The_Relativistic200
02-09-2006, 12:06 PM
السلام عليكم ورحمة الله وبركاته
السؤال لاول: لماذا يتفوق الطلبة فى الثانوية بهذه الطريقة و يفشلوا فى كلياتهم؟
السؤال الثانى: ليه تقديرات اللى داخلين طب وهندسة مثلا على الحروكروك اعلى من اللى داخلين
الكلية اساسا بدرجات عالية؟
بجد عاوزين نعرف
سؤال تانى لاخونا حبايبنا
عن
ايه اكثر كلمة بتعقدك انت يا طالب يا جامعى
ايوه انت مش تتنح قدامى كده
ايه
انت يا عم انت
مش عاوز تقول
طيب
انا اقول وتقوللى انت ليه
ماشى
الكلمة التى يتعقد منها كل شاب هى
الجيش
ليه بقى يا جماعة
اعوزين نعرف من ذوى الخبرة :P ;)
مشاركة واحدة
02-09-2006, 01:03 PM
لأن الثانوية العامة التصحيح فيها بطاطس بينما في الجامعة أكثر انضباطا
الثاني : لأن الأمواس أول مرة يعيشوا حياة الإنفتاح ويبعدوا عن الكتاب فبتبقى مذاكرتهم أقل على عكس الحركرك اللي متعودين على الصياعة
على ما أظن يعني
FRANKENSTEIN
02-09-2006, 01:08 PM
مش لازم انا اعرف ناس كانوا متفوقين ف الثانويه وبرضه متفوقين جدا وبيحصلوا ع تقدير امتياز ف كليات الطب اللي هما فيها
والثانويه العامه طبعا كله بيكون بيجتهد وبيذاكر اوي
اما الكليات فبيكونوا لسه مخلصين ثانويه وعاوزين يشموا نفسهم
The_Relativistic200
02-09-2006, 07:51 PM
يا جدعان انا مش بتفزلك
بجد ليه :unsure:
جميله
02-09-2006, 08:04 PM
هقولك ليه :
انا اصحابي اللي دخلوا هندسه وصيدله وطب فاهمين انهم وصلوا لأخر المشوار
ومش هيتعبوا بعد كده ويقولوا مثلا :
اهو انا دخلت الكليه اهوه قعدت 5 سنين ولا50 مش فارقه
المهم اني دخلتها
يعني انا ليه اصحاب بنات اكبر مني بسنه ودخلوا كليات القمه
في ثانوي كانت اي واحده عمرها ما قلعت النضاره
وبتلبس نفس الطقم بالشهر ما تقلعوش
وافتكر كانت بتنام بيه علشان معندهاش وقت
دخلوا الجامعه وقالعوا النضارات وركبوا لانسيس وبقوا حاجه تانيه
واخر شياكه
ولا تسأل عن المذاكره ؟؟؟؟؟؟؟؟؟ المهم انهم دخلوا الكليه اللي عايزينها وخلاص
وطبعا شالوا مواد بس ولا هما هنا ومفيش اي مشاكل خالص
رغم انهم ايام ثانويه عامه لما كانت واحده بتنقص درجه في امتحان في الدروس
كانت تمشي تصرخ في الشارع
عرفت بقى ليه ؟؟؟؟؟؟؟؟؟؟؟؟؟؟؟
Miss_CaR!zma
02-09-2006, 08:06 PM
الطالب اللى بيبقى شادد على نفسه اوى فى ثانوى
بيروح كليه يتفسح ويقول الكليه سهله وانا شاطر وهجيب تقدير
طبعا انا اعرف ان الامتحانات بتيجى جامده وخاصه فى كليه الطب
اللى داخل على الآخر ده زى ما انت بتقول بيبقى داخل وعايز يدرس فعلا ليه علشان يوصل لمستوى احسن ويجيب تقديرات كويسه
واعتقد ان الحكايه كلها بتبقى من جواك انت
يعنى انت فى الكليه مسؤل مسئوليه كامله عن نفسك
بارادتك تنجح او العكس
فى الثانوى مش تنسى الاهل يا خالد
انا شخصيا ممكن تقول احيانا يعنى احيانا بيتقفل عليا اودتى فاكيد هذاكر لان ده الطبيعى
بس
ده رايى
The_Relativistic200
11-09-2006, 06:01 AM
ممممممممممممممممم
واضحة وجهة النظر الحقيقة
طيب فى سؤال تانى
هعمل تحرير بقى
واقوله
مغترب وبس
11-09-2006, 11:04 AM
مش شرط كل الي بيجيبو درجات عالية بيفشلو في الكلية
هو فيه ناس كتير فعلا كده والسبب في رايي
اولا هما داخلين في مجال تاني مختلف تمام عن المدرسة
فعقبال ما يتأقلم ده عاوز وقت وكل واحد بقة وحسب الوقت الي ياخدو
فيهم الي هيتأقلم بعد شهر وفيهم الي هيتأقلم بعد سنتين تلاتة وفي الي مش هيتأقلم في سنتو ( خالص يعني ) ده السبب في رأيي وطبعا الي عاوز يزاكر هيزاكر والي عاوز يلعب هيلعب وكلو في ميزان حسناتك او سيئاتك يا عم...... :D
msamido
11-09-2006, 01:10 PM
<div class='quotetop'>إقتباس(خالدالجن @ Sep 2 2006, 01:06 PM) 208572</div>
السلام عليكم ورحمة الله وبركاته
السؤال لاول: لماذا يتفوق الطلبة فى الثانوية بهذه الطريقة و يفشلوا فى كلياتهم؟
التفوق في الثانوية العامة طبيعي
