:022yb4:أعزائى رواد الموقع وزواره
تم عمل نشرة عن وظيفة مدير مدرسة ( ابتدائى -اعدادى -تانوى )
ووظيفة وكيل (ابتدائى -اعدادى- ثانوى )
ممن اجتاز اختبار الكادر فى العام الماضى وبالشروط الواردة فى قانون الكادر
وللاسف الشديد لم نرى هذه النشرة
وهل مازال التقديم متاح
واين يتم التقديم
من يعلم عن هذا الموضوع حاجه يفيد الجميع
وهل تم الاعلان عن هذه الوظائف بالجرائد
ولكم جزيل شكرى
واعتزازى

عرفتى منين ان فيه نشرة جت
انا لا اعتقد ان حاجة جت
او عالاقل عندنا مفيش اصلا نشرات جت زى كدا والا بالتاكيد كنت عرفت
خلينا نتاكد اصلا
اللى اعرفه انه فى حالات فردية اخدوا بعض الوكلاء فى اعدادى انتدبوهم مديرين فى ابتدائى لمن يرغب
او وكلاء فى ثانوى مديرين فى اعدادى او حاجات زى كدا
لكن مفيش تعميم
لان حضرتك فى قانون الكادر حتى بيقدم ويجتاز دورة خاصة بكدا انما المنتدب دا بشكل غير رسمى لحين سد العجز بشكل رسمى
دا اللى انا اعرفه
تحياتى لحضرتك وللجميع

الموضوع حقيقي وعندنا في بورسعيد في الوقت الحالي الاعلان معلق في المديرية ,,,, ومن تنطبق عليه الشروط بيسحب استمارة وبتقدم وفقا لقانون الكادر

الحكاية شكلها جد بقى
ربنا يسهل
وبالتوفيق لمن يرغب

مفيش احسن من التدريس..انت بتشيل هم نفسك...لكن مدير بتكون مسئؤل عن الكل

نفس النشرة وصلت العريش وهي معايا دلوقتي

ارجو عرض النشرة

اخى انا سمعن نفس الكلام وسمعت الاتى
ان كل من يحمل صفة معلم خبير سواء كان معلم فصل او وكيل او مدير يحق له الدخول امتحان خاص لكى يصبح وكيل مدرسة او مدير مدرسة بس بشرط ان يكون حاصل على دورة icdl

عموما مديريات التربية والتعليم بالمحافظات هتلاقي لكل مديرية نشرة غير التانية وقوانين غير التانين وهو كلها نشرات

التعامل مع الطلبة اسهل بكثبر من التعامل مع الزملاء

هذه البداية الصحيحة وياريت الشباب ياخذ فرصته

من قال ان هافيش نشرة بل هناك تغيير شامل في الادارات وبصفة خاصة في ا لابتدائي حيث تم التغير حيث يتقدم لدرجة مدير كل من هو معلم اول أ و حاصل على مؤهل عالي اما الدبلومات فسوف يعودون للتدريس

ههههههههههههههههههه



ياريت الاخوة بتوع دبلوم المعلمين دول يرجعوا للتدريس من تانى

ومش على طووول سنتين ولا تلاته لحد المؤهلات العليا ماتبقى موجودة وبعد كدا بقى متسألنيش عليهم







واللى هايستغرب من كلامى
يجرب يشتغل شوية ف التعلينم الابتدائى او يتعامل مع ادارة التعليم الابتدائى وهو يكرة نفسة

ممكن عرض صورة النشرة

النشرة موجودة في مكاتب التنسيق بجميع الادارات وبالفعل قام الكثير بالتقدم لهذه الوظائف والاستمارات موجودة ايضا في مكاتب التنسيق

أنا ممكن أعرض النشرة بس مش عارف أضعها قي المرفقات . ياريت حد يقولي الطريقة . انا بالضغط على التحكم في المرفقات مبيجبش حاجة

ما العيب فى خريجى دور المعلمين يا من تخرجت من الكلية عن طريق المذكرات والشيت
حرام عليكم فخريجى دور المعلمين هم أساس العملية التعليمية
انظر واعمل احصاء بيانى عن نتائج الامتحانات قبل تعيين خريجى الكليات وبعد تعيينهم فى المدارس اللإبتدائية
ستجد المستوى واضح فى ارتفاع النسبة قبل تعيينهم وانخفاضها بعد تعيينهم

وعيب أن تتحدث عن أساتذة تحملوا العبء ما أجل تعليمك أنت يا بتاع المذكرات والشيت

[ياريت الاخوة بتوع دبلوم المعلمين دول يرجعوا للتدريس من تانى

ومش على طووول سنتين ولا تلاته لحد المؤهلات العليا ماتبقى موجودة وبعد كدا بقى متسألنيش عليهم

