السلام عليكم ورحمة الله

مشكلة واقع فيها ولادنا الطلاب السنة دى فى الثانوية
حتى بعد دخولهم الامتحان ............. ايه هى

حكاية تاجيل الامتحان

يدخل الطالب يحل شوية ........... وربما يلاقى الامتحان صعب من وجهة نظره
او مش هيجيب فيه درجة كويسة عالية هو يتمناها
فيقوم يشطب على اللى هو كاتبه ويكتب اقرارا بالتاجيل ويخرج من الامتحان فى المادة دى

عادى جدا التصرف لو بتتصرف بفطرة او بنية سليمة
لكن ربما النوايا مش مظبوطة عند الكثير

ازاى

يعتقد الكتير من الولاد الوقتى ان السنة دى مفيش فيها تانية ثانوى بالطبع
يبقى التنسيق هيقل السنة الجاية
اولا عشان الوزارة شايفة وعارفة ان الكلام بيحصل وممكن يحصل زى ما سمعنا ان الوزير قال ان التنسيق ثابت لمدة 3 سنوات
ثانيا لو التنسيق حتى قل هيقل كام يعنى!!!
يعنى هل اللى بياجل دا معتقد انه ممكن يدخل طب ب 80% مثلا
يبقى غلطان اللى يفكر كدا ------ هو فيه حد اهبل!!!!!!!!!!
ممكن نتوقع ان الطب فى الجامعات الخاصة مثلا يبقى من أدبى!!! دا بفلوس
زى ما سمعنا ان الهندسة فى الجامعات الخاصة هتاخد من العلمى المتأدب !!! يعنى اللى مأخدش رياضة 2 !!! دا عادى برده بفلوس وممكن يكونوا عاوزين الفلوس!!!
انما مش توصل ان التنسيق فى جامعات الحكومة يقل كتير ابدا
دا رأيى المتواضع!!!
نيجى بقا لشروط التاجيل او التاجيل يبقى صح ازاى عشان تاخد بالك

اولا لازم متدخلش امتحان الدور التانى خالص ( او تكون ساقط فيه) عشان تاخد درجة المادة كاملة
انما لو اجلت ودخلت الدور التانى هتاخد 50% من الدرجة بس حتى لو كان حلك يجبلك 100%
ثانيا يجب انك تعرف انك كدا راحت السنة عليك وانتا مش ضامن الامتحان السنة الجاية يكون عامل ازاى - ربما يكون اصعب!!!!!!!!!!!!

النصيحة:
ليه تاجل طالما مفيس سبب مقنع - اجل لما تكون عندك ظروف مستاهلة فعلا طارئة مثلا
خليك عارف ان من تمارض امرضه الله - يعنى اخلص النية عشان ربنا يباركلك
* توكل على الله واعمل اللى عليك وذاكر واجتهد واللى مكتوبلك هيكون ودا مش كلام دروشة ولا كلام وخلاص دا كلام حطه فى دماغك كويس لان اللى شايف شغلى صح ربنا هيديله على قد نيته
والخبيث ربنا هيديله على النية بردوا
* اخيرا حط فى دماغك اذا اجلت متدخلش الدور التانى وبكده تبقى راحت السنة
عشان محدش يفتكر انه لو دخل الدور التانى يبقى كدا ماجل

دا اللى انا اعرفه وانتم احرار جميعا واللى عنده ملاحظة من الزملا او الابناء يقول عليها
وجزاكم الله خيرا
فى امان الله

عاوز اقول فى الاخر بس
ان انا جالى رسايل خالصة للاستفسار عن الموضوع دا فكتبت الموضوع دا
لانه سبقنى الى الرد على اسئلة خاصة بالتاجيل مستر / عياد عودة ( ابو جهاد)
جزاه الله خيرا - دائما يسبقنى ان الخير ان شاء الله
بس الراجل نيته حلوه بيجاوب بتلقائية وبنية خالصة - وربما من حسن نيته - ربما لا يعلم ان هناك نوايا قد تكون غير خالصة او هناك تصرفات يمكن ان ندرجها تحت بند.......... التصرف الغبى --- مش الساذج ...... لا الغبى!!!!
تحياتى

