السلام عليكم 00 وداعا [الأرشيف] - بوابة الثانوية العامة المصرية

The Philosopher

12-07-2009, 12:02 PM

بسم الله الرحمن الرحيم
السلام عليكم ورحمة الله وبركاته
عندما يحكم عليك القدر أن تجتمع بناس لاتعرفهم ثم تجمع بينك وبينها بعد ذلك مشاعر من الحب والاحترام وتمنى الخير فتكون أيها الانسان سعيدا حقا وأى سعادة ستملىء تلك السعادة كل جوانبك وستملك نفسك ولكن عندما يحكم عليك القدر أن تفارق هؤلاء الناس فأظن أنه فى تلك الحالة ستكون أيها الانسان أتعس من فى الوجود والأكثر حزنا ولكن لن يفيد هذا الحزن فقط عليك أن تتماسك وتحاول أن تبدأ حياتك من جديد
ولكن يبقى التساؤل هل لك أيها النسان أن تجد أناس أخرون يتعاملون معك بنفس هذا الحب والاحترام هذا فى علم الغيب
أخوانى وأخواتى أصدقائى وأحبائى ورفاقى أعضاء هذا المنتدى شكرا جزيلا لكم على مافعلتموه من أجلى وعلى مشاعر الحب والاحترام التى سادت بيننا انى أحبكم فى الله ولكن كما قلت تحكم علينا أقدرانا بمالانهوى ولانحب وعلينا أن نستجيب دون اباء أى حزن لأن الأيام لن تتركنا اذا أحست منا الضعف يجب علينا أن نتماسك
أحب أن أوجه كلمة لكل من أحبهم هنا كلمة أعبر له فيها عن خالص شكرى وتقديرى واحترامى وحبى له
1- الى انسان يعلم نفسه جيدا (شكرا لك على مافعلته معى فقد جعلتنى احيا أسعد وأتعس لحظات حياتى أتمنى لك الخير كنت وسأظل أحبك جدا كنت وسأظل مخلص جدا لك يارب أنت المطلع على كلامى وتعلم أنه من داخل أعماق قلبى )
2- الى روءة فوزى (كنتى أروع وافضل وأحسن أخت الواحد ممكن يتمنى زيها شكرا جزيلا ليكى ياأختى وربنا يكرمك ويوفقك فى حياتك القادمة ويارب تكونى قريبا الدكتورة اسراء مهما اتكلمت مش هقدر أوفى ليكى حقك )
3- الى اسراء (ولايهمك ياأختى وقفوكى عادى أنتى مش عملتى حاجة غلط أنتى حد محترم جدا بس مش بتحبى النفاق وبتحبى تكونى تلقائية فى مشاعرك ربنا يجزيكى الجنة ويجزيكى خيرا فى دنياكى وتكونى بردوا الدكتورة اسراء )
4- الى هنا (أوعى تكونى زعلانة منى لأى سبب من الأسباب تمنياتى بالتوفيق أنى أحبك فى الله ياأختى وان شاء الله قريب أوى تفتحى الصيدلية )
5- الى محمد maiay (انسان طيب جدا ومحترم جدا حد يتحب من أول ماتعرفه شكرا يامحمد وان شاء الله قريب تكون المهندس محمد )
6- الى أحمد سكوربيون (ذكى - جميل -محترم - فيه سؤال هو أنت مش كنت بتحب الفيزياء ولاايه -بس شكرا على كل حاجة عملتها معايا ياأخى )
7- عبدالرحمن وكريم klmnopq (مش كدبت ولانافقت وانا بتحدث عنكم انتم تستهلوا أكتر من كده ويارب أكون فى نص أخلاقكم بحبكم فى الله )
8- الى بوسى (عمر كلمتك م وقفت فى زورى بس كنت بحب أضحك معاكى ياباشمهندسة ان شاء الله ربنا يوفقك ياريت تحولى تخلصى اسراء من توقيفها ده لأنها مش ليها ذنب )
9- الى مينا (متواضع - ذكى جدا - سلس فى تعامله مع الغير وغير متكبر )
10- الى أحمد ميسترى ( شكرا لكل حاجة أنى أحبك فى الله )
11- الى الأستاذة فريدة والأستاذة ياسمينا (شكرا لمجهودتكم الرائعة وجزاكم الله ماهو خيرا لكم )
12 -الى نجمة الفضاء وفدوة(ناس محترمة وطيبة جدا )
3 1- الى باقى الأعضاء ( شكرا لكل حاجة تمنياتى بالتوفيق )
بس كنت عايز أعرف وجهة نظركم فيا بس مش عشان فشخرة وكده بس عشان أعرف أحلى ,اوحش حاجة فيا بس عشان أصلح من نفسىو اقوم ذاتى لأن الانسان مهما عمل مش ممكن يعرف كل عيوبه ومميزاته
بس أعرف عشان أحافظ على الحاجات الحلوة وأتخلص من الحاجات الوحشة
بس بموضوعية وبصراحة وبدون نفاق وعمرى م هزعل من حد يقول رأيه بصراحة
مش عارف أقول ايه بس شكرا جزيلا
حبيتكم جدا تذكرونى بخير
والسلام عليكم

برنسيسة الهدوء

12-07-2009, 12:17 PM

الموضوع رااااااااااائع

انت فعلا محترم جدااا يااحمد ربنا يوفقك

مع انك لم توجهي لي رساله بس يالا كانها وصلت ههههه

Dr_toka

12-07-2009, 12:35 PM

ربنا يوفقك يا دكتور احمد
وتبقى صيدلى كبير ان شاء الله

|| Dr sCorpion ||

12-07-2009, 01:43 PM

اولا ياريت تكون حكاية الوداع دى مؤقته
لانى بزعل بجد لما بشوف مواضيع زى دى خصوصا لو انا بحب العضو ده
والله يا احمد انت من الناس المحترمه جداااا
يمكن فى يوم كان بينا خلاف بس زى ما بيقولوا " لا محبه الا بعد عداوه "
بالنسبه للفيزياء كنت ولازلت بعشقها
يمكن انت حسيت غير كده لانى مش كنت بشارك فى منتدى الفيزيا
بس انا عندى اسباب لكده لكن انا كنت بحبها جداااااا
و يا اخى شكراا على مجاملتك ليا
بس الحاجه اللى واضحه جداا فيك -على الاقل فى نظرى- انك دائما حزيــن
اعتقادى ان السبب . . . افتقادك لاصدقاء يكونوا قريبين منك
فياريت تحاول ان يكون ليك اصدقاء بجد وحاول تتغاضى عن عيوبهم عشان مفيش حد صفاته كلها جميله ( وانا اولهم)
وزى ما قولتلك قبل كده
ان شاء الله نكون فى نفس الكليه ولو مش كده
فغالبا هنكون فى نفس الجامعه
بس ياريت تدخل يوم النتيجه عشان نطمن عليك
لو مش هتدخل ابقى ابعتلى الميل بتاعك على الخاص
لو مفيش اميل يبقى موبايل
ولو مفيش موبايل . . . يبقى ابعتلى العنوان بتاعك :d
ربنا يوفقك يا احمد وتحقق كل احلامك

FARIDA 2010

12-07-2009, 01:56 PM

السلام عليكم و رحمة الله و بركاته
أخ احمد ... انت انسان مميز و يمكن ادراك ذلك بمجرد التعامل معك بسبب ايجابيتك .. قوي الشخصية و ده ينبع من قوة تفكيرك و طريقة تعبيرك عنها ..و انت بين التواضع و الفخر فلا تنظر نظرة دونية الي نفسك و كذلك لا تعليها عن قدرها . انت انسان تعلم قيمة نفسك جيدا . يتضح عليك التدين و التمسك بالله . حسن التقدير للناس و تعلم كيف تتعامل معهم .. محب للصداقة و الاصدقاء . وفي مخلص لأصدقاءك و تعلم كيف تنتقي الفاظك للتعبير عن شعورك ناحيتهم او شعورك ناحية اي شئ اخر.. انت نوعا ما متفاءل باستثناء( اني راحل) :). و اهم صفة لاحظتها انك سريع التأثر بالاخرين. تجمع بين الطموح و القناعة . التفاؤل و الواقعية . الصراحة و الادب .التواضع و تقدير الذات....
الا انك انت لست منافق ابدا ابدا و لديك طريقة سحرية تجعل كل شخص يعرف مكانته عندك فأنت كما قلت انسان مميز و من النادر ايجاد مثلك .. ممكن حد يستغرب ازاي كل الصفات دي عرفتها عنك و الاجابة ان الاسلوب و الكتابة فعلا تكشف حاجات كتير زي الصوت بالظبط و بعدين الكتاب الكبار تعلم الناس بعض صفاتهم من خلال كتاباتهم.. و انت من الناس سهل تذكرهم و صعب نسيانهم لان صفاتك تدل علي بيئة و اسرة اقل ما يقال عنها محترمة بالظبط زيك..
و لكن هي الحاجة اللي مضايقاك فعلا تمنعك من التواصل معنا؟؟ من فضلك فكر تاني !!
انا مقصدش التطفل او الفضول و الله و لكن السؤال نابع من رغبتي انك تستمر معانا!!
و السلام عليكم و رحمة الل و بركاته

