الاميرة المصرية
05-09-2006, 09:40 PM
<div align="center">وباطلالتكم وتعليقاتكم سيكون موضوع جميل باذن الله</div>
|
مشاهدة النسخة كاملة : برنامج (شباب اليوم) الاميرة المصرية 05-09-2006, 09:40 PM <div align="center">وباطلالتكم وتعليقاتكم سيكون موضوع جميل باذن الله</div> محمد البري 05-09-2006, 09:43 PM موضوع جميل قوي يا مريم وان شاء الله يلاقي اقبال كبير وانا معاكي ان شاء الله يا ماري وبجد موضوع خطير وفكرة جميلة جدا ويارب نقدر ننفذها بحدود معينة عشان زي ما احنا شايفين مشاكل الشباب كترت قوي قوي ولازم الحوار يعبر عن اراء حرة لنا والا نخاف في الله خوفة لائم احمد طه 05-09-2006, 09:47 PM بجد موضوع جميل جداجداجداجداجداجداجداجداجداجداجداجداجداجدا انا معاكى من البداية انشاء الله _the_sad_smile_ 05-09-2006, 09:52 PM حلوة اوى الفكرة معاكى يا مريم الاميرة المصرية 05-09-2006, 09:53 PM ميرسى يا محمد على الرد الرائع ده وعلى تشجيعك الذى يدفعنى الى الامام دائما ميرسى يا بحار على مرورك الكريم واعجابك الشديدبالموضوع الموضوع نور بوجودك يا بسمة وعايزين نشوف ارائك وتفاعلك وهذا الموضوع لن ينجح الا بوجودكم ان شاء الله واتمنى ان ارى اراء باقى الاعضاء وايضا المشرفين بارائهم السديدة msamido 05-09-2006, 10:00 PM الفكره حلوه يا أميره بجد بس عايزه تنظيم شويه وانا معاكي في الموضوع على نجا 05-09-2006, 10:08 PM الفكرة ممتازة بجد بس لازم تتنفذ صح عشان الناس تستفيد منها صح ayooosh 05-09-2006, 10:13 PM تحفه بجد هايل واتمنى ان ينجح وانا اكون ان شاء الله من مشجعينه ويريت يتنفذ بسرعة الاميرة المصرية 05-09-2006, 10:15 PM اوك يا شباب ان شاء الله بمساعدتكم فى تخليق جو مناسب للحوار :rolleyes: هيكون موضوع ممتاز يلا اقتراحو الميعاد والموضوع عايزين كل حاجة تكون بالتعاون :) اسلام رشوان 05-09-2006, 10:17 PM الفكرة فعلا جميلة بس في شوية حاجات لازم تتعمل عشان الموضوع يخرج كويس اولا النظام و الاسئلة تشوفها الاول و شوية حاجات حبقي اوضحهالك Miss_CaR!zma 05-09-2006, 10:18 PM موضوع رااااائع رائع رائع بجد يا مريم حوار حر بجد فكره ممتازه واكيد معاكى يا قمر يللا ابداى بسرعه :) احمد طه 05-09-2006, 10:30 PM يلا بقى انتى لسه مبدأتيش احنا قاعدين مستنين رانا محمود مصطفى محمد 05-09-2006, 10:31 PM هو الموضوع جميل وياريت البدء فيه واخذ مواقف بجد من الحوار فى الحياة ميكنش كلام وبس وربنا يسهل الاميرة المصرية 05-09-2006, 10:32 PM ميرسى لكل الى مروا على الموضوع وعجبهم بس انا مش عايزة مروركم بس :P انا عايزة تفاعلكم كمان يلا اقترحوا مواضيع والوقت الى يناسبكم للمناقشة انا بقترح موضوع ( اتجاه الشباب للعمل بالخارج) FRANKENSTEIN 05-09-2006, 10:34 PM بجد فكره جميله جدا وانا موافق مستنيين البدأ بقالك ساعتين بتقولي حبدأ ومشفناش حاجه نفذي الفكره بسرعه احمد طه 05-09-2006, 10:37 PM اوكى احنا موافقين على الموضوع استنى الرد بتاعى الاميرة المصرية 05-09-2006, 10:39 PM ايه يا بسام انا اقترحت موضوع للنقاش (اتجاه الشباب للعمل بالخارج) بس مشفتش رايك ؟ ميتاب 05-09-2006, 10:42 PM جميله جدا الفكرة يا مريم وياريت تبداى فى تنفيذها بس تخلى بالك من اهم نقطه وهى نقطه النظام FRANKENSTEIN 05-09-2006, 10:43 PM ما نبتدي بالتدخين او البطاله او نظام التعليم احسن _the_sad_smile_ 05-09-2006, 10:46 PM رايى انة موضوع كويس هنبتدى نقاش امتى؟ احمد طه 05-09-2006, 10:47 PM الشباب بيسيبوا البلد ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عشان مفيش شغل لألألألالالالالالالالالالالالالالالا عشان مفيش حكومة توفر شغل ولا عشان الشباب هو اللى متكاسل؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اسف يا اميرة مصر (مش مجرد اميرة مصرية) لان انا كدة حاسس اى طرحت موضوع مش رديت عليه الاميرة المصرية 05-09-2006, 10:51 PM اولا قبل ما نبدا النقاش احب اعرفكم انى كنت مترددة فى عرض الفكرة خاصة ان انا كنت غبت فترة واتنسيت لكن انا عرضت الفكرة على محمد البرى فشجعنى قالى انها فكرة جميلة فانا بصراحة مش هعرف ارد جميله عليا بجد ميرسى ليك يا برى وساعدنى فى اشياء تانية كتير هبقى اقولكم عليها بعدين :lol: <div align="center">يلا ننطلق ونبدا النقاش فى موضوع يلمسه الكثير منا فى الوقت الحالى خاصة مع تدهور الاحوال فى مصر والسعى الى حياة راقية فيتجه الكثير من الشباب الى العمل بالخارج واذا اردنا ان نناقش هذا الموضوع الحى لا بد الاول من ذكر اسبابه؟ فما هى الاسباب من وجهة نظرك كشاب ومواطن مصرى؟؟