السلام عليكم : إلتماس رسمى من محمود سرحان / صوت الحق [الأرشيف]

مشاهدة النسخة كاملة : السلام عليكم : إلتماس رسمى من محمود سرحان / صوت الحق

احمد رضا

07-07-2009, 01:45 PM

السلام عليكم ورحمة الله وبركاته
أتمني أن يكون الجميع أفضل من ذى قبل
أتقدم لسيادتكم مُلتمساً أن تعرضوا علينا سجلات تقييم المُشرفين الإداريين ونشاطهم لسببين في - رأيي المتواضع - هما :-

* بالنسبة للمُشرف اللانشيط : يُعيد التفكير مرة أخري ويتخذ قراراً من إثنين إما محاولة التحسين من كفاءته ( التي قد تكون تأثرت بمشغوليات او مهام شخصية )
أو ترك الإدارة لمن هم متفرغين أكثر ( في حالة عدم تمكنه من بذل المزيد من الجهد بسبب مهام او مشغوليات أيضاً ) ..

* بالنسبة للمُشرف النشيط : ليكون تحفيزاً له علي بذل المزيد من الجهد وأتمني أن نُجهز لهم نوع من أنواع التقدير ولو بأبسط الأشياء ..

ولكم جزيل الشكر

احمد رضا

المجاهد فى سبيل الله

07-07-2009, 01:51 PM

وانا موافق على كلامك يا احمد
وبطلب نفس طلبك

MoHaMeD ELsHeRbEnY

07-07-2009, 02:17 PM

للاسف مش كل حاجة ينفع تتعرض هنا فى الادارين

امال لية حضراتكم فية من ضمن المجلس اتنين ادارين ؟؟

هما هيبقى دورهم انهم يبعتو للى مش شغال ( نتيجة للتقارير )

ولو مش اشتغل يبقى الحكم للمجلس فى الوقت دة

وعلى فكرة التقارير بتبقى ببرنت اسكرين من لوحة التحكم

يعنى مش هيبقى فيها اى لعب

تية راى حضراتكم ؟

فى رعاية الله

احمد رضا

07-07-2009, 04:22 PM

رأي حضراتنا في إنتظار رد استاذ عصام والاستاذ محمود سرحان
واعتقد إن طالما الحاجة اللي بتتعرض صحيحة ع الكل سواء مثلاً وضحت عدم نشاطى او عدم نشاط غيري او نشاطي او نشاط غيري
فمفيش أي مُشكلة
إحنا طالبين كدا عشان نعاير بعض ؟
ولا عشان نحسن من وضع المُنتدى
لذلك فده رأيي وبأيد الموضوع مرة تانيه
إن الأمور تبقي موضحة لينا كلنا قدام بعض
مش كل ٍ علي حده
شكراً
:)

الجويرية

07-07-2009, 04:43 PM

اانا مؤيدة جدا لكلام حضرتك
وبطالب بتنفيذه
علشان نعرف راسنا من رجلينا
فى انتظار الاستاذ عصام والاستاذ محمود سرحان
وجزاكم الله خيرا

MoHaMeD ELsHeRbEnY

07-07-2009, 08:22 PM

انا مش رافض ياجماعة

بس انا راى انة مش هينفع

عموما طالما فية اختلاف فى الاراء هيتعرض فوق ونتناقش فية ونوصل لقرار

على فكرة من بكرة باذن الله

الى هيبقى المسئول عن تقارير حضراتكم النظرية ( التواجد المستمر والنشاط داخل الاقسام )

