التعاقد مع 5 آلاف و500 مدرس
بالمعاهد الأزهرية أول أغسطس
كتب حسام حسين:
أكد ياسين الشيخ رئيس الإدارة المركزية لشئون العاملين والافراد بمشيخة الأزهر ان المناطق التعليمية الأزهرية سوف تبدأ التعاقد مع 5 آلاف و500 مدرس ومحفظ قرآن لا مركزيا للعمل بالمعاهد الدينية لسد العجز في مختلف التخصصات بما يساهم في النهوض بالتعليم الأزهري.
قال ياسين في تصريحات خاصة ل "المساء": إن هؤلاء المتعاقدين الجدد تم اختيارهم بشفافية من بين المتقدمين للمسابقة وكانت الأولوية للمؤهل والتقدير الأعلي واقدمية التخرج.
أضاف أن المتعاقدين بالمعاهد الأزهرية يتمتعون بنفس المزايا المالية والادبية للمعينين.
جريدة المساء الاثنين 6/7/2009

أضاف أن المتعاقدين بالمعاهد الأزهرية يتمتعون بنفس المزايا المالية والادبية للمعينين.

جملة مكررة مع ان الواقع بيقول غير كده
مثلا المعينين يقبضون الكادر هذه الايام والمتعاقدون يتفرجون!!
المعين يعرف ياخد اجازة المتعاقد لا

[quote=esawi;1388806]أضاف أن المتعاقدين بالمعاهد الأزهرية يتمتعون بنفس المزايا المالية والادبية للمعينين.

جملة مكررة مع ان الواقع بيقول غير كده
مثلا المعينين يقبضون الكادر هذه الايام والمتعاقدون يتفرجون!!
المعين يعرف ياخد اجازة المتعاقد لا

يااستاذ عيسوى واحده واحده ان شاء الله سوف تمتحنون الكادر وسوف يتم الصرف ولماذا لاياخذ المتعاقد اجازه لك اجازات مثل الاساسى فى الاعتيادى والعارضه وبالنسبه للمراه اجازه وضع وولاده ..الخ ام تقصد اجازه طويله كرعايه اسره طبعا مش معقول اول ماتتعين تأخذ هذه الاجازات انا متعين وكنت اريد ان ااخذ اجازه رعايه اسره قالوا لابد مرور سنه على هذه الاجازه وان شاء الله سوف يتم تعينكم فى القريب العاجل وخد بالك المستقبل لكم انتم بس الصبر وعدم التذمر والجهد فالعمل وكلمه حاضر وعدم طلب المساواه مع المتعينين طريقك للنجاح كما يجب ان تلاحظ فرق الخبره والسن انا شخصيا لايمكن اساوى بينهم فى الجداول والحضور والانصراف لانه ليس من المنطقى ان اساوى بين مدرس فى الاربعين او الخمسين ومدرس فى عمر اولاده بل اغلبهم تلامذه لهم كما اننى استغل طاقه الشباب فى العمل وانت بعد عمر طويل عندما ياتى لك مدرسين جدد هل سوف تساوى بينهم اكيد لا !!! تقبل تحياتى

استاذ سعيد
انا لا اطلب المساواة فى الحصص ولا بينى وبين شيخ المعهد
انا اقصد المساواة بينى وبين اقرانى
انا مثلا تربية ممتاز مع مرتبة الشرف
ولى زميل اصول دين تقديره جيد
وانا متعاقد وهو متعين لانه مضموم
وهو هيقبض كادر وانا لا
ومتخرج بعدى بسنة لانه كان رسب سنة!!!
فهل لا اطلب المساواة بهذا؟!

وانا اقصد الاجازة الطويلة كاجازة بدون مرتب
عاوزين نكون مستقبلنا لاننا بهذه الطريقة ممكن نتجوز بمكافاة نهاية الخدمة لو اخدناها اصلا!!!

وبعدين انا مش اول سنة انا بقالى اربع سنين
يعنى قدمت شوية!!

أيوة صحيح أستاذ هشام العيسوى

المتعاقد محتاج أجازة بدون مرتب زى أقل موظف فى البلد لو حب يسافر أو عنده ظروف

وبعدين ليه المجتمع والحكومة والناس بيبصوا للمتعاقد على اساس انه لقيط !!

ويقولو احمد ربنا انك اشتغلت اصلاً وامشى جنب الحيط ومتفتحش بقك واسكت خالص

مش مصر دى برضه بلدنا ولينا حق فيها والدستور بيقول كل الناس متساوية ؟

والمتعاقد دة مش بيشتغل وبيحرق فى دمه وليه مسئوليات والتزامات ومصاريف

ولا هيفضل خارج نطاق الخدمة لحد اسياده ميتعطفو عليه بالملاليم الزيادة ؟

اللى بيحصل للمتعاقد أكبر ظلم بكل المقاييس ..

والمتعاقد لازم ياخد كل حقوقه مع تعويض مناسب عن الفترة اللى كان فيها متعاقد

دة لو كان فيه عدل وانصاف أم اننا "مجرد متعاقدون " لا نستحق عدل او انصاف ؟!

مع خالص احترامى للجميع

الله معكم.........

