مين ...انت بتسالني انا!! [الأرشيف] - بوابة الثانوية العامة المصرية

Lost Dreamer

09-07-2009, 07:45 PM

السلام عليكم

اول يوم في الجامعه

الجو جميل

بشر جداد

اسلوب جديد

انتقال من مرحلة سنيه صغري الي مرحله سنيه كبري

وطبعا اول يوم في الجامعه

هو بمثابة القلم الي هترسم بيه الخطوط العريضه

في حياتك

المهم دخلت انت الجامعه

بصيت يمين

وشمال

لقيت اشخاص جداد عليك

منهم الي غني ومنهم الي متوسط

ومنهم الي فقير

واثناء ما انت بتبص ع الناس

وتفكيرك مشغول بالحياه الجديده

لقيت ايد جايه من وراك

وقطعت تفكيرك

واستقرت علي كتفتك

وصاحبها صوت

غريب بالنسبالك بيقولك

السلام عليكم

ازيك عامل ايه

انا اسمي

ومعاك هنا في الكليه

ما تيجي

تقعد معانا بدل ما انت قاعد لوحدك

المهم رحت

وتبادلتم الضحكات

والهزار

وجه سؤال كده

ما صحيح انت والدك شغال ايه يا .......؟

والسؤال ده كان بمثابة السيف علي رقبة الانسان

لان والدك شغال عامل نضافه

مش عارف تكدب ولا تقول الحقيقه

ولكن استقر علي انه يقولهم ...........

ياريت من كل عضو حابب يرد علي موضوعي

يكمل مكان النقط الي في الجمله الاخيره ب

هل انت هتكدب

ولا هتقول الحقيقه

ولو كدبت ليه

ولو هتقول الحقيقه ياريت تقولنا برضه ليه
:)

prof.ahmed4d

09-07-2009, 08:00 PM

بصراحة يا محمد موضوع ممتاز

بس الانسان برده بيعيش تحت ظروف هو مش ليه اي ذنب فيها وكل واحد بياخد نصيبه ولازم يرده بيه

وبلاش موضوع التجامل والكلام الفاضي ده لان مفيش حاجة نسناهل بس الانسان يحاول يصلح من نفسه ويجتهد بقدر الامكان

علشان يحسن مستوى المعيشة

بس لو انا اكمل مكان النقط هقول الحقيقة وبكل صراحة والسبب وضحته

شكرا مرة ااخرى على التوبيك

في رعاية الله

sindrella love

09-07-2009, 09:33 PM

هقول عامل نظافه
وبكل فخر لان الانسان هو اللى بيجبر الانسان اللى قدامه يحترمه
لو قال عامل نظافه وهو وشه جايب الوان هيسخروا منه
لكن لو قالها عادى هما بردوا هيخدوها عادى
لكن الكدب طبعا ده مرفوض تماما لانه هيتكشف هيتكشف:slap1qk6:

aya_egypt

09-07-2009, 09:49 PM

طبعا هقول عامل نظافة ومن غير كدب لان الانسان ملوش ذنب قى حاجة
ودة نصيبو وال ملوش خير فى اهلو ملوش خير فى اى حاجة ولازم
يتفخر باهلة واصلو شكرا على الموضوع

mai el raian

09-07-2009, 10:01 PM

هقول الحقيقة عامل نظافة عادي من غير اي حرج

لان عامل النظافة دي مهنة شريفة زي اي مهنة تانية

والحقيقة لازم هتتعرف في النهاية

** MR.SmilE **

09-07-2009, 10:06 PM

طبعا هأقول الحقيقة
لأن عامل النضافة زيه زي اي وظيفة
بيكسب رزقه من عرق جبينه
احسن من ناس تانية .. احم :d

JASSY

09-07-2009, 11:00 PM

طبعااااااااا هقول عامل نظافة ... هو اللي صرف عليا ورباني وعلمني احسن تعليم لحد ما جبني هنا ....

احسن من ناس تانية وطرق تانية ....

شكرااا على الموضوع الجميل........

Dr_toka

09-07-2009, 11:06 PM

طبعااااااااا هقول عامل نظافة ... هو اللي صرف عليا ورباني وعلمني احسن تعليم لحد ما جبني هنا ....

احسن من ناس تانية وطرق تانية ....

