مشاهدة النسخة كاملة : انسان درجة تالتة


لمى 2016
04-07-2009, 05:29 PM
السلام عليكم
و لو انى كنت مكركرة شوية كركرارات
منهم انى منزلش مواضيع تانى
بس يلا مش مشكلة يعنى
الموضوع يستاهل اننا نبص له
طبعا الكل شايف عنوان التوبيك
((انسان درجة تالتة))
انا عارفة ان فيه ناس مش بتهتم بالمواضيع الانسانية النبيلة اللى زى كده
هشحت كمان شويه
المهم يعنى ان انا ناوية اتكلم عن فئة المعاقين عقليا
تعرفوهم الناس دول؟
تيجى نمسك الموضوع من الاول
اسباب حدوث الاعاقة
قبل الولادة
-عوامل جينية:
1-عوامل وراثية
2-اضطرابات كروموسومية
-عوامل غير جينية:
1-اصابة الام ببعض الامراض
2- تعاطى الام بعض العقاقير
3-حالة الام النفسية اثناء الحمل
4- تلوث الماء و الهواء
اثناء الولادة
نقص الاكسجين اثناء الولادة
صدمات او اصابات جسمية عند الولادة
بعد الولادة
اضطرابات التمثيل الغذائى
الحوادث
التسمم
امراض الدماغ زى التهاب السحايا او التهاب الدماغ
اضطرابات فيروسية
سوء تغذية
تعالو نبعد شوية عن اللغة المجمية دى بكرهها انا
تعرفوا ان فيه 3% من سكان العالم عندهم امراض نفسية
1%من سكان العالم بيبقى عندهم اكتئاب بيوصلهم للجنون
ا%فصام
1%زهايمر
بس المشكلة بقى ان الناس بتعتبر الانسان اللى عنده تخلف عقلى ده معندوش احساس او بمعنى اصح مش يعرف اذا كنا بنعانله كويس و لا لاء
بس اللى احنا مش نعرفه ان بعضهم بيحس فعلا و بيبقى عنده القدرة على التعامل
حاجة تانية ان لو شخص عنده مرض عقلى و له مال بالطبع المال ده بيتنصب عليه فيه اخواته بقى مراته و طبعا الفلوس دى مش بتتصرف على علاجه
و مش بيزوروهم تانى خالص
رغم ان احد الدكاترة قالى ان 300 من اصل 500
يقدروا يعيشوا مع اهلهم عادى جدا كل اللى ينقصهم هو النفاعل مع الناس
يعنى لو اتعودوا على حد يزورهم و يتكلم معاهم هيستجيبوا
و يعيشوا عادى
الحاجات اللى جاية دى بقى بجد
الدكتور قالى ان علاجهم بينقسم لتلات حالات
الاولى : بيخفوا خالص
التانية: بيقربوا شوية للشفاء
الثالثة : حالتهم ميؤوس منها و دول نسبة قليلة
فيه بعضهم بيعرف عدد الركعات بتاعة الصلاة و بيصلوا كمان
و كمان مش بيتلخبطوا لو غلطتهم
قولت له العصر 3 يقولك لاء المغرب هو اللى تلاتة العصر 4
و فيه منهم اللى عنده مواهب مش عندى
يعنى فيه ناس بتقول شعر (بس كله شعر غزل مش عارفة ليه؟!)
بعضهم يعرف احنا امتى و كام فى الشهر و مش يتلخبط
بس المؤسف بقى
ان اهلهم مش زاروهم فيه ناس مش شافوا اهلهم من 11 و فيه ناس من 17 سنة
و فيه ناس اصلا مش متخلفين عقليا
يعنى مثلا فيه (و ده اللى عرفته) بعض الامراض النفسية هى مش جنون بس تصنف على انها جنون
يعنى مثلا حد قتل شخص لانه افتكر انه بيغير منه
فالمحكمة قررت انه مجنون و دخل المستشفى و اخوه اخد فلوسه و بقاله 20 سنة مش جه يزوره
طيب و المطلوب؟
بصوا يا جماعة انا مش جاية اقلب عليكم مواجع و لا حاجة
الموضوع كله هو اننا لازم نغير نظرتنا ناحية الناس دول
ندور على علاج لهم سواء طبى بقى او اجتماعى كمان لو حد فى اهله حد مريض لازم يحتسبوا اجره عند الله
لان بما ان الاسلام حفظ للكل حقوقهم حتى الحيوان يبقى الانسان اولى
كمان المجتمع له دور فى علاجهم لان طالما الانسان موجود فى بيئة كويسة يبقى تطوره هيبقى افضل
لان اى انسان بيتولد نسبة ذكائه تقريبا 3%
مع الزمن بتزيد
انما بقى الرمى فى المستشفى مش هيساعده لاء ده ممكن يزود حالته سوء
لانه هيتعامل مع ناس حالتهم اسوء منه فهيتأثر بيهم
و كمان لازم نفتكر ان ممكن مرضهم ده هو يكون سبب دخولهم الجنة ان شاء الله
لان زى ما الذكاء سبب دخول ناس النار لان ممكن ذكاء شخص يدفعه للتجسس و معرفة اخبار و اسرار الناس
يعنى المرض ده ابتلاء من عند ربنا
(ان الله اذا احب قوما ابتلاهم)
عشان كده لازم كلنا نتعامل معاهم بشكل كويس و نراعيهم
لان الرسول قال (انصر اخاك ظالما او مظلوما)
لو اهله ظلموه يبقى احنا اللى ننصره لان ربنا هيحاسبنا على سكوتنا
كفاية كده عشان مبقاش طولت عليكم
هابقى ارجع اكمل مناقشة مع الردود
فى امان الله

شهدالجنة
04-07-2009, 05:41 PM
بارك الله فيكى يالمى تسلم ايدك ياقمر

بس فى حاجة فعلا احنا عايزين واقفة لدراسة مشكلة الناس دى

وعلاجها لان بدءوا يكتروا نظرا لتغير الزمن وظهور بعض الاشياء

التى قد نكون اول مرة نسمع عنها بارك الله فيكى ياحبيبتى لمىى

محمد على ابوزياد
04-07-2009, 05:56 PM
كيف نتحدث مع ذوى الاحتياجات الخاصة
الكلام الذي يخرجه الإنسان من فمه له أصول وقواعد. لا يوجد شئ يفعله الإنسان في هذه الحياة بدون أن يكون له خطوط عريضة يسير عليها لأنه لولا القواعد هذه لأصبحت حياة

الإنسان فوضي وليست بالضرورة أن تكون هذه القواعد صارمة لإن الإنسان بطبيعته متمرد يثور علي كل شئ يحبس حريته أو تصرفاته التى ينظر إليها من وجهة نظره علي أنها تصرفات سليمة. لكن في بعض الأحيان الأخرى ينبغى أن تكون ملزمة ولا نستطيع أن نوصفها بأنها صارمة وخاصة عن التعامل مع "ذوى الاحتياجات الخاصة" لأنهم أشخاص عاديين لا يمكننا وصفهم بأنهم مرضي أو أن ننظر إليهم نظرة شفقة أو إحسان، لكنى انظر بهذه النظرة إلي الأشخاص الذين يجهلون التعامل معهم


هذه خطوط إرشادية في فن التعامل مع "ذوى الاحتياجات الخاصة" فن الحديث معهم
عندما تتحدث إليه ينبغى أن توجه الحديث مباشرة بالنظر إليه حتى وإن كان يوجد شخص آخر يترجم حديثك هذا.

لا ترتبك إذا استخدمت بعض التعبيرات الشائعة عند التحدث إليه مثل "انظر" إذا كان من تتحدث إليه فاقداًً لبصره، ولا تتجنبها حتى لا تشعره بأنك تعامله معاملة خاصة.


عند تحية الشخص الفاقد لبصره كلية، ينبغى أن تعرف نفسك والأشخاص الذين يوجدون معك. وإذا كان هناك حديث جماعى، لابد وأن تنبهه باسم الذي تتحدث إليه. تحدث بنغمة صوتك الطبيعية. لابد الإشارة مقدماً عندما تتحرك من مكان لآخر أو عندما تنهى حديثك. - عندما تتحدث لشخص يجلس علي مقعد متحرك لمدة طويلة، لابد وأن تجلس علي مقعد أمامه إن أمكن ذلك لتكن أمام مستوى عينيه وهذا يسهل من الحديث معه.

لكى تجذب انتباه شخص لا يستطيع السمع جيداًً أو فاقداًً له، من الممكن أن تربت علي كتفيه برفق أو تلوح له بيدك، وعندما تتحدث إليه انظر إلي عينيه مباشرة وعليك بتفسير مخارج الألفاظ وأن تتحدث ببطء وبطبيعية، لا تتكلف في حديثك حتى تمكنه من قراءة الشفاه إذا كان ذلك بوسعه. وبالنسبة للأشخاص الذين يعتمدون علي تعبيرات الوجه ولغة الإشارات ينبغى أن تظهر اهتماماًً بموقع جسدك في أن يكون واضحاًً يواجه الإضاءة، وألا تمسك بيدك سجائر أو أطعمة ولا تشغل فمك بأى شئ عند التحدث. أن يكون الشارب منمقآ لا يكون الشعر به طويل، لا تصرخ أو ترفع صوتك، وفي بعض الأحيان الكتابة تجدى

ينبغى أن تكون منصتاًً بانتباه عندما تتحدث لشخص فاقد لسمعه لا تحاول التصحيح له لكن كن مشجعاً في إيماءاتك، وأن تكون صبوراًً علي الإنصات بدلآ من أن تتحدث. وإذا كانت هناك ضرورة لسؤال بعض الأسئلة ينبغى أن تكون قصيرة وإجاباتها بالمثل بحيث لا يستطيع الجميع فهمها أو التى تحتاج إلي الإجابة بالإيماءات أو هز الرأس تعبيراًً عن الرفض أو الموافقة. لا تحاول فهم شئ لم تستطع الوصول إليه، بدلآ من ذلك حاول أن تعيد ما فهمته لأنه من ردود فعل الشخص يمكنك استكمال ما ينقصك.


إذا وجدت صعوبة في التحاور، حاول أن تكرر السؤال مرة أخرى، واستخدام الأسئلة الأكثر شمولآ فهى بالحل الجيد أفضل بكثير من استخدام الأسئلة التى تحتاج إلي رد مقتضب مثال لنوعى الأسئلة
ما هى وظيفتك بالتحديد في شركة ----- والتى تعمل في مجال -----
سؤال مقتضب.
- أخبرنى عن مهنتك الحالية والشركة التى تعمل بها؟
- سؤال مفتوح
لا ترفع صوتك أمام الشخص الفاقد لبصره أو سمعه لأن حركة الشفاه لا تمكن من قراءتها. - ولجعل حديث الجماعة أكثر سهولة للشخص الفاقد لسمعه أو بصره ينبغى إستخدام بعض الإشارات البصرية أو السمعية لتحديد هوية من يتحدث والإشارة إلي انتقال الحديث من شخص لآخر.

صوت الامة
05-07-2009, 12:27 AM
بارك اله فيكى موضوع جميل ويستحق نقاش فعلا
اية الى بيحصل دا الموضوع كتر فعلا بطريقة كبيرة
ربنا يهدى العاصى ويشفى كل مريض يارب
شكرا ليكى على الموضوع الرائع
فى رعاية الله

MOHAMEDSHOMAN
05-07-2009, 12:32 AM
إحنا جميعاً بشر متساوون فى الحقوق...والمعاقين منا....أنا نفسى من أحسن أصدقائى معاق وأنا بحبه جداً بل وأجد فيه الطيبه والبساطه والصدق الذى نفتقده اليوم ....وعلى فكره الموضوع...جزاك الله بكل الخير...

Observer
05-07-2009, 01:39 AM
هى اختبارات من الله عزوجل

والسعيد هو من ينجح فى هذا الإختبار

ربنا ياخد بيدهم ويجازيهم خير إن شاء الله

_GUIDE_
05-07-2009, 04:19 PM
بجد موضوع رائع وجميل
فى ناس فعلا مش عايز اقوله
لكن تحسى انه بيقرفه من اصحاب الاعاقات وبيعملهم معاملة مش كويسة ابدا
انا مش بقول ان الشخص صاحب الاعاقة يعامل معاملة افضل
لكن على الاقل يتعامل بشكل طبيعى لانه فعلا كده
لكن ربنا بيكون اخد منه او اعطاه حاجة مميزة عن باقى الناس
مرة تانية بشكرك على الموضوع

eng.sabry elbrins
05-07-2009, 05:40 PM
الحمد لله انى فى هنا من يتحدث عن هؤلاء ... ربنا يبارك فيكى وجزاكى الله خيرررا

Sharp
05-07-2009, 06:58 PM
رُب ضارة نافعة

la rouse
05-07-2009, 07:52 PM
بجد ربنا يوفقك لكل خير الموضوع ده مهم جداً
وباضيف لكي ان نظرة المجتمع للاعاقة الجسدية ايضاً نظرة محزنة فمن تجده مشفق والاخر مستهزئ مع انهم وسبحان الله لديهم طموح غير عادي مثال لذلك زميل لنا في الكلية مثال للاحترام والاجتهاد دائماص مايحرجنا بعلمه وبحثه بل واثبت لنا اننا نحن المعاقين!!!

Dr.love ferdos paradise
05-07-2009, 08:02 PM
جزاكي الله خبراا
موضوع جميل فعلا
وبجد طرحتي بشكل جميل
وهو فعلا بيبقى اختبار وابتلاء من ربنا

rona99
05-07-2009, 10:12 PM
بس المشكلة بقى ان الناس بتعتبر الانسان اللى عنده تخلف عقلى ده معندوش احساس او بمعنى اصح مش يعرف اذا كنا بنعانله كويس و لا لاء
بس اللى احنا مش نعرفه ان بعضهم بيحس فعلا و بيبقى عنده القدرة على التعامل
حاجة تانية ان لو شخص عنده مرض عقلى و له مال بالطبع المال ده بيتنصب عليه فيه اخواته بقى مراته و طبعا الفلوس دى مش بتتصرف على علاجه
و مش بيزوروهم تانى خالص
رغم ان احد الدكاترة قالى ان 300 من اصل 500
يقدروا يعيشوا مع اهلهم عادى جدا كل اللى ينقصهم هو النفاعل مع الناس
يعنى لو اتعودوا على حد يزورهم و يتكلم معاهم هيستجيبوا
و يعيشوا عادى
الحاجات اللى جاية دى بقى بجد
الدكتور قالى ان علاجهم بينقسم لتلات حالات
الاولى : بيخفوا خالص
التانية: بيقربوا شوية للشفاء
الثالثة : حالتهم ميؤوس منها و دول نسبة قليلة
فيه بعضهم بيعرف عدد الركعات بتاعة الصلاة و بيصلوا كمان
و كمان مش بيتلخبطوا لو غلطتهم
قولت له العصر 3 يقولك لاء المغرب هو اللى تلاتة العصر 4
و فيه منهم اللى عنده مواهب مش عندى
يعنى فيه ناس بتقول شعر (بس كله شعر غزل مش عارفة ليه؟!)
بعضهم يعرف احنا امتى و كام فى الشهر و مش يتلخبط
بس المؤسف بقى
ان اهلهم مش زاروهم فيه ناس مش شافوا اهلهم من 11 و فيه ناس من 17 سنة
و فيه ناس اصلا مش متخلفين عقليا
يعنى مثلا فيه (و ده اللى عرفته) بعض الامراض النفسية هى مش جنون بس تصنف على انها جنون
يعنى مثلا حد قتل شخص لانه افتكر انه بيغير منه
فالمحكمة قررت انه مجنون و دخل المستشفى و اخوه اخد فلوسه و بقاله 20 سنة مش جه يزوره
طيب و المطلوب؟
بصوا يا جماعة انا مش جاية اقلب عليكم مواجع و لا حاجة
الموضوع كله هو اننا لازم نغير نظرتنا ناحية الناس دول
ندور على علاج لهم سواء طبى بقى او اجتماعى كمان لو حد فى اهله حد مريض لازم يحتسبوا اجره عند الله
لان بما ان الاسلام حفظ للكل حقوقهم حتى الحيوان يبقى الانسان اولى
كمان المجتمع له دور فى علاجهم لان طالما الانسان موجود فى بيئة كويسة يبقى تطوره هيبقى افضل
لان اى انسان بيتولد نسبة ذكائه تقريبا 3%
مع الزمن بتزيد
انما بقى الرمى فى المستشفى مش هيساعده لاء ده ممكن يزود حالته سوء
لانه هيتعامل مع ناس حالتهم اسوء منه فهيتأثر بيهم
و كمان لازم نفتكر ان ممكن مرضهم ده هو يكون سبب دخولهم الجنة ان شاء الله
لان زى ما الذكاء سبب دخول ناس النار لان ممكن ذكاء شخص يدفعه للتجسس و معرفة اخبار و اسرار الناس
يعنى المرض ده ابتلاء من عند ربنا
(ان الله اذا احب قوما ابتلاهم)
عشان كده لازم كلنا نتعامل معاهم بشكل كويس و نراعيهم
لان الرسول قال (انصر اخاك ظالما او مظلوما)
لو اهله ظلموه يبقى احنا اللى ننصره لان ربنا هيحاسبنا على سكوتنا
كفاية كده عشان مبقاش طولت عليكم
هابقى ارجع اكمل مناقشة مع الردود
فى امان الله

http://www.g-ksa.net/vb/Picture/80.gif (http://www.g-ksa.net/vb/Picture/80.gif)
بجد فعلاً موضوع جميل جداً
بجد لازم أن يوجد وقفة لمساعدتهم
لأننا بالفعل متساويين فى الحقوق
http://www.g-ksa.net/vb/Picture/80.gif (http://www.g-ksa.net/vb/Picture/80.gif)
http://www.abuaseel.net/dam3at_7ozn/ekccwarat/jzakalah.gif

سيف عبد العظيم
06-07-2009, 08:36 PM
شوفى يا لمى

اسمعى الايه دى جيدا ؟
بسم الله الرحمن الرحيم احسبتم انا خلقناكم عبسا صدق الله العظيم
باااااااااااارك الله فيكى وجعلكى اللهم من اكرم الاكرمين
تقبلى مرورى

mohamadelhawary
08-07-2009, 12:46 PM
السلام عليكم و رحمه الله و بركاته

و تقبلى مرورى
موضوع جميل جداً جزاكِ الله خيراً فعلاً كثير من الناس بتنظر للإعاقه الزهنيه خطأ و برده مشكله الثقافه و المعرفه بذوى الإحتياجات الخاصه مش موجوده
كنت عايز أوضح بس ربما يحصل لبس عند بعض الناس
المعاق ذهنياً هو شخص نضجه العقلى بطئ جداً و ده بيفرض أسلوب خاص فى التعامل معاه و على فكره الرعايه الطبيه ضروريه له فى أى مستشفى و المشكله مش أنه يتعامل مع من مثله المشكله أهمال العلاج العلاج ضرورى جداً و بتنصب نحو تنميه قدراته الزهنيه حتى نسارع من نضجه(و ده على فكره الفرق بين العباقره و متوسطى الذكاء غالباً نجد العباقره تعرضوه منذ مرحله الطفوله لمهارات تسارع من نضجهم مثل العمليات الحسابيه اللى بتدربوا عليها مبكراً و فى مهارات خطيره ممكن تجعله بعد فتره يستطيع أن يقرأ صفحه كامله خلال ثانيتين)
المرض النفسى مثل الإكتأب ده شئ آخر و كلنا عرضه للمرض النفسى يعنى كثير منا يتعرض للإكتأب التفاعلى نتيجه لضغوط الحياه
شكراً لكى يا لمى
http://www.samysoft.net/forumim/shokr/1/868686.gif

محمد الهوارى