ماشى فى السوق
** زيادة ثمن الحصة جنيها ....(مش بنزين بيستهلكوه برضو )
** معظم طلبه مصر رايحين دروس لهذه الاسباب
للضحك 70% زهقان 10% استفادة20%
- بلاش مبالغه فين ال 20% دول
** بسؤال بائع البيتزا او الفطائر عشان الدقة عن الحد الادنى لاى مبلغ ياخذه المدرس من الناس
يرد قائلا: يستاهلوا خليه ينهب فى دمهم
- لا تعليق

** ان يذكر اسم الاستاذ المنافس قدامك فى الدرس سبعين الف مرة اما بالشتم او السب
ثم عند دخول الصلاة ....يالالا نصلى.. لا بارك الله فى عمل ينهى عن الصلاة
- وخصوصا فى ماده زى الفيزيا تحس انهم ابطال الديجيتال :huh:

سادسا:فى المنتديات:-
حاجات بسيطة كده
** فى بعض المنتديات نصف المواضيع سيئة والنصف الاخر ليس حلوا
لا...بل انه يقول لك متعملش موضوع سئ بس كده..
- لكل فعل رد فعل مساوى له فى المقدار ومضاد له فى الاتجاه
(ده مهم فى الميكانيكا)

** موضوع فى قسم وهو هو الموضوع لنفس الكاتب فى قسم اخر وفى نفس الوقت
وكأنك بتقولوه( حزمنى يا!!!)
- عطب فنى فى محرك البحث

** الذى يبكى ويفرفص لكى ترد على مواضيعه
اذا رديت عليه فلن يرد عليك
- وعلى ايه نثبت الموضوع بدون رد

** تجد فى بعض التواقيع كلمة .......لايوجد توقيع حتى اشعار اخر ...متشكرين
- جارى تعليب توقيع
بشوفها كتير اوى وبتنرفذنى اوى


وجزاك الله كل خير مره تانيه
موضوع حلو اوى
وسورى على رغيى اللى بدون اى لزوم
بس كلها حاجات بنعيشها


استودعكم الله
:D
[/b]

msamido
01-09-2006, 02:50 AM
<div class='quotetop'>إقتباس(خالدالجن @ Aug 31 2006, 10:41 PM) 207152</div>
بسم الله الرحمن الرحيم

كل عام وانتم بخير
الدروس بدأت
والمدرسين هيشتغلوا والطلبة هيتنكدوا
والمنتدى احتمال يرجع 20 عضو زى الاول
10 للقسم التعليمى
وعشرة لبقية الاقسام
او ال20 كلهم فى التعليمى الله اعلم

ربنا يسهل يا خالد والناس تظبط وقتها ونلاقيها هنا علي الاقل شويه من وقت فراغهم ما هو مش كله مذاكره مذاكره



اولا: فى الشارع:-
**وبينما انا فى مرورى بكوبرى 6 اكتوبر اشاهد يافطة كبيرة لتامر حسنى وقد كتب عليها
وحشتنا......(بالذمة ينفع...... ولن تفاجأ فى القريب بلافتة مماثلة لممدوح اسماعيل و اصحاب الريان)

لا ومظاهرات كمان
والمصيبه بقي سمعت ان واحد طلق مراته علشان بتموت في تامر بيه حسني
شكرا

والله شعب هايف

** طريق الاوتوستراد ...تحفة عالمية انوار عواميده يضاء بعضها فى النهار وتطفأ فى الليل

يا عم احمد ربنا بيضاء بعضها بالنهار والله كويس

في طرق مفيش اصلا اناره

ثانيا: فى التلفيزيون:-

** عقب حادث قليوب مباشرة اجد خبر عن انقلاب قطار فى اسبانيا
فطبعا الكوارث...مش عندنا بس والتسيب ده صناعة عالمية يعنى مستوردة!!

يا باشا كوارث عن كوارث بتفرق

دول ناس عندهم اداره كاملة متواجده طول الوقت لمواجهة الكوارث والازمات وكمان مش هيجيبوا الذنب علي الغلبان السواق

بلاش مقارنه يا عم خالد هنتعب والله

ثالثا: فى الجريدة:-
**للاسف حاليا لا اصدق حرفا واحدا فى الصحف القوميه
فما هى الا شاتم ومشتوم ...مؤيد ومعارض .....سارق ومسروق .....كاذب وكذابين

** نقرأ المقال من دول وتجد الكاتب يمسح بزميله الارض
ويقول لابد لنا من النقد الهادف
وشكرا لسعة صدرك الزميل العزيز

هههههههههههه شكرا لك ومنتظر منك كام مقال تهزقني فيهم انا كمان

ويقضوها بقي شتايم واحنا بنقرأ

** فى خبر لوزير التعليم اعلن انه لن يتم طبع كتب دراسية للثقافة الجنسية للتدريس
ولا سوف يتم تدريس اللغة العبرية حفاظا على هوية التعليم...
(هى فين الهوية دى حد يقوللى!!)

احنا معندناش تعليم اصلا علشان يبقي في هوية وبعدين حتي لو في تعليم اشمعنه يعني التعليم اللي هتدورا فيه علي الهوية ما ضاعت يا عمنا من زمان

** اجد فى جريدة معارضة حقائق عن احصائيات حرب اكتوبر وان العالم لم يعترف بهذا النصر
وان العرب وحدهم يعترفون به نظرا لان خسائرنا من الجنود والسلاح اكثر من اسرائيل بكثير
وكل هذا تحت عنوان( هل انتصرنا بالفعل فى حرب اكتوبر؟)
حد يرد على الاستاذ ده يا جماعة اصلها ناقصة

والله ما واثق في اي حاجه ولا حتي التاريخ واثق فيه وبعدين مش فارقه انتصرنا ولا لأ مش رجعتلنا أرضنا وخلاص

** تصريح للسيد الفاضل الراعى محمد حسنى مبارك
يقول فيه انه لا فائز ولا خاسر فى حرب لبنان...(على اعتبار ان حزب الله ما انتصرش)
(ميلعبوا ضربات جزاء احسن؟!!!)

حلوه اوي حكاية ضربات الجزاء دي ابقي خدني اقف حكم رايه
** على ذكر نجيب محفوظ رحمه الله..ادركت مقالا بعنوان تأملات
ووصف فيه رجلا نزل من بيته وصلى الفجر وذهب لشراء الفلافل الساخنة
اين تأمل هنا ؟؟!!
مع كل التقدير لروايات نجيب محفوظ التى اعشق بعضها...

يا حبيبي هو كان بيتأمل في حياة الراجل نفسه مش الراجل اللي بيتأمل
وعلي فكرة رغم بساطه حياة الراجل ده اللي نزل وصلي الفجر واشتري الفلافل الساخنه فيها تأملات كتير

** نجد فى كل جريدة الان مربعا جميلا رائعا وكتب فيه
(نأسف لقارئنا العزيز فى زيادة سعر الجريدة الى جنيه مع وعد بمزيد من الخدمات نظرا للاقبال الشديد
على الاعداد واستهلاك الكثير من الورق)
وكأننا لنا رأى فى هذا؟


يا عم انت لسه بتشتري جرايد ؟؟؟

رابعا:فى المسجد:-
** طفلا فى الصف الاول ولا طفل غيره فى المسجد نجد الشيخ يزحزحه حتى اخر صف ليفسخ مكانا للشيوخ امثاله
على اساس انه صغير ( ابقى قابلنى لو جه صلى تانى)

مش عارف بس انا سمعت حديث ان شاء الله ابقي اتأكد من صحته بيقول فيما معناه لا صلاة لصبي بين رجلين

وكمان في ناس بتستهبل وتاخد اطفال صغيره جدا معاها المسجد وتبقي في وسط الصلاة وتلاقي البيه الصغنن بيتمشي قدامك او بيضربك حتي ولا المصيبه بقي لو اتنين صغننين ضربوا بعض وفتحوا في العياط ابقي قابلني بقي لو سمعت الامام