</div> FRANKENSTEIN 05-09-2006, 10:58 PM فيه اسباب ياما بتدفع الشباب للهجره الي الخارج من اهما انهم مش لاقيين شغل ف بلدهم ولو لاقوا يبقي بتراب الفلوس ثانيا ف حلم ف دماغ الكتير انه لو سافر حيعيش حياة الملوك وكدا يعني ويسافر يشتغل كناس ولو بيجيد اللغه اجاده تامه يبقي بواب وبرضه البطاله ف مصر منتشره جدا بسبب طبعا الحكومه اللي مش عارفه توفر حياه كريمة للمواطنين ف بلدهم فبيتجهوا للخارج احمد طه 05-09-2006, 10:58 PM عشان مفيش شغل لألألألالالالالالالالالالالالالالالا عشان مفيش حكومة توفر شغل ولا عشان الشباب هو اللى متكاسل؟؟؟؟؟؟؟؟؟؟؟؟؟؟؟؟؟؟؟؟؟؟؟؟ Miss_CaR!zma 05-09-2006, 10:59 PM انا معاكى ريما ومتابعه ولكن بقترح الاول تعملى تصويت علشان الموضوع مش يتقلب اراء هنناقش ايه يعنى ممكن تختارى اربع او تلت مواضيع تصويت والموضوع اللى نسبه تصويته اكتر نناقشه الاميرة المصرية 05-09-2006, 11:03 PM <div align="center">اوك انا هعمل استفتاء 1_موضوع اتجاه الشباب للعمل بالخارج 2_موضوع سوء التعليم بمصر 3_هل تؤمن بوجود الحب على النت 4_الاهمال ومايسببه من كوارث</div> Miss_CaR!zma 05-09-2006, 11:22 PM بالنسبه لرايى يا ريما فانا بعتقد ان سبب هجره الشباب للخارج بتكون نتيجه لطموح مش لاقى ارض خصبه يعنى مثلا دكتور احمد زويل ليه دلوقتى حياته كلها فى امريكا انسان طموح مجتهد عنده استعداد يقدم لبلده بس احنا مش فاضيين كفايه بس نعمل تطوير لمدينه الانتاج الاعلامى اكيد خيبه امل كبيره اوى وده سبب صغير جدا الباقى بقى انه ممكن تلاقى شخص فى امريكا بيشتغل بمجهود اقل نسبيا والمرتبات لا تقارن ممكن نقول صفر على الشمال يعنى مطلوب مننا اننا نكون راضيين وانا شخصيا عمرى ما فكرت انى اشتغل بمصر او فى دوله عربيه ayooosh 05-09-2006, 11:24 PM انا افضل الموضوع ده 2_موضوع سوء التعليم بمصر ومنتظرة رد باقى الاعضاء اصل كلهم حلوين الاميرة المصرية 05-09-2006, 11:31 PM اولا هو فعلا دلوقتى الشاب بيتخرج مبيلقيش شغل فى تخصصه الا لو طبعا معاه واسطة فهو بيرفض انه يبدا صغيرا او يعمل اى حاجة ملهاش مكانة اكيد فاهمنى :) فيتجه للسفر فى الخارج لان مفيش حد يعرفه هناك فيرضى باى شغل مع العلم انه بيرفض نفس الشغل فى بلده ياريت تكونوا فهمتوا وجهة نظرى FRANKENSTEIN 05-09-2006, 11:42 PM برشح سوء التعليم ف مصر لان دا الموضوع اللي بيخص اغلبيتنا ومفيش بيت ف مصر مبيعانيش منه ayooosh 05-09-2006, 11:43 PM صح الغلط فى الشباب مفروض يبدوا من الاول او يشتغلوااا مع آبائهم الاميرة المصرية 05-09-2006, 11:48 PM اوك يا بسام اعتبر النهاردة بث تجريبى :rolleyes: وهنكمل كلامنا فى موضوع البطالة النهاردة وغدا ان شاء الله موضوع تنظام التعليم فى مصر FRANKENSTEIN 05-09-2006, 11:53 PM <div class='quotetop'>إقتباس(TEMON @ Sep 6 2006, 12:43 AM) 211734</div> صح الغلط فى الشباب مفروض يبدوا من الاول او يشتغلوااا مع آبائهم [/b] عيب ايه اللي ف الشباب انا كل اللي اعرفهم عمالين ليل نهار بيدورا ع شغله وف الخر يااما يشتغل فمجال غير مجاله بملاليم يا ميلقيش شغله يعني شفتي واحد خريج اقتصاد وعلوم سياسه وبيشتغل محاسب او واحد خريج هندسه وبيشتغل مدرس بالحصه يبقي الشباب ليهم حق يهاجروا ولا لأ _the_sad_smile_ 05-09-2006, 11:56 PM طبعا ليهم حق يسافروا ول جينا نبص فى البلد دى هنلاقى اللى حالته المادية مش تعباه يا اما؟ واحد وارث قد كدة يا اما فنان (بيفن يعنى) او نصاب او واحد مكون نفسة برة يبقى الشباب يكونوا نفسهم برة احسن مين هنا(مصر يعنى) بيشتغل وبيلاقى على قد تعبة الاميرة المصرية 05-09-2006, 11:59 PM انا عن نفسى من انصار السفر والبحث العلمى بالخارج وليس للعمل بس والله يا شباب فى شغلات كتير بيشتغلوها بره مع العلم انهم ممكن يشتغلوا نفش الشغل ده هنا صح ولا انا غلطانة؟؟؟؟؟؟؟؟؟؟ FRANKENSTEIN 06-09-2006, 12:03 AM صعب جدا العثور ع عمل يناسب مؤهلات الشباب ف مصر ولو وجدوا العمل دا بيبقي بملاليم يبقي ليهم الحق انهم يسافروا برا COoL HEaRT 06-09-2006, 12:04 AM كان هناك كاتب على قناه اليوم امبارح بيتكلم عن المهاجرين بيقول انهم لو حد ساعدهم حد من اصحاب رؤوس الأموال بالإضافه ان يكون العمل بالجديه بتاعه بره اللى هيتعمل بره فى 5 سنين هنعملوا فى سنه وطبعا ده كلام فاضى لأن ده مش هيحصل وبعدين رؤوس اموال ايه ديه اللى بيقول عليها ده قناه السويس بطلع مبالغ ماشاء الله بس كله فى بنوك اللى بالى بالكو ممكن كلامى يكون ملخبط بس معلش انا فى البدايه كده _the_sad_smile_ 06-09-2006, 12:07 AM بس انا شايفة ان التعليم فى مصر بيخرج اللى مصر مش محتاجاة يعنى مثلا مش كفاية خريجين تربية وتجارة طيب اللى اتخرجوا واللى لسة هيتخرجوا هيشتغلو فين ؟؟؟؟؟؟؟؟ COoL HEaRT 06-09-2006, 12:10 AM يعنى يوقفوا العمليه التعليميه ayooosh 06-09-2006, 12:11 AM طيب انا معاكوا بس ممكن نقول ايه الاسباب عدم وجود شغل للشباب فى مصر؟؟ الاميرة المصرية 06-09-2006, 12:11 AM ايوة كده يا جماعة عايزين تفاعل برد احلام دريمز الجميل ده احنا كده بنتنقل لمنطقة الحلول فعلا بجد الدولة لازم تعمل كده هما هيفضلوا يجمعوا فى الفلوس دى لحد امتى شوية كده كمان والشباب مش هيلاقى فلوس يسافر بيها والله ياجماعة لو فضلنا على كده هتنتشر البطالة بطريقة وحشة وهنشوف كمان السرقة والاجرام بجد ayooosh 06-09-2006, 12:12 AM ممكن الموضوع ده متعلق مع موضوع سوء التعليم COoL HEaRT 06-09-2006, 12:13 AM السبب ان مفيش حد بيقوم من ع الكرسي كله ماسك فى كرسيه باديه وسنانه _the_sad_smile_ 06-09-2006, 12:15 AM احنا بنتكلم عن مصر عايزين الشباب يشتغل فى مصر خلاص وفرواشغل فى مصر شغل مش لله باجر يخلية يعيش عيشة كريمة وميمدش ايدة ولا يسرق ولا رشوة الموضوع متفرع اوى دريم اسالك فى كام مدرس فى مصر طب فى كام عالم؟؟؟؟؟؟؟؟؟؟؟؟ COoL HEaRT 06-09-2006, 12:20 AM المدرسين كتير يا بسمه وبيتخرج كل سنه اكتر بس ايه هدفك من السؤال FRANKENSTEIN 06-09-2006, 12:21 AM لالالالالالالالالالالا اقولكم انا اعرف خريجين تربيه بيشتغلوا فراشين وخريجين هندسه بيشتغلوا مدرسين وخرجيين تجاره بيشتغلوا ف اعمال حره سباكه نجاره كدا يعني يعني اصلا العيب مش ف نظام التعليم بس العيب ف الدوله بجميع قطاعتها يبقي مش ذنب الشباب انهم يبحثوا عن وظيفه برا طالما مش لاقيين ف بلدهم وظايف والشاب اللي عاوز يجيب شقه ويتجوز ومبيشتغلش يبقي ايه الحل يا يسافر يكون نفسه ويتجوز ع سن ال50 يا يدورله ع مزه ف سن الضياع يتجوزها يا يسرق حسبي الله ونعم الوكيل ف الدوله دي _the_sad_smile_ 06-09-2006, 12:23 AM هدفى انى ارد عليكى لما قولتى اننا نوقف العملية التعليمية انا قصدى ان مصر مش محتاجة مدرسين اكتر من كدة هيشتغلو فين؟ اكيد هيسافروا ولا انتى اية رايك؟ COoL HEaRT 06-09-2006, 12:27 AM يا بسمه انت عاوزه نقفل كليه التربيه مثلا على ماكل المدريسين يشتغلوا؟؟؟؟؟؟؟؟ مش هتيجى كده محمد البري 06-09-2006, 12:28 AM اولا من منا لا يحلم بالهجرة وان يصبح مشهورا وان يحقق طموحه ولو بداخل بلده لكنه عندما يكبر وللأسف يصعقه الروتين الغريب في بلد مات بها الضمير وأصبح لكل من معاه فلوس وواسطة الاحقيه ام الكفأة فالان يطأها الاقدام انت تستطيع الحصول على ما تريد بواسطتك وفلوسك وتقدر تعمل اي حاجا وتبأى باشا وصاحب مركز لكن لو غلبان ومصاريفك ع قدك ومن أسرة يعني يادوب ربنا ساترها هتتعب قوي في بلدنا لما بأى تلاقي صرح غبت تبني فيه حوالي 16 سنة منذ دخولك الابتدائية سينهار وبدأت معالم التصدع في صرح غبت تبني فيه بجد واجتهاد وعانيت الذل والمرار وسهر الليالي والتعب الشديد وارقت عينيك وتعبت بدنك والم بك امراض وانواع من التعب النفسي تجد ان كل شئ في بلدك بالواسطة والرشوة ممعاكش لا دي ولا دي تفكر انك تطلع بره هتلاقي بره حاجات متوفرة أكتر من هنا هيقدروك مش بفلوسك ولا واسطتك لا بعلمك بقدر ما يحويه هذا العقل الذي لا يتعدى 1400 جرام ( المخ أكيد) من معلومات لن يقول لك انتا ابن من ولا لديك كم بالبنك بل سيقولون انتا كزا انتا نفسك انتا ذاتك طيب ليه يا اخ ياللي بتسافر بتسافر مش تجاوب انتا بتتكلم في حوار وتلك وتعجن كتير بطل رغي وهات المفيد هقولك فيه أسباب اولا بلدك دي مش بتؤمن بالتعليم نهائي وتتعمد ان تجعل الشعب لا يفقه شيئا وذلك حتى تضره وعشان الشعب ميفتحش بقه نهائي ثانيا : فرص الخارج والاجهزة والامكنايات وانهم سيهتمون بك كل هذا دافع جيد لسفرك للخارج ثالثا: سوف تأتي بشهادة او دكتوراة او ماجستير معترف به وهتدوس ع راس التخين زي ما بيقولوا رابعا: لو اشتغلت بره هتيجي اولا معاك فلوس لا حد هيقولك من اين لك هذا ولا بتاع ولو كنت بتغسل صحون يبأى الشباب بيسافر لحالات الكبت والسأم والضجر التي تصيبهم وخوفهم من انهيار احلامهم اما فيه شباب تاني بيسافر وله غرض للحصول على شئ او لاعلاء اسم بلده والنوع دا نادر قوي قوي اما اللي بيبحث عن المال والشهرة فهو كثير جدا جدا انا عن نفسي لو وجدت الفرصة للسفر بره مصر هسافر منكرش دور مصر عليا شربت من نيلها وتنسمت هوائها وحبوت على ضفاف نيلها العظيم لكن ماذا أفعل اذا كان ذنبي ان شعب بلدي يتعدى ال 75 مليون وهناك 