مشاهدة النسخة كاملة : نداء الى سيادة الوزير الأب الدكتور يسرى الجمل
adel hasan 12-07-2009, 05:22 PM أناشد سيادتكم بالأصالة عن نفسى ونيابه عن العديد من الطلبة والطالبات للمرحلة الثانوية الأولى والثانية بالموافقة على سرعة إعلان النتيجة إذا كانت عمليات المراجعة والرصد قد إنتهت ولم يعد هناك مايستدعى التأخير فى إعلان النتيجة حتى لايكون هناك فرصة لذوى النفوذ وأصحاب المناصب من الحصول على النتائج لأبنائهم من الكنترولات المركزية حتى نشعر بالمساواه فى إنتظار النتيجة ولايكون هنالك فروق أو تمييز بيننا إلا بالمجموع ومايوجهنا إليه مكتب التنسيق، ولايخفى عن سيادتكم القلق والتوتر الذى تعيشه كل أسره لدبها طالب أو طالبه فى إنتظار النتيجة. راجين الله سبحانه وتعالى أن يمن عليكم بموفور الصحة والعافية وأن يسدد خطاكم لما فيه مصلحة أبنائكم الطلاب ومصرنا العزيزة.
adel hasan 12-07-2009, 06:20 PM عايزين مشاركات ياجماعة !!!!!!!!!!
allah_islam 12-07-2009, 06:54 PM ههههههههههههههههههههههههههههههههههههههههههههههه
allah_islam 12-07-2009, 06:56 PM شكلك غلبان ومش من مصر
انتظر النتيجه ....................
يمكن تطلع قبل ما نموووووووووووووووت
:eek::eek::eek:
ba7eb alahly awi 12-07-2009, 07:55 PM يا بني هو الوزير حيدخل منتدي الثانويه يعني علشان يشوف النداء اللي عامله سيادتك
ابقا اتصل بأي برنامج من برامج التوك شو وابعت النداء بتاعك ده
احمد السقا 12-07-2009, 08:00 PM أستـنى أكلم الوزير على الاميل وهـشوفه كدة يمكن يكون اون لاين ونعرف منه أخبار النتيجه عشان أنت شكلك على أعصابك
يعنى الوزير هسيب الدنيا كلها عشان يـشوف كلام حضرتك
خليها على ربنا وسبها ماشيه زاى ماهى كدة واللى بقول الاتين ماكش دعوه بيه ولا يقول الاربعاء فكك منه واللى يقولك الخميس اعمل نفـسك مش من هنا
الاتنين من الاربعاء من الخميس من بعيد . بكرة جاى واكيد هيكون فى كلام تانى
adel hasan 12-07-2009, 08:00 PM والله ما إنت فاهم حاجة !!!!!!!!! الوزير ليه ناس ومستشارين فى كل حاجة، خللى نظرك بعيد وأفقك واسع ياحبيبى.
احمد السقا 12-07-2009, 08:02 PM والله ما إنت فاهم حاجة !!!!!!!!! الوزير ليه ناس ومستشارين فى كل حاجة، خللى نظرك بعيد وأفقك واسع ياحبيبى.
مـش مهم انى فاهم ولا لأ المهم أنك تكون عارف ان الناس اللى انت بتقول عليهم دول حاسين بيك يا هندسه ولا بكلامك ولا بكلام غيرك
هـو انت مش من مصـر ولا ايه
allah_islam 12-07-2009, 08:03 PM كلامك صح يا عادل انه ليه مستشارين
بس انت يعنى شايف ان سياده الدكتور الوزير
هيسمع كلام حضرتك مهما كانت الطريقة اللى هيوصلوا بيها الكلام
كان سمع دعاء اولياء الامور السنه اللى فاتت
وسهل الامتحانات
allah_islam 12-07-2009, 08:04 PM كلام صح يا سقا والله
nazerkom 12-07-2009, 08:05 PM يا ابنى اصحاب النفوذ وأصحاب المناصب حصلوا على نتائج ابنائهم فور تصحيح المواد مادة تلو الاخرى
M.E.M.s 12-07-2009, 08:06 PM هههههههههههههههههههههههه
يا ابنى ما تتعبش نفسك حتى و لو الكلام وصل برضه ما فيش حاجة حتحصل
احمد السقا 12-07-2009, 08:08 PM أحنـا اللى عاملـين كدة نفسنا والله نفضل نتكلم على الفاضـى . اصحاب النفوذ وأصحاب المناصب حصلوا على نتائج ودة كلام الراجل الطيب وانا معاك يا كبير فى كلامك انما أحنا اللى طيبين هنفضل نستنى كده لحد ما القطـار يفـوت
النمس 2009 12-07-2009, 08:09 PM والله انك غلبااااااان
وبتاكل لباااااااااااان
اضم صوتي لصوتك
:d:d:d:d
adel hasan 12-07-2009, 08:11 PM سيادة الوزير مش مطالب إنه يسمع كلامى ولا كلامك ......... سيادة الوزير مطالب إنه يعمل مافيه مصلحة أبنائه وبلده ومايراه مناسبا للوضع الحالى ولا أظنه يألوا جهدا ولا يدخر وسعا فى ذلك.......... وعلى فكرة لسة بلدنا بخير والله والحمد لله.