شكرااا على الموضوع الجميل........
مظبوط كده
يعنى يكون رد جميلى لبابا اللى تعب عشانى

..Just Stop

09-07-2009, 11:32 PM

بتختلف من شخص لاخر يا محمد
فى ناس هتتحرج تقول عامل نظافة
وفى ناس هتقولها ووشها يحمر
وفى ناس هتقولها كأن باباهم وزير
بس ليه نكدب
لازم تفتخر بوالدك مهما كان
متنساش ان عامل النظافة اللى هو والدك
هو بردو اللى وصللك للجامعة اللى انت فيها
وهو اللى دفع دم قلبه وطلعك احسن منه ودا كان هدفه
فى الاخر وبعد دا كله تستعر منه ليه
مفيش حاجة اسمها انى لا اكذب ولكنى اتجمل زى ما احمد زكى ماقال
وفى النهاية بتختلف من شخص لاخر
فى ناس هتقول وفى لا وفى هيدارى وفى هيتوه من الكلام
عموما النظافة من الايمان ومعا لتجميل بيئتنا زى ما مكتوب على سور المدرسة :d
حلو الموضوع ده يا واد يا محمد
مقولتليش والدك شغال ايه :d
دمتم زى منتم

the black rose

09-07-2009, 11:36 PM

حاسة انى بقالى كتير مبشوفكش يا محمد
او بشوفك بش مش ف مواضيع
حمدالله عالسلامة
موضوعك حلو بس هقولك
لو انا مكانه اكيد هسكت افكر شوية
مش هقولك شعارات و انا فخورة بكدا
ابقى بكدب عليك
لكن اكيد هفكر و اكيد تفكيرى هيرسى على انى هقول وانا بهزر و بضحك و اقول الحقيقة
عشان ادارى التوتر اللى حصلى
لكن ابعد حاجة انى اكدب
و انا عارفة ان مفيش كدبة هتفضل مستمرة
و اكيد شكلى هيبقى اوحش لو اتعرف انى بكدب
بس بصراحة المفروض الواحد يتكلم بخر
لان ده مش عيب يعنى عامل النظافة ده كافح و دخلتى الكلية اللى عايزاها
و خلانى متساوية بابن الوزير و مفيش حد احسن من حد :028ja7:

و اكيد كمان هقول انه اعظم انسان فى العالم
عشان اعود نفسى انها تتواضع و انتوا عارفين ان اصعب شئ مواجهة النفس

شكرا عالموضوع يا محمد
فى امان الله

Bent 3bdo

09-07-2009, 11:41 PM

eng.sabry elbrins

10-07-2009, 01:28 AM

مش عارفه ساعتها هعمل ايه؟
بس اللى متأكده منه انى اكيد مش هكدب

بس بعيد عن الموضوع ده
انا مش عارفه هعمل ايه بجد اول يوم ف الجامعه ؟
مش عارفه هصاحب ازاى ؟
هقعد فين؟
هفضل ماشيه لوحدى؟
ربنا يعدى اليوم ده ع خير
وحد م اثحابى يبقى معايا ف نفس الكليه

بجد والله انتى بتفكرى نفس تفكيرى هل هنلاقى اصحاب زى بتوع ثانوى وهل هيكونوا مخلصين مش عارفين بس اكيد هنلاقى اكيد .......وشكرا يامحمد على الموضوع انا هحط مكان النقط اهم اهم اهم

عشان مكدبش عليكــ انا ممكن فى مواقف ومواقف لا اصلا اكيد برده احنا بنتحرج بس والله كلها مهن مفيدة جدا ومفيهاش اى عيب بس العيب فى المجتمع........تقبل مرورى يابوب

**تسابيح**

10-07-2009, 01:34 AM

اللي ملوش خير في ابوه مش ليه خير في حد خالص
هقول الحقيقة وكلي فخر
شكرررراااااااا ع الموضضوع

Sharp

10-07-2009, 02:29 AM

اكيد طبعا نقول الحقيقة حلو الموضوع يارصاصة الرحمة :d

سيف عبد العظيم

10-07-2009, 02:35 AM

اخى الكريم السلام عليكم ورحمة الله وبركاته
الكذب مباح فى امرين امام الله
الاول الحرب ضداعدا الله والثانى لاصلاح بين الناس فهل هناك ثالث
تقبل مرورى

