|
مشاهدة النسخة كاملة : هل هندسة الشروق أصعب من هندسة مودرن أكاديمي ؟ إنتحار طالب ثانوي 07-07-2009, 10:59 AM أنا سمعت من ناس كتير أن هندسة الشروق صعبة و معقدة بس فيها تعليم وشرح فهل الكلام ده صح ولا غلط وهل هي أصعب من هندسة مودرن ؟؟ ولا الأتنين زي بعض حد يفيدني بليز عشان أنا عايز أدخل الأسهل والأبسط eng.volto 08-07-2009, 08:20 PM والله انا هقولك على الاتنين وانت تخطار انا قعت فى مودرن سنه وقعت فى الشروق حتى الان سنتين نتكلم عن مودرن هناك الحيه بيس يمان على الاخر النجاح سهل اوى وتجيب تقدير كمان والشباب مقضينها وعيشه بقى والمقطم ودلع يمعلم مش كلهم طبعااا انا قعت هناك اول سنه وحولت الشروق للاسباب التاليه معروف عن مودرن انها مفهاش تعليم خالص والناس هناك راحه تتفسح وده مش صحيح اوى لو عايز تتعلم هتتعلم مش عايز ميضرش هتنجح برده فبلتالى سمعتها زفت فى سوق العمل التخصص الى كنت عايز اخشه مش موجود فى مودرن فحولت الشروق نيجى لمميزات وعيوب الشروق -المميزات سمعتها كويسه جداااا فى سوق العمل فيها هتتعلم يعنى هتتعلم بمزاجك مش بمزاجك هتتعلم لاما تسقط الحياه هناك جد اوى -العيوب فيها بتتعامل على انك طالب فى جامعه حكوميه -انسا انك بتتعلم بفلوسك- الحياه هناك خنيقه جداااااااااا -حسب القسم- مستوى الرفاهيه فيها اقل بكتير من مودرن لو عايز تشترى شهاده وخلاص سيبك من الاتنين دول وعليك وعلى اما طيبه او العبور ممكن يبعتولك الشهاده على البيت من غير متروح وريح دماغك انا من رائيى لو عايز تكون مهندس بجد يبقى لتتعلم صح لاما بلاش وعليك وعلى الشروق او العاشر انا اعرف ان التعليم هناك كويس بس الشروق افضل على مائعتقد ahmedmanman 06-08-2009, 12:03 AM ممكن اسال eng_volto اذا كان ممكن اخش مودرن وبعد كده احول منها للشروق او العاشر ولا فى مشكلة eng.a7md matrix 02-09-2010, 10:11 PM بصوا ياجماعة أنا فمودرن ولحد دلوقتى مش عارف أحول ورحت الشروق ومعرفتش ادخل مدنى وبعدين رحت العاشر وقدمت ورقى ولحد دلوقتى محدش رد عليا ....................... واللهى من خرج من داره اتقل مقدارة روتانا محمود 12-09-2010, 05:38 AM طب بالنسبة لاخبار اليوم بس انا يا حاسبات ومعلومات يا هندسة بس انا مش عاوزة اكادمية دلع انا عاوزة حاجة جد واعرف اشتغل منها كويس وابقي فهمة ميبقاش اسمي مهندسة والسلام ولا واحدة اتخرجت من حاسبات او هندسة واخدت شهادة ديكور ف البيت تتعلق ف برواز abdoelkhaliq 11-01-2011, 02:53 PM tayeb 2na 3awez a3raf masreyf handset el shrok we btea5od men kam % treka555 26-01-2011, 12:18 AM بصوا يا جماعة بصراحة عشان نحسم الموضوع ده اللي عايز يقضيها يروح مودرن وهو مطمن ام ب النسبة للشروق وعن تجربة لان انا موجود هناك من سنتين في حاسبات ومعلومات فالدنيا هناك جد جدا ومتحس انك في تعليم خاص والاهم من كده انك علي قد ما بتجتهد بتلاقي عشان محدش يقول اني بعقد الدنيا عليكم وربنا يوفق الجميع shady.fci 02-03-2011, 10:10 AM احسن معهدين الشروق والعاشر دعاء شحاته 18-03-2011, 11:54 AM انا مش هرد اصلا وكل الناس مش بترد علشان واثقين من نفسنا وواثقين ان