ياسمينايا

12-07-2009, 02:16 PM

The Philosopher

12-07-2009, 02:31 PM

الموضوع رااااااااااائع

انت فعلا محترم جدااا يااحمد ربنا يوفقك

مع انك لم توجهي لي رساله بس يالا كانها وصلت ههههه
أولا كونى مش وجهت ليكى رسالة فانا أسف لده بس بصراحة ومن غير نفاق انا كنت بفكر بس فى الناس اللى كانوا قريبين منى
بس انتى من نفس محافظتى
ممكن اقولك نصيحة بس ياريت تتقبليها بنفس راضية
أختى مش تحاولى أنك تردى على أحد لايحترمك ولايقدر قيمتك (طبعا فاهمه قصدى )
أنى أحبك فى الله وعمر بيتى م هيكون جنب بيتك لانى مش من المنصورة

The Philosopher

12-07-2009, 02:34 PM

ربنا يوفقك يا دكتور احمد
وتبقى صيدلى كبير ان شاء الله
ويوفقك يادكتورة تقى ويكرمك
وتبقى صيدلانية زى ماأنتى كاتبه

The Philosopher

12-07-2009, 02:43 PM

اولا ياريت تكون حكاية الوداع دى مؤقته

والله ياأخى هى احتمال تكون مؤقتة بس مش أكيد بس وجودى هنا هيسبب ألم وعذاب ليا ولبعض الناس وأنا مش هرضى بكده بس محتاج لفترة أعيد فيها تفكيرى فى علاقتى ببعض الناس
والله فراقكم صعب جدا بس عدم وجودى فى الفترة الحالية أفضل كثيرا من وجودى يمكن ده يكون أخر يوم أشوفكم فيه مش تحرمونى من أنى أتكلم معاكو

لانى بزعل بجد لما بشوف مواضيع زى دى خصوصا لو انا بحب العضو ده
والله يا احمد انت من الناس المحترمه جداااا
شكرا جدا ليك ياأحمد على هذه المجاملة الرقيقة وأنت عارف كويس أنى أحبك وأتمنى لك التوفيق
يمكن فى يوم كان بينا خلاف بس زى ما بيقولوا " لا محبه الا بعد عداوه "
بالنسبه للفيزياء كنت ولازلت بعشقها
يمكن انت حسيت غير كده لانى مش كنت بشارك فى منتدى الفيزيا
بس انا عندى اسباب لكده لكن انا كنت بحبها جداااااا
هو فعلا ده اللى كان بيوحى ليا بكده بس اعذرنى حاجة جت فى عقلى مش أكتر من كده وبعدين أسف
لاترمى الناس بالباطل
أسف كمان مرة وياريتك تقبل اعتذارى
و يا اخى شكراا على مجاملتك ليا
بص أنا عمرى م بقدر اجامل حد على حساب أحاسيسى ومشاعرى عشان مش عاوز أنزل من نظرى لنفسى
بس الحاجه اللى واضحه جداا فيك -على الاقل فى نظرى- انك دائما حزيــن
اعتقادى ان السبب . . . افتقادك لاصدقاء يكونوا قريبين منك
تقريبا كده
فياريت تحاول ان يكون ليك اصدقاء بجد وحاول تتغاضى عن عيوبهم عشان مفيش حد صفاته كلها جميله ( وانا اولهم)
وزى ما قولتلك قبل كده
ان شاء الله نكون فى نفس الكليه ولو مش كده
فغالبا هنكون فى نفس الجامعه
بس ياريت تدخل يوم النتيجه عشان نطمن عليك
لو مش هتدخل ابقى ابعتلى الميل بتاعك على الخاص
لو مفيش اميل يبقى موبايل
ولو مفيش موبايل . . . يبقى ابعتلى العنوان بتاعك :d
ربنا يوفقك يا احمد وتحقق كل احلامك

حاضر ياأخى هحاول أكون صداقات بس ده صعب
لأ العنوان بعيد عليك هحاول أعمل ايميل (بس أنا مش مقتنع بالفكرة دى )وهبعتوا ليك ياأحمد
شكرا ياأخى

The Philosopher

12-07-2009, 02:51 PM

FARIDA 2010

12-07-2009, 03:00 PM

السلام عليكم و رحمة الله و بركاته
شكرا لهذا الكلام اللى بتمنى بجد أن يكون فيا ولوحتى ربعه أو أقل من ربعه
يمكن موضوع انى راحل ده كان فى وقت وفى ظروف عمرى فى حياتى م مريت بظروف زيها وأتمنى أنى مش أمر بظروف كده تانى
بس على فكرة شكرا لأنك استمعت لنصيحتى وتخليتى عن كلمة أستاذ دى
ولتانى مرة بقولك احترامنا للغير مش لازم نظهره فى صورة كلمات وألفاظ ومش لازم نعبر عنه لأن مدلول احترامنا لأحد بيكون باطنيا وليس ظاهريا
شكرا على ردك الرائع
علي فكرة الكلام ده مش مبالغة ده فعلا بجد لانك انسان فعلا جدير بالاحترام و التقدير ممن حولك و انا اتمني لك السعادة و الهناء في كل حياتك و ربنا يكرمك و يرزقك ما تتمناه ...
و السلام عليكم و رحمة الله و بركاته

The Philosopher

12-07-2009, 03:00 PM

ميرسي لكلام حضرتك على الاعضاء احنا فعلا هنا اسره واحده واخوات كمان وانا تعلمت من المنتدى ده كتيير..
اما بالنسبه لشخصيه حضرتك..او وجهه نظري..
حضرتك انسان محترم جدا وبتتقي الله..ودي اهم حاجه..
متشائم (وده مش ينفع في الزمن الاحنا فيه..)
طموح نوعا ما..
نوع من الغموض..
بس هو ده القدرت احلله ,..لاني لسه جديده في قسم الاحيااء ..
وربنا معانا كلنا ويوفقنا ان شاء الله بجامييع كويسسه..:)
طيب لما احنا أخوات ليه حضرتك واستاذ وكده لازم تتخلى عن الكلمة دى دى أمنية بجد ياريت تعملى كده لأن الأخوات مفيش بينهم حضرتك وكده
يارب أكون زى ماأنتى بتقولى متدين والله الحاجة دى تكفينى عن كل الصفات يارب بجد اكون كده
الغموض ده ممكن أنتى مش تكونى بتفهميه لأنك زى مابتقولى جديدة فى تعاملك معى بس الناس اللى قريبين منى أوى يقدروا يفهموا الغموض ده

The Philosopher

12-07-2009, 03:04 PM

يمكن كل اللى رد مش بيشوف فى عيوب كتير لأن كل اللى ردوا مش قريبين منى أوى باستثناء أحمد وتقى
بس ياريت ياجماعة زى مابتكتبوا عن مميزاتى تكتبوا كمان (ودا اللى يهمنى والله ) عن عيوبى

Its My Life

12-07-2009, 03:11 PM

كلام كتير
والخط صغير
والالوان تجيب حول
مقرأتش حاجه
مش عرفه اقرا
جالي حول

ياسمينايا

12-07-2009, 03:15 PM

طيب انا هاتكلم بصرااحه ,,
هو انا متعوده انى اقوول حضرتك واستاذ دي من زماان ..في المنتدى ومش هاقدر اغيرها ..
يمكن العيب ان حضرتك بتضايق من الكلمه دي لان دي شخصيتي ومش عارفه بجد اغيرها ومش بعرف امنع نفسي اني اقوول الكلام ده..وعرفه والله ان احنا هنا في المنتدى زي الاخواات..
يمكن ده بس القدرت احدده..
واكيد الاعضاء لقريبين من حضرتك يعرفو يقولو العيوب اكتر مني...
المهم ان شاء الله التوفييق للجمييع..
وندخل الكليات الاحنا عايزينها ياارب..

