رفعت فوزى
05-09-2006, 05:03 AM
خمسة قتلى و30 جريحا في اصطدام قطارين في مصر
قتل خمسة أشخاص وجرح 30 آخرين في حادث اصطدام قطار ركاب بقطار شحن وقع بالقرب من منطقة شبين القناطر، شمال القاهرة مساء الاثنين.
ويأتي هذا الحادث بعد أسبوعين من حادث قطار في منطقة دلتا النيل أدى إلى مقتل 58 شخصا واعتبر أسوأ حادث في تاريخ السكك الحديدية المصرية.
وكان رئيس "هيئة سكك حديد مصر" قد أقيل بعد حادث الشهر الماضي.
ولا تزال السلطات المصرية تحقق في الحادث الماضي الذي وقع في مدينة قليوب.
يذكر أن هذا الحادث كان قد أثار موجة من الغضب في مصر بسبب الحالة الرديئة لشبكة السكك الحديدية.
وقد أعلن وزير النقل محمد منصور بعد الحادث عن أن السكك الحديدية في مصر تحتاج إلى إعادة تأهيل جدية وان المبالغ المرصودة لهذا القطاع غير كافية على الإطلاق.
الى متى سنظل نسمع عن قتلى وجرحى فى حوادث القارات والعبارات وغيرها
والى متى سيتم اقاله مسؤل وتعيين اخر حتى حادثه جديده
ام ان هذها كله الغرض منه هو شحذ الشعب للموافقه على خصخصه هيئه السكك الحديديه
وان كان الوضع كذلك فماذا فعل هؤلاء ليدفعوا ثمن الطمع ام ان دمنا اصبح مباح
اتمنى الا يكون الوضع كذلك
وان اكون مخطىء
اقراو الفاتحه على ارواحهم فمن يدرى من منا سياتى عليه الدور فى حادث قادم لا محاله
انا لله وانا اليه راجعون
ريهام4
05-09-2006, 05:19 AM
وقد أعلن وزير النقل محمد منصور بعد الحادث عن أن السكك الحديدية في مصر تحتاج إلى إعادة تأهيل جدية وان المبالغ المرصودة لهذا القطاع غير كافية على الإطلاق.
انا مش عارفة الناس دى بتفكر ازاى وازاى مهياش خايفة من ربنا
تسمع انت عن قصة الرئيس العربى ( انا معرفش بتاع انهى دولة )
لما سالته مذيعة باين وقالتله ايه اغنى دولة فى نظرك
قالها مصر
المذيعة استغربت
قالها ايون لانها بقالها 7 الاف سنة بتتسرق ولسة قايمة على رجليها
والله اعلم من صحة القصة دى بس انا سمعتها قبل كدة مرة
بس انت بتقول انهم يمكن بيعملوا كدة علشان الخصخصة انا عن نفسى معنديش فكرة عن الموضوع دة
لكن يمكن يكون وصفى للموضوع دة بانه الهدوء اللى بيسود العاصفة
لو مصر فضلت كدة يبقى الاستعمار خلاص بيتأكد اكتر واكتر لانها بتضعف
والله انا بتمنى ان الناس سلوكها يتعدل وكل واحد يراعى ربنا
وفى الاخر ان لله وانا اليه راجعون
رفعت فوزى
05-09-2006, 05:33 AM
فعلا ريهام احنا نعتبر اغنى دوله على مستوى العالم
ولكن الاداره فين
فالاداره هى الاساس ولكنها تتخذ من تعداد السكان عائق فى الوقت التى تتخذه الصين دافع
فعندما سال مذيع قناه cnn رئيس دوله الصين كيف تحققون معدل النمو هذا وانتم تعداد سكانكم مليار و200 مليون
فاستوقفه الرئيس وقال له عفوا انننا 2 مليار و400 مليون يد عامله فلماذا لا ننهض؟
ارايتى الفرق
انا لله وانا اليه راجعون فعلا
