المساعد الشخصي الرقمي

مشاهدة النسخة كاملة : قسم خاص بالاستفسارات و الطلبات

الصفحات : 1 [2] 3 4
Nawaf.M
15-09-2009, 12:42 AM
السلام عليكم ورحمة الله وبركاته


كيف حالكم احبائي


لدي دبلوم سنتين تخصص محاسبه من السعوديه عدد الساعات الدراسيه 60 ساعه


اريد اكمال الدراسه الجامعيه


ماهي الجامعات اللتي بالقاهره اللتي تعادلي دراسة الدبلوم بـ 60 ساعه او اقل الى 50 ساعه


ارجو ان تفيدوني

عن الجامعات الحوميه والخاصه


رغم اني اتمنى اكمل في جامعة القاهره لكن لا اعلم هل انها تعادلي الساعات اللتي درستها بالدبلوم


او بس الجامعات الخاصه





ارجو من الله ثم منكم الإفاده



وهل في جامعات الى الآن فاتحه بوابة القبول والتسجيل


هل استطيع الاتحاق هذا العام ام قفل باب التجسيل لهذا العام ؟؟؟؟؟







ارجوووو منكم الافاااااده





جزاكم الله خير الجزاء


ومن يأتي لي بمعلومات وافيه وكافيه له الدعاء في هذا الشهر الفضيل



اخوكم

نواف
co0ol91
17-09-2009, 05:36 AM
hi
ezayokom?
7ad ye3raf a5er ma3ad le daf3 masareef tegara english 3in shams emta?
ann12345
20-09-2009, 01:21 AM
سؤال عن اغلاق التقديم فى الدبلومات كلية التجارة جامعة عين شمس
انا عرفت ان اخر ميعاد للتقديم فى دبلومات الدراسات العليا كان 17/9/2009
ممكن يفتحوا باب التقديم تانى بعد العيد ؟؟؟؟؟؟؟؟؟
انا اتأخرت فى التقديم لأن مكنش معايا المصاريف
ann12345
21-09-2009, 06:04 AM
معايا بكالوريوس تجارة عين شمس وانتسبت فى كلية الحقوق عين شمس و انا السنادى فى الفرقة الثالثة إن شاء الله وعندى أمل أنى أقدم السنة دى برضك على دراسة دبلومة فى كلية التجارة عين شمس علشان انا فاضى للدراسة
السؤال هو حيرضوا فى كلية التجارة عين شمس انى اجمع بين الأثنين فى نفس الوقت ولا ممنوع
ann12345
21-09-2009, 06:08 AM
انا دفعة 1993 كلية التجارة عين شمس وعاوز اطلع شهادة مؤقتة علشان الشهادات المؤقتة اللى عندى خلصت ينفع ولا لأ ؟
meegoo man
22-09-2009, 11:57 AM
]ياريت حد يقولنا معلومات عن الشهادات المهنية زى شهادات Cma- Cia- Cpa و انا سمعت انها بتدى الافضلية للتجاريين فى الشغل سواء انجلش او عربى ياريت اى حد عنده معلومات عنها ميبخلش علينا بيها
vampire1188
22-09-2009, 08:55 PM
hi
ezayokom?
7ad ye3raf a5er ma3ad le daf3 masareef tegara english 3in shams emta

اخر ميعاد بيبقي اسبوعين من تاريخ اعلان نتيجة التنسيق الداخلي لتجارة انجليش

لو فات عليك الميعاد بيتم تحويلك تلقائي لتجارة عربى
vampire1188
22-09-2009, 09:04 PM
انا عرفت ان اخر ميعاد للتقديم فى دبلومات الدراسات العليا كان 17/9/2009
ممكن يفتحوا باب التقديم تانى بعد العيد ؟؟؟؟؟؟؟؟؟

ماعتقدش .. المواعيد دي بتبقي مواعيد ثابته كل سنة ..

بالظبط زي تقديم الاوراق كدا في الثانوية العامة ..

واحسنلك تروح الكلية وتسأل بنفسك هناك في شئون الخريجين او في الدراسات العليا نفسها
vampire1188
22-09-2009, 09:14 PM
معايا بكالوريوس تجارة عين شمس وانتسبت فى كلية الحقوق عين شمس و انا السنادى فى الفرقة الثالثة إن شاء الله وعندى أمل أنى أقدم السنة دى برضك على دراسة دبلومة فى كلية التجارة عين شمس علشان انا فاضى للدراسة


من شروط التقديم للدبلومه في كلية التجارة :

لا يجوز لطالب الدراسات العليا أن يقيد اسمه فى دراسة أكثر من دبلوم أو درجة جامعية عليا فى وقت واحد إلا بموافقة مجلس الدراسات العليا والبحوث بناء على اقتراح مجلس الكلية وبعد أخذ رأى مجالس الأقسام المختصة

وبالتالى في حالتك دي .. مش نافع انك تقدم في الدراسات العليا ..

لإن دا بيتعارض مع دراستك في كلية الحقوق
vampire1188
22-09-2009, 09:22 PM
انا دفعة 1993 كلية التجارة عين شمس وعاوز اطلع شهادة مؤقتة علشان الشهادات المؤقتة اللى عندى خلصت ينفع ولا لأ ؟

أكيد طبعا ينفع .. روح لشئون الخريجين وقولهم عايز اطلع شهادة مؤقتة .. بـ 5 جنيه

وبعدين الشهاد المؤقتة بتطلع في اي وقت وغير محددة بعدد معين من الاستخراج ..

اما الشهادة النهائية هيا اللي مابتطلعش الا مرة واحده بس
vampire1188
22-09-2009, 09:28 PM
ياريت حد يقولنا معلومات عن الشهادات المهنية زى شهادات cma- cia- cpa و انا سمعت انها بتدى الافضلية للتجاريين فى الشغل سواء انجلش او عربى

والله يا ميجو انتا سؤالك دا تقيل اوي .. لإن بصراحة الكلام على كل واحده فيهم عايزله موضوع بحاله !!

Cma دي الدبلومة الامريكية للمحاسبة .. عددها 4 مراحل تقريبا ..

3 مراحل بتدرسهم في مصر (الجامعة الامريكية او جامعة الدول العربية)

والمرحلة الاخيرة بتبقي في امريكا

بمجرد تسجيلك فيها بيطلعلك كود ليك وبتبقي محاسب دولى

رسومها تقريبا كله على بعضه كدا حوالي 12 الف

والمعلومات اللي بقولهالك دي على مافتكر يعني ..

عشان كان في مرة عاملين ندوة تعريفية عندنا في الكلية عنها ..

فانا بقولك المعلومات اللي اتقالتلنا واللي انا لسه فاكرها
vampire1188
22-09-2009, 09:32 PM
اريد اكمال الدراسه الجامعيه
ماهي الجامعات اللتي بالقاهره اللتي تعادلي دراسة الدبلوم بـ 60 ساعه او اقل الى 50 ساعه
ارجو ان تفيدوني
عن الجامعات الحوميه والخاصه


من الاخر الجامعات الحكومية مش هاتعرف تاخد معاهم حق ولا باطل ..

لان نظام الدراسة عندنا بالمقررات مش بالساعات ..

غير كدا كمان اجراءاتها معقدة وخنيقة لانك مش مصري

انما الجامعات الخاصة كويسة وهاتعرف تتعامل كويس معاهم

عندك الجامعة الامريكية وجامعة 6 اكتوبر وجامعة msa ..

هما دول الجامعات الخاصة المحترمة اللي ليهم اسمهم في مصر وبيعملوا معادلات للساعات
KARIM_METWALLY
22-09-2009, 11:32 PM
الدراسة امتى و هل فى تقسيط للمصاريف بالنسبة لتجارة انجليزى على الترمين و اذا جبت امتياز او جيد جدا فى سنة اولى هل فى خصم للمصاريف فى تانية كل دا بتكلم على اسكندرية
vampire1188
22-09-2009, 11:55 PM
الدراسة امتى

لغاية تلك اللحظة الدراسة يوم 3/10 .. وقابلة للتأجيل .. لكن الأكيد ان السنة مش هاتتلغى

هل فى تقسيط للمصاريف بالنسبة لتجارة انجليزى على الترمين

في سنة اولي لأ .. لكن في السنوات اللي بعد كدا ممكن تقسط والكلام دا على كل الجامعات

اذا جبت امتياز او جيد جدا فى سنة اولى هل فى خصم للمصاريف

في القاهرة عندنا مافيش .. لكن الله اعلم في اسكندرية عندكوا في ولا لأ

بس اللي اعرفه انك اما بتجيب جيد جدا او امتياز بتاخد منحة مبارك ..

جيد جدا بتاخد 86 جنيه .. امتياز بتاخد 120 جنيه
arabtrip
23-09-2009, 05:22 AM
السلام عليكم ورحمة الله وبركاته
انا كنت عايز اسأل عن bis ومميزاتها وهى احسن ولا تجاره انجلش وفرص الشغل
ahmed610
23-09-2009, 04:20 PM
الدراسة امتى و هل فى تقسيط للمصاريف بالنسبة لتجارة انجليزى على الترمين و اذا جبت امتياز او جيد جدا فى سنة اولى هل فى خصم للمصاريف فى تانية كل دا بتكلم على اسكندرية
بص يا كريم انا معرفش النظام فى اسكندرية اية بالظبط بس عندنا فى القاهرة المصاريف ممكن تتقسم نصين يعنى احنا بندفع 3 الاف ترم اول وفى الترم التانى الف ونص وممكن تدفع 4500مرة واحدة

لو جبت تقدير جيد جدا هيتخصملك ربع المصاريف ولو جبت امتياز هيخصمو نصف المصاريف لوجبت جيد طبعا مش هيخصموا اى حاجة خالص

والكلام دة بالنسبة للقاهرة اعتقد فى اسكندرية النظام هيبقى متشابة
esraa bakeer
24-09-2009, 08:14 PM
السلام عليكم
انا سمعت اني انتساب في كل الجامعات حيبقي تعليم عن بعد بدون الذهاب الي الجامعه و المحاضرات حتنزل علي النت او التلفيون المهم الواحد بقا لو جاب تقدير كويس مثلا امتياز او المجموع الي بيتيح الفرصه التحول الي انتظام بدلا من انتساب يتري حيفضل النظام ده ثابت
اقصد يعني لو جبت تقدير السنه ده في اولي اقدر احول من انتساب الي انتضام
vampire1188
24-09-2009, 11:57 PM
انا كنت عايز اسأل عن bis

BIS دا عبارة عن قسم موجود في كلية التجارة .. وتحديداً في جامعة حلوان

التخصص فيه بيبقي من سنة أولى .. وشروط الالتحاق زي تجارة انجليش

ومكان الدراسة بيبقي خارج الحرم الجامعى.. وتحديداً في الزمالك

والتسجيل مجاناً من خلال اللينك دا http://www.helwan.edu.eg/university/bis/register_bis.html

ومميزاتها وهى احسن ولا تجاره انجلش

الاتنين زي بعض من حيث الأهمية .. بس فوارق الدراسة والمواد هيا اللي بتبقي مختلفة شوية

بمعني ان المواد هيا اللي مختلفة ونظام الدراسة كمان

يعني عندك تجارة انجليزي بتمشي بنظام المقررات .. انما bis بيمشوا بالساعات المعتمدة

عندك المصاريف برده .. bis مصاريفها حوالي 6500 .. يعني اغلي من تجارة انجليزي كمان
vampire1188
24-09-2009, 11:58 PM
لو جبت تقدير جيد جدا هيتخصملك ربع المصاريف ولو جبت امتياز هيخصمو نصف المصاريف لوجبت جيد طبعا مش هيخصموا اى حاجة خالص

تصدق اول مرة اعرف .. يالا اهو معلومة مفيدة برده

طب طالما كدا امال ولاد اللذينة دول ليه مابيخصموش من الـ 120 جنيه بتاعتنا ؟!

اما ناس ماعندهاش دم صحيح
vampire1188
25-09-2009, 12:02 AM
المهم الواحد بقا لو جاب تقدير كويس مثلا امتياز او المجموع الي بيتيح الفرصه التحول الي انتظام بدلا من انتساب يتري حيفضل النظام ده ثابت اقصد يعني لو جبت تقدير السنه ده في اولي اقدر احول من انتساب الي انتضام

أكيد طبعاً .. الشرط دا موجود من اول ما انتساب بدأت اصلاً

وشرط التحويل من انتساب لانتظام حاجتين :

1- تقدير مش اقل من جيد ( يعني جيد او جيد جدا او امتياز )

2- انك تكوني ناجحة صافى ( يعني مش شايلة مواد خالص )
ahmed610
25-09-2009, 03:30 AM
تصدق اول مرة اعرف .. يالا اهو معلومة مفيدة برده

طب طالما كدا امال ولاد اللذينة دول ليه مابيخصموش من الـ 120 جنيه بتاعتنا ؟!

اما ناس ماعندهاش دم صحيح
يعنى هما 120 جنية وعايز خصم كمان:d حرام عليك احمد ربنا
معندكش اى اخبار عن الجداول
جامدة القطة دى امال فين عم صابر
vampire1188
25-09-2009, 03:45 AM
يعنى هما 120 جنية وعايز خصم كمان:d حرام عليك احمد ربنا

اه ياعم .. مش حكومة بقي .. ماهي الحكومة سارقانا في كل حاجة

يبقى لازم ناخد حقنا تالت ومتلت .. والله لو كان شلن .. برده ناخد حقنا

معندكش اى اخبار عن الجداول

ادينا مستنيين اهو يا اخويا .. مافيش جديد .. ناس معندهاش دم

جامدة القطة دى امال فين عم صابر

ماخلاص بقي .. عم صابر مات وراح لحاله ومش هايرجع تاني خلاص (فاهمني انتا)
عمرو ع
25-09-2009, 09:11 PM
هو المفروض ان الجداول تنزل الاسبوع دا والا امتى يا فامبير؟
المفروض ان دا اخر اسبوع اجازه والدراسه الاسبوع الجاى والا ايه؟
vampire1188
25-09-2009, 10:53 PM
هو المفروض ان الجداول تنزل الاسبوع دا والا امتى يا فامبير؟

المفروض اه ان شاء الله .. هيا على فكرة كل سنة بتنزل بدري .. ماعرفش السنة دي اتأخرت جامد

المفروض ان دا اخر اسبوع اجازه والدراسه الاسبوع الجاى والا ايه؟

حتى تلك اللحظة زي ماقولت قبل كدا الدراسة هاتبقي يوم 3/10 ان شاء الله .. ودا ميعاد نهائي

الا اذا جد جديد وقاموا مأجلينها تاني
kakl11
26-09-2009, 03:10 PM
بعد ازنك انا تجاره انتساب عين شمس وكنت عايز اعرف اجيب الكارنيه امتى وهل فى محاضرات ام لا ؟
أنين المذنبين
26-09-2009, 05:07 PM
بعد ازنك انا تجاره انتساب عين شمس وكنت عايز اعرف اجيب الكارنيه امتى وهل فى محاضرات ام لا ؟
السلام عيكم اولا سؤالك الاول انت بتروح باوصلات اللى معاك بتاع المصاريف للشئون ال العام الدراسى وبيقولك استنى اسبوعين وبتاخد الكنيه

بالنسبة لموضوع المحاضرات فالامر معلق الذى سيظهر ذلك الجداول اما تنزل
KARIM_METWALLY
26-09-2009, 05:34 PM
لو سمحت يا اخ فامبير بالنسبة لتجارة انجليش اليكس الكتب عندنا ب1500 جنية هل هى ضروري فى الدراسة ؟ هل فى كتب حيقولونا عليها الدكاترة و المعيدين ؟ وانهى الافضل فى المذاكرة كتبالكلية ولا كتب المعيدين والدكاترة؟ و شكرا
vampire1188
26-09-2009, 09:20 PM
لو سمحت يا اخ فامبير بالنسبة لتجارة انجليش اليكس الكتب عندنا ب1500 جنية هل هى ضروري فى الدراسة ؟

اه ضروري .. لسبب .. وهوا ان الدكتور اصلا بيبقى شغال منه بإستمرار ..

لإن بيبقي فيه مسائل وتمارين موجودة في الكتاب الدكتور بيحلها معاكوا في المحاضرة

بس طبعا انتا مش كل يوم هاتجيب الكتاب .. لإن الكتاب تقيل وكبير عليك (اما تشوف الكتاب هاتتخض اصلا)

فانتا ساعتها المفروض اللي بيحصل ان الدكتور بينبه عليكوا قبل مابيحل التمارين

انكوا تصوروا تمرين معين وتجيبوه معاكوا في اليوم اللي بعده .. عشان يخفف عنكوا يعني

هل فى كتب حيقولونا عليها الدكاترة و المعيدين ؟

الكلام دا بيبقي موجود في الكليات بتاعة آداب وآثار والحتت دي .. لكن تجارة كتبها بتبقى ثابته ومعروفة

خاصة كمان تجارة انجليش كتبها بتبقي ثابته ومناهجها ثابته كمان

يعني من الاخر مافيش كتاب معين الدكتور هايقولك عليه .. كل اللي هايحصل انك هاتروح تستلم الكتب وبس

وانهى الافضل فى المذاكرة كتبالكلية ولا كتب المعيدين والدكاترة؟

كتب الكلية هيا كتب الدكاترة (مافيش كتب للمعيدين .. فيه ملازم ممكن)
عمرو ع
26-09-2009, 11:23 PM
طيب السبت اجازه والا لا؟ وخاصه فى جامعه بنها؟
التؤمان
26-09-2009, 11:30 PM
اية اخبار الجدول يا فميبر؟ لسة مافيش جديد دى الدرسة المفروض فاضل اسبوع لدخولها:bosyht9:
vampire1188
26-09-2009, 11:36 PM
طيب السبت اجازه والا لا؟ وخاصه فى جامعه بنها؟

مافيش سبت اجازة خلاص .. دا قرار وزير
vampire1188
26-09-2009, 11:37 PM
اية اخبار الجدول يا فميبر؟ لسة مافيش جديد دى الدرسة المفروض فاضل اسبوع لدخولها

والله لسه مافيش اي حاجة نزلت .. انا ان شاء الله نازل الجامعة بعد بكرة ..

وهابقي اشوف كدا ايه الاخبار وابقي اجي اقولكوا
MO7AMMED11hosam
27-09-2009, 01:59 PM
ايه احسن تجارة ولا حقوق ولا معهد
vampire1188
27-09-2009, 07:02 PM
ايه احسن تجارة ولا حقوق ولا معهد

شوف مين اعلى في المجموع بتاع الثانوية العامة واكيد هاتعرف تحكم كويس
kamona
27-09-2009, 07:08 PM
انا سمعت ان فى تجارة انجليزى من انتساب بنسبة 10% هل الكلام دة بصحيح ولا لا
vampire1188
27-09-2009, 09:15 PM
انا سمعت ان فى تجارة انجليزى من انتساب بنسبة 10% هل الكلام دة بصحيح ولا لا

كلام غلط طبعا (قانوناً) .. لكن طبقاً لمبدأ الكوسة اللي ماشية في البلد بيقبلوا انتساب ..

وتقريبا الكلام دا حصل في جامعة كفر الشيخ السنة دي (على لسان العضوة GamalEwees) ..