ياسمينايا

12-07-2009, 03:18 PM

كلام كتير
والخط صغير
والالوان تجيب حول
مقرأتش حاجه
مش عرفه اقرا
جالي حول

هههههههههه..
ازيك يابوسي ..وعملتي ايه في الامتحانات..
مش عارفه يابوسي ليه بحس ان مش في حاجه عجباكي..!!!!!والف سلامه عليكي من الحول ياقمر..:d

Its My Life

12-07-2009, 03:21 PM

طب حد يديني نبزه مختصره عن الموضوع
بس بخط واضح شويه

ياله بسرعه
مش فضيه

The Philosopher

12-07-2009, 03:30 PM

طب حد يديني نبزه مختصره عن الموضوع
بس بخط واضح شويه

ياله بسرعه
مش فضيه
- الى بوسى (عمر كلمتك م وقفت فى زورى بس كنت بحب أضحك معاكى ياباشمهندسة ان شاء الله ربنا يوفقك ياريت تحولى تخلصى اسراء من توقيفها ده لأنها مش ليها ذنب )
هما الكلتين اللى فوق دول اللى كتبتهم عنك

Its My Life

12-07-2009, 03:34 PM

طب ممكن تفهمني اسراء وقفوها امتى أو ليه علشان أقدر اتكلم

The Philosopher

12-07-2009, 03:38 PM

السلام عليكم و رحمة الله و بركاته

علي فكرة الكلام ده مش مبالغة ده فعلا بجد لانك انسان فعلا جدير بالاحترام و التقدير ممن حولك و انا اتمني لك السعادة و الهناء في كل حياتك و ربنا يكرمك و يرزقك ما تتمناه ...
و السلام عليكم و رحمة الله و بركاته
شكرا جزيلا على مجاملتك الرقيقة ويارب أكون كده فعلا
يارب يوفقك ويجزيكى خيرا ويهديك الى السبيل المستقيم سبيل الخير والحب والامل والسعادة

The Philosopher

12-07-2009, 03:41 PM

طب ممكن تفهمني اسراء وقفوها امتى أو ليه علشان أقدر اتكلم
اسراء وقفوها عشان قالت لحد اسمه أينشتين أنه تافه لأنه كان عامل موضوع عايز يعرف الناس عايزاه يكون موجود ولالأ فهى قالت رأيها فيه بصراحة زى ماهى متعودة أظن ده مش فيه حاجة

Its My Life

12-07-2009, 03:47 PM

The Philosopher

12-07-2009, 04:03 PM

طب انا هاعمل موضوع في قسم الاقتراحات الي تحت
هاتكلم فيه عن الحكايه دي
بس بشرط
تيجوا تتكلموا معايا
مش كل مره تصدروني في وش المدفع
بس متعرفش مين الاداري الي وقفها؟؟؟؟؟؟
اكيد الي وقفها حذف الموضوع
ممكن تكون الاداريه (طمعانه في رضاك يا رحمن)
لو هي قولي بسرعه
أنا أول واحد هكون معاكى
أولا الموضوع مكنش اتحذف لحد ماأنا شفته بس تم نقله لقسم أخر وبعدين تقريبا اتحذف هناك
هو الموضوع كان مليان بكلام لايليق
ألفاظ لايمكن أن توصف حتى
اعملى الموضوع دلوقتى وأنا معاكى

واحدة وخلاص

12-07-2009, 04:57 PM

ليه يا ابنى كده هتمشى ليه انا بجد اتعودت عليكم كلكم وبعدين لو حد زعلك عادى سامحه علشان كلنا اخوات وانت من الناس اللى متعاملتش معاهم بس من خلال مشاركاتك اعرف انك انسان محترم والمنتدى ده مش بتاع حد معين

روءة فوزى

12-07-2009, 08:09 PM

انا شكلي كدة وصلت متأخر
بس انا مش عايزة اشوف احمد كدة
وان شاء الله كل حاجة هتبقي تمام بس من غير وداع

The Philosopher

12-07-2009, 08:19 PM

The Philosopher

12-07-2009, 08:27 PM

شكرا ياسراء على ردك
وتمنياتى بالتوفيق
وربنا يسهل

FARIDA 2010

12-07-2009, 09:12 PM

السلام عليكم و رحمة الله و بركاته
أخ احمد.. انا بحاول اساعدك في حل مشكلتك ( و اللي ماعرفش هي ايه ؟ ) و لكن مساعدتي ليك حتكون بأني اعرض عليك طرق لحل المشاكل
اولا طبعا انت انسان مؤمن فلا تيأس من رحمة الله .. اذا كان شخص معين اتخدعت فيه و اكتشفت ده.. احمد ربنا انه كشفهولك و نورلك بصيرتك!!
اما لو كانت مشكلة ممكن تتحل فلا تعتقد ان البحث عن الحل مستحيل !! لأ ابدا .. دايما في حل لكل مشكله و لو مش شايفه دلوقتي .. صدقني حتشوفه في الوقت المناسب
و لو كنت اتخليت عن غاياتك في سبيل اسعاد الاخر حتي تحصل علي القبول فأنت انسان نبيل و ان لم يقدرك هذا الشخص فهو لا يستحقك!!
و علي حسب مشكلتك.. ممكن تلجأ للمناقشة والمواجهة بحثا عن حل يرضيك ويرضى الطرف الاخر ..
و صدقني بجد مافيش مشكلة ملهاش حل حتي لو الحل صعب علينا فبيبقي موجود بس ساعات احنا اللي بنبقي مش عايزين نشوفه ... و قبل ما تبدأ كلامك للمواجهة تأكد ان الله سبحانه و تعالي يعينك ( اذا كنت علي حق) و في حكمة بتقول ( اللي ربنا معاه.. مين عليه؟؟) و قل في قرارة نفسك ... ( دخلت عليك بلا اله الا الله و لجمتك بمحمد رسول الله ) و ستجد ان الله سبحانه و تعالي يسدد خطاك و يعينك علي الحق !! اتمني اكون ساعدتك....
و السلام عليكم و رحمة الله و بركاته

ياسمينايا

12-07-2009, 09:18 PM

The Philosopher

12-07-2009, 10:24 PM

FARIDA 2010

12-07-2009, 10:49 PM

السلام عليكم و رحمة الله و بركاته
انا بحاول اقدم حاجة و لكن مش عارفة..و لكن كل اللي اقدر اقوله ان المؤمن مبتلي و ان كان الله ابتلاك بهذه المشكله فعشان بيحبك و بيرفع من قدرك و درجاتك عنده و تذكر ان فرعون لم يبتلي بشئ في حياته و ان الانبياء كانوا اكثر الناس ابتلاء في حياتهم ثم من يليهم في العظمة و القدر عند الله عز و جل..
و تذكر ان ( اذا اشتد الكرب هان ) و اشد ساعات الليل ظلمة هي ما قبل طلوع الفجر..
ربنا يصبرك و يقويك و يعينك بالحكمة لحل مشكلتك و لكن لازم تكون اقوي منها و تقدر عليها و تكافح و تناضل و تاخذ قرار في حلها و زي ما انت قلت
ولكن كما قلت تحكم علينا أقدرانا بمالانهوى ولانحب وعلينا أن نستجيب دون اباء أى حزن لأن الأيام لن تتركنا اذا أحست منا الضعف يجب علينا أن نتماسك
علينا ان نتماسك!!!!!!!!!!
اللهم اني اسألك بأنك انت الله لا اله الا انت وحدك لا شريك لك الواحد الاحد الفرد الصمد الذي لم يلد و لم يولد و لم يكن له كفوا احد ان يفك كربك و يشرح صدرك و يلهمك الصبر و القوة و البصيرة و ان يعينك في شئون دنياك و اخرتك...
تقبل مروري
و السلام عليكم و رحمة الله و بركاته

