أيهما تفضل ؟ ولماذا؟ [الأرشيف] - بوابة الثانوية العامة المصرية

مشاهدة النسخة كاملة : أيهما تفضل ؟ ولماذا؟

The Philosopher

10-07-2009, 03:05 PM

طبعا من المعروف اننا احنا الشرقيين بصفة عامة والعرب بصفة خاصة عايشين حياة روحانية مش حياة مادية زى
الغرب بس هو ده الصح ولاايه
يعنى أنت بتفضل ايه نكون ماديين ولاروحانييين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
فيه تساؤل كمان هو أنت بتشوف جمال الانسان فى ايه بالضبط
فى مظهره ولافى جوهره
فى عقله ولافى قلبه
فى أخلاقه ولا دى مش بقى ليها وجود
فى ايه بالضبط

JASSY

10-07-2009, 05:45 PM

dr.only hope

10-07-2009, 05:53 PM

ايييييه يا احمد يا اخويا الاجازة اثرت عليك ولا ايه من غير سؤال انت عارف الاجابات كويس
طبعا روحانى احسن من مادى(مقولتش ان المادة مش مهمة لو قلت كدا ابقى كدابة بس الروحانية عندى اهم)
جمال المرء فى جوهره طبعااااااااااااااا مظهره ايه بس(بس برضو ميبقاش مبهدل ان الله جميل يحب الجمال)
اما عقله وقليه هقولك الاتنين مينفعش اختار بين دول بالذات العقل اللى بيمشى حياتنا اللى بنذاكر بيه ونخطط بيه والقلب ما ادراك ما القلب دا اللى معيشنا دا اللى بنحب بيه دا اللى بنشيل فيه الاحباب ومعنديش افضلية منهم
وطبعا فى الاخلاق بص يا احمد انا هقولك حاجة لذيذة كدا
اى ولد يولد اسمه male
لما يبقى راجل راجل بجد يبقى man
اللى بيخلى العيل يبقى راجل بجد الاخلاق دا الراجل
البنت بقى اخلاق واخلاق واخلاق البنت اخلاقها وبس (وطبعا اخلاق المسلمة فى دينها)

بروباجندا

10-07-2009, 06:51 PM

انامش شايفة ان الحياة الروحانية ليها علا قة
بالشرق او الغرب بس يمكن علشان احنا
معظمنا مسلمين بس اكيد يعني الحياة
الروحانية افضل
اما بقى بالنسبةللمظهر والجوهر فصعب
تحكم على انسان من غير ما تدرس شخصيته
كويس بس اكيد اللي هيخليك تدرس شخصيته
مظهره
العقل والقلب دول مش بينفصلوا اوي يعني
اما الاخلاق دي اهم حاجة تحكم بيها
على شخص معين
على فكرة الموضوع جميل اوي

The Philosopher

10-07-2009, 06:59 PM

شكرا على ردود حضراتكوا
بس ممكن أقول أن معظم الاحصائيات والدراسات بتقول أننا أكتر ناس بنتفاعل مع القصص والحكايات والأفلام والمسلسلات ودى حقيقة مش نقدر ننكرها
احنا فعلا بنتأثر جدا بالحاجات دى لدرجة ان ممكن حد يبنى كل حياته على قصة سمعها أو حكاية قريها أو فيلم شافه
دا حتى رمضان اللى هو المفروض شهر الصوم والعبادات عند معظمنا بيكون شهر المسلسلات بنستنى نتفرج على المسلسلات ونتفاعل معاها أوى
يعنى احنا روحانين أوى للدرجة دى
جمال الانسان من وجهة نظرى بيكون فى لسانه وعقله لأن ده اللى ربنا ميزه بيه عن غيره من الكائنات
مش فيه كلب جميل بس احنا أجمل بلسانا وعقلنا لو قدرنا نستغلهم صح أحسن استغلال يعنى

بروباجندا

10-07-2009, 07:05 PM

على فكرة حكاية المسلسلات والافلام دي
مش روحانية دي عاطفة زايدة مش روحانية
وبيتهيالي برده ان في ناس ف الغرب ممكن تتاثر
بالحاجات دي