كلام سليم وياريت الكل يعي هذا الكلام
حتي لا يبكي أولادنا علي اللبن المسكوب

كلام سليم وياريت الكل يعي هذا الكلام
حتي لا يبكي أولادنا علي اللبن المسكوب

شكرا يا أخى وزميلى النشيط والعزيز جدا عندى
ياريت الاقسام التعليمية واقسام اعمال الامتحانات والوسائل والاقسام ذات الصلة تنوه عن الكلام دا دايما
لصالح الابناء منعا للتصرفات الساذجة او ربما الغبية احيانا من جانب بعض ابناءنا للاسف!!!
تحياتى لحضرتك وشكرا مرورك

ما هى عدد المواد المسموح بالتاجيل فيها هل يمكن اجل 3 مواد (فيزياء رياضه وفلسفه )
وهل الغياب عن الامتحان يعتبر تاجيل

السلام عليكم ورحمة الله

مشكلة واقع فيها ولادنا الطلاب السنة دى فى الثانوية
حتى بعد دخولهم الامتحان ............. ايه هى

حكاية تاجيل الامتحان

يدخل الطالب يحل شوية ........... وربما يلاقى الامتحان صعب من وجهة نظره
او مش هيجيب فيه درجة كويسة عالية هو يتمناها
فيقوم يشطب على اللى هو كاتبه ويكتب اقرارا بالتاجيل ويخرج من الامتحان فى المادة دى

عادى جدا التصرف لو بتتصرف بفطرة او بنية سليمة
لكن ربما النوايا مش مظبوطة عند الكثير

ازاى

يعتقد الكتير من الولاد الوقتى ان السنة دى مفيش فيها تانية ثانوى بالطبع
يبقى التنسيق هيقل السنة الجاية
اولا عشان الوزارة شايفة وعارفة ان الكلام بيحصل وممكن يحصل زى ما سمعنا ان الوزير قال ان التنسيق ثابت لمدة 3 سنوات
ثانيا لو التنسيق حتى قل هيقل كام يعنى!!!
يعنى هل اللى بياجل دا معتقد انه ممكن يدخل طب ب 80% مثلا
يبقى غلطان اللى يفكر كدا ------ هو فيه حد اهبل!!!!!!!!!!
ممكن نتوقع ان الطب فى الجامعات الخاصة مثلا يبقى من أدبى!!! دا بفلوس
زى ما سمعنا ان الهندسة فى الجامعات الخاصة هتاخد من العلمى المتأدب !!! يعنى اللى مأخدش رياضة 2 !!! دا عادى برده بفلوس وممكن يكونوا عاوزين الفلوس!!!
انما مش توصل ان التنسيق فى جامعات الحكومة يقل كتير ابدا
دا رأيى المتواضع!!!
نيجى بقا لشروط التاجيل او التاجيل يبقى صح ازاى عشان تاخد بالك

اولا لازم متدخلش امتحان الدور التانى خالص ( او تكون ساقط فيه) عشان تاخد درجة المادة كاملة
انما لو اجلت ودخلت الدور التانى هتاخد 50% من الدرجة بس حتى لو كان حلك يجبلك 100%
ثانيا يجب انك تعرف انك كدا راحت السنة عليك وانتا مش ضامن الامتحان السنة الجاية يكون عامل ازاى - ربما يكون اصعب!!!!!!!!!!!!

النصيحة:
ليه تاجل طالما مفيس سبب مقنع - اجل لما تكون عندك ظروف مستاهلة فعلا طارئة مثلا
خليك عارف ان من تمارض امرضه الله - يعنى اخلص النية عشان ربنا يباركلك
* توكل على الله واعمل اللى عليك وذاكر واجتهد واللى مكتوبلك هيكون ودا مش كلام دروشة ولا كلام وخلاص دا كلام حطه فى دماغك كويس لان اللى شايف شغلى صح ربنا هيديله على قد نيته
والخبيث ربنا هيديله على النية بردوا
* اخيرا حط فى دماغك اذا اجلت متدخلش الدور التانى وبكده تبقى راحت السنة
عشان محدش يفتكر انه لو دخل الدور التانى يبقى كدا ماجل