مفيش اصلا فى مصر مهندسين احسن من مودرن اكاديمى وده بشهادة وزير الاتصالات والمجلش الاعلى للجامعات واللى عاوز يشوف الفيديو يكلمنى ده ميلى disappointed.engineer*********** وبلاش والنبى احسن ومش احسن مفيش حاجة اسمها كده فى حاجة اسمها واحد مجتهد بيدور على المعلومة وواحد كسلان لو جبتلى واحد كسلان فى الجامعة الامريكية واتخرج وهو حمار هيبقى زى واحد مجتهد بتاع اى هندسة تانية او معهد مهما كانت حالت الهندسة دى فبلاش فزلكة والنبى علشان الواحد زهق من الفتى بتاعكم ده ahmedelmasry2009 03-07-2011, 06:27 AM السلام عليكم انا طالب ثانوى وكنت بسال على مصاريف اكادمية الشروق وهل هى كليه ولا مجرد معهد وهل هى معترف بيها عند التقدم لوظيفه ام لا وبتاخد مجموع من كام فى الميه. واتمنى الرد السريع شكرا mohammed_medan 07-07-2011, 05:48 PM انا كنت ف العبور وحولت الشروق ومش هقول كده عشان انا ف الشروق لو عايز تتعلم بجد عليك وعلى الشروق او العاشر فعلا اى حاجه تانيه ممكن تتعلم بس مش هتاخد شهاده زى الناس ودى الخلاصه rana 7assan 14-07-2011, 06:25 PM طب يا جماعه يا ريت حد يرد علينا فى موضوع مصاريف الشروق والعاشر ومودرن وياريت بردو حد يقولى بياخدوا من كام % النخيلى 17-07-2011, 10:24 PM مصاريف هندسة الشروق 11920 جنيه مصرى للمصريين مصاريف هندسة العاشر 12440 جنيه مصرى مش داري بحالي 18-07-2011, 10:04 AM ارجوكم حد يقولي هندسه الشروق هتاخد من كام % السنه دي ارجوكم Eng. HrSa 20-07-2011, 06:17 AM هندسة الشروق معتقدش تاخد اقل من 85 دى اقل حاجة وانا داخل اعدادى كانت 85.6 بس بجد نصيحة تعال الشروق هتحس بمتعة وتحس انك بتتعلم بجد hebaez 21-07-2011, 03:13 AM طيب لو سمحت اخبار اليوم ايه اخبارها هيه كمان حلوة ولا ياريت حد يرد hebaez 22-07-2011, 12:51 AM مرسى ياجماعة على ردودكم مكنتش اعرف ان المنتدى كده مفيش حد بيعبر حد ولا فيه حد بيرد على الاسئلة مرسى Prince ReMo0o 24-07-2011, 07:26 AM يـاشباب لو سمحتم لـو حد يعرف مودرن بتاخد ك حد أدنى من كـام ياريت يفيدنـا و6 أكتور ولعـاشر h-h-y 24-07-2011, 12:31 PM دى الجامعات والاكاديميات اللى اعرف مجموعها ومصاريفها .. ملحوظة المصاريف دى بدون مصاريف الادارة والسكن ::: ************************ جامــعة 6 اكتوبر :: المجموع :: 67 % المصاريف :: 26 الف جنيه . ************************ العاشر من رمــــــــضان :: المجموع : 70 % المصاريف : 20 الف جنيه ************************ جامعة سينا (العريش ) :: المجموع : 65% المصاريف : 23 الف جنيه ************************ جامعة فاروس :: المجموع :: 67 او 70 المصاريف :: 25 الف جنيه. ************************ الشروق :: المجموع : 85 او 87 المصاريف : مجـــــهول. ************************ اكاديمية العبور :: المجموع : لايشترط المجموع ينظر فقط للمواد التى درستها مثل الفيزياء الرياضيات 2و1 . المصاريف : 8750 جنيه الرقم الساخن :: 16308. يعمل طول الوقت . ************************ معظم الاكاديميات مثل العبور فى المصاريف والشروط. ************************ بعض المصروفات