موضوع ممكن يكون متكرر ولو عاوزين تحذفوه اتفضلوا لكن فرصة نتكلم بس ونقول ع اللي مدايقنا

اولا

الشيخ الدكتور الاستاذ /( معرفش مين )شاف خير اللهم اجعله خير ف المنام واحد لابس ابيض ف ابيض وسابله الرسالة دي اللي فيها حجات عادية جدا الله اعلم مصدرها فين وقالوا لو ما ارسلتهاش ل34686487واحد نهارك مش معدي والمرحومة مراتك هايجيلها مرض مزمن يسببلها قلقله ف المخ

وحصل في قصة حقيقة ان رجل اهملها شغله وقف واتهبل وجاله شلل ف ضوافره

ومدير اعطاها لسكيرتيرته فنسيتها ووضعتها ف الدرج قام شعرها ولع وعلبة مكياجها اتكسرت خمستلاف حتة

ورجل اتريق عليها مات بعد يومين



دي رسالة بتجيني كتير جداااا ع الميل ((طبعا مش بالنص ده لكن نفس الصيغة))

هدفها

التشكيك ف العقيده واضعافها وادخال معتقدات وبدع علينا ف ديننا الحنيف وماخفي كان اعظم



حاجة تانية بقى غير الميل ..البلوتوث

او الاتنين مع بعض توصلك حجات غريبة جدا

زي مثلا بكرة هاتوصل شحنة كنتالوب ولا شمام بطلوا تشتروه لان الكنتالوب ده محقون بفيروس الايدز

يعني هو الهبل والغباء وصل للدرجة دي من امتى الايدز بيتنقل بالاكل

دي اسمها عمليات استعباطية

واحنا طيبين نبعتها بلوتوث برده لناس تانيين

طيب مش كده بنضيع طاقاتنا ف كلام فاضي مالوش لازمة

طب ليه

هاتقولوا ماحنا كلنا قفشنا الحركات دي من زمان

امال مين اللي لسة بيبعتها

مين اللي لسة مضحوك عليه كده

طيب ممكن حد يقولي انا لما وزعتها بعد كام يوم كده حصلي حاجة كويسة جدا وممكن حد يحصله حاجة وحشة جدا عشان ما وزعهاش !!

طب ازاي؟؟!!!!!!

انت كان عندك اعتقاد ف الورقة دي انها حقيقية والكلام اللي فيها ده واقعي فعلا واعتقادك لازم يكون ليه نتيجة انت اعتقدت انك لو وزعتها هاتبقى النتيجة حاجة كويسة .....

ربطت بينهم والرابط ده لازم يشتغل

يعني العملية عبارة عن اعتقاد مش اكتر ولا اقل

لكن مش معنى كده اننا نعتبرها فرصة ونعتقد فيها

مش هافتي لكن بس خوفا ان تدخل في باب الشرك بالله

طيب......



ممكن نعمل اللي علينا مرة واحده ع الاقل ولما تيجي الرسالة دي لحد عندنا نرد عليها ونفهم اللي باعتها هي مبعوتاله ليه

عارفة ان الموضوع قديم وقلت لو عاوزين تحذفوه مافيش مشكلة لو متكرر

لكن شكلنا عاوزين اللي يفكرنا كل شوية



غير ده وده بقى

نشوف الحاجة اللي لا فيها ميل ولا موبايل



اضافهالي برنامج لسة شايفاه النهرده

بيقولك

دايما في شخص ما الله اعلم مين هو

بيقولك

بيقولك هايلغوا معرفش ايه

بيقولك هايحطو معرفش مين

بيقولك مات بيقولك صحي

بيقولك اتجوزت واطلقت واتنيلت

هو مين اللي بيقولك ده واشمعن بيقولك انت وراح فين بعد ماقالك

هو مابيبطلش قول الراجل ده

واحنا ماشاء الله علينا نروح ننقل بالنص

بيقولك

ولحد امتى

((من كان يؤمن بالله واليوم الاخر فليقل خيرا أو ليصمت))