واللى هايستغرب من كلامى
يجرب يشتغل شوية ف التعلينم الابتدائى او يتعامل مع ادارة التعليم الابتدائى وهو يكرة نفسة




ما العيب فى خريجى دور المعلمين يا من تخرجت من الكلية عن طريق المذكرات والشيت
حرام عليكم فخريجى دور المعلمين هم أساس العملية التعليمية
انظر واعمل احصاء بيانى عن نتائج الامتحانات قبل تعيين خريجى الكليات وبعد تعيينهم فى المدارس اللإبتدائية
ستجد المستوى واضح فى ارتفاع النسبة قبل تعيينهم وانخفاضها بعد تعيينهم

وعيب أن تتحدث عن أساتذة تحملوا العبء ما أجل تعليمك أنت يا بتاع المذكرات والشيت

[/quote]

روح اتعامل مع ادارات التعليم الاعدادى ولا الثانوى وانت تعرف الفرق كويس اوى

:078111rg3:انا حاصل على دبلوم معلمين ثم تأهيل تربوى
بحترم جداً دبلوم المعلمين ، لأنه اصل العملية التعليمية هو دبلوم المعلمين
ولكن الأستاذ الفاضل بتا ع المؤهل العالى ياريت يسكت
لأنه لو انحط فى مناظرة بينه وبين خريج دار المعلمين هيكله فى المادة
وزى ماقلت أنا خريج معلمين + مؤهل عال ( ويارتنى ما دخلته أصلاً
امضاء
عاشق لخريجى المعلمين:078111rg3:

مادة(79)

يتم اختيار شاغلي وظيفة مدير ووكيل المدرسة لمدة ثلاث سنوات قابلة للتجديد من بين شاغلي وظيفة "معلم أول(أ)" على الأقل وتحدد اللائحة التنفيذية إجراءات وأسس الاختيار ويكون لكل مدرسة مدير ووكيل أو أكثر بحسب عدد الفصول والمراحل التعليمية بها ووفق احتياجات الإدارة المدرسية على النحو الذي تحدده اللائحة التنفيذية




مادة 7: يكون اختيار شاغلي وظيفة مدير مدرسة ووظيفة وكيل مدرسة من بين شاغلي وظيفة معلم أول »أ« علي الأقل طبقا للأسس الآتية:
1 ـ الحصول علي مؤهل عال تربوي مناسب أو مؤهل عال مناسب بالاضافة الي شهادة »إجازة« التأهيل التربوي ويفضل الحاصل علي مؤهل أعلي.
ب ـ قضاء مدة سنة علي الأقل في وظيفة معلم أول »أ« وذلك بالنسبة لشغل وظيفة وكيل مدرسة، وأربع سنوات علي الأقل بالنسبة لشغل وظيفة مدير مدرسة.
ج ـ اجتياز برنامج التدريب المؤهل للوظيفة طبقا لما تقرره الأكاديمية المهنية للمعلمين.
د ـ توافرالسمات الشخصية من حيث الكفاءة والجدارة للمرشح من واقع الملفات والجوانب الأخلاقية والمهنية والثقافية التي تؤهله لشغل الوظيفة.
مادة 8: تتولي مديريات التربية والتعليم بالمحافظات بعد موافقة السلطة المختصة الإعلان عن وظائف الإدارة المدرسية الشاغرة بها وتقدم الطلبات الي الجهة التي يحددها الإعلان وتشكل لجنة بقرار من المحافظ المختص برئاسة مدير المديرية تضم عناصر فنية وقانونية وإدارية تتولي الاختيار من بين المتقدمين فى ضوء الأسس المنصوص عليها في المادة السابقة.
وتكون معدلات وظائف الإدارة المدرسية بالمراحل التعليمية وفقا لما يأتي:
مدارس من 40 فصلا فأكثر مدير مدرسة واحد و3 وكلاء مدرسة، مدارس من 20 فصلا الي أقل من 40 فصلا مدير مدرسة واحد ووكيلا مدرسة، مدارس أقل من 20 فصلا مدير مدرسة واحد ووكيل مدرسة واحد، مدارسمتعددة المراحل مدير مدرسة واحد ووكيل لكل مرحلة »الابتدائية ـ الإعدادية ـالثانوية«.