بجد حاجة تكسف
التؤمان
27-09-2009, 09:17 PM
هو انا علشان اعمل الكارنية اخد اية معايا صور يعنى ،بطاقة كدا يعنى وكيد دا طبعا هيكون اول يوم دراسة مش كدا ولا ممكن قبلها
vampire1188
27-09-2009, 09:24 PM
هو انا علشان اعمل الكارنية اخد اية معايا صور يعنى ،بطاقة كدا يعنى وكيد دا طبعا هيكون اول يوم دراسة مش كدا ولا ممكن قبلها

دلوقتى انتى اما دفعتى المصاريف ادوكى 3 ورقات (ورقتين كبار وورقة صغيرة عليها ختم النسر)

في تلك الحالة لازم تعملي حاجة اسمها اثبات دفع ..

من خلال انك بتروحي للشئون وتديهم التلات ورقات دول ..

هما بياخدوا منك الورقة الصغيرة بيحتفظوا بيها وبيرجعلك الورقتين الكبار تاني

بعد كدا بتيجي على اول السنة بقي اما الدراسة تبدأ

بتروحي للشئون تاني بالورقتين اللي معاكي دول ومعاهم صورة ليكي

فيه نوعين من انواع الكارنيهات .. كارنيه تعبان وكارنيه نضيف ..

الكارنيه التعبان بيتعمل وانتي واقفة (بس دا مش مغلف)

الكارنيه النضيف بتستني عليه اسبوع تقريبا او اسبوع وشوية على بال مايتعمل (دا بيبقي كمبيوتر ومغلف)

وساعتها نقولك مبروك عليكي الكارنيه الجديد
التؤمان
27-09-2009, 09:29 PM
شكرا ليك يا فاميبر ربنا يجازيك خير ويجعلة فى ميزان حسناتك
عمرو ع
27-09-2009, 09:29 PM
هههههههههههههههههههههههههههههههه
حلو مبروك عليكى الكارنيه الجديد دا ههههههههههههههههههههههههههههههههههههه
KARIM_METWALLY
27-09-2009, 09:30 PM
يا اخ فامبير ادى حال تجارة انجليش اسكندرية

هيصة هو دا حال تقديم تجارة انجليش اسكندرية
1- قبول اى مستوى رفيع انشالله صينى
2- قبول مرحلة تانية ولو ينفع 3و4و5و6 ما كانش يتعز
3-المجموع الاعتبارى--------> حد الله ولا يكون طبعا مافيش
:022yb4::022yb4::022yb4::022yb4::022yb4::022yb4::0 22yb4::022yb4:
vampire1188
27-09-2009, 09:38 PM
يا اخ فامبير ادى حال تجارة انجليش اسكندرية

هيصة هو دا حال تقديم تجارة انجليش اسكندرية
1- قبول اى مستوى رفيع انشالله صينى
2- قبول مرحلة تانية ولو ينفع 3و4و5و6 ما كانش يتعز
3-المجموع الاعتبارى--------> حد الله ولا يكون طبعا مافيش

يا كيمو بيتهيألي جامعات زي اسكندرية والقاهرة وعين شمس وحلوان

المفروض دي من اكبر الجامعات اللي المفروض مابيحصلش فيها الكلام دا

انا هافسرلك ليه الكلام دا بيحصل في بعض الجامعات زي بنها وكفر الشيخ واسيوط والحتت دي

الجامعات دي ياسيدي بتبقي مش لاقيه تمويل ..

والاقبال عليها بيبقي خفيف الى حد ما مقارنة بجامعات العاصمة زي القاهرة كدا

فابيلجأوا لان هما يقبلوا اي اعداد متقدمة عشان مصاريفهم تمول الجامعة

هوا دا التفسير الوحيد للهيصة اللي انتا بتقول عليها دي
KARIM_METWALLY
27-09-2009, 09:46 PM
والله هو دا الحال عندنا و الدفعة 1200 واحد انا اتقبلت على 0.02 هى اخدت من 84.4 و انا 84.6 بسبب موضوع المستوى اى مستوى شغال
soma_
28-09-2009, 11:15 PM
السلام عليكم....... انا عضوه جديده معاكم انا سنه اولى وان شاء الله انتظام بس كنت عايزه اعرف موضوع الفرق انا ازاي اعرف انا اي فرقه بالظبط..................ارجو الرد
soma_
28-09-2009, 11:19 PM
وعايزه اعرف جداول المحاضرات كمان....................بليز حد يرد عليا
vampire1188
29-09-2009, 12:20 AM
السلام عليكم....... انا عضوه جديده معاكم انا سنه اولى وان شاء الله انتظام

أهلا بيكي ونورتى المنتدي

كنت عايزه اعرف موضوع الفرق انا ازاي اعرف انا اي فرقه بالظبط

لازم تفرقي مابين حاجتين في منتهى الاختلاف .. الفرقة والمجموعة

الفرقة دي يعني رقم السنة اللي انتي فيها ..

يعني لو انتي سنة اولي يبقي يتقال عليكي الفرقة الأولى ..

لو سنة تانية تبقي الفرقة التانية وهكذا ..

وطبعاً انا عارف ان مش دا قصدك في السؤال .. انتى قصدك تعرفي ايه هيا مجموعتك

المجموعة دي عبارة عن تقسيم لطلاب تجارة ككل لمجموعات ..

كل مجموعة بدكاترة معينين وكتب معينة ومنهج وجدول محاضرات وامتحان معين

التقسيم دا بيبقي على أساس الترتيب الأبجدى كالآتى :

مجموعة أ ==> كل الاسماء اللي بتبدأ بحرف الألف

مجموعة ب ==> من حرف الباء : حرف الظاء

مجموعة جـ ==> من حرف العين : محمد مـ

مجموعة د ==> محمود : حرف الياء

وعايزه اعرف جداول المحاضرات كمان

بالكتير اوي بكرة ان شاء الله (الثلاثاء) هاتتلاقيه نازل
يارا احمد
29-09-2009, 02:33 AM
لو سمحت يا فامبير
طب احنا ان شاء الله نظامنا ايه
محاضرات مجموعات جداول
soma_
29-09-2009, 03:04 AM
ميرسي اوي يافامبير
esraa bakeer
29-09-2009, 07:46 PM
انا عرفت ان الدراسه ان شاء الله الا سبوع القادم فهل انتساب ملهمش انهم يروحوا خالص و لا حتي ليهم ايام معينه و هل الجدول بتاع اولي تجاره انتساب نزل و
عاوزه لو سمحت موقع كليه تجاره عين شمس
vampire1188
29-09-2009, 08:11 PM
لو سمحت يا فامبير طب احنا ان شاء الله نظامنا ايه

90% ان شاء الله النظام القديم ثابت عندكوا ..

يعني مافيش اجراءات متخذه بالنسبة لطلبة تجارة انجليش ..

الاجراءات خاصة بتجارة عربى بس عشان اعدادهم كبيرة

بدليل ان جدول محاضرات المجموعة المميزة ماشي بنفس النظام القديم ماتغيرش فيه حاجة ..

مش زي باقي المجموعات العادية بتاعة انتظام

فغالباً انتوا هاتبقوا نفس النظام القديم برده

هايتم تقسيمكوا على 6 مجموعات .. A, b, c, d, e, f ..

كل مجموعة بيتم توزيعها بالأسماء مش بالحروف

وفيه كشف بينزل اول يوم دراسة بأسماء الطلبة وتوزيعاتهم على المجموعات اللي قولتهالك دي

والكشف بيبقي متعلق على الباب الازاز بتاع مدخل مبنى تجارة انجليش

محاضرات مجموعات جداول

محاضرات : عادي زي تجارة عربى بس ليكوا نظام معين بقي في الحضور والميد تيرم والدرجات والكلام دا كله

مجموعات : زي ماقولتلك قبل كدا .. 6 مجموعات والتوزيع بالأسماء

جداول : لسه مانزلش حاجة .. اول ماتنزل ان شاء الله هاتتلاقيها ع المنتدي هنا
اسلام66
30-09-2009, 01:50 PM
ممكن يا فامبير بعلاقاتك الجامده تجيب لى جدول محاضرات تجاره انجليش جامعه المنصوره للفرقه الاولى
الله أعلم
30-09-2009, 05:32 PM
ياجمااااااااااااااااااااااااااااااعة
ممكن تقولولى رأيكم فى الدكاترة دى ضرووووووووووووووووورى
من حيث التصحيح(اهم حاجة) والمنهج والامتحان وخلافه وتقولى اخره يدى كام(يعنى بيدى 20 من 20 ولا لأ)
1/د/عبد المنعم عوض الله + د/ابتهاج اقتصاديات مشروع
2/د/صلاح بسيونى محاسبة ادارية لمجموعة أ1 وكمان د /عبد المنعم فليح محاسبة ادارية لمجموعة أ2
3/ضريبية 2 د/ روؤف عبد المنعم
4/مراجعة د /خالد عبد المنعم
5/نظم محاسبية د/عادل عزب وكمان د/عبد العاطى عبد المنصف نظم محاسبية وكمان د/حلمى ابراهيم
مستنى الردود
متااااااااااااااااااابع
vampire1188
30-09-2009, 10:26 PM
ياجمااااااااااااااااااااااااااااااعة
ممكن تقولولى رأيكم فى الدكاترة دى ضرووووووووووووووووورى
من حيث التصحيح(اهم حاجة) والمنهج والامتحان وخلافه وتقولى اخره يدى كام(يعنى بيدى 20 من 20 ولا لأ)
1/د/عبد المنعم عوض الله + د/ابتهاج اقتصاديات مشروع
2/د/صلاح بسيونى محاسبة ادارية لمجموعة أ1 وكمان د /عبد المنعم فليح محاسبة ادارية لمجموعة أ2
3/ضريبية 2 د/ روؤف عبد المنعم
4/مراجعة د /خالد عبد المنعم
5/نظم محاسبية د/عادل عزب وكمان د/عبد العاطى عبد المنصف نظم محاسبية وكمان د/حلمى ابراهيم
مستنى الردود
متااااااااااااااااااابع

من الواضح ان انتا في سنة رابعة .. يسعدنى اقولك ان مافيش ولا دكتور فيهم درسلي قبل كدا !!

ممكن يا فامبير بعلاقاتك الجامده تجيب لى جدول محاضرات تجاره انجليش جامعه المنصوره للفرقه الاولى

ماقدرش اوعدك .. لكن هحاول
carpon
01-10-2009, 04:33 AM
لو سمحت يا فامبير كنت عايز اعرف ايه هيا الاقسام الي موجودة في عين شمس ايه
يعني محاسبة و ادارة اعمال لاني لما رحت الكلية شفت حاجات متعلقة لمواد غريبة زي حاسبات و نظم و كدة

و كمان هل فيها قسم مميز ؟
و سمعت كمان ان السنة دي قبلو ناس في انجلش و هما انتساب هل الكلام دة صح؟
عبدالله مرسى
01-10-2009, 02:47 PM
لو سمحت يا فامبير ربنا يكرمك ممكن تجبلى جدول محاضرات تجارة انجلش اسكندرية
maro92
01-10-2009, 04:12 PM
انا في اولي تجارة انتساب انا عايزة اعرف انتساب ليها محاضرات ولا لا
ولو ليها ياريت تجيبوا جدول المحاضرات بتاع انتساب..
مايا 55
01-10-2009, 07:47 PM
فآآمبير انت بقي خلصت تجاره ولا ف سنه كام ولا ايه عرفنا بنفسك يمكن نكون اصحاب لما ندخل الكليه :p
Yehemak_Fe_Eh
01-10-2009, 08:11 PM
لو سمحت يا فامبير انا الفرفة الاولى تجارة انجلش عين شمس ياريت لو حضرتك تعرف الجدول تقولوا
vampire1188
01-10-2009, 08:35 PM
لو سمحت يا فامبير كنت عايز اعرف ايه هيا الاقسام الي موجودة في عين شمس ايه يعني محاسبة و ادارة اعمال لاني لما رحت الكلية شفت حاجات متعلقة لمواد غريبة زي حاسبات و نظم و كدة

موجود قسم محاسبة وادارة اعمال .. والتخصص فيها بيبقي من سنة رابعة

وبالرغبة كمان مش بالمجموع

دا مالكش دعوة بيه طبعاً .. انتا ليك فرقتك وبس .. شوف جدول اولي بتاعك فين وانقله والتزم بيه

واما تبقي توصل سنة رابعة بقي ان شاء الله هاتعرف دا كله

و كمان هل فيها قسم مميز ؟

لأ .. والله ماكدبش عليك انا ماعرفش النظام الجديد بتاعكوا ايه في عين شمس

بس اللي اعرفه ان النظام عندكوا السنة اللي فاتت

كان 4 مجموعات .. 2 انتظام و 2 انتساب .. غير شعبة انجليش وفرنساوي

و سمعت كمان ان السنة دي قبلو ناس في انجلش و هما انتساب هل الكلام دة صح؟

فى عين شمس والقاهرة وحلوان مش هاتتلاقي .. لكن ممكن تلاقي في الجامعات بتاعة الأقاليم

ودي طبعا بتبقي حاجات غير قانونية وكوسة ..
vampire1188
01-10-2009, 08:36 PM
لو سمحت يا فامبير ربنا يكرمك ممكن تجبلى جدول محاضرات تجارة انجلش اسكندرية

انا تجارة القاهرة يا عبد الله .. ايه اللي هايوديني انا لاسكندرية ؟!

ومع ذلك هحاول ادورلك عليه واجيبهولك
vampire1188
01-10-2009, 08:37 PM
انا في اولي تجارة انتساب انا عايزة اعرف انتساب ليها محاضرات ولا لا ولو ليها ياريت تجيبوا جدول المحاضرات بتاع انتساب..

انتساب خلااااااااص .. كلام نهائي مالهاش محاضرات في الجامعة

ودا على مستوى الجامعات كلها
vampire1188
01-10-2009, 08:40 PM
فآآمبير انت بقي خلصت تجاره ولا ف سنه كام ولا ايه عرفنا بنفسك يمكن نكون اصحاب لما ندخل الكليه :p

انا في سنة تالته انتظام .. تجارة القاهرة .. اي خدمات http://l.yimg.com/us.yimg.com/i/mesg/emoticons7/4.gif
vampire1188
01-10-2009, 08:46 PM
لو سمحت يا فامبير انا الفرفة الاولى تجارة انجلش عين شمس ياريت لو حضرتك تعرف الجدول تقولوا

لسه مانزلش .. اما ينزل هاتتلاقيه ان شاء الله ع المنتدي هنا
Yehemak_Fe_Eh
01-10-2009, 09:43 PM
لسه مانزلش .. اما ينزل هاتتلاقيه ان شاء الله ع المنتدي هنا
شكرا اووى لحضرتك على الرد
tota_25
01-10-2009, 10:27 PM
السلام عليكم

لو سمحت كنت عايزه اعرف بس هوا على تجاره الاسكندريه سنه اولى عربى انتظام

الجدول نزل بس هما 8 مجموعات لكل مجموعه جدول فكنت عايزه اعرف حروف كل مجموعه يعنى كل مجموعه من ال8 بتبدا بحرف ايه وتنتهى بايه

وسورى لو كنت طولت عليك بس بليز علشان حاسه انى تايه فى الكليه

وربنا يستر ان شاء الله

وميرسى كتير ليك
kakl11
02-10-2009, 06:33 PM
انا دلوقت تبع حرف ال م فى المجموعه الثالثه انتساب سنه اولى هل ينفع انى احضر محاضرات مع المجموعه الثانيه او الاولى
EL naser 80
02-10-2009, 07:29 PM
سلام عليكم

اولا: شكرا ليك يا فامبير على مجهودك الواضح فى القسم

ثانيا : انا عايز اعرفك انى مكنتش فى جامعه القاهرة وبالتالى معرفش نظامكم ايه هناك .. عشان كده عندى شويه استفسارات بخصوص نظام الدراسه فى الفرقه الرابعه انتظام كليه التجارة جامعه القاهرة لآن بنت عمى عامله عمليه ومش هتقدر تنزل الكليه وتتابع لفترة طويله .

ثالثا : استفساراتى يا باشا وارجوا انى مكونش متقل عليك :

- بعد اذنك كنت عايز اعرف الجدول الخاص بمحاضرات الفرقه الرابعه انتظام

- عدد ايام الدراسه فى الأسبوع ... حسب نظام الدراسه الجديد للعام 2009/2010

- مواعيد نزول الكتب بتبقى امتى تقريبا ؟؟

- مواعيد السكاشن وايامها ..


طبعا كل استفساراتى خاصه بالفرقه الرابعه انتظام ... شكرا ليك يا فامباير وربنا يجازيك خير ان شاء الله على قدر مساعدتك للناس
vampire1188
02-10-2009, 07:48 PM
عشان كده عندى شويه استفسارات بخصوص نظام الدراسه فى الفرقه الرابعه انتظام كليه التجارة جامعه القاهرة لآن بنت عمى عامله عمليه ومش هتقدر تنزل الكليه وتتابع لفترة طويله .

ألف سلامة عليها .. وربنا يقومها بالسلامة ان شاء الله

بعد اذنك كنت عايز اعرف الجدول الخاص بمحاضرات الفرقه الرابعه انتظام

الجداول هاتتلاقيها موجودة في الموضوع دا .. http://thanwya.com./vb/showthread.php?t=157016

عدد ايام الدراسه فى الأسبوع ... حسب نظام الدراسه الجديد للعام 2009/2010

المجموعات العادية .. يومين في الاسبوع ..

اما المجموعات المميزة بتبقي 4 ايام في الاسبوع

مواعيد نزول الكتب بتبقى امتى تقريبا ؟؟

اسبوعين بعد بدأ الدراسة

مواعيد السكاشن وايامها

غالباً بتبدأ بعد شهر من بدأ الدراسة .. الجدول طبعاً لسه مانزلش

تابع المنتدي معانا ان شاء الله واول مايوصلنا خبر هاتتلاقيه مرفوع هنا
vampire1188
02-10-2009, 07:49 PM
انا دلوقت تبع حرف ال م فى المجموعه الثالثه انتساب سنه اولى هل ينفع انى احضر محاضرات مع المجموعه الثانيه او الاولى

انتا طبعاً غالباً عين شمس ..

كل مجموعة هناك بيبقالها دكتور مختلف ومنهج مختلف .. عشان كدا لازم تلتزم بمجموعتك
vampire1188
02-10-2009, 07:50 PM
لو سمحت كنت عايزه اعرف بس هوا على تجاره الاسكندريه سنه اولى عربى انتظام

الجدول نزل بس هما 8 مجموعات لكل مجموعه جدول فكنت عايزه اعرف حروف كل مجموعه يعنى كل مجموعه من ال8 بتبدا بحرف ايه وتنتهى بايه

للأسف كان بإيدي اخدمك والله .. بس معلش ماعنديش علم بتقسيم المجموعات دا عندكوا خالص
يارا احمد
02-10-2009, 08:14 PM
يا فامبير لو سمحت جدولنا لسه مانزلش اعمل ايه دلوقتي
اروح امتي و لو في محاضرات ممكن تكون الساعه 8 صباحا مثلا
اعمل ايه ؟؟؟؟؟؟؟؟؟؟؟؟؟؟؟؟
vampire1188
02-10-2009, 08:24 PM
يا فامبير لو سمحت جدولنا لسه مانزلش اعمل ايه دلوقتي اروح امتي و لو في محاضرات ممكن تكون الساعه 8 صباحا مثلا اعمل ايه ؟؟؟؟؟؟؟؟؟؟؟؟؟؟؟؟

العمل عمل ربنا ..