The Philosopher

12-07-2009, 11:10 PM

اللهم اني اسألك بأنك انت الله لا اله الا انت وحدك لا شريك لك الواحد الاحد الفرد الصمد الذي لم يلد و لم يولد و لم يكن له كفوا احد ان يشفى كل مريض ويرزق خير من فى الدنيا الخير والشفاء ويلهمنى واياه الصبر ويرد عنا البلاء ويفرج كربنا ويهدينى الى الصواب

كريم ايمن مصطفى

12-07-2009, 11:13 PM

استاذ احمد زى ما انت بتقول ان اصعب لحظة هى لحظة ما بتفارق ناس بتحبهم واتعودت عليهم بس لو انت بتحبهم بجد مكنتش رحلت بهذه الطريقة لاى ظرف من الظروف ده انت زى ما تكون عامل حفلة وداع يا راجل. انت كاتب كلام كتير اوى مضمونه ان انت مش حتكمل فى المنتدى بس انت زعلت الناس اللى بتحبك وشىء مش كويس انك تخلى الناس تتحايل عليك لو بجد عايز تتواصل معاهم وزعلان ان انت حتفارقهم ممكن تاخذ نمر موبايلتهم بس انا حاسس ان انت اردت انك تحس ان الناس حتفتقدك. متزعلش منى ده مجرد راى بس رغم ذلك كلامك يدل انك شخصية تجيد التعامل مع كل الناس بس مش عارف انت ليه بتميل للكلام الطويل كده!!

محمد ممدوح سعيد

12-07-2009, 11:15 PM

عايز أعرف حاجة..........

هو أحمد عضو جديد ولا إييييييييييييه ؟؟؟؟

وإمتي عرف كل الأعضاءءءءءءءءءءءءءءءءءءءء دول ؟؟؟؟؟؟؟؟؟

أنا في المنتدي ده من شهر أبريل ومش شفت عضو إسمه أحمد

وأول مرة عرفته كان في موضوع (إني رااااااااااااااااااااحل)

يا ريت ترد عليا

The Philosopher

12-07-2009, 11:15 PM

السلام عليكم و رحمة الله و بركاته
انا بحاول اقدم حاجة و لكن مش عارفة..و لكن كل اللي اقدر اقوله ان المؤمن مبتلي و ان كان الله ابتلاك بهذه المشكله فعشان بيحبك و بيرفع من قدرك و درجاتك عنده و تذكر ان فرعون لم يبتلي بشئ في حياته و ان الانبياء كانوا اكثر الناس ابتلاء في حياتهم ثم من يليهم في العظمة و القدر عند الله عز و جل..
و تذكر ان ( اذا اشتد الكرب هان ) و اشد ساعات الليل ظلمة هي ما قبل طلوع الفجر..
ربنا يصبرك و يقويك و يعينك بالحكمة لحل مشكلتك و لكن لازم تكون اقوي منها و تقدر عليها و تكافح و تناضل و تاخذ قرار في حلها و زي ما انت قلت
علينا ان نتماسك!!!!!!!!!!
اللهم اني اسألك بأنك انت الله لا اله الا انت وحدك لا شريك لك الواحد الاحد الفرد الصمد الذي لم يلد و لم يولد و لم يكن له كفوا احد ان يفك كربك و يشرح صدرك و يلهمك الصبر و القوة و البصيرة و ان يعينك في شئون دنياك و اخرتك...
تقبل مروري
و السلام عليكم و رحمة الله و بركاته
شكرا جزيلا ياأختى
وياريت تدعى لحد غالى عندى جدا بهذا الدعاء وأن تدعى له بما هداكى الله من علمه الغزير بأن يرحمه ولايشقيه يسعده ولايبكيه يشفيه ويرده لى فى حالة أحسن مما كان فيها

The Philosopher

12-07-2009, 11:16 PM

FARIDA 2010

12-07-2009, 11:19 PM

انت حموكشة عبده؟؟؟؟؟؟؟

محمد ممدوح سعيد

12-07-2009, 11:22 PM

ياعم محمد أنا حموكشة ياسيدى بس عملت عضوية جديدة يعنى

يانهاااااااااااااااااااااااااااااار أبيض

بجد إنت حموكشة...............

فينك يا راجل من زمااااااااااااااااااااااااااان ؟؟؟؟؟

وااااااااااااااااااااحشني

وأنا آسف مش كنت أعرف إنك حموكشة

The Philosopher

12-07-2009, 11:23 PM

أيوه بس بصى لو كان عملك اى حاجة ديقتك مش تزعلى واعذرينى أسف جدا

حموكشة عبده

12-07-2009, 11:30 PM

بصوا كلكم أنا مش طالب من أى حد غير أنكم تدعوا وبصدق لحد بحبه جدا حد أنا أصلا مش عارف فيه ايه
ادعوله ربنا يخليكم ويجزيكم خير

Dr/antibiotic

12-07-2009, 11:37 PM

ربنا معاه ومعاك يا احمد يا رب
اللهم امين

The Philosopher

12-07-2009, 11:48 PM

يارب يخليك
ادعوله والنبى ده مش يستاهل غير كل خير

FARIDA 2010

12-07-2009, 11:48 PM

السلام عليكم و رحمة الله و بركاته
قال رسول الله صلي الله عليه و سلم : ( مامن عبد مسلم يعود مريضا لم يحضر اجله فيقول سبع مرات : اسأل الله العظيم رب العرش العظيم ان يشفيك الا عوفي )
عن علي بن ابي طالب رضي الله عنه قال : سمعت رسول الله صلي الله عليه و سلم يقول: ( اذا عاد الرجل اخاه المسلم مشي في خرافة الجنة حتي يجلس فاذا جلس غمرته الرحمة فان كان غدوة صلي عليه سبعون الف ملك حتي يمسي و ان كان مساء صلي عليه سبعون الف ملك حتي يصبح )
ادعوا لاخوكم بظهر الغيب فان الملائكة تؤمن و تقول : و لك بالمثل!!!
اما انت يا أخي احمد فاقرأ هذا الدعاء:
دعاء فك الكرب:
لا اله الا الله العظيم الحليم لا اله الا الله رب العرش العظيم لا اله الا الله رب السماوات و رب الارض و رب العرش الكريم . اللهم رحمتك ارجو فلا تكلني الي نفسي طرفة عين و اصلح لي شأني كله لا اله الا انت . لا اله الا انت سبحانك اني كنت من الظالمين. الله الله ربي لا اشرك به شيئا
و السلام عليكم و رحمة الله و بركاته

ياسمينايا

12-07-2009, 11:56 PM

اها هو حضرتك حموكشه عبده..

روءة فوزى

13-07-2009, 12:19 AM

اها هو حضرتك حموكشه عبده..
اه يا ياسمينا
هو حموكشة عبده واحمد محمد عبدالله وليه يا دنيا
بس هو بيحب التغيير:)

ياسمينايا

13-07-2009, 12:31 AM

اه يا ياسمينا
هو حموكشة عبده واحمد محمد عبدالله وليه يا دنيا
بس هو بيحب التغيير:)

ههههههههههه تسلمي يارؤه على التوضييح الجامد ده,..