دا اللى انا اعرفه وانتم احرار جميعا واللى عنده ملاحظة من الزملا او الابناء يقول عليها
وجزاكم الله خيرا
فى امان الله

عاوز اقول فى الاخر بس
ان انا جالى رسايل خالصة للاستفسار عن الموضوع دا فكتبت الموضوع دا
لانه سبقنى الى الرد على اسئلة خاصة بالتاجيل مستر / عياد عودة ( ابو جهاد)
جزاه الله خيرا - دائما يسبقنى ان الخير ان شاء الله
بس الراجل نيته حلوه بيجاوب بتلقائية وبنية خالصة - وربما من حسن نيته - ربما لا يعلم ان هناك نوايا قد تكون غير خالصة او هناك تصرفات يمكن ان ندرجها تحت بند.......... التصرف الغبى --- مش الساذج ...... لا الغبى!!!!
تحياتى

السلام عليكم
عزيزيى الاستا ذ جمال سراج
تحيةطيبه وبعد
كنت اود ان يكون موضوعك ده بدري شوييه
ولجميع الاقسام التعليمية
لا بصراحة الطلاب ( مساكين )
بسبب عد م الثقة في النظام وخوفا ان تكون قواعد اللعبة اتغيرت(حاصل شوية بلبلة )
ولكن من حق الطلاب التاجيل
ويتبعوا نصائح حضرتك الغاليه
لا ن قواعد اللعبة لم تتغير
السنة الفراغ لن تغير شيء في الواقع
التنسيق هو التنسيق 98% طب ..... وهكذا............. واشار د هاني هلال قد يكون زيادة ونقصان 1% او2% حسب متوسط الخمس سنوات الماضية
اذا الجميع يعلم ذلك
كان الخوف من ان تصدر الحكومة قانون عشوائي من
ترزية القوانيين
(منهم لله )
اياهم
مما دعا الي احجام عدد كبير من الطلاب عن التأجبل
(اصيبوا بضرر)
ولكن في راي ليس هناك طالب سيتصرف بذاحة طمعا في السنة الفراغ
لا اعتقد ذلك
ولكن من حقه التاجيل
كأن السنة الفراغ لم تكن
ويكفي كما حضرتك اشرت دفع عام من عمره غير الجهد المادي والبدني.
كما كان في السنوات السابقة (حق كفله القانون مثل سابقيه من الطلاب )
ده حق شرعي لاي طالب كما اشار السيد الوزير في اهرام الجمعه 29 مايو 2009
وشكرا لنصائح حضرتك الغالية
لان الموضوع ده سيكون حديث الساعة من الان وحتي زوال السنة الفراغ (منهم لله )
فقط
كان يجب ان يخرج موضوعك للنور قبل امتحان الثانوية العامة بقي اربعة ايام ( اليوم 2 يوليو 2009)
اذا ولادة( متعثرة ) متأخرة اويووووووووووو ي( اخي الاكبر وحبيبي استاذ / جمال ) للموضوع بس علي كل حال النصائح غالية وثمينة ثمينه
ياريت اولادنا وابناءنا وبناتنا ياخدوا بها
ابو جهاد عودة
عياد محمد

ما هى عدد المواد المسموح بالتاجيل فيها هل يمكن اجل 3 مواد (فيزياء رياضه وفلسفه )
وهل الغياب عن الامتحان يعتبر تاجيل

عادى اى عدد ممكن
والغياب يعتبر تاجيل لانك هتاخد درجتك كاملة بس متدخلش الدور التانى
انما لو دخلته دا مش تاجيل وتاخد 50% من الدرجة مهما جبت من الدرجات
بالتوفيق لك وللجميع

جزاكم الله كل الخير
أخى الكريم
مستر / جمال سراج
وأحى فى حضرتك
غيرتك وحرصك على أبنائنا
الأعزاء بتقديم النصح لهم
ويا رب تكون نصائح حضرتك
نصب أعينهم فى السنوات القادمة
وأسال الله ان يوفق أبنائنا جميعا
وأن يلهمهم سبل الرشاد