احييكي يا هنا علي علي موضوعك بجد جزاكم الله خيرا

شكرا على الموضوع الجميل والهادف

شكرا على الموضوع
وللاسف فيه ناس كتير منساقين ورا هذا الكلام وبيصدقوه
والخيبه ان اكترهم من المتعلمين

جزاك الله خيرا
وتقبلى مرورى

جزاكي الله خيرا يا هنا علي موضوعك الرائع

حاضر هارسلها
بجد كتيرة اوي عمليات الضحك ع العقول و انك تلاقي رسالة يقعد صاحبها يحاول يقنعك فيها بكلام مالهوش معني

و الغريب انك تلاقي الناس بتصدق !!

حاجة غريبة
شكرا ع الموضوع

ميرسى اوى على الموضوع

جزاكى الله خيرا ياهنا بجد الموضوع مفيد جدا

السلام عليكم ورحمة الله وبركاته

رسالة بس لكل الناس اللى بيعملوا كوبى لكلام دينى سواء قرآن أو أحاديث قدسية أو أحاديث نبوية

يا ريت يا جماعة مش كل حاجة تجيلنا على الميل ننقلها ببساطة لكل الناس خصوصاً لما مايكنش فى راوى للحديث ، لازم نتأكد من الكلام اللى بننقله علشان هنتحاسب عليه

لأن فى أحاديث كتير غير صحيحة ولم تذكر على لسان الرسول صلى الله عليه وسلم وكذلك الأحاديث القدسية

اللى خلانى أكتب الموضوع ده إن بيوصلنى على الميل أحاديث كتير غير صحيحة

لو عايزين ناخد ثواب .. عندنا إسلام ويب وعندنا موقع السنة و مواقع كتير فيها صحيح البخارى ومسلم وغيرهم من راوة أحاديث الرسول عليه الصلاة والسلام ممكن ناخد منهم اخديت وننقلها لكل الناس اللى على الميل

فا ياريت بلاش ننساق وراء هذه الخدع بسهولة ويتم أيضاً نقلها بسهولة

و أرجو من السادة المشرفين يسيبوا الموضوع هنا علشان مش قادرة أتخانق اليومين دول :d

دول مثال بسيط للأحاديث الغير صحيحة

http://www.hejrh.com/images/bsm-allah3.gif
رتبة حديث "من ترك صلاة الصبح فليس في وجهه نور.."



السؤال :

أريد أن أتأكد من صحة حديث هو: قال رسول الله http://www.hejrh.com/images/smilies/A10.gif: (من ترك صلاة الصبح فليس في وجهه نور، ومن ترك صلاة الظهر فليس في رزقه بركة، ومن ترك صلاة العصر فليس في جسمة قوة، ومن ترك ترك صلاة المغرب فليس في أولاده ثمرة، ومن ترك صلاة العشاء فليس في نومه راحة، لا بارك الله في رزق يلهي عن الصلاة)هذا هو نص الحديث هل هو صحيح أم لا؟ وجزاكم الله خيراً.


الفتوى :

الحمد لله والصلاة والسلام على رسول الله وعلى آله وصحبه، أما بعـد:

فلم نعثر على هذا الحديث في شيء من دواوين السنة، وأمارات الوضع عليه ظاهرة، فما ذنب الأولاد إذا فرط أبوهم في الصلاة، فيقال ليس فيهم ثمرة، وقد http://www.hejrh.com/images/smilies/s%20(22).gif: وَلاَ تَزِرُ وَازِرَةٌ وِزْرَ أُخْرَى {الأنعام:164}، وانظر الفتوى رقم: 11506 فهي مهمة، ولا شك أن التهاون في أمر الصلاة شأنه خطير، وقد يفضي بصاحبه إلى الكفر والعياذ بالله، وانظر الفتوى رقم: 1195، والفتوى رقم: 36666، والفتوى رقم: 28759.

والله أعلم.

