ايه رأيك ؟؟؟؟؟؟؟؟؟؟؟؟؟؟؟؟؟؟ [الأرشيف] - بوابة الثانوية العامة المصرية

مشاهدة النسخة كاملة : ايه رأيك ؟؟؟؟؟؟؟؟؟؟؟؟؟؟؟؟؟؟

The Philosopher

08-07-2009, 09:20 AM

Its My Life

08-07-2009, 09:24 AM

للاسف مش هاقدر أقول رأيي
أولا لاني مش علمي علوم والموضوع تقريبا مخصص ليهم بس
ثانيل لاني نسيت المواد خلاص
هو ده التعليم في مصر

The Philosopher

08-07-2009, 09:26 AM

لأ الموضوع لأى حد يشارك أنا بس كتبت عن الأحياء لأنى كنت بدرس أحياء
اكتبى أنتى عن الرياضة

wikamazika

08-07-2009, 10:36 AM

بما أننا خلاص خلصنا ثانوية ومستنين يوم الموقعة الكبرى
ف يعنى ممكن بقى نقول رأينا فى المواد اللى كنا بندرسها
طبعا مش احنا اللى هنغير نظام التعليم فى البلد بس نقول رأينا وخلاص
المفروض أن طالب ثانوى ده داخل على جامعة يعنى تخصص بعد كده يعنى المفروض يدرس فى ثانوى أحدث حاجة توصل اليها العلم واحنا طبعا للأسف كل منهجنا قديمة جدا من أيام م قبل الميلاد زى قاعدة أرشميدس
طبعا فى ناس هيقولوا أن ده هو أساس العلم يعنى لازم ندرسه فى الأول طيب واحنا كنا بنعمل ايه فى اعدادى كنا بنلعب صح
فى العربى ايه فايدة موضوعات القراءة اللى بنحفظها دى
لأ ياعم دى ثقافة ثقافة ايه هنضحك على بعض
أنا مش بشوف أن احنا بنستفيد حاجة من العربى ده الا النحو والبلاغة بس غير كده كل كلام بيتحفظ وبيضيع وهو ده الحال
بصراحة العربى يشل وان السنة دى اقل مادة ذاكرتها العربى عشان كده مش اقدر افتى
فى الانجليزى حاجة غريبة من أولى اعدادى واحنا بندرس نفس الجريمر ونفس القواعد هو خلاص قواعد الانجليزى خلصت ولا ايه الواحد زهق من القواعد دى
المادة دى عاوزة واحد فاهم من رابعة ابتدائى و طالما عرف المفتاح بتاعها يبقى مش عاوزة مذاكرة لان كلها بتعيد وتزيد فى نفس الكلام
فى الفيزياء مش الموجات دى درسناها فى اعدادى بس هما أضافوا شوية كلام بس
طيب م كانوا ينزلوا الموضوع زى م هو كده فى الاعدادى وبعدين مش التعليم تراكمى ممكن بقى يسألونا عنها دلوقتى
الموائع موضوع من أيام م قبل التاريخ ليه مش درسناها فى مراحل تعليم سابقة
هو ليه أصلا احنا بنرجع نعيد اللى احنا درسناها تانى طيب وكان لزمتها ايه الدراسة فى الأول
الغازات مش هتكلم
الكهربية ده بقى بيتهيألى أنه موضوع كان لازم ندرسه لأنه هام للى عايزين هندسة كهربه
الحديثة هى مش حديثة أوى يعنى
انا عن نفسى استمتعت بدراسة الفيزيا جدا واتعلمت منها حاجات كتير ولكن المشكلة فى نمط الامتحانات بتاع الحفظ والكلام الكتير
فى الأحياء موضوعات تعل والله تغذية وهضم ونقل وتنفس واخراج و0000000 امال احنا كنا بندرس ايه طول السنين اللى فاتت
وبعدين بقى الوراثة ماشى موضوع مهم
والبيولوجيا جميل بس مش يعنى حاجة حديثة
احنا أحدث حاجة فى منهجنا من عام التسعينات
امال فين العلم فى الألفية الجديدة
طبعا مش هتكلم عن الكيمياء لأنه بصراحة مفيش أى موضوع يجذبك
بصراحة مفيش اى تشويق ولا عوامل جذب ولا أى حاجة
مشكلة الاحياء انك بتذاكر علشان تجيب 50 بس هى مفيدة جدا انا عن نفسى تعبت فيها السنة اللى فاتت ومش كان عندى غلطات وجبت 49.5
اتمنالك تجيب 50 ان شاء الله
انت منين يا احمد وجبت كام السنة اللى فاتت