فعلا مستر عياد الموضوع متاخر جدا
بس بجد مكنتش متوقع ان يحصل تاجيل بالعدد دا كتير من الولاد
تعرف كمان ان فيه ناس هتجيب ولادها من الدول العربية عشان يمتحنوا السنة الجاية هنا فى مصر املا وطمع!!!!!!!! ولهم الحق طبعا
وتعرف ان ناس ضحت بسنة عشان تنتهز فرصة زى السنة الفراغ دى املا وطمعا بردو

وبعدين بردوا الموضوع زى ما قلت جه نتيجة ردى على رسائل خاصة ربما يكون منهم نفس الابن اللى سال حضرتك وجاوبته قبل كدا
تحياتى

جزاكم الله كل الخير

أخى الكريم
مستر / جمال سراج
وأحى فى حضرتك
غيرتك وحرصك على أبنائنا
الأعزاء بتقديم النصح لهم
ويا رب تكون نصائح حضرتك
نصب أعينهم فى السنوات القادمة
وأسال الله ان يوفق أبنائنا جميعا

وأن يلهمهم سبل الرشاد

شكرا اخى الاستاذ/ ممدوح الانصارى
ورد الزملاء الافاضل زى حضرتك والاستاذ السندباد والاستاذ عياد بالتاكيد مهم لولادنا عشان يعرفوا مصلحتهم اكتر ويبعدوا عن العشواءية فى معالجة الامور
تحياتى لحضرتك وللجميع
شرفنى مرورك

فعلا مستر عياد الموضوع متاخر جدا
بس بجد مكنتش متوقع ان يحصل تاجيل بالعدد دا كتير من الولاد
تعرف كمان ان فيه ناس هتجيب ولادها من الدول العربية عشان يمتحنوا السنة الجاية هنا فى مصر املا وطمع!!!!!!!! ولهم الحق طبعا
وتعرف ان ناس ضحت بسنة عشان تنتهز فرصة زى السنة الفراغ دى املا وطمعا بردو

وبعدين بردوا الموضوع زى ما قلت جه نتيجة ردى على رسائل خاصة ربما يكون منهم نفس الابن اللى سال حضرتك وجاوبته قبل كدا
تحياتى
السلام عليكم
جميل جدا ان حضرتك لماح وذكي
واثرت الموضوع الشيق ده
علي الاقل علشان خاطر التلميذان امير (Beko) والاخر Peter
وارجو ان تواصل الرد علي ابناءنا لان الموضوع يهم شريحة كبيرة من الطلاب والطالبات المصريين
ابو جهاد عودة
عياد محمد

السلام عليكم
استاذ / جمال
بعض طلابنا من الدول العربية راجع علشان حاجه تانيه خالص
دعنا من التعليم الرسمي
مما لا شك فيه ان الجامعات الخاصه مرغمه حتنزل بالتنسيق علشان تغطي تكاليف ميزانياتها
هم اذا كان الامر كذلك ليس حبا في عيون التعليم الرسمي
لالالالالالالالالالالالالالالالالالالالالالالالالا لالالالالالالالالالا
ده علشان الجامعات الخاصة حتنزل علي سبيل المثال الطب مثلا في الجامعات الخاصة كان 80%
مرغمة الجامعات الخاصة للنزول عن كده
الي مثلا 60%
للحصول علي عدد من الطلبة والطالبات الاثرياء ( اللهم لاحسد )
ده للتنويه فقط
لان السنة الفراغ سيكون مردودها سلبي الي حد ما علي الجامعات الرسمية فما بالك بالجامعات الخاصة
( من ناحية زيادة الموارد )
ابو جهاد عودة

مشكور مستر جمال علي المعلومات القيمة و جزاك الله كل خير

بص يا أستاذ جمال أو مستر جمال المنتدى ده منتدى محترم وأغلبية الأعضاء بسم الله ما شاء الله يتميزون بالذكاء فخلى كلامك للفئة المتميزة أو الأغلبية فعنوان حضرتك " خلى بالك ومتكنش غبى !!! " ده عنوان للأغبياء وأحنا الحمد لله مش كده ولو تريد النصيحة فكان من الأفضل إنك تقول نصائح غاليةأو أى شئ تريده بس بعنوان محترم ومع كذلك أحنا بنشكرك على معلوماتك القيمة .

