مشاهدة النسخة كاملة : قسم خاص بالاستفسارات و الطلبات
eslam mohsen ali 04-08-2012, 04:41 AM السلام عليكم
أنا طالب حاصل على 93.3% و43.5 انجليزى مع العلم انى ادبى
والسنة ديه دخلت التنسيق مرحلة اولى وعلى درجة واحده ذهبت الى السن المنيا .....فأنا سوف احول الى تجارة e
هل هذا ينفع ؟ وانا روحت الى جامعة القاهرة وجدت ان البرنامج الدراسة e يبدا التقديم من 5/8/2012 الى 30/8/2012
ارجو الرد من فضلك
tefa57 04-08-2012, 05:22 PM لو سمحت انا عندي سؤال و ارجوا الرد سريعا .. انا جايب 91.7% علمي رياضة و جايب 47.5 في الانجليزي و 8.5 في المستوى الرفيع !!
يعني مجموعي الاعتباري 423.5
المهم بقى انا خايف ادخل تجارة القاهرة و مدخلش انجليش
عايز اعرف بقى في التنسيق الداخلي بيعملو حد ادنى لعلمي و حد ادنى لادبي ؟؟؟!
ولا بياخدوا اعلى مجاميع اعتبارية بغض النظر عن اي حاجة تانية ؟!!
haytham 07 06-08-2012, 12:25 AM بعد اذنك انا كنت عايز اسال عن حاجه بسيطه ... دلوقتى انا من القاهره وجالى تجاره حلوان وانا الى حد ما مقتنع بيها وكده .. بس كل الى اعرفهم ومتخرج منها بيقولى احول عين شمس عشان تبقى قريبه ليا .. لان تجاره حلوان مش تفرق حاجه عنهم غير الاقسام ومش ليها لزمه .. ف بعد اذنك عايز اعرف انهى احسن افضل فى تجاره حلوان وكده ولا احول عين شمس لو هما واحد ... وشكرا على المجهود وربنا يجعله فى ميزان حسناتكم :)
mega5522 08-08-2012, 09:38 AM لو سمحتى انا من المنصوره
وجالى تجاره السويس وعايز احول تجاره اسماعليه احول ازى
ارجوا المساعده ضرورى
engy hamed amine 09-08-2012, 05:54 AM الموضوع مفيد جدا جزاك الله كل خير
بس كنا عايزين نعرف عن اقسام تجارة واحسن قسم هو ايه ؟
shy cat 09-08-2012, 11:53 PM انا درست الثانوية في السعودية وبعد امتحان القدرات وكل الحسبة دي
بقت نسبتي 92 % مع العلم ان درجة الانجليزي في تانية وتالتة 100 %
هل ممكن الحق تجارة انجلش جامعة الزقازيق ولا مفيش امل عشان مغتربة
haderkhaled 10-08-2012, 01:10 AM يا جماعه حد يرد عليا ضرورى هى تجارة انتساب موجه فلوسها بتوصل 1000 و1500 جنيه
وممكن تزيد عن كده
حد يرد عليا ضرورى
maichelzoro 10-08-2012, 02:52 AM انا يا جماعة ادبي و دخلت تجارة وانا ماليش في الرياضة اوي ينفع ادخل تجارة انجليزي هتبقي سهلة عليا ولا صعبة مع العلم انا جايب في الانجليزي 43 من 50
vampire1188 11-08-2012, 12:31 PM السلام عليكم
أنا طالب حاصل على 93.3% و43.5 انجليزى مع العلم انى ادبى
والسنة ديه دخلت التنسيق مرحلة اولى وعلى درجة واحده ذهبت الى السن المنيا .....فأنا سوف احول الى تجارة e
هل هذا ينفع ؟ وانا روحت الى جامعة القاهرة وجدت ان البرنامج الدراسة e يبدا التقديم من 5/8/2012 الى 30/8/2012
مشكلتك انك على بال ما باب التحويل يفتح هايكون باب التقديم لتجارة انجليش قفل !!
vampire1188 11-08-2012, 12:32 PM لو سمحت انا عندي سؤال و ارجوا الرد سريعا .. انا جايب 91.7% علمي رياضة و جايب 47.5 في الانجليزي و 8.5 في المستوى الرفيع !!