The Philosopher

10-07-2009, 07:08 PM

The Philosopher

10-07-2009, 07:11 PM

على فكرة حكاية المسلسلات والافلام دي
مش روحانية دي عاطفة زايدة مش روحانية
وبيتهيالي برده ان في ناس ف الغرب ممكن تتاثر
بالحاجات دي
أنا عارف أن المسلسلات والأفلام دى بس عاطفة زيادة عن اللزوم بس العاطفة جزء من الحياة الروحانية اللى احنا بنحب نعيشها
فى الغرب بقى قليل جدا ممكن يصل الى حد النادر اللى بيتأثروا بالحاجات دى
شكرا لمرور حضرتك

بروباجندا

10-07-2009, 07:16 PM

The Philosopher

10-07-2009, 07:17 PM

هو فعلا الغرب حياتهم مادية او قاسية شوية مش زينا العاواطف والمشاعر هي اللي بتغلب علينا....

احنا عندنا لما نشوف مثلا حادثة او حد عايز مساعدة بتلاقي ناس تساعده لكن بره هيقولك وانا مالي يعني كل

واحد في حاله

ويلا نفسي وخلاص....

وهنا عندنا ممكن نقول ان احنا غالبا بتتحكم فينا مشاعرنا اكتر...... وعلى فكرة ديه احسن حاجة في العرب والمصريين خاصة

انا شايفة كده ....بره باردين جداااااا في مشاعرهم في علاقتهم بالناس....

بس مش معنى كده ان الماديات مش مهمة هي جزء مهم في الحياة ومش الحياة كلها.....

اما بقى بالنسبة للانسان انا شايفة ان جماله في اخلاقه .... اللي تجيب بعدها اي حاجة جميلة فيه..

شكراااااا جدااا على موضوعك.... في رعاية الله
هى الحياة المبنية على العواطف والمشاعر والأحاسيس بس مش ممكن توصلنا لحاجة احنا ممكن نوازن بين عواطفنا وعقلنا ونخلق أفكار بتستند على الجانبين
هما بره مش باردين هما كل واحد عارف اللى له واللى عليه
بس بردوا انهيار المشاعر عندهم ده غلط
الأخلاق أهم مايميز الانسان العاقل الحكيم فصيح اللسان الذى يعلم جيدا كيف يسخر كلامه لخدمة ذاته وغيره
فيكون الأساس هو اللسان والعقل فاذا أحسنت استعملهم هتكون جميل والعكس
شكرا لمرور حضرتك وجزاكى الله خيرا

The Philosopher

10-07-2009, 07:25 PM

معلش في تعليق ليا كمان
انت قلت فالاول ان الغرب
عايش حياةمادية وبعد كدة
قلت بيفكروا بعقلهم
بس اعتقد ان اللي بيفكر بعقله
مش هيخلي كل حياته مادية
او يمكن انت اخطات ف التعبير
او انا فهمت غلط ياريت توضح
طيب ممكن حضرتك تعملى اقتباس من المشاركة اللى أنا قلت فيها أنهم بيفكروا بعقولهم أصلى مش لقيها قريت الموضوع كله ومش وجدت المشاركة دى
على العموم بصى اللى يفكر بعقله صح لازم يفهم أن الانسان بيتكون من عدة جوانب يعنى جانب جسمى واجتماعى وعقلى ووجدانى
المفروض العاقل اللى يقدر يعمل توازن بين جميع هذه الجوانب
يعنى مش يشبع حاجاته الجسمية ويترك بافى الحاجات أو يشبع حاجاته الوجدانية ويترك الباقى وهكذا
الانسان ده تركيبه معقد جدا
شكرا كمان مرة لتفاعلك مع الموضوع