بص يا أستاذ جمال أو مستر جمال المنتدى ده منتدى محترم وأغلبية الأعضاء بسم الله ما شاء الله يتميزون بالذكاء فخلى كلامك للفئة المتميزة أو الأغلبية فعنوان حضرتك " خلى بالك ومتكنش غبى !!! " ده عنوان للأغبياء وأحنا الحمد لله مش كده ولو تريد النصيحة فكان من الأفضل إنك تقول نصائح غاليةأو أى شئ تريده بس بعنوان محترم ومع كذلك أحنا بنشكرك على معلوماتك القيمة .
السلام عليكم
حبيبي واخي الاستاذ الفاضل / احمد منقورة
الاستاذ الفاضل / جمال
يقصد الطلبة او الطالبات البيسوقوا الهبل علي الشيطنة
قاصدا الاستفادة من السنة الفراغ علي سبيل المثال ان يدخل كلية الطب مثلا ب 60%
(تعليم رسمي عام ) ده مش حيحصل
والاستاذ جمال قصد هذا العنوان بالذات للفت الانتباه (دي فنون اعلام ) لجذب الانتباه
ولايقصد باي حال من الاحوال اي معلم او معلمه وطالب محترم ولا طالبه محترمة
يقصد فئه بعينها من الطلبة الانتهازيين
(وليس المؤجل وقاسم السنة علي سنتان كما يقول القانون لتجميع القوي واقتسام النفقات والجهد ومزيدا من الدرجات وهذا حقه كفله له قانون الثانويه العامه )
لذا لزم التنويه
ولست في موقف الدفاع عن الزميل العزيز
بل اظهار الحق

ابو جهاد

بص يا أستاذ جمال أو مستر جمال المنتدى ده منتدى محترم وأغلبية الأعضاء بسم الله ما شاء الله يتميزون بالذكاء فخلى كلامك للفئة المتميزة أو الأغلبية فعنوان حضرتك " خلى بالك ومتكنش غبى !!! " ده عنوان للأغبياء وأحنا الحمد لله مش كده ولو تريد النصيحة فكان من الأفضل إنك تقول نصائح غاليةأو أى شئ تريده بس بعنوان محترم ومع كذلك أحنا بنشكرك على معلوماتك القيمة .

شوف يا باشا لك التحية والاحترام اولا
ثانيا الكلام موجه للولاد مش للزملاء الافاضل
وبعدين حتى انا بقول متكنش غبى وقلتش مثلا انتا غبى- وبالتاكيد اقصد اللى يتصرف بدون عقل وتفكير ويمشى مع الزفة يبقى دا غبى - واعتقد انك توافقنى
وثالثا انا قلت الموضوع على ردود ورسايل خاصة شعرت من بعضها بتصرفات مش مظبوطة وكان حرصى عليهم اكثر من اللفظ اللى مش عاجب سيادتك
ورابعا حضرتك حط فى دماغك ان فيه ناس بتدخل على القسم مثلا وربما تلاقى موضوع لمستر جمال تقوم ما تدخلش عشان مستر جمال مثلا مش عاجبها ودا عادى فقصدت اخلى اسم الموضوع كدا بروباجندا يعنى عشان يؤدى الغرض منه وهو ان فيه حد من الولاد على الاقل يدخل وقد حدث ان مش الولاد بس برضوا افاضل زى حضرتك داخل
* خامسا بحمد الله عندى من الخبرات الكثير وبالتاكيد كل حاجة بقولها او بعملها مقصود من وراها حاجة بحمد الله وحاجة كويسة - يعنى عشان متفكرش انها كانت معدية عليا ولا حاجة!!!!!!!!!!!!!!
سادسا انا عدلت اسم الموضوع مش عشان حضرتك قلت مع احترامى- لا عشان تقريبا ادى الغرض منه
واللى كان بيسال عرف
لان كان فيه ولاد سالونى عن تاجيل الاحياء اللى لسة الولاد ممتحنتش فيها
شكرا لحضرتك واطمن يا باشا بفضل الله مفيش حاجة بتعدى دون حساب وسبحان علام الغيوب!!!