يا جماعه الناس لازم يبقي عندها وعي شوية


** اصحاب المعاشات او المتعبين من نزولهم للصلاة فى بعض المساجد نجد كراسيهم فى الصف الاول
وكأن الثواب محجوز مثلا

والله حاجه تحرق الدم فعلا


سادسا:فى المنتديات:-
حاجات بسيطة كده

** موضوع فى قسم وهو هو الموضوع لنفس الكاتب فى قسم اخر وفى نفس الوقت
وكأنك بتقولوه( حزمنى يا!!!)

دي ناس مش عارف مخها راكب ازاي

** الذى يبكى ويفرفص لكى ترد على مواضيعه
اذا رديت عليه فلن يرد عليك

ربنا يهديهم

** تجد فى بعض التواقيع كلمة .......لايوجد توقيع حتى اشعار اخر ...متشكرين

طيب شكرا للاضافه يا سرحان

نعتبر الموضوع ده قبل قبل قبل الاخير


استودعكم الله :D

انت هتروح فين انت كمان
[/b]


كنت هنسي اقولك شكرا يا خالد

tet0
01-09-2006, 04:17 AM
و الله من وجهة نظرى الموضوع جميل و ظريف

و فعلا حاجة تفور الدم

بس يا عم انا دمى فار و القطة طلعت تجرى وراة اعمل ايه انا بس

يا عم تعبت من كتر الجرى

The_Relativistic200
01-09-2006, 11:40 AM
امممممممممممممممممم
الردود كلها عاوز نرد عليها
طويلة اوى
جايلكم الاول بس نشكر
تيمون شكر جامد
ونشكر تيتو كمان على المرور الجميل
ولى عودة باذن الله
متخافوش هبقى اعمل تحرير :lol:

براءة
01-09-2006, 12:59 PM
والله الموضوع جميل

وفى كلام كتير فيه عاوزة اعلق عليه

بس انا هكتفى بجزاك الله كل خير ... وحسبنا الله

The_Relativistic200
02-09-2006, 02:00 AM
<div class='quotetop'>إقتباس</div>يااااااااااه خالد انت تقريبا ذكرت كل المساوى اللى بتحصل فى حياتنا اليومية
افتكر كده برضو
لكن
هل انتصرنا بالفعل فى حرب اكتوبر؟ على فكرة الغرب مش معترفين بانتصارنا دة وكتير اوى كتاب يكتبون ويوقولوا اننا منتصرناش لان سيناء مش رجعت بحرب اكتوبر رجعت فى عهد مبارك دة اللى بيتقال كتير وبقى بيزيد فى القول
والله ده مقال قريته بجد ومش مطلوب انى اصدقه وكله اساسا هجص
حتى منهج التاريخ اللى بندرسه كله كلام فارغ
كل اللى قولتة بيتضح ان سببة الطمع فى الدروس المدرس غلب علية الطمع اصبحت الفلوس اغلى من المادة العلمية
اغلى من مين؟ هى فين المادة العلمية اساسا؟
فى المساجد ممكن تعتبر جهل منهم وبعد عن الدين
اى حد دلوقتى لابس عمة وماسك سواك بقى شيخ
فى التليفزيون هى دى وظيفتهم انك مش تصلى الفجر او اى فرض تانى استغفر الله العظيم
امال المفروض ايه من التلفيزيون المحترم مش انه يساعد على الطاعة
نعمل ايه بقى فى السياسة
فى الجريدة لانهم فاهمين حرية التعبير غلط
مش فاهمينها اساسا
فى المنتديات ربنا يهدينا جميعا
آآآآآآآآآآآآآآآآآآآآآآآآمين يا رب

واسفة للاطالة
لا مفيش حاجة
شكرا لموضوعك الهايل جدا دة مجهودك ما شاء الله رائع الى الامام دائما[/b]



<div class='quotetop'>إقتباس</div>بسم الله الرحمن الرحيم


اولا: فى الشارع:-
**وبينما انا فى مرورى بكوبرى 6 اكتوبر اشاهد يافطة كبيرة لتامر حسنى وقد كتب عليها
وحشتنا......(بالذمة ينفع...... ولن تفاجأ فى القريب بلافتة مماثلة لممدوح اسماعيل و اصحاب الريان)

[color=#660000]تامر ماله يااااااااااه هقولك ما احنا الطبال والرقاص والحرامي بأى بيه ويتعمل له يافطه واتنين ومليون ( حراميه يا عم)
والمحترم اللي بيراعي ربنا تعدي ع ابو زعبل تلاقيه مشرف التخشيبه بيفطروه كام قلم ويعشوه ع قفاه
ده فى الافلام بس
فى الحقيقة بيحصل بلاوى لا داعى لذكرها احسن


** انه بعد ان يقول الامام (السلام عليكم ورحمة الله) اسمع....يا احمر يا بطيخ.....بجنيه ونص القوووووطة
خدلك كيلو مانجه تاخد عليه ربع جنيه خصم......


هههههههههههه بس طيب اقلك العن في مصر مثلا مش محلات بل فيه محلات مش بتقفل للصلاة اصلا

تطلع بعد الصلاة الناس تسلم ع بعض وهات في سيرة فلان وعلان وكزا عمل ابن ال**** وابن ال ****

حاشا لله انتم لسا خارجين من الصلاة ( ويقوم سابب دين)

تناقض رهيب ..............
ايش عرفك انهم مسلمين اساسا
ومفيش حد بيستفيد من خطبة الجمعة الا من رحم الله
وسباب الدين عادى
ممكن تلاقى واحد بينادى التانى ...يابن ال..***(تم الحذف من الرقابة :P )

** طريق الاوتوستراد ...تحفة عالمية انوار عواميده يضاء بعضها فى النهار وتطفأ فى الليل

ما هما بيشغلوا الانوار من الساعه 7 صباحا حتى 12ظهرا وتاخد ليها ريست وترجع من المغرب لادان العشا وبعدين مش تلاقيها شغالة يقلك فلوس وبتستهلك وبالليل والظلمة احلى جو رومانسي
دا ازا لقيت لمبات في العموايد اصلا

ارحمنى يا عم بقوللك هما عمودين تلاتة اللى بيشتغلوا يقوموا يشغلوهم بالنهار
حاجة تفرس فعلا


ثانيا: فى التلفيزيون:-
** ساقنى قدرى اولا لمشاهدة برنامج هالة سرحان على روتانا مش هتقدر تصلى الفجر
واجدها تضحك من قلبها واسمع الصراخ والهتافات من البلاتوه
وكانهم يقولون لك........ده استكراد واستعباط عاجبك؟؟؟!!

هالة سرحان والله عمري ما شوفت ليها حلقة عدلة بتعملك انها فاهمة في كل حاجا ومش ضحك سوري في اللفظ دي مسخرة وقلة أدب يا عمي تروح تستغفر ربها ع اللي عملتها اجلها قرب ربنا ياخدها يارب

** ان ارى ممثل يسمى احمد هارون عند سؤاله عن فيلمه القادم
(اقدم شخصية طالب ثانوى...فترد المذيعة: طالب ثانوى ؟!
فيقول: ايوه طالب الثانوى القفل ده اللى شعره على جنب ده!!

ما احنا طلب ثانوية عامة وكنا فيها ومروشيين قوي وبنعمل كل حاجا نخرج ونزاكر وكله والحمد لله دحلنا كليات محترمة بس اكتشفت اننا في بلد تعليمها رهيب ( وربنا الكي جي ون في امريكا واوربا بيفهموا اكتر مننا )
بلاش تقارن مقارنة ظالمة يا بنى


نقول للاستاذ: انت جايب كام فى الثانوية ومتخرج من انهى كليه اساسا؟

الاستاذ جايب 25 % دفعة 83 ودا خريج كلية شحاته قسم عيش ناشف ههههههههههه عالم ملهاش لزمة فى الدنيا وبتتكلم

** حديث حول تغيير اسم مسلسل يلقب بنصر الله الى نصر السماء
فالرقابة دورها الحفاظ على ارواح

لا الرقابة شغالة بامارة خروج جيل بوسي سمير وروبي ودومينك ولا الكام فيلم الجديد اللي في السوق كله مناظر تحملتها الرقابة وال ايه مزاعوش شفرة دافنشي لاسباب ادبية وسياسية ودينية
كل دول عارفهم؟! :P :P :P


** عقب حادث قليوب مباشرة اجد خبر عن انقلاب قطار فى اسبانيا
فطبعا الكوارث...مش عندنا بس والتسيب ده صناعة عالمية يعنى مستوردة!!

