كلنا بنقول من رابع المستحيلات انى اعمل كذا
ايه المستحيلات التلاته اللى قبل كده هى
الغول والعنقاء والخل الوفى يعنى الصديق الوفى
سؤال..................
ماهو الشىء الذى تراه مستحيل حاليا
من الخيال انك تحققه
ايه الحاجه اللى جريت وراها كتير رغم انك عارف انها مستحيل تتحقق
يا ترى ايه هو المستحيل فى نظر حضراتكم

اولا ربنا يكرمك يا تقى لانى كنت هاتجنن واعرف المستحيلات ال3 والله مكنتش عارفاهم وكان نفسى اعرفهم جزاك الله خيرا يا اختى العزيزة
المستحيل الرابع من وجهة نظرى حاليا انى لا يمكن (بقالى ربع ساعة فاتحة الصفحة بفكر والله) انى انتحر دا اللى جه فى بالى دلوقتى بصراحة

ربنا يخليكى يا اسراء
اكيد لا تنتحرى ايه بس
احنا كلنا بنحبك شكرا للمرور

شكرا يا تقى على الموضوع
انا بردو اول مره اعرف المستحيلات التلاته دول
بس بصراحه انا عمرى ما قولت كلمة " من رابع المستحيلات انى ..... "
وبجد مش فى دماغى حاجه مستحيله دلوقتى
اوعدك لما الاقى حاجه هاجى اكتبها هنا

شكرا ليك يا احمد
هستنى ردك

شكرا ياتقى على الموضوع
كمان أنا بردوا مكنتش عارف ال3 مستحيلات اللى قبل ده
بس هو ممكن الحاجة اللى انا شايفها مستحيل تحصل هى أنى أنسى حد مش ممكن أنساه
كلام غامض أنا عارف بس هو ده المستحيل

ممكن يكون أني أرجع بالزمن للوراء


وشكرا على الموضوع الجميل

شكرا لردكم يا جماعه

اولا عاوز ه اقولك ان موضوع جميل
وثانيا موضوع المستحيلا ت التلاته وهما في نظري
السعاده
وارضاء الناس
النجاح بدون فشل قبله
وغيره وغيره اصلا انا متهيالي معظم الحاجات مستحيله
ومرسي اوي

فعلا تقريبا كل حاجه بقت مستحيله
شكرا ليكى

يعنى من وجهه نظرى ممكن
من رابع المستحيلات ان العرب يتفقوا على راى وينفذوه

من المستحيل الايه دى
( ولن ترضى عنك اليهود ولا النصارى حتى تتبع ملتهم )

جزاكي الله الجنة يا تقى
بجد موضوع جميل جدا
و المستحيل بقى كتير فعلا ..
بس المستحيل عندي الي لا يمكن يحصل بجد ان اي حد يغير فكرتي او يهزها عن ديني ان شاء الله
و اكيد عند اكثر المسلمين برده بالذات في الاوقات دي

طب هو مفيش هنا حد يقولنا يعنى ايه اول و تانى وتالت المستحيلات

طب هو مفيش هنا حد يقولنا يعنى ايه اول و تانى وتالت المستحيلات



هيا العنقاء على حد علمى
ان هوا طير بيجيب الحظ وكدا
والغول الى احنا عارفينه ان كان فيه حيوان زمان اسمه الغول وكان بياكل البشر وكدا
بس دا اسطوره على حد علمى مش موجو دفى الحقيقه يعنى

والخل الوفى
الصديق الوفى


وانا شايف ان فى الزمن دا المستحيل هوا الخل الوفى برضه
ولكن مش من المستحيلات بس
بقى من رابع المستحيلات
وشكرا على الموضوع

شكرا على الموضوع الجميل جدااااا.......

