مشاهدة النسخة كاملة : الواسطه والكليات العسكريه ....؟!
النجم7610 09-07-2009, 06:03 PM السلام عليكم يا احلى اعضاء فى بوابه الثانويه
طبعا خلاص الامتحانات خلصت وكلنا مستنين النتيجه اللى ان شاء الله هتكون تمام وكلنا ننجح وكل واحد يدخل الكليه المفضله ليه باذن الله :)
اما اللى ناوى يدخل كليات عسكريه وانا أأمل انى اكون واحد منهم .. بس لما رحت مركز التأهيل للكليات دى عشان يأهلك لاختبارت القدرات والكشف الطبى وخلافه ..... وجدت كل اللى رايحين عاملين حسابهم على واسطه وكمان بيقولى ليا لاااااازم واسطه ؟؟؟
انا عارف ان الواسطه دخلت فى كل حاجة بس اللى مش معاه فلوس الواسطه اللى بتكون بمبالغ رهيبه يعمل ايه يقعد فى البيت احسن ؟؟؟
انا اول يوم رحت اتمرنت فيه بجد تعبت جامد لان التمرينات بتكون زى ما قال الكتاب وكان عندى احباط من الكلام اللى سمعته بخصوص الواسطه
بس لما رحت تانى يوم وشوفت كل اللى عاملين حسابهم على واسطه فى منهم اللى انسحب من التمرين :( واللى سمين ( زائد فى الوزن ) :( وعايز يدخل الشرطه عرفت فايده الواسطه بالنسبه ليهم ...
يعنى بدون فخر وجدت نفسى كابتن المجموعه لان المدرب اللى بيدرب طلعنى وخلانى اوريهم التمارين فى وضعها الصحيح
بصراحه لاقيت كلوا داخل ومعتمد على الواسطه :angry2:
انا اطمنت نسبيا وخليت واسطتى ربنا اللى اكبر من الكل وان شاء الله الواحد يعمل اللى عليه وكله على ربنا طبعا وان شاء الله لو فعلا تعب ف التمرين وخلى بينه وبين نفسه بالفعل ان ربنا معاه ان شاء الله هيعدى ويدخل الكليه اللى بيتمناها
فانا عملت استطلاع اتمنى اشوف رايكم فيه ...... فى انتظار الردود :blush:
أسيل رزق 09-07-2009, 06:20 PM من أيام رد قلبى و الكليات العسكرية عايزة واسطة :bosyht9:
ده موضوع بخصوص الكليات العسكرية
عاوز تدخل حربية ؟؟ عاوز تدخل شرطة ؟؟ .. خليك معايا ( متجدد ان شاء الله ) (http://www.thanwya.com/vb/showthread.php?t=99038)
prof.ahmed4d 09-07-2009, 07:16 PM خلى الناس تاكل عيش يا عم احمد :d
الموضوع ده من زمان ومش ايخلص طول ما الحال ماشي ;) ( انت فاهمنى بقى:stickjo4: )
في رعاية الله
eng.sabry elbrins 09-07-2009, 07:20 PM ميه ميه يانجم وربنا كلامك يابنى كله صح من الالف للياء فعلا انا اما رحت من يومين للاكاديميه صباح الاستغلال فى الفلوووووس وسمعت قوواميس شتايم عمرى ماسمعتها فى ياتى اما بالنسبه للتعب فاانا شكلى مش هروح تانى وبالنسبه للواسطه دى مفيش كلام فيها انت المفروض تدور الاول على الوسطه وبعد كده على المجموع والكليه وده فى اى حاجه وفعلا نعمه بالله هو احسن من اى حد.......
على العموم انا هبقى ادور على وسطه ليا وليك
تقبل مرورى
فى رعاية الله :022yb4:
_GUIDE_ 09-07-2009, 07:22 PM هل للواسطه دور للقبول فى الكليات العسكريه ؟طبعا بالواسطة يعنى هى هتيجى على دى
ده انت حتى لو حبيت تدخل
حمام فى الشارع
لزم تدفع للراجل اللى واقف عليها نص جنيه ولا حاجة
علشان يرضه يخليك تدخل حمام محترم :d
** MR.SmilE ** 09-07-2009, 07:29 PM من زمان و الكليات العسكرية عاوزة واسطة او فلوس
افتكر من كام سنة واحد من الجيران كان بيحكي زيك كدة
انه راح و شاف ان كتير اوي مش ينفع يبقي ضابط ( او حتي عسكري نفر :d ) بأي شكل من الاشكال
و لما سألهم ردوا بكل برود ان معاهم واسطة اللواء فلان و العميد علان .. و كله بيمشي !!