لا الريس اتصل بيهم في اسبانيا وقطر اسبانيا كان فاضي
اسبانيا بتداري ع الريس ربنا يخلي ليكم حسني وخوان كارلوس


ثالثا: فى الجريدة:-
**للاسف حاليا لا اصدق حرفا واحدا فى الصحف القوميه
فما هى الا شاتم ومشتوم ...مؤيد ومعارض .....سارق ومسروق .....كاذب وكذابين

دا اليومين دول جريدة ازاي انا عمري ما شوفت جرنال عدل لا جرنال حكومي ولا معارضة ولا جريدة صفرا

الحكومي بينافق الحكومة زي الجمهورية والاخبار والاهرام والمسا & المعارضة مش عارف بتتكلم كلام عبط في عبط وبتعمل عك ع الشعب وكل جرنال بيغني عكس التاني & جرنال اصفر يقولك فضيحة الفنان كزا والراقصة كزا والمسئول كزا وابيات الدعارة

هيه دي اخبار الواحد يقراها بزمتك

** نقرأ المقال من دول وتجد الكاتب يمسح بزميله الارض
ويقول لابد لنا من النقد الهادف
وشكرا لسعة صدرك الزميل العزيز


اه ههههههههههه ويطلع تاني يوم يكذب في الجرنال واعتذار بقد الصفحة والتاني يشتم فيه وياعيني الشعب الغلبان فلوسه بتضيع ع جرنال مفيهوش ربع ورقة تنقرأ
ده غير الاعلانات سعادتك عن جزيرة الاحلام اللى هتقضى فيها الاجازة

** فى خبر لوزير التعليم اعلن انه لن يتم طبع كتب دراسية للثقافة الجنسية للتدريس
ولا سوف يتم تدريس اللغة العبرية حفاظا على هوية التعليم...
(هى فين الهوية دى حد يقوللى!!)

كتب للثقافة الجنسية هنا في مجتمع شرقي مينفعش لان نسبة الاختلاط بسيطة قوي ....ليها مزايا وليها عيوب النقطة دي لاننا بجد لو فيه ثقاة جنسية مكنش زمان عدد الشعب كدا

اللغة العربية
يا عم هو ايه اللي في بلدنا بأى عربي يا امريكاني يا فرنساوي يا اسرائيلاوي
قريبا هنسمع تدريس اللغة المصرائيلية


** اجد فى جريدة معارضة حقائق عن احصائيات حرب اكتوبر وان العالم لم يعترف بهذا النصر
وان العرب وحدهم يعترفون به نظرا لان خسائرنا من الجنود والسلاح اكثر من اسرائيل بكثير
وكل هذا تحت عنوان( هل انتصرنا بالفعل فى حرب اكتوبر؟)
حد يرد على الاستاذ ده يا جماعة اصلها ناقصة

احصائيات هههههههههههه يا ربنا دي احصائيات بأى المخابرات الامريكية والاسرائيلية

كان زمانا مدمرين تل ابيب لولا امريكا ولاد ال *********
يا عم من ساعتها كان عندهم نووى وكانوا ممكن يبهدلوك
انت بتصدق اعدام ميت ورافت الهجان والضحك على الدقون


** تصريح للسيد الفاضل الراعى محمد حسنى مبارك
يقول فيه انه لا فائز ولا خاسر فى حرب لبنان...(على اعتبار ان حزب الله ما انتصرش)
(ميلعبوا ضربات جزاء احسن؟!!!)

اها ويقولك انها مخاطرة وانهم يحاولون جر رجل مصر للحرب يا سلام ونعم ويقلك مخاطرة غير محسوبة تضعنا في مأزق

خايف على اتفاقية الكويز
الجبن فى الزمن ده بيسموه ضبط نفس بعيد عنك

** على ذكر نجيب محفوظ رحمه الله..ادركت مقالا بعنوان تأملات
ووصف فيه رجلا نزل من بيته وصلى الفجر وذهب لشراء الفلافل الساخنة
اين تأمل هنا ؟؟!!
مع كل التقدير لروايات نجيب محفوظ التى اعشق بعضها...

بص فيه حاجات قريتها لنجيب محفوظ مش عارف هو اللي كتبها ولا لأ شكله كان ضارب سجارتين وهو بيكتبها ( مع احترامي له برضو)
انا عمرى ما قريتله حقيقة
بس بحب الثلاثية
الافلام طبعا
بعيد عنك لو قريتهم هيجيلى شلل رباعى

** نجد فى كل جريدة الان مربعا جميلا رائعا وكتب فيه
(نأسف لقارئنا العزيز فى زيادة سعر الجريدة الى جنيه مع وعد بمزيد من الخدمات نظرا للاقبال الشديد
على الاعداد واستهلاك الكثير من الورق)
وكأننا لنا رأى فى هذا؟

ونفسي اعرف نص الجرنال رايح في الاعلانات امال الشركات دي مبتديش الجرنال فلوس عشان ينزلهم دعايا
وياريت الشعب يعرف مفيش جرنال يستاهل ربع جنيه وربنا
نسيت موبايلات 6600 و6660 والبنك الاهلى واشحن بعشرة صاغ

رابعا:فى المسجد:-
** طفلا فى الصف الاول ولا طفل غيره فى المسجد نجد الشيخ يزحزحه حتى اخر صف ليفسخ مكانا للشيوخ امثاله
على اساس انه صغير ( ابقى قابلنى لو جه صلى تانى)
يا عمي دا ساعات بيشتمه هههههههههه ويطرده ويقوله بره يبن ال ********* اياك تيجي تاني هنا على انه داخل يسرق
مش هعلق

** انعم الله على فى مرة فذكرنى باخراج صدقة لله
فتحريت من حولى كالصحابة رضوان الله عليهم ووضعتها باليمين
الا انها لم تدخل الصندوق نظرا لضيق الفتحة ضيقا شديدا
وادخلتها بعد ان رآنى جميع من فى المسجد

لا انتا تطلع الفلوس وتفردها وتشوفها مزورة ولا لأ في الشمس كدا عشان تتأكد او خدلك صندوق مخصص
اعتقد نحط برايز بقى
عشان كده الدولة ريحتك وعملتلك الجنيه معدنى عشان تتصدق بسهولة
شفت الكرم والراحة والرفاهيه اللى انت فيهم

** اصحاب المعاشات او المتعبين من نزولهم للصلاة فى بعض المساجد نجد كراسيهم فى الصف الاول
وكأن الثواب محجوز مثلا

لا يا عم شاريين مكان هتقول ايه بس ويقولك تعبان الله معاهم بس برضو
مش هعلق برضو

خامسا:فى الدرس:-
**حصة يقل طلابها عن 18 طالب ليست بحصة او المدرس ده غلبان ومش ماشى فى السوق
** زيادة ثمن الحصة جنيها ....(مش بنزين بيستهلكوه برضو )
** معظم طلبه مصر رايحين دروس لهذه الاسباب
للضحك 70% زهقان 10% استفادة20%
** بسؤال بائع البيتزا او الفطائر عشان الدقة عن الحد الادنى لاى مبلغ ياخذه المدرس من الناس
يرد قائلا: يستاهلوا خليه ينهب فى دمهم

** ان يذكر اسم الاستاذ المنافس قدامك فى الدرس سبعين الف مرة اما بالشتم او السب
ثم عند دخول الصلاة ....يالالا نصلى.. لا بارك الله فى عمل ينهى عن الصلاة


دي الدروس دي مهازل المدرسين مبتزين قوي ويقولك يا عمي انا غلبان وتقوله الاستاذ كزا بيقول في دي كزا يقلك دا بن **** ومش بيفهم واللي خلاه مدرس ظلمه اصلا

ومدرس الفصل برضو تلاقيه البيه ابن البيه ( مش كلهم أكيد اللي عنده ضمير مبيعملش كدا)
يدخل يقولك الدرس مشروح
انزلوا الملعب

وما ادراك احنا كنا بنلعب كوتشينة في نص الحصة وشطرنج وناخد الموبايلات نلعب التعبان هههههههههههههه
كوتشينه وشطرنج ومبايلات..........بس؟ :D

سادسا:فى المنتديات:-
حاجات بسيطة كده
** فى بعض المنتديات نصف المواضيع سيئة والنصف الاخر ليس حلوا
لا...بل انه يقول لك متعملش موضوع سئ بس كده..