الجداول لسه مانزلتش لغاية دلوقتى ..

ومن المؤكد انك هاتتلاقيها متعلقة بكرة ان شاء الله قدام باب مبنى انجليزي عندكوا

وبالتالى .. كدا كدا المحاضرة الاولانية من الاخر مالهاش اي لازمة

لإنها بتبقي محاضرة تعريف بالمادة وتعارف بالدكتور

وعشان كدا وفري على نفسك الصحيان بدري وروحي على الساعة 11 عادي

لو روحتى ولاقيتي جدولك فيه الصبح ..

مش مشكلة كدا كدا المحاضرة الاولانية مالهاش لازمة زي ماقولتلك

لو روحتي ولاقيتي جدولك مافيهوش الصبح ولسه محاضراتك مابدأتش .. يبقي خير وبركة

متهيألي دا احلي حل .. لإن انا برده كنت زيك كدا اول مادخلت الجامعة وماكنتش عارف جدولي

فاصدقيني هوا اللي بقولهولك دا احسن حل
soma_
02-10-2009, 09:06 PM
ميرسي اوي يافامبير على مجهودك...........كنت عايزه اسالك... انا الفرقه الاولى تجاره القاهره وانا المجموعه ب2 هو ينفع احضر في الجدول في بتاع المجموعه ب1 وهما الاتنين نفس الداكتره
vampire1188
02-10-2009, 09:11 PM
ميرسي اوي يافامبير على مجهودك...........كنت عايزه اسالك... انا الفرقه الاولى تجاره القاهره وانا المجموعه ب2 هو ينفع احضر في الجدول في بتاع المجموعه ب1 وهما الاتنين نفس الداكتره

والله يا سوما حتى الآن الرؤية لسه مابانتش

لإن المحدد الاساسي للموضوع دا حكاية توحيد المنهج في المجموعتين ..

لإن لو مافيش توحيد يبقي المنهج مختلف وبالتالي الامتحان مختلف

كل دا هايتعرف بكرة ان شاء الله ..

انا اما اروح الكلية ان شاء الله بكرة هاشوف الحوار ايه وهابقي اجي ابغلكوا بالتفاصيل
EL naser 80
02-10-2009, 09:16 PM
شكرا جزيلا ليك يا فامبير وشكرا لتعاونك وجزاك الله خيرا

وربنا معاك ومع باقى الطلبه ان شاء الله
soma_
02-10-2009, 10:00 PM
ماشي يافامبير..........ميرسي اوي وربنا يكرمك
EL naser 80
03-10-2009, 02:06 PM
استفسار صغير يا فامبير ياريت


انا سألت بنت عمى اذا كانت مجموعه عاديه ولا مميزة

فقالتلى انها متعرفش النظام ده اساسا وايه هى المجموعه العاديه والمميزة ... مع العلم انها فى سنه رابعه انتظام

هى كل اللى تعرفه انها مجموعه ( د ) ياريت توضحلى موضوع المميزة والعاديه دى والنظام ده شغال من امتى ؟؟
vampire1188
03-10-2009, 06:27 PM
هى كل اللى تعرفه انها مجموعه ( د ) ياريت توضحلى موضوع المميزة والعاديه دى والنظام ده شغال من امتى ؟؟

لا خلاص ماتتعبش في نفسك ..

طالما هيا مجموعة (د) يبقي شوف جدول مجموعة د بتاعها وقولهولها

بس بص .. فيه تقسيم جديد حصل للمجموعات هاتتلاقيه في اللينك دا

http://thanwya.com./vb/showthread.php?t=157137

وبالتوفيق ان شاء الله
التؤمان
03-10-2009, 06:49 PM
ممكن تقولى يا فاميبر اية سبب تعديل الجدول ؟؟؟ وكدابقى التقسيم اتحدد يعنى مش مستبعد ان كل مجموعة خاصة بنفسها ممكن بقى تقول لى اية رايك فى الدكاترة دى لان الدكاترة اتغيرت وهم (احمد الزاملى؛الدسوقى حامد؛اميرة فؤاد ؛على الديب ؛مجدى نصار؛نفيسةمحمد ؛نظيمة عبد العظيم؛عاطف معتمد حمدى المعاز) وسؤال اخير انا روحت النهاردة الجامعة ولقيت مكتبات جواها هى دى اللى انا هشترى منها المحاضرات ولا المكتبات اللى برة؟
vampire1188
03-10-2009, 07:37 PM
ممكن تقولى يا فاميبر اية سبب تعديل الجدول ؟؟؟

الله أعلم .. دي أمور خاصة بمكتب العميد والوكيل .. ماحدش يعرفها غيرهم

ممكن بقى تقول لى اية رايك فى الدكاترة دى لان الدكاترة اتغيرت

ماعرفش فيهم غير أحمد الزاملى وعلى الديب ومجدى نصار

وانا قولتلك على نظامهم قبل كدا .. لكن الباقيين اسمع عنهم بس .. لكن ماعرفش نظامهم ايه صراحة

وسؤال اخير انا روحت النهاردة الجامعة ولقيت مكتبات جواها هى دى اللى انا هشترى منها المحاضرات ولا المكتبات اللى برة؟

لأ اللي جوا الجامعة دي بتشتري منها التطبيقات اللي بتنزل في المحاسبة والرياضة

(على حسب ما الدكتور بيقول)

انما مكتبات بره دي هيا اللي بتبيع المحاضرات والملازم
EL naser 80
03-10-2009, 08:17 PM
شكرا ليك يا فامبير مرة تانيه :)
maro92
04-10-2009, 01:59 AM
انا عندي سؤال صغير
هي محاضرات كلية تجارة
جامعة عين شمس
ممكن تتعرض فديو علي النت
salomeh
04-10-2009, 03:41 PM
معلش انا هتقل عليك
انا لسه سنه اولى انتساب
وحاسه انى تايهه خالص
ممكن تقولنا نذاكر ازاى وايه المواد اللى محتاجه مذاكره الترم الاول وايه المواد اللى محتاجه كتب او ملازم
وانا سمعت ان فيه حاجه اسمها تطبيقات ايه دى؟
vampire1188
04-10-2009, 08:20 PM
انا عندي سؤال صغير هي محاضرات كلية تجارة جامعة عين شمس ممكن تتعرض فديو علي النت

والله يا مارو لسه ماحدش يعرف حاجة ..

انا الخبر اللي اعرفه لغاية دلوقتى ان فيه قناة هايتم تخصيصها لكل جامعة على النايل سات

حكاية محاضرات النت دي بقى الله اعلم لسه مانعرفش عنها حاجة
vampire1188
04-10-2009, 08:34 PM
معلش انا هتقل عليك انا لسه سنه اولى انتساب وحاسه انى تايهه خالص

دا شئ طبيعي جدا جدا جداااااااا .. لا تقلقي وخليكي عادية وايزي خالص

اي حد بيبقي داخل سنة اولي جامعة جديد لازم يكون تايه .. حتى لو هوا لافف وعارف كل حاجة

برده لازم يكون تايه .. لان دا مكان جديد ونظام جديد وتعامل جديد وجو جديد ..

فاطبيعي تكوني لسه فيه تنشنه منه ..

بس مع الوقت هاتتلاقي نفسك عادي جدا وهاتحبى الكلية كمان

ممكن تقولنا نذاكر ازاى وايه المواد اللى محتاجه مذاكره الترم الاول

مبدأياً قبل اي شئ .. انسى الثانوية العامة دي نهااااائي وارميها ورا ضهرك

بمعنى انك مافيش قفش ومذاكرة كل يوم وخنقة ..

في كليتنا الذيذة دي هما يومين مذاكرة في الاسبوع كله كفاية اوي

بس طبعا حكاية معدل المذاكرة دي بيختلف من واحد لواحد ومن شخص لشخص

ودي بنسميها القدرة على التحصيل في الدراسة ..

بمعني انك انتى تقدري تذاكري صفحتين في ساعة .. غيرك يذاكر 4 صفحات في نص ساعة

فانتي شوفي قدرتك على المذاكرة ايه .. وعلى هذا الاساس تعاملى

بس أهم ما في الموضوع كله انك تشدي جامد جامد جامد في اخر شهر قبل الامتحان

بالنسبة للمواد اللي محتاجة مذاكرة .. هيا كل المواد طبعاً تتذاكر عادي

بس مواد النظري دي تقدري تلميها .. لإنها حفظ .. لكن المواد التقيلة والرخمة هيا المحاسبة والرياضة

وهيا دي بقى اللي محتاجة دح وملازم وورق وحل كتير .. فانتي ركزي على المحاسبة دي جامد جدا

وحلي عليها كتير اوي .. عشان اما تيجي تخش الامتحان تحلي بسرعة وتنجزي

عشان هاتواجهم مشكلة الوقت في الامتحان بعد كدا

ومش هاتعرفي الكلام دا الا ساعة الامتحان وتجربي وتتلسعي زي مانا اتلسعت !!

وكذلك الرياضة برده شدى عليها جامد .. وحلي كتير زي المحاسبة كدا

وانا سمعت ان فيه حاجه اسمها تطبيقات ايه دى؟

التطبيقات دي الدكتور هوا اللي بينزلها .. يعني بتبقي منحة من الدكتور مش اكتر

(الكلية غير ملزمة انها تنزل التطبيقات دي)

وبيبقي كتاب صغير كدا فيه تمارين على المنهج وكدا ..

وعلى طول وبشكل اساسي بتنزل في مواد المحاسبة والرياضة والمواد العملية بشكل عام

فيه بعض الدكاترة بينزلوها في المواد النظرية زي الادارة والموارد الاقتصادية ..

دي بتبقي على حسب الدكتور بقى .. لكن المحاسبة والرياضة دي اساسي الدكتور بينزلها تطبيقات

لان من الاخر من غير التطبيقات ماحدش هايعرف يحل حاجة ولا هايفهم حاجة

فا نصيحة مني ليكي يعني .. اما التطبيقات دي تنزل اطحنيها حل ..

عشان هيا دي اللي فيها الشفا باذن الله ..

حليها وان شاء الله ربنا هايكرمك وهاتحلي كويس في الامتحان وتجيبي تقدير عالي كمان
soma_
04-10-2009, 10:51 PM
مساء الخير يافامبير..........اكيد رحت الجامعه وحترد عليا اذا كان ينفع احضر في ب1 بدل الجروب بتاعي ب2
vampire1188
05-10-2009, 12:44 AM
مساء الخير يافامبير..........اكيد رحت الجامعه وحترد عليا اذا كان ينفع احضر في ب1 بدل الجروب بتاعي ب2

غالباً اه .. لإن انا نفسي هاعمل زيك برده
amany#
05-10-2009, 01:12 AM
......اكيد رحت الجامعه وحترد عليا اذا كان ينفع احضر في ب1 بدل الجروب بتاعي ب2[/quote]
على فكره يا جماعه فى اختلاف فى الدكاتره فى المجموعه الواحده
يعنى مثلا الفرقه الاولى أ2 فىمبادى تنظيم واداره د\ الدسوقى حامد
والمجموعه أ1 د\احمد فهمى جلال
ودكاتره ج1 فى اختلاف عن ج2
vampire1188
05-10-2009, 02:32 AM
على فكره يا جماعه فى اختلاف فى الدكاتره فى المجموعه الواحده
يعنى مثلا الفرقه الاولى أ2 فىمبادى تنظيم واداره د\ الدسوقى حامد
والمجموعه أ1 د\احمد فهمى جلال
ودكاتره ج1 فى اختلاف عن ج2


الاختلاف بيبقي في دكتور واحد .. لإن انا برده نفس النظام زيكوا

بس من الواضح ان الامتحان هايبقى واحد ..

لإن مافيش دكتور دخلنا نوه على حكاية اختلاف واتفاق الامتحان دي

بس انا عن نفسي مش هاتفرق .. انا كدا كدا هاحضر في المجموعة اللي هيا مش بتاعتي

ولو فيه اختلاف هابقي اقضيها ملازم من بره في المادة اللي فيها اختلاف وخلاص واريح دماغى
salomeh
05-10-2009, 08:33 AM
ميرسى اوى اوى اوى

طب ايه بقى اكتر مكتبه كويسه ف حكايه الملازم دى ولا كله زيه بعضه؟
عمرو ع
05-10-2009, 12:58 PM
الاختلاف بيبقي في دكتور واحد .. لإن انا برده نفس النظام زيكوا

بس من الواضح ان الامتحان هايبقى واحد ..

لإن مافيش دكتور دخلنا نوه على حكاية اختلاف واتفاق الامتحان دي

بس انا عن نفسي مش هاتفرق .. انا كدا كدا هاحضر في المجموعة اللي هيا مش بتاعتي

ولو فيه اختلاف هابقي اقضيها ملازم من بره في المادة اللي فيها اختلاف وخلاص واريح دماغى




ونعم النصايح بصراحه يعنى بتحرض اللبه يحضروا فى المجموعه اللى مش بتاعتهم وكمان يعتمدوا على الملازم
بجد ونعم النصايح هههههههههههههههههههههههههههههههههههههههههههههههه
:039uw8:





اوعوا حد يمشى وراه:abdoog8:
مايا 55
05-10-2009, 02:00 PM
النهاردة كان عندي محاضرتين بس نفضت ومروحتش
من اولها فشل :p
يلآ ربنآ يوفق الجميع
vampire1188
05-10-2009, 08:25 PM
ميرسى اوى اوى اوى طب ايه بقى اكتر مكتبه كويسه ف حكايه الملازم دى ولا كله زيه بعضه؟

والله النظام المعتاد بتاع كل سنة ..

ان كل مجموعة من المجموعات بتاعة كلية تجارة بيبقالها مكتبة مخصوص بره

وهيا اللي بتتولي كتابة محاضراتها وملازمها والسين وجيم والشرح والسكاشن والكلام دا كله

فانتي استني يومين تلاته كدا وهاتتلاقي ان فيه ناس من بتوع المكتبات دول

هايجولك المدرج وانتي قاعدة في مكانك ..

وهايبدأوا يعملوا اعلانات للمكتبة من خلال انهم هايوزعوا عينات من المحاضرات

كعامل جذب للطلاب يعني عشان لناس بعد المحاضرة يروحوا المكتبة بره ويشتروا وكدا

فانتي شوفي ايه هيا المكتبة اللي انتي تبعها وابدأي تعاملي بقى
vampire1188
05-10-2009, 08:32 PM
ونعم النصايح بصراحه يعنى بتحرض الطلبه يحضروا فى المجموعه اللى مش بتاعتهم وكمان يعتمدوا على الملازم
بجد ونعم النصايح هههههههههههههههههههههههههههههههههههههههههههههههه

هههههههههههههههههههه

يا عمورة انا بقول الواقع واللي بيحصل واللي انا ذات نفسى بمشي عليه

فكك بقى من نظام الطالب المجتهد اللي بيلخص في الكتب

ويمقق عينه ويعمل فيها سعدون المطحون !!

لان الكلام دا مابقاش ياكل معا حد ..

الوقع بتاع كليتنا بيقول .. 4 مصادر للدراسة والمذاكرة .. محاضرة - كتاب - ملازم - تطبيقات

> المحاضرة دي شئ توضيحي بيتم فيها شرح الاجزاء اللي انتا ممكن ماتكونش فاهمها

( يعني ممكن نستغنى عنها )

> الكتاب ماهو الا مرجع بيتم الرجوع ليه في بعض الجزئيات المهمة

> الملازم بتعوض المحاضرات اللي الواحد ماحضرهاش .. وبتسهل عليك شرح الجزئيات الصعبة

> التطبيقات زي كتاب التدريبات او دليل التقويم في الثانوية العامة كدا ..

بتقعد تحل فيه عشان ايدك تمشي في المسائل

اللي عايز يصدقني يصدقني .. واللي مش عايز .. مسيره هايصدقني بعد كدا برده
vampire1188
05-10-2009, 08:38 PM
النهاردة كان عندي محاضرتين بس نفضت ومروحتش من اولها فشل :pيلآ ربنآ يوفق الجميع

ميه ميه ياريس .. كدا انتى بقيتى خليفتي في الملاعب

استمري على النظام دا واضمنلك انى هاضمك في المنتخب ان شاء الله :078111rg3:
عمرو ع
05-10-2009, 08:43 PM
بس فى ناس تقولك تجاره انجلش اساسها الحضور عشان كدا انا بقولك ونعم النصايح ههههههههههههههههههههه
التؤمان
05-10-2009, 11:08 PM
قوللى يافاميبر هو الكتب بنشتريها منين ؟ وكتب التطبيقات بتتجاب منيين ؟
soma_
05-10-2009, 11:44 PM
هاي ياجماعه.... هو ما فيش حد هنا الفرقه الاولى مجموعه ب2 لان انا كان عندي 5 محاضرات الاسبوع ده حضرت منهم واحده بس والباقي فاتني ماحدش حضر يقولي الدنيا كان فيها كده.....وميرسي مقدما....
vampire1188
06-10-2009, 12:16 AM
بس فى ناس تقولك تجاره انجلش اساسها الحضور عشان كدا انا بقولك ونعم النصايح ههههههههههههههههههههه

يابني لا تجارة انجليش وضعهم مختلف

تجارة انجليش غصب عنهم اصلا لازم يحضروا .. عشان فيه نسبة حضور معينة لازم تتحضر

والحضور عندهم بيبقي بصرف النظر عن هما بيذاكروا او مش بيذاكروا .. المهم يحضروا وبس
vampire1188
06-10-2009, 12:19 AM
قوللى يافاميبر هو الكتب بنشتريها منين ؟

من الشبابيك اللي جنب خزنة الكلية

بس هيا مش هاتنزل دلوقتى .. قدامها اسبوع ولا حاجة كدا

وكتب التطبيقات بتتجاب منيين ؟

من المكتبات اللي ورا معهد الليزر .. وطبعاً التطبيقات مش بتنزل دلوقتى

اما الدكتور يقول انها نزلت ابقي روحي هاتيها .. وغالباً بتنزل في مكتبة دار الثقافة
عابر القارات
06-10-2009, 12:54 AM
الله يديك الصحه والعافيه اخ فامبير على المجهود الطيب .

انا طالب وافد عربي وسجلت في جامعة طنطا كلية التجارة انتظام .

استفساراتي اخي الكريم هي : 1_ هل يمكنيي ان احضر قبل الامتحانات بشهر ونصف واذاكر واحصل المذكرات ؟
2_ هل بجانب الكلية مكتبات تبيع المذكرات والاسئله المهمه للاختبارات ؟؟
3_ هل الحضور والغياب مهم وملزم بالنسبة لطلبة الانتظام أي انني من دولة بعيده عربيه هل احاسب على الحضور والغياب ؟؟

الف شكر لك اخي الكريم .
vampire1188
06-10-2009, 02:11 AM
_ هل يمكنيي ان احضر قبل الامتحانات بشهر ونصف واذاكر واحصل المذكرات ؟

أكيد طبعاً

_ هل بجانب الكلية مكتبات تبيع المذكرات والاسئله المهمه للاختبارات ؟؟

دا شئ طبيعي يعني .. أكيد هايبقي موجود مكتبات

3_ هل الحضور والغياب مهم وملزم بالنسبة لطلبة الانتظام أي انني من دولة بعيده عربيه هل احاسب على الحضور والغياب ؟؟

لأ زيك زي طالب انتظام العادي .. طلبة انتظام مش بيتحاسبوا على الحضور والغياب

الحضور والغياب بيتحسب بس لطلبة تجارة انجليش .. غير كدا مافيش
salomeh
06-10-2009, 03:42 PM
والله النظام المعتاد بتاع كل سنة ..