The Philosopher

13-07-2009, 09:38 AM

بسم الله الرحمن الرحيم
السلام عليكم ورحمة الله وبركاته
أنا عارف أنى قلت أن امبارح أخر يوم هدخل هنا وهوفعلا كان كده بس لما قلت أنى حموكشة حسيت أنى لازم أوضح كام حاجة كده ودى هتكون أخر مشاركة ليا
1-أولا لازم الكل يعرف أنى لما كنت بعمل عضوية جديدة مش كان قصدى أنى أتخفى فى زى جديد ولاحاجة على فكرة كل الناس اللى أنا كاتب أساميهم فى الأول يعرفوا أن أحمد هو حموكشة هو ليه يادنيا وهو أنا كمان أنا أصلا كنت كتبت ده قبل كده فى قسم الفيزياء بوضوح بس عشان الأخت فريدة والأستاذة ياسمينا مش بيدخلوا قسم الفيزياء فمش كانوا يعرفوا ده بالرغم من أنى فى موضوع أنى راحل كان من السهل جدا أنهم يعرفوا أن التلاتة واحد لأنى كتبت بأحمد وبعدين دخلت بحموكشة وقلت أه نسيت وكملت أكيد كده واضح أن الاتنين واحد كمان كان التوقيع نفس التوقيع بالضبط
2- أنا بعمل كده ليه لعدة أسباب يمكن زى ماروءة قالت لأنى بحب التغيير كمان لانى مكنش عجبنى الاسمين دول ولأنى كنت عايز أسجل باسمى الحقيقى
على فكرة عاشقة التحدى هى كمان بالرغم من أنى مش كتبت اسمها تعرف أن الاتنين واحد كمان الأخ أينشتين
يعرف ده لأنه بيروح قسم الفيزياء
3- أنا عمرى م عملت حاجة وندمت عليها غير أنى دخلت فى حوار مع حد غير محترم اسمه عادل ربيع
4- لما دافعت عن اسراء ده لأنى بعتبرها زى أختى وأنا عندى 3 أخوات بنات مش هقبل أن حد يقولهم كده مش هقبل أن حد يسخر منهم ويستهزىء بيهم ويدخل فى خصوصيتهم ويشمهم ويهزقهم وأن واحد يقولها معايا رقم الموبايل بتاعك وجيلك وهوريكى وكده
دى الحاجة اللى عملتها ولو الزمن رجع هعملها تانى ومش عشان أبين شهامتى ولارجولتى ولاكده بس عشان الأسباب اللى وضحتها فوق
أخيرا سلام عليكم ورحمة الله وبركاته

هنا إبراهيم

13-07-2009, 11:00 AM

يا جمااااااااااااااااااااااااااااااعة

هو كده ينفع

انا اول مرررررررررة فى حياااااااتى اشووووووف اخوووووووووووووووووووووووووووات كده بصراحة

لو حد زعل واااحد يروح يقول انه مش هيدخل المنتدى تاااااااانى

يا احمد

اولا انا اسفة جدااااااااااااااااااااااااااا جداااااااااااااااااااااااااااااااااااااااااااااااا لانى فى مرة زعلت منى فيهاااااااااااااااااا

ثانيا بقى هتخرج ليه؟؟

يعنى نحلف يعنى علشااااااااااااااان مش تخرج

وبعدين لما تخرج انا هعرف منين انك دخلت صيدلة ان شاء الله

وبعدين عاااايزة اشووووف الصيدلية بتاااعك علشان اعمل بتاعتى جنبك

واقطع علييييييك بقى

ومش عااايزة اشوف موضووووووووع تانى

اسمه مثلا وداعا ولا اى حتاجة تانى زى ده

علشان هيكون فيها كلام تانى

اووووووووووووكى؟

Its My Life

13-07-2009, 11:09 AM

احم
باقولكوا ايه يا جماعه
كفايه لحد كده
علشان الموضوع بأه علني الوقت

a7mad3ali

13-07-2009, 12:27 PM

أيا احمد ان قضي الله بالنوي فثم عهود بيننا ومواثـــــــــــق
فلا تذكرها للنسيم فــــــأنه لأمثالها من نفحه العطر سارق
:d
نخش في الموضوع علي طول احسن
بص يا احمد يمكن متكنش علاقتنا هنا اكتر من كلام حد يقراه والتاني يرد عليه الا انك من الناس اللي بحترمهم جدا علي المنتدي عشان كده انا حبيت اني اشارك واعلق علي بعض كلامك
اول حاجه انا هتكلم عن شخصيتك من وجهه نظري
انا شايف انك انسان كويس جدا ومحترم وذكي وفيك حاجات حلوه كتير الناس اللي قبلي قالوها ده بالنسبه للميزات اما بالنسبه للعيوب فصعب ان الواحد يعرف عيوبك الا لو عاملك في الحقيقه عشان كده انا معرفش عيوبك لكن انا عايز اتكلم في نقطه واحده بس من جهه العيوب والنقطه ديه انا شايفها اكبر ميزه فيك لكن للاسف هي ممكن تبقي اكير عيب برده وهي الصراحه الزايده او زي مبتسميها انت عدم النفاق !!!!
طبعا محدش يستغرب ويقولي هو عدم النفاق بقي عيب دلوقتي؟؟؟ هو عدم النفاق مش عيب لكن لو جينا نسمي اللي احمد بيعمله مش هيبقي اسمه عدم نفاق هيبقي اسمه عدم مراعاه شعور الاخرين او حاجه من النوع ده وانا عارف انك مش هتزعل من كلامي يا احمد لانك بتحب الصراحه
بس فانا كنت ارجو منك انك مش كل حاجه لازم تبقي صريح فيها مينفعش لو واحد غبي مثلا تقوله انت غبي مبتفهمش او كده وتقول انا صريح طبعا انا بضرب مثل مش بقول انت عملت كده
وحتي الرسول صلي الله عليه وسلم جعل مواقف يجوز فيها الكذب وهما تلات مواقف
1- انك تكذب لكي تصلح بين اثنين متخاصمين
2-انك تكذب علي العدو في الحرب عشان متقولوش علي معلومات
3-ان الشخص يكذب علي مراته (طبعا مش في اي حاجه يعني الكذب اللي يخلي الحياه الزوجيه تستمر يعني لو هي وحشه مثلا يقولها يا قمر كده يعني:d) طبعا انا مش بهزر في الكلام اللي فات ده ده صحيح
انا قلت كل اللي فات ده عشان اثبتلك انك مش لازم تبقي صريح اوي لدرجه انك تزعل اللي قصادك (في كلام كتير تاني كنت عايز اقوله في النقطه ديه بس انا رغيت كتير فنقفل علي كده بالنسبه للنقطه ديه

a7mad3ali

13-07-2009, 12:33 PM

في كلام تاني كنت عايز اقوله بس كنت بعمل حاجه فدست علي اعتمد المشاركه غصب عني:blush:
ع العموم ابقي اكملك بقيت كلامي بعدين لان الظهر اذن ولسه هنزل اصلي وبعد الصلاه بفطر وحاجات كتير بتحصل:d
بس يارب تدخل وتقرا الكلام ده برب

Its My Life

13-07-2009, 12:39 PM

على فكره يا جماعه انا كمان مشيه وهسيب المنتدى
بس بعد النتيجه
أول مااستاذ عصام يبعتلي النتيجه محدش هيشوف وشي هنا تاني
بس انا مبحبش مواضيع الوداع دي
ياله سلام مقدما

maryam.s

13-07-2009, 01:25 PM

بجد حضرتك(معرفش الغيها من قاموسي فى المنتدى)انسان محترم وذكى جدا ولقيت الكلمات ديه ممكن تفيد حضرتك(لو قراتها يعنى) وكمان تفيدنا كلنا
على قدر عطائك يفتقدك الأخرون

العطاء.. برواز واحد.. لصور عديدة
صور مختلفة.. متفاوتة
ترمى كلها لرسم الابتسامة على القلوب والتفاني من أجل ذلك
نحن عندما نعطي
في الواقع لا نعطي.. ولكننا نأخذ
نأخذ تلك المشاعر الممتنة ممّن أمددناهم بعطائنا
فنسقي بها عطش قلوبنا لترتوي من ذلك الفيض
..فيض العطاء

*******

فما هو العطاء؟

العطاء أن تقدم لغيرك ما تجود به نفسك.. من غير سؤالهم إياك
العطاء أن تبادر بتقديم كل ما تستطيع لمن تحب، لتعطيه رسائل مباشرة وغير مباشرة بين الحين والآخر.. لتعلمه بمدى مكانته عندك.. ومدى تقديرك وحبك له
العطاء أن لا تعيش لأجل نفسك فقط
العطاء هو المنح.. أن تمنح الآخرين مما لديك
العطاء أن لا تنظر لقيمة ما ستعطي ولكن أن تنظر إلى مقدار ما سيحدثه ومدى تأثيره
العطاء.. مادي ومعنوي ، والتنويع بينهما أمر جميل ولكن الأجمل لو قدمت كل منهما بفن.. فتعطي عطاءً مادياً بقالب معنوي صادق
العطاء نهر لا يتوقف ..وبحر لا ينضب
العطاء أن تفرح بفرح من حولك لما قدمته له
العطاء الحقيقي حينما تعطي ولا تنتظر أي مقابل
العطاء الصادق حينما تعطي دون أن تشعر أنك مرغم على ذلك

