مشاهدة النسخة كاملة : عايز حد عنده خبره يرتب لي كليات الهندسة دي عشان رغبات التنسيق
إنتحار طالب ثانوي 07-07-2009, 10:54 AM لو سمحتوا عايز حد عنده خبره في معاهد الهندسة العليا الخاصة
عشان عايز أرتب المعاهد ديه من الأفضل للأسوء عشان رغبات التنسيق !!!!!!!
وعلى أنا يراعى في الترتيب أن يكون المعاهد السهلة اللي مش معقدة في الأول !!
1- الأكاديمية الحديثة للهندسة والتكنولوجيا بالمعادي ( رغبة أولى عشان بيقولوا أنه سهل)
2- أكاديمية أخبار اليوم بمدينة 6 أكتوبر
3- معهد العبور العالي للهندسة والتكنولوجيا طريق مصر الإسماعيلية
4-معهد طيبة العالي للهندسة بالمعادى
5- المعهد العالي للهندسة بمدينة 6 أكتوبر
6- الرغبة السادسة حكتب أكاديمية الشروق عشان صعبه
7- الرغبة السابعه حكتب معهد العاشر عشان أصعب
8- الرغبة التامنة حكتب معهد هندسة طيران عشان أنا أصلاً مش عايز أدخله
mfa csa 08-07-2009, 06:44 PM نصيحة ليك ان مفيش هندسة خاصة في مصر نظامها سهل
كلهم دراستهم جادة يعني لو مش قد الليلة بلاش عشان ماتجيش تندم وتضيع سنين من عمرك
اما بخصوص الكليات وترتيبهم هما كالاتي ...
1 _ هندسة العاشر .. لكن دراستها صعبة جدا ونظامها 3 ترمات كمان بتتبع نظام اميريكي عشان كدة هيا مميزة
2_ هندسة الشروق .. دراستها كويسة ولها شهرة عالية في مصر
3_ هندسة اكتوبر .. دراستها كويسة بس العميد بتاعها مفتري (اصل انا فيها) وتتميز بتخصص الميكاترونكس لانها اول كلية في مصر توضع تلك القسم
4_هندسة المودرن .. دراستها كويسة مشكلتها انها في المودرن اكاديمي اللي هيا سمعتها مش قد كدة
إنتحار طالب ثانوي 08-07-2009, 07:25 PM يعني حضرتك قصدك مستوى الصعوبه فيهم واحد ؟؟
فا بدل ما أدخل مودرن على أساس أنها سهله و أدخلها و أتصدم ألاقيها صعبه ولا أعمل أيه يعني ؟؟؟؟؟؟؟
حد يقوووووووووووووووووووووووووووووووولي
eng.volto 08-07-2009, 08:40 PM بص من الاخر عايز تبقى مهندس بجد يبقى متدورش على هندسه سهله ولا صعبه
طلما بتدور يبقى متخشهاش وريح دماغك
وخش تجاره ولا اداب وعيش حياتك
عايز شهاده وخلاص بقى عليك وعلى العبور او طيبه
eng.volto 08-07-2009, 08:59 PM الترتيب من السهل للصعب
1-معهد طيبة العالي للهندسة بالمعادى
2-معهد العبور العالي للهندسة والتكنولوجيا طريق مصر الإسماعيلية
3-كاديمية أخبار اليوم بمدينة 6 أكتوبر
4-الأكاديمية الحديثة للهندسة والتكنولوجيا بالمعادي
5- المعهد العالي للهندسة بمدينة 6 أكتوبر
6-الرغبة السادسة حكتب أكاديمية الشروق
7-الرغبة السابعه حكتب معهد العاشر
fatac2 10-07-2009, 05:37 PM للاسف بعد التخرج
معاك واسطة حتخش مكان محترم
معاكشي تتسلي بالنت
الكليات لخاصة كلها دعاية فجة ووسيلة للطالب النص لبة
carpon 10-07-2009, 06:16 PM ممكن مصاريف كل معهد من دول
mfa csa 11-07-2009, 06:53 PM 1-معهد طيبة العالي للهندسة بالمعادى 7000 الاف
2-معهد العبور العالي للهندسة والتكنولوجيا طريق مصر الإسماعيلية 7500 الاف