ان كل مجموعة من المجموعات بتاعة كلية تجارة بيبقالها مكتبة مخصوص بره

وهيا اللي بتتولي كتابة محاضراتها وملازمها والسين وجيم والشرح والسكاشن والكلام دا كله

فانتي استني يومين تلاته كدا وهاتتلاقي ان فيه ناس من بتوع المكتبات دول

هايجولك المدرج وانتي قاعدة في مكانك ..

وهايبدأوا يعملوا اعلانات للمكتبة من خلال انهم هايوزعوا عينات من المحاضرات

كعامل جذب للطلاب يعني عشان لناس بعد المحاضرة يروحوا المكتبة بره ويشتروا وكدا

فانتي شوفي ايه هيا المكتبة اللي انتي تبعها وابدأي تعاملي بقى

لا انا انتساب عشان كده انا مش عارفه اى مكتبه احسن؟
عابر القارات
07-10-2009, 12:04 AM
الف شكر لك اخ فامبير .

بس استسفار بسيط لو سمحت ...

انا سجلت كلية التجاره طنطا وعاوز تخصص اداره اعمال كيف ؟ اتخصص من اول كورس ولا اخذ مواد محاسبه \؟؟ لاني لسه متخرج من الثانوية ومش عارف نظام الجامعه والتخصص ولا نظامها نفس الثانويه ؟؟؟
boshooo
07-10-2009, 04:42 PM
begad enta gaaaaaaaaaaaamed 3la fekra ana tanya bas law kont l2eet elly yefahemny kanet hatfre2
rabena m3ana
salaaaaaaaaaaaaaaaaaaaam
NOERINE
07-10-2009, 05:22 PM
لو سمحت الكلام دة موجة الى مشرف قسم كلية تجارة لية مفيش قسم معين للتعليم المفتوح كلية تجارة
عين شمس او القاهرة ولاحنا مش موجودين على الخريطة وذلك بعد الاعداد الكبيرة من الثانوية العامة هذة العام
وبعد الغاء محاضرات جامعة القاهرة وتاجيل محاضرات عين شمس حتى الان فل العليم المفتوح ليس لة محاضرات على
المنتديات او حتى قسم فا رجاء عمل قسم لتعليم المفتوح حتى نتبادل المعلومات او الخبرة والاحدات داخل الجامعة
مع الذكر ان فى موضوع نيزل على القسم التنسيق فهو مجرد موضوع وليس قسم دائم واسفة على الاطالة
vampire1188
08-10-2009, 06:51 PM
انا سجلت كلية التجاره طنطا وعاوز تخصص اداره اعمال كيف ؟ اتخصص من اول كورس ولا اخذ مواد محاسبه \؟؟ لاني لسه متخرج من الثانوية ومش عارف نظام الجامعه والتخصص ولا نظامها نفس الثانويه ؟؟؟

لا انتا مش هاتاخد مواد محاسبة ولا حاجة ..

انتا كدا كدا المواد بتبقي عندك اجبارية .. يعني مش بتعمل حكاية تسجيل المواد ووجع الدماغ دا

يعني الكلية بتقولك مثلا .. انتا عندك 5 مواد الترم الاولاني هاتخلصهم وهاتمتحن فيهم غصب عنك

المهم .. انتا بتفضل ماشي ع النظام دا لغاية سنة تالته .. بتيجي في الامتحانات بيوزعوا عليكوا بطاقة رغبات

انتا بنفسك بقى بتختار مابين الاقسام المختلفة سواءا محاسبة او ادارة اعمال ..

والاختيار بيبقي بالرغبة مش بالمجموع .. يعني اللي هاتكتبه هايتوافق عليه
vampire1188
08-10-2009, 06:56 PM
لو سمحت الكلام دة موجة الى مشرف قسم كلية تجارة

اه دا اللي هوا انا http://l.yimg.com/us.yimg.com/i/mesg/emoticons7/4.gif

لية مفيش قسم معين للتعليم المفتوح كلية تجارة عين شمس او القاهرة ولاحنا مش موجودين على الخريطة وذلك بعد الاعداد الكبيرة من الثانوية العامة هذة العام وبعد الغاء محاضرات جامعة القاهرة وتاجيل محاضرات عين شمس حتى الان فل العليم المفتوح ليس لة محاضرات على المنتديات او حتى قسم

حضرتك الكلام دا ان شاء الله هايتم عرضه على ادارة المنتدى وهايتم اتخاذ اللازم ان شاء الله

لكن حالياً كل اللي اقدر ارد عليك بيه ان تواجد طلبة التعليم المفتوح

هايبقي من خلال موضوع زي باقي المواضيع .. حضرتك عايز تعمله اتفضل اعمله تحت مسمى

تجمع طلبة تجارة "الجامعة المفتوحة" 2009/2010

وياريت الالتزام بالاسم اللي مكتوب دا عشان التنسيق العام للقسم

فا رجاء عمل قسم لتعليم المفتوح حتى نتبادل المعلومات او الخبرة والاحدات داخل الجامعة

ان شاء الله ربنا يجيب اللي فيه الخير وشكرا على مرور حضرتك http://l.yimg.com/us.yimg.com/i/mesg/emoticons7/1.gif
carpon
08-10-2009, 07:15 PM
سؤال يا فامبير هو التحويلات لسة مفتوحة للمعاهد الخاصة و لا لا
vampire1188
08-10-2009, 08:41 PM
سؤال يا فامبير هو التحويلات لسة مفتوحة للمعاهد الخاصة و لا لا

لأ للاسف التحويلات قفلت خلاص ..

التحويلات مش بتتم الا من خلال التحويل على النت والتحويل الورقى

والتحويلات خلاص دلوقتى مش موجودة على الموقع بتاع التنسيق ..

وبالتالى يبقي كله انتهى خلاص
carpon
09-10-2009, 01:02 AM
طيب بالنسبة للورقي ماتعرفش اي حاجة
vampire1188
09-10-2009, 03:05 AM
طيب بالنسبة للورقي ماتعرفش اي حاجة

والله انا لو قولتلك انه لسه شغال هابقي بقولك اجابة مش متأكد منها

خد اللينك دا http://thanwya.com./vb/showthread.php?t=148574&page=12

وحط سؤالك وان شاء الله هايجاوبوك هناك
Eman w bas
09-10-2009, 02:28 PM
اخباراتك يافامبير :d انا ف اولي تجارة انجليزي اسيوط <_< وشكلها كدة مولع :blush: ماينفعش احول تجارة انجليزي عين شمس او كايرو بواسطة :bosyht9: احم انا مجموعي الاعتباري قابلهم :d المشكلة ف النطاق الجغرافي :049gc0:بس قالولي التحويلات هتبقي لعربي بس مافيش انجليش :huh: فقولت طب لو الحكاية بواسطة :d بردة مافيش فايدة ؟ :bosyht9: ولا اية :d
vampire1188
10-10-2009, 01:02 AM
اخباراتك يافامبير :d

ماشي الحال http://l.yimg.com/us.yimg.com/i/mesg/emoticons7/46.gif

ماينفعش احول تجارة انجليزي عين شمس او كايرو بواسطة

استحالة طبعاً .. دا قرار من المجلس الأعلى للجامعات ..

يعني مسئولية كبيرة لو حد اكتشف وجود التحويل دا .. مهماً كان درجة واسطته

غير كدا اصلا التحويل مش هايتقبل .. لإن مافيش تحويل من انجليش لانجليش

كمان اذا جيتي حولتى هايقولك اعملي تنازل وامضيه بنفسك .. يعني الموضوع مش هيصة

فا طبعاً حكاية الواسطة دي ماينفعش ..

دا حتى اذا نفع ماينفعش في جامعة زي القاهرة ولا عين شمس

انا ممكن اقولك اه ممكن دا يحصل بنسبة 1% في جامعات الاقاليم .. لكن جامعة زي القاهرة لأ طبعاً
carpon
11-10-2009, 01:19 PM
ازيك يا باشا عامل ايه ؟
هي كتب تجارة عين شمس تعمل في حدود كام تقريبا؟
mahmoud_khedr
11-10-2009, 10:40 PM
السلام عليكم ورحمة الله
ياريت لو تكلمنا عن شعبة الاكتواري يعنى لو حد انتساب سنه اولى وجاب مثلا جيد جدا ينفع يخش القسم ده مع العلم انا علمى علوم بس حلو فى الانجليزي والرياضه وهل هيه بتشترط انك تكون علمى رياضه ولا ايه ياريت توضحلى معلومات اكتر عن القسم ده ومعلش يا فامبير هنتعبك معانا استحملتا
vampire1188
11-10-2009, 10:51 PM
ازيك يا باشا عامل ايه ؟ هي كتب تجارة عين شمس تعمل في حدود كام تقريبا؟

والله ماعرف يا معلم .. اصل انا قاهرة مش عين شمس ..

بس هاحاول استفسرلك كدا واقولك ان شاء الله
vampire1188
11-10-2009, 11:05 PM
ياريت لو تكلمنا عن شعبة الاكتواري

دي شعبة جانبيه كدا موجودة في كلية تجارة ..

القبول فيها من سنة تانية (يعني خلصت اولي وطالع تانية)

والدراسة فيها بالانجليش .. ومكان الدراسة مبنى تجارة انجليش

شروط الالتحاق بيها حاجتين :

تبقي جايب جيد في سنة اولي (جيد صافي يعني مش شايل اي مادة)

بالنسبة لمصاريفها عادية جدا .. زيها زي تجارة انتظام .. 140 جنيه

وعدد المقبولين لا يتعدى الـ 20 طالب .. دا ان جاب العدد دا اصلا !!

لو حد انتساب سنه اولى وجاب مثلا جيد جدا ينفع يخش القسم ده

اكيد طبعاً .. الشروط واضحة

انا علمى علوم بس حلو فى الانجليزي والرياضه وهل هيه بتشترط انك تكون علمى رياضه ولا ايه ياريت توضحلى

لا مش بتشترط ولا حاجة .. لإن كدا كدا اصلا بيبقي في امتحان تحديد مستوي ..

بيبقي في الانجليش والرياضة .. بيتعمل في شهر 8 تقريباً

لو نجحت فيه بتخش الشعبة .. لو مانجحتش خلاص مابتخشش
mahmoud_khedr
12-10-2009, 11:18 AM
دي شعبة جانبيه كدا موجودة في كلية تجارة ..

القبول فيها من سنة تانية (يعني خلصت اولي وطالع تانية)

والدراسة فيها بالانجليش .. ومكان الدراسة مبنى تجارة انجليش

شروط الالتحاق بيها حاجتين :

تبقي جايب جيد في سنة اولي (جيد صافي يعني مش شايل اي مادة)

بالنسبة لمصاريفها عادية جدا .. زيها زي تجارة انتظام .. 140 جنيه

وعدد المقبولين لا يتعدى الـ 20 طالب .. دا ان جاب العدد دا اصلا !!



اكيد طبعاً .. الشروط واضحة



لا مش بتشترط ولا حاجة .. لإن كدا كدا اصلا بيبقي في امتحان تحديد مستوي ..

بيبقي في الانجليش والرياضة .. بيتعمل في شهر 8 تقريباً

لو نجحت فيه بتخش الشعبة .. لو مانجحتش خلاص مابتخشش


الف شكر على التوضيح وجزاك الله خير
عمرو ع
12-10-2009, 11:49 AM
يا فامير فى حد عندكوا اسمه دكتور الحسينى عبد البر.؟ بيدينا رياضه وقالنا انه منتدب من جامعه القاهره بس شرحه تمام مفهمناش حاجه

قولولى نظامه ايه؟

امتحانه عامل ازاى ؟
وعندنا قالولنا روحوا جامعه القاهره هاتوا امتحانات السنين اللى فات عشان تقدروا تفهموه
فيا ترى بينزل امتحاناته فى انهى مكتبه واسمها ايه وكدا يعنى؟
vampire1188
12-10-2009, 08:00 PM
يا فامير فى حد عندكوا اسمه دكتور الحسينى عبد البر.؟ بيدينا رياضه وقالنا انه منتدب من جامعه القاهره بس شرحه تمام مفهمناش حاجه

أولاً .. انا اول مرة اسمع عن الدكتور دا صراحة ..

يعني انا اللي اعرفه ان فيه ناس مشهورة امثال

البشبيشي ، قرطام ، مدحت حسانين ، سمير علام ، الصباغ .. الناس دي كلها مشهورة ..

انما الحسيني عبد البر دا ماعتقدش خالص

غير كدا كمان هوا مادرسش السنة اللي فاتت في اي فرقة من الفرق .. سواءا عربي او انجليش

فا للأسف انا ماعنديش أي معلومات عن الدكتور دا

وعندنا قالولنا روحوا جامعه القاهره هاتوا امتحانات السنين اللى فات عشان تقدروا تفهموه
فيا ترى بينزل امتحاناته فى انهى مكتبه واسمها ايه وكدا يعنى؟

النظام عندنا ان كل مجموعة من مجموعات تجارة بيبقالها دكتور معين

وبما ان دكتور الحسيني دا مادرسش اصلا السنة اللي فاتت لأي فرقة ..

يبقي الاكيد انك مش هاتتلاقيله امتحانات سابقة

لو انتا متأكد انه درس السنة اللي فاتت في القاهرة ..

قولي الفرقة الكام وانا هاغطس واجيبلك امتحاناته :078111rg3:
التؤمان
12-10-2009, 09:21 PM
هى الخزنة بتاعة الكلية بتفتح الساعة كام وبتقفل امتى
vampire1188
13-10-2009, 12:19 AM
هى الخزنة بتاعة الكلية بتفتح الساعة كام وبتقفل امتى

بتفتح على 10 الا ربع تقريباً .. وبتقفل على واحده او واحده وربع
عمرو ع
13-10-2009, 03:56 AM
طيب يا فامبير شكرا وهو عندنا كل يوم حد هاشوف واساله بس دا متعقد من المدرجات بتاعتنا خالص وربنا يستر بقا وهاساله كدا بس هو قال انا مش عارف ايه اللى جابنى هنا انا منتدب من جامعه القاهره
المغتربه بالكويت
13-10-2009, 07:18 AM
السلام عليكم
لوسمحت ممكن اسال سوال انا طالبه بكليه التجارة جامعة الاسكندريه الفرقه الثالثه جمارك حبيت اسال هل فعلا المحاضرات حتنزل على النت وايه هى المواد وفعلا حتتلغى ثلث المنهج عشان انا مش مقيمه فى مصر وبازن الله حنزل على الامتحانات
التؤمان
13-10-2009, 09:52 PM
قولى يا فاميبر هو المكتبة المركزية دى بنستفاد منها فى اية ومكتبة دار الثقافة والمكتبات اللى جنبها بنستفاد منهافى اية
vampire1188
14-10-2009, 12:36 AM
قولى يا فاميبر هو المكتبة المركزية دى بنستفاد منها فى اية

كطالبه بتستفادى منها انك بتطلعى وتتثقفى عادي زيها زي اي مكتبة

لكن الأهمية بتزداد بقى لو انتى باحثة او بتعملي ماجيستير او دكتوراه ..

لإن لو تلاحظى الدور الاولانى بتاع المكتبة دا كله خاص بالرسايل والأبحاث

بس بصراحة المكتبة روعة يعني .. كفاية شكلها اصلا من جوا

ومكتبة دار الثقافة والمكتبات اللى جنبها بنستفاد منهافى اية

دار الثقافة دي غالباً مابتنزل التطبيقات بتاعة المحاسبة والرياضة ..

فانتي اما الدكتور بيعلن عن نزولها بتروحي تشتريها من هناك

يعني من الاخر هيا عبارة عن مكتبة بتبيع كتب وخلاص
carpon
14-10-2009, 03:41 AM
ممكن يا فامباير باشا معلومات عن الدراسة في قسم الاكتواري
يعني ايه مختلف فيه عن العادي
و الامتحان بتاعة شكلة عامل ازاي ؟ يعني بيبقي صعب و لا سهل
المغتربه بالكويت
14-10-2009, 03:21 PM
ليش يا اخى مارديت عليا عموما شكرا
التؤمان
15-10-2009, 02:44 PM
هو 100 جنية المنحة من الكلية بعد الثانوية العامة بتبقى للى جايب مجموع كام والمجموع يبقى بالمستوى ولا من غيرة وناخدها ازاى ومنين ، هى السكاشن هتبدا امتى وناخدها فين وبتبقى فى كل المواد ولا الرياضة والمحاسبة بس وبيبقى نازل معيدين ولا بيبقى نحضر مع اى معيد
aqaqa
16-10-2009, 05:14 PM
انا فى حــيــرة من امرى انا فى اولى تجارة انجلش اسماعيليه ومش فاهم حاجه وخايف موت من المواد اللى بندرسها بمعنى انى مش عارف اذاكر ازاى فضلا عن عدم امتلاك الكتب وعدم القدرة على التدوين خلف الدكتور افيدونى!!!!!!!؟؟؟؟
salomeh
16-10-2009, 05:49 PM
ايه احسن
الدروس اللى تبع الكليه ولا شكاشن المكتبات؟
vampire1188
16-10-2009, 08:17 PM
ممكن يا فامباير باشا معلومات عن الدراسة في قسم الاكتواري يعني ايه مختلف فيه عن العادي

السؤال دا بجد اتكرر كتير اوي وانتا لو قلبت في الصفحات اللي فاتت هاتتلاقيه ..

ومع ذلك اجاوبك يا سيدي

اكتواري دا عبارة عن قسم زيه زي قسم تاني في كلية تجارة القاهرة ..

بس اللي بيفرق عنهم ان التخصص فيه من سنة تانية (يعني تخلص اولي وتطلع تانية)

بشرط انك تكون جايب جيد في سنة اولي

والدراسة فيه بالانجليش ومكان الدراسة في القاعات بتاعة مبنى تجارة انجليش

والمواد اللي في القسم دا كلها بتدور حوالين الرياضة والتأمين والتحليل المالى والكلام دا كله

اللي بيفرق القسم دا عن الاقسام التانية بقي حاجتين :

1- ان العلوم الاكتوارية مابتدرسش في مصر غير في جامعة القاهرة (القسم دا) والجامعة الامريكية

2- ان العدد قليل جدا (بيوصل لـ 20 طالب على اقصي حد)

بالتالى اي حد بيتخرج من القسم دا بيطلع يشتغل على طول

هاتقولي يشتغل فين ؟ .. بورصة - شركات تأمين - بنوك - تحليل مالى - سمسرة
vampire1188
16-10-2009, 08:30 PM
هو 100 جنية المنحة من الكلية بعد الثانوية العامة بتبقى للى جايب مجموع كام

80% فيما فوق

والمجموع يبقى بالمستوى ولا من غيرة

بالمستوى طبعاً

وناخدها ازاى ومنين

ازاي ؟ .. على ايام ماخدتها من سنتين كدا كانوا بيعلنوا عنها وبنروح نستلمها بالكارنيه

منين ؟ .. على ايام ماخدتها برده من سنتين

كان من خلال الكشك بتاع الجمعية العلمية اللي قدام مدرج ج،د

هى السكاشن هتبدا امتى

يعني غالبا هايبقي على شهر 11 كدا

وناخدها فين

مبنى الامتحانات

وبتبقى فى كل المواد ولا الرياضة والمحاسبة بس

لا في كله فيما عدا الموارد الاقتصادية تقريباً (عشان دي مادة مش تبع تجارة)

وبيبقى نازل معيدين ولا بيبقى نحضر مع اى معيد

النظام بيبقي كالاتى .. ان الجدول بينزلك في كل مادة ..