** موضوع فى قسم وهو هو الموضوع لنفس الكاتب فى قسم اخر وفى نفس الوقت
وكأنك بتقولوه( حزمنى يا!!!)

** الذى يبكى ويفرفص لكى ترد على مواضيعه
اذا رديت عليه فلن يرد عليك

** تجد فى بعض التواقيع كلمة .......لايوجد توقيع حتى اشعار اخر ...متشكرين

طبعا المنتديات دى ياما فى الجراب يا حاوى
بس كفاية دول اوى

واخيرا
اللى فى جامعة ربنا يوفقوا
واللى فى ثانوى يروح يذاكر

نعتبر الموضوع ده قبل قبل قبل الاخير

شكرا ليك يا خالد موضوع جميل قوي قوي

ربنا يوفقنا ويوفقكم كلكم بدعيلكم يا طلبة الثانوي ربنا معاكم

استودعكم الله [/b]
ربنا يكرمك يا برى ويوفقك فى كليتك باذن الله

والرد الجاى هرد على الباقى عشان الوقت

مسيو محمد عياد
02-09-2006, 02:55 AM
جزاك الله خيراً ولا تحرمنا من تأملاتك

The_Relativistic200
02-09-2006, 03:00 AM
<div class='quotetop'>إقتباس</div>الموضوع جميل جدا


<div class='quotetop'>إقتباسإقتباس
** طريق الاوتوستراد ...تحفة عالمية انوار عواميده يضاء بعضها فى النهار وتطفأ فى الليل[/b]

فى طرق اصلا عواميدها بايظة و ساعات بتقعد سنين متتصلحش كمان و طرق تانية مفهاش كشافات اصلا

طب مثلا قريبنا كهربا العربية فصلت منه ع الطريق الصحراوى و مفهوش ولا كشاف...؟
و كان المشى صعب جدا لان الدنيا ليل
كان هيدخل فى الصحرا

حاجات منها كتير للاسف
ده الطبيعى اساسا

<div class='quotetop'>إقتباس</div>
إقتباس
(هى فين الهوية دى حد يقوللى!!)[/b]

لما يبقى فى حاجة فى البلد دى اصلا اسمها تعليم
و قال بيحاربوا الدروس الخصوصية.. ما هما السبب فيها اصلا ..و اللى مش بيحب ياخد ولا بياخد بياخد غصب عنه فى الثانوية العامة
ليه يعنى انا مش باخد انجليزى :P





<div class='quotetop'>إقتباس</div>إقتباس
** اجد فى جريدة معارضة حقائق عن احصائيات حرب اكتوبر وان العالم لم يعترف بهذا النصر
وان العرب وحدهم يعترفون به نظرا لان خسائرنا من الجنود والسلاح اكثر من اسرائيل بكثير
وكل هذا تحت عنوان( هل انتصرنا بالفعل فى حرب اكتوبر؟)
حد يرد على الاستاذ ده يا جماعة اصلها ناقصة

احم احم.. .. و كمان عندى تعليق على كلام فتاة الاسلام..قال ما انتصرناش عشان رجعت فى عهد مبارك..؟طب و ايه اللى رجعها...مش انتصارنا برده فى اكتوبر ولا ايـــــــــه..؟و هيشككونا فى التاريخ ولا هيغيروه ولا مزورين ولا ايه بقى..؟
** تصريح للسيد الفاضل الراعى محمد حسنى مبارك
يقول فيه انه لا فائز ولا خاسر فى حرب لبنان...(على اعتبار ان حزب الله ما انتصرش)
(ميلعبوا ضربات جزاء احسن؟!!!)[/b]



يا ســــــــــلام
الله يسلمك

ربنا يشفى

امين يا رب


<div class='quotetop'>إقتباس</div>إقتباس
** طفلا فى الصف الاول ولا طفل غيره فى المسجد نجد الشيخ يزحزحه حتى اخر صف ليفسخ مكانا للشيوخ امثاله
على اساس انه صغير ( ابقى قابلنى لو جه صلى تانى[/b])

ولا هيجى
المفروض الاجيال دى الواحد يعودها ع الصلاة و يحببها فيها و مش كدة
و كمان فى الايمان مفيش لا كبير ولا صغير
اه واجب احترام الكبير
و لكن
واجب العطف ع الصغير
و الصغير ساعات بيكون ايمانه اقوى من الكبير
و كمان
المفروض انه بيتأسس هو على اسس الذوق و كدة و لكن ليس اجبارا
و كما قلت هو طفل
والله عندك حق يا حابى
بعض الكبار مش عارف تقولى عقدة انهم يعملوا كده بدل ما يشجعه مثلا


<div class='quotetop'>إقتباس</div>
إقتباس
** الذى يبكى ويفرفص لكى ترد على مواضيعه
اذا رديت عليه فلن يرد عليك[/b]


دى ناس اصلا بتنشر مواضيع عشان حد يرد عليها و بس
كله كده على فكرة
لن استثنى احدا
حتى ذى الصمت العاجز المواطن قليل الحيلة(من فيلم ضد الحكومة)
فى ناس يهمها الرد و بس بشكرا او اى حاجة و مش بيطيقوا النقاش
عاوزين ردود و خلاص
بينشروا لاجل الشهرة و..و..
نفسى اسأل السؤال ده من زمان
ايه الميزة اللى بياخدها العضو المجتهد او النشيط عن غيره
فى الاخر
شكرا لك على الموضوع الكتير حلو[/b][/quote]
جزاك الله خيرا على مرورك يا حابى


<div class='quotetop'>إقتباس</div>السلام عليكم ورحمة الله و بركاته..
.موضوع حلو يا خالد ..ومهم جدا..
بالنسبة للى فى الشارع ...فترحيب الناس بتامر حسنى يدل على انتمائتنا و اهتمامتنا ....كانه بيستقبلوا الابطال من انتصروا وحرروا الأقصى...وبعد كدة الناس زعلت من mbc لما عملت ترتيب لافضل الشخصيات العربية ..زكان فيروز قبل سيدنالاأبو بكر الصديق.....وللأسف دة اللى فى قلوب الناس
هم يعرفوا مين سيدنا ابو بكر اصلا!!
.................................................. ....................
حاجة غريبة بلاحظها فى صلاة الجمعة..تلاقى الناس بتحش فى الجامع واحد واحد بالعافية و بيخرجوا كلهم مرة واحد كانهم كانوا فى السجن ..سبحان الله !
انا معارض فى دى
الحمد لله المساجد مليانة والناس فى منهم كتير بييجوا بدرى
طبعا ملناش دعوة بنوايا حد
انا اتكلمت عن اللى بره المسجد والمهازل اللى بره
.................................................. .....
موضوع العواميد ة بقى عادى..اساسا و انا مسافر البلد ..بلاقيهم العواميد منورة بالنهار...أمشى بالليل بتكون مطفية !
.................................................. .................................................. ..................
فى الجرايد كلام الوزير مبقاش مقياس خالص
قبل الامتحانات قال مفيش حاجة جاية من النماذج عشان تكافؤ الفرص.....وبعدين
..وبخصوص حرب اكتوبر..فكان فعلا نصر ..وهو اللى حرر سينا..اللى اعرفه ان حسنى مرجعش غير طابا اللى هى 2 كيلومتر مربع تقريبا..
.................................................. .......................................
فى المسجد أساسا الصف الأول بيكون للشيوخ و حملة القران ...بس طبعا مش من حق شيخ أنه ينهر طفل فى المسجد ..لان الرسول صلى الله عليه و سلم أطال قبل كدة فى السجود لان الأطفال كانوا يلعبون فوق ظهره فانتظر حتى انتهوا....
وباسلوب التعنيف دة مفيش أطفال هيجوا المساجد ....وطبعا مش هيجوا لما يكبروا
.................................................. .......................................
شكرا كتير خالد ع الموضوع
جزاك الله خيرا
خليلك
محمد[/b]
شكرا يا محمد على ردك الجميل
خليلك خالد :D

