صلاح نصر
13-07-2009, 12:01 PM
السلام عليكم ورحمة الله وبركاته
ابنتى طالبة ثانوية عامة وفى انتظار النتيجة ان شاء الله وبما انها ممتازة جدا وبطريقة غريبة فى الرسم فهى موهوبة فعلا فامنية حياتها تدخل كلية تربية نوعية قسم فنون وطبعا احنا فى انتظار النتيجة علشان نشوف مجموعها يسمح لها ولا لأ ولكن فوجئت ان التقديم للكلية يوم الخميس الموافق9-7 يعنى قبل ظهور النتيجة بحوالى اسبوع ودة اخر ميعاد للتقديم وطبعا مفهمتش اية المقصود من كدة طيب افرض ان المجموع لم يسمح لها بالدخول .....المهم رحت الكلية وهى معايا وهناك فهمت لقيت مطلوب من كل متقدم ثمن الظرف 25 جنية وثمن تقديم الظرف 100 جنية وطبعا لقيت اعداد متقدمين بالالاف ولو المجموع لم يسمح بالدخول راحت عليك الفلوس لان انت الغلطان ولو جايب 100% ولكنك لم تقدم فى الميعاد المذكور لاتقبل بالكلية ودة من عجايب نظام التعليم فى مصر وحلال على الكلية الكام مليون اللى حياخدوهم من الناس اللى مش فاهمة هم بيدفعوا لية مع العلم ان الورق اللى فى الوسية ميتكلفش 1 جنية فقط.....................وعجبى عليكى يامصر
Bent 3bdo
13-07-2009, 11:33 PM
ده العادى
اللى جايين م برا بيدفعوا 300 ع فكرة
اهم حاجه يلموا فلوس وخلاص
Eng. A'laa Salah
14-07-2009, 10:02 AM
لا عادي هو ده النظام
انا رحت وقدمت في كليه فنون تطبيقيه مع اني مش املي في الكليه دي
عادي جدا
صرفت هناك حوالي 400 جنيه
الكورس والتقديم والادوات والمواصلات وغيره وغيره وخصوصا اني مش من القاهره
فده النظام
وسيله لجمع الفلوس
لو محصلش كده كنت شكيت اني لسه في مصر
Sharp
14-07-2009, 10:34 AM
ستيفن كوفي في كتابه "العادات السبع للأشخاص الأكثر فاعليه" رسم لسيادتك دائرة سوداء كبيييييرة ,
و رسم في وسطها دائرة بيضاء صغنونه ,
سعادتك بقى الدايرة السودة دي هي المشكلات و الواقع و القرف اللي احنا بنشوفه كل يوم
أما البيضه بقى , فتبقى قدراتك و الحاجات اللي انت تقدر تعملها ,
و طبعا قدراتك بالنسبة للواقع الأسود صغيرة جدا زي الدايرة البيضه دي , طب إيه الحل ؟؟
عَمُو ستيفن قال لك لو قعدت تبص على الدايرة السوده هتكبر أكتر و أكتر
لأن الحاجات الوحشة بتكبر مع الزمن ... و المصايب بتزيد لوحدها ,
هتقعد سيادتك تتكلم عليها و تشجب فيها و هي عمالة تكبر و انت ما بتعملش حاجة علشان تحلها ..
و لا حتى قعدت تحاول تكبر الخير الصغير بنفس النسبة اللي الشر بيزيد بيها ..
يبقى تعمل إيه ؟
لو مش عارف تصغر السودة , يبقى تكبر البيضه !!
يعني تحاول تبص على البيضه -الدائرة يعني - ,
و تتجاهل السودة لأنك ما تقدرش تعمل فيها حاجة ,
خليك مع البيضه و حاول تكبرها أكتر و أكتر لحد ما تقضي الى السودة - في المشمش طبعا , انت بس هتكبر البيضاء , إنما الشر و الفساد لازم يبقوا موجودين , احنا مش في الجنة يا زعيم - ,
earth
21-07-2009, 10:26 PM
ستيفن كوفي في كتابه "العادات السبع للأشخاص الأكثر فاعليه" رسم لسيادتك دائرة سوداء كبيييييرة ,
و رسم في وسطها دائرة بيضاء صغنونه ,
سعادتك بقى الدايرة السودة دي هي المشكلات و الواقع و القرف اللي احنا بنشوفه كل يوم
أما البيضه بقى , فتبقى قدراتك و الحاجات اللي انت تقدر تعملها ,
و طبعا قدراتك بالنسبة للواقع الأسود صغيرة جدا زي الدايرة البيضه دي , طب إيه الحل ؟؟
عَمُو ستيفن قال لك لو قعدت تبص على الدايرة السوده هتكبر أكتر و أكتر
لأن الحاجات الوحشة بتكبر مع الزمن ... و المصايب بتزيد لوحدها ,
هتقعد سيادتك تتكلم عليها و تشجب فيها و هي عمالة تكبر و انت ما بتعملش حاجة علشان تحلها ..
و لا حتى قعدت تحاول تكبر الخير الصغير بنفس النسبة اللي الشر بيزيد بيها ..
يبقى تعمل إيه ؟
لو مش عارف تصغر السودة , يبقى تكبر البيضه !!
يعني تحاول تبص على البيضه -الدائرة يعني - ,
و تتجاهل السودة لأنك ما تقدرش تعمل فيها حاجة ,
خليك مع البيضه و حاول تكبرها أكتر و أكتر لحد ما تقضي الى السودة - في المشمش طبعا , انت بس هتكبر البيضاء , إنما الشر و الفساد لازم يبقوا موجودين , احنا مش في الجنة يا زعيم - ,
ماشاء الله
رد حضرتك رائع
بجد عجبنى جداااا
انا موافقة عليه كحل للاشخاص فى جميع المشاكل بس هوه هنا الاستاذ صاحب الموضوع مش قصده انه قاعد طول عمره فاكر الحته دى هوه بس زهق فحاول يخلينا نتشارك معاه
لما تلاقى الحاجات دى
يبقى انت اكيد أكيد فى مصر
الباش مهندس
24-07-2009, 04:55 AM
وطبعاً علي رأي مروة
يبقي انت اكيد اكيد في مصر
وتقبل مروري
صلاح نصر
26-08-2009, 12:23 AM
الف شكر لكل اللى رد على الموضوع وهى اكيد زى ما قلتوا كدة هى عملية زهق بس وحبيت انى اشرككم معايا لان دى حاجات بنقابلها كل يوم ولكم جزيل الشكر