يعني مجموعي الاعتباري 423.5
المهم بقى انا خايف ادخل تجارة القاهرة و مدخلش انجليش
عايز اعرف بقى في التنسيق الداخلي بيعملو حد ادنى لعلمي و حد ادنى لادبي ؟؟؟!
ولا بياخدوا اعلى مجاميع اعتبارية بغض النظر عن اي حاجة تانية ؟!!
بياخدو اعلى مجاميع اعتبارية مقدمة في ادبي واعلي مجاميع اعتبارية مقدمة في علمي
بس انت ماشاء الله يعنى 423 دا مجموع كويس جدا وفرصتك كبيرة باذن الله
vampire1188 11-08-2012, 12:34 PM لو سمحتى انا من المنصوره
وجالى تجاره السويس وعايز احول تجاره اسماعليه احول ازى
ارجوا المساعده ضرورى
استنا لما باب التحويلات يفتح وقدم عادي .. خش على قسم التنسيق في المنتدي هنا هاتلاقي فيه شرح مفصل لعملية التحويل بتتم ازاي
vampire1188 11-08-2012, 12:35 PM بعد اذنك انا كنت عايز اسال عن حاجه بسيطه ... دلوقتى انا من القاهره وجالى تجاره حلوان وانا الى حد ما مقتنع بيها وكده .. بس كل الى اعرفهم ومتخرج منها بيقولى احول عين شمس عشان تبقى قريبه ليا .. لان تجاره حلوان مش تفرق حاجه عنهم غير الاقسام ومش ليها لزمه .. ف بعد اذنك عايز اعرف انهى احسن افضل فى تجاره حلوان وكده ولا احول عين شمس لو هما واحد ... وشكرا على المجهود وربنا يجعله فى ميزان حسناتكم
تجارة حلوان بعيدة ومشوارها ابن تيت ورخم .. وفي نفس الوقت تجارة عين شمس صعبة واللى بيجيب جيد فيها كأنه جاب جيد جداً
لو تعرف تخش تجارة القاهرة يبقى ميه ميه وزي الفل لانها من الاخر كدا اروش كلية تجارة في مصر
لا هيا صعبة ولا هيا سهلة وهاتعيش حياتك فيها احلي عيشة
vampire1188 11-08-2012, 12:37 PM الموضوع مفيد جدا جزاك الله كل خير
بس كنا عايزين نعرف عن اقسام تجارة واحسن قسم هو ايه ؟
مافيش حاجة اسمها احسن قسم .. انتى عندك اقسام معينة وانتى وميولك بقى
طبعا ميولك دي مش هاتقدري تحدديها من دلوقتى لانك لسه اصلا مادخلتيهاش حتى
بس عايز اقولك 90% من الناس بتخش محاسبة لان هيا دي اللى شغلها كتير واشمل كمان
vampire1188 11-08-2012, 12:39 PM انا درست الثانوية في السعودية وبعد امتحان القدرات وكل الحسبة دي
بقت نسبتي 92 % مع العلم ان درجة الانجليزي في تانية وتالتة 100 %
هل ممكن الحق تجارة انجلش جامعة الزقازيق ولا مفيش امل عشان مغتربة
تنسيق الوافدين من الخارج دول بيبقى معروف انه بيبقى عالي وبالتالى مش هاقدر افيدك اوي في الموضوع دا
انا رأيي انتى تقدمي وخلاص
مع مراعاة حاجة مهمة .. الانجليش في السعودية بيبقى ضعيف جدا
فانتي بتيجي هنا مصر بيتهيألك انك هاتمشي فيها وتيجي تتصدمي بالمواد ومستوي زمايلك اللى معاكي في الانجليش
فهاتبتدي تتعقدي وتزهقي وتتخنقي
vampire1188 11-08-2012, 12:40 PM يا جماعه حد يرد عليا ضرورى هى تجارة انتساب موجه فلوسها بتوصل 1000 و1500 جنيه
وممكن تزيد عن كده
حد يرد عليا ضرورى
لا طبعااااااااااااااااا .. هوا يوم مابيضرب في السما في حدود 400 او 500 ومابيزيدش عن كدا
vampire1188 11-08-2012, 12:42 PM انا يا جماعة ادبي و دخلت تجارة وانا ماليش في الرياضة اوي ينفع ادخل تجارة انجليزي هتبقي سهلة عليا ولا صعبة مع العلم انا جايب في الانجليزي 43 من 50
ههههه ويعنى انا اللى كان ليا في الرياضة اوي ؟!