*******

صور للعطاء

عطاء الأم والأب

أكبر مثال للعطاء في الكون
فهو بلا توقف.... بلا دوافع.. بلا أسباب.. بلا مقابل.. مادي ومعنوي.. كله تضحية وتفاني وحب

عطاء المعلم

ولكن ليس أي معلم.. إنما المعلم الذي يتفانى في توصيل المعلومة بتفاعل مع الطلاب ، يسمع لهم.. يحاورهم ويناقشهم

يشرح ليس لأنه عمله فقط، ولكن لأن ذلك ما تملي عليه إنسانيته

وهو أن يقدم ما يستطيع ليغرس الفائدة في قلوب وعقول طلابه

عطاء الصداقة

أن تقدم النصح بكل صراحة لصديقك عندما يحتاج.. أن تقدم له وجودك معه في أصعب الللحظات.. تسانده تساعده

أن تجعل وجودك معه يغنيه عن كل شيء

أن تعطيه أذناً وقلباً ينصت لهمومه ومشاكله.. وفكراً يعينه على حل تلك المشكلات

أن لا تجعله يبحث عنك عندما يحتاجك .. ولكن أن تكون بجانبه وقت حاجته لك

أن تكون وقت فرحه أول المهنئين.. ووقت حزنه أول المستندين

أن لا تنتظر مناسبة لتعبر عن مكانته عندك وحبك له .. فاجئه دائماً بهدية، رسالة.. موقف لا ينساه ، خاطرة تكتبها تدخل بها السرور على قلبه

أن تقترح المساعدة وتبادر بها قبل أن يطلبها منك

عطاء المحرومين

هل جربت يوماً أن تعطي يتيماً لمسة حنان؟ اهتمام؟ عطف؟

هل جربت يوماً أن تفرح مسكيناً بهدية أو عيدية ؟! أو أي شيء مما تجود به يداك ونفسك على من حرم مما أعطاك الله

عطاء المحبين

كل إنسان معطاء.. هو إنسان محب

ومن أحب سيعطي من أحبه كل شيء.. وأي شيء.. ليسعده
وعلى اختلاف أنواع الحب.. فإنها تحتوي جميعاً على العطاء

فعطاء الحب يتضمن عطاء الأبوين والصداقة وعطاء المعلم، فلو لم يحبوا لما أعطوا

وعطاء الحب.. أن تشعر شريكك أنك دائماً تريده وأن تشعره بحبك بلمسات بسيطة، وأن تحسسه باهتمامك بكل ما فيه من تفاصيل وبكل ما يقول وكل ما يشعر به وكل ما يفكر به.. وأن يكون لديك الشغف دائماً أن تبحر في أعماقه.. وتعرف المزيد عنه

عطاء الحب.. أن لا تبخل بإحساسك ولمساتك ووجودك واهتمامك على من تحب ، ولا حتى بكلماتك الرقيقة ومشاعرك الصادقة تجاهه

*******

همسات ووقفات عطائية

من لا يعطي.. وجوده وعدمه سواء

على قدر عطائك يفتقدك الآخرون

من لا يفرح بعطائنا.. بكل بساطة ..!! هو لا يستحقه

من يستحق العطاء.. هو من يفرح بأقل ما أعطيناه.. بل ويراه بعدسة مكبرة .؟؟

لا تفرح بما أعطاك الآخرون فقط ولكن افرح أنك مررت لحظة في تفكيرهم

*******

هل تريد أن تعرف قيمتك لدى الآخرين؟

انظر ما مدى عطائك لهم

من لايشعر بعطائنا أو لا يقدره ..؟

إما أن لديه أسباب تمنعه من ذلك أو هو إنسان بلا شعور

الإنسان المادي.. هو من لا يؤثر فيه إلا العطاء المادي

قد يصل الإنسان لمرحلة يعطي فيها كل من حوله من يحبهم ومن يعرفهم فقط .. لأنه أدمن العطاء ..فلم يعد يرى وجوده إلا من خلال انعكاس تصرفاته على من حوله.. يفرح لسعادتهم ويسعد بتقديم العون

عندما تكون شخصاً معطاءً.. فإنك لا تنتظر العطاء من غيرك . بل تبادر به أنت.. لعلّك تذكر من حولك.. فيقتدوا بك.. وتؤثر عليهم

ويبقى العطاء المادي شيء ملموس.. فلا بد منه بين حين وآخر

وأخيراً لا تنسى احتساب الأجر من الله

*******
منقووووووووول طبعا

maryam.s

13-07-2009, 01:35 PM

dr.only hope

13-07-2009, 02:43 PM

بسم الله الرحمن الرحيم
السلام عليكم ورحمة الله وبركاته
عندما يحكم عليك القدر أن تجتمع بناس لاتعرفهم ثم تجمع بينك وبينها بعد ذلك مشاعر من الحب والاحترام وتمنى الخير فتكون أيها الانسان سعيدا حقا وأى سعادة ستملىء تلك السعادة كل جوانبك وستملك نفسك ولكن عندما يحكم عليك القدر أن تفارق هؤلاء الناس فأظن أنه فى تلك الحالة ستكون أيها الانسان أتعس من فى الوجود والأكثر حزنا ولكن لن يفيد هذا الحزن فقط عليك أن تتماسك وتحاول أن تبدأ حياتك من جديد
the heart goes on but the life also goes on
ولكن يبقى التساؤل هل لك أيها النسان أن تجد أناس أخرون يتعاملون معك بنفس هذا الحب والاحترام هذا فى علم الغيب اه طبعا يا احمد هتلاقى اللى يحبوك زى ما بتحبهم واكتر كماااااان صدقنى
فهمت يا احمد الحب جميل فى حد ذاته بس بنحب مين هما يستاهلوا الحب دا ولا لأ
أخوانى وأخواتى أصدقائى وأحبائى ورفاقى أعضاء هذا المنتدى شكرا جزيلا لكم على مافعلتموه من أجلى وعلى مشاعر الحب والاحترام التى سادت بيننا انى أحبكم فى الله ولكن كما قلت تحكم علينا أقدرانا بمالانهوى ولانحب وعلينا أن نستجيب دون اباء أى حزن لأن الأيام لن تتركنا اذا أحست منا الضعف يجب علينا أن نتماسك
أحب أن أوجه كلمة لكل من أحبهم هنا كلمة أعبر له فيها عن خالص شكرى وتقديرى واحترامى وحبى له
1- الى انسان يعلم نفسه جيدا (شكرا لك على مافعلته معى فقد جعلتنى احيا أسعد وأتعس لحظات حياتى أتمنى لك الخير كنت وسأظل أحبك جدا كنت وسأظل مخلص جدا لك يارب أنت المطلع على كلامى وتعلم أنه من داخل أعماق قلبى )
2- الى روءة فوزى (كنتى أروع وافضل وأحسن أخت الواحد ممكن يتمنى زيها شكرا جزيلا ليكى ياأختى وربنا يكرمك ويوفقك فى حياتك القادمة ويارب تكونى قريبا الدكتورة اسراء مهما اتكلمت مش هقدر أوفى ليكى حقك )
3- الى اسراء (ولايهمك ياأختى وقفوكى عادى أنتى مش عملتى حاجة غلط أنتى حد محترم جدا بس مش بتحبى النفاق وبتحبى تكونى تلقائية فى مشاعرك ربنا يجزيكى الجنة ويجزيكى خيرا فى دنياكى وتكونى بردوا الدكتورة اسراء )
الله يكرمك يا احمد شكرا على ذوقك بس فرفش بقى ويا رب ندخل الجنة كلناااااااااااااااا ان شاء الله
4- الى هنا (أوعى تكونى زعلانة منى لأى سبب من الأسباب تمنياتى بالتوفيق أنى أحبك فى الله ياأختى وان شاء الله قريب أوى تفتحى الصيدلية )
5- الى محمد maiay (انسان طيب جدا ومحترم جدا حد يتحب من أول ماتعرفه شكرا يامحمد وان شاء الله قريب تكون المهندس محمد )
6- الى أحمد سكوربيون (ذكى - جميل -محترم - فيه سؤال هو أنت مش كنت بتحب الفيزياء ولاايه -بس شكرا على كل حاجة عملتها معايا ياأخى )
7- عبدالرحمن وكريم klmnopq (مش كدبت ولانافقت وانا بتحدث عنكم انتم تستهلوا أكتر من كده ويارب أكون فى نص أخلاقكم بحبكم فى الله )
8- الى بوسى (عمر كلمتك م وقفت فى زورى بس كنت بحب أضحك معاكى ياباشمهندسة ان شاء الله ربنا يوفقك ياريت تحولى تخلصى اسراء من توقيفها ده لأنها مش ليها ذنب )
9- الى مينا (متواضع - ذكى جدا - سلس فى تعامله مع الغير وغير متكبر )
10- الى أحمد ميسترى ( شكرا لكل حاجة أنى أحبك فى الله )
11- الى الأستاذة فريدة والأستاذة ياسمينا (شكرا لمجهودتكم الرائعة وجزاكم الله ماهو خيرا لكم )
12 -الى نجمة الفضاء وفدوة(ناس محترمة وطيبة جدا )
3 1- الى باقى الأعضاء ( شكرا لكل حاجة تمنياتى بالتوفيق )
بس كنت عايز أعرف وجهة نظركم فيا بس مش عشان فشخرة وكده بس عشان أعرف أحلى ,اوحش حاجة فيا بس عشان أصلح من نفسىو اقوم ذاتى لأن الانسان مهما عمل مش ممكن يعرف كل عيوبه ومميزاته
بس أعرف عشان أحافظ على الحاجات الحلوة وأتخلص من الحاجات الوحشة
بس بموضوعية وبصراحة وبدون نفاق وعمرى م هزعل من حد يقول رأيه بصراحة
مش عارف أقول ايه بس شكرا جزيلا
حبيتكم جدا تذكرونى بخير
والسلام عليكم
اولا مفيش شكر بين الاخوات يا احمد والله
ثانيا مميزاتك ان حضرتك محترم مؤدب متدين مثقف وشاطر فى الدراسة
عيوبك انت يا احمد حزين دايما بتبص على نص الكباية الفاضى يعنى متشائم ودا مش كويس يا احمد قال رسول الله تفاءلوا بالخير تجدووووووووووه والله التفاؤل بيبجيب خير
وكمان انت حساس ودى ميزة بس قلتلك قبل كدا لما تزييييييييد تبقى عيب فى زمننا دا
انت بتحب الناس اوى ودا كويس بس لما ما تلاقيش رد فعلا يبقى لأ نفكر يستاهلوا ولا لأ