Travel

10-07-2009, 07:58 AM

اممممممممم
مينفعش انى اكدب واقول بابا سفير ولا وزير
او اى شغلانة هو مش فيها
فيها ايه لو انه فعلا بواب
!
هو مش البواب ده اللى دخلنى هندسة وعلمنى احسن تعليم
ووصلنى لمراحل كتير بيها وصلت للى انا فيه وف الكلية دى
!
ياما ناس دلوقت مراكزها جامدة ف الدولة ولو دققنا ع ملفاتها الشخصية هنلاقي ان اهلها كانوا فقراء
متوسطين الحال
بيبيعوا جرايد او اى شغلانة من دى كلها
فيلم احمد زكى
انا لااكذب ولكنى اتجمل
وضح الجزئية دى
حكاية انى اكدب او اكون صادقة دى تعتمد ع مدى شخصيتى وصراحتها مع ربنا ونفسها
:)
ليا تعقيب مرة تانية

رصاصة الرحمه

حمدلله ع سلامة مواضيعك مرة تانية
:)
رصاصة الرحمة[/COLOR];1398921] اكيد طبعا نقول الحقيقة حلو الموضوع يارصاصة الرحمة :d
اانا قولت من الاول ف اسمين ف المنتدى زى بعض محدش صدقنى
اشربوا بقى
:slap1qk6:

عاشقة الموج

10-07-2009, 08:30 AM

هذا موضوع بجد يستحق النقاش
و مشكووووووووووور
^^^^
^^^
^^
^
ما الفرق ..........!!!!!!!!!!؟ عامل نظافة أو أى مهنة أخرى
المهم إن الأب بكفاحه استطاع أن يجعلك فى الجامعة مثلك مثل أى أحد آخر
و لكن لا تصاحب من هم أعلى منك حتى لاتتعب نفسياً
لأن لهم طرق حياة تختلف عنك و ربما لا تكون من نوعهم
و أيضاً حياتهم و مصاريفهم مختلفة و لن تستطيع أن تجاريهم
و حتى أيضاً لا تضطر فى مواقف جديدة أن تكذب و تتجمل لتصبح فرد منهم
فالابتعاد و الاجتهاد
هو ما يجبرهم على احترامك
و تقبل تحياتى

abou aliaa

10-07-2009, 09:53 AM

السلام عليكم يا أخي العزيز

أعتقد يا محمد أن الناس المتعلمة و المثقفة لازم نظرتهم تتغير بالنسبة لهذا الموضوع

المجتمع الآن معظمه عمال و موظفين بسطاء و هذا لا يشين

أما المشين فعلاً هو الكذب لأنه يؤدي لمزيد منه و قد يجنح بصاحبه إلى ما هو أسوأ

فالكاذب قد يفعل أي شيء في سبيل أثبات و تثبيت كذبته

و لا أقول لك إلا قول الرسول r ) وإياكم والكذب فإن الكذب يهدى إلى الفجور، إن الفجور يهدى إلى النار، وما يزال الرجل يكذب، ويتحرى الكذب حتى يكتب عند الله كذابا (

و ما أجمل المجتمع عندما يشعر أفراده بالسواسية

و الله يا محمد أنا كنت في إنجلترا و رأيت بنفسي عندهم Break في منتصف العمل كل العاملون يذهبون لمحلات الطعام مثل بيتزا هوت و تجد دكتور الجامعة يتناول طعامه جنبا إلى جنب مع عامل Cleaner
و هم ينمون هذه الأفكار منذ الطفولة فتجد في المدارس الطلاب ينتظرون في طابور الطعام ومعهم Stuff التدريس كلُ في دوره

الله الله في رسول الله و تواضعه عندما شعر بالإعرابي يرتجف من هيبة الرسول
)أتي النبي صلى الله عليه وسلم برجل ترعد فرائصه , قال : فقال له: هوّن عليك فإنما أنا ابن امرأة من قريش كانت تأكل القديد في هذه البطحاء(

أن أسف يا محمد طولت عليك و أظن واضح مكان النقط هيكون في أيه

the black rose

10-07-2009, 10:14 AM

اانا قولت من الاول ف اسمين ف المنتدى زى بعض محدش صدقنى
اشربوا بقى
الفرق حرف ال ه
يعنى محمد اسمه رصاصة الرحمه
التانى رصاصة الرحمة
و برده فى انتين بنوتة مسلمة
هيام بنوته مسلمه
و التناية بنوتة مسلمة :)