انا عايز اقولك اصلا انا كنت داخل الكلية دي وعاصر على نفسي اتنين كيلو لمون على تلاته كيلو برتقان
بس بعد مادخلتها اكتشفت انها كلية جامدة جداااااا وزي العسل
واذا كنت خايف انك ماتمشيش في الرياضة لاء انا بقى بقولك انا نفسي ماكنش ليا في الرياضة ومع ذلك مشيت فيها
hesho_161 14-08-2012, 03:55 AM انا جايب 368.5(ادبى) مجموع ثانوى و جايب فى الانجليزى 44من50 ومستوى رفيع 9من10 يبقى انا كدا ليا فرصة فى تجارة انجلش القاهرة؟؟؟
student/salma 14-08-2012, 04:37 AM طيب لو سمحت في س}ال و يارب ترد عليه :) هو انا ينفع ادخل جورجيا و انا انتساب؟؟؟؟؟
Islam.Mecano 14-08-2012, 08:05 PM لو سمحتم ممكن حد يجاوبنى على سؤالى
انا قدمت فى كلية تجارة جامعة القاهرة
مجموعى 90%
رحت الكلية واخدت معايا الورق المطلوب كله
ودفعت 140 جنية فى الخزنة
سؤالى
فى حاجة مطلوب منى اعملها تانى قبل لداية الدراسة؟؟
واى التخصصات فى الكلية تجارة عربى ومن سنة كام؟؟
وشكرا جزيلا
vampire1188 14-08-2012, 09:35 PM انا جايب 368.5(ادبى) مجموع ثانوى و جايب فى الانجليزى 44من50 ومستوى رفيع 9من10 يبقى انا كدا ليا فرصة فى تجارة انجلش القاهرة؟؟؟
قدم وقول يااارب .. لو ماكانش فيه فرصة ماكنتش قولتلك قدم ووفر الـ 100 جنيه لنفسك
vampire1188 14-08-2012, 09:35 PM طيب لو سمحت في س}ال و يارب ترد عليه هو انا ينفع ادخل جورجيا و انا انتساب؟؟؟؟؟
لاء ماينفعش
vampire1188 14-08-2012, 09:37 PM لو سمحتم ممكن حد يجاوبنى على سؤالى
انا قدمت فى كلية تجارة جامعة القاهرة
مجموعى 90%
رحت الكلية واخدت معايا الورق المطلوب كله
ودفعت 140 جنية فى الخزنة
سؤالى
فى حاجة مطلوب منى اعملها تانى قبل لداية الدراسة؟؟
مش خدت اثبات الدفع ؟ بس كدا شكراااا .. على اول الدراسة تاخد صورة وتاخد اثبات الدفع دا وتروح لشئون الطلبة وتقولهم عايز اعمل الكارنيه .. اسبوعين تلاته والكارنيه يطلعلك وشكرا كدا
Islam.Mecano 15-08-2012, 10:00 PM مش خدت اثبات الدفع ؟ بس كدا شكراااا .. على اول الدراسة تاخد صورة وتاخد اثبات الدفع دا وتروح لشئون الطلبة وتقولهم عايز اعمل الكارنيه .. اسبوعين تلاته والكارنيه يطلعلك وشكرا كدا
ممكن لو سمحت كمان اعرف اى التخصصات اللى فى الكلية ؟؟ ومن سنة كام ؟
شكرا
moft3d1973 20-08-2012, 12:57 PM السلام عليكم انا علمى علوم وجبت 79.39% وانا مرحلة تالته وكنت عايزه ادخل تجارة عين شمس حتى ولو انتساب فهل ممكن تزل مرحلة تالته وينفع ادخلها وانا من الشرقية ينفع اقدم فى المدينة الجامعية ولا هيكون فى مشكلة وايه اللى ممكن اعمله لو منفعش تجارة وايه الكليات اللى تمشى معايا وتكون فرص عملها كويسه...................ولكم جزيل الشكر.