تحياتى واحترامى لك وللجميع
فى امان الله

السلام عليكم

حبيبي واخي الاستاذ الفاضل / احمد منقورة
الاستاذ الفاضل / جمال
يقصد الطلبة او الطالبات البيسوقوا الهبل علي الشيطنة
قاصدا الاستفادة من السنة الفراغ علي سبيل المثال ان يدخل كلية الطب مثلا ب 60%
(تعليم رسمي عام ) ده مش حيحصل
والاستاذ جمال قصد هذا العنوان بالذات للفت الانتباه (دي فنون اعلام ) لجذب الانتباه
ولايقصد باي حال من الاحوال اي معلم او معلمه وطالب محترم ولا طالبه محترمة
يقصد فئه بعينها من الطلبة الانتهازيين
(وليس المؤجل وقاسم السنة علي سنتان كما يقول القانون لتجميع القوي واقتسام النفقات والجهد ومزيدا من الدرجات وهذا حقه كفله له قانون الثانويه العامه )
لذا لزم التنويه
ولست في موقف الدفاع عن الزميل العزيز
بل اظهار الحق


ابو جهاد



ربنا يكرمك يا مستر
والله فعلا كنت قاصد العنوان لشد الانتباه وخصوصا من هؤلاء الذين لا يرقون لمستر جمال وبالتاكيد لهم الحق فيما يعتقدون -
كما ان من يتصرف من الطلاب باستهبال زى ما حضرتك بتقول يبقى غبى لانه ضيع نفسه
هى سنة شوية تروح هباءا
السنة دى متكلفة كتير جهد وتعب ومصاريف عالاسرة كلها
شاكر لحضرتك والحمد لله زى ما رديت انا وبقول انا كنت اقصد ولكن عندى اسباب ولم اتصرف بغباء!!!!!!!!!!
كما انى كنت ادرك انه ربما يفهمهما بعض الناس خطأ وقد كان
بس ربما لو مكنتش قلت مكنش مثل هذا الزميل الفاضل او ربما مكنش بص للموضوع من اصله
يبقى بالتاكيد ان شاء الله كان عندى حق
شكرا تانى مستر عياد على متابعتك وحكمتك
فى امان الله

موضوع رائع
تأخر كثيرا حتى أوشكت الامتحانات على الانتهاء
ولكن لمن هذا الموضوع ألسنا في قسم الكادر ؟
أليس من الأفضل وضعه في مكانه ؟

سؤال الى زميلى العزيز كل شىء فى بلدنا عباره عن عرض وطلب فكما ذكرت الطب 98% ...الخ نفترض ان الطب فى هذه السنه تريد عدد 100 طالب مثلا ولايوجد من حصلوا على هذه النسبه مالحل لابد من النزول بالنسبه الاقل حتى تكمله العدد المطلوب مهما كانت التصريحات وهكذا باقى الكليات فما هو فى نظرك الحل السحرى لحل هذه المشكله ؟؟؟؟

موضوع رائع
تأخر كثيرا حتى أوشكت الامتحانات على الانتهاء
ولكن لمن هذا الموضوع ألسنا في قسم الكادر ؟
أليس من الأفضل وضعه في مكانه ؟

شوف حضرتك
كل اللى حضرتك بتسال عنه رديت عليه قبل كدا تقريبا حضرتك ارجع للموضوع تلاقى الردوهو ان الموضوع تم طرحه من جانب الطلاب هنا بالقسم لانهم عارفين ان اللى بيدخل هنا مدرسين ممكن يجاوبوا
وبعدين حتى لو اوشكت الامتحانات علىالانتهاء مش باقى مادة او اكتر وينفع فيها التاجيل - طب ماهى مصلحة لمن يريد - او ربما من يريد الاستهتار يرجع لصوابه!!!
فى الوقت بنقول الدقيقة بتفرق وهنا نقول المادة بتفرق عند الطالب وطالما لسة مادة حتى يبقى الموضوع مفتوح متقفلشلم يغلق بعد!!!
وبعدين حضرتك حتى المدرسين منهم مدرسين ممكن ميعرفوش حاجة عن الموضوع باختصار فيه مدرسين ابتدائى او اعدادى وليس لهم دراية بمثل تلك المواضيع ودا مش عيب
- كدا الناس حتى اخدت فكرة(اللى ميعرفش منهم يعنى) ممكن ترد اذا تعرض لسؤال بهذا الخصوص من اى طالب او طالبة
تحياتى وشكرا لمرورك