كل مادة منهم بينزل ليها معيدين او 3 معيدين بمواعيد مختلفة

وانتي بيبقالك حرية الاختيار مابينهم طبقاً لاختياراتك انتى
vampire1188
16-10-2009, 08:37 PM
انا فى حــيــرة من امرى انا فى اولى تجارة انجلش اسماعيليه ومش فاهم حاجه وخايف موت من المواد اللى بندرسها بمعنى انى مش عارف اذاكر ازاى فضلا عن عدم امتلاك الكتب وعدم القدرة على التدوين خلف الدكتور افيدونى!!!!!!!؟؟؟؟

شكوى طبيعية جدا جدا جدا من أى مستجد داخل كلية تجارة وانجليش كمان

اعمل الآتى بالترتيب وان شاء الله هايبقي على ايدي الشفا :

1- ركز في المحاضرة وافهم قبل ماتكتب .. وماتكتبش حاجة انتا مش فاهمها ..

حتى لو فهمك دا هايعطلك عن عدم كتابتك للمحاضرة .. ولو فاتك حاجة انقلها من اللي جنبك عادي

2- ارجع البيت احفظ المفاهيم الانجليش وراجعها كويس جدا ..

واقرا المحاضرة اللي انتا كتبتها مرة واتنين وتلاته عشان تثبت في دماغك

بحيث انك من كتر ماتشوفها تكون حفظتها كشكل

3- خلى مذاكرتك تابعة لـ 3 مصادر .. كتاب - كشكول محاضرات - ملازم

4- في المحاسبة والرياضة حل كتير اوي اوي اوي ..

وخلي ايدك ماشية في المسائل كتير عشان تبقي واخد على شكل المسائل بعد كدا

عشان مايواجهاكش مشكلة الوقت في الامتحان (وخاصة في الميد تيرم)

5- امشي بالخطة دي لغاية الميد تيرم .. وبعد كدا تعالى وانا اكملك الباقى
التؤمان
16-10-2009, 08:38 PM
وكلهم بيبقوا نفس المستوى والكفاة ولا انا اعرف منين يعنى اقصد على اساس اية اختار بينهم و فين مبنى الامتحانات اللى بتقول علية دا وهو كل دكتور بيبقى لية مكتب ولا كلهم بيقعوا فى مبنى واحد
vampire1188
16-10-2009, 08:41 PM
ايه احسن الدروس اللى تبع الكليه ولا سكاشن المكتبات؟

مافيش دروس تبع الكلية (قصدك سكاشن تبع الكلية "دا لو انتا انتظام")

لكن لو عايز رأيى المادة اللى انتا ضعيف فيها وشايف انك هاتضيع فيها خالص

خد فيها سكاشن تبع المكتبة اللي سمعتها حلوة واللي المعيد فيها سمعته حلوة

يعني مش تروح تاخد تبع اي معيد وخلاص

وخد بقى معلومة ليك وللزمن ..

مافيش معيدين بيدوا دروس الا القليل ..

معظم اللي بتشوفهم ويقولك المعيد كذا والمعيد كذا

هما في الاصل مش معيدين .. بيبقوا استاذة من مدارس تجارية بس متمرسين وشاطرين

او بيبقوا خريجين من كلية التجارة بس شاطرين وبيعرفوا يشرحوا
vampire1188
16-10-2009, 09:04 PM
وكلهم بيبقوا نفس المستوى والكفاة ولا انا اعرف منين يعنى اقصد على اساس اية اختار بينهم

بيبقي من خلال السمعة بتاعة المعيد ذات نفسه ..

وانتي بنفسك هاتعرفي لما تتلاقي معيد بيحضرله ناس كتيرة اوي دوناً عن المعيدين التانيين

و فين مبنى الامتحانات اللى بتقول علية دا

مانا مش هاعرف اوصفهولك يعني ..

بس انتي هاتتلاقيه ورا كلية التخطيط اللي جنب المكتبة المركزية

عموما اسألى اي حد ماشي على مبنى الامتحانات بتاع كلية تجارة وهوا هايقولك

وهو كل دكتور بيبقى لية مكتب ولا كلهم بيقعوا فى مبنى واحد

لا طبعاً كل دكتور ليه مكتب لوحده .. وهاتتلاقي الدكاترة متوزعين في المبنى الرئيسي

بتاع الكلية (الأرضى والدور الأول والتاني)

او في مركز البحوث التجارية اللي في ضهر مدرج العيوطي (الدور التاني)
عمرو ع
16-10-2009, 09:37 PM
يا فامبير نيمو جابت معلومات عن دكتور الحسينى وهى انه كان بيدرس السنه اللى فات لسنه رابعه فى قسم الاكتوارى وبتاع الحضور والانصراف بتاع الدكاتره قلها متخافيش منه ومتقلقيش مفكرها يعنى هو اللى بيديها
عمرو ع
16-10-2009, 09:41 PM
شكوى طبيعية جدا جدا جدا من أى مستجد داخل كلية تجارة وانجليش كمان

اعمل الآتى بالترتيب وان شاء الله هايبقي على ايدي الشفا :

1- ركز في المحاضرة وافهم قبل ماتكتب .. وماتكتبش حاجة انتا مش فاهمها ..

حتى لو فهمك دا هايعطلك عن عدم كتابتك للمحاضرة .. ولو فاتك حاجة انقلها من اللي جنبك عادي

2- ارجع البيت احفظ المفاهيم الانجليش وراجعها كويس جدا ..

واقرا المحاضرة اللي انتا كتبتها مرة واتنين وتلاته عشان تثبت في دماغك

بحيث انك من كتر ماتشوفها تكون حفظتها كشكل

3- خلى مذاكرتك تابعة لـ 3 مصادر .. كتاب - كشكول محاضرات - ملازم

4- في المحاسبة والرياضة حل كتير اوي اوي اوي ..





وخلي ايدك ماشية في المسائل كتير عشان تبقي واخد على شكل المسائل بعد كدا

عشان مايواجهاكش مشكلة الوقت في الامتحان (وخاصة في الميد تيرم)

5- امشي بالخطة دي لغاية الميد تيرم .. وبعد كدا تعالى وانا اكملك الباقى






ونعم النصايح والله لاولى انجلش اشكرك والله يا فامبير
:022yb4::022yb4::022yb4::022yb4::022yb4::022yb4::0 22yb4::022yb4::022yb4::022yb4::022yb4:
عمرو ع
16-10-2009, 09:43 PM
يا خوفى يا بدران من الميد تيرم دا
Yehemak_Fe_Eh
16-10-2009, 10:18 PM
لو سمحت يا فامبير ممكن تقولنا على اسم سنتر مضمون نأخد منه الملازم
aqaqa
16-10-2009, 10:52 PM
ايه الفرق بين تجارة عربي وانجلش فى مرحلة ما بعد التخريج يا اخينا فامبير؟/
carpon
17-10-2009, 02:29 AM
معلش يا فامبير تعبتك معايا
انا دلوقتي انتساب عين شمس لو جبت تقدير و حولت القاهرة ينفع اقدم في قسم الاكتواري
doody2
17-10-2009, 09:20 PM
ازيك يافامبير
معلش انا كنت عايزة اعرف دكتور هشام السيد دة ايه اخبار امتحاناته هو دلوقتي اللي بيديني تسويق مكان دكتور وائل قرطام
vampire1188
17-10-2009, 09:30 PM
لو سمحت يا فامبير ممكن تقولنا على اسم سنتر مضمون نأخد منه الملازم

متهيألي انتي عين شمس .. صراحة ماعنديش أنا أى معلومات عن مكتبات عين شمس دي

ايه الفرق بين تجارة عربي وانجلش فى مرحلة ما بعد التخريج يا اخينا فامبير؟

الفرق ان تجارة انجليش بيلاقي شغل أسرع من تجارة عربى

مش عشان هوا بيدرس انجليش ..

لأ عشان هوا بياخد المحاسبة بطريقة تتماشى مع مجريات سوق العمل

عشان كدا تتلاقي الشركات والبنوك بيفضلوا انجليش ..

لإن استجابته للشغل هاتبقي اسرع من تجارة عربي

معلش يا فامبير تعبتك معايا انا دلوقتي انتساب عين شمس لو جبت تقدير و حولت القاهرة ينفع اقدم في قسم الاكتواري

لأ .. لسبب واحد ..

انك عشان تحول من عين شمس للقاهرة هاتشيل مواد (ودا عشان حاجة اسمها معادلة مواد)

بمعني .. انك اما تيجي تحول من اولي عين شمس لتانية القاهرة ..

لازم القاهرة تعملك معادلة مواد بحيث انك تبقي ماشي زيك زي طلبة القاهرة

وطبعا قسم اكتواري عشان تحوله لازم تكون صافي مش شايل اي مواد

وكدا انتا بوضعك دا مش هاينفع انك تخشه
vampire1188
17-10-2009, 09:35 PM
معلش انا كنت عايزة اعرف دكتور هشام السيد دة ايه اخبار امتحاناته هو دلوقتي اللي بيديني تسويق مكان دكتور وائل قرطام

هشام سيد ؟ .. دا راجل محترم جدا جدا جدا والله .. وشرحه ممتاز

حضرتله محاضرة قبل كدا وعجبني جدا .. اللي بيعجبني فيه انه دايما مبتسم

وامتحاناته كويسة .. بس عموما بصرف النظر عن امتحاناته او لأ .. شدي انتي حيلك في المادة نفسها

عشان التسويق تقيل وطويل .. وربنا معاكي يا دودي
aqaqa
17-10-2009, 09:42 PM
اعطنى اجـــابه جــامعه مــانعه عن هذا السؤال وهو (ازاى اطلع من الاوائل على الكليه ولا سيما الاول؟)
aqaqa
17-10-2009, 11:01 PM
انا من كفر صقر واقرب جامعه ليه هى الزقازيق وانا فى تجاره انجلش اسماعيليه فرقه اولى وحاولت احول للزقازيق فلم استطع وقاللولى ممكن السنه الجايه . صحيح؟ وان كان كده يبقي هشيل مواد؟ وكام ماده ؟ وده هياثر عليا؟ سؤال تانى مفيش اى موقع جايب شرح لمواد تجارة انجلش ولو شرح مبسط از اسئله زى ما كان فى المرحله الثانويه ولا حتى موقع الثانويه العامه؟
احمد فكري عامر
19-10-2009, 01:22 AM
معلش يا فامبير انا لسه في سنه اولي تجاره انتظام مش عارف ابدا مذاكره ازاى اذاكر من الكتاب ولا الملازم وانا خايف منها بصراحه وش بفهم طبعا كل الماحضرات يعني الي بفهمهم قوي الرياضه والماحسبه ولكن بقيت المواد فيهم صعوبه علشان نظري وفي كتاب الموارد مجاش مش عارف اذاكر ازاى وانت عارف اني الكتب فيها رغي كتير وهل انا هحفظها كلها ازاى ممكن تجويبني بسرعه ؟؟؟؟؟؟
mahmoud_khedr
19-10-2009, 02:52 PM
ازيك يافامبير عامل ايه لو سمحت يا فامبير انا اولى انتساب مجموعه ز بس مش عارف اجيب مذكرات من مكتبة ايه لان زي مانتا ماعارف كان فى هيصه فى المدرج عن المكتبات بس بما انك كنت مجموعه ز ممكن تقولى انتا كنت بتتعامل مع مكتبة ايه وشكرا اوي ليك على الموضوع
doody2
19-10-2009, 07:25 PM
هشام سيد ؟ .. دا راجل محترم جدا جدا جدا والله .. وشرحه ممتاز

حضرتله محاضرة قبل كدا وعجبني جدا .. اللي بيعجبني فيه انه دايما مبتسم

وامتحاناته كويسة .. بس عموما بصرف النظر عن امتحاناته او لأ .. شدي انتي حيلك في المادة نفسها

عشان التسويق تقيل وطويل .. وربنا معاكي يا دودي

والله انا بردة ارتحت اوي من اول محاضرة وفهمت كويس اوي منه بس بقي في بنات خوفوني وقالولي انه كدة بس في الاول وامتحاناته صعبه وكدة فخفت بصراحه وهو فعلا دايما مبتسم :dوطيب جدااااااا
وانا والله يافامبير من اول مرة قلتلي فيها اشد شويه في المادة وانا بذاكرها اول باول علي طول وربنا يسهل بقي ويكرمنا كلنا
شكرا جدا يافامبير علي تعبك معايا ومعانا كلنا والله ربنا يديك علي قد تعبك
thenour1992
22-10-2009, 12:58 AM
وانا كمان اولى انتساب مجموعه ز بس مش عارف اجيب مذكرات من مكتبة ايه لان زي مانتا ماعارف كان فى هيصه فى المدرج عن المكتبات بس بما انك كنت مجموعه ز ممكن تقولى انتا كنت بتتعامل مع مكتبة ايه وشكرا
vampire1188
22-10-2009, 08:37 PM
انا من كفر صقر واقرب جامعه ليه هى الزقازيق وانا فى تجاره انجلش اسماعيليه فرقه اولى وحاولت احول للزقازيق فلم استطع وقاللولى ممكن السنه الجايه . صحيح؟

لأ ماينفعش .. لان ممنوع التحويل من تجارة انجليش في جامعة معينة لتجارة انجليش في جامعة تانية

انما انتا ممكن تحول من تجارة انجلش الاسماعيلية لتجارة عربى الزقازيق .. غير كدا ماينفعش

وان كان كده يبقي هشيل مواد؟ وكام ماده ؟

أكيد هاتشيل مواد .. من خلال حاجة اسمها معادلة المواد .. ودا اللي بيحدده العميد بنفسه

وده هياثر عليا؟

أكيد هايأثر عليك بالسلب .. لإن دا هايبقي over load عليك ..

لإنك تخيل ان انتا مثلا سنة تانية بتاخد 5 مواد اساسي .. انتا ممكن تشيل مادتين عشان عملية التحويل دي

وبالتالى هايبقي معاك 7 مواد .. ومطالب انك تنجح فيهم جميعاً

سؤال تانى مفيش اى موقع جايب شرح لمواد تجارة انجلش ولو شرح مبسط از اسئله زى ما كان فى المرحله الثانويه ولا حتى موقع الثانويه العامه؟

ان شاء الله وبأذن الله فيه مفاجأة انتظرها خلال اليومين الجايين
vampire1188
22-10-2009, 08:42 PM
معلش يا فامبير انا لسه في سنه اولي تجاره انتظام مش عارف ابدا مذاكره ازاى اذاكر من الكتاب ولا الملازم

سؤال كتير بيتكرر .. بس انا هاقولك الاجابة الواقعية اللي تجيب معاك من الاخر

الموارد كلها ارقام ونسب ورغى ودش وحاجة تخنق

عشان كدا فكك من الكتاب .. خليك في الملازم وعيش الحياة

الكتاب دا خليه من اجل الثقافة يا عزيزي .. يعني ابقي اتسلي فيه كدا قبل النوم

لكن عملياً وواقعياً .. الملازم هيا اللي بتجيب من الاخر
vampire1188
22-10-2009, 08:44 PM
ازيك يافامبير عامل ايه لو سمحت يا فامبير انا اولى انتساب مجموعه ز بس مش عارف اجيب مذكرات من مكتبة ايه لان زي مانتا ماعارف كان فى هيصه فى المدرج عن المكتبات بس بما انك كنت مجموعه ز ممكن تقولى انتا كنت بتتعامل مع مكتبة ايه

وانا كمان اولى انتساب مجموعه ز بس مش عارف اجيب مذكرات من مكتبة ايه لان زي مانتا ماعارف كان فى هيصه فى المدرج عن المكتبات بس بما انك كنت مجموعه ز ممكن تقولى انتا كنت بتتعامل مع مكتبة ايه وشكرا

كان فيه مكتبتين .. واحده اسمها الحرم والتانية اسمها التفوق

الحرم دي هاتها في الرياضة والمحاسبة .. التفوق هاتها في المواد النظرى وعيش حياتك
vampire1188
22-10-2009, 08:45 PM
وانا والله يافامبير من اول مرة قلتلي فيها اشد شويه في المادة وانا بذاكرها اول باول علي طول وربنا يسهل بقي ويكرمنا كلنا
شكرا جدا يافامبير علي تعبك معايا ومعانا كلنا والله ربنا يديك علي قد تعبك

ربنا يخليكي يا دودي دا من زوقك .. وان شاء الله ربنا يكرمك وتعدي فيها وتجيبي تقدير كبير كمان
التؤمان
22-10-2009, 09:16 PM
ممكن يا فاميبر تقولى اعمل اية فى المشكلة دى انا مش عارفة اذاكر رياضة خالص اصل احنا بيدينا دكتور على الديب وهو مش عايز حد يكتب خالص فى المحاضرة ولا اى كلمة واحنا كدا مبنفهمش لان بيبقى عندنا محاسبة بعدية وبننسى اللى هو بيقولة عقبال مبتخلص المحاضرة انا مش عارفة اعمل اية فى المشكلة مش عارفة اذاكر ازاى دى وقولى يا فاميبر هى الدروس اللى بتبفبى 75 المادة بتبقى مفيدة ولا اعتمد على السكاشن وخلاص مش السكاشن دى بتعمل تطبيقات زى اللى فى الدروس ولا اية الفرق بينهم معلش انا اسفة بتعبك معايا
aqaqa
22-10-2009, 09:44 PM
لو سمحت تخى الكريم عاوز ين شرح لمواد تجارة تنجلش على بوابة الثانويه اصل المواد معقده جدا طلب تانى عندنا تجارة انجلش اسماعيليه اختلاط حاد بين الذكور والاناث وممكن نعمل ايه علشان نحد من ذلك بمعنى ممكن نقترح على الدكاتره فصل بين البنين والبنات اثاء المحاضره فى القاعه يعنى مثلا البنين فى المقدمه والبنات بالخلف ؟
vampire1188
22-10-2009, 09:53 PM
ممكن يا فاميبر تقولى اعمل اية فى المشكلة دى انا مش عارفة اذاكر رياضة خالص اصل احنا بيدينا دكتور على الديب وهو مش عايز حد يكتب خالص فى المحاضرة ولا اى كلمة واحنا كدا مبنفهمش لان بيبقى عندنا محاسبة بعدية وبننسى اللى هو بيقولة

ولا تتعبى نفسك .. ماتكتبيش واما تخلصي المحاضرة اطلعي اشتريها من بره

او بلاش تشتريها .. استني كام يوم كدا لغاية ما ورق الدروس ينزل وروحي اشتريه

ورق الدروس دا ميه في الميه هايظبطك وهاتفهمي منه تمام التمام ان شاء الله

وقولى يا فاميبر هى الدروس اللى بتبفبى 75 المادة بتبقى مفيدة ولا اعتمد على السكاشن وخلاص

الدروس غالبا بتكون معمولة اصلا للناس بتوع انتساب عشان هما مالهومش سكاشن

لكن انتي ربنا رازقك بسكاشن اصلا ببلاش .. يبقي تروحي تتدفعي فلوس ليه ؟!