<div class='quotetop'>إقتباس</div>اولا: فى الشارع:-
**وبينما انا فى مرورى بكوبرى 6 اكتوبر اشاهد يافطة كبيرة لتامر حسنى وقد كتب عليها
وحشتنا......(بالذمة ينفع...... ولن تفاجأ فى القريب بلافتة مماثلة لممدوح اسماعيل و اصحاب الريان)
- لالالا مش تقول كده تامر حسنى دلوقتى هو المثل الاعلى للشباب فطبيعى يبقى شبح بيطاردك فى كل حته تروحها علشان تفتكره دايما
فعلا والله
عايزين بقى واحدة لعزام عزام
** انه بعد ان يقول الامام (السلام عليكم ورحمة الله) اسمع....يا احمر يا بطيخ.....بجنيه ونص القوووووطة
خدلك كيلو مانجه تاخد عليه ربع جنيه خصم......
- دول اللى انا بسميهم شيوخ ديلفرى
شكلك فهمتيها غلط يا اما انا اللى فاهم الرد غلط
انا مجبتش سيرة الشيوخ خالص :D

** طريق الاوتوستراد ...تحفة عالمية انوار عواميده يضاء بعضها فى النهار وتطفأ فى الليل
- لعدم ازعاج الحشرات الطائره
ههههههه سبب وجيه فعلا
نسيتى الديناصورات اللى بتطير

ثانيا: فى التلفيزيون:-
** ساقنى قدرى اولا لمشاهدة برنامج هالة سرحان على روتانا مش هتقدر تصلى الفجر
واجدها تضحك من قلبها واسمع الصراخ والهتافات من البلاتوه
وكانهم يقولون لك........ده استكراد واستعباط عاجبك؟؟؟!!
- مش عارفه انا سمعت قبل كده حد من قرايبى بيقول انها بتضحك من رجلها لان الضحكه من النوع اللى تنهار لها اعمده وتتصدع لها بيوت فلا يمكن ان تكون من قلبها
انتم الادرى والله :D
** ان ارى ممثل يسمى احمد هارون عند سؤاله عن فيلمه القادم
(اقدم شخصية طالب ثانوى...فترد المذيعة: طالب ثانوى ؟!
فيقول: ايوه طالب الثانوى القفل ده اللى شعره على جنب ده!!

نقول للاستاذ: انت جايب كام فى الثانوية ومتخرج من انهى كليه اساسا؟
- معهد خدمه اجتماعيه وعاد سنه اولى 3 مرات واضحه يعنى
تصدقى ان فيه ناس اعرفهم من معاهد فى غاية الاحترام
نعمل ايه بقى فى الجامعات الخاصة

** حديث حول تغيير اسم مسلسل يلقب بنصر الله الى نصر السماء
فالرقابة دورها الحفاظ على ارواح
- اكيد فاكرين مسلسل الطريق الى كابول؟؟
اراك عصى الدمع شيمتك الجبن...اما للفيتوضرب عليك ولا قلمُ(على قفاهم طبعا)

** حديث حول تغيير اسم مسلسل يلقب بنصر الله الى نصر السماء
فالرقابة دورها الحفاظ على عدم حدوث لبس طبعا
(عفوا....هذا زمن الافاقين!!)

** عقب حادث قليوب مباشرة اجد خبر عن انقلاب قطار فى اسبانيا
فطبعا الكوارث...مش عندنا بس والتسيب ده صناعة عالمية يعنى مستوردة!!
اللى نرفذنى التعويض بجد 5000 جنيه ( ونعم الكرم )
برايز ولا ورق؟!

ثالثا: فى الجريدة:-
**للاسف حاليا لا اصدق حرفا واحدا فى الصحف القوميه
فما هى الا شاتم ومشتوم ...مؤيد ومعارض .....سارق ومسروق .....كاذب وكذابين
- عندك جريده الجمهوريه مش بستفيد منها غير من الملحق التعليمى بس كفايه اوى
انتى لسه فاكرة :D

** نقرأ المقال من دول وتجد الكاتب يمسح بزميله الارض
ويقول لابد لنا من النقد الهادف
وشكرا لسعة صدرك الزميل العزيز
- اكيد الكلام ده من حجره العنايه المركزه

** فى خبر لوزير التعليم اعلن انه لن يتم طبع كتب دراسية للثقافة الجنسية للتدريس
ولا سوف يتم تدريس اللغة العبرية حفاظا على هوية التعليم...
(هى فين الهوية دى حد يقوللى!!)
- national identity ( بجرب الاسبلينج بس) بتاعت الworkbook دى انا فاكرها :P :P

** اجد فى جريدة معارضة حقائق عن احصائيات حرب اكتوبر وان العالم لم يعترف بهذا النصر
وان العرب وحدهم يعترفون به نظرا لان خسائرنا من الجنود والسلاح اكثر من اسرائيل بكثير
وكل هذا تحت عنوان( هل انتصرنا بالفعل فى حرب اكتوبر؟)
حد يرد على الاستاذ ده يا جماعة اصلها ناقصة
- مبارك خليه يعمل تصريحات فى الموضوع ده ويتكلم عن ضربته الجويه
كانت بالبراشوت تقريبا مش كده؟؟!

** تصريح للسيد الفاضل الراعى محمد حسنى مبارك
يقول فيه انه لا فائز ولا خاسر فى حرب لبنان...(على اعتبار ان حزب الله ما انتصرش)
(ميلعبوا ضربات جزاء احسن؟!!!)
- توقع اى حاجه من شخص قال جيش مصر للدفاع عن ارضها فقط
الصراحة عندوا حق بس يقدر يدافع عن ارضها اساسا

** على ذكر نجيب محفوظ رحمه الله..ادركت مقالا بعنوان تأملات
ووصف فيه رجلا نزل من بيته وصلى الفجر وذهب لشراء الفلافل الساخنة
اين تأمل هنا ؟؟!!
مع كل التقدير لروايات نجيب محفوظ التى اعشق بعضها...
- انا مش بحب نجيب محفوط فهقول لا تعلــــيق

** نجد فى كل جريدة الان مربعا جميلا رائعا وكتب فيه
(نأسف لقارئنا العزيز فى زيادة سعر الجريدة الى جنيه مع وعد بمزيد من الخدمات نظرا للاقبال الشديد
على الاعداد واستهلاك الكثير من الورق)
وكأننا لنا رأى فى هذا؟
- هو كده بيخيرك
معاك فلوس اشترى مش معاك ايه اللى جابك هنا
هى دى الديمودكتاروطاطيه
ودى بتتجاب من انهى اجزخانة؟!


رابعا:فى المسجد:-
** طفلا فى الصف الاول ولا طفل غيره فى المسجد نجد الشيخ يزحزحه حتى اخر صف ليفسخ مكانا للشيوخ امثاله
على اساس انه صغير ( ابقى قابلنى لو جه صلى تانى)
- لا ماهو كده بيختبر قدرته على محاربه الشيطان فلازم يعمل كده
سبب وجيه برضو :D

** انعم الله على فى مرة فذكرنى باخراج صدقة لله
فتحريت من حولى كالصحابة رضوان الله عليهم ووضعتها باليمين
الا انها لم تدخل الصندوق نظرا لضيق الفتحة ضيقا شديدا
وادخلتها بعد ان رآنى جميع من فى المسجد
-مقصوده وممكن تلاقى بره المسجد بلازما كبيره متصله بكاميرا داخل الندوق علشان يعرفوا كام بالظبط
الكاميرا الخفية يعنى :D

** اصحاب المعاشات او المتعبين من نزولهم للصلاة فى بعض المساجد نجد كراسيهم فى الصف الاول
وكأن الثواب محجوز مثلا
- لا تعليق
انا مش مقتنعه ان الصلاه فى المسجد بقت كما يجب ان تكون
مش فاهم :unsure:

خامسا:فى الدرس:-
**حصة يقل طلابها عن 18 طالب ليست بحصة او المدرس ده غلبان ومش ماشى فى السوق
** زيادة ثمن الحصة جنيها ....(مش بنزين بيستهلكوه برضو )
** معظم طلبه مصر رايحين دروس لهذه الاسباب
للضحك 70% زهقان 10% استفادة20%
- بلاش مبالغه فين ال 20% دول
عندك حق خليها 100%ضحك على الاستاذ وعلى نفسك
** بسؤال بائع البيتزا او الفطائر عشان الدقة عن الحد الادنى لاى مبلغ ياخذه المدرس من الناس
يرد قائلا: يستاهلوا خليه ينهب فى دمهم
- لا تعليق

