السلام عليكم ورحمة الله وبركاته

طبعا بعد ما النتيجة طلعت الناس عمالة تفكر ف التنسيق وهيزيد ولا هيقل
نفس الموال بتاع كل سنة
انا كنت ثانوية السنة اللي فاتت
وجبت95.3% ودخلت علوم الحمد لله

وفضلو يقولو التنسيق هيقل هيقل
وكل الناس قالت هتقل والمؤشرات والكلام اللي كلنا عارفينه


والتنسيق مقلش ارتفع عن السنة اللي قبلينا
ومن الاخر التنسيق ف الازهر يوم ما هيقل
هيكون واحد او اتنين او تلاتة من عشرة
مش اكتر مش هينزل اوي

يا جماعة التنسيق مش بيتحدد علي اساس المجاميع حلوة او وحشة بس
لا
ده كمان علي اساس الاماكن اللي ف الكليات
واللي سقطو السنة اللي فاتت ف اول سنة ف الكليات

وكمان علي حسب الرغبات اللي بيقدمها الطلبة

وكمان نتيجة الدور التاني
وحجات تانية
يعني زي ما بييجي امر لرئيس الجامعة ياخد عدد معين ف كليات القمة زي طب وهندسة وصيدلة وكده


ف اي كلام دلوقتي عن التنسيق هيزيد او هيقل
ده كله كلام ف الهوا ومش بيكون صح
واسالو مجرب من السنة اللي فاتت

ومتسمعوش لاي حد كلمة توديكم وكلمة تجيبكم وتفضلو علي اعصابكم

الكلية االلي هتخشها ربنا مقدرها وخلاص ورزقك ربنا محدده من زمان
ف طلعت نزلت مش هتاخدو غير اللي ربنا كتبه

يبئا نسيبها علي ربنا ومنعدش نسال هيزيد ولا هيقل عشان نفسيتنا هتتعب
ومش هنسنفيد حاجة غير تعب القلب

ف يا ريت نهدا شوية ونسيبها علي ربنا
ونحاول ناخد بريك ونفك عن نفسنا شوية بعد السنة اللي كانت كلها ضرب نار دي

انا كلامي شديد ودخلت شمال معلش
بس عشان صعبانين عليا يحصل فيكو اللي حصلنا السنة اللي فاتت من وجع القلب والاعصاب

واشوفكم علي خير

تمااام
كلام مظبوط
وفعلا التنسيق بيتوقف على عدد الطلبه اللى المفروض يخشوا الكليات
كل كليه ليها عدد معين تقدر تستحمله من الطلبه ...وطبعا العدد ده بيتوقف على الساقطين ف الكليه
فمثلا لو الكليه تشيل ف الدفعه دى 1500 طالب ..كان ف 200 ساقطين مثلا
يبقى هيا قوتها انها تشيل 1300 طالب جداد
الوزير بيبدأ يبص بقى على مجاميع الطلبه ف المنطقه بتاعت الكليه --- مش عارف التوزيع الجغرافى شغال ف سنتكوا ولا لاء----
وعلى اساسها بيظبط تنسيقها عشان تدخل 1300 وطبعا بيحصل تحويلات وحجات تعتبر حجات فرعيه نسبتها ضئيله

ف اه التنسيق بيتوقف على مجاميع الطلبه ..بس ده عامل من عوامل تانيه
مش مقياس كامل يعنى

وبعدين على حسب ما اذكر ف سنتنا,
الوزير هيطلع يتكلم ويقول عدد الطلبه اللى داخلين كل كليه
يعنى هندسه وحاسبات مثلا 18000 طالب
طب كذا
...الخ

وربنا معاكوا وكل واحد يخش اللى عايزه ان شاء الله
بالتوفيق ودمتم بود

مشكورين علي النصائح
وربنا يوفق الجميع

الف شكر على النصائح الغاليه

هو احنا مش هنرتاح ابدا
من قاق على صعوبة الامتحان لقلق عن النتيجه لقلق ع التنسيق
امتى هنرتاح بقى من الثانويه الى زهقتنا دى

على فكرة فيه كليات هتتملى جدا وكليات لا

التنسيق يا شباب عرض وطلب ؛ واعلموا أن كل شيء نصيب وأن الله يهيء الأسباب لكي ينفذ القدر

كلام مظبوط وربنا يحقق حلم الجميع مشكورررررررررررررر

مشكورين على النصائح وربنا يطمنك يا خفيف

أشكركم أشكرك أختى الحائره وجزيت خير الجزاء وأنا يشرفنى معرفتك