ramy_ramy3411
04-07-2009, 02:31 AM
يا جماعة انا امبارح اتخانقت مع المراقبين ومدير الدور وملاحظ اللجان وخربت فى اللجنة عندى عارفين ده كله ليه انا كنت بحل فى التاريخ تمام وانا بحل كتبت كلمتين غلط رحت شطبت عليهم شافنى الملاحظ قالى ايه اللى انتا عاملة ده قولتلو غلطت فيهم وشطبتهم فيه حاجة راح ندهلى مدير الدور ومدير الدور قالى همضيك محضر شطب وجاب رئيس اللجان حت قولتلهم محدش ليه دعوة دى ورقتى وانا اعمل اللى عاوزة اشطب اقطعها ملكمش دعوة وحصلت مشكلة كبيرة ايه قرف التعليم ده على كلمتين عاوزين يمضونى محضر شطب ايه الجنان ده
Eng. A'laa Salah
04-07-2009, 10:48 AM
المحضر لو كنت شطبت سؤال كامل لو جزئيه كبيره
بس لو كلمتين مش فيها مشكله
**(elktra)**
04-07-2009, 10:53 AM
المفروض دي ورقتك انت مش ليهم دخل نهائي
الاسطورة
04-07-2009, 01:12 PM
انت ليك حق تعمل كلى اللى عايزه فى ورقة اجابتك
ولو حد من المراقبين او مدير اللجنة اعترض اديله على دماغة على طول
theotherface
04-07-2009, 02:28 PM
صراااحة ده غباء بس خلى بالك مش كل حاجة فى الورقة انت حر فيها زى مثلا مينفعش تقطع ورقة الاجابة وتمشى كده عادى او تكتب فى اماكن غير مصرح بالكتابة فيها
Bent 3bdo
04-07-2009, 11:16 PM
انا عملولى محضر ف الانجلش بردو
حاجه متخلفه بغباء يعنى
يعنى كلمه غيرت فيها حرف لا ازاى ميصحش متطبيش
يعنى اكتب الغلط واسيبوا يا ناس
احنا عندنا كل شويه بيلفوا يشوفوا كرارييس الاجابه علشان يطمنوا ان محدش شطب
لغايه ما اتخنقت
يلا هانت كلها يوم
وقت الازمة
05-07-2009, 07:51 PM
ماشي ده شطب وعارفينه احنا عندنا واحد عاوز ينزل الحمام عملوله محضر و الولا ضرب الاتنين المراقبين و نزل من غير محاضر و الله ماشية بالدراع مش اكتر بس تعرف انت لو كنت مديت ايدك كانوا احترموك اكتر
سيدرا
06-07-2009, 06:07 PM
انا بشطب كتير ومفيش حد بيقولى حاجه
الشطب مش ممنوع
Prof.Dr/A.T.M
07-07-2009, 03:17 PM
انا حصلي الموقف الغبي ده السنة اللى فاتت فى الاحياء علشان كلمتين برضو واتخانقت معاهم بس فى الاخر مضيت برضو
ramy_ramy3411
07-07-2009, 06:13 PM
عندينا واد بعد ما حل الامتحان شطب الامتحان كله خالص وبعدين سلم ورقه الاجابة وجرى وهما هيتجننو علشان يعرفوا بيتو والله انا فرحت فيهم فرحه
حلم طالبة
08-07-2009, 12:05 AM
ايه دا انا شطبت كتييير ومحدش قال لى حاجه .......... يعنى فيها ايه لو شطبت فى الورقه بالله عليكوا فهمونى
Dr/Fatma
08-07-2009, 01:32 AM
على كده لو كانوا شافونى وأنا بشطب فى الورقة كانوا رمونى من الشباك
محضر شطب
ايه محضر شطب ده !!
على كدة انا ورقى المفروض يتولع فيه
:d
The Secret
09-07-2009, 07:17 AM
دا اسمه استهبال واستعباط وقلة ادب وناس مش عندها اى احساس او ضمير
بكل بساطة عايز يوترك وميخلكش تحل كويس
ramy_ramy3411
10-07-2009, 07:42 PM
ايه اخرت المجتمع المصرى مش عارف الغباء هيوصل بينا لفيين تانى عارفين انا سمعت انو التعليم برة تجاوب حسب فهمك للسوال واى اجابه بيعتبروها صح يعنى تحل الامتحان من وجهة نظرك ومعلوماتك العامة ده فى بعض دول اوبا
Last Fantasy
10-07-2009, 08:19 PM
إنتوا واخدين الموضوع بحساسية كده ليه مضيت ممضيتش حتعدي ومفيش أي مشاكل سواء مضيت ممضتشي مفيش حد حينضر ولا انتا ولا هما
aya_egypt
11-07-2009, 07:54 PM
اية محضر الشطب دةةةةة ؟
انا اول مرة اسمع عنو مكنش على ايامنا مش عارفة
يعنى لو حد غلط فى كلمة ولا كذا كلمة يكمل عادى ومش يشطب ولية يعنى كل دة:angry2:
والله حاجة غريبة عموما ربنا يوفقك
CoMMaNdo
12-07-2009, 01:34 AM
ولا يعملو حاجه
اوعى تسكت يبنى
حاول تاخد حقك