** ان يذكر اسم الاستاذ المنافس قدامك فى الدرس سبعين الف مرة اما بالشتم او السب
ثم عند دخول الصلاة ....يالالا نصلى.. لا بارك الله فى عمل ينهى عن الصلاة
- وخصوصا فى ماده زى الفيزيا تحس انهم ابطال الديجيتال
لا ...اتوبيس المدرسة السحرى

سادسا:فى المنتديات:-
حاجات بسيطة كده
** فى بعض المنتديات نصف المواضيع سيئة والنصف الاخر ليس حلوا
لا...بل انه يقول لك متعملش موضوع سئ بس كده..
- لكل فعل رد فعل مساوى له فى المقدار ومضاد له فى الاتجاه
(ده مهم فى الميكانيكا)
لسه ما بدأتهاش للاسف <_<

** موضوع فى قسم وهو هو الموضوع لنفس الكاتب فى قسم اخر وفى نفس الوقت
وكأنك بتقولوه( حزمنى يا!!!)
- عطب فنى فى محرك البحث

** الذى يبكى ويفرفص لكى ترد على مواضيعه
اذا رديت عليه فلن يرد عليك
- وعلى ايه نثبت الموضوع بدون رد
خلاص ابعت رسالة للمشرف

** تجد فى بعض التواقيع كلمة .......لايوجد توقيع حتى اشعار اخر ...متشكرين
جارى تعليب توقيع
بشوفها كتير اوى وبتنرفذنى اوى
جارى تحنيط التعليق

وجزاك الله كل خير مره تانيه
موضوع حلو اوى
وسورى على رغيى اللى بدون اى لزوم
بس كلها حاجات بنعيشهاانا برضو فى الرد الاولانى قلت اكيد عيانة او فيه حاجة
انا كده اطمنت :D :D


استودعكم الله [/b]
شكرا على مرورك الجميل يا هند
وبالتوفيق باذن الله السنةدى


<div class='quotetop'>إقتباس</div>بسم الله الرحمن الرحيم

كل عام وانتم بخير
الدروس بدأت
والمدرسين هيشتغلوا والطلبة هيتنكدوا
والمنتدى احتمال يرجع 20 عضو زى الاول
10 للقسم التعليمى
وعشرة لبقية الاقسام
او ال20 كلهم فى التعليمى الله اعلم

ربنا يسهل يا خالد والناس تظبط وقتها ونلاقيها هنا علي الاقل شويه من وقت فراغهم ما هو مش كله مذاكره مذاكره
مذاكرة مين انت بتصدق
عليا انا برضو


اولا: فى الشارع:-
**وبينما انا فى مرورى بكوبرى 6 اكتوبر اشاهد يافطة كبيرة لتامر حسنى وقد كتب عليها
وحشتنا......(بالذمة ينفع...... ولن تفاجأ فى القريب بلافتة مماثلة لممدوح اسماعيل و اصحاب الريان)

لا ومظاهرات كمان
والمصيبه بقي سمعت ان واحد طلق مراته علشان بتموت في تامر بيه حسني
شكرا
والله شعب هايف

عندها حق ما هو الشهادة لله يتحب الواد



** طريق الاوتوستراد ...تحفة عالمية انوار عواميده يضاء بعضها فى النهار وتطفأ فى الليل

يا عم احمد ربنا بيضاء بعضها بالنهار والله كويس

في طرق مفيش اصلا اناره
كلكو متفقين ان كده كويس يعنى على اساس ان فى مناطق مش داخلها الحاجات دى

ثانيا: فى التلفيزيون:-

** عقب حادث قليوب مباشرة اجد خبر عن انقلاب قطار فى اسبانيا
فطبعا الكوارث...مش عندنا بس والتسيب ده صناعة عالمية يعنى مستوردة!!

يا باشا كوارث عن كوارث بتفرق

دول ناس عندهم اداره كاملة متواجده طول الوقت لمواجهة الكوارث والازمات وكمان مش هيجيبوا الذنب علي الغلبان السواق

بلاش مقارنه يا عم خالد هنتعب والله
هنتعب
انا تعبت من زمان

ثالثا: فى الجريدة:-
**للاسف حاليا لا اصدق حرفا واحدا فى الصحف القوميه
فما هى الا شاتم ومشتوم ...مؤيد ومعارض .....سارق ومسروق .....كاذب وكذابين

** نقرأ المقال من دول وتجد الكاتب يمسح بزميله الارض
ويقول لابد لنا من النقد الهادف
وشكرا لسعة صدرك الزميل العزيز

هههههههههههه شكرا لك ومنتظر منك كام مقال تهزقني فيهم انا كمان

ويقضوها بقي شتايم واحنا بنقرأ
اهو شعب اهبل نشغله باى حاجة

** فى خبر لوزير التعليم اعلن انه لن يتم طبع كتب دراسية للثقافة الجنسية للتدريس
ولا سوف يتم تدريس اللغة العبرية حفاظا على هوية التعليم...
(هى فين الهوية دى حد يقوللى!!)

احنا معندناش تعليم اصلا علشان يبقي في هوية وبعدين حتي لو في تعليم اشمعنه يعني التعليم اللي هتدورا فيه علي الهوية ما ضاعت يا عمنا من زمان
الف مبروك على ضياعها
عقبال ال...
ما خلاص ماعدش فيه حاجة تانى

** اجد فى جريدة معارضة حقائق عن احصائيات حرب اكتوبر وان العالم لم يعترف بهذا النصر
وان العرب وحدهم يعترفون به نظرا لان خسائرنا من الجنود والسلاح اكثر من اسرائيل بكثير
وكل هذا تحت عنوان( هل انتصرنا بالفعل فى حرب اكتوبر؟)
حد يرد على الاستاذ ده يا جماعة اصلها ناقصة

والله ما واثق في اي حاجه ولا حتي التاريخ واثق فيه وبعدين مش فارقه انتصرنا ولا لأ مش رجعتلنا أرضنا وخلاص
عندك حق بلا قلبه دماغ

** تصريح للسيد الفاضل الراعى محمد حسنى مبارك
يقول فيه انه لا فائز ولا خاسر فى حرب لبنان...(على اعتبار ان حزب الله ما انتصرش)
(ميلعبوا ضربات جزاء احسن؟!!!)

حلوه اوي حكاية ضربات الجزاء دي ابقي خدني اقف حكم رايه
ناخد راى جمال الغندور
** على ذكر نجيب محفوظ رحمه الله..ادركت مقالا بعنوان تأملات
ووصف فيه رجلا نزل من بيته وصلى الفجر وذهب لشراء الفلافل الساخنة
اين تأمل هنا ؟؟!!
مع كل التقدير لروايات نجيب محفوظ التى اعشق بعضها...

يا حبيبي هو كان بيتأمل في حياة الراجل نفسه مش الراجل اللي بيتأمل
وعلي فكرة رغم بساطه حياة الراجل ده اللي نزل وصلي الفجر واشتري الفلافل الساخنه فيها تأملات كتير
راجل مين اللى بيتأمل
بلاش فتى
وبجد يعنى انا لو قعدت ممكن احتمال اكتب حاجة انضف منها
يمكن

** نجد فى كل جريدة الان مربعا جميلا رائعا وكتب فيه
(نأسف لقارئنا العزيز فى زيادة سعر الجريدة الى جنيه مع وعد بمزيد من الخدمات نظرا للاقبال الشديد
على الاعداد واستهلاك الكثير من الورق)
وكأننا لنا رأى فى هذا؟


يا عم انت لسه بتشتري جرايد ؟؟؟
هى القعدة على الكنبة يعنى ببلاش
ولا الحس عينى فى الكومبيوتر طول النهار

رابعا:فى المسجد:-
** طفلا فى الصف الاول ولا طفل غيره فى المسجد نجد الشيخ يزحزحه حتى اخر صف ليفسخ مكانا للشيوخ امثاله
على اساس انه صغير ( ابقى قابلنى لو جه صلى تانى)

