السلام عليكم جميعا
اعرفكم بنفسى انا اسمى محمود البسيونى طالب بالصف الثانى الثانوى
اولا ممكن اسال سوال
هلل فى حد هنا ممكن افضفضله ويسمعنى ويساعدنى مشكلتى هى ...........................
لا انا لازم اعرف ايه رأيكم ولو فى حد ممكن يبعتلى الايميل بتاعه


ولسلام مسك الختام
السلام عليكم ورحمة الله وبركاته

ممكن حضرتك تكتب مشكلتك فى الموضوع وكلنا بامر الرحمن

هنحلهالك وهنساعدك فيها

زي مشهد قالتلك ممكن تكتبها هنا

وحنحاول نسعدك ان شاء الله

مستنية اسمعك مع الاخوات زي ماقالت شهد واسماء ربنا يحفظهم

ياريت تشوف الموضوع ده هيفيدك

تعالوا نفضفض ... ( سري جداا) (http://www.thanwya.com/vb/showthread.php?t=114912)
‏ (http://www.thanwya.com/vb/showthread.php?t=114912)

اتكلم وكلنا هنسمعك

اولا
اشكركم على مروركم
ثانيا هى مش مشكلة واحدة بل مشكلة واخرى تحير
بس هى خاصة بالحب وكدة
.................................................. ....................
ممكن اكمل ولا فى اعتراض على موضوع الحب هذا؟


منتظر ردودكم

والسلام
مسك الختام
والسلام عليكم ورحمة الله وبركاته

كمل و احنا سمعين
و لو نقدر نحلها اكيد حنساعدك

عندك كام سنة ؟
واية امكانياتك ومؤهلاتك ؟
وحالتك المادية ؟

(حب = جواز) ...
و ليس ( حب = جواز + لما تُفرج )
و ليس (حب = جواز لما أمهد لأهلي)
و ليس (حب = جواز + بس لما نخلص الكلية ربنا يسهل)
مش لسه قدامك كتير لحد ما تكون نفسك و تجيب الشقة و المهر و اللذي منه .. !!!
لو مش في إيدك دلوقتي الجواز .. يبقى أحسن لك (تنسى يا عمرو) و تخليك يا (عمرو ذكي) و لا تتعلق بالوهم ..
هتقول لي هتقول لي دي (عروسة لُقطة) و مش هلاقي زيها بعد كده و و الله ناوي بجد ... هقول لك ماشي , النية عندك (دلوقتي) بس انت مش عارف الظروف (بعد كده) هتبقى شكلها ايه ؟؟ الظروف دي في المستقبل هتسمح للعلاقة إنها تكتمل في صورة زواج و لا لأ ؟؟
ممكن أهلها لا يصبروا .. ممكن انت حالتك تبقى أسوأ أكتر و تبقى عطلتها معاك , ممكن حاجات كتيرة ...
يبقى الأسلم إنك ما تفتحش قلبك غير لما تبقى قادر (الآن) و ليس (في المستقبل) إنك تفتح بيت ,
......


تاني حاجة لازم تقيس عليها العلاقة اللي انت بتقول عليها "حب" دي علشان تعرف إذا كانت حب و لا .. ملوخية


يعني الجواز بيقطع نصف ذنوبك بحالها ... اللي كنت بتعملها قبل الزواج ..

ماشي .. يعني ايه برضه ؟؟

يعني المفروض إن مقياس الجواز إنه يقربك من ربنا و يخليك تبطل نصف الحاجات الغلط اللي كنت بتعملها ..

يعني ... لو ماكانتش (سكة الجواز) دي من أولها تقودك إلى طريق إكمال (نصف الدين) .. بقى مش هي دي الطريق الصحيحة ..

لأن الجواز ده .. رزق . .صح و لا غلط ؟

طيب الرزق هل يُطلب بطاعة الله أم بمعصيته ؟؟

بطاعة الله طبعا . .


يعني سكة الجواز .. لو كانت بدأت بطريق خلوة و تليفونات و شات و اشتغالات و حاجات غلط ..

ما تحاولش تقنع نفسك إنها هتبقى صح بعد كده ..

لأنك لو بتطلب الحب الحقيقي اللي نهايته الزواج ..

اللي هو رزق من الله ..

و الرزق لا يُطلب بمعصية الله ..

يبقى الطريق ده غلط ..

و دي اشتغالات مش حب ..
..............