The Philosopher

08-07-2009, 10:43 AM

مشكلة الاحياء انك بتذاكر علشان تجيب 50 بس هى مفيدة جدا انا عن نفسى تعبت فيها السنة اللى فاتت ومش كان عندى غلطات وجبت 49.5
اتمنالك تجيب 50 ان شاء الله
انت منين يا احمد وجبت كام السنة اللى فاتت
لأ موضوع الخمسين ده من عاشر المستحيلات
بص ياأخى أنا من احدى المراكز فى الدقهلية يعنى اسمه ميت غمر لو تعرفه
جبت فى تانية 97 وده لبعض الأسباب الخاصة جدا
يعنى مش عايز أفتكرها لأنه أنا تقريبا مادة واحدة بس هى اللى عملت فيا كده ومش تقصير منى بس هو قدر ربنا يعنى كنت يومها تعبان ده بالاضافة للغش اللى كان مالى اللجنة والأخ اللى كان قدامى منه لله عقدنى بصراحة وجبلى حالة نفسية فى الامتحان
بس ربنا يسهل وشكرا على سؤالك أخى العزيز
وربنا يخليك

abdelRhman772007

08-07-2009, 11:36 AM

The Philosopher

08-07-2009, 12:57 PM

نظام التعليم فيه آراء كتير و لكنها ليست شافية يمكن كنت بقولآرائى هنا من سنتين و لا حاجة و لكن كان رأيى أكتر رأى بيتم الاعتراض
عليه ، و للأسف هو ده النظام الجديد للثانوى أو قريب منه ، طبعًا ده صدفة مش شغال مع الحكومة يعنى
بالنسبة للعربى المفروضيكون بتوسع شديد و خصوصًا فى مواضيع النحو و البلاغة و يندرج معها النصوص و حفظ الجيد منها(مش الرخم) برافو لو مش كده يبقى احنا ليه عرب بضيف كمان أن لازم يكون عندنا علم باعراب كلمات القرأن لأن ده هو المصدر اللى هما استمدوا منه النحو يعنى ممكن بدل القطعة أخر السنة يجيبوا أيات قرأنية
أما للتعبير يتسالمن العربى و يتحط مادة مستقلة بذاتها اسمها الإنشاء و يستحب لو يفصلوا العربى كله عن بعضه تمام بردوا هو ده الكلام اللى بيطبق فى الأزهر واللى المفروض يطبق علينا كلنا
لأن فى العربى بالذات ناس تقولجايب 23 عشان مثلاً النحو و اللى يقول عشان القراءة كده يعنى
نظام استعبااااااااااااااااااااااااااااااااااااااااااااا اااااااااااااااااااااااااط يعنى

أما الانجليزى عذرًا المادة اللى ملهاش لازمة لو كنت وزير كنت شيلتها ليه
اللغة هى النطق اللى بنطق بيه أولاً و قبل أخيرًا أما أخيرًا فى الجرامر و بعد أخيرًا حفظ الكلمات
هتلاقى الوضع فى التعليم العكس تمامًا إلا من رحم ربى خصوصًا فى مدارس اللغات
بدليل أى حد عايز يتعلم انجليزى بيجيب كتب المدرسة و يقراها؟ بيجيب كتب خارجية و يقراها؟
لأ طبعًا كلها كورسات و فى سنة سنتين تلاتة بيكون طليق فى الانجليزى إذا ما فائدة مادة اللغة الانجليزية كمادة تعليمية؟
ممكن يلغوها و تكون فى النادى الصيفى مثلاً بعد الدراسة كورسات مجانية ولا أقولك خليها بفلوس عشان تبقى بزمة طيب بدل م يلغوها م يخلوها زى الكورسات