مش عارف بس انا سمعت حديث ان شاء الله ابقي اتأكد من صحته بيقول فيما معناه لا صلاة لصبي بين رجلين
معلش جبهولى الحديث ده ضرورى
وكمان في ناس بتستهبل وتاخد اطفال صغيره جدا معاها المسجد وتبقي في وسط الصلاة وتلاقي البيه الصغنن بيتمشي قدامك او بيضربك حتي ولا المصيبه بقي لو اتنين صغننين ضربوا بعض وفتحوا في العياط ابقي قابلني بقي لو سمعت الامام

يا جماعه الناس لازم يبقي عندها وعي شوية
انت بتدّن فى مالطه


** اصحاب المعاشات او المتعبين من نزولهم للصلاة فى بعض المساجد نجد كراسيهم فى الصف الاول
وكأن الثواب محجوز مثلا

والله حاجه تحرق الدم فعلا
بس


سادسا:فى المنتديات:-
حاجات بسيطة كده

** موضوع فى قسم وهو هو الموضوع لنفس الكاتب فى قسم اخر وفى نفس الوقت
وكأنك بتقولوه( حزمنى يا!!!)

دي ناس مش عارف مخها راكب ازاي
انظر الكتاب المدرسى صفحة 22

** الذى يبكى ويفرفص لكى ترد على مواضيعه
اذا رديت عليه فلن يرد عليك

ربنا يهديهم

** تجد فى بعض التواقيع كلمة .......لايوجد توقيع حتى اشعار اخر ...متشكرين

طيب شكرا للاضافه يا سرحان

نعتبر الموضوع ده قبل قبل قبل الاخير


استودعكم الله

انت هتروح فين انت كمان
مش رايح ولا حاجة
بقول سلام عليكم
فيها حاجة
عموما انا هناك يعنى[/b]
شكرا على مرورك الرائع يا ميدو
ويا رب تنورنا دايما


<div class='quotetop'>إقتباس</div>والله الموضوع جميل
شكرا ليكى جدا
وفى كلام كتير فيه عاوزة اعلق عليه
براحتك اهو الموضوع موجود

بس انا هكتفى بجزاك الله كل خير
احسن حاجة والله
... وحسبنا الله[/b]

شكرا لمرورك يا رحمة


وشكر للجميع مرة اخرى على المرور
واستحملوا الردود الجملى دى :D

zizo2_2
02-09-2006, 03:17 AM
بصراحة مش عارف أقولك ايه يا خالد دايما بقف عاجزعن مواضيعك اللي كل موضوع منها بالرغممن انه ممكن يكون بيحمل اسلوب النقد الساخر الا انني اعشق ذلك الأسلوب لطريقة عرضه للواقع في صورة فكاهة


احترام وتقدير بنسبة 100 % يا خالد واستمر بجد معانا ومتحرمناش من مواضيعك الجميلة دي

خالد_khalloda
02-09-2006, 03:21 AM
<div class='quotetop'>إقتباس(خالدالجن @ Aug 31 2006, 09:41 PM) 207152</div>


رابعا:فى المسجد:-


** انعم الله على فى مرة فذكرنى باخراج صدقة لله
فتحريت من حولى كالصحابة رضوان الله عليهم ووضعتها باليمين
الا انها لم تدخل الصندوق نظرا لضيق الفتحة ضيقا شديدا
وادخلتها بعد ان رآنى جميع من فى المسجد


[/b]
بصراحة عشان أرد عايز مش أقل من ساعة لكن للأسف الساعة دلوقتي 4وشوية
بس كل كلامك صح1000000000000% يا خالد وأنت بجد قلت كل اللي عايزين نقوله

بجد ألف شكر ليك وجزاك الله خيرا

وأنا أخترت بالذات حكاية المسجد دة عشان أقولك أنت حظك حلو أن في صندوق ومادام نيتك أنك تخفي الصدقة يبقى أنت كدة أخدت الأجر
البلوة بأى أن في المسجد اللي أنا باصلي فيه الخطيب كل شوية تصدقوا تبرعوا للفقراء شهر رمضان جاي ومفيش أصلا صندوق في المسجد


المهم كل اللي أقدر أقولهحسبتا الله ونعم الوكيل
وربنا ياخدك يا مبارك أنت وعيلتك وحكومتك
أمييييييييييييييييييين يارب العالمين

The_Relativistic200
02-09-2006, 08:46 PM
<div class='quotetop'>إقتباس</div> بصراحة مش عارف أقولك ايه يا خالد دايما بقف عاجزعن مواضيعك اللي كل موضوع منها بالرغم
من انه ممكن يكون بيحمل اسلوب النقد الساخر الا انني اعشق ذلك الأسلوب لطريقة عرضه للواقع في صورة فكاهة
احترام وتقدير بنسبة 100 % يا خالد واستمر بجد معانا ومتحرمناش من مواضيعك الجميلة دي [/b]
ربنا يخليك لينا يا استاذ زيزو
واقدر اعتبر ده تشجيع :D
ومنورنا دايما بمرورك
الف شكر على المرور استاذى العزيز :rolleyes:




<div class='quotetop'>إقتباس</div>بصراحة عشان أرد عايز مش أقل من ساعة لكن للأسف الساعة دلوقتي 4وشوية
بس كل كلامك صح1000000000000% يا خالد وأنت بجد قلت كل اللي عايزين نقوله

بجد ألف شكر ليك وجزاك الله خيرا

وأنا أخترت بالذات حكاية المسجد دة عشان أقولك أنت حظك حلو أن في صندوق ومادام نيتك أنك تخفي الصدقة يبقى أنت كدة أخدت الأجر
البلوة بأى أن في المسجد اللي أنا باصلي فيه الخطيب كل شوية تصدقوا تبرعوا للفقراء شهر رمضان جاي ومفيش أصلا صندوق في المسجد


المهم كل اللي أقدر أقوله
حسبتا الله ونعم الوكيل
وربنا ياخدك يا مبارك أنت وعيلتك وحكومتك
أمييييييييييييييييييين يارب العالمين[/b]
شكر على مرورك يا خالد
والشيوخ فى المساجد دلوقتى بقوا مش عارف
عايزين دورة للتعامل مع الناس
وكويس ان الحاجات دى كل واحد شايفها
عشان محسش انى جايبها من نافوخى :D

منى الشقية
08-09-2007, 02:27 AM
ياه يا خالد فعلا موضوع رائع
وانا نشطهولك علشان تعرف اد ايه كان في افادة ومناقشات في المنتدى كنت بستمتع بيها جدا بالرغم من اني مكنتش مسجلة معاكم بس كنت بستمتع بكل ما يدور في المنتدى من اعضاء محترمين واعتقد ان كتير اوي من المحترمين في موضوعك ده

ومش عايز اخرج عن اطار الموضوع لكن بالفعل عرض رائع لمساويء حياتنا اليومية

ahmed recoba
08-09-2007, 05:39 PM
بسم الله الرحمن الرحيم

كل عام وانتم بخير
الدروس بدأت
والمدرسين هيشتغلوا والطلبة هيتنكدوا
والمنتدى احتمال يرجع 20 عضو زى الاول
10 للقسم التعليمى
وعشرة لبقية الاقسام
او ال20 كلهم فى التعليمى الله اعلم


المهم
الموضوع باين من عنوانه
ظاهرات
ممكن ياللى بتقرا تشوفها فين كده بالفكاكة
فى الشارع ....ممكن؟
فى التلفيزيون .....ممكنين وتلاته وعشرة؟
فى الجريدة.....ممكن؟
فى المسجد ......ممكن؟
فى الدرس .....ممكن؟
فى المنتديات....... ممكن جدا وخالص واوى؟

نبدا بايه بس وياريت تصبروا شوية بس عشان انا برضو مستحمل اللى باكتبه بالعافيه
من الغيظ

اولا: فى الشارع:-
**وبينما انا فى مرورى بكوبرى 6 اكتوبر اشاهد يافطة كبيرة لتامر حسنى وقد كتب عليها
وحشتنا......(بالذمة ينفع...... ولن تفاجأ فى القريب بلافتة مماثلة لممدوح اسماعيل و اصحاب الريان)

** انه بعد ان يقول الامام (السلام عليكم ورحمة الله) اسمع....يا احمر يا بطيخ.....بجنيه ونص القوووووطة
خدلك كيلو مانجه تاخد عليه ربع جنيه خصم......