engy hamed amine 21-08-2012, 05:01 AM مافيش حاجة اسمها احسن قسم .. انتى عندك اقسام معينة وانتى وميولك بقى
طبعا ميولك دي مش هاتقدري تحدديها من دلوقتى لانك لسه اصلا مادخلتيهاش حتى
بس عايز اقولك 90% من الناس بتخش محاسبة لان هيا دي اللى شغلها كتير واشمل كمان
تمام شكرا بس كنت عايزة اعرف اقسامها ايه والتخصص من سنة كام وكده ؟
وجزاك الله كل خير
وشكرا على المجهود واهتمامك
ahmed26 21-08-2012, 05:34 AM ممكن لو سمحت كمان اعرف اى التخصصات اللى فى الكلية ؟؟ ومن سنة كام ؟
شكرا
الاقسام فى كلية تجارة جامعة القاهرة
1- قسم المحاسبة.
2- قسم إدارة الأعمال.
3- قسم الرياضة والتأمين.
والتخصص بيبقى من سنة رابعة
ahmed26 21-08-2012, 05:39 AM السلام عليكم انا علمى علوم وجبت 79.39% وانا مرحلة تالته وكنت عايزه ادخل تجارة عين شمس حتى ولو انتساب فهل ممكن تزل مرحلة تالته وينفع ادخلها وانا من الشرقية ينفع اقدم فى المدينة الجامعية ولا هيكون فى مشكلة وايه اللى ممكن اعمله لو منفعش تجارة وايه الكليات اللى تمشى معايا وتكون فرص عملها كويسه...................ولكم جزيل الشكر.
للأسف تجارة عين شمس انتساب اخدت من 83.2% ومش هتنزل مرحلة تالتة هو ممكن يكون فى تجارة انتساب اقاليم فى المرحلة الثالثة بس معرفش جامعات ايه بالظبط اما تبدء المرحلة الثالثة ابقى شوف كليات تجارة الانتساب المتبقية
ahmed26 21-08-2012, 05:40 AM تمام شكرا بس كنت عايزة اعرف اقسامها ايه والتخصص من سنة كام وكده ؟
وجزاك الله كل خير
وشكرا على المجهود واهتمامك
الاقسام فى كلية تجارة جامعة القاهرة
1- قسم المحاسبة.
2- قسم إدارة الأعمال.
3- قسم الرياضة والتأمين.
والتخصص بيبقى من سنة رابعة
moft3d1973 21-08-2012, 11:33 AM ممكن لو انا دخلت اى كلية انتساب مرحلة تالتة وكانت فى عين شمس او القاهرة اقدم فى المدينة الجامعية ويقبلونى
moft3d1973 21-08-2012, 01:03 PM لو انا قدمت تجارة انتساب فى اى جامعة بعيدة غير جامعة الزقازيق القريبة منى ممكن بدل ما احول الزقازيق احول عين شمس ويكون ليا مكان فى المدينة الجامعة
احـمد150 21-08-2012, 05:54 PM السلام عليكم ورحمة الله وبركاتة
ممكن اعرف كليات تجارة انتساب المتبقية ولو هتظهر عندما يفتح باب التنسيق للمرحلة 3 اعرف ازاي
ومجموع 70.12* ادبي ممكن ينهض انتساب عشان في ناس بتقول لا وناس بتقول هيخدة 25% من اجمالي الناجحين في المرحلة 3 ارجوكم ساعدوني ولو مش هلحق انتساب ممكن ادخل معهد مصر العالي للتجارة (تجارة السلاب بالمنصورة ) وهي ليها عيوب ودراستها زي الجامعة ..؟؟؟؟؟؟
طريقى الى التفوق 25-08-2012, 01:22 PM التقديم امتى بالنسبة لجامعة جنوب الوادى ...قنا ؟؟
sharqwi 04-09-2012, 05:15 PM يعنى مينفعش اخش تجاره انجلش لو انا انتساب حتى لو تانى سنه جبت جيد وبقيت انتظااام ... انا كان نفسى اخش انجلش بس المشكله انا علمى فا علشين كده جيالى انتساب .