الزائدة تكون ::: الف جنيه :: تأمين معامل . الف جنيه :: مصروفات ادارية . من 150 الى 350 جنيه استمارة التحاق. بعض الجامعات مثل سينا :: السكن : 6 الاف جنيه . الطعام : 6 الاف جنيه . ************************ واتمنى اكون افدتكم محمد حسن عز 02-09-2012, 11:09 PM طيب لو سمحت انا رايح isa مودرن اكاديمى علوم حاسب وعايز بعدين احول للشروق ممكن اعرف ازاى حد السيف 03-09-2012, 12:19 AM دى الجامعات والاكاديميات اللى اعرف مجموعها ومصاريفها .. ملحوظة المصاريف دى بدون مصاريف الادارة والسكن ::: ************************ جامــعة 6 اكتوبر :: المجموع :: 67 % المصاريف :: 26 الف جنيه . ************************ العاشر من رمــــــــضان :: المجموع : 70 % المصاريف : 20 الف جنيه ************************ جامعة سينا (العريش ) :: المجموع : 65% المصاريف : 23 الف جنيه ************************ جامعة فاروس :: المجموع :: 67 او 70 المصاريف :: 25 الف جنيه. ************************ الشروق :: المجموع : 85 او 87 المصاريف : مجـــــهول. ************************ اكاديمية العبور :: المجموع : لايشترط المجموع ينظر فقط للمواد التى درستها مثل الفيزياء الرياضيات 2و1 . المصاريف : 8750 جنيه الرقم الساخن :: 16308. يعمل طول الوقت . ************************ معظم الاكاديميات مثل العبور فى المصاريف والشروط. ************************ بعض المصروفات الزائدة تكون ::: الف جنيه :: تأمين معامل . الف جنيه :: مصروفات ادارية . من 150 الى 350 جنيه استمارة التحاق. بعض الجامعات مثل سينا :: السكن : 6 الاف جنيه . الطعام : 6 الاف جنيه . ************************ واتمنى اكون افدتكم دوام الحال من المحال ms20255 20-07-2014, 01:45 PM انا طالبة فى ثانوية عامة وعلمى رياضة وعايزة ادخل هندسة فى الاكاديمية بس مش عارفة احجز ازاى هو الحجز بالتنسيق عادى من غير ما روح الاكاديمية نفسها ولا لازم اروح واحجز بنفسي وعايزة اعرف المصاريف هناك واية هى مواعيد الحجز ومعاد انتهى الحجز واية مميزات وعيوب الاكاديمية وعايزة اعرف هى الاكاديمية فيها غير هندسة وتجارة يعنى فيها كليات تانى وعايزة اعرف الاكاديمية بتقبل من كام سواء كانت هندسة او تجارة ... ارجو الرد من فضلكم sallam2u 28-08-2015, 12:47 PM انا طالبة فى ثانوية عامة وعلمى رياضة وعايزة ادخل هندسة فى الاكاديمية بس مش عارفة احجز ازاى هو الحجز بالتنسيق عادى من غير ما روح الاكاديمية نفسها ولا لازم اروح واحجز بنفسي وعايزة اعرف المصاريف هناك واية هى مواعيد الحجز ومعاد انتهى الحجز واية مميزات وعيوب الاكاديمية وعايزة اعرف هى الاكاديمية فيها غير هندسة وتجارة يعنى فيها كليات تانى وعايزة اعرف الاكاديمية بتقبل من كام سواء كانت هندسة او تجارة ... ارجو الرد من فضلكم انا بجد مستغرب من الناس اللى عايزة تخش هندسة وهى مش عارفة حتى تسأل السؤال كويس يعنى ايه "الاكاديمية" يا عروسة؟ فى مصر توجد اكثر من عشر اكاديميات على فكرة فيهم هندسة محمد(o) 30-09-2015, 07:45 PM الشروق افضل مفيش وجه مقارنه المعاهد حسب ترتيب الوزاره العاشر الشروق 15مايو |