المصيبة ان دول اتقبلوا .. صحيح ان جاري ده كمان اتقبل بس ما زال مستغرب ازاي هيكونوا دول حماة مصر
في المستقبل .. هم يضحك و هم يبكي
ربنا يوفقك و تتقبل
Shourouk 10-07-2009, 01:38 AM لو قولت ان الموضوع مش متوقف على وسايط تبقى بتضحك على نفسك
انا اخويا قدم للحربية و مجموعه كان كويس
وعدا كل الاختبارات والمفروض فرصتو كانت اكبر من غيرو
و طبعا فهمت ماتقبلش ليه
منهم لله بقى
بس عندنا بيدوروا على واسطة تانية
وهيقدم السنة دى ربنا يستر
BaNZeR 10-07-2009, 02:04 AM في بلدنا الكوسة هي الحل :d
The Secret 10-07-2009, 04:53 AM لازم طبعا واسطة او فلوس وياسلام لو واسطة وفلوس دا انت كدا تبقى خلاص ع الابواب ( كله بامر ربنا طبعا )
ودلوقتى الواسطة ف كل حاجة مش ف الحجات دى بس برده بعد ما تخلص كليتك محتاج برده واسطة عشان تشتغل
ف مجالك اللى كنت بتدرس فيه او مجال تانى ملهوش اى دخل بمجالك
انا صاحب اخويا من سنتين او تلاتة كان مقدم على حربية وبرده عدى كل لاختبارات كلها
حتى ف الاخر عجزوه وقلوله بص احنا عايزينك تعدى من تحت الباب دا عشان طبعا يخلصوا منه بس طلع منها
وطلع البطاقة تقريبا بتاعته ورماها من تحت الباب حتى اللى قاله كدا اشتغل يضحك بعد ما شاف تصرفه دا وكان نظره ستة
على ستة حاد والمشير طنطاوى كان مرشحه لجوية
بس ف الاخر برده متقبلش وكل واحد بياخد نصيبه
على فكرة النيابة دلوقتى بيدفعلوها 200 الف تقريبا
بس الفلوس اللى بتدفع دى حرام ولا مش حرام ؟
بروف انس 10-07-2009, 08:03 AM انا والله يا جماعه معروض عليا الفنيه العسكريه وانا مجموعي جايبها وعديها كمان بخمسه في الميه قلت لابويا اكيد هنعوز واسطه ضحك وقالي اكيد قلتلوا انا مش عايز ابدا حياتي بواسطه ومش عايز لاي حد جمايل عليا وان كان معاك الفلوس بتاعت الواسطه انا بعد ما اخلص كليتي انا اعمل مشروع او اسافر بره بس مش عايز وسايط من حد ولا اي حد والحمدلله انا لائق بدنيا وعلميا بس انا نفسي عزيزه عليا ولو كلنا اتبعنا نفس المبدا والله يا جماعه هنحقق لنفسنا حاجات كتير
MoHammed Youssef 10-07-2009, 03:54 PM ان شا الله ربنا يكرمك وتدخلها اعتمادا على الله
MoHammed Youssef 10-07-2009, 03:56 PM بس انا اخويا دخل بالواسطة لانها حاجة اساسية بقت دلوقتى ............ شوية لقادم وهيقلولك فى الاستمارة من هو وسطتك ؟؟؟؟؟
CoMMaNdo 10-07-2009, 05:51 PM عن تجربه منى ومن اصحابى
الوسطه ملهاش اى تدخل فى القبول بالكليات العسكرية
ولو كان للواسطه دور بيبقى فى التحريات و كشف الهئيه فقط
الى هوا اخر اختبار
يعنى الطبى والرياضى ومعظم الاختبارات مفهاش وسطه
وانا واحد صحبى والده عميد جيش
ومقبلش فى الكليه الحربيه
واتكتبله غير لائق طبيا
Last Fantasy 10-07-2009, 08:23 PM أنا معرفتش أختار لأنها بإرادة ربنا بس
abdelRhman772007 12-07-2009, 02:07 AM مش عارف أصدق مين و أكدب مين
يحضرنى بيت الشعر ده عن حالنا
يا بلدنا فيكى حاجة محيرانى نزرع القمح فى سنين تطلع الكوسة فى ثوانى