أما الرياضيات للأسف ضيقة الأفق مش كأفكار مسائل بل كمواضيع قليلة
و مدخلين الميكانيكا فى الرياضة و هى فيزياء؟؟؟ (أظن ده خطوة التطوير الجاية)
فى كل الخليج مناهج بالمقارنة لمصر كتب من رائعة ليه ميكتروش مواضيع الرياضة، هتقولى القوانين و الكلام ده هحفظه ازاى
ممكن يوزعوا حاجة زى كتيب فيه قوانين المنهج تدخل بيه الامتحان عادى الرياضيات مادة فهم من الطراز الأول و ليس حفظ قوانين
و بعدين احنا بكده هندفع الطلبة بتنمية عقلهم و فهم المسائل و الابتكار و كده مهما كانت المسائل صعبة
هنحلها إن شاء الله و يا ريت يكون الامتحان معقد و قصير و وقته كبير و أفكاره مغطية الرياضة كلها

أما الفيزياء هى عجباكم كده صح و لكن فيه أحسن مش هتكلم كتير لحسن انضرب احنا فى قسم الفيزياء و لازم نجامله
بس بجد فيه أحسن كتير ممكن يتعمل فى الفيزياء
الفيزياء دى أحسن علم فى الدنيا وده اللى عجبنى مش عجبنى المناهج اللى بيدرسوهنا
ايه المنهج اللى من أيام عصر ماقبل الأسرات ده
وزى م قلت هتقولى ده الأساس فى العلم الحديث
طيب احنا ليه مش درسنا الأساس ده قبل كده فى مراحل تعليم سابقة ولا احنا كنا بنعمل ايه وقتها ولا هو التعليم عندنا بيقتصر على المرحلة الثانوية بس أما باقى المراحل فانجح فيها بس لأنها مش هتفيدك بعد كده
انما ثانوية عامة لازم تقتل نفسك دخلت ثانوى لازم تقعد على الكتاب 24 ساعة مش تقوم الا على الجامعة عدل
وزى م قلت المفروض طالب الثانوى ده مش يدرس ليه غير أحدث وأرقى حاجة فى العلم الحديث مش جيبين لنا جزء صغير جدا هو أصلا قديم بالنسبة للغرب وبيقولوا هى دى الفيزياء الحديثة

=================
عمومًا نتكلم بصراحة و بأدلة كنت قولت إن الانجليزى منهج ركيك و اللى يأكد كده أنه لما درسنا الفرنساوى
الفرنساوى أثر جدًا جدًا على الانجليزى يمكن طغى عليه لأنه بيهتم تقريبًا بس كل مناحى المحادثة الحية مع أنه سنة بس

بيقولوا إن الثقافة هى ما يبقى فى العقل بعد الخروج من المدرسة
مش هقول فاكر ايه من الإعدادى لأنى متأكد أنكم فاكرينه زى امبارح لكن هقول أنت فاكر ايه من دروس القراءة للسنة ده؟
لسه فاكر دلوقتى شوية دروس بس استنى كده كام يوم ومش هتلاقى حاجة
بص أنا مقتنع بحاجة أن الثقافة مش أنك تحفظ ممكن يجبولنا الدروس دى للقراءة بس وبعدين يكون موضوعات التعبير خاصة بيها يعنى يشوفوا احنا وصلنا لفين يعنى موضوعات تعبير تقترب أفكارها من مستوى أفكار الموضوعات دى
كمان بالنسبة للأدب هو احنا ليه بندرس الرواية والقصة والمسرحية مش عشان يمكن يمكن حد يطلع كاتب بعد كده ويفيد البلد طيب هو المهم أنى أعرف وأحفظ أنا بدرس ايه ولا المهم أنى أعرف أطبق طيب ممكن يطلوب مننا ان احنا نكتب رواية ولا قصة ولا مسرحية
هتقولى دى قدرات خاصة طيب بيدهوا لينا كلنا ليه م يعملوا زى الدول المتقدمة ويحققوا مبدأ التخصص من الأول حتى فى العربى ويشكلوا مجموعات من الطلاب