3 مليون شاب عاطل انا ايه ذنبي انه ينهد صرح بنيته طوال سنين في لحظه واحدة بس لذلك الشباب بيعمل كل دا والاخطاء أخطاء حكومة وليس بلد لا أنكر اني اعشق مصر ويتردد صوتها في وجداني ولو سألوني لقلت ان أحمد نظيف هو الجاني لما نحن فيه الان .............. طيب يا محمد فيه حلول أكيد فيه حلول اننا نشجع شبابنا على الاستثمار والاقتصاد ونمدهم برؤوس الاموال الصالحة لذلك لكن زي اللي بيقول بتنفخ في قربه مقطوعة اللي بيقعد على كرسي كل شغله الشاغل يعين مش عارف مين ابن اخوه وابن اخته وقريب مراته ......... ينهب ليه كام مليون في جيبه يزود رصيده ويأمن لعياله مستقبلهم وبس كام واحد في الحكومة شريف يتعدوا ع الصوابع............ طيب ليه الشباب يطلع بره يعمل مشاريع في بلد ويسيب بلده هقولكوا ليه هناك بيقدموا تسهيلات رهيبة جدا للي بيعمل استثمار ..........لكن هنا يا عيني الروتين وكام الف من تحت التربيزة عشان يخلصلك الورق مع اني مقتنع انه لو اتعمل هنا المشروع هينجح بس للاسف بيجد قيد ثقيل وهو الروتين الغريب الشكل يطلع بره يعمله مشروعه ويكسب ويوم بأى ما يفكر يحن لبلده اللي معملتش ليه اي حاجا ( دا في نظره) يرجع بأى فرحان ليا بكام مليون ويطلع الي حصل فيه على الناس كل ما عناه هيخلي الناس تعاني منه يهني لو واحد كان اتهان من واحد في مركز ...........يوم ما هيكون معاه واسطة ومركز هيهين التاني والناس يامه ليعالج النقص الذي لديه وكما قلتها من قبل وسأظل اقولها عمار يا مصر عمار يا حكومة دمرتوا عقول الشباب والان تبكوا على ما فات وما جنته يداكم لنا الله.............لنا الله ولا تبكي عندما ينهار حلمك في جزء من الثانية . ... ...... ............. ....................... عفوا انت في مصر وننتظر مواضيع ساخنة جدا شكرا مريم لاتاحة الفرصة لنا للحديث ننتظر البقية ................</span> الاميرة المصرية 06-09-2006, 12:34 AM <div align="center">والله يا جماعة لو كل مسلم حب اخوه المسلم والرئيس خاف على رعيته الى هيتحاسب عليهم يوم القيامة مش هيحصل كل ده الواسطة اظن دى اكبر مشكلة ناس ميستحقوش اى حاجة وفى مناصب كبيرة ليه؟ لان عندهم واسطة والواسطة دى الى هى اساسها الفلوس يعنى بيشتروا الفلوس بالفلوس والله ياشباب دى مشكلة جامدة استنوا دفعتين كمان كده وهتشوفوا الاجرام والبطالة بجد لانهم مش هيلاقوا فلوس يسفروا اساسا</div> COoL HEaRT 06-09-2006, 12:37 AM ما شاء الله ع الرد الوافى وفى بكره اعاده برنامج القاهره اليوم حاجه ناررررررررر عن الكاتب اللى شتم الريس وعهده المجاهد فى سبيل الله 06-09-2006, 12:37 AM السلام عليكم ورحمة الله وبركاته اولا انا بجد معجب بارائكم التى يوجد بها شئ من التفكيير بس انا عندى رائى اخر اخواتى فى الله هناك الكثير من العمل بس فين الشباب البيدور كل واحد يقعد جمب الحجه ولدته وعايز الشغل يجى لحاد عنده بالزمه ده ينفع طبعا انا مش بقول ولا اقصد على شغل الحكومه لا طبعا لان طبعا مفيش شغل عندهم بس هناك شغل خاص ويحتاج الى شباب كتير ومتوفر العمل فيه بس نعمل ايه الشباب مكسل بمعنى اصح وده طبعا مينفعش لشاب عايز يخدم بلده وعايز يقعد فى بلده بس من الاخر الشباب هما الكسلين يعنى مثال انا دلوقتى شاب مش كبير اوى واشتغلت وانا عندى 10 سنين والحمد لله اتعلمت صنعه بتنفعنى دلوقتى علما انى ملييش فى الشغله دى خالص يعنى انا مجال تعليمى مش تبع الصنعه خالص بس الحمد لله اتعلمتها واشتغلتها والحملله بتجبلى دخل كويس كل صيف ده مثال واكيد هناك امثله كثيره مثلى انما باه البيفكر انه يشتغل فى الخارج بيروح يتبهدل وبيرجع فى حجتين يا اما فى تابوت وميت يا اما بيرجع فى عربية الترحيله بتاعت السجن وبتبهدلو بجد وبيروحو بيشتغلو ايه يعنى ولا حاجه وده ردى يا ريت نشوف باقى الاعضاء الاميرة المصرية 06-09-2006, 12:52 AM <div align="center">ميرسى على ردك يا محمد الى بجد ذكر كل جوانب المشكلة كلامك صح يا اخ مجاهد بس فى نقطة انا عايزة اوضحها لحضرتك الكلام الى حضرتك بتتكلم عنه ده الوظائف الخاصة الاعمار بيد الله ومحدش ضامن عمره الى هيشتغل فى شغل خاص ده ملهوش اى ضمانات افترض مثلا اب بيشتغل فى شركة خاصة ولقدر الله توفى وكل ولاده بنات يتشردوا من بعده؟؟؟؟؟؟؟؟؟؟؟؟؟؟؟؟ لذلك احنا بنخص العمل الحكومى بالذكر</div> الاميرة المصرية 06-09-2006, 01:19 AM الظاهر ان البث التجريبى نجح النهاردة الحمد لله انا عندى اقتراح لموضوع النهاردة بس ان شاء الله هقلكم عليه بكرة ان شاء الله وان شاء الله بكرة موضوع سوء نظام التعليم فى مصر عندى ملحوظة صغنونة ياريت الى يقول رايه يكمل النقاش ويشوف الراى المعارض ويقبله علشان يكون نقاش بجد وبشكر كل الى ابدو رائيهم البحار موندى وميدو وجيفارا وتيمون واسلام طبعا وهند ورحمة وميتاب بسام وبسمة ودريمز ومحمد البرى ومجاهد فى سبيل الله The_Relativistic200 06-09-2006, 02:47 AM واالله يا مريم فكرة نضيفة نضيفة بجد والله والحمد لله فيه ناس بتتكلم يعنى هنعرف نشتغل نظام التعليم فى مصر يسعدنى ان اكون من اول من شارك فى هذا الموضوع واضح انك حطة عينك عليه من الاول :D نظام التعليم انا هقفل الطريق على اللى بعدى واقول ان دى حاجة بديهية يعنى الكل عارف ان نظام التعليم زى القطران والزفت يبقى الصراحة فى رأييى الموضوع يبقى رأيك فى تطوير التعليم ده رأييى ولا انتى شايفة ايه :unsure: ولنا عودة eng_7amod 06-09-2006, 03:22 AM انا اسف معلش انا مش هقدر اشاركم في الرأي في الموضوع ده بالذات لاني معلش مخلص مدرسه من زمان اوي وكمان مخلص ثانويه بره مصر فللاسف انا معرفش حاجه عن نظام التعليم في مصر انا كان نفسي اشترك معاكم والله بس للاسف اكيد هشترك في موضوع تاني جزاكم الله خيرا على الموضوع الاكثرلا من رائع فعلا والله موضوع جميل جدا جدا ( معلش انا عارف ان الموضوع اتقفل بتاع العمل بره مصر بس انا عايز اقول نقطه صغيرة بس ) مرتب المهندس المبتدأ المبيدأ في الكويت هو حوالي 500 دينار يعني حوالي 10الاف جنيه مصري معلش انا اسيب 10 الاف جنيه علشان اخد 500او 700 جنيه اعتقد انه صعب ووالله مرتب المهندس الكبير حوالي 1200 دينار يعني 24 الف جنيه شهريا وشكرا الاميرة المصرية 06-09-2006, 04:07 AM اولا ميرسى على مرورك ياخالد وموضوع التعليم هنتكلم فيه بكرة ان شاء الله انا مامعاك يا استاذ محمود بس فى حاجة اسمها انك تحب بلدك ووطنك وده الى دين الاسلام دعانا اليه ولازم تعمله حاجة تترتقى بيه انما حضرتك تقول كده وغيرك يقول كده البلد هتفضل هى البلد مش هتتطور وكفاية ان اولادك مش هيكون عندهم انتماء لبلد والده واجداده كمان ودى فى حد ذاتها مشكلة كبيرة eng_7amod 06-09-2006, 04:24 AM اختي العزية جدا انا من مواليد الكويت اتولدت لقيت والدي شغال فيها ضطريت اني اتربى واعيش فيها 18 سنه ولعلمك انا بحب مصر جدا جدا جدا يمكن اكتر من اي واحد عايش في مصر دلوقتي لان الانسان لما بيكون بعيد عن الحجه بيشتاق ليها وبعديين انا عايز اتجوز وعايز انفق على اولادي وادخلهم اجمل مدارس واديلهم حقهم في التعليم والحياه زي ما والدي عمل معايا بالظبط طيب ازاي اقدر اوفرلهم الموضوع ده اذا كانت بلدي اساسا مش عايزة تنمي نمواهبي او تساعد غير انا بشوف في مصر لما انزلها ان في ناس متعلمه كتير اوي وشهادات عاليه مش لاقيين شغل يبقى لو انا جاتلي الفرصه اني اشتغل برة بالمرتب ده اكيد هوافق لاني عايز اكون نفسي وومكن بعد كده انا استغل الفلوس دي في مصر سواء فتحت مشروح او غيره اكيد هفيد بلدي بس في الاول لازم اكون نفسي الاول ..مضطر اسفا اني اشتغل برة مصر وانا اقسم بالله لو اتوفرلي عمل ب2000 جنيه بس مش مسافر الكويت تاني وانا هقدر اعيش بيهم بس للاسف هما فيين ال2000 (ده راي احد اصدقائي الكويتين :: هو دخل اولى ثانوي 3 مرات وكل مرة يسقط فساب التعليم . انا لما دخلت هندسه حبيت اني انصحه بالتعليم تصوري قالي ايه؟؟ قالي انا هشتغل دلوقتي وانت هتدخا هندسه 5 سنوات وشوف انت هتاخد كام وانا هاخد كام .. صديقي ده دخل الجيش الكويتي وبياخد 600 دينار يعني 12 الف وانا اللي في هندسه بيدوني 700جنيه يبقى ليه حق ولا ملوش ؟؟) انا اسف يمكن لما كتير يشتغلوا برة اكيد هيوفروا فرص عمل لناس تانيه موجوده في مصر او على الاقل لما يرجعوا ويفتحوا مشاريع هيحتاجوا ايدي عامله ويخففوا البطاله وشكرا أ/محمد أبو النور 06-09-2006, 06:18 PM i am with u انا معاكى وفعلا موضوع جميل جداا يا مريم الف شكر على الموضوع الاميرة المصرية 06-09-2006, 06:25 PM <span style="color:#CC0000"> الحلقة معانا النهاردة عن نظام التعليم فى مصر وهى مرتبطة بموضوع الحلقة الماضية البعض يقول ان التعليم فى مصر سىء بكل المقايس والبعض الاخر يقول العيب فى المناهج فقط فياترى انت مع اى من هؤلاء؟؟؟؟؟؟؟