3-كاديمية أخبار اليوم بمدينة 6 أكتوبر 9000 الاف
4-الأكاديمية الحديثة للهندسة والتكنولوجيا بالمعادي 9000 الاف
5- المعهد العالي للهندسة بمدينة 6 أكتوبر 6000 الاف
6-الرغبة السادسة حكتب أكاديمية الشروق الاف9500
7-الرغبة السابعه حكتب معهد العاشر 11 الف
mfa csa 11-07-2009, 06:55 PM للمزيد من المعلومات ادخل علي http://www.tansik.egypt.gov.eg/application/Dalel/index2.htm
Eng:OYA 19-07-2009, 01:19 PM طيب لو سمحتو يا جماعه هيه الكليات ده بتاخد من كام في الميه لان اخويا جايب 67و9 في الميه ومش عارفه ازا كان هيلحق حاجه من دول ولا لا
ومعلش طلب كمان كنت عايزه ترتيبهم كلهم من حيث الهندسه المحترمه اللي فيهم يعني متكنش اي كلام تكون صعبه لان المهندس الصح لازم يتعب عشان يبقي صح
يا ريت الرد يا جماعه عشان ده من المواضع النادره اللي لاقيتها بتتكلم عن الهندسه الخاصه
وكمان كنت عايزه اعرف هوه كده يقدم امتي بقي
اسفه للاطاله وشكراااااااا
Eng:OYA 19-07-2009, 05:38 PM هوه محدش رد ليه يا ريت سرعه الرد عشان سمعت ان المفروض اقدم بعد النتيجه علطول
mfa csa 20-07-2009, 06:28 AM بالمجموع ده صعب يلحق بيها هندسة خاص .. لان التنسيق هيعلي كتير عن السنة اللي فاتت لسهولة الامتحانات .. والسنة اللي فاتت كانت اقل هندسة خاص هيا العبور وكانت واخدة من 70 بالمية .. يعني السنة دي اكيد اكيد هتعلي .. علي العموم فكري كويس وشوفي انتي لو ملحقتيش هندسة هتخشي ايه
Eng:OYA 20-07-2009, 05:17 PM طيب ممكن يلحق ايه
حاسبات ومعلومات خاص ممكن يلحقها ولا ايه؟؟
هوه علمي رياضه هوه عايز اي حاجه فيها كمبيوتر
mstool 20-07-2009, 10:46 PM هقولك على حاجة انا زيك اخوكى و اقل بكتير كمان انا جايب بزبط 65% يعنى استحالة الحق اى حاجة بس كل ما اكلم معهد عالى او اكاديمية من دول يقولولى قدم و ممكن يبقى فية اماكن فاضية ناخد لان دول خاص و بفلوس و اللى جايبين مجموع مش بيقدموا للحاجات دية اصلا و فية ناس كتير اوى بتخاف من هندسة و فية ناس مش فى مقدرتها انها تدفع و الدفعة السنة دة صغيرة لان فى ناس كتيرة قسموا السنة فهما انشاء اللة هياخدوا متخافيش بس انتى قدميلة و انشاء اللة يقبل اذا كان انا هقدم و انشاء اللة اقبل و اقل منة ببتاع تلاتة فى المية اهوة و عندى امل كبير يبقى انشاء اللة قدمى بس نصيحة منى بعد دراسة كل الكليات دية اختاريلة حاجة سهلة بدل ما يسقط او ياعد فيها كتير و كمان دى بفلوس اهم حاجة فى الشغل اللى بعد الجامعة لو معاة كارنية نقابة هيشغلوا لو معهوش لا يعنى مش بتفرق بقى يقولك دية شهادة بفلوس او بتاع المهم كارنية النقابة يشتغل زية زى ابو اصعب جامعة فى مصر
Eng:OYA 22-07-2009, 08:24 PM tayeb tamam el ta2deem emta ba2a isa men delwa2ty wala lama yenzel eltansee2
how keda ykoon elmar7ala elkam w hateb2a emta
w y2adem ba2a lama tezhar nateegt el mar7ala wala eh???
mstool 23-07-2009, 02:48 AM تنسيق التالتة انشاء اللة مش قبل كدة علشان المجموع فى العلمى تحت 75 او 70 كمان فبنبقا تالتة اول ما يقولوا فى الجرنال و السايت و تقلاقيهم فى كل حتة بيقولوا بدء تقديم تنسيق المرحلة التالتة بحد ادنى للعلمى كذا فى المية او كذا درجة يبقى يدخل على سايت الوزارة برقمة و الجواب اللى معاة دة يقدم و يكتب رغبات براحتة
Eng:OYA 23-07-2009, 01:58 PM tayeb haynzel akeed fy el site ??
3shan e7na mesh fy masr yareet law fy gded tektebo 3ala el site
mohamed magdy taha 26-07-2009, 03:02 PM انا عاوز اعرف يا جماعه مستوى المعهد طيبه العالى للهندسه بالمعادى والمعهد العالى للهندسه المعماريه ب6 اكتوبر ويريت الرد بسرعه عشان المرحله بتعتى هتفتح خلاص
mfa csa 28-07-2009, 03:01 PM هندسة معمارية 6 اكتوبر افضل من طيبة
لاي استفسار عن الكليات التانية انا في الخدمة
___omar___ 29-07-2009, 12:50 PM طب هندسة اكاديمية اخبار اليوم حلوة ولا لا عشان انا خلاص قدمت وعايز الحق اعدل الرغبات
لو في حاحة احسن؟؟؟؟
mfa csa 29-07-2009, 03:01 PM طب هندسة اكاديمية اخبار اليوم حلوة ولا لا عشان انا خلاص قدمت وعايز الحق اعدل الرغبات
لو في حاحة احسن؟؟؟؟
هندسة اكاديمية اخبار اليوم حلوة ...
بس هندسة 6 اكتوبر والشروق والعاشر احلا و احلا
جنتم جنتم 02-05-2011, 04:21 AM ممكن مصاريف معهد العاشر شعبة نظم معلومات إدارية
Rafael.Nadal 03-05-2011, 03:51 PM ريح دماغك وادخل اى حاجة تانية وارتاح
يا من ذل 04-05-2011, 07:33 PM ايه دة كلو
اكتوبر والعبور والعاشر والشروق والمعادى
انتة ساكن فين ؟
اعتقد شوف حاجة جنب سكنك او ع الاقل ماتكنش ساكن فى العبور وتروح 6 اكتوبر والعكس صحيح
بس للامانة لو عايز تشتغل مرتاح روح العاشر وامرك لله 11 الف فى السنة وعيش
عاوز دلع يبقة هندسة القاهرة الجديدة دول بئة بينجحو الواحد انشالة مارحش الامتحان
حتى تلاقى كل سنة 50 واحد جاينلة من التنسيق و 500 واحد محول هههههههه
لان اى حد يسقط فاى كلية تانية يروحلها علشان يجيب امتياز :d
الذهبي81 12-05-2011, 04:50 AM المعهد العالي للهندسة والتكنولوجيا الخاص و المعهد العالي للحاسبات ونظم المعلومات الخاص
القاهرة الجديدة – التجمع الخامس
هل هذين المعهدين معتمدين ولا ايـــــــــــــــــــــــــــــه ياريت الإفادة بسرعة ؟
والمصاريف والمجموع ايه بالظبط
amrcapo 22-07-2012, 02:46 AM يا ريت حد يقولى اكادميةاخبار اليوم احسن من مودرن اكادمى ومعهد طيبة بالمعادى ولا اية عشان التنسيق يا ريت حد يرتب التلاتة معاهد لى بالترتيب من حيث الفضل وليس من حيث المصاريف باللة عليكم حد يرد عليا بسررررررررررررررررررررررررررررررررررررررررررررعة وشكرا .
|