=========
ندخل بقى للتنسيق و الكلام ده
هل هناك فارق بين المهن الشريفة المختلفة بالطبع لا كلها شريفة يبقى ايه فايدة النسيق
تقسم الناس فى القدرات (ناس عباقرة رياضة و مدخلوش الهندسة لمجرد معرفوش يحلوا فى العربى و لا الانجليزى )
هل هناك دخل أو تناقض ؟؟؟؟ يعنى ينفع تروح لمدرس الرياضة و تقوله ممكن تفهمنى قاعدة الروابط فى الانجليزى؟؟؟؟
يبقى ايه لازمة التنسيق؟؟؟؟ لغاية دلوقت مش لاقى ليها سبب مقنع صراحة
هتقولى هو غالباً بيبقى تمام أقولك ده بيسبب التفرقة العنصرية و غيره و نيجى نقول كلية الزراعة محتاجة طلبة و كلي الطب مش عايزة طلبة
ليه ميبقاش بمقابلات اختبارات كتيرة تخصص من الثانوية مش شرط فى مجال واحد ممكن تلات مجالات تختارهم حسب الكلية

و بكده هتتساوى الكليات و يبقى كل واحد يدخل الحاجة اللى بيحبها بدون أى شوائب احراج
و بدون زن الأقارب أو معايرة الناس عادى بقى كلام تمااااااااااااااااااااااااااااااام جدا

كفاية كده دا طلعت رغاى جدًا جدًا جدًا

سلام عليكم و رحمة الله و بركاته
ولا رغاى ولا حاجة شكرا أوى على الرأى الجميل ده
وعليكم السلام ياعبده