fictional.girl

10-07-2009, 10:27 AM

بداية كده
هو موضوع مهم وجميل ان المنتدي يتناقش فيه
بس هو انت عايز اجابة بدل هذه النقط صح
بص للاجابة اجابتين
واحده نظرية والتانية هي العملية
النظرية دي
هي الي معظم الناس هيجوبوا بيها
لانهم مش في الموقف
يعني اجابتي هتبقي
بيشتغل عامل نظافة
وانا افخر بذلك لانه الي رباني وعلمني و.........,.,,و..............و.......الخ
لكن لو الشخص اتحط في الموقف بعينه
هيكون ليه اجابة تانية
انا عن نفسي هقول كتالي
ان والدي بيشتغل في احدي الشركات التي تخدم المجتمع وتوفر له نظافة الشوارع
وكده يعني وفي الاخر ممكن اقول فهو بيشتغل عامل نظافة
بس ممكن مش اكيد يعني معرفش
بس كده وده كان رأي
وارجو قبوله وقبول تعليقي
شكرا ع الموضوع

فيفا

10-07-2009, 09:01 PM

هقول الحقيقه لكذا سبب
اولا مهما كانت شغلته مفروض انى افخر بيه وعمرى ما اتكسف منه ابدا
حتى لو هكون مكسوفه وانا بقول كده

ثانيا بقى انى اكتشفت ان الناس مفيش حاجه بتهمها الا المظاهر
ومن جوه هوااااااااااااا بالظبط زى البالونات

شكرا على الموضوع يا محمد

yomna1993

11-07-2009, 12:17 AM

جزاك الله الجنة على الموضوع الرائع
انا لو مكانة طبعا هقول الصراحة بلا تردد
(على فكرة المصري بس الي لسه بيعمل فروق في الطبقات بشكل وحش جدا)
ربنا خلقنا طبقات عشان نكمل بعض..و الي مش مسلمين او ميعرفوش حاجة عن ربنا بيطبقوا الكلام دا ؟!
و طبعا عمري ما هتكسف من اي عمل ماما و بابا بيعملوه و هقول العمل الحقيقي بكل فخر..يعني لو فكرت لحظة هم ضحوا ازاي من ساعة ما اتولدت هعرف كويس..

Rien

11-07-2009, 05:18 AM

كتبت امبارح رد طويل بس ماما شدت الفيشة
:romarioxp6:
مجمل كلامى ..
مش هاقدر اقول ايه رد فعلى بالظبط طول مانا مش ف الموقف
بس الاكيد انى مش هاكدب
لانها مش حاجة تستاهل انى اخد ذنب بسببها
فيه حلين
الاولانى انى ارد عادى جدا ولا ابين انى محرجة ومكسوفة ولا ابين انى فخورة اوى
لدرجة تحسسهم انى باتصنع الفخر ده عشان ادارى احراجى
الحل التانى
اقوله وانت مالك .. بهزار
وده الحاجة المحتملة اكتر
---
الشخص اللى بيسأل لو يفرق معاه موضوع بابا شغال ايه
وبيحدد اصحابه هايكونوا مين على الاساس ده
يبقى هو مايفرقش معايا باى حاجة ..
سؤال جميل
:)

ahmedhamada

12-07-2009, 01:08 PM

هقول الصراحة لان انسان زى ده يستحق الاحترام انه عامل نظافة ووصل ابنة للمكانة دى فى الجامعة واتحمل مصاريفة يبقى ده انسان عظيم

وبعدين مش عامل نظافة دة موظف فى البلدية

ymymym

12-07-2009, 05:10 PM

اكيد هقول الحقيقه طبعا
انا مبخافش من حد بطبيعتي غير من اهلي بابا وماما يعني وربنا قبل اهلي الصراحه وده اكيد والمفروض يبقي كل واحد كده
ثانيا ربنا يخلي عامل النظافه اللي هو بابا انه رباني وكبرني واستحملني واستحمل مصاريفي ودخلني الجامعه
لو هو حرامي هقولك اه ساعتها مش هقول بالعكس الصراحه انا مش هتكلم عنه ابدا مهما حصل لانه ساعتها هيجيبلي كلام وانا في غني عنه بس طبعا مش هتخلي عنه ولا اتبري منه لأ هبقي معاه بس مش هقول لحد
اما لو شغلانه شريفه زي عامل نضافه او او حاجه من دي وليه مقولش بالعكس افخر بكده
عادي انا ماما بتشتغل في مدرسه صنايع
بس افخر بكده لانها اولا كبرتني وربتني افضل تربيه وعلمتني ومدخلاني كليه كويسه
ومستحمله مصاريفي الدراسيه وشقيانه معايا وبتحبني و........................ حاجات كتيره قويغير كده عي اصلا عينيها تعبانه يعني انها تشتغل في مدرسه فيها هريه وكده هيبقي صعب علي عينيها والدكتور نصحها بكده يعني ليها افضال عليا يستحيل انكرها او انكر بعد كده او اخجل اني اقول شغلها ابدا
بس موضوع جميل وحمسني قوي علي فكره معرفش ليه بس اكيد هقول وظيفه بابا وماما ايه ساعتها
واكيد انا نورت الموضوع برضه:d