وعموماً الخبر اللي وصلنى ان السكاشن ان شاء الله هاتبدأ من السبت اللي بعد اللي جاي والله اعلم

مش السكاشن دى بتعمل تطبيقات زى اللى فى الدروس ولا اية الفرق بينهم معلش انا اسفة بتعبك معايا

بالظبط كدا .. بس السيكشن بتتلاقيه ساعة ونص ..

لكن الدروس بتاعة مجموعات التقوية دي بتبقي 4 ساعات
vampire1188
22-10-2009, 10:00 PM
لو سمحت تخى الكريم عاوز ين شرح لمواد تجارة تنجلش على بوابة الثانويه اصل المواد معقده جدا طلب تانى عندنا تجارة انجلش اسماعيليه

مانا قولتلك استني كام يوم كدا و هاتسمع كل خير باذن الله

طلب تانى عندنا تجارة انجلش اسماعيليه اختلاط حاد بين الذكور والاناث

كل الجامعات كدا وحياتك .. وكله لازق في بعضه ومافيش مسافات كمان (وخصوصاً في سنة اولي)

وممكن نعمل ايه علشان نحد من ذلك بمعنى ممكن نقترح على الدكاتره فصل بين البنين والبنات اثاء المحاضره فى القاعه

ليه لأ ؟ .. ابقي روح للدكتور في المحاضرة قبل مايخش على طول استلمه وقوله ع الحوار دا

لو هوا دكتور كويس هاينبه علي الكل بالالتزام .. لو دكتور ايزي هاينفض

يعنى مثلا البنين فى المقدمه والبنات بالخلف ؟

هههههههه مقدمة ايه وخلف ايه بس احنا في صلاة الجمعة ؟!!!

لا يا ريس .. كل اللي بيحصل ان المدرج مثلا بيبقي متقسم تلات اقسام .. يمين / نص / شمال

البنات مثلا تاخد اليمين ونص الشمال .. والولاد ياخدوا النص واللي متبقى من الشمال

او مثلا يعملوا حاجة حلوة زي بني سويف كدا ..

يخلوا البنات في بينش والولاد في بينش .. بس كله بيبقي على حسب التعود

احنا عندنا مثلا في القاهرة انسى ان الموضوع دا يحصل .. لإننا من سنة اولي اتعودنا ع الموضوع دا

بس طبعا انتا عشان لسه في اولي فالموضوع قافش معاك شوية

لكن والله يابني اما توصل لتانية وتالته هاتتلاقي الموضوع طبيعي جدا وعادي

ومش هاتفرق معاك القعدة جنب الولاد او البنات
التؤمان
22-10-2009, 10:52 PM
متشكرة اوى يا فاميبر على تعبك معايا انا بجد مش عارفة اقولك اية غير ربنا يجعلة فى ميزان حسناتك
vampire1188
22-10-2009, 11:11 PM
متشكرة اوى يا فاميبر على تعبك معايا انا بجد مش عارفة اقولك اية غير ربنا يجعلة فى ميزان حسناتك

أيون اهو انا عايزك تدعي كدا ..

النهارده والله اعلم الدعاوى ربنا استجابها وحققلى حاجة كنت عايزها من فترة كدا

فيه منحة في الكلية مهمة جدا اسمها منحة الـ iti ..

المنحة دي اصلا كانت معمولة للناس اللي في سنة رابعة بس

بس لحسن الحظ بقى ان لأول مرة يعملوها لسنة تالته ويضموها لسنة رابعة

ولحسن الحظ كمان انهم قبلوا الناس اللي جايبه جيد فيما فوق

أحلى حاجة في الموضوع ان انا نزلت تحت في عند مدرج أ

عشان ادور على اسمي في الكشوفات اللي متعلقة

وبكتب ال****** بتاعي عشان اروح امتحن .. الاقيلك كل اللي معدى يسألنى يقولي هوا ايه دا يا كابتن؟!!!

كان ناقص اعلق يافطة مكتوب عليها للفرقة التالته فقط ..

لإن اللي يضحك في الموضوع ان كل اللي يقف ويبحلق في الاسماء يطلع في الاخر سنة اولى !!
thenour1992
23-10-2009, 04:35 AM
[quote]
كان فيه مكتبتين .. واحده اسمها الحرم والتانية اسمها التفوق

الحرم دي هاتها في الرياضة والمحاسبة .. التفوق هاتها في المواد النظرى وعيش حياتك
[/quote

الف الف الف شكر والله مش عارفين من غيرك كنا هنعمل ايه ربنا يخليك لينا :-)
salomeh
24-10-2009, 11:00 AM
ولا تتعبى نفسك .. ماتكتبيش واما تخلصي المحاضرة اطلعي اشتريها من بره

او بلاش تشتريها .. استني كام يوم كدا لغاية ما ورق الدروس ينزل وروحي اشتريه

ورق الدروس دا ميه في الميه هايظبطك وهاتفهمي منه تمام التمام ان شاء الله


يعنى اى مكتبه بتدى دروس بتبيع ورق الدرووس؟؟؟؟؟
يعنى مكتبه الحرم مثلا بتبيع ورق الدروس
vampire1188
24-10-2009, 06:01 PM
يعنى اى مكتبه بتدى دروس بتبيع ورق الدرووس؟؟؟؟؟

اقولك انا ع القصة كاملة عشان يبقي عندك خلفية باللي بيحصل

المكتبات اللي بره دي بتحاول تلقط رزقها من خلال حاجتين ..

شوية ورق فيه شوية كلام .. وسكاشن شرح

شوية الورق دول بيتنوعوا مابين

- كتابة المحاضرات بالنص

- ورق شرح في المحاسبة والرياضة

- سؤال واجابة في المواد النظرى زي السلوكية والادارة والموارد

- حلول تطبيقات المواد اللي نازلها تطبيقات

- الامتحانات السابقة وحلولها

وكل دا طبعا بيبقي على هيئة ملازم بتنزل على اجزاء متتابعة خلال الترم

(عشان يجر رجلك طول الترم وتفضلي متابعة معاهم)

أما سكاشن الشرح دي بقى فا دي بالظبط كدا عاملة زي مجموعات الدروس في الثانوية العامة كدا

بتروحي للمكتبة اللي انتي عايزة تاخدي فيها سكاشن شرح ..

و بتستفسري عن المادة اللي انتي عايزاها ومين المعيد والسعر والكلام دا كله

وبعد كدا لو اقتنعتي بتحجزى وبيسجل اسمك وعادي جدا

يعنى مكتبه الحرم مثلا بتبيع ورق الدروس

كل المكتبات بتبيع ورق الدروس دا .. مش الحرم بس

بس زي مابنقول كدا يستحسن انك تلتزمى تبع المكتبة اللي بتعمل الملازم بتاع مجموعتك
aqaqa
24-10-2009, 07:28 PM
بالله عليك اخى الكريم انا فرقه اولى تجارة انجلش اسماعيليه وانا مش فاهم حاجه اطلاقا من الدكاتره وكانهم بيتعاملوا مع اجانب وانا راجل على قد حالى ومش فى استطاعتى دروس بره وبالنسبه للمحاضرات مش بعرف اكتب اى حاجه ورا الدكاتره وان كتبت شيء بكتبه على غير فهم بالله عليك اعمل ايـــــــــــــــــه؟ جـــزاكم الله خيــــــرا !
aqaqa
24-10-2009, 07:30 PM
انا بردو عاوز اعرف مفيش اى مذكرات خارجيه فى المكتبات شرح وان كنت حضرتك تعرف اسماء مكتبات فى الاسماعيليه مخصصه لذلك فاخبرنــــى
aqaqa
24-10-2009, 07:33 PM
انا من محافظة تانيه خالص والكليه فى الاسماعيليه ومش معايا سكن فى المدينه ومش لاقي سكن خارجي ومواعيد الدراسه اربعة ايام فى الاسبوع وبسافر فى الايام دى طب المشكله فى ايه بص يا سيدي المشكله ان انا رايح المحاضره وعارف ان انا مش فاهم حاجه فى اى حاجه وبالتالي الكسل والاحباط بيتملكنى الشاهد ان انا بغيب كتير من المحاضرات وان عرفت انقلها من اى زميل بنقلها هل ده هياثر عليا؟ مع العلم ان انا فرقه اولى انجليزي
real man
25-10-2009, 09:04 PM
فامبير باشا
بليز كنت عايز اعرف ازاي ادخل المكتبة المركزية اللى موجودة فى جامعة القاهرة علشان فيه دكتور رخم عندنا طلب مننا ريسيرش نعمله
و انا دورت على refernceses كتيرة و روحت للمكتبة بتاعتنا اللى بيقولوا عليها فيها كل حاجة وللاسف مالقيتش حاجة وسالت الادفايزور بتاعنا على المصدر بتاع مرجع معين قالى انو موجود فى المكتبة المركزية بتاعة جامعة القاهرة
انا عايز اجى جامعة القاهرة بس مش عارف اخشها ازاى دا اولا
وثانيا مش عارف هل هايسمحولى ان انا كطالب خارج الجامعة اخش ادور على كتاب معين واستفيد منو ولا ايه النظام
ياريت تفيدنى فى اسرع وقت لحسن بجد انا مزنوق زنقة سودا
vampire1188
25-10-2009, 11:04 PM
وانا مش فاهم حاجه اطلاقا من الدكاتره وكانهم بيتعاملوا مع اجانب وانا راجل على قد حالى ومش فى استطاعتى دروس بره وبالنسبه للمحاضرات مش بعرف اكتب اى حاجه ورا الدكاتره وان كتبت شيء بكتبه على غير فهم بالله عليك اعمل ايـــــــــــــــــه؟ جـــزاكم الله خيــــــرا !

الكتب مع الملازم مع القاموس .. هيا دي المصادر اللي المفروض تذاكر منها ان شاء الله

اي نعم هاتتعب في الاول .. خاصة في المحاسبة والماث .. بس ان شاء الله هاتستريح بعد كدا

كل شئ بيبقي في الاول صعب .. بس مع المذاكرة والتكرار هاتبقي كويس ان شاء الله
vampire1188
25-10-2009, 11:11 PM
بليز كنت عايز اعرف ازاي ادخل المكتبة المركزية اللى موجودة فى جامعة القاهرة علشان فيه دكتور رخم عندنا طلب مننا ريسيرش نعمله

هوا انتا كمان الدكاترة بيرخموا عندكوا ؟! .. ماشاء الله .. لالا خير ان شاء الله

انا عايز اجى جامعة القاهرة بس مش عارف اخشها ازاى دا اولا

فيه طريقتين عشان تخش جامعة القاهرة .. طريق رسمى .. وطريق غير رسمى

الطريق الغير رسمى انك تخش وسط الزحمة عادي جدا ..

وعشان يكون في علمك جامعة القاهرة هيا اسهل جامعة تقدر تخشها في مصر كلها ..

ومن الباب الرئيسي كمان !!

الطريق الرسمي انك تروح للعميد بتاعك ..

وتخليه يكتبلك طلب دخول جامعة القاهرة عشان كذا وكذا ..

ويختمهولك بختم الجامعة وتيجي تخش بيه الجامعة عندنا ..

وتقدم الطلب دا للمكتبة المركزية وانتا داخلها في الريسبشن تحت ..

هاياخدوا منك البطاقة الشخصية بتاعتك (ومش بعيد يطلبوا كارنية الجامعة بتاعك)

وهاتعيش حياتك جوا ..

واما تخلص هاتنزل تاني تاخد منهم البطاقة ويبقي كدا ميه ميه

وثانيا مش عارف هل هايسمحولى ان انا كطالب خارج الجامعة اخش ادور على كتاب معين واستفيد منو ولا ايه النظام

لا هايسمحولك ان شاء الله ماتخافش يعني .. ربنا معاك يا ريس

وعلى فكرة .. انا اساسا مستغرب ازاي ان المكتبة بتاعتكوا مافيهاش المرجع اللي انتا عايزة !!
do3aa
26-10-2009, 10:12 PM
هههههههه مقدمة ايه وخلف ايه بس احنا في صلاة الجمعة ؟!!!

ههههههههههههههههههههههههههههههههههههههههههههههههه: d:d:d
واللة يا فامبير انت ملكش حل بس واللة هو عندة حق
ahmed610
27-10-2009, 12:36 AM
السلام عليكم ازيكم يا جماعة اخباركم اية
كنت عايز اسألكو عن منحة ال iti يعنى اية اهميتها ولية مدة الدراسة فيها طويلة كدة و هل ليها مصاريف ولا هى منحة مجانية يعنى من الاخر انا عايز اعرف كل حاجة عنها ............انا عارف انها لسنة تالتة ورابعة بس انا كنت عايز اعرف معلومات عنها عشان انشاء اللة لو نزلت السنة الجاية اقدم فيها
vampire1188
27-10-2009, 01:50 AM
كنت عايز اسألكو عن منحة ال iti يعنى اية اهميتها ولية مدة الدراسة فيها طويلة كدة و هل ليها مصاريف ولا هى منحة مجانية يعنى من الاخر انا عايز اعرف كل حاجة عنها ............انا عارف انها لسنة تالتة ورابعة بس انا كنت عايز اعرف معلومات عنها عشان انشاء اللة لو نزلت السنة الجاية اقدم فيها

بص ياعمونا

المنحة دي بتتكون من 3 حاجات ..

كمبيوتر - انجليش - communication skills

نظام الدراسة بقى رخم وطويل .. وماتسألنيش ليه عشان انا نفسي ماعرفش

بس اللي اتقالي يعني انه خلال الدراسة بيبقي يومين في الاسبوع .. كل يوم بـ 3 ساعات

بس بتيجي بقي في اجازة الصيف بتتطحن فيها .. بتقعد 3 شهور الاجازة بتقضيها في التدريب دا

و كل اسبوع بتنزل فيه 5 ايام .. وكل يوم بـ 3 ساعات

يعني مافيش مصيف ولا خروجات ولا حاجة خااالص !!

بالنسبة للشروط بقى .. هوا شرط واحد بس

انك تكون جايب جيد في سنة تانية .. لانك بتيجي في سنة تالته هايتعمل معاك زي ماتعمل معايا

الكلية هاتقوم منزلة كشوفات فيها اسماء الناس اللي جايبه من جيد لامتياز

والناس دي هايبقي هما اللي متاح ليهم دخول امتحان تحديد مستوى في 3 حاجات

انجليش كتابة و انجليش كلام وكمبيوتر .. والامتحان بيبقي من خلال رقم ****** بيكون معمول ليك

ومكان الامتحان في مقر المركز في مدينة نصر

الامتحان دا لو عديت فيه تبقي انتا كدا خلاص دخلت المنحة وتمام التمام

بس بيمتحنوك تاني في الانجليش عشان يحددوا المستوى بتاعك فيه وكدا

هل ليها مصاريف ولا هى منحة مجانية

لا مجانية ومافيش مليم بتصرفه

يعنى اية اهميتها

والله اهميتها على حسب اللي اتقال يعني انها بتأهلك لسوق العمل

وطبقا للاحصائيات اللي عرفتها ان 80% من اللي حصلوا على المنحة دي اشتغلوا بعد التخرج فوراً

و 15 % من الـ 80% دول اشتغلوا في شركات عالمية
ahmed610
27-10-2009, 02:11 PM
الف شكر يا حودة وربنا يوفقك انا سامع انك داخل الاختبارات دية وان شاء اللة نكون من ال 15% الاخرنيين دول بس تفتكر كورس زى دة يغنى عن ال icdl ولا دى حاجة ودى حاجة ..............
vampire1188
27-10-2009, 07:44 PM
الف شكر يا حودة وربنا يوفقك انا سامع انك داخل الاختبارات دية وان شاء اللة نكون من ال 15%

اه داخلها ان شاء الله .. يوم 8/11 .. ربنا يستر بقى ونعدي فيها

بس تفتكر كورس زى دة يغنى عن ال icdl ولا دى حاجة ودى حاجة

هوا اكيد طبعا يغني .. انا واحد من الناس كنت ناوي اخد الـ icdl السنة دي ..

بس اما اكتشفت حوار الـ iti دا قولت بلاش .. نفض للـ icdl دلوقتى وخد الـ iti ..

بس الـ icdl أساسية طبعاً .. لإن ماحدش هاياخد شهادة تخرجه الا بيها
nadaen
28-10-2009, 03:58 PM
لو سمحت عايزة اعرف السكاشن هتبدا امتى لسنة اولى وهتبقى كام يوم فى الاسبوع وفى كام مادة
aqaqa
29-10-2009, 05:21 AM
انت يا فامبير وعدتنا بمفاجأه بخصوص الشرح اقصد شرح مواد تجارة انجلش وقلت لى انتظر مفاجأه بعد يومين هى فين؟
احمد فكري عامر
29-10-2009, 04:00 PM
ممكن يا فاميبر تقولى اعمل اية فى المشكلة دى انا مش عارفة اذاكر رياضة خالص اصل احنا بيدينا دكتور على الديب وهو مش عايز حد يكتب خالص فى المحاضرة ولا اى كلمة واحنا كدا مبنفهمش لان بيبقى عندنا محاسبة بعدية وبننسى اللى هو بيقولة عقبال مبتخلص المحاضرة انا مش عارفة اعمل اية فى المشكلة مش عارفة اذاكر ازاى دى وقولى يا فاميبر هى الدروس اللى بتبفبى 75 المادة بتبقى مفيدة ولا اعتمد على السكاشن وخلاص مش السكاشن دى بتعمل تطبيقات زى اللى فى الدروس ولا اية الفرق بينهم معلش انا اسفة بتعبك معايا

انا كمان في مجموعه الف بس واحد انتي اتنين علي فكره دكتور علي الديب كويس جدا انا فاهم كل حاجه هو قالها وكل حاجه في الكتاب والله هو ممكن يبقي في مشكله في الماحضره الاخيره هي تقيله شويه انا عارف بس شفيها من الكتاب سهله جدا وانتي لو حكايه الماحسبه هتااثر معاكي ممكن تحضري معايا في مدرج ج الرياضه يوم السبت الساعه 12 وممكن تحضري الماحسبه يوم الا حد الساعه4 وانا كمان حضرت معاكوا في العيوطي الراياضه والمحاسبه باماره وليد المعيد هو انتي اسمك ايه ممكن افهمك اي حاجه انتي عاايزها في الرايضه ولو انتي كويسه ي المواد النظري اصلي انا ضايع فيها خالص ماشي نتقابل في المدرج ردي في اقرب فرصه سلام
روان 2010
29-10-2009, 11:44 PM
السلام عليكم ممكن اسال حد في تانيه او اكبر عن الدكاتره دول لاني عندي امتحان ميد ترم اسال عن الامتحانات والتعليم بتاعه هشام البحيري ودعاء رستم وجلال مطاوع ومصطفي عبد الغني وامال شاور انا اولي مميزه احلي اتنين من نظري دعاء ومصطفي جامدين طحن لكن هشام نصف الفصل كانه اتشرح وبيقول انا مش حافظ الكلام واما يعني ربنا يستر اما جلالل حد يشوفلنا صرفه فيه احنا هنضيع بسببه بجد هزار بايخ والفاظ فظيعه وكلام لايذكر في المحاضره والاهم انه بيعجب الاولاد والبنات اللي جايه تهزر وعلطول عمالين يضحكوا ومش بنفهم منهم حاجه
vampire1188
30-10-2009, 12:33 AM
لو سمحت عايزة اعرف السكاشن هتبدا امتى لسنة اولى

انا ماعرفش انتي تقصدي جامعة ايه بالظبط ..