Its My Life

13-07-2009, 03:20 PM

ليه يابوسي مش هتكملى فى المنتدى ؟؟؟؟؟؟؟؟؟ده جااااامد جدا وياريت تخليكى
لو هتعملى او عملتى موضوع لاسراء قوليلى عشان ادخل معاكم على فكرة المشرف محمود طه اظن هو اللى وقفها ولو تعرفى تعملى اى حاجة وارجع اسمي تانى لمريم سامى او اخترعى معايا اى اسم تانى لانى بجد اتشليت من الحالمة ده وكل ما اطلب اسم يطلع موجود حتى اسمي الاصلى لدرجة انى بدات اشك فيهم
اوك يا حبيبتى؟؟؟؟؟؟ ياريت تدخلى وتقراى الكلام ده وتفتكرى اننا لسة عايزينك الا لو انتى مش عايزة
سلاااااام
خلاص بأه يا مريم هتخليني اعيط
ياله هتيلي ميلك بس في رساله خاصه
بس على فكره المنتدى مش جامد ولا حاجه
ده ظاهر بس
لكن لو تعمقتي فيه مش هتلاقي كده خالص
ونصيحه مني متتعمقيش فيه
على فكره انا معملتش موضوع لاسراء انا كلمت الاداري الي وقفها على الخاص وبس وطلع طيب أوي
وبالنسبه لاسمك دلعيه شويه وهو هينفع ان شاء الله
وطبعا انا عيزاكم وباحبكم اوي بس ممكن نتواصل بأي طريقه تنيه انما المنتدى مقدرش أفضل فيه اكتر من كده
في اسباب كتير تمنعني من اني أفضل فيه
اوووووووووووووووووووووك
هستنى ميلك بأه

Its My Life

13-07-2009, 03:22 PM

شكلك زي العسل يا اسراء وانت منوره الموضوع كده
طب مفيش ازيك يا بسمة عمله ايه أي حاكه كده
ولا احنا اصحاب كده وكده ولا ايه

earth

13-07-2009, 03:30 PM

يا جماعة صلوا على النبى

ليه تمشوا
المنتدى ده احسن من غيره صدقونى
وانا مش بحب اشوف حد بيمشى
بجد بزعل

لو سمحتم فكروا تانى

Its My Life

13-07-2009, 03:37 PM

يا جماعة صلوا على النبى

ليه تمشوا
المنتدى ده احسن من غيره صدقونى
وانا مش بحب اشوف حد بيمشى
بجد بزعل

لو سمحتم فكروا تانى

على فكره المنتدى فعلا احسن من غيره
بس الي هيسيب المنتدى مش هيروح لغيره
أو اتكلم عن نفسي يعني
أنا هاسيب النت كله مش المنتدى بس
المنتدى ده زي مفيه حاجات حلوه كتير فيه حاجات وحشه اكتر
بس للاسف مستخبيه ومبتبنش بسهوله
وكده كده انا كنت هنا علشان القسم التعليمي والثانويه العامه وخلاص خلصت الثانويه ومعدش ليا مكان هنا

sara aly

13-07-2009, 03:41 PM

ايه الحكايه الكل عايز يمشى
ليه كده
ده بدل ما تطوروا المنتدى:bosyht9:

واحدة وخلاص

13-07-2009, 03:50 PM

لأسباب خاصة
شكرا لمجاملتك 000 والسلام عليكم
على فكره انا مش بجامل وانت فعلا محترم
ثانيا مش كل واحد يقول انا ماشى المنتدى ده بقى بتاعنا كلنا وبجد اتعودت عليكم وبعدين يا بوسى تمشى ازاى امال مين هيضحكنا كل شويه بخفة دمه

earth

13-07-2009, 04:08 PM

dr.only hope

13-07-2009, 04:50 PM

بوسى يا حبيبة قلبى اسفة والله اصل كان عندى حالة وفاة وانهردة دخلت اتنكدت من كلام احمد فمكنتش فايقة والله بس ازيك يا حبى عاملة ايه وحشانى والله هابعتلك الميل فى رسالة يا حبيبتى

FARIDA 2010

13-07-2009, 06:08 PM

السلام عليكم و رحمة الله و بركاته
من فضل حضراتكم لو سمحتم انا عندي حاجات كتير عاوزة اقولها...
ليه كل شوية حد يطلع يقول انا حمشي من المنتدي و المهم ان الحد ده بيبقي رأيه فعال و عارف ان الناس كلها بتحبه ؟؟ هل مثلا بيبقي قصد؟؟ يا جماعة لو حد عمل كده بيزعل الناس اللي بتحبه و بتقدره و بيشوفوا ارائه..ليه ؟؟؟!! بتقولوا : حصلي حاجة او متضايق جدا او زعلان او كده .. طب ليه بتودع كل الناس مع انك ممكن تدخل تاني بعد كده .. و بعدين سؤال: النص ساعة و لا الساعة اللي حتدخل فيها حتبوظ الموازين فلازم تسلم علي الناس كلها قبل ما تمشي؟؟؟؟!!!!!!!.. انا عاوزة اقول ان لو حد عمل كده لازم يعرف انه بيزعل ناس كتير طب ليه؟؟؟
ندااااااء الي الجميع : اي حد قال انا حمشي يرجع فورا عن اللي قاله !!!و اي حد بيفكر يقول كده يرجع فورا عن اللي بيفكر فيه........و لو حضرتك عايز او عايزة سبب .. عد الاعضاء اللي بيقولوا ماتمشيش خليك معانا و عايزينك تفضل هنا .. دي ناس بيحبوك او بيحبوكي..... ليه نسيبهم؟؟؟؟ ده حتي حب الناس هو اثمن حاجة ممكن الانسان يلاقيها . زي ما تقولوا كده ( حب في الله ) خالي من اي اغراض!!!

