جاء فى المنشور الوزارى اليوم فى شروط الترقية لمنصب وكيل ومدير مدرسة
شرط الحصول على مؤهل تربوى او مؤهل عال مناسب وتاهيل تربوى وجاء بين قوسين ( اجازة) فمن يفهم معنى هذا ؟؟؟ بالنسبة لخريج الاداب والعلوم والزراعة والتجارة وهكذا
وهل لم يعد هناك ترقيات للابتدائى ام ماذا؟؟؟
لله الامر

ايوة حضرتك المقصود بكدا خريجوا اى كلية غير التربية
زى علوم واداب وتجارة وبيدرس
يبقى لازم يكون معاه دبلوم تاهيل تربوى

بالنسبة للجزى التانى ليه مفيش ترقيات ما حضرتك عارف ان معظم او غالبية مدرسى الابتدائى خريجوا كليات تربية او مؤهلات عليا
الاثتثناء للمؤهل المتوسطولكن بخصوص اللى شغالين اعتقد انه صعب احلالهم او على الاقل كلهم لان الشروط الواجب توافرها حتى فى الناس المؤهلات العليا مش سهلة ومش متوفرة بالكترة واللى متوفر فيه ناس كتير لا ترغب بالترقية بالعمل الادارىمثلا
يعنى مثلا ان شاء الله انا مثلا اشتغل موجه ماشى اشتغل مدير او ناظر او وكيل او كلام من دا استحالة
والا كتير من الناس ممكن يقولوا للاسف يعنى ومع احترامى للناس ممكن يقولوا مش شاطر بمادته!!!!
لانى انا سعات بقول كدا على كتييييييييييييييير من المدرين والنظار اللى ميعرفوش اى حاجة حتى فى البذنجااااااااااااااان مع احترامى للبذنجان

شكرا حبيبي
لكن ماالمقصود بكلمة (اجازة)
هل دبلوم تربوى مثلا ؟؟؟ ام خبرة لمدة محددة؟؟
وهل دبلوم عام لمدة عام ام ماذا؟؟؟
هذا كله محتاج تفسير
وعموما شكرا ياغالى

اجازة تربوية = دبلوم التأهيل التربوي
= دبلوم فى التربية وكلها الفاظ تحمل نفس المعنى

شكرا حبيبي
لكن ماالمقصود بكلمة (اجازة)
هل دبلوم تربوى مثلا ؟؟؟ ام خبرة لمدة محددة؟؟
وهل دبلوم عام لمدة عام ام ماذا؟؟؟
هذا كله محتاج تفسير
وعموما شكرا ياغالى

أخي الفاضل الشرط واضح جدا وهو
خريج كلية التربية تمام
خريج كلية غير التربية لازم ياخد دبلوم عام في التربية وهو نظامين :
عام واحد أوعامين براحة المدرس

يا رب لا تكون مثل كل القرارات
يا جماعة أنا خايف تكون متفصلة على مقاس بعض الناس ذوي الوسطة و الوصولين و أقارب الناس المهمين

أرجع و أقول جايز يكون ظني في غير محله

و يكون الترشيح عادل و مبني على مصداقية الشروط الموضوعة

علشان ربنا يرحمنا من المديرين الغير كفء لتلك الوظائف

أنا عارف أن بعض الناس هيزعل من هذه اللهجة لكن لا تنسوا أن ما يحدث لنا راجع معظمه لضعف الإدارة و تلكؤ أصحاب المناصب

التعليم فى مصر ماشى من سىء لاسوء هاتفرق ايه المدير معاه اعداديه ولا كليه القياده فن ومهاره مش بالشهاده

يا جماعة ان مدرس من 9 سنين وباحصل شهريا بالمرحل الثانية للكادر 540 مندوب شرطة فى الداخلية ميعرفيش يكتب اسمة فى اول تعينه ياخد اكتر منهم غير اللى من ........... فى النهاية التربية والتعليم لا يبكى عليها

وهو عاوز من المدرس شيكارة شهادات والله ظلم بعنى هياخد الف ونصف فى الشهر حاجة تضحك والغريب ان الناس هتموت على الوظيفة

الغرض من كل اللى بيحصل تصفية المدرسين المساعدين وتعين البعض بوضع تلك الشروط

حبيبي حلوة شكارة شهادات عشان تبقى العبارة في الشكارة

ياجماعة الموضوع عايز توضيح اكثر لان الذى يحصل ان اقواما ترفع على حساب اخرين بغير حق

وللعلم قمت فعلا بالاتصال بجامعة طنطا لاعرف شروط الالتحاق بدبلوم التربوى وجاءنى الرد الاتى

المصاريف 800 جنيه فقط هل ترون؟ فقط؟
والمواد 12 مادة فقط هل ترون فقط؟؟؟؟
وسلم لى على الكادر

طالما فيه مقابله خاصه كشرط للوظيفه...فانتظروا الواسطه

وانا بدورى اسال ما هو وضع الاخصائى الاجتماعى فى الوظائف الجديدة بمعنى هل من حقه التقدم لهذه الوظائف

نعم سيدى باعتباره معلم اول أ