.. ارجو رد مفيد يساعدنى او حل تانى ... يعنى ينفع اروح كليه تانيه اكون فيها نتظام ... عاوز حل ارجوكم ورد سريع
sharqwi 04-09-2012, 05:21 PM وانا جايلى تجاره انتساب موجه الزقازيق ..... ينفع اروح جامعه تانيه ااكون انا فيها انتظام واخش انجلش ... ممكن حضرتك تشوفلى الكليه الى انا اكون فيها انتظام انا جايب 342.5 بالمستوى وانا علمى رياضه ..... ارجوكم حل انا مستنى الرد
sharqwi 06-09-2012, 07:14 PM مفيش حد عاوز يرد ع استفسارى و طلبى .... بقى هو ده الاستفسار والرد فيييييييييين يا جماعه ولا احنا مش تبعكو ولا اى
vampire1188 06-09-2012, 08:37 PM يعنى مينفعش اخش تجاره انجلش لو انا انتساب حتى لو تانى سنه جبت جيد وبقيت انتظااام ... انا كان نفسى اخش انجلش بس المشكله انا علمى فا علشين كده جيالى انتساب .
.. ارجو رد مفيد يساعدنى او حل تانى ... يعنى ينفع اروح كليه تانيه اكون فيها نتظام ... عاوز حل ارجوكم ورد سريع
لا للاسف حوار انجليش دا فاشل بالنسبة لانتساب نهائياً
بالنسبة لانتظام مش مشكلة مانتا ممكن تخش تجارة انتساب وتشد حيلك وتجيب جيد وتحول لانتظام عادي يعنى
vampire1188 06-09-2012, 08:39 PM وانا جايلى تجاره انتساب موجه الزقازيق ..... ينفع اروح جامعه تانيه ااكون انا فيها انتظام واخش انجلش ... ممكن حضرتك تشوفلى الكليه الى انا اكون فيها انتظام انا جايب 342.5 بالمستوى وانا علمى رياضه ..... ارجوكم حل انا مستنى الرد
للاسف جامعات الاقاليم زي اسيوط والزقازيق والمنوفية والمنصورة والحتت دي بتبقى مقيدة تقيد تاااااام بالمربع السكني بتاعك .. فعشان كدا بتبقى خنيقة مش زي القاهرة انتا ممكن تلعب في حلوان وعين شمس والقاهرة وبنها
moft3d1973 07-09-2012, 08:08 AM لو سمحت جاوبنى على استفساراتى بسرعه ارجوووووووووووووووووووووووووك فى ص52
vampire1188 07-09-2012, 02:28 PM لو انا قدمت تجارة انتساب فى اى جامعة بعيدة غير جامعة الزقازيق القريبة منى ممكن بدل ما احول الزقازيق احول عين شمس ويكون ليا مكان فى المدينة الجامعة
على حسب معرفتي مابياخدوش غير اعلى مجاميع بتقدم وفي نفس الوقت لازم تجيب جيد كل سنة عشان تكمل في المدينة ولو ماجيبتش الجيد دي بيزحلقوك
وغير كدا مش هاينفع تقدم اصلا في جامعة غير اللى موجودة في مربعك السكني لان التنسيق الالكتروني بيحكمك في دا
لو سمحت جاوبنى على استفساراتى بسرعه ارجوووووووووووووووووووووووووك فى ص52
آسفين على التأخير
ام حفصه 08-09-2012, 02:41 AM السلام عليكم معلش عندى استفسار لى قريب تجارة اسيوط وجايب تقدير مقبول فارق عن الجيد 3 درجات حسبى الله ونعم الوكيل فيهم بتوع اسيوط والسنه دى حول القاهرة قدم يعنى فرصته فى قبول التحويل ايه وهو من ساكنى الجيزة يا ريت لو تعرف تطمنى ضرورى ونتيجه التحويل بتظهر امتى وفين وازاى ولك جزيل الشكر