بس لو القاهرة يبقي يوم السبت 31/10 ان شاء الله في قاعات الامتحانات

والجدول موجود ع المنتدي تقدري تشوفيه براحتك

وهتبقى كام يوم فى الاسبوع

يوم واحد (اللي هوا يوم الاجازة بتاعك اللي مش هايبقي فيه محاضرات ليكي)

وفى كام مادة

4 مواد .. محاسبة ورياضة وادارة وسلوك
vampire1188
30-10-2009, 12:35 AM
انت يا فامبير وعدتنا بمفاجأه بخصوص الشرح اقصد شرح مواد تجارة انجلش وقلت لى انتظر مفاجأه بعد يومين هى فين؟


بتحرجني انتا كدا .. المشكلة ان فيه أزمة حصلت والوقت زنق ..

عشان فيه ضغط محاضرات عندي ومذاكرة فابقتش عارف اجمع بين المنتدي والمحاضرات اللي عندي ..

بس هاحاول اخلص اللي في ايدي دا بأسرع وقت ان شاء الله

خليك متابع .. ان الله مع الصابرين
vampire1188
30-10-2009, 12:39 AM
السلام عليكم ممكن اسال حد في تانيه او اكبر عن الدكاتره دول لاني عندي امتحان ميد ترم اسال عن الامتحانات والتعليم بتاعه هشام البحيري ودعاء رستم وجلال مطاوع ومصطفي عبد الغني

هشام البحيري شرحه كويس وبيهزر كتير اوي في المحاضرة ودا العادي بتاعه يعني

تحسي انه شبه المفتش كرومبو والله !! .. اما بخصوص امتحاناته فهيا كويسة .. دونت ووري يعني

دعاء رستم وجلال مطاوع ماعرفهومش ..

مصطفى عبد الغنى رجل ولا كل الرجال زي مابيقولوا .. ربنا يباركله والله

وكريم يف الدرجات زائد ان شرحه ممتاز .. دا برده دونت ووري ..

بس ذاكريله وركزي على المسائل اللي هايقولكوا عليها في التبطيقات

عشان 90% بييجي منها في الامتحان
EL naser 80
30-10-2009, 03:46 PM
لو سمحت يا فامبير ممكن شويه معلومات عن منحه ال iti


ياريت تقولى على يوم الأمتحان اللى فى مدينه نصر هيبقى امتى ونظام المنحه دى هيبقى ايه من ناحيه الدراسه وايامها ومواعيدها

والمكان اللى هتتاخد فيه

وشكرا ليك وجزاك الله خيرا
vampire1188
31-10-2009, 09:33 PM
لو سمحت يا فامبير ممكن شويه معلومات عن منحه ال iti

هيا عبارة عن منحة مجانية (مافيش مليم هاتدفعه) .. معمولة لسنة تالته ورابعة (فقط)

شروط الالتحاق بيها :

1- تكون جايب جيد أو جيد جدا أو امتياز في سنة تانية او تالته

(يعني لو جيبت جيد في تانية تخشها في تالته .. لو جيبت جيد في تالته تخشها في رابعة)

2- تعدى امتحان الـ placement test اللي هايتعملك .. ودا بيتكون من 3 حاجات

english spoken - english written - computer

المنحة عبارة عن هيا حاجة بتقوم بتأهيلك لسوق العمل ..

بيدوك كورسات في الـ communication skilles والانجليش والكمبيوتر

الـ communication skilles زي مهارات التخاطب والاجتماعات والتنمية البشرية وكدا

الانجليش بيعملك ازاي تتكلم انجليش صح .. والكورس كله انجليش اصلا مافيهوش عربى

الكمبيوتر بقى بيعملك مهارات الكمبيوتر في المحاسبة والاتصال والكلام دا

من الاخر يعني هيا منحة جامدة جدا .. 80% من اللي خدوا الشهادة اتعينوا في سوق العمل

15% من الـ 80% دول اشتغلوا في شركات عالمية زي فودافون واي بي ام ومايكروسوفت

المنحة دي مدعومة من جهات مختلفة زي شركة اي بي ام وفودافون ورايه وشركات تانية كتير

ياريت تقولى على يوم الأمتحان اللى فى مدينه نصر هيبقى امتى

يوم 8/11 ان شاء الله

ونظام المنحه دى هيبقى ايه من ناحيه الدراسه

- امتحان الـ placement test .. يوم 8/11

- نتيجة الامتحان واعلان القبول .. يوم 15-16/11

- بداية الكورس .. يوم 1/12 بقاعة 414

- مدة التوقف .. نهاية الدراسة في الترم الاول لغاية بداية الدراسة في الترم التاني

- استئناف الكورس مرة تانية .. بدءاً من الترم التاني ان شاء الله

وهايتم التوقف في امتحانات الترم التاني وهايستأنف الكورس خلال فترة صيف 2010 بإذن الله

وايامها ومواعيدها

- خلال الدراسة .. يومين في الاسبوع ، كل يوم بـ 3 ساعات تدريب

- خلال اجازة الصيف .. 5 ايام ، كل يوم بـ 3 ساعات لمدة 3 شهور متواصلة

والمكان اللى هتتاخد فيه

قاعة 414 بمبنى الامتحانات
أنين المذنبين
01-11-2009, 01:42 PM
محمود بالله عليك كلمنى عن المجموعات عشان واحد صاحبى اانتساب
EL naser 80
01-11-2009, 06:26 PM
هيا عبارة عن منحة مجانية (مافيش مليم هاتدفعه) .. معمولة لسنة تالته ورابعة (فقط)

شروط الالتحاق بيها :

1- تكون جايب جيد أو جيد جدا أو امتياز في سنة تانية او تالته

(يعني لو جيبت جيد في تانية تخشها في تالته .. لو جيبت جيد في تالته تخشها في رابعة)

2- تعدى امتحان الـ placement test اللي هايتعملك .. ودا بيتكون من 3 حاجات

english spoken - english written - computer

المنحة عبارة عن هيا حاجة بتقوم بتأهيلك لسوق العمل ..

بيدوك كورسات في الـ communication skilles والانجليش والكمبيوتر

الـ communication skilles زي مهارات التخاطب والاجتماعات والتنمية البشرية وكدا

الانجليش بيعملك ازاي تتكلم انجليش صح .. والكورس كله انجليش اصلا مافيهوش عربى

الكمبيوتر بقى بيعملك مهارات الكمبيوتر في المحاسبة والاتصال والكلام دا

من الاخر يعني هيا منحة جامدة جدا .. 80% من اللي خدوا الشهادة اتعينوا في سوق العمل

15% من الـ 80% دول اشتغلوا في شركات عالمية زي فودافون واي بي ام ومايكروسوفت

المنحة دي مدعومة من جهات مختلفة زي شركة اي بي ام وفودافون ورايه وشركات تانية كتير



يوم 8/11 ان شاء الله



- امتحان الـ placement test .. يوم 8/11

- نتيجة الامتحان واعلان القبول .. يوم 15-16/11

- بداية الكورس .. يوم 1/12 بقاعة 414

- مدة التوقف .. نهاية الدراسة في الترم الاول لغاية بداية الدراسة في الترم التاني

- استئناف الكورس مرة تانية .. بدءاً من الترم التاني ان شاء الله

وهايتم التوقف في امتحانات الترم التاني وهايستأنف الكورس خلال فترة صيف 2010 بإذن الله



- خلال الدراسة .. يومين في الاسبوع ، كل يوم بـ 3 ساعات تدريب

- خلال اجازة الصيف .. 5 ايام ، كل يوم بـ 3 ساعات لمدة 3 شهور متواصلة



قاعة 414 بمبنى الامتحانات


شكرا جزيلا ليك

بس فيه ناس اكدتلى ان يوم الأمتحان هيبقى فى مدينة نصر 4/11 على اساس ان فيه ناس بتمتحن فى مواعيد مختلفه ياريت تأكدلى المعلومة دى
وعلى فكرة انا سمعت ان الكلام ده للمجموعه ( د 2 )
وياريت كمان جدول سكاشن الفرقة الرابعه تجارة القاهرة وكام يوم ؟؟ عشان مشفتوش فى جدول السكاشن

وشكرا ليك مرة تانيه
vampire1188
01-11-2009, 08:17 PM
محمود بالله عليك كلمنى عن المجموعات عشان واحد صاحبى اانتساب

المجموعات دي عبارة عن حاجة كدا زي الدروس .. ومتاحة في جميع المواد

سعر المادة الواحده 75 جنيه ..

والشرح بيبقي في مدة 24 ساعة متقسمة على 4 سكاشن بواقع 4 ساعات لكل سكشن
vampire1188
01-11-2009, 08:36 PM
بس فيه ناس اكدتلى ان يوم الأمتحان هيبقى فى مدينة نصر 4/11 على اساس ان فيه ناس بتمتحن فى مواعيد مختلفه ياريت تأكدلى المعلومة دى


كلام مظبوط وسليم .. كل مجموعة ليها ميعاد محدد ويوم محدد

مجموعة أ : يوم 4/11

مجموعة ب : يوم 5/11

مجموعة ج : يوم 7/11

مجموعة د : يوم 8/11

وياريت كمان جدول سكاشن الفرقة الرابعه تجارة القاهرة وكام يوم ؟؟

كل فرقة ليها يوم واحد سكاشن .. اليوم بيتحدد على حسب مجموعتك

اللي خلاني مانزلش جدول سنة رابعة .. ان سنة رابعة فعلا مالهاش جدول متعلق

لإن انا جايب الجداول مباشرة من الجداول المتعلقة (قبل ما شباب تجارة ينزله كمان)

فانتا لو عايز تشوفه خش على موقع شباب تجارة وشوفه براحتك
عمرو ع
01-11-2009, 09:21 PM
فامبير عندى استفسار

>>>>>>>>
>>>>>>>>>





















































انزل انزل انزل






































ازيك وايه اخبارك وحستنى والله عامل ايه؟شكلك كدا دحيح
اوعا تقول لا
ههههههههههههههههههههههههههههههههههههههههههه
antoo
02-11-2009, 09:07 PM
سانكس يا مااااااااااااااااااااااااااااااااااااااااااااان
vampire1188
05-11-2009, 06:58 PM
كلام مظبوط وسليم .. كل مجموعة ليها ميعاد محدد ويوم محدد

مجموعة أ : يوم 4/11

مجموعة ب : يوم 5/11

مجموعة ج : يوم 7/11

مجموعة د : يوم 8/11

على فكرة .. للأسف انا اتأكدت من الكلام دا وطلع انه مغلوط فيه

الجدول بتاع المواعيد موجود في قاعة 414 بمبنى الامتحانات

وشوفته لاقيت ان سنة تالته كلها ليها يوم واحد .. اللي هوا يوم الاحد 8/11

والمواعيد كالآتى :

مجموعة أ (1،2) : من 9.30 - 11.00 صباحاً

مجموعة ب (1،2) : 11.30 - 1.00 ظهراً

مجموعة ج (1،2) : 1.30 - 3.00 ظهراً

مجموعة د (1،2) : 3.30 - 5.00 مساءاً

تجارة انجليش جروب a ، b : من 3.30 إلى 5.00 مساءاً

تجارة انجليش جروب c ، d ، e ، f ، g ، h : من 5.30 إلى 7.00 مساءاً

تجارة انجليش جروب i ، k ، l : من 7.30 إلى 9.00 مساءاً
the_guilty
16-11-2009, 09:54 AM
طب ممكن سوال لو سمحت هو الى بيشيل ماده فى التيرم الاول بيمتحنها تانى امتى ؟ مع دور تانى مثلا وكام ماده اساسا

مسموح انك تشيلهوم ؟
vampire1188
16-11-2009, 11:46 PM
طب ممكن سوال لو سمحت هو الى بيشيل ماده فى التيرم الاول بيمتحنها تانى امتى ؟

والله دا بيبقي على حسب انتا جامعة ايه

كل الجامعات "الحكومية" ماشية بنظام موحد في الحكاية دي فيما عدا جامعة اسكندرية

النظام الموحد دا هوا ان اللي بيشيل مادة

بيمتحنها السنة الجايه في نفس ميعاد امتحان الفرقة اللي هوا سقط فيها

يعني ايه ؟؟

يعني انتا دلوقتى شيلت تسويق في سنة تانية .. وانتا خلاص نجحت ووصلت لسنة تالته

وجيت في امتحانات سنة تالته عايز تمتحن التسويق بتاعة سنة تانية هاتعمل ايه ؟

هاتشوف سنة تانية هاتمحتن امتى التسويق وتروح تمتحن معاهم عادي جدا

وباقي امتحانات سنة تالته هاتكملها عادي معا بتوع سنة تالته

وكام ماده اساسا مسموح انك تشيلهوم ؟

هما مادتين اتنين بس .. أزيد من كدا تعيد السنة كلها
anwr6
17-11-2009, 01:36 AM
انا طالب كلية تجاره انتساب عايز اوصل لمحاضرات المواد النظريه
أنين المذنبين
19-11-2009, 02:20 PM
السلام عليكم..
عامل ايه يافامبيررر ؟؟
لك وحشة من زمان !!!
فينك ياعم من زمان؟؟
عالعموم يارب تكون بخير
احمد فكري عامر
19-11-2009, 04:35 PM
ازيك عامل ايه وايه اخبار الامتحانات الميت ترم معاك ربنا يوفقك انت مش بنخش علي موضوعي ليه هتلاقي في الصفحه التانيه اسمه ممكن نتاقش في موضوع المذاكره اوك
chocolate2010
20-11-2009, 12:36 AM
ممكن اعرف ايه نظام مجموعات التقويه...
بدأو امتا؟؟
وخدو كام مره؟؟؟
وهل فعلا هتفدنى لانى محضرتش المحاضرات؟؟؟
معلش يا جماعه بس انا كنت مسافره ولسه نازله من يومين
vampire1188
20-11-2009, 11:07 PM
ازيك عامل ايه وايه اخبار الامتحانات الميت ترم معاك ربنا يوفقك انت مش بنخش علي موضوعي ليه هتلاقي في الصفحه التانيه اسمه ممكن نتاقش في موضوع المذاكره اوك

ان شاء الله

ممكن اعرف ايه نظام مجموعات التقويه

حاجة خاصة بطلبة انتساب ودي موازية للسكاشن بتاعة انتظام .. بس بفلوس

المادة الواحده بـ 70 جنيه

بدأو امتا؟؟

يوم 1/11

وخدو كام مره؟؟؟

يعني .. حوالي 3 مرات كدا

وهل فعلا هتفدنى لانى محضرتش المحاضرات؟؟؟

شئ أكيد طبعا انها هاتفيدك
نسمه عبد اللطيف
05-12-2009, 01:51 PM
يا جماعه السكاشن هتبدا امتي بعد اجازه العيد
نسمه عبد اللطيف
05-12-2009, 01:53 PM
ويا ريت الرد عشان فامبير معرفش مستقصدني
نسمه عبد اللطيف
05-12-2009, 01:54 PM
لييييييييييييييييييييييييييييييييييييييييييييييييي يييييييييييييييييه
thenour1992
06-12-2009, 06:54 PM
ممكن حد يقولى الكتب الى استلمناها من جامعة القاهرة ترم واحد ولا ترمين
vampire1188
09-12-2009, 01:36 AM
يا جماعه السكاشن هتبدا امتي بعد اجازه العيد

السكاشن شغاله دلوقتى عادي وطبيعي جدا

ويا ريت الرد عشان فامبير معرفش مستقصدني

دانا غلبان يا نسمة حرام عليكي

ممكن حد يقولى الكتب الى استلمناها من جامعة القاهرة ترم واحد ولا ترمين

أكيد ترم واحد يعني .. وماتستكبرش الكتاب لانك باذن الله هاتخلصه على نهاية الترم

سواءا رضيت ام لم ترضي !
قلب حار
17-12-2009, 02:17 PM
في حد عارف معيدين في جامعه القاهره كليه التجاره
زائر غير مسجل
18-12-2009, 04:17 PM
مازا تعرف عن تجاره مميزه
chocolate2010
19-12-2009, 04:09 AM
انا طالبه فى اولى انتساب(ز) .....
انا مش فاهمه حاجه من الرياضه وكمان روحت مجموعات التقويه بس للاسف متاخر لانى كنت مسافره ولاقيتهم خدو تقريبا3مرات وطبعا انا مفهمتش حاجه وخايفه جدا جدا جدا ومش عارفه اعمل ايه؟؟؟؟؟؟

وممكن اعرف ايه الفرق بين المحاضرات وورق الدروس اللى بتباع فى المكاتب اللى بره الجامعه ولا المهم الورق اللى انا افهم منه وخلاص؟؟؟؟؟؟؟؟؟
*** NIHAL ***
20-12-2009, 11:48 PM
لو سمحت انا فى سنة تانية كلية تجارة جامعة القاهرة كنت عايزة اعرف انا عليا مادة اسمها تجارة خارجية ولا لأ
انا كده بزاكر نقود و بنوك-محاسبة شركات-انتاج-حاسب الى-تسويق
و كمان التجارة الخارجية طب هى تبع اى مادة من دول ولا مش عليا خالص
vampire1188
21-12-2009, 01:15 AM
في حد عارف معيدين في جامعه القاهره كليه التجاره

المعيدين كتير اوي في الكلية عندنا .. حدد انتا عايز تعرف معلومات عن مين واحنا نقولك

مازا تعرف عن تجاره مميزه

حضرتك تقدر تتفضل مشكورا وتراجع الموضوع تاني وهاتلاقي اجابتك

وممكن اعرف ايه الفرق بين المحاضرات وورق الدروس اللى بتباع فى المكاتب اللى بره الجامعه ولا المهم الورق اللى انا افهم منه وخلاص؟؟؟؟؟؟؟؟؟


ورق الدرس دا عبارة عن شرح للمادة ذات نفسها

بصرف النظر عن انتي طالبة في تجارة او واحده عايزة تتثقفي وخلاص

اما ورق المحاضرات فدا عبارة عن كتابة نصية للمحاضرة اللي الدكتور دخل فيها وشرحها

وفيها كل الكلام اللي قاله وركز عليه

لو عايزة نصيحتى .. شوفي انتي هاتفهمي من ايه وذاكري منه

بس غااااالبا هاتفهمي من ورق الدرس ان شاء الله

لو سمحت انا فى سنة تانية كلية تجارة جامعة القاهرة كنت عايزة اعرف انا عليا مادة اسمها تجارة خارجية ولا لأ

التجارة الخارجية دي جزء تاني من مادة اسمها النقود والبنوك

يعني النقود والبنوك شاملة جزئين .. (نقود وبنوك وتجارة خارجية)