ياعم كوماندا وياستاذ عيسوى من قال المتعاقد لقيط ليس معنى كلامى ان المتعين على رأسه ريشه كلنا زى بعض انا ذكرت فارق السن طب والله عامل جاء المعهد ومتعاقد منذ سنتين تقريبا بس كبير فى السن اقسم بالله العظيم لااغادر المعهد قبل ان استأذن منه ويوميا نفس الجمله بالحرف ( انا ماشى ياعم احمد عايز حاجه ) اللى احب اوضحه الاتى الدوله وليس الازهر تريد ان تتخلص من صداع اسمه الموظفين بالحكومه لانه بصراحه وكلنا نعلم هذا الكلام موظف الحكومه كل اللى يهمه المرتب مضبوط ولهذا لجأت الدوله للخصخصه المهم الصبر وكما ذكرت المستقبل لكم وياكوماندا هدى النفوس شويه صدقونى شويه صبر ومعذره عيسوى مالمقصود بزميلك انه اتعين علشان مضموم ؟؟؟

ملحوظه ياكوماندا انت بتقول المتعاقد بياخد ملاليم انت اول تعيين مرتبك كام ؟؟ ازيد من 250 ج انا عارف انه ملاليم ولكن المعيين بياخد كام ؟؟ انا تعيين سنه 90 يعنى داخل على 20 سنه وماجستير يعنى اوعى !!! بدون الكادر مرتبى 662ج تفتكر مين اللى بياخد ملاليم اول تعيينى على مااظن كان 47 ج من الاخر كلنا فى الهم سوا واى مدرس بدون عمل اضافى يشحت ويقول لله

مضموم يااستاذى عمالة متطوعة
يعنى يدفعوا فلوس ويتعينوا بحجة انهم بيخدموا فى المعهد
انت اكيد عارف الموضوع ده
يبقى من حقى اتفرس ولالا؟

ملحوظه ياكوماندا انت بتقول المتعاقد بياخد ملاليم انت اول تعيين مرتبك كام ؟؟ ازيد من 250 ج انا عارف انه ملاليم ولكن المعيين بياخد كام ؟؟ انا تعيين سنه 90 يعنى داخل على 20 سنه وماجستير يعنى اوعى !!! بدون الكادر مرتبى 662ج تفتكر مين اللى بياخد ملاليم اول تعيينى على مااظن كان 47 ج من الاخر كلنا فى الهم سوا واى مدرس بدون عمل اضافى يشحت ويقول لله

الله يكون فى عون المدرس المصرى

دا لو الواحد بيشحت من اول ماتخرج كان زمانه بنى عمارة !!

هى نفحة الشحات وصلت كام فى القاهرة ؟!

اوعى تفهمنى غلط يا مدير أنا بسأل بس :040vk0:

ههههههههههه

يا جماعة بكل المقاييس المتعاقد مهضوم حقه المادى والمعنوى اما بالنسبة للمادى المعين اخد الكادر والنتعاقد لا ـ هو المتعاقد مش مدرس زى المعين ولا ايه ـ ليه التفرقة العنصرية دى .
اما عن حقه المعنوى كل واحد يقلاك انت لسة مكتوب بالقلم الرصاص نشيلك فى اى وقت ليه سوء التعامل ده احنا بشر لنا طاقة وصدقونى احنا قنبلة موقوتة واحنا اللى شيلين عماد الازهر فى الفترة دى فريحونا عشان ترتاحوا

نفسى فى امتحان كادر المعلمين مش علشلن الفلوس الحالة تمام والحمد لله بس تحدى للى بالى بالكم

نفسى فى امتحان كادر المعلمين مش علشلن الفلوس الحالة تمام والحمد لله بس تحدى للى بالى بالكم
سيدتى مالمقصود بالى بالى بالكم لماذا دائما نأخذ الموضوع تحدى !!!!هل المدرسين المعينين هم السبب فى عدم تعينكم !!!! ياجماعه الحكومه هى التى تقوم بالتعيين!!!! وهى التى اخترعت موضوع التعاقد !!!وهى التى عندما يعجبها سوف يتم تعيينكم !!! واذا معجبهاش ؟؟؟؟؟؟؟؟؟؟؟؟؟هل توافقوا ان يتم تعينكم ويصبح اساسيكم 47ج !!! وامتحانك فى الكادر هو مقياس التحدى ؟؟؟ يضيع العلم بين اثنين الحياء والكبر ( الغرور )

الله يكون فى عون المدرس المصرى

دا لو الواحد بيشحت من اول ماتخرج كان زمانه بنى عمارة !!

هى نفحة الشحات وصلت كام فى القاهرة ؟!

اوعى تفهمنى غلط يا مدير أنا بسأل بس :040vk0:

ههههههههههه

الله ينور عليك المدرس سواء كان عقد او اساسىواحد !! ونفحه الشحات ياعزيزى تساوى يوم عمل دراسى ولو العمليه تعبانه نخليها يومين !؟

http://www8.0zz0.com/2009/06/25/11/567547340.gif

شيخ الازهر اعتمد نتيجه المدرسين المتعاقدين بالازهر اعرف النتيجه ازاى حد يعرفنى حسب ما جاء فى جريده الجمهوريه

حد يعرفنى نتيجة تعاقدات الازهر بالمنوفية