بص يا أخي .. أنا عارف إني يمكن أكون عقدتك , أو قفلتها في وشك .. بس ليه ما تقولش إني بحاول أضعك أمام الحقيقة ؟؟
أنا معاك , و زيي زيك إني نفسي أحب و أتحب .. و ألاقي اللي تفهمني و أفهمها , دي حاجة طبيعية و رغبة عادية و مركبة فينا معشر البشر –حلوة معشر دي , حد يسقف لي عليها - , لكن كما يقول السلف : (من تعجل شيئا قبل أوانه ... عوقب بحرمانه !!) ...
الطفل الصغير مثلا ... حمادة ..- مش عارف حمادة ؟؟- لو شاف تفاحة حمراء و جميلة هيحب ياكلها .. صح ؟؟
بس هو لسه بيرضع , معدته لسه مش متعودة على التفاح .. و لسه مش وقت أكل التفاح ليه .. لو كل التفاحة و صمم , و هو لسه صغير .. ايه اللي هيحصل له ؟؟
بطنة هتوجعه لأن معدته مش متعودة لسة , و مش ده الوقت المناسب لسه .. .. يعني لو أكل قبل المعاد . هيبقى فيه نتيجة سلبية .. مش كده يا حمادة ؟؟ ايه ؟؟ مش بتردش ليه يا حمادة ؟؟ آه معلش .. نسيت إن اسمك مش حمادة .. اسمك توفيق !!!
فنصيحتي لك أخي .. خطوتين لناصية الشارع أو (للقمة) –لو كنت اسكندراني - و اشتري رزة و قفل ..
و اقفل قلبك و اقنع نفسك إنه لازم يبقى مقفول لحد ما ييجي الوقت المناسب لفتحه ..
و قاوم أي حد يحاول يفتحه أو (يفش القفل ) قبل الوقت ده ..
لأنه لو دخله حد قبل المعاد هيبوظه ..
و ما تخليش (المحسوسات) الحلوة اللي في أول العشق دي تحببك فيه ..



فامسك نفسك ..
و (اعصر على نفسك لمونة) .. و اوعى تحب على نفسك لحد ما ييجي الوقت المناسب و الإمكانيات تبقى متاحة ساعتها افتحه .. و هتلاقي إن شاء الله بنت الحلال المحترمة -مس ما تكونش مجنونة زي دي - اللي أحسن من اللي انت سبتها زمان ..

كلنا هنا اخواتك واكيد هنسمعك وهنساعدك ان شاء الله
وما شاء الله على اختنا رصاصة الرحمة قالت كلام هيساعدك اوى ... ربنا يريحك ويخفف عنك كل هم

كلنا هنا اخواتك واكيد هنسمعك وهنساعدك ان شاء الله
وما شاء الله على اختنا رصاصة الرحمة قالت كلام هيساعدك اوى ... ربنا يريحك ويخفف عنك كل هم
وربي انا مذكر واسمي محمد مش عارف مش مصدقني لية :)

بصراحه كلام الاخ محمد تمام ومفيش كلام تانى نقوله غير كده ودى الحقيقه فعلا . مشكور يا محمد على الرد الجميل

اشكركم جميعا لاهتمامكم بالموضوع
واخص بالشكر الاخ العزيز محمد (رصاصة الرحمة )
عندك كام سنة ؟
واية امكانياتك ومؤهلاتك ؟ (الحكاية مش كده بالظبط) دا انا لسه بسمى
وحالتك المادية ؟
رايك التانى افادنى كثيراا ولكن ممكن اوضحللك شى صغير
ان انا عمرى ماكلمت الانسانة الى حبتها ولا اتصلت عليها ولكنه حب من نوع اخر حب من النوع السامى الغير موجود بزمننا هذا
حب بالمشاعر والاحاسيس التى تنطقها العيون لا السان
المشكلة الوحيدة هى انا لانى مبيفوتش ؤيوم من غير مفكر فيها
كمان انا طالب بالثانوية العامة مرحلة اولى وخايف نا دا يؤثر على مستواى خاصة انهم بيقولو عليا ممتاز
وانا طموحاتى عالية

والسلام
مسك الختام
والسلام عليكم ورحمة الله وبركاته

زى ماقالوا الزمله اكتبها واحنا هنحاول نساعدك والمسلم للمسلم اخى محمود

وربي انا مذكر واسمي محمد مش عارف مش مصدقني لية :)
انا اسفه جداااااااااا وياريت تقبل اعتذارى

مفيــــــش حاجــــــه اسمهــــــا حـــــــب يــــــا محمــــــــــوووو د
اعــقـــــــــــــــــــــل

مفيــــــش حاجــــــه اسمهــــــا حـــــــب يــــــا محمــــــــــوووو د
اعــقـــــــــــــــــــــل

اشكرك لمرورك

اذا كان مفيش حب حيب فيه ايه!!!!!!!!!!!!!!!!!!!!!!!!!!!!!!!!!!!!!!!!!!!

حب ايه الى انت جى تقول عليه
خدها نصيحه من اخوك

وزى ما انت بتقول انك طالب ثانوى مرحله اولى سيبك من الاوهام دى وركز فى مستقبلك لان حتى لو ناوى فى ارتباط بجد اكيد مش هاتستناك وانت اكيد لسه امامك مستقبل وبحث عن وظيفه ترتب نفسك فيها وتستقر انما اى واحده فى اى لحظه ممكن تتجوز فانت لو بتفكر فى حب من نوع تانى زى ما بتقول فى الكليه ابقى فكر فى كده سلام يا صحبى .

حب ايه الى انت جى تقول عليه

خدها نصيحه من اخوك


وزى ما انت بتقول انك طالب ثانوى مرحله اولى سيبك من الاوهام دى وركز فى مستقبلك لان حتى لو ناوى فى ارتباط بجد اكيد مش هاتستناك وانت اكيد لسه امامك مستقبل وبحث عن وظيفه ترتب نفسك فيها وتستقر انما اى واحده فى اى لحظه ممكن تتجوز فانت لو بتفكر فى حب من نوع تانى زى ما بتقول فى الكليه ابقى فكر فى كده سلام يا صحبى .

متشكر جداا لمروررك
وانا فعلا قد اقتنعت برايك انت والاخ محمد