السلام عليكم يا احلى اعضاء
بصراحه انا قريت الموضوع ده وعجبنى وعايزه اعرف رايكم فيه
العنوان الحرام واحد
قد تتعجب من عنوانى وتسال ما الذى تقصده من عنوانك
الحرام واحد بالطبع وهل تتوقع ان يكون اثنين!!!
اقول ان واقعنا يخالف تلك القاعده البديهيه فى الحلال والحرام ويظهر ذلك خاصه فى الصيف
واشرح وجهه نظرى قائلا ان الصيف فرصه (سورى للصياعه الكاتب كتبها كده)
للشباب الذين فشل اهلهم فى تربيتهم وهؤلاء ينقسمون الى قسمين منهم من ينتمى لاسر طيبه ولكن يا خساره انحرفوا نتيجه اختلاطهم بشله سوء من اقرانهم واخرون نشاوا فى بيوت لا تعرف الا القليل عن الخلق والدين فانحرافهم طبيعى واذا حدث عكس ذلك فهو فضل من الله يهدى من يشاء من عباده
وادخل فى صميم موضوعى قا ئلا..............
المفروض ان تكون نظره المجتمع واحده الى هذا الاثم الذى يرتكبه الشباب الللى افعاله غلط من الجنسين ولكن واقعنا يقول عكس ذلك فانحراف بنت حواء امر مستهجن بالطبع ويعرف عنها انها سيئه السمعه وينظر لها مجتمعنا المحافظ باحتفارويكون من الصعب جدا ان تتزوج رجل محترم الا ان يكون انسان مدب بالتعبير العامى وقع فى غرامهاوفقد عقله!!!!!!!!!!!!
الغريب ان تجد النظره الى الشباب المنحرف مختلفه بل وقد تجد ما يبرر افعاله بانه طيش شباب او انه يعيش سن المراهقه وحضرته دنجوان عصره ولن يجد اى صعوبه فى الزواج من فتاه محنرمه تغفر له ماضيه
باختصار المجتمع قد يتسامح مع الولد اذا ارتكب الاثم او خطا
اما الفتاه اذا اخطات فوقعتها سودا
وده طبعا زى م قولت كلام قريته ومستنيه ردكم

السلام عليكم ورحمة الله وبركاتة
نحن فى مجتمع شرقى
وخاصة فى المجتمع الريفى
او كما يقال فى الفلاحين
او فى الصعيد الذى انتمى الية
لابد ان تكون البنت هكذا سمعة حسنة والا عواقب وخيمة
ولحضرتك الشكر على الموضوع

الحياء هو حياة البنت كلها
اذا تركته تبقى تستاهل اي حاجه تجرالها بعد كده
وكمان انا اخالف حكايه ان الشاب غير المحترم ممكن ان يتزوج من فتاه محترمه
مفيش في الدنيا دي كلها اب يدي بنته لشخص ميعرفش ازاي يتقي الله فيها
اما بقى عن حكايه التماس الاعزار للولد فأظن انها تخص موضوع رغبة العديد
من الناس في انجاب الذكور دون البنات

وانا اايد الاستاذ محمد على ابو زيد
فيه فرق شاسع بين المدن والارياف او الفلاحين

طبيعى ان معاملة الشاب تختلف عن معاملة البنت

لأنه بببساطة البنت مش زى الولد

وبالتالى مساحات الحرية تختلف أيضاً

انا اوافقالراى ان الحياء اهم حاجة عند البنت بس مش اخالف راى تقى ان المجتمع نظرتة مختلفة ناحية الولد لما بيغلط

شكرا لرد حضراتكم ولحضرتك استاذى الكريم

حلو الكلام ..
وبجد موضوع كويس ..
وعاوز كلام كتير .. وميتلخصش في موضوع واحد ولا موضوعين ..
بس بجد تسلم ايديكي .. مدام انتي بلدياتي :078111rg3: من الزقازيق يبقى موضوعك حلو ..
:):)
تقبلي مروري ..
في رعاية الله..

شكرا ليكى انتى شرقاويه ما شاء الله نورتى

اممممممم
انا شايفه اغلب الردود بتتمحور على حته ان البنت مش زى الولد
و ان اى حاجه ممكن تمس سمعتها
ده اكيد و مش فيه خلاف عليه
بس دى نظره ضيقه شويه
لو اتكلمنا بطريقه واسعه
هل شرف البنت غير شرف الولد
و هل التربيه مش بتبقى واحده
هل الولد لما يعمل غلط مش نكلمه عليه
و البنت لما تعمل نكلمها
ده طبيعى منهج متخلف

هل فى ايه فى احكام الشرع فضلت بين الاتنين او اختلفت فيه الا لاسباب معينه معروفه
يعنى مثلا لو اخدنا اللى احنا بنتكلم عليه و مشينا بيه فى الاخر حنلاقى نتيجته الزنا
نشوف حكم الله فيه
الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ
يعنى مش فيه تفضيل بين الاتنين
و فصلناها بعد كده
ان لو كان الراجل لم يسبق ليه الجواز الجلد اما لو سبق ليه حيبقى الرجم
و بردو
لو رجعنا إلى قول الله تعالى:( محصنين غير مسافحين ولا متخذي أخدان) سورة المائدة : 5 لوجدناه قد دعا إلى العفة الرجال كما دعا إليها النساء،
قال ابن كثير : كما شرط الإحصان في النساء و هي العفة عن الزنا كذلك شرطها في الرجال ، و هو أن يكون الرجل محصناً عفيفاً و لذلك قال: غير مسافحين و هم الزناة الذين لا يرتدعون عن معصية ولا يردون أنفسهم عمن جاءهم ،
ولا متخذي أخدان : أي ذوي العشيقات
يعنى الشرط على الاتنين مش بيختلف
و ربنا مش بيخلف فى الحكم
يبقى احنا يا بشر حنخلف