allah_islam 12-07-2009, 08:11 PM كفاية تريقة يا جماعه
احسن حاجه دلوقتى اننا ندعو الله ان يوفقنا
allah_islam 12-07-2009, 08:12 PM عادل اسف على ردى ده ولكن
انت نايم فى العسل بقالك كاممممممممممممممممممممممممم سنه
انت مش حاسس بتغير البلد
بالله عليك قولى ايه اللى لسه بخير
adel hasan 12-07-2009, 08:19 PM كل حاجة بخير بناكل وبنشرب وبنام وبنتفسح وفى أمان ربنا يديمه علينا وهنوصل لكاس العالم إن شاء الله. إحنا أحسن من غيرنا والله والحمد لله.
احمد السقا 12-07-2009, 08:21 PM على فكرة يا عادل أنت كلامك جميل وصح هو الوزير هيدخل منتدي الثانويه يعني علشان يشوف الكلام اللي عامله طيب ابعتله كلنمـى شكرا ههههههههههههههههههههههههه
adel hasan 12-07-2009, 08:28 PM مش لازم سيادة الوزير يدخل على المنتدى ......... لكن من السهل جدا أنه يوصلله ......... وبعدين كدة ولا كدة إحنا بنعمل اللى علينا والباقى على ربنا وإن شاء الله هنوصل كاس العالم 2010 وعلى حساب الجزائر كمان .......ههههههه
allah_islam 12-07-2009, 08:31 PM عادل متزعلش من بعض التوبيكات اللى موجوده فى الموضوع بس هقولك
حاول كده تدخل على موقع اليوتيوب
واتفرج على فيديوهات السنه اللى فاتت وانهيار الطلبة
واقرا عن انتحار 5 طلاب السنه اللى فاتت
واتفرج على لقائات المسئولين عن التعليم
واتفرج عن كمية المعاهد والجامعات الخاصه
واتفرج على التنسيق اللى قليل لما بيدخل حد الحاجه اللى حاببها
وفى الاخر تقولى لسه بخير
وعايز اقولك ان الخير مش فى الاكل والشرب والنوم
الخير لازم ان يكون كل واحد فى الدوله يكون انسان كويس فى الشغل والعيشة
ومش هقول اكتر من كده
وربنا يوفقنا
صوت الحق 12-07-2009, 08:34 PM هذا كلام لا معنى له نهائيا
دة شغل لا دخل للوزير به نهائيا
Sharp 12-07-2009, 08:34 PM seek 1st to understand then to be understood
adel hasan 12-07-2009, 08:36 PM كل ده بيحصل فى أى بلد فى العالم والله مش بالضرورة يكون فى الثانوية العامة ولكن فى مجالات تانيه كتير جدا وكفاية إننا نشعر باللذه لما بنحقق هدف مش نلاقيه سهل فى إيدينا إحنا ظروفنا كدة عدد السكان كتير ومصادر الدخل على الأد طب نعمل إيه بقى ؟؟؟ نموت أو ننتحر ؟ لأ الحياه حلوة ومصر جميلة وبلدنا مافيش زيها وبكرة أحلى من النهاردة وعمار يامصر وبرده هنوصل كاس العالم 2010 فى جنوب إفريقيا إن شاء الله وبرده على حساب فرق الجزائر المغرور وربنا يوفقك ياحسن ياشحاته ياحبيب الكل.