لازم تتفوق لانك عارف ايه منهجك كم محدد معروف انت بتدرس ايه والامتحان بيجي ازاي ده غير بقي الدروس الخصوصية والتوقعات المرئية باختصار الثانوية العامة نسخه تتكرر كل عام مع بعض الاختلافات البسيطه
ده سبب
السبب التاني بقي ان الطالب في الثانوية العامة بعد ما اخد كمية أفلام رعب عن الثانوية العامه اصبح في دماغه ان الثانوية العامة هي " البعبع " وأصبحت هي كل المستقبل بالنسبه له وأصبح المجموع فيها غاية اكثر منه وسيلة لدخول الكلية وتخطي مرحلة من التعليم لدخول مرحلة تانيه فالطالب بيبذل أقصي مجهود ممكن علشان يحقق أعلي مجموع مش مهم بقي هو هيدخل كلية بيحبها ولا لأ المهم انه يدخل أعلي كلية يقدر يوصلها بالمجموع بتاعه
دول سببين وفي اسباب تانيه كتير
بس في حاجه بقي مش شرط كل اللي الناس فاشله في كلياتهم لا لكن خلينا نتكلم علي اللي نجحوا باعلي تقديرات في ثانوية عامة وفشلوا للاسف في الكليات
اولا الناس بتدور علي اعلي كلية ممكن توصلها وخلاص علشان تفتخر بالشهادة لكن هما بيحبوا المجال ولا لأ مش مشكله مش فارقه اصل النتيجه واحد شهادة وهتقعد في البيت او هتشتغل في حاجه تانيه خالص يبقي ايه الفرق غير انك هتبقي معاك شهادة من كليات القمة تفتخر بيها وخلاص
ده تفكير بعض الناس وليهم حق فيه لكن مش صح
ثانيا اختلاف تام في اسلوب الدراسه في الثانوية وفي الجامعة
ثالثا تخلف وغباء واستهبال وعبط وقول زي ما تقول من بعض الدكاتره في بعض الكليات بسبب الكم المهول من الطلبة
رابعا التفوق في الثانوية العامة بيعتمد تماما علي القدرة علي الحفظ يعني تقدر تحفظ كويس هتجيب اعلي مجموع اما في بعض الكليات النظام بيختلف شويه مش كله حفظ وشويه حاجات بتفضل تملا بيهم دماغك علشان تيجي ترجعهم علي ورقة الامتحان في أخر السنه وتطلع بعد اللجنة انضف من الصيني بعد غسيله
لكن السؤال المهم بقي يا خالد ايه اللي وصل الحال لكده ؟؟؟
والسؤال الاهم ايه الحل ؟؟؟
لو عندك اجابة للسؤالين دول ياريت والله
السؤال الثانى: ليه تقديرات اللى داخلين طب وهندسة مثلا على الحروكروك اعلى من اللى داخلين
الكلية اساسا بدرجات عالية؟
الموضوع مش كده يا خالد الموضوع ان كل الطلبة اللي عندها أمل ولو ضعيف بتكتب في الرغبات اول حاجه هندسه وطب فتيجي الكلية علشان هي عايزه عدد معين تشوف اعلي الدرجات فتيجي بقي علي ورق المتقدمين وتبدأ تاخد الأعلي بالأعلي حتي تكتفي ولان كل الدرجات العالية متقاربة أصلا فتلاقي انها يدوب تكفي لدخولك الكلية لان الكلية هي اللي حددت انك واحد من الناس اللي ممكن يدخلوها
مش عارف اوصل اللي في دماغي ازاي بس يارب يكون وصل منه حاجه
بجد عاوزين نعرف
سؤال تانى لاخونا حبايبنا
عن
ايه اكثر كلمة بتعقدك انت يا طالب يا جامعى
ايوه انت مش تتنح قدامى كده
ايه
انت يا عم انت
مش عاوز تقول
طيب
انا اقول وتقوللى انت ليه
ماشى
الكلمة التى يتعقد منها كل شاب هى
الجيش
ليه بقى يا جماعة
اعوزين نعرف من ذوى الخبرة :P ;)
ليه بقي الجيش كلمة بتعقد كل طلبة الجامعة وعلي الادق كل خريجي طلبة الجامعة ؟؟
انا هتكلم عن نفسي كخريج مستني الجيش ومتعقد من الكلمة دي اصلا
اولا يا سيدي انا خريج حاسبات ومعلومات يعني معايا بكالوريوس تكنولوجيا معلومات ومجال شغلي في البرمجة والشبكات ودي حاجات عايزه ممارسه مستمرة لانك لو بطلت مثلا تتعامل مع لغة البرمجة شهر واحد هتلاقي نفسك نسيت كل ال " keywords & syntaxes " بتاعة لغة البرمجة فلو سيادتك بقي دخلت جيش علي الاقل سنه او 3 زي ما هو متوقع وزي الناس اللي سبقوني ما اترشحوا يبقي الحمد لله مستقبلك ضاع وعايز تخلص الجيش وتطلع تقعد علي الاقل سنه تذاكر من جديد
ده سبب تاني سبب اني لو دورت علي شغل دلوقتي ان شاء الله هلاقي لان مجالي مفتوح شويه لكن للاسف كل حاجه متوقفه علي شهادة الجيش ودي حاجه تانيه تعقد من الكلمة دي
كلاااااااااااااااااااااام كتير بس كفاية كده المهم ان دي حالة خاصه قس علي ذلك بالنسبه لباقي الخريجين هتعرف ليه الناس متعقدة من الحكاية دي
[/b]
شكرا يا خالد للموضوع ويارب اكون وصلت وجهة نظري .
.