المفتي: مركز الفتوى بإشراف د.عبدالله الفقيه

http://www.islamweb.net/ver2/Fatwa/S...Option=FatwaId (http://www.islamweb.net/ver2/Fatwa/ShowFatwa.php?lang=A&Id=53669&Option=FatwaId)




نصوص في الترهيب من ترك الصلاة



السؤال :

السلام عليكم

ما صحة الحديث التالي:

قال صلي الله عليه وسلم: من ترك صلاة الصبح فليس في وجهه نور، من ترك صلاة الظهر فليس في رزقه بركة، من ترك صلاة العصر فليس في جسمه قوة، من ترك صلاة المغرب فليس في أولاده ثمرة، من ترك صلاة العشاء فليس في نومه راحة


الفتوى :

الحمد لله والصلاة والسلام على رسول الله وعلى آله وصحبه أما بعد:

فبعد البحث الطويل في المصادر لم نجد للحديث المذكور أصلا، لا في الصحيح ولا في الضعيف من كتب الحديث المعنية، ويكفي في الترهيب في ترك الصلاة ما ورد فيه في القرآن الكريم والسنة الصحيحة، كقوله تعالى: فَخَلَفَ مِنْ بَعْدِهِمْ خَلْفٌ أَضَاعُوا الصَّلاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيّاً. [مريم:59].

وقال: فَوَيْلٌ لِلْمُصَلِّينَ* الَّذِينَ هُمْ عَنْ صَلاتِهِمْ سَاهُونَ . [الماعون:4-5]وقوله http://www.hejrh.com/images/smilies/A10.gif: من ترك صلاة العصر فقد حبط عمله. رواه البخاري وغيره.

والله أعلم.

المفتـــي: مركز الفتوى بإشراف د.عبدالله الفقيه

http://www.islamweb.net.qa/ver2/Fatw...Option=FatwaId (http://www.islamweb.net.qa/ver2/Fatw...Option=FatwaId)

::::::::::::::::::

وده كمان دليل تانى

بسم الله الرحمن الرحيم (http://www.thanwya.com/vb/showthread.php?t=104471)

نيجى بقى لنقطة تانية

الكلام اللى بيتنشر عن طريق الايميلات ومش بس الايميلات ده فى كل حته رسايل موبايل و ورق بيتوزع فى الجامعات والمدارس

إيه هو الكلام ده؟؟

أقولكم

سيدة شمبونجية ( الشبكة القديمة راحت فين :d) عمياء و رأت الرسول فى منامها و قالها قولى للمسلمين بأن يصلوا على كل يوم 100 مرة و تستيقظ الشمبونجية و أل ايه أصبحت ترى و حتى تزول عنك الغمه والمرض إبعت هذه الرسالة لكل من تعرفه ولا تقول إبعت هذه الرسالة إلى 10 أشخاص علشان تشوف الرسول فى منامك

قمة التخلف والغباء والعبط كمان

مش فاهمة يعنى إيه وجه الإستفادة من الرسايل العقيمة دى

طيب ما و انت ماشى ولا وانت مع أصحابك ولا وانت فى المواصلات قول يا جماعة صلوا على النبى 10 مرات ولا وحدوا الله

مش عيب خالص ولا فيها أى حاجة

العيب إنك تكدب علشان تخلى الناس تطيع ربنا

و ما بنى على باطل فهو باطل

كفاية رغى بقى :bosyht9:

كل هدفى إن أكبر عدد من الناس يشوف الموضوع ده علشان بدل ما يكون تفكيره فى إنه ياخد ثواب يكون على بنيه سليمة وليست كاذبة

لكم منى أطيب الدعوات

فى رعاية الله

ههههههههههههههه

عسل يااسيل مينشمبونجية دى يابت
ماعلينا فعلا انا بحس كتير ان فيه ناس بتعمل
قص ولزق للموضوع من غير ما تشوف وتتاكد
من الكلام اللى فيه بارك الله فيكى ياقمراية

جزاء الله خيراً

أود أن أقول أن علينا أن يكون عندنا بعض الخلفية المناسبة و لا أقول احتراف ببعض العلوم منها علم الحديث
ببساطة لازم نعلم أولادنا بتدرج عمرهم العقلي معنى صحة الحديث و نفهمهم أن بعض الأحاديث