ba7eb alahly awi 12-07-2009, 09:58 PM بقولك ايه يا استاذ عادل ابعت النداء بتاعك للسيد الاعلامي الاب عمرو اديب يمكن يوصله للوزير
او ابعته للسيده الاعلاميه الام مني الشاذلي
بقولك ايه احسن حاجه تبعته للسيد المدرب المعلم الاب حسن شحاته
بهاء فوزى 12-07-2009, 10:01 PM ربنا يشفيك
adel hasan 12-07-2009, 10:01 PM هوا ده اللى ربنا قدرك عليه؟ فالح ياحبيبى .................... وأرقص ياحضرى !!!!!!!!!!!
eng.yasmin 12-07-2009, 10:11 PM والله فعلا احنا مظلومين في البلد دي والبلد كمان مظلومة معانا
احنا احسن ناس نكلم مع بعض عن الظلم والمحسوبيات
لكن لم نتخذ اي خطوة ايجابية ضدها
أنا عارفة ان كل واحد بيقول انا مش هصلح الكون
لكن سؤال للجميع عندم يكون الشباب غير قادر علي التغيير فمن يستطيع؟
هذا مسئولية الجميع
وكل فرد لازم يبدا بنفسه علشان فعلا نقدر نعيش
ba7eb alahly awi 12-07-2009, 10:13 PM علي فكره يا استاذ عادل احنا هنا بنتكلم عن النتيجه مش عن الكوره
adel hasan 12-07-2009, 10:15 PM صدقنى إحنا لا ظالمين ولا مظلومين لكن ده قدرنا وبلدنا حلوة والله وعايز تعرف حلاوتها أخرج برا حدودها وشوف أد إيه هتشتقلها وهتعرف أد إيه هيا أحسن من غيرها وعمار يامصر ،،،،،،،،
محمود12345 12-07-2009, 10:22 PM انا مش هقول فاضيين لان خلاااص الثانوية خلااااااص خلصت بس ولكن هقول الثانوية عملت شغلها والجدع يفهم !!!!1
adel hasan 12-07-2009, 10:29 PM أنا مفهمتش حاجة ........... يبقى أنا مش جدع خالص وياريت حضرتك تفهمنى بجد !!!
adel hasan 12-07-2009, 11:38 PM الآن وبعد أن ظهرت كافة المؤشرات والنسب المئوية للناجحين وأيضا أعدادهم ................ نجدد الدعوة بالإسراع بظهور النتيجة ياسيادة الوزير .............. فهل من مجيب؟؟
adel hasan 13-07-2009, 08:27 AM فى إنتظار النتيجة ياسيادة الوزير !!!!
adel hasan 13-07-2009, 11:23 AM يارب بقى ،،،،،،،،،
ايمن توفيق عواجة 13-07-2009, 02:21 PM استاذى العزير أنت بتنظر الى السيد وزير التعليم وتناشده كأب فاضل ولكن هو ينظر الينا كابناء لقطاءولااذن لمن تنادى
adel hasan 13-07-2009, 04:27 PM استاذى العزير أنت بتنظر الى السيد وزير التعليم وتناشده كأب فاضل ولكن هو ينظر الينا كابناء لقطاءولااذن لمن تنادى
عيب الكلام ده يا أخ أيمن ........ مع إحترامى
nagar3321 13-07-2009, 04:33 PM اولا اشكر كل من ساعد هذه العضو على كلامه
وايضا نشكر كل من لم يساعد هذا العضو على نداءه ولو بالرد ؟؟؟؟؟؟؟؟؟؟؟؟؟؟؟؟؟؟
همسة طير 13-07-2009, 04:36 PM يا جماعه مالكوا شغالين تريقه كده ليه على الأقل هو عمل خطوة ايجابيه انتوا عملتوا ايه ؟
D\Eslam 13-07-2009, 04:48 PM والله فعلا احنا مظلومين في البلد دي والبلد كمان مظلومة معانا
احنا احسن ناس نكلم مع بعض عن الظلم والمحسوبيات
لكن لم نتخذ اي خطوة ايجابية ضدها
أنا عارفة ان كل واحد بيقول انا مش هصلح الكون