kareemgolden
05-09-2006, 06:57 AM
شكرررررررررررررررا على المتابعة
basmala
05-09-2006, 04:55 PM
ده كلا كيت رابع مره او خامس مره ....امبارح برده كان فى حريقه فى قطر بس قدروا يسيطوا عليها وبعد حادثه القطر الاول كان ى قطر صدم جرار بس ماحدش ماات
أحمد2025
05-09-2006, 05:05 PM
اهمال اهمال اهمال اهمال اهمال
شكرا على الموضوع
Maramero
05-09-2006, 05:13 PM
إنا لله وإنا اليه راجعون
بجد الحكاية دى زادت عن حدها قووووى <_<
ربنا يسترررر
واللهم ارحم امواتنا جميعاً يارب
نهى جلال
05-09-2006, 07:23 PM
فعلا ده اسمه اهمال وفعلا مفيش ادارة في مصر
ده مفيش معدل حوادث نقل كبير كده في العالم . ده في سنة حصلت كام حادثة قطار , وحادثة العبارة وغيره . مش معقول اللي بيحصل في مصر ده
في الاخر كلنا بنقول انا لله وانا اليه راجعون
رفعت فوزى
05-09-2006, 08:53 PM
شكرا لكم جميعا على المرور بس انتو بقى متعرفوش اللى فيها دى مش تانى ولا تالت ولا رابع
انا جايب لكم احصائيه مسميها قطارات الموت ودى من مصادر موثوق بيها وموثقه ومنها المقال ده
جاء هذا الحادث بينما تواصل السلطات المصرية التحقيق في تصادم قطارين بمحافظة القليوبية في 21 أغسطس/آب الماضي حيث قتل أكثر من 58 راكبا وأصيب المئات. وأقيل في حينه رئيس سلطة السكك الحديدية ومساعده من دون انتظار نتائج التحقيق في الحادث.
لكن الكارثة الأكبر في السكك الحديدية تبقى تلك التي وقعت في 20 فبراير/شباط 2002، عندما اندلع حريق بسبب موقد للغاز في قطار مكتظ على بعد 70 كلم جنوب القاهرة، مخلفا 361 قتيلا.
وفي التسعينيات، سجلت حوادث عدة كان أبرزها مقتل 41 شخصا في 1998 بالقرب من الإسكندرية، و30 شخصا في 1997 بين أسوان والأقصر، و75 قتيلا في 1995 في البدرشين، جنوب القاهرة.
وفي الأول من مايو/أيار من العام الحالي، أصيب 45 مصريا بجروح في حادث اصطدام قطارين في محافظة الشرقية شمال القاهرة. كما أصيب 20 شخصا بجروح في نهاية فبراير/شباط الماضي في حادث مماثل قرب الإسكندرية.
حد فيكم جمع كم واحد مات وهو بيقرا المقال؟
هنقرا الفاتحه لمين ولا لمين
يا ترى مين اللى عليه الدور ويرتاح
eng_7amod
05-09-2006, 08:56 PM
نتمنى من الحكومه المصريه تحسين الوضع والاهتمام شويه بالمواطنيين
احنا بني ادميين مش حيوانات
ربنا يعينا عليهم
شكرا يا باشا على متابعتك
احمد طه
05-09-2006, 09:21 PM
هههههههههههههههههههههههههههههههههه
احنا خدنا على كده خلاص
واتعودنا كل يوم نسمع وعود مبتتنفذش
واتعودنا نسكت على كل حاجة بتحصل
صح ولا انا غلطان؟؟؟؟؟؟؟؟؟؟؟؟؟؟؟؟؟؟؟؟
رفعت فوزى
13-09-2006, 02:02 AM
شكرا لكم جميعا على المرور والاهتمام
وده لانكم غيورين على البلد
وحريصين على الحياه الكريمه
وكنت اتمنى من كل واحد قرا الموضوع يقرا الفاتحه على ارواح هؤلاء الشهداء