sooomaaa

08-07-2009, 03:28 PM

بما أننا خلاص خلصنا ثانوية ومستنين يوم الموقعة الكبرى
ف يعنى ممكن بقى نقول رأينا فى المواد اللى كنا بندرسها
طبعا مش احنا اللى هنغير نظام التعليم فى البلد بس نقول رأينا وخلاص
المفروض أن طالب ثانوى ده داخل على جامعة يعنى تخصص بعد كده يعنى المفروض يدرس فى ثانوى أحدث حاجة توصل اليها العلم واحنا طبعا للأسف كل منهجنا قديمة جدا من أيام م قبل الميلاد زى قاعدة أرشميدس
طبعا فى ناس هيقولوا أن ده هو أساس العلم يعنى لازم ندرسه فى الأول طيب واحنا كنا بنعمل ايه فى اعدادى كنا بنلعب صح
فى العربى ايه فايدة موضوعات القراءة اللى بنحفظها دى
لأ ياعم دى ثقافة ثقافة ايه هنضحك على بعض
أنا مش بشوف أن احنا بنستفيد حاجة من العربى ده الا النحو والبلاغة بس غير كده كل كلام بيتحفظ وبيضيع وهو ده الحال
عندك حق بجد العربى ده ارخم ماده ودروس القراءه الى نقعد نحفظ نحفظ فيها ولا فاهمين فيها حاجه ايه لازمتها ودلوقتى اكيد طبعا مش فاكرين منها كلمه ده الواحد فاكر عنوانين الدروس بالعافيه يعنى درس زى اسلوب واسلوب والارقام الاصيله دول ايه لازمتهم بس ده مايمنعش ان فى حاجات حلوه فى العربى زى النحو مثلا
فى الانجليزى حاجة غريبة من أولى اعدادى واحنا بندرس نفس الجريمر ونفس القواعد هو خلاص قواعد الانجليزى خلصت ولا ايه الواحد زهق من القواعد دى
عندك حق فى موضوع الجرامير ده بس الانجلش ككل على بعضه ماده كويسه هما بس يشيلوا شويه الغباء الى فيها ويزودوا جرامر جديد
فى الفيزياء مش الموجات دى درسناها فى اعدادى بس هما أضافوا شوية كلام بس
طيب م كانوا ينزلوا الموضوع زى م هو كده فى الاعدادى وبعدين مش التعليم تراكمى ممكن بقى يسألونا عنها دلوقتى
الموائع موضوع من أيام م قبل التاريخ ليه مش درسناها فى مراحل تعليم سابقة
هو ليه أصلا احنا بنرجع نعيد اللى احنا درسناها تانى طيب وكان لزمتها ايه الدراسة فى الأول
الغازات مش هتكلم
الكهربية ده بقى بيتهيألى أنه موضوع كان لازم ندرسه لأنه هام للى عايزين هندسة كهربه
الحديثة هى مش حديثة أوى يعنى
الفيزياء من امتع العلوم الى فى الدنيا والله كنت باحس وانا باذاكرها انى طايره بغض النظر عن ان الدروس قديمه درسناها قبل كده بس هى بجد من العلوم الجميله جدااااااا
فى الأحياء موضوعات تعل والله تغذية وهضم ونقل وتنفس واخراج و0000000 امال احنا كنا بندرس ايه طول السنين اللى فاتت
وبعدين بقى الوراثة ماشى موضوع مهم
والبيولوجيا جميل بس مش يعنى حاجة حديثة
احنا أحدث حاجة فى منهجنا من عام التسعينات
امال فين العلم فى الألفية الجديدة
انا مش احياء مس هاعرف ارد عليك علشان انا رياضه
بس ممكن اتكلم عن الرياضه
هى الرياضه جميله اه وكويسه بس المشكله ان مثلا فى التفاضل ايه لازمه النهايات والاتصال والاشتقاق ما احنا درسنهم فى تانيه فكان لازم يزودوا المناهج شويه ويلغوا كل الحاجات الى درسنها قبل كده
طبعا مش هتكلم عن الكيمياء لأنه بصراحة مفيش أى موضوع يجذبك
بصراحة مفيش اى تشويق ولا عوامل جذب ولا أى حاجة
المفروض كعامه فى كل المواد يدرسوا مواضيع عصريه مش بعض الدراسه نلاقى نفسنا لسه فى نقطه الصفر
احنا مش هنستفاد من علوم قديمه المفروض نعرفها بس مع الجديد برضه
فى الاخر كلامنا ده كلام وخلاص ما حدش هيعمل بيه
نقول الحمد لله علشان عدت على خير وندعى ربنا النتيجه تكون كويسه
ايه ده كله ده انا رغايه جدااااااا

MuHaMeD kHaLeD

08-07-2009, 06:13 PM

بصرااحه ياااا جماعه انا مشعااارف
اقولك ايه

لانكم جبتم من الاخر

و قلتوا كل حاااااااااجه

Its My Life

09-07-2009, 11:49 AM

http://www.thanwya.com/vb/showthread.php?t=136133
بسرعه

واحدة وخلاص

13-07-2009, 04:04 PM

منظومة التعليم فى مصر غير ناجحه بالمره وبتخرج الاف من الحفيظه وحتى لو كان فيهم عبقرى بتقتل عبقريته بالمناهج السخيفه ومعظم الاوائل بيكونوا ناس بتعرف تصم وبس

بروف انس

13-07-2009, 08:49 PM

يا جماعه انا مش شايف اي مانع من الحفظ قديما كانوا علماء المسلمين يحفظون ويطبقون ثم يبتكرون يعني الابتكار في النهايه وقول الامام الشافعي يقول :- شكوت الي وكيع سوءحفظي فنصحني بترك المعاصي
وقال ان العلم نور ونور الله لايهدي لعاص
لكن المواد التطبيقيه مثل الرياضيات والتجريبيه مثل الفيزياء والاحياء تحتاج للفهو ولكن بعض الحفظ للاسترجاع الفوري والاستيعاب وتعالوا نسال انفسنا مالذي يدفعنا نحو الحفظ اقولكم هو نقص المعامل في المدارس تجعلنا غير قادرين علي الاستيعاب فنلجا لحفظ المواد العلميه حفظا صما ومن ثم لانكمل بقيه العمليه حيث يتبقي التطبيق والابتكار