earth

12-07-2009, 05:17 PM

bosy .. mostafa

13-07-2009, 02:16 PM

هقول الحقيقه
لانه مش شغال حرامي ولا تاجر مخدرات ولا حاجه حرام
بيجيب لقمته بالحلال
و كفايه انه استحملني لغاية ما دخلت الجامعه
و الفقر عمره ما كان عيب

جعلتني مهندسا

13-07-2009, 02:27 PM

أولا موضوعك مميز

ثانيا أنا عمري ما أخجل من وظيفة والدي

مهما كانت فهو اللي رباني وصرف عليا وكبرني وحاجات كتير

وكمان ممكن أبويا يكون أشرف من ناس كتير جدااا

a7med_sale7

13-07-2009, 02:30 PM

ما صحيح انت والدك شغال ايه يا .......؟

طبعا لازم اقول الحقيقه وهيا مش عيب ولا حتى حرام دا العمل عباده ايان كان العمل

شهدالجنة

13-07-2009, 06:38 PM

موضوع رائع فعلا
بس انا بشوف انها مفيهاش اى حاجة بجد
لانها شى عادى بالعكس العامل دة مسئول عن
اهم شىء فى الحياة وهو النظافة يبقى ليه احنا هنكدب
ثم مش عيب ولاحرام ولافيه سبب اننى اكدب بالعكس دة فخر ان
ابى مسئول عن نظافة اى حاجة وتشكيل مظرها للاحسن لكن نتكسف بجد
لو كان حرامى فى شركته بيسرق صاحب الشغل

وشكرا للموضوع الرائع

هنا الفقي

14-07-2009, 09:59 PM

ممممممممممم
انا برده استغربت من رصاصة الرحمة عشان شوفته عضو
وفجأة خير اللهم اجعله خير لقيتو مشرف اداري
:giljotiiniug3:
خضتوني:mad:

المهم خلينا ف موضوعنا
هو بص انا مش عاوزة اكون خيالة واقولك
لا طبعا واللي يتكسف من شغلانة والده يبقى بتاع ومعرفش ايه
والكلام المكلكع ده
هاقولو وبكل فخر عامل نظافة
لا
خالص
ابدا ابدا
مش بكل فخر ولا حاجة
هاقول الحقيقة عشان حاجة واحده
ان مفيش سبب ف الدنيا
يخليني اكدب
دايما الواحد بيتحط ف مواقف بيبقى الكدب ظاهريا يعني هو المفر والمنجى الوحيد
لكن بس بيبقى في سؤال
اكدب عشان مين
وهو البشر ده هايعمل ايه
وعشان ايه
انا ماحدش ليه دعوة بيا غيري انا
إذاً :هاقولو عامل نظافة
لكن بصراحة مش هاتكون بفخر ولا حاجة
عشان اكيد هاتمنى انو يكون في وظيفة غيرها خالص
بس خلاص
السلام عليكم

mohamadelhawary

15-07-2009, 01:04 AM

هقول الحقيقه الحقيقه مهما تكون النتائج و الخسائر أهم حاجه أكسب ذاتى
و شكراً لك

abdelRhman772007

15-07-2009, 05:05 AM

بص أولاً كده اللى أيده فى الميه مش زى اللى أيده فى النار أبداً
ندرس موقفك من الأول
واحد يقولى أزيك عامل ايه اسمك ايه تعالى معانا المفروض و لأنك لا تعرفه تعمل الآتى
اسمى عبدالرحمن ، الحمد لله ، لا بس معلش مش هقدر هلفلى لفتين أشوف ايه النظام
يعنى بمعنى أصح أجاوبه بفتور و امشى هو كان صاحبى؟؟؟ عشان أروح أقعد معاه
على مش هعمل كده عشان فقير و لا حاجة هعمل كده لأن ده الأصح

و لكن لنفترض أنى غلطت الغلطة ده و روحت معاه و لنفترض أنى والدى بيشتغل كده
هيبقى فيه احتمالات على حسب اللى قدامى و طبعًا هعرف طباعهم من عينيهم و هدومهم و طريقة كلامهم إلى آخره
و منها أعرف هجاوب ازاى لو ناس هلس ههزر و أقوله و أنت مالك يا عم ؟ أما حشرى بصحيح
لو عالم جادة شوية و محترمين هقول
أبويا ياااااااااا أبويا ده من الناس المكافحين تصور أنه خلانى أوصل فى التعليم لحد هنا مع أنه بيشتغل عامل نظافة تصور !