1- ضعيفة ( غالباً وضعت للمزايدة في العبادة )
و متى يمكن الاستناد لها (( العلماء أجازوا الضعيف في حالة الترغيب و الترهيب فقط و ليس الأحكام ))

2- الموضوعة ( يذكر أن أحد اليهود عندما أقام الإمام على t حد القتل , قال عند موته وضعت في هذا الدين
50000 حديث ليضل المسلمين) في لا يجوز حتى خطها في الكتب و لا روايتها لأنها كذب على الرسول
r وهو القائلr ((( من كذب على متعمدا فليتبوأ مقعده من النار )))

و من فضل الله سبحانه و تعالى علينا أنه جند لهذه الأمة علماء يتصدون لهذه الافتراءات و أولهم الأمام البخاري و مسلم و غيرهم من علماء الحديث و الجرح
فهم كانوا يتحرون الحديث و يبحثون عن تواتره لسنوات و صدق ناقليه حتى الرسول ( السند )

لذا نجل ونحترم علمائنا الذين عندما يتحدثون بالحديث نلاحظ أنهم يخرجون الحديث ( يذكرون راويه و الكتاب الذي سطر به و درجة الحديث )

طبعا واحد يقول علم الحديث صعب لكن بقول نتعلم منه الحد الأدنى حتى لا نقع في مثل الأحاديث التي أوردتها الأخت الكريمة

يا جماعة هذا هو العلم النافع و الحافظ للسنة من البدع و الأكاذيب
و شكراً للموضوع الهادف

يا رب اجعلنا من الذين أتبعوا الرسول الأمي الذي أرسلته فينا و أجعله شفيعاً لنا يوم الدين

يجب أن يتأكد جيداً اى انسان يقوم بالنسخ واللصق

أن يقرأوا جيدا ما ينقلونه

فعلا لأنه امانة فى أعناقهم

وسيحاسبون على كل حرف ينقلونه

لأنهم أن نقلوا ايات او احاديث صحيحة سينتفع بها الجميع

وسيثابوا عند الله بما فعلوا

أما إذا حدث العكس فسيكون عليهم اثم ما نقلوا

هو الموضوع ده مش كنتي عامله زيه من فترة ولا انا بهيس :d

الشريعة الإسلامية والسنة النبوية حافلة بالأحاديث الصحيحة والآيات الصريحة

التى تدعو لفعل الخيرات بدون خلاف فى الرأى أو حتى اضطرار للبحث عن صحة

الحديث أو الدليل من عدمه ، فلماذا نترك الواضح البين ونبحث عن الضعيف

المشكوك فيه ثم نجادل ونتناقش مناقشات عقيمة بلا فائدة !!


الدين واسع وجميل وملئ بالأكسجين فلماذا نخنق أنفسنا بدون داعى ؟!


هلك المتنطعون ..


شكراً أسيل على الموضوع الجميل الهادف ...

و الله الحكاية دى مبهدلانى ع الميل...

و المشكلة بتجيلى من ناس المفروض عقولهم اكبر من العبط ده....

"الحق ابعتدى ل 24 شخص و انت ربنا يرضى عنك او فى خلال اربعة و عشرين ساعة هاتموت مشلولاو محروق انت و نصيبك...وكمان الكهربا تقطع طول الاسبوع...و...و.."

ادى عينة من اللى بتبعت...

ده كوم و الاحاديث الضعيفة او اللى مش موجودة من اصله...

و الناس عمالة تحدف لبعض ع الميل...

ربنا يهدينا و نفكر فى الحاجات قبل ما نبعتها....