اما على حته ممكن واحده محترمه تتجوز واحد مش محترم او ان واحد محترم مش ممكن يتجوز واحده مش محترمه
فربنا قال
الطيبون للطيبات

ملخص الكلام
ان التفريق فى المعامله ما بين الاتنين هو الغلط
لازم العقاب فى الحالتين

يلا فى رعايه الله

كلامك عجبنى اوى يا اوركيديا
انا فعلا شايفه ان المفروض التربية بين الولد والبنت تبقى واحده
يعنى مثلا المفروض ان الاب او الأم مش يسمحوا لإبنهم ان بنات تتصل بيه وتكلمه ولو ده حصل مع بنتهم بتتعاقب اشد عقاب
طيب مهو اللى البنات بيكلموا ابنكم دولولاد ناس برضو ، وازاى بتسمحوا للولد انه يعمل كده ادام اخته ولو هى عملت كده تبقى غلطت ، انا عارفه انه غلط ان بنت تكلم ولد وحرام طبعا من غير نقاش بس الأهل هما اللى بيسمحوا لأولادهم بكده وكتير اوى بشوف اباء وامهات بيفخروا بابنهم انه ماشى مع بنات وعلى رأى تقى دنجوان عصره . ومن الاخر عشان ما طولش المفروض زى ما الأهل مش بسمحوا لبنتهم تكلم ولاد يبقى كمان ابنهم ما يكلمش بنات ولو ده حصل اكيد حاجات كتير هتتغير.

موضوع جميل جدا و يستاهل نقاش
والادلة الي حطتيها يا اوركيديا رائعة جزاكم الله خير
و الولد و البنت لازم يتصفوا بالحياء الي هو شعبة من شعب الدين
مش البنات بس, يعني دا الرسول (ص) كان يستحي حياء العزراء في خدرها
بس يمكن في الزمن دا فعلا البنت بتكون حريصة على كرامتها و سمعتها قدام الناس(و دي بتتوقف على التربية الدينية)

الحياء كل لا يتجزأ

الحياه لابد ان يتوافر فى الانسان الحيي

الانسان التقى الذي يراعى الله

وليس هناك حياء للبنت اكثر من الولد

لأنه لابد ان يتوافر فى كل إنسان أيا كان

ده الطبيعي

إنما غير الطبيعي هو ما يحكى عنه صاحب المشاركة

شكرا للردود
بس حضرتك يا استاذ هانى ده مش رايى
ده مقال قريته وحبيت اعرف ردود حضراتكم
نورت الموضوع

يا أخواني
المشكلة في خلط الشرع بالعادات و الثقافة الشائعة في المجتمع

فإن الله عز وجل دائما يوجه خطابه للمؤمنين و المؤمنات و لم يفرق بينهما

1- الرسول كان يثني على الرجل الذي أحسن تربية البنت
وفي ذلك أحاديث كثيرة، قال النبي صلى الله عليه وسلم (من ابتلي من هذه البنات بشيء كن له سترا من النار) وفي حديث آخر (من كان له ثلاث بنات وصبر عليهن وكساهن من جدته كن له حجابا من النار) وفي حديث ثالث (ما من مسلم تدركه ابنتان فيحسن صحبتهما إلا أدخلتاه الجنة) وفي رابع (من كان له ثلاث بنات يؤويهن ويكفيهن ويرحمهن فقد وجبت له الجنة البتة، فقال رجل من بعض القوم: و اثنتين يا رسول الله ؟ قال:و اثنتين) وفي خامس (من عال جاريتين حتى تبلغا جاء يوم القيامة أنا وهو وضم أصابعه) وكلها أحاديث ثابتة وبعضها في الصحيحين0
2- وقد آثره الله r بالبنات و أحب أهل الأرض له r كانت أبنته فاطمة t
3- وقد خص الله البنات بالآية ) أَوَمَنْ يُنَشَّأُ فِي الْحِلْيَةِ وَهُوَ فِي الْخِصَامِ غَيْرُ مُبِينٍ (
4- وقالr ) النساء شقائق الرجال (
5- وفال سبحانه ) وخلق منها زوجها (
6- و في تطبيق الحدود لم يميز الرجل عن المرأة

أما في الموروث الشعبي للمصريين فإن البنات هن مصدر العار للعائلة إذا ما انحرفن عن تقاليد العائلة بينما الولد هو رجل لا يلحق العار بالعائلة

شكرا لرد حضرتك

شكرااااااا ليكي كتييييييير على موضوعك......

والانحراف مينفعش ابدا نفرق فيه بين الولد والبنت لان اخرته زي ما اوركيديا قالت الزنى وربنا مبيفرقش بين الولد والبنت في

العقاب....يبقى نيجي احنا ونفرق...

ومش في الزني بس في اي حاجة في سوء الخلق في عدم الطاعة ...والخ

وزي ما قلتي الحرام واحد.... ولكن للاسف المجتمع هنا بيعامل الولد كانه ملك عصر وزمانه ولو غلط معلش ده لسه صغير وطيش

شباب....

ولكن البنت بيبقى ليلتها مش فايته....هو اكيد فيه فرق بين الولد والبنت لا ننكر ده بس بحدود مش نسيب للولد حريته على الاخر

والبنت نحبسها في البيت...ونقول ده مش زي ده...... اعتقد ديه ثقافة مجتمع ومش هتتغير.....

شكرا مرة تانيه على موضوعك الجميل.....في رعاية الله