و بكده مضمنش رد فعلهم إن كان رد فعل حلو فهيبقوا أول أصحاب الواحد يستفتح بيهم
إذا كان وحش يبقى دفعت تمن غلطتى من الأول أنى أتكلمت مع ناس .......... ما تستهلش

و بكرر اللى أيده فىالنار ممكن يعمل حاجة تالتة

MBM-MaDo

15-07-2009, 07:38 AM

جميل اوى و الله اللى الواحد بيشوفه من ردود من الاعضاء....

ولا واحد تقريبا كدب و كمان مع التعليل....

بس المشكلة انك متخيلتش الموقف فعلا وحاولت تعيش جواه....

انت حاولت تحط نفسك مكان الشخص ده..

بس محاولتش تكون انت الشخص ده...

دى بتفرق..و على فكرة 60% من الناس اللى بتتعرض لموقف زى كدة بتكدب...

انا عن نفسى مش هاقول الحقيقة بس برده مش هاكدب....

و كمان بتفرق من ظروف واحد للتانى...

ابوك ده ايه مكانته عندك...حبك ليه قد ايه....حبه ليك قد ايه...هل ليه دور فى حياتك غير الفلوس و لا لأ....

اسئلة و القائمة تطول.....

الموضوع عشان مش سهل كدة...معظم الناس مش بتلحق تفكر فتكدب...

الا من رحم ربى و اداله عقل نظيف..ده يقدر يقرر هوا عايز يقول ايه و ليه....

يعنى انا وحسب ظروف رسمتها لنفسى فى حالة 1 مش هاقول على شغلته...و لنفس الاسباب ممكن اقول بس بتتغير المشاعر...

و حاجات تانية كتير...الموضوع عمره ما كان بسيط...

و مش بس وظيفة الوالد لا وحاجات كتير لو عايزين ممكن نقول منها على قد ما نقدر و بالمواقف...

هى دى الحياة عمرها ماكانت بسيطة...و عشان تعدى و تعيش فيها لازم تعيشا ببساطة...

و ده تناقض طب ما الحياة برده متناقضة...

وكمان حاجة انا ممكن اكدب على شخص و اقول للتانى ع الحقيقة...يبقى هوية الشخص مؤثر على ردى برده...

انا عندى كلام كتير بس تقريبا دى الفكرة العامة...

و بجد هوا موضوع مهم بجد وممكن مع اى واحد بس مع اختلاف السؤال...عن وظيفة الاب مرة او اى حاجة تانية..

كله حسب شخصية المسئول و حسب السؤال و الحالة النفسية و حالة المشاعر ساعتها...وكلاااااااااااااااااااام كتير....

بس اناحاسس انى رغيت ....و كلامى ده من وجهة نظرى صحيح يحتمل الخطأ....ومن وجهة نظر الرأى الاخر خطأ يحتمل الصواب...

و شكرا على المواضيع اللى فعلا بيبقى لها قيمة و الواحد يحس انه بتكلم فى حاجة صح ..

و سلاااااااااااااااااااااااااااااااااام...

(وهو بقى فاكر اننا هانقرا ده كله يخرب بيت كيبوردك استحمل ازاى):o:blink:

احسن حاجة فينا كشعب مصر بنقدر نضحك و نهزر مهما كانت الظروف

dr.only hope

05-09-2009, 07:12 AM

بروف انس

05-09-2009, 01:00 PM

ليس الفتي من يقول هذا ابي ولكن الفتي من يقول ها انا ذا

وده ابلغ رد

account closed

06-09-2009, 12:15 AM

هقول الحقيقة طبعا

حد يتكسف من اهله

مفيهاش حاجة

ده هما ممكن يحترموني اكتر لو شافوني بفتخر بأبويا اللي هو عامل نظافة

وشكرا ع الموضوع

:: [ K A B B O W ] ::