دى بتحصل عندنا فعلا بس مش مانجه اخرها شمام

** طريق الاوتوستراد ...تحفة عالمية انوار عواميده يضاء بعضها فى النهار وتطفأ فى الليل

ثانيا: فى التلفيزيون:-
** ساقنى قدرى اولا لمشاهدة برنامج هالة سرحان على روتانا مش هتقدر تصلى الفجر
واجدها تضحك من قلبها واسمع الصراخ والهتافات من البلاتوه
وكانهم يقولون لك........ده استكراد واستعباط عاجبك؟؟؟!!

** ان ارى ممثل يسمى احمد هارون عند سؤاله عن فيلمه القادم
(اقدم شخصية طالب ثانوى...فترد المذيعة: طالب ثانوى ؟!
فيقول: ايوه طالب الثانوى القفل ده اللى شعره على جنب ده!!

نقول للاستاذ: انت جايب كام فى الثانوية ومتخرج من انهى كليه اساسا؟

انا مش شايف دخل بصراحة لسؤالك يا خالد ايه اللى دخله فى الموضوع ؟

** حديث حول تغيير اسم مسلسل يلقب بنصر الله الى نصر السماء
فالرقابة دورها الحفاظ على عدم حدوث لبس طبعا
(عفوا....هذا زمن الافاقين!!)


** عقب حادث قليوب مباشرة اجد خبر عن انقلاب قطار فى اسبانيا
فطبعا الكوارث...مش عندنا بس والتسيب ده صناعة عالمية يعنى مستوردة!!


ثالثا: فى الجريدة:-
**للاسف حاليا لا اصدق حرفا واحدا فى الصحف القوميه
فما هى الا شاتم ومشتوم ...مؤيد ومعارض .....سارق ومسروق .....كاذب وكذابين

** نقرأ المقال من دول وتجد الكاتب يمسح بزميله الارض
ويقول لابد لنا من النقد الهادف
وشكرا لسعة صدرك الزميل العزيز

** فى خبر لوزير التعليم اعلن انه لن يتم طبع كتب دراسية للثقافة الجنسية للتدريس
ولا سوف يتم تدريس اللغة العبرية حفاظا على هوية التعليم...
(هى فين الهوية دى حد يقوللى!!)

** اجد فى جريدة معارضة حقائق عن احصائيات حرب اكتوبر وان العالم لم يعترف بهذا النصر
وان العرب وحدهم يعترفون به نظرا لان خسائرنا من الجنود والسلاح اكثر من اسرائيل بكثير
وكل هذا تحت عنوان( هل انتصرنا بالفعل فى حرب اكتوبر؟)
حد يرد على الاستاذ ده يا جماعة اصلها ناقصة

** تصريح للسيد الفاضل الراعى محمد حسنى مبارك
يقول فيه انه لا فائز ولا خاسر فى حرب لبنان...(على اعتبار ان حزب الله ما انتصرش)
(ميلعبوا ضربات جزاء احسن؟!!!)

ليه منماشيها الجولدن جول عشان اللى يخسر يجيله شلل حروب

** على ذكر نجيب محفوظ رحمه الله..ادركت مقالا بعنوان تأملات
ووصف فيه رجلا نزل من بيته وصلى الفجر وذهب لشراء الفلافل الساخنة
اين تأمل هنا ؟؟!!
مع كل التقدير لروايات نجيب محفوظ التى اعشق بعضها...

** نجد فى كل جريدة الان مربعا جميلا رائعا وكتب فيه
(نأسف لقارئنا العزيز فى زيادة سعر الجريدة الى جنيه مع وعد بمزيد من الخدمات نظرا للاقبال الشديد
على الاعداد واستهلاك الكثير من الورق)
وكأننا لنا رأى فى هذا؟


رابعا:فى المسجد:-
** طفلا فى الصف الاول ولا طفل غيره فى المسجد نجد الشيخ يزحزحه حتى اخر صف ليفسخ مكانا للشيوخ امثاله
على اساس انه صغير ( ابقى قابلنى لو جه صلى تانى)
دى حاجة عادية مع انها كانت بتضايقنى وانا صغير بس الاطفال تبقى على الاطراف وده البعض بيعمله

** انعم الله على فى مرة فذكرنى باخراج صدقة لله
فتحريت من حولى كالصحابة رضوان الله عليهم ووضعتها باليمين
الا انها لم تدخل الصندوق نظرا لضيق الفتحة ضيقا شديدا
وادخلتها بعد ان رآنى جميع من فى المسجد

هههههههههه .... بس تبص فى الصندوق تلاقيه اقدم فلوس عينك تشوفها اللى مش بياخدها سواق الميكروباص

** اصحاب المعاشات او المتعبين من نزولهم للصلاة فى بعض المساجد نجد كراسيهم فى الصف الاول
وكأن الثواب محجوز مثلا


خامسا:فى الدرس:-
**حصة يقل طلابها عن 18 طالب ليست بحصة او المدرس ده غلبان ومش ماشى فى السوق
** زيادة ثمن الحصة جنيها ....(مش بنزين بيستهلكوه برضو )
** معظم طلبه مصر رايحين دروس لهذه الاسباب
للضحك 70% زهقان 10% استفادة20%

حكاية الضحك انا معاك فيها

** بسؤال بائع البيتزا او الفطائر عشان الدقة عن الحد الادنى لاى مبلغ ياخذه المدرس من الناس
يرد قائلا: يستاهلوا خليه ينهب فى دمهم

** ان يذكر اسم الاستاذ المنافس قدامك فى الدرس سبعين الف مرة اما بالشتم او السب
ثم عند دخول الصلاة ....يالالا نصلى.. لا بارك الله فى عمل ينهى عن الصلاة

سادسا:فى المنتديات:-
حاجات بسيطة كده
** فى بعض المنتديات نصف المواضيع سيئة والنصف الاخر ليس حلوا
لا...بل انه يقول لك متعملش موضوع سئ بس كده..

** موضوع فى قسم وهو هو الموضوع لنفس الكاتب فى قسم اخر وفى نفس الوقت
وكأنك بتقولوه( حزمنى يا!!!)

** الذى يبكى ويفرفص لكى ترد على مواضيعه
اذا رديت عليه فلن يرد عليك

** تجد فى بعض التواقيع كلمة .......لايوجد توقيع حتى اشعار اخر ...متشكرين

طبعا المنتديات دى ياما فى الجراب يا حاوى
بس كفاية دول اوى

واخيرا
اللى فى جامعة ربنا يوفقوا
واللى فى ثانوى يروح يذاكر

نعتبر الموضوع ده قبل قبل قبل الاخير


استودعكم الله :D


موضوع جميل اوى يا خالد بس ياريت ميكونش زى مانت كاتب

Xx.Youri.xX
08-09-2007, 05:46 PM
معنديش استعداد أقرأ كل ده

اختصره في أربعين سطر

وامضيه من تلاتة مطرودين وواحد محظور

عشان أبقى أرد

تحياتي :)

The_Relativistic200
09-09-2007, 10:21 AM
استاذة منى اشكرك على تفاؤلك ده جدا
حضرتك نشطتى الموضوع ولو انى عادة مش بفضل التنشيط
==============================
ريكوبا باشا
اانا مش هقدر ارد على بعض الجزئيات انا كتبتها ليه زى الحتة للى بتسالنى ايه علاقتها بالموضوع
يعنى الموضوع من سنة تقريبا...خده زى ما هو....
ومعرش ازاى ابقى زى م انا كاتب؟؟؟؟؟:)

=======================================

يا عم يورى الموضوع قديم اوى
ده انا لو كتبته تانى هعمل قده مرتين:)
لكن عموما متقراهوش احسن....
الموضوع مستواه وضيع
وانصحك متقراهوش:d

The Happy Angel
11-09-2007, 08:34 PM
الموضوع مش سيء بس هو مستهلك ومش بيفيد وكمان دا بيناقش الجانب السلبي

يعني من كل ناحيه ملوش لزمه

كوز دره معاك

The_Relativistic200
12-09-2007, 12:37 AM
اعشق التناقض فى الردود
الموضوع بقاله سنة
يعنى مستهلك بالثلث
هههههههههههههههههههههههههه
وملوش لزمة بالثلث
ههههههههههههههههههههههه
منور يا قمر:)