هيبقى الاسطورة ومحمود طة

والعملية اىل هيا من لوحة التحكم

انا والاستاذ احمد نجم

دا للعلم بالشئ

واعتقد الى مش شغال عارف انة مش شغال

واعتقد انكم رشحتو اتنين ادارين فى المجلس

يبقو بتثقو فيهم

وانا عن نفسى معنديش مشكلة من تقريرى انزلة هنا هناك

مش فارقة دا برنت اسكرين مش كتابة ولا حاجة

بس بناء علية قبل العرض نتفق على حاجة

المشرف الادارى الى مش شغال او نشاطة قليل جدا

لة كام فرصة ويتم اتخاذ معاة قرار ؟؟

وفعلا تم ارسال رسائل للبعض الى نشاطهم قليل

وفية متابعة مستمرة وهيبقى فية قرارات باذن الله

عموما تحبو ننسخ الموضوع دا فوق ونوصل لقرار مجلس ادارة ؟؟

..Just Stop

07-07-2009, 08:36 PM

ملهاش لازمة يا احمد
كل واحد عارف هو بيعمل ايه

احمد رضا

08-07-2009, 12:38 AM

ياباشمهندس محمود الموضوع هيبقي كويس جداً
الموضوع زي ما وضحت في النظرتين
مفيد من كل الجوانب
اللي مُقصر عرف إنه مٌقصر وبقي مُلزم امام الجميع يشتغل
أو يسيب الإدارة مشكور
واللي شغال كويس
الإدارة هتحاول تقيمه
طبعا المحمودان لا شك ولا غبار عليهم ياأخ محمد
لكن حاجة زي دي من حقنا نتشارك فيها
وفي انتظار الردود الفعلية لاستاذ عصام واستاذ سرحان
لاء يامحمد سيب الموضوع هنا
مش تنسخة فوق
:)

المجاهد فى سبيل الله

08-07-2009, 12:54 AM

MoHaMeD ELsHeRbEnY

08-07-2009, 12:57 AM

MoHaMeD ELsHeRbEnY

08-07-2009, 01:09 AM

نعيد الكلام ونقول بالبنط العريض
يا ريت يا استاذ محمد
تقرا قوانين و تعرف ايه يعن ايه مشرف ادارى ويعنى ايه نائب ادارة لان من الواضح
ان حضرتك معندكش فكرة
يعنى ايه حضرتك المسئولين عننا بعد كدا عن المتابعة يبقوا محمود الاسطورة و محمود طه
حضرتك ناسى انهم مرفين اداريين يعنى زينا زيهم
يبقوا حيتابعونا ازاى
ويشغلونا ازاى
طبعا مش قصدى اقلل من شان حد
بس انت ايه رائيك ينفع ؟
يا استاذ محمد
هما لهم فوق بس
ملهمش دعوة بشغلنا
الى يراقب عليا كا ادارى الاستاذ احمد نجم
لانه هو امسئول عنى
وهو الى مكلفنى
وحضرتك مسئول عن اداريين تانيين
يبقى انت و الاستاذ احمد المسئولين عننا
بما فيهم المحمودين
فهمتنى يا محمد
و برضه مستنين صوت الحق و الاستاذ سرحان