لكن سؤال للجميع عندم يكون الشباب غير قادر علي التغيير فمن يستطيع؟
هذا مسئولية الجميع
وكل فرد لازم يبدا بنفسه علشان فعلا نقدر نعيش
والشبا ب هيغير نفسة ازاى
بالجلوس على القهاوى ولا المشى فى الشوارع
ولا بالشغل الى مش لا قيه
ولا بالشهادة اللى بياخدها ويستنى بها
ايام وشهور وسنين
ba7eb alahly awi 13-07-2009, 04:57 PM اصلا هو ميعاد النتيجه اتحدد يوم الاربع بالليل
خلاص ما فيش تغيير في ميعاد النتيجه يبقا ايه لازمته النداء يعني
the king mimo_5000 13-07-2009, 05:49 PM فلنفرض ان الكلام ده وصله يعمل حاجة استحالةمع تحيات سلسلة مطاعم <خد فطيرك>
adel hasan 13-07-2009, 07:13 PM ومش فاضى ليه ؟؟؟؟؟؟؟؟؟
M.E.M.s 13-07-2009, 07:17 PM ومش فاضى ليه ؟؟؟؟؟؟؟؟؟
اهه الجو صيف و حر بقى و الواحد مش فاضى و زهقان و عايز يصيف
bosy .. mostafa 13-07-2009, 07:23 PM ما تظهر وقت ما تظهر
بلا بتاع
و بعدين انت عايز انكل يسري صابر حسين الجمل بجلالته يرد علينا
صلي عالنبي
ماتظهر وقت ماتظهر بلاش تقلقوا
ربنا يسامحك يا ابن ام صابر << ماتركزوووش :giljotiiniug3:
dina 3 13-07-2009, 07:41 PM عادل انا بنصحك تروح لدكتور يشوف حالتك
تانى حاجة ايه اللى جاب حسن شحاته هنا
وبعدين الوزير لو شاف الكلام اللى انت كتبه ده حيموت مالضحك وحيقول معلش غلبان
اخر حاجة روح للدكتور اسماعيل يوسف هو بيفهم فى الحالات دى
allah_islam 13-07-2009, 07:45 PM جامد تعليقك يا دينا بس والله عادل ده احسن حاجه فيه انه متفاقل زياده عن اللزوم
وفى الاخر هقولك يا عادل ((((لا تعليق ))))
كفاية تعليقات امبارح
واول ما تكلم والوزير ابعتلى مسج كلمنى شكرا
Eng:m.t.m 13-07-2009, 07:49 PM ان شاء الله يستجيب
انتوا بتكلموا مين هو حيسيب المصيف ويدخل مواقع الثانويه
حينزالها وقت ماهو عايز واحنا مش مشكله .......
Sara E. 13-07-2009, 08:00 PM mtez3alsh awi kda ana gbtha el sana elly fatet men el control w gat '3alat :D
el sa7 kant 3al net
casper.eg 13-07-2009, 11:11 PM حلو الموضوع ده محسسني اننا بني ادمين وفي حد بيسأل فينا
الوزير سعادتك لو عايز يبص لنا او حتي المستشارين بتوعو اللي حضرتك بتقول عليهم
كانو بصو لا خواتنا السنه اللي فاتت
كانو بصو لحالنا واحنا هنموت من الرعب من مستوي الامتحان وكانو عدلو الجدول
كانو بصو لحاجات كتير
بس احلم عادي يعني الحلم مش عيب
محمد ممدوح سعيد 14-07-2009, 09:06 AM [quote=احمد السقا;1406876]أستـنى أكلم الوزير على الاميل وهـشوفه كدة يمكن يكون اون لاين ونعرف منه أخبار النتيجه عشان أنت شكلك على أعصابك
يعنى الوزير هسيب الدنيا كلها عشان يـشوف كلام حضرتك
خليها على ربنا وسبها ماشيه زاى ماهى كدة واللى بقول الاتين ماكش دعوه بيه ولا يقول الاربعاء فكك منه واللى يقولك الخميس اعمل نفـسك مش من هنا
الاتنين من الاربعاء من الخميس من بعيد . بكرة جاى واكيد هيكون فى كلام تانى
كلامك Golden
فعلا أحمد السقا
|