|
مشاهدة النسخة كاملة : حد يررردددددد عليا لو سمحتم sooomaaa 04-07-2009, 01:08 PM انا عاوزة اعرف مين احسن هندسه حاسبات ولا اتصالات ولا اجهزه طبيه وهندسه عين شمس احسن ولا هندسه القاهره يعنى مزايا وعيوب كل كليه وايه مجال الشغل الى فى اتصالات او حاسبات او هندسه طبيه ايه الى شغله اكتر لو سمحتم حد يرد عليا اكون شاكره ليه جدااااااا sooomaaa 04-07-2009, 09:52 PM انتم ليه مش بتردوا Eng.Sherief 05-07-2009, 06:40 PM انا عاوزة اعرف مين احسن هندسه حاسبات ولا اتصالات ولا اجهزه طبيه مفيش حاجه اسمها احسن حاجه ايه ...كل واحده بتفرق عن التانيه فى رأيي :: بغض النظر عن حاسبات لانها مش ف الكليه عندى فمش هتطرق اليها.. اتصالات:: من احسن الاقسام لان مجالها بيتطور من لحظه للحظه طبيه::انتا المفروض بتعمل الاجهزه ولو جهاز بايظ برده شغلتك انك تصلحه ده طبعا غير مجال الابتكارات اللى ف اى قسم ..انك تعملى جها جديد ,تطورى وهندسه عين شمس احسن ولا هندسه القاهره يعنى مزايا وعيوب كل كليه ممممممممم حسب معرفتى القليله بيهم . القاهره اقسامها كتيير وأنضف اكتر بس عيبها ان اعدادى مش بتكون ف جامعه القاهره ..المفروض بتروحوا الشيخ زايد بتدرسوا هناك اما اعين شمس فاسمها بيناطح جامعه القاهره ..بس صعبه جدا ((اللى بيعدى من غير ما يدبلر بيبقى مامته دعياله)) ده غير ان القاهره اكثررنشاطا من جهه النشاطات يعنى هتلاقيها مليانه شركات وكورسات وكده وعين شمس برضه بس اعتقد هتكون اقل وايه مجال الشغل الى فى اتصالات او حاسبات او هندسه طبيه ايه الى شغله اكتر برضه مش هتطرق لحاسبات لانى مش عارف بتاخدوا ايه اساسا بس اتصالات شغلها اكتر من طبيه حاليا طبيه سوقها حلو اوى بس لسه مش انتشر ف مصر عامه خشى اللى انتى حباه..سيبك من حكايه الشغل دى .. اتصالات دلوقتى ممكن يكون شغلها اكتر بس انتى مش عارفه كمان 10 سنين ايه اللى يحصل وطبيه برضوا يعنى شوفى انتى بتحبى تدرسى الالكترونيات والكهربا والدواير الالكترونيه ولا تدرسى احياء وميكانيزم الجسم البشرى ولا بتحبى البرمحه والسوفتوير وكده يعنى لو سمحتم حد يرد عليا اكون شاكره ليه جدااااااا الشكر لله وانا مش ملم بكل المعلومات فاصبرى وشوفى حد تانى يرد عليكى ويارب مش اكون غلطت ف حاجه sooomaaa 05-07-2009, 08:26 PM بجد انا باشكرك جدا يا باشمهندس ربنا يوفقك وتعدى وتجيب تقدير من غير ماتدبلر لان شكلك كده فى عين شمس ربنا معاكم ومعانا يارب a7med_zd_4 05-07-2009, 11:20 PM هذا راى انا هندسة اتصالات وطبية و حاسبات كلهم افضل من بعض ولكن خارج مصر شغلهم قليل فى مصر. هندسة القاهرة وهندسة عين شمس الاثنين احلى من بعض ولكن انا فضل عين شمس والاخ Eng.Sherief (http://www.thanwya.com/vb/member.php?u=270353) كلامة مضبوط مية المية ونشكرة على هذة المعلومات Eng_lfc 11-09-2009, 02:37 AM انا شايف ان الحاسبات و الأتصالات علوم ثابته من 20 سنة مافيش اى جديد خالص الأجهزة الطبية يمكن يكون فيها تطور خاصة فى مصر مع العلم انا مش بالى و لاقسم من دول انا واخد قسم ممكن يشغلنى فى كذا مجال و هو الميكانيكا ممكن يشغلنى فى محطات الكهربا و الماية و مصانع السيارت و اى مصنع تانى بس ماناصحكيش بيه يا بشمهندسه لنه مش هيبقى كويس للبنات لأنه صعب و شاق و محتاج مجهود اما الحلو للبنات فعلا اللى انتى قولتيه بس و شوفى برده