أشكر لكم المشاركة وأود ان يكتب لنا الاستاذ محمدى او الاستاذ ميدو 67 فحوى (محتوى )
هذه النشرة
المطلوب مكان تقديم الاستمارة
وهل فى الادارات ام فى المديريات

ولكم جزيل شكرى واعتزازى

الكل بيفكر فى نفسة المهم الصالح العام وربنا يولى من يصلح ويارب يكون لينا هدف أعم وأشمل التعليم امانة ومستقبل أمة
بس فيه حاجة محيراني خرج المعلمين الى اشتغلو بمرتب 20 جنيه وخرجوا اجيال يكون هو ده تكريمهم وبعدين مصريهم ايه
ونفسيتهم بعد سن الخمسين وهو قاعد للتريقه ياريت يكون ليهم حل مشرف نظرا لجهدهم وتعبهم ممن الستينت إلى الان
وتعالوا اتفرجو على دل المؤهلات العليا وشغلهم فى الفصول وده المتوقع منهم فى الإدارة

السادة الزملاء
ليس معقول ان نقلل شأن بعض بسبب المؤهل
بل يجب ان نسموفوق ذلك لان جميعنا فى مركب واحدة والمرحلة الابتدائية اساس التعليم يجب ان تتكاتف الخبرة مع العلم حتة نسنطيع تطوير التعليم
برجاء من ادارة المنتدى توقيع عقاب على من لايلتزم بأدب الحوار
حرام نحن معلمى الاجيال

يوجد على المنتدى فى مكان اخر صورة المنشور الادارى الخاص بالوكلاء ومديرى المدارس قام بوضعة زميل اخر

نفسي أعلق على حكاية دبلوم المعلمين ، والمؤهل العالي .
لكن تراجعت حتى لا يغضب مني فريق ويشمت بكلامي في الآخرين فريق .
هتعملوا فينا إيه أكثر من الواقع المرير الذي نعيشه ؟
نفسي تعرفوا الدول العربية وصلت فين ونحن في نفس المكان لم نتقدم خطوة بل نتراجع .
تكلموا كثيرا وافعلوا قليلا هذا هو واقعنا .

اعزائى زوار الموقع
كلنا تعلمنا على يد مدرسين افاضل من خريجى دور المعلمين

ولهم جزيل الشكر فى وضع المبادئ والقيم التى أسسها المنزل
وتنميتها ولولاهم لما كنا رجالا عظماء

فلهم منا كل تقدير واحترام
والذى يقول خلاف ذالك فهو ناكر للجميل

وارجوا من الله الاتحاد وليس الاختلاف

فان يد الله مع الجماعة

والسلام ختام

مفاجاه ابوسريع الوزير الفعلي للتعليم نفي هذا كلام المصدر مدير مدرستى اتصل بيه بالموبايل قال هذا كلام ينطبق علي جدد
وعندنا في مركز الواسطي 80 مدرسه ب لا تنطبق شروط الا علي 2 فقط
انا علي فكره اخ بتاع المعلمين في مدرسين حاصلين علي دبلوم معلمين احسن 100 مرة من بكالوريسات ولكن اغلبيه بتوع معلمين جايين بالغش انا اعرف ندرس معلمين غششنه في 3 ع بعد كان راسب في الاعداديه عامين في عام 86
ونجح وحصل علي 150 من 280 ودخل معلمين وهو مدرس فاشل
ومدرس اخر يعترف انه حصل علي معلمين بالغش ولا يعرف aمن b

يا جماعة لا داعي للتجريح و يجب أن لا ننسى أن من علمنا هو خريج المعلمين بما يتميز به من الصبر و المثابرة و حنكة التعامل مع تلاميذ المرحلة الإبتدائية ..
و لكن التطوير الحادث في مناهج الإبتدائي خصوصا الرياضيات و العلوم يستدعي الإعتماد على حاملي المؤهل العالي ..
و عليكم أن تقرءوا منهج الصف الثالث و بعده الرابع و لتحكموا .. و في الطريق الصف الخامس ...
يا سادة ... من الموضوعات الجديدة التحويلات الهندسية و الإحصاء و غيرها لم يدرسه خريج المعلمين من قبل فكيف يستوعب هذا التغيير ثم يتناوله مع الطلاب ؟؟؟
يجب أن يكرم هؤلاء الرواد بطريقة تناسب ما قدموه طوال السنوات السابقة ..

لعلمكم إن أفضل درس هو خريج المعلمين لأنه مؤهل تربويا أثناء دراسته ومارس التدريس أثناء الدراسة فى الصفين الرابع والخامس ويعرف يتعامل مع الأطفال كويس وهو اللى خرج أفضل الأجيال
شوفوا التعليم دلوقتى بيخرج إيه 000؟
ثانيا النشرة دى سوف تطبق سنة 20011م وأى مدير مدرسة حالى باقى فى منصبه لأنه بأمر تنفيذى إنما النشرة دى للوظاف التى سوف تخلو بعد خروج المديريين الحاليين على المعاش فقط