على فكره يا جماعه انا كمان مشيه وهسيب المنتدى
بس بعد النتيجه

وكده كده انا كنت هنا علشان القسم التعليمي والثانويه العامه وخلاص خلصت الثانويه ومعدش ليا مكان هنا
وبعدين المنتدى فيه اقسام للجامعة كمان
يعنى لسه فى افادة
زي ما earth قال او قالت ان لسا في قسم الجامعة و ده سبب وجيه انك تكملي معانا هنا و متزعليش الناس اللي بتحبك ... صح؟؟
بسم الله الرحمن الرحيم
السلام عليكم ورحمة الله وبركاته
أنا عارف أنى قلت أن امبارح أخر يوم هدخل هنا وهوفعلا كان كده بس لما قلت أنى حموكشة حسيت أنى لازم أوضح كام حاجة كده ودى هتكون أخر مشاركة ليا
1-أولا لازم الكل يعرف أنى لما كنت بعمل عضوية جديدة مش كان قصدى أنى أتخفى فى زى جديد ولاحاجة على فكرة كل الناس اللى أنا كاتب أساميهم فى الأول يعرفوا أن أحمد هو حموكشة هو ليه يادنيا وهو أنا كمان أنا أصلا كنت كتبت ده قبل كده فى قسم الفيزياء بوضوح بس عشان الأخت فريدة والأستاذة ياسمينا مش بيدخلوا قسم الفيزياء فمش كانوا يعرفوا ده بالرغم من أنى فى موضوع أنى راحل كان من السهل جدا أنهم يعرفوا أن التلاتة واحد لأنى كتبت بأحمد وبعدين دخلت بحموكشة وقلت أه نسيت وكملت أكيد كده واضح أن الاتنين واحد كمان كان التوقيع نفس التوقيع بالضبط
2- أنا بعمل كده ليه لعدة أسباب يمكن زى ماروءة قالت لأنى بحب التغيير كمان لانى مكنش عجبنى الاسمين دول ولأنى كنت عايز أسجل باسمى الحقيقى
على فكرة عاشقة التحدى هى كمان بالرغم من أنى مش كتبت اسمها تعرف أن الاتنين واحد كمان الأخ أينشتين
يعرف ده لأنه بيروح قسم الفيزياء
3- أنا عمرى م عملت حاجة وندمت عليها غير أنى دخلت فى حوار مع حد غير محترم اسمه عادل ربيع
4- لما دافعت عن اسراء ده لأنى بعتبرها زى أختى وأنا عندى 3 أخوات بنات مش هقبل أن حد يقولهم كده مش هقبل أن حد يسخر منهم ويستهزىء بيهم ويدخل فى خصوصيتهم ويشمهم ويهزقهم وأن واحد يقولها معايا رقم الموبايل بتاعك وجيلك وهوريكى وكده
دى الحاجة اللى عملتها ولو الزمن رجع هعملها تانى ومش عشان أبين شهامتى ولارجولتى ولاكده بس عشان الأسباب اللى وضحتها فوق
أخيرا سلام عليكم ورحمة الله وبركاته
أخي احمد اسمعني حضرتك قولت للاستاذ سكوربيون ان غيابك حيبقي مؤقت فكان احسن تقول انك حتغيب فترة و ترجع بعد كده ليه دلوقتي تقول ان دي اخر مشاركة لك.؟؟؟؟؟
انا معرفش الموضوع بتاع الاخت اسراء علي فكرة بس لو زي ما بتقول فدفاعك عن الاخت اسراء مش هو الغلط لا ده الصح بعينه علي فكرة و ان كان يدل فعلي الشهامة و الرجوله و لو حد في مكان حضرتك كان عمل كده...
ياريت تكون اقتنعت بكلامي اللي قولته دلوقتي
و يا جماعة ياريت تكونوا اقتنعتم بكلامي و فعلا محدش يمشي من هنا!!!!
انا اسفة علي الكلام الكتير .. اعذروني:)
و السلام عليكم و رحمة الله و بركاته

Mystry

13-07-2009, 06:43 PM

يمكن ردى جه متأخر شوية بس اعذرونى
انا كنت تعبان بجد اليومين اللى فاتو

شكرا ليك يا احمد على كلامك
و هتوحشنى بجد
ياريت تكلمنى على الايميل

( يا رب تقرا الرد قبل ما تمشى )

klmnopq

14-07-2009, 09:58 AM

اعذرنى يا أحمد والله
مش شوفت الموضوع إلا حالا لأنى مش كنت متابع المنتدى

:o:(
ومسمعتش عن الكلام ده خالص

القلب يحزن لفراقك ولن اعدد عليك صفاتك الجميله ولكن أقول
والله يا أحمد انت من الناس المحترمه اللى قابلتهم فى حياتى وفعلا تستحق كل خير

والله بشكرك على الأيام الجميله التى قضيناها سويا

ويا ربت تسعد فى حياتك وفى نتيجتك وفى عملك اللهم آمين

وطالما أنك اخترت المسير .. فاعلم أنك تركت لنا حب وفير .. ويا رب أن يجمعنا فى جنانه العزيز الخبير ..

والله حزين حتى لأنى لم اسلم عليك قبل رحيلك

abdelRhman772007

15-07-2009, 10:49 AM

معلش مشوفتشالموضوع إلا دلوقت
بقولك بطل بقى الحركات ده مش هتمشى بقول خالص دخول الحمام مش زى خروجه

بص على الأقل قولنا ليه عايز تمشى يمكن نكون زعلناك و احنا مش حاسين
و بقولك أنت من الشخصيات اللى اتشرفت بمعرفتهم هنا فى المنتدى و بحب أقولك براحتك
احنا عالم ديموقراطيين أنت عايز تمشى و احنا مش عايزينك تمشى أنت واحد بس احنا أمم
يبقى هتظل فى المنتدى غصب عنك و يا ريت لو برضاك
يا ريتك تشيل بقى ماسك لحزن ده اللى محستش بيه و أكيد هتلقى فى وشك الحقيقى
المرح و السرور و الإشراق و زى ما قالوا الناس زمان
Carpe Diem و هى لاتينى و معناها من الآخر عيش اللحظة و متفكرش فى الغد
و نضيف كمان عيش اللحظة و متبصش وراك
من الآخر
البارحة ماضى و المستقبل غموض أما اليوم فموجود و لهذا يسمى الحاضر
عايزك بقى تتوضأ و تصلى و تدعى ربنا يوفقك فى نتيجة النهارده و فى التنسيق
وإذا فيه وقت ادعلنا معاك يا شيخ
بص قريت الكلام اللى فوق عايزك تقول فى ردك حاضــــــــــــــر
معنا شعار واحد لا وداع بعد اليوم إن شاء الله طبعًا

abdelRhman772007

15-07-2009, 11:07 AM

على فكره المنتدى فعلا احسن من غيره
بس الي هيسيب المنتدى مش هيروح لغيره
أو اتكلم عن نفسي يعني
أنا هاسيب النت كله مش المنتدى بس
المنتدى ده زي مفيه حاجات حلوه كتير فيه حاجات وحشه اكتر
بس للاسف مستخبيه ومبتبنش بسهوله
وكده كده انا كنت هنا علشان القسم التعليمي والثانويه العامه وخلاص خلصت الثانويه ومعدش ليا مكان هنا

تؤتؤتؤ
أى حاجة ليها مميزات و عيوب حتى العملة ملك و كتابة
بس الفرق إن العملة ترميها فى الهوا و أنت و حظك يا تطلع ملك يا تطلع كتابة
أما فى استخدام النت فانت اللى بتحدد و أنا شايف إن المنتدى مميزاته أكتر مش عيوبه
و هو فعلاً واسع أوى لدرجة أن فيه أقسام أول مرة أشوفها بس حضرتك حرام عليك الناس كلها مصاحباكى هنا و تسيبيهم ،
الفراق صعب جدًا فبلاش تقولى يا فاكيك من أولها خصوصًا إن لسة فيه التنسيق و لسة و لسة ........

يا ريت مفيش حد يسيب المنتدى لسة فيه حتى أقسام للكليات

و ربنا يوفقك يا رب و تجيبى مجموع حلو جدًا
و إن شاء الله نقولك من دلوقت يا بشمهندسة
آسف لو كنت رزل بس مضطر أرزل