انا اللي في بالي دلوقتي ان من رابع المستحيلات انك ترضي كل الناس.... مهما كنت

شكرا ليكي يا قمر على الموضوع......في رعاية الله

المستحيل ان تجد المستحيل مستحيل وهو ليس بمستحيل :romarioxp6:

والله انا فاكر ان احنا كنا بنقولها من سابع المستحيلات

يمكن عندنا في المنيا بس كدة

بس زى ما قال احمد رضا

المستحيل ان تجد المستحيل مستحيل وهو ليس بمستحيل :romarioxp6:

متشكرين يا تقى على المموضوع الجميل وانا راى ان رابع المستحيلات هو رضا الناس واكبر دليل قصة جحا وحماره

شكرا يا اختي على الموضوع الرائع ده

انا اتفق مع العضوpharo في ان المستحيل هو الرجوع بالزمن الي الخلف
لكني لا اتفق تماما مع الرأي اللي بيوضح ان الصديق الوفي من المستحيلات
قد يكون من الصعب ايجاد صديق وفي و لكنه ليس مستحيلا ابداااااااا

متهيألى كان فى فيلم بيجى ايام الهكسوس اسمه المستحيلات فهو كان 3 أجزاء بس

ايجو يعملو جزء رابع كان مستحيل علشان مكنش عندهم كاميرا

يا سلام يا مصطفى ايه الرد العجيب ده
شكرا للمرور

السلام عليكم ورحمة الله وبركاته


شكرا ليكى بجد ياتقى على طرح هذا الموضوع الاكثر من رائع



كثيرا مايتردد على ألسنتنا عند أى حوار كلمة (( دا من رابع المستحيلات ))
فما معني ذلك ؟؟ 00 وهل توجد فعلا مستحيلات لايمكن تحقيقها 00 وماهي حقيقة المستحيلات الثلاثة التي يذكر بعدها كلمة ( رابع المستحيلات ) ؟؟

لاندري هل هي أسطورة أم حقيقة 00 المستحيلات الثلاثة
الغول
العنقاء
الخل الوفي
(( الغول )) 00 جاء في الروايات أنه حيوان خرافي من الجن قد يكون أنثي ــ كما ذكر ذلك في الروايات ــ وبنيت عليه الحكايات وأستخدم في الأزمان السابقة لتخويت الأطفال في حالة العصيان وإلاّ سيكون مصيره عند الغول 00 وكان أشهر ماروي عن الغول ((( أمنا الغولة )))

((العنقاء )) 00 قيل أنه طائر خرافي جرى على ألسنة الشعراء في العصور القديمة 00 ويقال أنه بلغ 500 سنة من العمر ثم أحرق نفسه فبرزت من رماده عنقاء وليده 00 ثم اتجهت الى موطنها الأصلي في مصر ولانعلم هل هي مازالت موجودة أم لا ؟؟

((الخل الوفي )) 00وهو الذي نبحث عنه الآن والذي يصل بك إلى أعلى درجات المحبة والإخلاص ، ويتشابه معك في الصفات والطباع ، ويخلص لك أكثر من إخلاصه لنفسه 0

المستحيلات كتيره وكثيره جدااااااااااااااااااااااااااا

رابع المستحيلات

أ ن لا بنبض قلبى بالحب لمن حولى


وكذلـلــــــــــــــــــــــــــــــــك
هو كل ما يرفضه العقل ونمتنع عن فعله عند طلبه


تعليقا عن المستحيلات الثلاثه .......................
اما عن المستحيلات الثلاثه وكيف عمم القول

فهي مقوله لعجز بيت أي الشطر الثاني من بيت شعر لأحد الشعراء حيث يقول :

لما رأيت بني الزمان وما بهم ............... خل وفي للشدائد اصطفي
فعلمت أن المستحيل ثلاثة ................. الغول والعنقاء والخل الوفي

اما الغول والعنقاء فهما مضرب مثل في الشيء الذي لا وجود له

فعن النبي صلى الله عليه وسلم قال ( لا غول ولا صفر )

وكانو من القدم يزعمون ان الغول من الجن من التغول والتضلل

والعنقاء كانو يزعمون انه طائر عظيم في عهد سليمان عليه السلام ثم اختفى وقيل انهاء كانت بالحجاز تخطف الاطفال فدعى عليها احد الانبياء فاختفت .