الوسطة اللى ليكى علشان تشتغلى و هندسة القاهرة زى عين شمس زى الهند و الصومال كلهم كليات حكومية زى بعض اما مجال الشغل هنا فى مصر بالذات تشوفى ايه اللى ليكى واسطه فيه و ادخليه لن اى شغل دلوقتى بالوسطة فلو ملكيش واسطة انسى تشتغلى Eng. Alios 11-09-2009, 03:51 AM السلام عليكم و رحمة الله و بركاته ازيك يا باشمهندسة .. . وان شاء الله تبقي باشمهندسة كبيرة كمان ... معاكي علي اعدادي عمارة في كلية الفنون الجميلة (عمارة) باسكندرية ... يعني ماليش علاقة الا اني ح ابقى مهندس معماري و فقط ان شاء الله ... بالنسبة للأقسام اللي حضرتك بتسألي عليها ... هندسة الحاسبات : طبعاً بيني و بين سيادتك , القسم ده من اجمل اقسام كلية الهندسة و من انضف اقسام كلية الهندسة فعلاً .. فكلها تكنولوجيا بحق و حقيق ... حضرتك في القسم ده بتتعلمي ازاي تصنعي قطع الهاردوير و الهاردوير المقصود بيه مكونات جهاز الكمبيوتر المادية .. زي الماوس و الكيبورد و خلافه ... طبعاً انتي هنا مش ح تصنعي ماوس , انتي ح تصنعي بروسيسور , ماذر بورد و خلافه ... طبعاً هنا القسم ده بيهتم بصيانة الكمبيوتر اكتر من برمجته ... و برمجة الكمبيوتر بيتخصص فيها خريجي كليات الحاسبات و المعلومات ... في جامعة اسكندرية بياخدوا اول 80 واحد على الدفعة و بيشغلوهم في شركات , و اول عشرة بياخدوهم في مايكروسوفت يشغلوهم .. بس شرط اساسي انهم ياخدوا كورسات برمجة لأن القسم ده مابيهتمش بالبرمجة قد ما بيهتم بالصيانة و التصنيع .. طبعاً القسم ده صراحة مبيأكلش عيش في مصر , اكل عيشه في امريكا واليابان و كده ... لان زي ما حضرتك عارفة التكنولوجيا في مصر مش تكنولوجيا , ده استهبالوجيا .... حضرتك ازاي ح تشتغلي في مصر مهندسة كمبيوتر و مفيش مصنع في مصر بيصنع بلاستيك اساساً ؟ هوا قسم ممتع و لذيذ ... لكن اكل عيشه ما اعتقدش انك ح تلاقيه هنا .... و علشان مانساش هوا بيدخل تبع قسم كهربا و اسمه كهربا الحاسبات , لان قسم هندسة الحاسبات لوحده في بعض كليات الهندسة اصبح بفلوس زي القاهرة و حلوان و الاسكندرية و عين شمس و غيرهم ... يعني اسمك هنا : مهندس كهرباء - قسم حاسبات ------ هندسة الاتصالات : طبعاً هيا اسمها كهرباء الاتصالات و هيا تبع قسم هندسة كهربا .... لان قسم هندسة الاتصالات لوحدها قسم خاص و بالفلوس و نزل بعض كليات الهندسة منها القاهرة و حلوان و الاسكندرية و عين شمس ... قسم كهرباء الاتصالات هيا مسك العصاية من النص ... لانك هنا ح تاخدي كمبيوتر و كهرباء و الكترونيات ... بس برضه الكمبيوتر مش ح يبقى كتير قد ما الكهرباء و الالكترونيات ح تبقى تقيلة .... قسم صعب حبتين .. طبعاً أكل عيشك ح يبقى محدود في نطاق شركات الاتصالات زي موبينيل و فودافون ... و في الشركة المصرية للاتصالات ... و ممكن في القرية الذكية .... بس نطاقك واسع بره مصر .... واسع قوي قوي قوي .... يعني اسمك هنا : مهندس كهرباء - قسم اتصالات ... طبعاً حكاية انه تبع قسم كهربا دي مؤكده , لان ليا اصحاب في هندسات القاهرة و عين شمس و اسكندرية و قالوا لي على موضوع انه تبع قسم كهربا مش لوحده يعني ... -------- الهندسة الطبية : قسم الهندسة الحيوية او الطبية في بعض كليات الهندسة قسم يدخل تبع التنسيق الداخلي العادي , و في البعض الآخر هوا قسم خاص و بفلوس برضه ... الهندسة الطبية مجال جديد و نظام مختلف .... بس للأسف ح تاخدي فيه احياء كتير .. بس مش بكترة الكهربا و الكمبيوتر اللي فيه ... طبعاً انتي هنا بتتعلمي ازاي تصنعي الاجهزة الطبية من الابرة للصاروخ , و ازاي تشرفي عليها و ازاي تجربيها ... و هوا برضه فيه كمبيوتر بس مش لبرمجة الاجهزة الطبية اللي انتي بتدرسيها , لان اللي بيبرمج الاجهزة دي مهندس المعلومات الطبية و ده بيبقى تبع قسم نظم المعلومات الحيوية اللي في كلية الحاسبات و المعلومات بجامعة عين شمس ... مجال شغلك ح يبقى برضه محدود في نطاق المستشفيات الخاصة و الحكومية و الاولوية للخاصة طبعاً ... و في نطاق المستوصفات و غيرها من المراكز الطبية .... بس الاحتياج لهم بيبقى في القطاع الخاص و فقط ... طبعاً لو بره مصر يكون افضل بكتييييييييييييييييييييييييييييييييييييييييييييييي ييير .... مرتبات خيالية و شغل ممتاز .... ------ الخلاصة : انا هنا مش ح اجبرك على قسم معين لكن اللي كان نفسي فيه هوا اتصالات .... بس هنا , اللي ميولك عاوزاه ح تدخليه .... يعني ميولك كمبيوتر بشغف يبقى تدخلي حاسبات , ميولك اتصالات بشغف يبقى تدخلي اتصالات , ميولك طبية و احياء يبقى ادخلي طبية ... ميولك هوا الاساس ... و اوعي تدخلي على كلام الناس او علشان خاطر ارضي الناس ... اللي يريحك في الاول و الآخر اعمليه ... و ربنا يكرمك ان شاء الله sooomaaa 11-09-2009, 05:49 PM ايه ده الموضوع ده من زمااااااااان اوى ايام ثانوى انتم جبتووووووووووه ازاى بس على كل حال ميررسى لردودوكم كلكم وخلاص طبيه بقى باى باى مش موجوده فى كليتى المصونه ومش عاوزها اصلا طالما احياء يبقى مليش فيها هاموت واعرف جبتوه ازاى الموضوع ده كان ادفن خلاص KeMoZzAzZ 11-09-2009, 06:53 PM Eng_lfc (http://www.thanwya.com/vb/member.php?u=50939) هو اللى جابه احنا مالناش دعوة يامعلمى :d وفعلا انا كنت هنتحر مش بعد اما اقنعناكى بعين شمس تيجى تسألى تانى انا اساسا كنت هتجنن اما شوفت الموضوع :d BaNZeR 11-09-2009, 07:23 PM Eng_lfc (http://www.thanwya.com/vb/member.php?u=50939) هو اللى جابه احنا مالناش دعوة يامعلمى :d وفعلا انا كنت هنتحر مش بعد اما اقنعناكى بعين شمس تيجى تسألى تانى انا اساسا كنت هتجنن اما شوفت الموضوع :d انا برده اول ما شفته قلت تاااااني :o اصل السؤال ده اتسأل ميت مرة أثناء التنسيق :d sooomaaa 11-09-2009, 09:40 PM Eng_lfc (http://www.thanwya.com/vb/member.php?u=50939) هو اللى جابه احنا مالناش دعوة يامعلمى :d وفعلا انا كنت هنتحر مش بعد اما اقنعناكى بعين شمس تيجى تسألى تانى انا اساسا كنت هتجنن اما شوفت الموضوع :d خلاص الى حصل حصل ما انا كنت زبونه بقى وما زلت يلا عين شمس فورايفر انا الى هتتجنن واعرف جابه ازاىeng\lfc ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انا برده اول ما شفته قلت تاااااني :o اصل السؤال ده اتسأل ميت مرة أثناء التنسيق براءه يا باشا مين الى سال مين مره ده Eng_lfc 12-09-2009, 10:56 AM eng_lfc (http://www.thanwya.com/vb/member.php?u=50939) هو اللى جابه احنا مالناش دعوة يامعلمى :d وفعلا انا كنت هنتحر مش بعد اما اقنعناكى بعين شمس تيجى تسألى تانى انا اساسا كنت هتجنن اما شوفت الموضوع :d ايه يا عم انت هتلبسها ليا و لا ايه براحة شةيه مش انا اللى جايبه اصلا انا حطيت مشاركة فيه كده و خلاص بس |