</div> محمد البري 06-09-2006, 06:59 PM [u][i]انا ارى اولا ان تعليم مصر عقيم جدا جدا يعتمد على الحفظ وليس للفهم او الطالب الذي يحاول الاستيعاب والفهم اي وجود يعني يصب العلم في العقول كما يصب الماء في الكوب ........... منطق غبي نجد المدرسين في المدارس كام واحد عندو ضمير وبيشرح ( دا اذا كان عندو ضمير وبيعرف ربنا ) ولا الدروس الخصوصية ومافيا المدرسين التي تستنزف الأهالي واه يا عيني لما مافيش طالب اخد درس خصوصي دقني لو فهم حاجا ليه لان مناهج مصر كلها حشو وكلام دش كله مفيهوش الا كام كلمة بس اللي بيجي في الامتحان نيجي للوزير المبجل حسين كامل بهاء الدين ( اللي خرب تعليم بلدنا ) يعني هو اللي نشر الدروس الخصوصية جدا في عصره وخرب نظام التعليم ............. أصدر قوانين غريبة الشكل في التعليم ولا الباشا يسري بيك الجمل يا سلام جه يكحلها عماها بعد اجمد جمال الدين اللي جاب سنة ساتة ابتدائي تاني وجه البيه الوزير خربها وعماها امتحانات وبعبع الفيزيا سينتهي وبالاسف الكنترول واللجان كانت رهيبة.......دا مش نقاشنا هندخل على أسس التعليم هنا تعلم الطالب ما معنى الانحراف تجبر الطالب على ان يهرب من على سور المدرسة تعلم الطالب ان المدرس ما هو الا مسير لخدمته بس بفلوسك يعني انتا اعلى باللي في جيبك والمدرس هيكون حبيبك انا بخص طبقة معينة للمدرسين مش كلهم فيه مدرسين محترمين قوي قوي نيجي بأى لحكاية المناهج والله احنا ما بندرس اي حاجا لا شوفت طول حياتي كتاب عدل كله كتاب عباره عن قشور بنعلم الطالب التخلف ولا نعطي الطالب فرصة انه يخرج خارج نطاق حدود الكتاب المدرسي للأسف نحن نذاكر حتى ننجح للامتحان وبس محدش بيستفيد نهائي شغال طول الليل والنهار دح وبس ليه يدخل يرص كلمتين حافظهم ويطلع يجيبلي 99 % ويدخل الطب تعالى يا دكتور في العملي تلاقيه فاشل انا نفسي اعرف حد في المدرسة عمل تجارب بايده قله قليله جدا شوفوا مناهج التربية الدينية الاسلامية مهملة جدا انا عشات اربع سنين في سلطنة عمان كان كل سنة بنحفظ جزء من القرأن هنا مدرس التربية الدينية المبجل وهو مدرس لغة عربية يدخل يحضر دروسه اللي هيشرحها في الدرس ويكتب في المذكرات بتاعت سيادته والمدرس يدخل الفصل يقول كلمتين دش نصهم غلط ويدخل يسب في فلان وعلان مدرسين تانيين والحصة ضاعت كل همه الروتين وبس يبأى التعليم بايظ ليه وزراء فاشليين قوي قوي قوي نظام تعليمي هابط جدا جدا ومتدني لابعد الحدود ومناهج معرفش مناهج دي تصغير التصغير بتاع التصغير بتاعها ايه لو فيه كلمة منيهيج وتمشي تكون حلوة مش منهج وانا دا كل رأيي وارى انه هناك حلول لتطوير التعليم اولا تطبيق نظام تعليمي جديد يقوم على التفكير والبحث والاستخدام العلمي وكل شئ وهدفه المحاولة للقضاء على الدروس الخصوصية الرهيبة جدا زيادة مرتبات المدرسين مما لا يدفعهم الى ان يعطوا دروس خصوصية يا جماعة المدرس في انكلترا بيقبض اكتر من الوزير :blink: ليه لان المدرس هو من يخرج الرئيس والوزير والسفير والطبيب والمهندس ......... الخ اسأل الله عز وجل ان يأتي ليتولى مناصب التعليم ووزارتها ان يكون عنده اهداف ونظم جديدة لعلاج العقم الشنيع في التعليم المصري هذا كل ما لدي .......... شكرا لكم المجاهد فى سبيل الله 07-09-2006, 12:19 AM <div class='quotetop'>إقتباس(الاميرة المصرية @ Sep 6 2006, 01:52 AM) 211817</div> <div align="center"> كلامك صح يا اخ مجاهد بس فى نقطة انا عايزة اوضحها لحضرتك الكلام الى حضرتك بتتكلم عنه ده الوظائف الخاصة الاعمار بيد الله ومحدش ضامن عمره الى هيشتغل فى شغل خاص ده ملهوش اى ضمانات افترض مثلا اب بيشتغل فى شركة خاصة ولقدر الله توفى وكل ولاده بنات يتشردوا من بعده؟؟؟؟؟؟؟؟؟؟؟؟؟؟؟؟ لذلك احنا بنخص العمل الحكومى بالذكر [/b][/quote] السلام عليكم ورحمة الله وبركاته اختى فى الله الاو كلامك صح بس يا اختى هناك شئ فى مصر اسمه التامينات هذه المصلحه الحكوميه تاخد من كل مواطن فى الشهر مبلغ وقدره من اجل ماذا ؟ من اجل الحضرتيك بتقولى عليه ده يعنى لما الواحد بيوصل سنه 60 سنه بياخد معاش باه الدفعه طول حياته بيخده براتب شهرى وانا اسف على التاخير فى الرد على حضرتيك المجاهد فى سبيل الله 07-09-2006, 12:38 AM السلام عليكم ورحمة الله وبركاته اخواتى الكرام كلكم تتكلمو عن التربيه والتعليم انما انا باه فى الازهر يعنى المفروض انى دلوقتى حافظ القران الكريم كاملا ولله ولله يا اخوانى انا محفظت او استفت اى اى شى من مدرس القران بتعنا ولله يا اخاونى كان مدرس القران يدخل يقول كلمتين كلمتين بس يا جماعه انتم عايزين تسمعو ولا نصحو اى ندى ربع جديد طايب يا ساتاذ سمع القديم لا وتصدقو وتامنو بالله انا السنه الفاتت دى انا مشفت مدرس القران ده خالص خالص وولله فى السنه القبليها ولله ما شوفته الا مره ولا اتنين وفى مره ليته داخل كده ومكسل فا اتخنقت منه ولله ما استاذنت منه حتى لقانى طالع كده قال يا ااااااه يا ريت كل الطلاب زيه كده ده مال بسيط نيجى للبهوات المدرسين التانيين البشوات باه يجو مره مدرس بيشرح درس فى النصوص فا قال