vampire1188 08-09-2012, 02:52 AM السلام عليكم معلش عندى استفسار لى قريب تجارة اسيوط وجايب تقدير مقبول فارق عن الجيد 3 درجات حسبى الله ونعم الوكيل فيهم بتوع اسيوط والسنه دى حول القاهرة قدم يعنى فرصته فى قبول التحويل ايه وهو من ساكنى الجيزة يا ريت لو تعرف تطمنى ضرورى ونتيجه التحويل بتظهر امتى وفين وازاى ولك جزيل الشكر
بصي بصراحة عشان ماكدبش على حضرتك انا مابحبش اقول معلومة مش متاكد منها اوي
طبعا قصة التحويلات دي انا كنت فاكرها بس بصراحة بعد ماتخرجت والشغل وكدا حضرتك عارفه بقى المشاغل بتنسي الواحد حاجات كتيرة
فانا على ما اتذكر التحويل كان بيبقى تقريبا لازم يكون جايب جيد وصافي يعنى مش شايل اي مادة خالص
ونتيجة التحويل هوا بيتابع بنفسه مع مكتب التحويلات اللى في جامعة القاهرة
هوا بس يحاول يظبط مع اي حد هناك وياخد رقمه ويتابع معاه ويشوف بدل ما كل شوية يتمشور
elhamlola94 08-09-2012, 09:30 AM لو سمحت انا كنت عايزه اعرف فى فرق مابين انتساب موجه وانتظام جامعة عين شمس
يعنى فى حكاية الحضور والسكاشن وباذن الله لما اجيب تقدير فى اولى هاعمل طلب تحويل لنتظام ولا هاتحول مباشرة .
محتااااجه الرد ضرورى
vampire1188 08-09-2012, 12:39 PM لو سمحت انا كنت عايزه اعرف فى فرق مابين انتساب موجه وانتظام جامعة عين شمس
تقريبا مافيش فرق غير في ان انتساب مصاريفها اعلى .. وامتحاناتهم اسهل شوية من انتظام
يعنى فى حكاية الحضور والسكاشن
الحضور عادي مافيهوش مشكلة زيه زي انتظام تقريبا .. بس انتساب مالهاش سكاشن ودي مصلحة على فكرة :d
وباذن الله لما اجيب تقدير فى اولى هاعمل طلب تحويل لنتظام ولا هاتحول مباشرة .
لاء بتروحي بنفسك لشئون الطلبة وبتعملي طلب تحويل لانتظام لان فيه ناس مابتبقاش عايزة تحول انتظام اصلا حتى لو جابت جيد جدا !!
soooky 11-09-2012, 10:52 PM كنت عايزة اسأل هل ممكن حد خريج ثانوية ازهرية يلتحق بكلية التجارة ولا لا ؟؟؟؟؟؟؟؟
eslam mohsen ali 12-09-2012, 01:48 AM السلام عليكم
ياعم فامبير رد على دا انا تلميذ وانت استاذ
سالتك على شهادة cma ,وانت مشكور ردت بس كان رد صغير وبعد ذلك اعادت السؤال مرة ثانية وهو
متى يمكنى ان اعمل هذه الشهادة؟ وكم تكلف؟ وهل لها ميزة فى مجال البنوك فى الدول العربية ؟
فى جامعة القاهرة مركز الدراسات التجارية ينظم كورسات فى الانجليزى هل هذا المركز كويس ولا؟
لو انا حصلت على هذا الشهاده سوف اكون محاسب دولى ؟
vampire1188 15-09-2012, 12:09 PM نت عايزة اسأل هل ممكن حد خريج ثانوية ازهرية يلتحق بكلية التجارة ولا لا ؟؟؟؟؟؟؟؟
للأسف لاء ..