اسلام فودة 22-07-2009, 09:32 PM بسوا يا جماعة ارجو الرد من عضو غلبان وزنة 103 وطولة 177
الباش مهندس 14-08-2009, 01:04 PM انا هسيب الموقف دة هوا اللي يتكلم
(((( ابن عمتي ها ابن عمتي يعني مش حد غريب ولا حاجة الراجل هناك بيسألوا معاك واسطة وياعيني الواد
بكل ايمان وتقوي رد قال :: انا واسطي ....... ربناااااااا ........ تعالوا نتخيل سوا كدة الراجل قاللو اية ؟
لو عايز تعرف اتعب معايا شوية ونزل الصفحة .............. )))
وكان الرد بمنتهي الغباء ولا اريد ان اقول الكفر
قال له ((((((((((( خلي ربنا ينفعك ))))))))))))))
nada magdy 02-09-2009, 03:19 PM بصوا ياجماعه حرام كده انا ابن عم قدم السنه اللى فاتت فى كليه الشرطه وطبعا انتم معتقدين انه سالوه على واسطه
بس هما مسالهوش ووقبل النتيجه بيوم على الموقع الرسمى ظهرت النتيجه غير لائق مع انه اجتاز كل الاختبارات وكشف الهيئه وكله
وبعد النتيجه راح قدم فى تجاره بعد مقدم رضا بقضا ربنا وقال يمكن ده احسن ليا
لقى النتيجه على النت تغيرت من غير لائق الى لائق سبحان الله ده دعاء الوالدين
ودخل كليه الشرطه بدون واسطه ولا اى مبلغ اقسم بالله
مش شرط الواسطه يا جماعه اهم شئ التوكل على الله والارضاء بماقسمه لك
mohamed_elmafia 26-09-2009, 12:46 PM انا محمد رايح تالتة ثانوي تجاري هل يحق لي التقديم بالكليات العسكرية مع العلم اني املك بطولات الجمهورية في الفنون القتالية مثل الكونغوفو والتايكوندو وشهادات الحاسب الالي وايضا واســــــــــــــــــــــــــــة _فهل يحق لي ان اكون طالب باحدي الكليات العسكرية ياريت حد يجوبني علي اميلي
Tiger masked 01-10-2009, 10:53 AM انا عاوز اقول حاجة
الكلية دى مش هتتخلها الا بوسطة
انا قدمت واختازت كل الاختبارات وعديت هيئة من غير واسة وسقط فى العرض العام سبحان الله مهو العرض العام دة انا اختبرتة فى الطبى قبل كدة
هم بيسبوك عادى خالص عدى وتيجى عند الهيئة والعرض العام دول الواسطة بقى معاك وسطة هتخش لو معاكش روح لامك هو كدة
zoro almaz 14-03-2010, 03:49 PM بصوا بقي مفيش وسطات في االكليات دي الا في كشف الهيئة الاخير صدقوني مينفعش واحد نظره ضعيف او مش بيسمع يخش
mohammedatef2003 19-03-2010, 04:53 AM ربنا مبيضعش اجر حد بس انو ي انتا وان شاء الله هتقبل
zoro almaz 11-04-2010, 01:00 AM هي الدغة في اي حرف ممكن تبقي عائق في دخول الفنية العسكرية ارجوا الجواب بسرعة عشان اخويا بيقدم وهو الدغ في حرف السين
سيفمحمد السيد 17-05-2010, 12:06 PM يا جماعة الكلية الحربية با الواسطة فى كل الكشوفات انا والله شايف دة بعينى معاك واسطة بعد امر الله هتخش وبعدين دى فى اللاخر اسباب والى لسانانة فية حرف ضايع بيسقطوة
ahmedkuwit 23-07-2010, 06:11 PM في ناس عندنا بيأخدوا من40 -60 الف وبيعدوك من أول الرياضي انت عدي السمات والطبي بس
مجروح من الزمن 11-08-2011, 10:11 AM بالتوفيق للجميع
هل بعد الثورة فى وساطة ولا الجيش حاجة ثابتة مش بتتغير
|