والله العظيم انا عارف الفرق بين الادارى ونائب الادارة

والكل هيعرفة على حق من تحديد الاختصاصات

هينزل باذن الله فى خلال يومين بعد اما يتناقش فى مجلس الادارة

والى موافق علية يبقى تمام يستمر فى الادارة

والى مش موافق بسهولة ينسحب فى هدوء

بس ان شاء الله الاختصاصت هتبقى واسعة جدا للجميع كلنا هنطلب بكدة

بالنسبة للموضوع نفسة

انا والله لما قولت محمود ومحمود مقولش مسؤلين عنكم

انا قولت هما الى هينزلو تقارير عن حضراتكم فقط

لسبب بسيط ان الاخ احمد رضا شاكك فى التقارير

وطلب يشوف التقرير الى بناء علية تم تكريم اسماء

طيب اوك طالما حضرتك شاكك فيا

انا فعلا مش هكملها ومش زعلان والله ابدا

والى هيكملها محمود ومحمود الى حضراتكم رشحتوهم

هما الى هينزلو تقارير عبارة عن

فترة التواجد / النشاط داخل المواضيع / النشاط فى اقسامك

وهيبقى فية تقارير عملية ودى من لوحة التحكم وهنقارن دى بدى

يعنى هيبقى كل التقارير باذن الله صحيحة

اما بالنسبة ان المسؤل عن حضرتك هوة الاستاذ احمد نجم

وانا مسؤل عن ادارين تانين فبالتالى الاستاذ محمود سرحان مش مسئول عن اى حاجة

لانة معينش اى حد

كلام غير معقول

عموما مش موضعنا دى بردة هتبقى فى الاختصاصات باذن الله

ياريت تكون فهمت وجهة نظرى يا اخ احمد

وانا اسف لو وصلتك بشكل غير صحيح

فى رعاية الله

..Just Stop

08-07-2009, 01:17 AM

المجاهد فى سبيل الله

08-07-2009, 01:29 AM

MoHaMeD ELsHeRbEnY

08-07-2009, 02:25 AM

والله كنت لسه حتكلم فى النقطة دى يا محمود
انا بعد كدا حبات فى اقتراحات وحلول
و المخالفات تجيلى لحد عندى
وانا حاطط رجل على رجل
واشلها ويبقى كدا انا بقيت انشط مشرف
و كمان انتم نسيتوا حاجه
احنا مش مسئولين عن النقل و الحذف
مش دا دورنا
دا دور المشرفين
انا واحد من الناس بلاثى مواضيع عايزه تتنقل
اسالوا مشرفينى
ببعتلهم رسايل بالمواضيع وهما الى ينقلوها
احنا دورنا يا استاذ محمد
اننا نتابع المشرفين
مش نشتغل شغل المشرفين
يعنى انت بناءا على ايه حتحاسبنى حاسبنى على اقسامى ومشرفنهم
انما تحاسبنى انى منقلتش موضوع ولا حذفت ولا كلام من دا
دا الدور الغايب عن حضرتك
نيجى بنقطة تانيه
ايوا الاستاذ سرحان مش مسئول عنى ولا عن حد
هو و الاستاذ عصام مع بعض
ملناش دعوة احنا بيهم
مسولين من بعض
و الاستاذ عصام مسئول عليك وعلى نجم
لانه باعتراف الاستاذ سرحان هو المدير الاول وهو المسئول
فهمتنى يا محمد
و افهمك غلط ايه بس واسف ايه
عيب عليك يابنى احنا اخوات
وبنتناقش يعنى مش بنتعارك
واكيد فاهم وجهت نظرك

ياباشا والله كل كلامك صح

وانا مش قولت التقارير نقل وحذف

دا مجرد تقرير من لوحة التحكم

وبقولك التقارير اىل هيقدمها محمود ومحمود عبارة عن حاجات كتير

هنحددها فوق

مثلا زى اية

التواجد المستمر / النشاط داخل اقسامة / تنشيط اقسامة / نشاطة واضح ولا لا / ردودة الادارية .... الخ

فهمتنى ياريس

عموما الموضوع بسيط يا جماعة

ياريت ترسو على حل

ومعاكم محمود طة هيكون هوة واحد من المسئول عن التقارير بناء على كلام الاخ احمد رضا

اتفقو تنزلوها هنا مفيش مشاكل

هناك مفيش مشاكل

كدة كدة هيبقى كلة بما يرضى الله باذن الله

فى رعاية الله

احمد رضا

08-07-2009, 05:24 AM

يا دكتور احمد رضا
مش مستاهلة تقييم يا احمد
كل واحد عارف مين اللى شغال ومين لا
هل معنى اننا لما نعمل تقييم اللى مش نشيط هينشط
والنشيط هيزيد نشاط
لا يبقا الحال كما هو عليه
المشكلة نفسها فى الشخص ذاته
انا هقول حاجة واللى يزعل يزعل
محدش فينا شغال
واذا كان التقييم على عن طريق الكم من النقل والحذف والغلق والتحرير
فدا تقييم باطل
طب منا ممكن ابات فى اقتراحات واحرر وانقل مواضيع زى اى مشرف درجة تالتة
التقييم بيبقا بناءا على افكار مجهود تطوير مش نقل مواضيع يا سادة
لو كان التقيم على النقل والحذف وخلافه فنا خارج التقييم ومش مستنى حد يقول انت شغال واللا لا
والراى الاخير يرجع لكو
دمتم فى رعاية الله