اسم شاعر والمشكله انه قاله غلط لا ومش عجبه انى بصححله لا راح واشتكانى للشيخ بالله عليكم ده ينفع يبقى مدرس ااااه نسيت اخينا باه بتاع الفرنساوى ولله ولله جه فى مره ودخل الفصل فا قعد فا طالب من الطلاب قاله ايه يا استاذ انته مش حتشرح ولا ايه قاله اشرح ايه يابنى اصل انا لو شرحت انتم مش حتفهمو يبقى اتعب نفسى ليه هههههه شوفتم الخيبه انا اسف انى حكتلكم كل الحكايات دى بس دى للاسف الحقيقه ودى حقيقت تعلمنا يا عم ده تسميه تعليم ولله تى متسمهوش لعب على الاقل لما بنلعب كوره بيكون فيه نظام شويه بجد ولله نيجى باه للراس الكبيره شيخ الازهر الربنا يخده يا رب يا رب خذه اخذ عزيز مقتدر اصدر قرار للعلماء بتعنا انهم ممنوع انهم يالفو كتاب اكتر من 200 صفحه وهوه سيادته يالف كتاب اكثر من 400 صفحه شوفتو باه وقلل عدد حصص القران بدل ما كانت 3 حصص فى الاسبوع بقت حصتين فى الاسبوع شوفتو الامله الحنا فيها الازهر الشريف المفروض كل يوم حصة قران دلوقتى باه حصتين شوفتو الخيبه ولله ولله انا واحد صحبى متجوز ومخلف ولد بيقولى انا عايز ادخله ازهر قولتله تبقى حتظلم الولد ده اكبر ظلم ونصحته انه ميدخلهوش ازهر وخليته يدخله مدرسه عاديه وانا الان الحمدلله متولى حفظه للقران وبحفظه وماشاء الله دلوقتى حافظ 5 اجزاء يعنى لو كان قعد فى الازهر ولله ولله ما كان حفظهم وانا اسف انى طولت عليكم زمنكم بتقولو ده رد ولا موضوع ده صح قولو الحقيقه بس انا اسف جدا يا جماعه لانى بجد مليان اوى وعلى فكره انا كل ده ومجبتش برده واحد من المائه من البيحصل COoL HEaRT 07-09-2006, 12:46 AM لأ عادى الكل نعبى ع الأ خر فضفض بس عاوزين نحدد نقطه واحد عشان نتكلم فيها The_Relativistic200 07-09-2006, 02:22 AM التعليم يا حضرات صفر من الالف الى الياء مش هنناقش اسباب كفاية ان الشباب بيدخل الجامعة مش عارف لا ينطق انجليزى ولا عربى talk و walk بقت تولك وولك international بقت انتر نتيونات essential بقت .......ولا بلاش سيبنا من الانجليزى احنا بتوع العربى والله العيال اكثر من جرنان الاهلى مش بتعرف بيبانوا بس فى المدرسة لما الاستاذ يقولوه قوم ياااااااض اقرا الحته دى الخطوط زى الزفت واحد صاحبى فى معهد بقاله 4 سنين فى سنة اولى مش عارف يعدى ودخل مع الدكتور اللجنة ووراله ورقته يقوللى والله معرفت اقرا خطى كفاية اوى ان الكل النهاردة كل همه بس يجيب الخمسين من خمسين و410 من 410 ويلم قرشين عشان يتجوز ولنا عودة طبعا أ/محمد أبو النور 07-09-2006, 12:55 PM ان بؤيد الاثنين التعليم بايظ والمناهج ابوظ دى المناهج بالطريقة دى هتصيب العيال بالتخلف العقلى اكتر ما هما عندهم الواحد لما بيبص للكتب القديمة بيلاقى المناهج هى هى بتغيرات طفيفة لا تذكر الدنيا بتطور والعلم بيتقدم وبالتالى لازم المناهج تتغير لمسايرة التقدم العلمى والتعليم مفيش اهتمام خالص الكل بقى بيروح المدرسة صراحتا عشان الغياب مش اكتر لانه وبكل بساطة مش بنستفيد حاجة من المدرسة غير مضيعة للوقت ووجع دماغ الكل اعتمد على الدروس لعدم وجود ما يبحث عنه فى المدرسة مرة من المرات قلت للاستاذ اشرح حلو؟! قاللى الجو فى المدرسة مش مساعد فى الدرس عندى الجو جميل وبيساعد الاستاذ يقول اللى عنده كله من وزير التربية وال............... ما علينا للكلام بقية أحمد2025 07-09-2006, 01:04 PM التعليم باااااااااااااااايظ وكل وزير جديد يقول هنعنل وهنعمل وهنعمل وفى الأخر أنتم عارفين بقى مسيو محمد عياد 07-09-2006, 02:01 PM طبعاً مافيش خلاف على الكلام اللي اتقال وأعتقد إن في فرق بين التعليم دلوقتي والتعليم من 10 سنين والتعليم من 20 سنة والفرق اللي أنا شايفه إن التعليم من 20 سنة كان سئ .. أما التعليم من 10 سنين كان سئ جداً أما بقة التعليم دلوقتي فأنا أرى إن هو سئ جداً جداً جداً إلى آخر السطر وطبعاً قصدي على التعليم السياسة التعليمية اللي بتاخد النشأ ( العيل الصغيرة يعني ) من الابتدائي لحد الثانوي أما التعليم الجامعي فده محتاج موضوع لوحده ، ومش حنتكلم عليه المهم ، علشان ما يبقاش الموضوع دعوة للإحباط .. ويكون فيه فايدة .. فأدعو جميع إخواني الطلبة - كما أشار الشيخ مجاهد - إلى عدم الاعتماد فقط على المادة العلمية المأخوذة من وزارة التعليم .. ولكن أنصحكم بالإطلاع وكثرة القراءة فيما يفيد والابتعاد بقدر اللإمكان عما لا يفيد. وأحمد الله أن هداني لهذا في الوقت المناسب ، حيث كنت مولعاً بالقراءة في جميع المواضيع بلا استثناء .. وأقول كنت .. لأنني حالياً ليست قرائتي بقدر ما كنت أقرأ أيام الدراسة. جميله 07-09-2006, 02:14 PM انا جيت انا لسه شايفه الموضوع دلوقتي وهواكتر من هايل ولقيتكم بتتكلموا عن التعذيب في مصر قصدي التعليم في مصر المهم الكلام في موضوع التعذيب ده كتير اوي اوي يعني انا شايفه ان احنا ممكن نجزأ الموضوع لنقط ونتكلم في كل نقطه ولما تخلص ندخل النقطه التانيه وبكده يبقى اسهل كتير يعني مثلا نتناقش دلوقتي في الدروس الخصوصيه وبعدين المناهج ويليها الامتحانات ومشاكل الثانويه العامه والجامعه ومشاكل المدرسين والتنسيق ........ وطبعا الظلم المتمثل في رياضه ستين في سبعين محمد البري 08-09-2006, 02:17 AM امال فين بقية المواضيع والمنقشات يا جماعة انتم فين :blink: :blink: محمد صفوت 08-09-2006, 05:26 AM السلام عليكم و رحمة الله و بركاته الموضوع جمييل فعلا و يستاهل المناقشة بس مهما قلنا مش هنوفيه حقه المهم بعد اذنكم ممكن اشارك؟طيب ميرسى :) -------------- بالنسبة للتعليم فى مصر: المناهج اللى احنا بندرسها للأسف قشور كمان مفيش اى تجهيزات فى المدارس نهائى انا كنت فى البحرين لحد سنة 4 ابتدائى بس هناك محدش كان بياخد دروس انا معرفتش يعنى ايه دروس غير لما جيت مصر على فكرة <_< هناك الفصول مكيفة بتعمل تجارب عملى بإيدك فى مراجعة باستمرار على المدرسين اللى فى المدرسة مدرسين الانجليزى بيجيلهم مراقبين من بريطانيا ---------------- طبعا احنا عندنا محدش بيروح المدرسة عن نفسى انا فى ثانوية عامة مكنتش بروح ولا كل الناس اللى فى ثانوية عامة لأنى و اثق لو كنت رحت مكنتش جبت مجموعى ده طبعا كنت باخد دروس فى كل المواد لان مفيش مدرسين فى المدرسة بيدوك زى مدرس بره مدرس بره مش بيسيب نقطة صغيرة غير لما بيقلك عليها دا باستثناء بعض المدرسين المحترمين0 أمال الناس اللى جايبة 410 من 410 من غير مستوى جايباها ازاى؟ ولو انى اشك فى الدرجة دى ما علينا انا جايب 407.5 من غير مستوى بس طبعا لانى كنت باخد دروس + مكنتش بروح المدرسة المهم لو عايزين نطور التعليم فعلا يبقى نشوف ليه الطلبة مش بتروح المدرسة يعنى هنقارن بين حاجة بسيطة قوى ليه طالب ثانوى مش بيحب يروح المدرسة بس بيحب يروح الجامعة؟ لأن الجامعة الى حد ما فيها حاجات ممكن تشجعه و لو ان فيها نقص فى التجهيزات برضه بس هيا بتشجعه الى حد ما كمان لازم المناهج تتطور من الأول للاخر يعنى منهج رابعة هندسة مثلا يكون اساسه منهج اولى ابتدائى بحيث ان كل سنة تكمل التانية ويكون الشغل عملى مش كلمتين نظرى ولازم نموذج اجابة ولو الطالب خرج عن النص بكلمتين المصحح يشيله الدرجة كلها وممكن تكون المعلومة الصح اللى الطالب كاتبها المصحح نفسه ميعرفهاش كمان احنا عندنا حاجة وحشة اوى ان كل سنة فى حاجة اسمها تعديل للمناهج و هو فى الحقيقة تبويظ يعنى ممكن يكون التعديل ده له مزايا و عيوب بس هو لما بيجى يعدل بيحط اى حاجة والأساسيات بيشيلها ------------------------------------------ يلا ما علينا بس على فكرة كل أوائل الثانوية العامة كانوا بيعتمدوا على الكتاب المدرسى و بيروحوا المدرسة و بياخدوا شهادات تقدير من كى جى ون زى ما واحدة منهم السنة دى قالت كده :angry: معرفش ازاى(طبعا محفظينهم كلمتين :huh: ) -------------------------------------- كمان مشكلتنا ان الخريجين كتيير وظائف العمل قليييييييييلة جدا بمعنى لو احنا عملنا الثانوية العامة مرحلة منتهية وقلنا لكل طالب روح الكلية اللى انت عايزها كل الناس هتروح هندسة و طب و صيدلة.... بس انا من رأيى ان لازم تكون فى اختبارات تأهيل زى النظام الأمريكى بالظبط عموما للكلام بقية و محدش يفتكر ان بكلامى عن البحرين و النظام الامريكى ان معنديش انتماء لا انا بقارن بس وانا نفسى والله حال البلد دى ينصلح و معدوش يحطوا امتحانات ثانوية عامة غلط هيا و نماذج الاجابة :rolleyes: وللكلام بقية ان شاء الله و شكرا على الموضوع. على نجا 08-09-2006, 09:04 PM والله يا جماعة أنا شايف ان الموضوع اتقال فيه كتيير وكل يوم واحد يقول رأى جديد اللى أنا عايز أقوله إن فى أراء كتيير كزيسه وفيه هنا أراء ممتازه والله لكن المهم التنفيذ مفيش حاجة بتتنفذ صح يعنى مثلا الوزير اللى فات مثلا كان شغال والله كويس وغير المناهج شوية وماشى فى طريق الإصلاح لكن نظيف المعفن غيره بدون سبب احمد طه 08-09-2006, 09:18 PM اولا: مصرا لا يوجد بها تعليم ثانيا:لو فيها الحكومة حتفسده ثالثا:المناهج عشان تجيب فيها مجموع ادامك حلين يا تحفظ .................................................. .........يا تحفظ طيب واللى ما بيعرفش يحفظ وبيعتمد على الفهم والتعبير يبقى فاشل!!!!!!!!!!!!!!!!!!!!!!!!!!! ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |