مشاهدة النسخة كاملة : هل انت ممن يقولولن وانا مالى؟؟؟؟
شهدالجنة 04-07-2009, 10:49 PM السلام عليكم ورحمة الله
اليكم هذا الموضوع الذى قدشغل بالى كثيرا
بس سامحونى لازم اكتبة باللغة العامية عشان
دى مشاهد يومية بنشوفها كل يوم وبنقول ياعم
سيبك وانا مالى؟ :confused:
زى راجل اعمى عجوز مش عارف يعدى الشارع كدة
ويعدى من جنبه ميت شاب ويقولك ياعم وانا مالى؟
طيب ياترى لو لقدر الله دة ابوك او جدك برضه هتسيبة
كدة وتقول وانا مالى ياعم سيبك هو مفيش غيرى؟
لما تلاقى بنت فى الشارع بتتعاكس فى الشارع
وانت شاب وربنا مديك صحة وتقول وانا مالى ياعم؟
طيب هل دى لو اختك او قريبتك برضه هتقول وانا مالى؟:redface:
لما تلاقى ام واقفة ع طابور العيش مش عارفة تشترى
من الزحمة اللى حواليها ومحدش قادر يساعدها
برضه هتمشى وتسيبها وتقول وانا مالى؟
دى بس مواقف بسيطة جدا من حياتنا اللى احنا فيها
اللى بقى كل واحد مش بيهمة غير نفسه وبس
الامن رحم ربه ...
طيب هتقولوا والعلاج ايه ياشهد
هقولكم......
العلاج بكل بساطة حط نفسك فى الموقف دوت
هل هتقدر تنفزة بدون مساعدة من اى حد
لازم نغير من انفسنا شويه لازم نحس بروح
التعاون اللى كانت موجودة زمان بين الناس الخوف
على بعضينا وحبنا لبعض ان محدش يقدر يقول
كلمة زى دى وهو شايف اخوه المسلم محتاجه
لازم يساعده
واخيرا.....
كما تدين تدان؟
فكر فيها كويس جدا
بقلم شهد الجنة
براءة 04-07-2009, 10:56 PM سلمت يمنتاكِ
فى ناس كده فعلا كتير بس بامانة دى دليل على ان مفيش عند الناس دى احساس
غالبا دى ناس مصالحها هى اللى بتحركها بس
ربنا يهديهم يا شهد ويهدينا احنا كمااان
شهدالجنة 04-07-2009, 11:03 PM بارك الله فيكى يابراءة ياحبيبتى
وشكرا لردك الجميل
محمد على ابوزياد 04-07-2009, 11:28 PM بالعامية
انا مش باقول وانا مالى
وبأكون ايجابى
ومشارك
ولكن بتجيب لى مشاكل كثيرة
مع انها والله فى الخير
مش تدخل فيما لايعنينى
ودمتى اختى الكريمة شهد الجنة على الموضوع الجميل دة
MOHAMEDSHOMAN 04-07-2009, 11:32 PM إختصاراً لكلامك ياشهد الجنه لو رجعنا لكتاب الله وسنه رسوله صلى الله عليه وسلم لأصبحنا أعظم أخرجت للناس فى كل المجالات وسيصبح التعاون صفه من صفاتنا....وجزاك الله خيراً على الموضوع...
amr_2010 04-07-2009, 11:33 PM انا مقدرش اقول انا مالي في المواقف دي لانها مواقف صعبه وانا مريت بيها
بس انا لو في مواقف زي دي وحد قال انا مالي ؟ يبقا انا لازم اقول انا مالي انا كمان في اي موقف للانسان ده
بصي يا شهد انتي معاكي حق في المواقف دي ان محدش ينفع يقول انا مالي في حاجات زي دي
بس فيه مواقف لازم تقول فيها انا مالي
انا كنت ديما بقول يا عيني ويا حرام ومكنتش بقول انا مالي لحد مالقيت ان الي كنت بقول عليهم كده ميستهلوش
وبقيت أأمن بمثل الي يصعب عليك يفقرك
شهدالجنة 04-07-2009, 11:33 PM بارك الله فيك ودة شىء كويس جدا
وياريت الناس كلها زي حضرتك ايجابيين وشكرا
للمرور الرائع
صوت الامة 05-07-2009, 12:21 AM وانا مالى مش رادد
هههههههههههههههه
لا بجد الظاهرة دى انتشرت كتير جداااااا
يعنى مثلا فى الامتحانات يا استاذ سيب الواد يغش
يقولى وانا مالى شوفتى والنبى يسيب الواد كدا من غير ما يغش
كدا الواد يسقط (وانا مالى )
ههههههههههههههههههههه
حاجة تجنن
لا بجد الموضوع دا منتشر بطريقة كبيرة
واية السبب مش عارف يا ترى دا جبن مثلا ولا اية
لية الحكاية دى انتشرت بالشكل دا
ربنا يهدى شبابنا شباب الاسلام
انتى عارفة ا نا صعبان عليا الواد الى حيسقط دا
((وانا مالى ))
غلس غلس يعنى
بارك الله فيكى يا شهد
ودايما مواضيع جميلة
وفى تقدم ما شاء الله
ححسد تانى:d
شهدالجنة 05-07-2009, 01:10 AM [quote=MOHAMEDSHOMAN;1380485]إختصاراً لكلامك ياشهد الجنه لو رجعنا لكتاب الله وسنه رسوله صلى الله عليه وسلم لأصبحنا أعظم أخرجت للناس فى كل المجالات وسيصبح التعاون صفه من صفاتنا....وجزاك الله خيراً على الموضوع...[/quot
بارك الله فيك دة طبعا وارد جدا ان اول شىء لازم نرجع
ليه هو كتاب الله والسنة بس ايه رايك فى شيخ بيقول وانامالى؟
لالالا المقياس ان كل واحد يحط نفسه مكان الانسان ده ويحس بيه وشكرا
لمرورك فى الموضوع بارك الله فيك
شهدالجنة 05-07-2009, 01:15 AM انا مقدرش اقول انا مالي في المواقف دي لانها مواقف صعبه وانا مريت بيها
بس انا لو في مواقف زي دي وحد قال انا مالي ؟ يبقا انا لازم اقول انا مالي انا كمان في اي موقف للانسان ده
بصي يا شهد انتي معاكي حق في المواقف دي ان محدش ينفع يقول انا مالي في حاجات زي دي
بس فيه مواقف لازم تقول فيها انا مالي
انا كنت ديما بقول يا عيني ويا حرام ومكنتش بقول انا مالي لحد مالقيت ان الي كنت بقول عليهم كده ميستهلوش
وبقيت أأمن بمثل الي يصعب عليك يفقرك
لالالالا مع احترامى ليك ياعمر لو حاسس نفسك
انك بتعمل حاجة غلط كنت رجعت فيها لاكن انت صح
فلابد انك ترجع تانى ياعمر نصيحة من اختك شهد
شهدالجنة 05-07-2009, 01:18 AM وانا مالى مش رادد
ياسلام اوك براحتك
هههههههههههههههه
لا بجد الظاهرة دى انتشرت كتير جداااااا
يعنى مثلا فى الامتحانات يا استاذ سيب الواد يغش
يقولى وانا مالى شوفتى والنبى يسيب الواد كدا من غير ما يغش
كدا الواد يسقط (وانا مالى )
لالالالا مش دة المقصود ركز شويه
ههههههههههههههههههههه
حاجة تجنن
لا بجد الموضوع دا منتشر بطريقة كبيرة
واية السبب مش عارف يا ترى دا جبن مثلا ولا اية
لية الحكاية دى انتشرت بالشكل دا
ربنا يهدى شبابنا شباب الاسلام
انتى عارفة ا نا صعبان عليا الواد الى حيسقط دا
هو الواد دة تبعك يعنى؟؟؟
((وانا مالى ))
غلس غلس يعنى
بارك الله فيكى يا شهد
ودايما مواضيع جميلة
وفى تقدم ما شاء الله
ححسد تانى:d
ربنا يكرمك ياااااااااااارب ياصوت الامة ودايما منورنى كدة
فى مواضيعى بجد
prof.ahmed4d 05-07-2009, 01:22 AM اعتقد دى الاقلية
بالنسبالى انا لازم اعمل كدة ومش بعمل غير كدة طالما انا قادر على كدة
بس للاسف في ناس بشوفهم فعلا بندم جدا ان وصل بيهم الجراة انهم حد يعدى جمبيهم لا يرى او لا يستطيع المشي وهما قاعدين يسمعوا اغانى على الموبايل والكلام الفارغ ده
ربنا يتولانا برحمته
اشكرك على التوبيك الرائع
في رعاية الله
Observer 05-07-2009, 01:24 AM على فكرة الأنانية وكلمة وأنا مالى أكتر حاجة رجعتنا ورا
مش على المستوى الدينى بس ، لكن على جميع المستويات
بس برضه ساعات التدخل فى خصوصيات الناس بيكون شئ مش لطيف وساعات مؤذى !!
وطبعاً من حسن إسلام المرء تركه ما لا يعنيه ..
أهم شئ هو مد يد المساعدة للآخرين فى وقت الحاجة
وشكراً ...
yomna1993 05-07-2009, 01:29 AM جزاكي الله خير يا شهد على الرؤية الجميله دي
المساعدة باي انواعها جميله جدا
بس انا هقولك, في ناس كتير بتخاف دلوقتي بالذات
لان بكل وضوح دلوقتي النصابين بقت تستغل عطف الناس و مشاعرهم
يعني بصي عشان مطولش واحدة صحبتي لاقت ست عجوزة كانت قاعدة على رصيف ف الشارع و بتقولها معلش يا حبيبتي قوميني عشان مش قادره و فعلا هي كانت عجوزة .. فراحت تقومها لاقتها جايه بتقرب منديل الله اعلم في حاجة ولا ايه على وشها ..و اكتر من كده
فيمكن الناس مبتثقش في اي حد دلوقتي عشان كده
معلش طولت عليكوا
ربنا يرحمنا
Bent 3bdo 05-07-2009, 01:35 AM انا بيتهيقلى انا اللى اخترعت الكلمه دى اصلا
بجد انا سلبيه جدا ف كل حاجه
ماما عايزة تشترى حاجه ايه رأيك دى ولا دى؟ وانا مالى
تاكلوا ايه الناهرده؟ وانا مالى
وم ده كتير مع الكل
او معرفش
لاى حد يسألأنى معرفش
ربنا حب يعاقبنى بقى
امتحان العربى كله ما رأيك ؟
للاسف معرفتش اكتب وانا مالى
شهدالجنة 05-07-2009, 01:59 AM اعتقد دى الاقلية
بالنسبالى انا لازم اعمل كدة ومش بعمل غير كدة طالما انا قادر على كدة
طيب كويس جدااااا مبدء حلو
بس للاسف في ناس بشوفهم فعلا بندم جدا ان وصل بيهم الجراة انهم حد يعدى جمبيهم لا يرى او لا يستطيع المشي وهما قاعدين يسمعوا اغانى على الموبايل والكلام الفارغ ده
طبعا هو دة اللى ااقصدة
ربنا يتولانا برحمته
اشكرك على التوبيك الرائع
بارك الله فيك ودة من زوقك
في رعاية الله
دمت انت فى رعاية الله
شهدالجنة 05-07-2009, 02:03 AM على فكرة الأنانية وكلمة وأنا مالى أكتر حاجة رجعتنا ورا
مش على المستوى الدينى
فعلا دى نقطة مهمة جدا جزاك الله خير لاضافتها
بس ، لكن على جميع المستويات
بس برضه ساعات التدخل فى خصوصيات الناس بيكون شئ مش لطيف وساعات مؤذى !!
وطبعاً من حسن إسلام المرء تركه ما لا يعنيه ..
صح بس لما تشوف واحد محتاج حد يساعده ده مش تتدخل دى شعور واحساس
أهم شئ هو مد يد المساعدة للآخرين فى وقت الحاجة
وشكراً ...
بارك الله فيك ودمت فى رعاية الله
أريــــ الجنة ــــد 05-07-2009, 02:04 AM موضوعك زي مواضيعك كلها
حاجة مش جديدة عليكي
بجد موضوع رائع
شهدالجنة 05-07-2009, 02:07 AM جزاكي الله خير يا شهد على الرؤية الجميله دي
بارك الله فيكى ياحبيبتى يمنى
المساعدة باي انواعها جميله جدا
بس انا هقولك, في ناس كتير بتخاف دلوقتي بالذات
لان بكل وضوح دلوقتي النصابين بقت تستغل عطف الناس و مشاعرهم
فعلا عندك حق بس الواحد بيمشى بالنية والرجل الاعمى
اظن انه مش بيعمل لحد حاجة
يعني بصي عشان مطولش واحدة صحبتي لاقت ست عجوزة كانت قاعدة على رصيف ف الشارع و بتقولها معلش يا حبيبتي قوميني عشان مش قادره و فعلا هي كانت عجوزة .. فراحت تقومها لاقتها جايه بتقرب منديل الله اعلم في حاجة ولا ايه على وشها ..و اكتر من كده
ياخبر ابيض لالالا لازم الواحد يحرز ويتاكد الاول طبعا
فيمكن الناس مبتثقش في اي حد دلوقتي عشان كده
معلش طولت عليكوا
لا طبعا الموضوع موضوعك ههههههه
ربنا يرحمنا
يارب بارك الله فيكى ياحبيبة قلبى
شهدالجنة 05-07-2009, 02:12 AM انا بيتهيقلى انا اللى اخترعت الكلمه دى اصلا
لالالا متقوليش كدة انتى مقتنعة بكدة بس انتى غير كدة
بجد انا سلبيه جدا ف كل حاجه
ماما عايزة تشترى حاجه ايه رأيك دى ولا دى؟ وانا مالى
تاكلوا ايه الناهرده؟ وانا مالى
وم ده كتير مع الكل
او معرفش
لاى حد يسألأنى معرفش
ليه اتعودى تشاركى الراى
ربنا حب يعاقبنى بقى
امتحان العربى كله ما رأيك ؟
للاسف معرفتش اكتب وانا مالى
لالالالا بلاش تكونى متشائمة اوى كدة ياحبيبتى وغيرى من حياتك وجدديها
بصى لتوقيعك دقايق يانغم حلو اوى بجد بس بصى فيه تانى
اعمل باللى مكتوب فيه هتعيشى احلى حياه لازم تكونى شخصيتك
من دلوقتى عشان لما تكبرى يكون ليكى رايك
بوركتى حبيبة قلبى
شهدالجنة 05-07-2009, 02:13 AM موضوعك زي مواضيعك كلها
حاجة مش جديدة عليكي
بجد موضوع رائع
بارك الله فيكى ياحبيبت قلبى اريد الجنة
دة بس من زوقك وعيونك الحلوة
BaNZeR 05-07-2009, 02:15 AM البركة بالشباب
انا نفسي اكره إني اشوف منظر زي كده واقول انا مالي
JASSY 05-07-2009, 02:19 AM بجد يا شهد عندك حق ...... مواقف كلها مستفزة والله...
واكتر موقف بجد مستفز لما بنت تتعاكس مثلا وتبقى فرجة للشارع كله ولا حد بيتحرك لا دول بيعاكسوا معاه عادي ما هي
هيصة.....
شكرااا يا شهد على موضوعك الجميل وجزاك الله خيرا
شهدالجنة 05-07-2009, 02:26 AM البركة بالشباب
انا نفسي اكره إني اشوف منظر زي كده واقول انا مالي
ليه كدة بس حضرتك كدة نموزج مشرف جدا
واحنا مش عاوزين غير رضا ربنا سبحانه وتعالى
استمر فانت ع الطريق الصحيح شكرا ع مرورك الجميل
شهدالجنة 05-07-2009, 02:29 AM بجد يا شهد عندك حق ...... مواقف كلها مستفزة والله...
واكتر موقف بجد مستفز لما بنت تتعاكس مثلا وتبقى فرجة للشارع كله ولا حد بيتحرك لا دول بيعاكسوا معاه عادي ما هي
فعلا والله ياجيسى انا شفتها بعينى بجد حاجة مستفزة جدا
هيصة.....
شكرااا يا شهد على موضوعك الجميل وجزاك الله خيرا
وجزاكى حبيبت قلبى جيسى ودايما منورانى كدة
fictional.girl 05-07-2009, 04:25 PM فعلا والله معكي حق
بس برده مش كل الناس كده
يعني لسه برده الدنيا بخير
الي حد ما يعني
شكرا ع الموضوع
شهدالجنة 05-07-2009, 05:28 PM بارك الله فيكى ياقمرى ع المرور
وفعلا الدنيا لسة بخير بس فين الخير؟
شكرا لمرورك الكبير
eng.sabry elbrins 05-07-2009, 05:35 PM مووووووووووضو ع جميل ربنا يبارك فيكى بس احب اقووووووووول وانا مالى
شهدالجنة 05-07-2009, 06:09 PM شكرا لمرورك ودى حرية شخصية
eng.sabry elbrins 05-07-2009, 08:53 PM شكرا لمرورك ودى حرية شخصية
طبعاااا انا مالى ديه كلمه وحشه جداااااااا بس انا حبيت اكتبها لانى اول مرة بجد اقولها.. :022yb4:
شهدالجنة 06-07-2009, 12:03 AM دة العشم طبعا
بارك الله فيك وشكرا للمرور
|