سَلِمَ فوك
وعلي فكرة
ده من ضمن الحاجات اللي كنت هتكلم عليها يامحمود والله
لما كدا أشوف التقارير وألاقي الإدارة بتقول دول أنشط مُشرفين
والاقي حذف مش عارف ايه
ونقل مش عارف ايه
والكلام ده
أقوم اتكلم بقي وأقول علي أي أساس ويتفتح سجال ياجميل
ورايي من رأيك
ومنتظر رأي استاذ عصام واستاذ سرحان

احمد رضا

08-07-2009, 05:29 AM

مش هنسخة مفيش مشاكل

بس على فكرة اى موضوع هنا مش هيتم اتخاذ فية قرار

لو متنسخش فوق

لان الراى النهائى فوق

هنا للنقاش فقط ليس لاتخاذ القرار

عموما انا ما زلت مش فارقة معايا

انا تقريرى برنت اسكرين وفعلا هنزل اول واحد بكرة فوق

بس عاوز رد من حضرتك يا اخ برومثيوس على النقطة دى

المشرف الادارى الى مش شغال او نشاطة قليل

لة كام فرصة ويتم اتخاذ معاة قرار ؟؟

اعتقد اتنين والتالتة القرار

الاولى والتانية تحذير رسمى

والتالتة قرار مجلس ادارة

اية راى حضراتكم ؟؟

ههههههههههههههههههه
حماده حماده حماده
بص اسمعي بس الله يهدينا ويهديك
يعني ايه هنا للنقاش بس ؟
يعني نخبط دماغنا والإدارة اللي عيزاه هيتم فوق مثلا ؟
لاء ياسعادة الباشا
فيه حاجة اسمها توازن ومُستعد احطله تعريف جديد دلوقتي
يعني الإدارة الكريمة استاذ عصام واستاذ صوت الحق
هيجوا يتناقشوا هنا
واقنعونا تمام
اقنعناهم يبقوا ياخدوا الموضوع فوق
ويتناقشوا حول كيفية التنفيذ
مش مثلا هنا نخبط دماغنا ف الحيط
وهناك اللي يمشي ع الكل
:d
مش تحدد الكلام كدا ياحمادة
عشان الكلام ده يزعل جداً
:)

احمد رضا

08-07-2009, 05:31 AM

احمد رضا

08-07-2009, 05:33 AM

لسبب بسيط ان الاخ احمد رضا شاكك فى التقارير

وطلب يشوف التقرير الى بناء علية تم تكريم اسماء

طيب اوك طالما حضرتك شاكك فيا

انا فعلا مش هكملها ومش زعلان والله ابدا

والى هيكملها محمود ومحمود الى حضراتكم رشحتوهم

هما الى هينزلو تقارير عبارة عن

فترة التواجد / النشاط داخل المواضيع / النشاط فى اقسامك

وهيبقى فية تقارير عملية ودى من لوحة التحكم وهنقارن دى بدى

يعنى هيبقى كل التقارير باذن الله صحيحة

هههههههههههههههههه
مين قال إني شاكك بس ياعم محمد
هو سيدنا إبراهيم كان شاكك في الذات الإلهيه لما قال لربنا أرني كيف تحي الموتي ؟
ربنا قاله او لم تؤمن
قاله بلي ولكن " ليطمئن قلبي "
:d
انا بقي اخدت سيدنا إبراهيم قدوة في التعامل مع الأمور والقضايا كافة
:)
ربنا يهدينا جميعاً

احمد رضا

09-07-2009, 10:50 PM

وبعديييييييييييييين ؟
انا ورايا مشوار ياريت اللي هيرد من صوت الحق او الأدمن يرد
او يقول انا موجود وقريت ومش رادد
:d

احمد رضا

12-07-2009, 03:00 AM

هههههههههههههه
احلي حاجة والله
الموضوع نام ولا أكن فيه بني آدم بيتكلم وبيطلب بأدب
:d

احمد رضا

12-07-2009, 03:01 AM

تم إرسال اللينك للأخ محمود سرحان .. والأخ صوت الحق
لما نشوف إيه الحكاية
وياتري حجرة الإداريين لا ترقي بالزيارة والرد ولا خصوصا موضوعي
:d
ولا فيه مشكلة ف اللهجه فوق
ههههههههه
حاجة عجيبة ياجدعان

admin

12-07-2009, 11:46 AM