ومن هنا جاء تشبيه الشاعر على استحالة وجود صديق وفي

بهاتان المستحيلتان ( الغول والعنقاء ) ليشاركهما الثالث

لندرة وجوده .

وهذا من رئي الشاعر فقط

ام الخل الوفي فهو موجود انشاء الله

والله أعلم

شكرا ليكى بجد ياتقى :)

شكرا ليك يا اخ صبرى للمعلومات الرائعه
وشكرا للمرور

شكرا يا اختي على الموضوع الرائع ده

انا اتفق مع العضوpharo في ان المستحيل هو الرجوع بالزمن الي الخلف
لكني لا اتفق تماما مع الرأي اللي بيوضح ان الصديق الوفي من المستحيلات
قد يكون من الصعب ايجاد صديق وفي و لكنه ليس مستحيلا ابداااااااا


شكرا ياأختي فتاة الظل
وأنا شبه متفق معك أنه من الصعب ايجاد صديق وفي

لكنه يوجد العديد من المستحيلات

وأهمها اني أجيب الدرجة النهائية في الثانوية
:(:(:(:(:(
:):):):):)

الا كده يا جماعه ان شاء الله كلنا هنجيب مجموع كويس
وكل واحد يدخل الكليه اللى نفسه فيها

الا كده يا جماعه ان شاء الله كلنا هنجيب مجموع كويس
وكل واحد يدخل الكليه اللى نفسه فيها

يا رب آمين

هيا العنقاء على حد علمى
ان هوا طير بيجيب الحظ وكدا
والغول الى احنا عارفينه ان كان فيه حيوان زمان اسمه الغول وكان بياكل البشر وكدا
بس دا اسطوره على حد علمى مش موجو دفى الحقيقه يعنى

والخل الوفى
الصديق الوفى


وانا شايف ان فى الزمن دا المستحيل هوا الخل الوفى برضه
ولكن مش من المستحيلات بس
بقى من رابع المستحيلات
وشكرا على الموضوع
اممممممم
مش عارفه انا كنت بقراها زمان
الرخ و العنقاء و الخل الوفى

و الرخ اللى هو زياده ده عباره عن طائر ليه راسين و هو من المخلوقات الاسطوريه

اما عن الحاجه اللى شايفاها مستحيله
اممممم
ان الزمن يرجع لورا
:(

يلا فى رعايه الله

بجد شـــــكرا موضوع اكتر من رائع

انا بقول ان في رابع وخامس وكتير بجد

انا اظن ان الرابع المستحيلات نعرف المستقبل ونرجع الماضي

شكرا يا تقى على الموضوع الجميل دا
أما أنا بقى ما عنديش شىء أسمه مستحيل أنا متفائلة جدا :d
عندى كل شىء ممكن تحقيقه لكن لو بحثنا عنه بصدق , ولو عملنا من أجله بجد

thankssssssssssssssssssssssssss

من المستحيل أن حد فى الدنيا دى يفهمك ويحس بيك ويراعى مشاعرك مهما كان قريب منك جداااااااااااااااااااااااااااااااااااااااااااااااا اااااااااااااااااااااااااااااااااااااااااااا
حتى لوكان أقرب ليك من أى حد فى حياتك أقرب ليك من نفسك

لا ابدا حضرتك اكيد فى ناس كتير بيحبوك
زى اخواتك هنا فى المنتدى

فيه ناس كتيرة بيحبونى بس فيه حد واحد كان ممكن يحس بيا ويقدر يساعدنى ويراعى مشاعرى ويحبنى بجد ويقدر حبى ليه
رااااااااااااااااااااااااااااااااااااااااااااااااا اااااااااااااااااااح فين الحد ده راح الى حيث المحال