والجزئين بيمثلوا مادة واحدة .. والامتحان هايجيلك في الجزئين

كل جزء عليه 10 درجات .. وكل دكتور منهم مختص بتصحيح الجزء بتاعه
قلب حار
21-12-2009, 11:52 PM
انا عاوز معيدين ممكن انهم يساعدوني في المواد كلها تبع سنه ثانيه
vampire1188
22-12-2009, 01:35 AM
انا عاوز معيدين ممكن انهم يساعدوني في المواد كلها تبع سنه ثانيه

بص .. فيه معيدين تبع الكلية ومعيدين بره الكلية

اللي جوا الكلية تمنهم غالي وماعتقدش انهم هايبقوا فاضيين .. الله اعلم بقى

طبعا بما انك سنة تانية فانتا المواد اللي هاتحتاج فيها معيدين هيا محاسبة الشركات بس

لان الباقي نظري وماعتقدش ان حد هايعرف يبدأ معاك نظري دلوقتى لان خلاص باقى اسبوعين

المعيدين الكويسين جوا الجامعة في المحاسبة .. ياسر أحمد وأميرة كمال ووليد

بره الجامعة عندك اتنين اشهر من نار على علم .. محمود عبد الكريم وعمرو شيحة

خليك معا عمرو شيحة .. دا برنس وهايظبطك بإذن الله
قلب حار
22-12-2009, 01:39 AM
بص .. فيه معيدين تبع الكلية ومعيدين بره الكلية

اللي جوا الكلية تمنهم غالي وماعتقدش انهم هايبقوا فاضيين .. الله اعلم بقى

طبعا بما انك سنة تانية فانتا المواد اللي هاتحتاج فيها معيدين هيا محاسبة الشركات بس

لان الباقي نظري وماعتقدش ان حد هايعرف يبدأ معاك نظري دلوقتى لان خلاص باقى اسبوعين

المعيدين الكويسين جوا الجامعة في المحاسبة .. ياسر أحمد وأميرة كمال ووليد

بره الجامعة عندك اتنين اشهر من نار على علم .. محمود عبد الكريم وعمرو شيحة

خليك معا عمرو شيحة .. دا برنس وهايظبطك بإذن الله


طيب انت عارف ازاي اتواصل معه

او مع اي حد من اللي انت ذكرت اساميهم
زائر غير مسجل
30-12-2009, 07:55 PM
السلام عليكم و رحمة الله و بركاته

ممكن استفسار بليز
وجزاكم الله كل خير

هو اللي سنة اولى تجارة عين شمس اللي من خمس سنين امتحاناته يوم 9 يناير فعلا ولا ايه؟؟

عشان اتلغبطت ايه تخلفات دي
mariooma
30-12-2009, 08:14 PM
السلام عليكم ورحمة الله وبركاته

لو سمحتم عايزة جدول اول تجارة عين شمس تعليم مفتوح نظام فات على الثانوية والدبلومات 5 سنوات

وعايزة محاضراتها كمان لاني موش فاهمه حاجه خالص عن نظام الجامعه المفتوحه :(

ممكن المساعده بليز
الاحمدى نجادى
01-01-2010, 08:40 PM
طب ممكن لو تعرف تقولى قواعد درجات الرافه للى فى سنته الاخيره يعنى هيستنفذ مرات الرسوب لوسقط

يعنى مثلا انا فى سنه اولى وعايز اعرف لو فيه اجراءات هاخدها تمنعنى من اسقط علشان ماستنفذش مرات الرسوب وشكرا...
أنين المذنبين
04-01-2010, 11:42 AM
السلام عليكم كيف حالك فامبير
ممكن تقولى ليه النتيجة بتاعت الميد تيرك لم تظهر بعد للميزة؟
زائر غير مسجل
05-01-2010, 12:32 AM
انا باخد محاسبه مع البيشبيشي كنت عايزة اشوف شكل امتحاناته عامله ازي في الميدتيرمهوا قال انها هاتيجي في قائمه الدخل (السؤال الاول قائمة دخل شركة تجاريه و السؤال الثاني قائمه توزيع ارباح و السؤال الثالث قائمة تكاليف لشركة صناعية)
ديه الاسئله بس هوا قال انها هايبقى فيها مطبات و حاجات محتاجة تحليل وان الامتحان هايجي صعب
vampire1188
07-01-2010, 02:06 AM
يعنى مثلا انا فى سنه اولى وعايز اعرف لو فيه اجراءات هاخدها تمنعنى من اسقط علشان ماستنفذش مرات الرسوب وشكرا...

مافيش اجراءات محددة

كل اللي بيحصل ان انتا بيتم تمييزك عن الناس العادية في انهم بيدوك 6 درجات رأفة بدل 4 درجات

معا مراعاة ان ممكن 4 درجات كاملة يتحطولك في مادة واحده

يعني لو جيبت في مادة 6 .. هاتترفعلك تبقي 10

انما في الرأفة العادية بيبقوا 4 درجات ومابيتحطوش في مادة واحده
vampire1188
07-01-2010, 02:07 AM
هو اللي سنة اولى تجارة عين شمس اللي من خمس سنين امتحاناته يوم 9 يناير فعلا ولا ايه؟؟

عشان اتلغبطت ايه تخلفات دي

عين شمس اللي بخمس سنين دي تبقي التعليم المفتوح تقريباً .. دي مالهاش دعوة بالتخلفات

التخلفات دي تبقي الناس اللي شايلة مواد من تجارة عين شمس العادية (انتظام/انتساب)
vampire1188
07-01-2010, 02:11 AM
السلام عليكم كيف حالك فامبير
ممكن تقولى ليه النتيجة بتاعت الميد تيرك لم تظهر بعد للميزة؟

الله اعلم يا كيمو .. معا انها المفروض تكون ظهرت اصلا من فترة كمان

بس عادي ياعم انتا قلقان من ايه .. مانتا قولتلي انك حليت كويس

عموما احتمال كبير ينزلوها معا الفاينال وخلاص .. عادي عادي ماتاخدش في بالك


انا باخد محاسبه مع البيشبيشي كنت عايزة اشوف شكل امتحاناته عامله ازي في الميدتيرمهوا قال انها هاتيجي في قائمه الدخل (السؤال الاول قائمة دخل شركة تجاريه و السؤال الثاني قائمه توزيع ارباح و السؤال الثالث قائمة تكاليف لشركة صناعية)
ديه الاسئله بس هوا قال انها هايبقى فيها مطبات و حاجات محتاجة تحليل وان الامتحان هايجي صعب

انا أساسا ماعرفش انتي بتتكلمي عن مادة ايه

بس اعتقد طالما انتي قولتي قايمة تكاليف لشركة صناعية يبقي دي محاسبة تكاليف

وعموما انا اصلا طالع عيني في محاسبة التكاليف حالياً ..

واحب اقولك اني حتى تلك اللحظة مش عارف احط قلم فيها

ودي المصيبة .. ان انا فاهم كويس بس اجي احل مابعرفش احل خالص

وسألت ناس كتيرة ومتخرجة كمان قالولي هيا التكاليف كدا .. المحاضرات في موال والامتحان في موال تاني

بس كله بينجح وبيعدي .. وانا بصراحة قلقان جدا ومش عارف اعمل ايه اصلا
Elano
07-01-2010, 01:24 PM
مافيش حد بيرد على حد فين المسرفين الى يعملوا مكان الاعضاء الغائبون ................
vampire1188
07-01-2010, 02:25 PM
مافيش حد بيرد على حد فين المسرفين الى يعملوا مكان الاعضاء الغائبون ................

قصدك الاعضاء اللي بيعملوا مكان المشرفين الغائبون http://l.yimg.com/us.yimg.com/i/mesg/emoticons7/4.gif

عموما انا مش بغيب ولا حاجة .. انا موجود اهو .. افندم ؟؟؟
invent_yas2020
14-01-2010, 06:40 PM
السلام عليكم حبيب قلبى فمبير وتحياتى لكل الاعضائ ممكن رقمك علشان بجد هحتاجك جامد اوى فى الاجازه علشان فيه مفاجئه عاملها انا وادقائى فى انتساب وشكرا والسلام عليكم جميعا مره اخرى
زائر غير مسجل
26-01-2010, 10:23 PM
النتيجة الميد تيرم لتجارة مميزة هتظهر علي النت
aqaqa
31-01-2010, 06:51 AM
ضــرورى انا فى تجارة انجليزي اسماعيليه الفرقه الاولى وانا ساكن قريب من الزقازيق وعاوز احول للزقازيق اصل انا مخنوق من الاسماعيليه وكرهت الكليه بسبب الاسماعيليه والسفر والتعب وعدم اختلاطى بالطلبه يعني المطلوب ايه الموانع او العقبات اللى ممكن تمنعنى من التحويل للزقازيق السنه الجايه ماشى لا قدر الله ان فيه حائل م التحويل يبقي ايه الاجراءات اللى ممكن اعملها ضروروروروى
زائر غير مسجل
01-02-2010, 03:14 PM
انا دلوقتى فى اولى علاج طبيعى وعايز احول السنة الجاية تجارة انجلش انا جايب 96 وفى لانجلش 47 وفى المستوى الرفيع انجلش 8
ينفع ادخل انجلش ولا ايه والمفروض اروح احول امتى
vampire1188
02-02-2010, 12:50 AM
النتيجة الميد تيرم لتجارة مميزة هتظهر علي النت

النتيجة ظهرت من فترة على النت ومبروك للي جايبين درجات حلوة

وعاوز احول للزقازيق اصل انا مخنوق من الاسماعيليه وكرهت الكليه بسبب الاسماعيليه والسفر والتعب وعدم اختلاطى بالطلبه يعني المطلوب ايه الموانع او العقبات اللى ممكن تمنعنى من التحويل للزقازيق السنه الجايه ماشى لا قدر الله ان فيه حائل م التحويل يبقي ايه الاجراءات اللى ممكن اعملها ضروروروروى

قبل اي شئ لو حولت من الاسماعيلية لاي تجارة تانية في مصر هاتحولها عربى

لان ممنوع التحويل من جامعة لجامعة في تجارة انجليش (قرار المجلس الاعلى للجامعات قايل كدا)

بالنسبة للاجرائات هوا مافيش اجراءات ولا حاجة ..

بس لازم تكون طالع صافي (يعني مش شايل مواد)


انا دلوقتى فى اولى علاج طبيعى وعايز احول السنة الجاية تجارة انجلش انا جايب 96 وفى لانجلش 47 وفى المستوى الرفيع انجلش 8 ينفع ادخل انجلش ولا ايه والمفروض اروح احول امتى

مبدأياً التحويل بيبقي مع التنسيق بتاع الثانوية العامة

بالنسبة لامكانية التحويل نفسه .. فانتا تحول وانتا حاطط رجل على رجل كمان
الاستاذ الجيزاوى
14-02-2010, 01:35 AM
متى سيتم اعلان نتيجة الترم الاول2010 تجارة بنى سويف
الاستاذ الجيزاوى
14-02-2010, 01:42 AM
يا مستر انت متواجد لوسمحت رد علينا وياريت تضع لنا رابطالنتيجة لو ظهرت
vampire1188
14-02-2010, 01:54 AM
متى سيتم اعلان نتيجة الترم الاول2010 تجارة بنى سويف

تجارة بنى سويف بتنزل متأخر .. يعني ممكن بعد شهر من بداية الترم التاني

يا مستر انت متواجد لوسمحت رد علينا وياريت تضع لنا رابطالنتيجة لو ظهرت

مابتظهرش ع النت .. بتنزل في الكلية نفسها
invent_yas2020
09-03-2010, 10:48 AM
السلام عليكم جميعا
هااااام فعلا لكل الاعضاء
ياجماعه لازم الكل يشارك فى القسم الجديد (قسم ذاكر معنا)ونرجو ذلك من الجميع
علشان الكل يستفاد لانى شايف ان اعضاء انتساب جامعة القاهره جزاهم الله خيرا بس هما اللى بيشاركو وده طبعا ميقللش ابدا من جهود باقى الجامعات فلازم تظهرو جهدكم يا جماعه ويكون فيه روح نافسه علشان القسم يكون الافضل دائما
فياريت حد يوضح اسباب عدم مشاركتم فى القسم

والسلام عليكم
واسف انى طولت واسف جامد انى كررت الاعلان ده بس علشان الكل يشارك
yasmina kamel
10-03-2010, 11:32 PM
لو سمحت انا عندى استفسار ضرورى انا فى سنه اولى تجاره وعايزه اعرف هو انا لا قدر الله ليا اشيل مادتين من الترم الواحد ولا السنه كلها ؟ واساسا درجه النجاخ من كام يعنى لو من 10 فايه معنى ضعيف وضعيف جدا وتفرق بايه يعنى ...معلش سوال معقد بس بجد عايز اعرف الاجابه وشكرا...
D O D O
12-03-2010, 02:47 PM
معلش انا عندي سؤال مش عن الدرجات

بس انا عاوزة اعرف امتحانات الترم التاني

لتجارة مميز هتبدأ امتى تقريبا

يعني في اي شهر
vampire1188
12-03-2010, 03:16 PM
لو سمحت انا عندى استفسار ضرورى انا فى سنه اولى تجاره وعايزه اعرف هو انا لا قدر الله ليا اشيل مادتين من الترم الواحد ولا السنه كلها ؟

الحد الاقصى للرسوب في المواد اللي مايخلكيش تعيدي السنة هوا مادتين في السنة كلها

زيادة عن كدا هاتخشي في حسبة درجات الرأفة ..

لو ربنا ما أرادش ممكن تواجههى مشكلة السقوط لا قدر الله

واساسا درجه النجاخ من كام يعنى لو من 10 فايه معنى ضعيف وضعيف جدا وتفرق بايه يعنى

درجة النجاح من 20

تقدير ضعيف بيتراوح بين 7 لـ 10

تقدير ضعيف جدا من صفر لـ 6

الفرق بينهم ان تقدير ضعيف جدا مالوش درجات رأفة نهائى

لكن ضعيف ممكن يتحطلك درجات رأفة على حسب الحالة اللي انتى فيها

يعني من الاخر الدكتور اللي بيحط 6 لطالب اعرفى انه بينتقم منه

وبيحكم عليه انه يشيل المادة معاه السنة الجايه حتى لو جاب في الترم التاني امتياز
vampire1188
12-03-2010, 03:19 PM
انا عاوزة اعرف امتحانات الترم التاني

لتجارة مميز هتبدأ امتى تقريبا

يعني في اي شهر

معاكى ربنا بقى لغاية آخر شهر 5

ولو ان بيني وبينك السنة دي سنة ضايعة اساسا

او بمعنى اصح سنة غير طبيعية ..

لان سمعت ان الدراسة هاتمتد لمدة شهر اضافى عشان موضوع انفلونزا الخنازير دا

فالله اعلم .. ممكن بعد التعديل دا تبقى فى نص 6

لكن الطبيعى كل سنة انها بتبقى بالظبط فى اخر 10 ايام من شهر 5
D O D O
12-03-2010, 10:49 PM
شكرا على الرد

بس ياااااااااااارب تفضل في شهر 5

لاني بجد عاوزة اخلص

واساااااااااااااافر
عابر القارات
13-03-2010, 10:43 PM
السلام عليكم ..
عايز اوقف قيدي في الكلية لمده ثلاث او سنين ازاي ياجامعه ؟؟
وهل ادفع رسوم؟؟
vampire1188
14-03-2010, 07:26 PM
السلام عليكم ..
عايز اوقف قيدي في الكلية لمده ثلاث او سنين ازاي ياجامعه ؟؟

سيادتك بتروح لشئون الطلبة وتقولهم عايز اعمل وقف قيد .. هاتكتب طلب بإسم وكيل الكلية عادي جدا

ولو انتا مش عارف الطلب بيتكتب ازاي .. هاتكتب الآتى

السيد الاستاذ الدكتور وكيل الكلية ،،،

الرجاء التكرم بالموافقة على وقف قيدى لمدة (شوف انتا عايز قد ايه) وذلك لظروف (كذا وكذا)

ولكم جزيل الشكر

وطبعا لازم تجيب أى مستند يبرر ايقاف القيد دا

وهل ادفع رسوم؟؟

لا مافيش رسوم ولا حاجة
زائر غير مسجل
14-03-2010, 09:18 PM
هى السكاشن هتبدا امتى اللى يعرف ياريت يقول
manolly
15-03-2010, 07:09 PM
طيب انا مش عارفة اجيب النتيجة خااااااااااااااالص
الرابط مش راضي يشتغل معايا نهائيا ومعلق عالاخر
اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟


انا في تانية تجارة القاهرة
a7mad 3eed
17-03-2010, 03:54 AM
طيب انا مش عارفة اجيب النتيجة خااااااااااااااالص
الرابط مش راضي يشتغل معايا نهائيا ومعلق عالاخر
اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟


انا في تانية تجارة القاهرة

اللى عايز النتيجه يدخل هنا ويكتب رقم جلوسه وباذن الله هنجيبهاله
النتيجه (http://www.thanwya.com/vb/showthread.php?t=192954)
ابو مللك
17-03-2010, 11:19 AM
اريد معلومات عن تيجة تجارة حلوان
ashrakt younes
03-04-2010, 11:03 PM
يا جماعه عايزه اعرف جدول مجاميع التقويه لـ الفرقه التانيه
تجاره القاهره مجموعه جـــ
vampire1188
03-04-2010, 11:21 PM
يا جماعه عايزه اعرف جدول مجاميع التقويه لـ الفرقه التانيه تجاره القاهره مجموعه جـــ

هاتروحى للمكتب اللي موجود في الريسبشن بتاع مركز البحوث التجارية وتسأليه وهوا هايقولك ان شاء الله
7ait7am
09-04-2010, 05:36 PM
هو انا في اولى مميز

والمفروض ان الامتحانات بتاعت الميد تيرم هتبدأ يوم الاحد 11/4
انا عاوز اعرف هتكون في نفس القاعات بتاعت امتحان الفصل الاول

ولا فين بظبط
قلب حار
10-04-2010, 09:53 PM
اذا ممكن اي شخص يساعدني

انا حاب اعرف المعيدين اللي يدو سكاشن لسنه

ثانيه مجموعه ج لكليه تجاره جامعه القاهره

لكل المواد اكون شاكر له
عابر القارات
12-04-2010, 04:43 PM
السلام عليكم

لو سمحتوا امتي امتحانات اولى تجارة عربي جامعة القااهره تقريبا ؟؟

بليييز لاني مسافر ...
البرنس روميو
12-04-2010, 09:51 PM
السلام عليكم

أخى الغالى

vampire1188

لى سؤال هام وانا سجلت هنا علشان اسألك بأمانة

انا عندى بنت قريبتى فى السنة الثانيه أنتساب تجارة

وهى عندها مادة من أولى رياضه باحتة والنتيجة ظهرت وجابت مقبول فى كل المواد

هل ها يؤثر على اى شىء ولا طبيعى بتمنى ترد أو اى حد فاهم يفهمنى وشكرا لكم
طالب بالخارج
18-04-2010, 08:46 PM
طب انا عايز اعرف
هو في تجارة في اي حتة في مصر
ايه نظام المواد
يعني بناخد ايه في اول سنة
ياريت بس نبذة عنها
وانا سمعت انهم بياخدو رياضة
طب بياخدو فيها ايه
يعني احتمالات ولا حساب مثلثات ولا ايه
وكدا يعني ...