The Philosopher

10-07-2009, 07:59 PM

أخر حاجة كنت عايز أقولها
هى ان الأخلاق دى مش ينفع أصلا نردها لجانب واحد فى الانسان
بس كل الجوانب بتشترك فى تشكيل أخلاق الانسان
يعنى أنت ذو خلق أكيد مش لأن دينك بيطلب منك كده وبس والا كده هتكون عديم الخلق
أنت ذو خلق لأنك عايز يكون عندك أخلاق فى حاجة جواك بتأمرك بكده
الحاجة دى ممكن نقول عنها الواجب العقلى أو الحاسة الخلقية
الواجب العقلى كما قال الفيلسوف كانط
أو الحاسة الخلقية كما قال شفتسبرى
يعنى أنت بتحاول تسمو بأخلاقك لدافع جواك مش لأمر دينى أو أمر جسدى أو أمر اجتماعى أو غير ذلك
أنا عارف أن الدين مهم جدا فى أنه بيوجه الانسان بس الدين مش كل حاجة من وجهة نظرى المتواضعة

yomna1993

10-07-2009, 09:04 PM

The Philosopher

10-07-2009, 10:06 PM

طبيعة الشرقيين عموما مشاعرهم هي الي بتتحكم فيهم بنسبة اكتر
يعني في قلوبهم حب لبعضهم و شهامة و يمكن الحكاية دي بدأت تختفي شوية بس لسه موجودين اكتر في الاماكن الشعبية ...
طبعا من وجهة نظريي ان دي صفة اساسية في المصريين بالذات

و طبعا جمال الانسان في جوهره ..و مشاعرة و احساسيسه الي في قلبه بس بعقل يعني القلب و العقل متلازمين
و حكاية ان الدين مش كل حاجة دي بحترم وجهة نظرك بس مش موفقاك عليها خالص..لان الدين هو الي بيخرج الاخلاق و القيم و المبادىء السليمة في كل واحد فينا
مرسي ع الوضوع
وميرسى على الرد
بس ياريت تفهمى وجهة نظرى أنى أقول ان الدين مش كل حاجة أقصد بكده أن احنا مش لازم يكون الدين بس هو اللى بيوجهنا لعمل الخير والحرص عليه لأن فى الحالة دى هيكون ده فى صورة فروض علينا يعنى لازم نؤديها لأن احنا لو مش عملنا كده هندخل النار
بصى لأنى كنت بدرس فلسفة مادة أدبية هقولك رأى واحد فيلسوف زى كانط
بيقول أن الأوامر العقلية نوعين
1- أوامر مطلقة ودى وحدها الأفعال الخلقية الحقيقية ودى بتكون مطلوبة لذاتها ومش وسيلة لتحقيق أى أهداف
زى مثلا لما العقل يأمر الانسان بأنه يذاكر ده فعل خلقى
2- أوامر شرطية ودى لايمكن ان تؤسس عليها الأخلاق لأنها لاتكون مطلوبة لذاتها بل يكون الفعل الخلقى وسيلة لتحقيق أهداف أخرى
زى مثلا ذاكر عشان تنجح
هنا الفعل كان بشرط
والأخلاق لازم تكون مطلقة يعنى غير مقيدة بشروط
فاحنا لو ردينا كل الأخلاق للدين هتكون الأخلاق دى فى صورة فروض على الانسان يعنى مش بارادته ولاباختياره وهتكون كلها أوامر شرطية يعنى بعمل الفعل عشان فيه مقابل وهو أنى هدخل الجنة

سيف عبد العظيم

10-07-2009, 11:01 PM

طبعا من المعروف اننا احنا الشرقيين بصفة عامة والعرب بصفة خاصة عايشين حياة روحانية مش حياة مادية زى
الغرب بس هو ده الصح ولاايه
يعنى أنت بتفضل ايه نكون ماديين ولاروحانييين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
فيه تساؤل كمان هو أنت بتشوف جمال الانسان فى ايه بالضبط
فى مظهره ولافى جوهره
فى عقله ولافى قلبه
فى أخلاقه ولا دى مش بقى ليها وجود
فى ايه بالضبط