سؤال الى زميلى العزيز كل شىء فى بلدنا عباره عن عرض وطلب فكما ذكرت الطب 98% ...الخ نفترض ان الطب فى هذه السنه تريد عدد 100 طالب مثلا ولايوجد من حصلوا على هذه النسبه مالحل لابد من النزول بالنسبه الاقل حتى تكمله العدد المطلوب مهما كانت التصريحات وهكذا باقى الكليات فما هو فى نظرك الحل السحرى لحل هذه المشكله ؟؟؟؟

يا مستر يعنى هتيجى على سنة
حضرتك عارف ان عندنا تكدس فى اعداد الخريجين اصلا
ويمكن هيشيلوا او بيفكروا التكليف من عالطب حتى
يعنى الطالب يتقوس 7 سنين وكمان زيهم على ما ياخد ماجستير او دكتوراه وممكن ميشتغلش
انما مش هتوصل ابدا لا 80 ولا 90 حتى فى المائة
حتى لو حولوا الجامعات لمساكن شعبية!!!!!!!!!!!!!
معنديش حل اقترحه باختصار عارف ليه- لان كلام واحد زيى انا لا هيودى ولا هيجيب!!!
وربما تحدث سيناريوهات جديدة ولا تيجى دفعة من الطلاب العرب تدرس عندنا ولا اى حاجة
معرفش بجد ايه اللى ممكن يحصل ولا شاغل بالى!!!!!!!!!!!!!!!
تحياتى

يازميلى العزيز الموضوع مش موضوع مجتش عالسنه او تكدس فى التعليم موضوع جامعه مفتوحه محاضرات كتب مراجعات دكاتره .....الخ هل ممكن كل هذا بدون طلاب !!!! هل ممكن نعمل فيلم بدون متفرجين !!!!! لايوجد اى حل فى نظرى غير النزول بالنسبه المئويه مهما كانت التصريحات وان غدا لناظره قريب

ربما يا مستر - لا اعلم ولا استطيع التكهن زى ما بيقولوا!!!
مش جايز نص طلاب الجامعة يرسبوا ويعيدوا السنة وتبقى اتحلت
ههههههههههههههههههههههههه
بهرج طبعا ولا اتمنى ذلك
ربنا يقدم الخير باذن الله

السلام عليكم ورحمة الله وبركاته
إلى العضوين النشيطين :مستر جمال والأستاذ Ayadooo
أنا بكل تاكيد كنت فاهم قصد موضوعك يا مستر جمال ولكن انا كان اعتراضى عن العنوان ليس إلا والحمد لله على كل حال وانا منتظر المزيد من مواضيعك الجيدة وارجو من الله أن تكون فى ميزان حسناتك يوم القيامة .

الى ولادنا اللى اجلوا مواد فى الامتحانات اللى عدت بسلام
يخلوا بالهم ومحدش يدخل امتحانات الدور التانى عشان ياخد درجة المادة كاملة
طبعا اذا كان غرضه التاجيل - لو دخل هياخد 50% من الدرجة بس طبعا اذا نجح فى المادة وبغض النظر عن درجاته حتى لو جاب الدرجة النهائية
الموضوع ما زال مفتوحا
يغلق بعد امتحان الدور الثانى
تحياتى

موضوع جيد يا مستر ومعلومات قيمة ونصائح مفيدة لكن كنت اتمنى اشوف مشاركات الزملاء تحوى اراء بناءة ونقد موضوعى مش تركيز على العنوان وان الموضوع مش فى مكانه وانه تأخر

موضوع جيد يا مستر ومعلومات قيمة ونصائح مفيدة لكن كنت اتمنى اشوف مشاركات الزملاء تحوى اراء بناءة ونقد موضوعى مش تركيز على العنوان وان الموضوع مش فى مكانه وانه تأخر

شكرا يا مستر
حضرتك عارف لازم تلاقى كدا
مفيش مشكلة بالنسبة لى - انا حماسى لصاح خير ولادنا وايضا زملاءنا
ربنا يقدم الخير ان شاء الله
تحياتى لك وللجميع