fatac2
07-07-2009, 12:35 AM
كنت معتقدا أن توجه حسنى عبدربه للجمهور عقب إحرازه هدف ضربة الجزاءوهوغاضب جدا
كان سببه نفس السبب الذى رفع أبو تريكه يديه عاليا مرددا حسبى الله ونعم الوكيل
لكن المفاجئه الغريبه أن حسنى توجه للجمهور غاضبا بعد إحرازه للهدف لأن الجمهور كان
ينادى على أبو تريكه لتسديد اللعبه الأمر الذى أثار غضبه وتوجه للجمهور يعاتبه !!!
وأضاف أن أبو تريكه ليس له ذنب فيما حدث !!!
الواد ده غلاوي ونفسه مش كويسة ويحقد علي حب البشر لزميله ابو تريكة
فعلا هو ده اللي حيودي المنتخب في ستين داهية اكثر من حسن ابو كف اللي مابيفهمشي حاجة وماشية معاه بس لبركة ابو تريكة والغلابة اللي بيشجعوا فرقة دكانه
fatac2
07-07-2009, 12:37 AM
طول عمره بيموت من الغيره من ابو تريكه
كانت باينه اوي ساعه كاس افريقيا 2008
Franklin
27-07-2009, 01:03 AM
ده انت اللى حاقد
حسنى عبدربه لاعب محترم و نجم موهوب و احسن بكتير من ابو تريكه عشان كده انتو بتحقدوا عليه
بس ده ميهمش كفايه اننا جمهور الاسماعيلى بنحب حسنى عبدربه
الى الامام ايها الموهوب و لا تكترث بالحاقدين
sranty
07-08-2009, 05:07 PM
لا ياجماعة انتو بتحبوا تتكلموا وخلاص كل لاعبوا المنتخب بيحبوا بعض وعندهم روح جماعية رهيبة
بس حرام حد يقول ان حسنى عبد ربه احسن من الساحر ابو تريكة
Golden Eagle
08-08-2009, 09:39 AM
حسنى عبدربه لاعب محترم و نجم موهوب
صح
و احسن بكتير من ابو تريكه عشان كده انتو بتحقدوا عليه
هههههههههه
طيب
أولا ً أبو تريكه فاضله 12 هدف و ينضم لنادي الـ 100
حسني جاب كام هدف ؟؟؟
أبو تريكه جاتله عقود إحتراف من أوروبا و هو اللي رفض
حسني محترف ف الخليج
و برضو تريكة جاله عرض إحتراف أهلي دبي
تريكة بيصنع لنفسه فرص
و بيصنع لغيرة فرص
بيجيب إجوان من الترقيص
و الشوط من بعيد
و الكور الثابته
حسني أنا مش متابع أخبار إحترافه
بس الجون اللي جابه لما كان بيلعب ف المنتخب شوطة من بعيد
لو صنع لنفسه يبقي صنع كام كورة ؟؟؟ و جاب كام جون من كورة ثابته ؟؟؟
هاتلي فيديوهات عن حسني و أنا أجيبلك عن تريكة و خلي واحد كبير يقارن
واحد مش متعصب
بس ده ميهمش كفايه اننا جمهور الاسماعيلى بنحب حسنى عبدربه
مش لوحدكم
الى الامام ايها الموهوب و لا تكترث بالحاقدين
إلي الأمام أيها الموهوب
بس ع فكرة الحاقدين دول ف دماغك بس
عقدة الحقد دي ف دماغ ناس كتير
و معاها عقدة الظلم
و ياريت نشوف مين بيحقد ع مين
بس مع إحترامي للكل
اللي ناديه وصل للعالمية و لعب مع فرق ليها إسمها و يهتم بالحقد ع فرق كل بطولاتها محلية
يبقي مالوش فيها
و اللي يفتكر إن واحد بيشجع فريق عالمي
مهتم بس إنه يحقد ع فريقه اللي عنده أقل من 10 بطولات
يبقي يشوف دكتور نفسي كويس
Golden Eagle
09-08-2009, 08:49 AM
ع فكرة مش معني كلامي إني متفق مع صاحب الموضوع
حسني ليه حق يزعل
هي أصلا ً ضربة جزاء يعني مش عايزة لعيب مهاري أكتر من إنها عايزة أعصاب
و معني إن الجمهور يشوف حسني رايح يشوطها و يقول تريكه إنهم شاكين ف قدرة حسني
و هي الهتافات دي أصلا ً ما كانش ليها لازمة
لأن حسن شحاته ما كانش هايقول لتريكه خلاص الجمهور عايزك إنت تشوط و يقوم يسحب حسني