السلام عليكم ورحمة الله وبركاته
؟
اهم صفات هى اخى الكريم والتى يتعدد عليها كل اسالتك
هى
الاخلاق
الاخلاق هى اساس الجوهر والحب والطيبه والتعايش بين الناس
والاهم الصدق
اخوك سيف عبد العظيم

صوت الامة

10-07-2009, 11:16 PM

طبعا من المعروف اننا احنا الشرقيين بصفة عامة والعرب بصفة خاصة عايشين حياة روحانية مش حياة مادية زى
الغرب بس هو ده الصح ولاايه
لالالالالالالالالالا مش صح ابداااا
يعنى أنت بتفضل ايه نكون ماديين ولاروحانييين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
لا طبعا روحانين ربنا يبعدنا عن المدين
فيه تساؤل كمان هو أنت بتشوف جمال الانسان فى ايه بالضبط
اتفضل
فى مظهره ولافى جوهره
اكيد جوهرة تعمل اية بالمظاهر ؟
فى عقله ولافى قلبه
اعتقد النو بعقلو احسن
فى أخلاقه ولا دى مش بقى ليها وجود
هههههههههههههه
ازاى يا احمد اخلاقو دى اول شيئ واهم شئ
ازاى ميكونش ليها وجود ؟
فى ايه بالضبط
حقيقى موضوع رائع جداااااا
وجميل بهنيك علية يا احمد جزاك الله خيرااااااا
وبارك الله فيك
فى رعاية الله

The Philosopher

11-07-2009, 12:01 AM

شكرا جزيلا لردود حضراتكوا
بس هى الحاجة اللى عايز أوضحها أن المادية المقصودة مش حب المال والتهافت على جمعه ولكن هى معناها أن تعمل ماطلب منك ولاتلتفت لما يطلبه منك أحد
يمكن الموقف ده يوضح كلامى
يعنى لو فيه عاملين فى مصنع واحد أحدهما تعبان وغير قادر أنه يؤدى عمله كما طلب منه فان الأخر لو تعامل معه بمادية فسيرفض مساعدته فى عمله بينما اذاتعامل معه بروحانية الشرق فسيساعده فى تنفيذ ماطلب منه
وشكرا لحضراتكوا مرة تانية

سبارتكوس

11-07-2009, 12:10 AM

طبعا من المعروف اننا احنا الشرقيين بصفة عامة والعرب بصفة خاصة عايشين حياة روحانية مش حياة مادية زى
الغرب بس هو ده الصح ولاايه
يعنى أنت بتفضل ايه نكون ماديين ولاروحانييين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
بص انا هوضح حاجه فى النقطه دى
هو مينفعش نقول روحانين ولا ماديين لأن كده هيبقى لازم يبقى فى صفه واحده بس
لازم النظره يبقى فيها عموم اكتر من كده
مش هينفع نبقى ماديين فى كل شئ
انا شايف ان لازم نكون ماديين على قدر من الروحانيات عشان يبقى فى اتزان فى الأمور بس
فيه تساؤل كمان هو أنت بتشوف جمال الانسان فى ايه بالضبط
فى مظهره ولافى جوهره
أكيد هيبقى فى جوهره
فى عقله ولافى قلبه
أظن ان برده دى لازم يكون فيها اتزان شويه بس عقلياً لازم يكون الأنسان عقلانى اكتر من أنه بيحكم بقلبه
فى أخلاقه ولا دى مش بقى ليها وجود
أكيد فى أخلاق بس بقت بقدر ضئيل شويه بمعنى انها قلت عند بعض الناس ممكن يكون قلة علم أو ظروف البيئه اللى اتربى فيها بيبقى ليها عوامل كتير ..
بس اكيد ان فى ناس برده عندها قدر عالى من الأخلاق
فى ايه بالضبط

انا رديت على الأسئله ..
جزاك الله خيراً على الموضوع

The Philosopher

11-07-2009, 12:14 AM

وجزاك الله خيرا على هذا الرد الرائع
فعلا لازم يكون عندنا توازن فى كل حاجة هو ده رأيى
شكرا لردك والسلام عليكم