06-09-2009, 01:19 AM

لوكان هو كده
هقولها و بكل فخر
لأن لولاه مكنتش انا بقيت فى الكليه اللى انت بتقول عليها
وتخيل انه كان موجود وقت كلام الشخص اللى انت بتتكلم عنه ده
و تخيل خيبه امله لما يسمع ابنه و هو بيتبرا منه
اعتقد هيبقى موقف قاتل
شكرا على التوبيك
فى رعاية الله

**(elktra)**

06-09-2009, 01:52 AM

السلام عليكم
وعليكم السلام ورحمة الله وبركاته

اول يوم في الجامعه

الجو جميل

بشر جداد

اسلوب جديد

انتقال من مرحلة سنيه صغري الي مرحله سنيه كبري

وطبعا اول يوم في الجامعه

هو بمثابة القلم الي هترسم بيه الخطوط العريضه

في حياتك

المهم دخلت انت الجامعه

بصيت يمين

وشمال

لقيت اشخاص جداد عليك

منهم الي غني ومنهم الي متوسط

ومنهم الي فقير

واثناء ما انت بتبص ع الناس

وتفكيرك مشغول بالحياه الجديده

لقيت ايد جايه من وراك

وقطعت تفكيرك

واستقرت علي كتفتك

وصاحبها صوت

غريب بالنسبالك بيقولك

السلام عليكم

ازيك عامل ايه

انا اسمي

ومعاك هنا في الكليه

ما تيجي

تقعد معانا بدل ما انت قاعد لوحدك

المهم رحت

وتبادلتم الضحكات

والهزار

وجه سؤال كده

ما صحيح انت والدك شغال ايه يا .......؟

والسؤال ده كان بمثابة السيف علي رقبة الانسان

لان والدك شغال عامل نضافه

مش عارف تكدب ولا تقول الحقيقه

ولكن استقر علي انه يقولهم لا طبعا هقول الحقيقة

ياريت من كل عضو حابب يرد علي موضوعي

يكمل مكان النقط الي في الجمله الاخيره ب

هل انت هتكدب
اكيدلا
ولا هتقول الحقيقه
لا طبعا هقول الحقيقة
ولو كدبت ليه

ولو هتقول الحقيقه ياريت تقولنا برضه ليه
:)

لان ده عمل مهما كان ايه هو العمل ده
فالعمل عبادة
والعمل ده يعتبر شرف للانسان
لو كدبت هبقي عملت حاجة غلط
اني مش مفتخرة بعمل والدي
هنتخذ الكدب وسيلة للحياة
وضمان لعدم الاحراج
بس على فكرة عامل النظافة
كمهنة احسن مهنة توازي بجد
مهنة الدكتور واي مهنة اخري
لانها بتقوم على اساس خدمة الناس
وده متوفر في جميع المهنات
وعفوا للاطالة
شكرا

*NODY*

06-09-2009, 05:58 AM

طبعا هقول عامل نظافة ووالله بكل فخر
ماله عامل النظافة
اينعم فيه سفهاء كتير ممكن يتريقوا
بس والله هما فى الاخر اللى بيتضحك عليهم

NOUFALL

06-09-2009, 11:52 AM

ليس الفتي من يقول هذا ابي ولكن الفتي من يقول ها انا ذا

وده ابلغ رد

100%
-------

طمعانة فى رضاك يا رحمن

06-09-2009, 03:34 PM

وجه سؤال كده

ما صحيح انت والدك شغال ايه يا .......؟

مهو عامل النظافه ده اللي وصله للجامعه

وبتعبه وشقاه وصله للمرحله ديه

مهو عامل النظافه ده اللي اتمرمت علشانه

اللي بيتبرأ من اهله يبقي بيتبرأ من اصله

يساوي في الاخر اصلا ملوش اصل

الشفق الباكي

06-09-2009, 03:43 PM

اكيد هقول الحقيقه
حتى لو عايزه اكذب الكذب ملوش رجلين
وبعدين الشغل مش عيب وعمره ماكان عيب
ليه هو حرامى ؟
اعتقد دلوقتى فى حراميه ومرتشين
وولادهم مفتخرين بيهم وبيتفشخروا على الناس ماعلينا علشان شكلنا هنروح فى داهيه النهارده:)
وبعدين دا من حقه يفتخر ان عامل النظافه دا هو اللى كبره وعلمه واستحمل كل حاجه علشان يدخل الجامعه ويبقى انسان محترم ويتعلم ويبقاله مكانه وسط الناس
عامه الموضوع جميل
مشكوور عليه :078111rg3:

EL-leader

06-09-2009, 11:17 PM

لا هقول الحقيقه هقووووووووووووووووووووووول الحقيقه مهما كانت وبكل فخر لان لولا عامل النظافة ده ماكنتش زى زى الى بيكلمنى ده مش قصدى ع المستوى المالى لا فى التعليم
وعلى فكرة الى يقول غير كده يبقى بجد مش يستاهل اى تضحيه من الى عملهالوا والده
لان المقياس بين الناس بعلمهم ومستوى تفكيرهم واخلاقهم الحاجات الى الانسان الى بيتحكم فيها
مش الارزاق بتاعت ربنا
وشكرا ع الموضوع بجد جميل اوى

لواحظ

12-09-2009, 04:07 PM

انا هقول ان والدي بيشتغل غي وظيفة مهمة جدا من غيرها الدنيا تبوظ ويضيع الجمال اللي في الدنيا وتنتشر الأمراض والأوبئة ومن غيره ناس كتير مش هتعرف تعيش فهوة راجل مهم جدا

Łosт Mεмoяч

12-09-2009, 04:27 PM

افتكرت الفيلم بتاع منى زكى ساعه ما صحابتها
بتقولها باباكى بيشتغل ايه قالتلها مصور فوتوغرافيا
راحت باصلها كده:eek:
مع انها لو فاكرت حتلقى ان لو مفيش مصورين فوتوغرافيا يمكن مكنتش تعرف
تقدم فى الكليه ال بابها دكتور فيها وحاجات تانيه كتير
ونفس الكلام على عامل النظافه واحد بيأدى واجبه ولو مش موجود اكيد البلد حتتاثر
ال عايزه اقوله ان العيب هنا ازى واحده فى كليه طب تفكر كده
و غالبا اى شخص ح يقول الحقيقه لان الموضوع مش مستهل كدب بس
طبعا ولا بفخر ولا بكسوف عادى
بس المشكله بجد فى الشخص ال بتقوله كده ح تكون نظرته ازى بالظبط
يعنى هو ده االمفروض يتوجه له السؤال
لو حد من صحابك والده عامل نظافه حتكون نظرتك ايه وليه؟؟؟
من الاخر يعنى ح قول الحقيقه
شكرا على الموضوع

™_M®.MIDO_™

12-09-2009, 04:32 PM

طبعا هقول الصدق لان ممكن يجى يوم ويعرفو وشكلى هيكون اوحش

برنسيسة الهدوء

12-09-2009, 05:01 PM

الحقيقة هذا موضوع في منتهي الجمال
ردود الاعضاء اشرحت صدري
وكل عضو اتي بملحوظه ف منتهي الاهمية
اما عن رايي انا :
الكدب مالوش رجلين يعني اللي بيكدب اولا شكله بيبان عليه ده غير انه لما يتعرف حقيقته هيبقي شكله وحش اووووي

يبقي ليه نكدب من اولها
طبعا شعبنا المصري العزيز ينظر الي هذه الطبقه ع انها لاتستحق الحياه
لكن لو قلت الحقيقه للي سالك ده ياما هيفتخر بيك ويقدر اعتزازك بنفسك وده احتمال ضعيف
ياما طبعا هيبتدي يبعد عنك شويه شويه هو والباقي لكن لو هوا ف نفس مستواك هيفضل معاك
اعتقد دي وجهه نظري انك لازم تفخر بابيك اللي علمك وعملك راجل ودخلك الجامعه واللي مالوش خير في اهله مالوش خير في حد
مشكور ع الموضوع

Amethyst

12-09-2009, 07:35 PM

عجبني أوي إنه كله بيقول
هقول الحقيقة
جامدين جداً
:d
احم
مش عارفة مختلفة معاكم في النسبة اللي قالت كده
حاسة إنهم كتير
ممكن لو كانوا في المكان ده يقولوا حاجة تانية
مش كلهم
بس متأكدة إن منهم
:028ja7:
رأيي أنا بقى
مرة قلت إن بابا موظف حكومي في الشئون
و هو مهندس
:)

سيف عبد العظيم

13-09-2009, 03:41 AM

مش عارف ليه حاس ن الردود دى كلها استهلاك محلى
محلى محى محلى

Egypt for Ever 25

13-09-2009, 01:45 PM