vampire1188 15-09-2012, 12:16 PM السلام عليكم
ياعم فامبير رد على دا انا تلميذ وانت استاذ
ههههه ياباشا ربنا يخليك دا بس من زوقك .. معلش يا معلم اسفين ع التاخير
سالتك على شهادة cma ,وانت مشكور ردت بس كان رد صغير وبعد ذلك اعادت السؤال مرة ثانية وهو
متى يمكنى ان اعمل هذه الشهادة
يمكنك عمل هذه الشهادة لما ان شاء الله تبقى قادر انك تستوعبها وتذاكرها
انا اعرف ناس في تجارة انجليش كانو بييجو على نفسهم وبيذاكروها في سنة تالته
بس للأسف ودا المتوقع انه سقطو في امتحان اول بارت .. فعشان كدا انا لا احبذ انك تاخدها وانت في الجامعة اصلا
على الاقل تتخرج وتشتغل وتشوف الحياة في المحاسبة ماشية ازاى وساعتها ابتدي نقنق فيها بقى واحده واحده كدا
وكم تكلف؟
على حسب انت بتدرس فين وهل بتكاليف الامتحان وعضوية الـ ima ولا لاء
بس هيا بتبقى في حدود مابين الـ 2500 لـ 10 الاف على حسب بقى
وهل لها ميزة فى مجال البنوك فى الدول العربية ؟
شكلها في الـ cv حلو .. بس ان هيا تضيفلك حاجة في شغل البنوك بصراحة انا شايف انه لاء
لان البنوك بتعتمد اعتماد كااااااامل على العمليات المصرفية .. حاجات بعيدة كل البعد عن الاسس المحاسبية
لو عايز حاجة تكون متعلقة بالبنوك عندك المعهد المصرفي وعندك الـ mba .. بس ماتفكرش في الـ mba دلوقتى خااااالص ولا حتى بعد التخرج عشان دي تكلفتها المنيمم بتاعها 20 الف !!
فى جامعة القاهرة مركز الدراسات التجارية ينظم كورسات فى الانجليزى هل هذا المركز كويس ولا؟
كورسات الانجليش انا شايفها تعبانه .. بس في المحاسبة والبورصة كويسة وحلوة
لو انا حصلت على هذا الشهاده سوف اكون محاسب دولى ؟
الـ cma ؟ اكيد طبعاااااااااااا .. يا باشا انت هاتبقى معتمد من جمعية المحاسبين الامريكية .. يعنى برنس
اسامة ابوشادي 19-09-2012, 11:39 PM استفسار ارجو الرد سريعا هل لو دخلت معهد فني تجاري وجبت جيد جدا ممكن ادخل بعدو كلية تجارة من غير معادلة والاهم والاهم علي سنةتالتة كلية تجارة ولا تانية تجارة
vampire1188 23-09-2012, 10:18 PM استفسار ارجو الرد سريعا هل لو دخلت معهد فني تجاري وجبت جيد جدا ممكن ادخل بعدو كلية تجارة من غير معادلة والاهم والاهم علي سنةتالتة كلية تجارة ولا تانية تجارة
ياباشا مافيش حاجة اسمها من غير معادلة .. لاااااااازم تعمل معادلة طبعا
ولما تنجح باذن الله بتخش على سنة تانية على طول (مش تالته)
والمعهد التجاري يكون 5 سنين مش تلاته
احمد سلام . 25-09-2012, 01:18 AM بعد اذنكم كنت عايز معلومات عن قسم
اداره نظم ومعلومات اداريه
وهل هو افضل ام اداره اعمال
شكرا
eslam mohsen ali 20-11-2012, 12:47 AM السلام عليكم
أنا دولقتى فى تجارة القاهرة عربى وكنت عايز احول تجارة eج حلون ازاى يكون هذا
marmar770 30-11-2012, 12:38 PM معلش انا كان عندى استفسار
انا دلوقتى فى اولى اداب اجتماع بس انا مش عارفة اكمل فيها لانى مش ليا فى الحفظ
فهل ينفع انى احول السنة اللى جاية تجارة؟؟؟ مع العلم انى مجموعى مش جابها السنة دى
|