allah_islam
13-07-2009, 01:58 AM
بسم الله الرحمن الرحيم
السلام عليكم ورحمة الله وبركاته
انا كان ليا سؤال علشان خلاص زهقت من كتر الاقاويل والاشاعات كل الناس اللى ليه واللى ملهوش بيكلم عن الثانوية العامه
وسؤالى هوا
عايز اعرف ايه موضوع قواعد التوزيع الاقليمى والجغرافى ؟؟
وانا من القاهره ياترى مش هينفع ادخل جامعه فى محافظة اخرى ولا ايه
ياريت تردوا عليا
وجزاكم الله كل خير
مستنى ردودكم السريعة وهرجعلكم الساعه 4 باليل ان شاء الله
اما نشوف ......
وشكرا لجميع الاعضاء وادارة المنتدى
allah_islam
13-07-2009, 02:51 AM
انا بكلم عن حاجه وانت بتعمل اعلان عن موقع
حد يرد عليا ضرورى يا جماعه
eng--zako
13-07-2009, 02:51 AM
بس يا صاحبي التوزيع الجغرافي يا عني لو مجموعك يجيب الكلية اللي في بلدك متقدرش تروحها في حتة تانية يا عني ايه دلوقتي مثلا انت كاتب في توزيع الرغبات هندسة القاهرة و بعدين اسكندرية و اسيوط الخ ده المفروض لأنك في القاهرة و لا قدر الله مجبتش القاهرة و جتلك في اي حتة تانية بتعمل تحويل 10/100 كليات متناظرة و تيجي القاهرة في نفس السنة من غير متسافر يعني مثلا طالب جتلوه هندسة المنيا يحول القاهرة او بلده يعني انما اللي يخوفك من التوزيع الجغرافي انك مثلا عاوز تخش هندسة اسكندرية و انت اصلا في القاهرة و كتبتها رغبة اولي و مجموعك ان شاء الله يحيب هندسة القاهرة متقدرش تخش هندسة اسكندرية و لازم تخش القاهرة لكن اذا كنت كاتب القاهرة رغبة اولي و اسكندرية رغبة تانية و مجموعك مجبش القاهرة تقدر تروح الرغبة التانية اسكندرية طالما مجموعك ميجبش القاهرة و يجيب اسكندرية او تحول 10/100 كليات متناظرة و ترجع القاهرة
و كذلك ينطبق التوزيع الجغرافي علي جميع الكليت و المعاهد .....
و ياريت اكون وفيت و لو في حاجة تانية اسأل انا ابويا مدير عام شئون طلاب في كلية اداب دمنهور و كان امين عهدة التنسيق لكذا سنة في محافظة البحيرة ايام ما كان التنسيق يدوي بالملفات و انا الحمد لله بفهم في الحاجات دي.
madozz
13-07-2009, 03:05 AM
أسد هو ايه موضوع 10/100 ده وايه معني كليات متناظرة وغير متناظرة وكمان ايه سبب ان طب الاسماعيلية مش تابعة للتوزيع الجغرافي بيقولوا انها اختيار حر .. ولو واحد جاتله الرغبة طب الاسماعيلية ما ينفعش يحول منها ..
eng--zako
13-07-2009, 03:53 AM
ممكن تشوفوا موضوعي في نفس القسم حينفعكم (مصطلحات في التنسيق لازم اي طالب يعرفها)
young coder
13-07-2009, 04:07 AM
رابط الموضوع
http://www.thanwya.com/vb/showthread.php?t=137095
بصراحة 10/10