اولا موضوعك افضل من رائع
وانا اهيكى عليه بس ممكن عطينى وقت اشوف الاحديث دى صح ولا غلط
مش عاوز غير وقت فقط
ممكن

شكرا يا اسيل على الموضوع

وفعلا الحكاية منتشره

بس ايه رايك لو تنشروا الموضوع دا برده عبر الايميل بتاعك للناس اللى بيبعتوا الايميلات دى؟

شكرا يا اسيل على الموضوع

وفعلا الحكاية منتشره

بس ايه رايك لو تنشروا الموضوع دا برده عبر الايميل بتاعك للناس اللى بيبعتوا الايميلات دى؟


و ان باضم صوتى ليك....:078111rg3:

وممكن كل واحد يبعت من عنده للناس اللى على ميله....

عشان نقل من الموضوعو ان شاء الله يروح خالص...

هو الموضوع ده مش كنتي عامله زيه من فترة ولا انا بهيس :d
ههههه لا مش بتهيس ولا حاجة
أصل المشكلة اللى حصلت فى المنتدى لما الردود كانت بتسبق الموضوع فا الناس بتدخل بتقرا رد أحمد فاروق و طبعاً يخرجوا مش فاهمين فين الموضوع فا قلت أحذف الردود اللى قبل الموضوع و طبعاً أول مشاركة لو إتحذفت يبقى الموضوع محذوف فا قلت أعمل واحد جديد و لو قدرت أجيب الردود اللى كانت فى الموضوع هنا يبقى خير و بركة
منور يا باشمهندس

شكرا يا اسيل على الموضوع

وفعلا الحكاية منتشره

بس ايه رايك لو تنشروا الموضوع دا برده عبر الايميل بتاعك للناس اللى بيبعتوا الايميلات دى؟
أكيد فكرة كويسة و لو حابين إنكم برده تنشروه على إيميلاتكم مفيش مشاكل

و جزاكم الله جميعاً كل خير على مروركم بالموضوع

عادة لكن خطيرة جداً .. ياااا مُسلميــن (http://www.thanwya.com/vb/showthread.php?t=109721)

ده الموضوع القديم .. لو حد عايز يشوف الآراء اللى فيه بخصوص الموضوع

و جزاكم الله كل خير

هههههههههههههههههههههههههههههههههههههههههههههههههه هههههههههههههههههههههههههههههههههههه
no comment

الاخت هناء موضوع رائع وهام رغم ان البعض قد لا يرى ذللك
ومنتشر من زمان وكان في رسالة ان واحد شاف الشيخ احمد خادم المسجد النبوي في منامه وقال له الرسالة دي لازم تنشرها وتبعتها واللي مش هايبعتها هايتخرب بيته واللي يبعتها يا سعده
وطبعا دي كانت شخصية خرافية واكتشفت ان بعض العلماء حذر من ذات الرسالة من اكتر من 100 سنه
جزاك الله خير

هههههههههههههههههههههههههههههههههههههههههههههههههه هههههههههههههههههههههههههههههههههههه
no comment
هي موزعه نكت ولا حاجه
ماعلينا

بصي الموضوع دا بجد مستفز جدا وبتلاقيه بينتشر جدا في رمضان
انا عني نفسيه بسميه نوع من الاشاعات يعني انتا اذا تنقل
حاجه وانتا مش عارف مصدرها زيها زي مروج الاشاعات
وتلاقيلك اللي يقولك هتموت لو مبعتهاش
معرفش هيحصل ايه لو مبعتهاش
تصدقي بالله انا عمري فحياتي مابعت رساله واحده من اللي بيوصلولي دول
لانها بجد فعلا رسايل مستفزه اوي
حتي ولو كان مغزاها اصلا كويس يعني دعاء او حديث
بس الاسلوب نفسه بيجبرك انك تكريها

هههههههه صح على رايك ياهنونة

والله خصوصا بعدعرض فودافون

1000رسالة كل يوم يجيلى10من نفس النوع

بس انا بسمع انها بدعة وحرام وكدة

جزاك الله خيرا ياحبيبتى ودائما للامام

جزاك الله خيرا يا هنا .....بجد عندك حق وربنا يهدي الجميع....

موضوع رووووووووعة بجد لازم كلنا نصحى ونفوق شوية

بصراحة أنا دايما توصلي رسايل فيها أدعية وصيغ للصلاة على النبي

ومكتوب في الاخر ان لم ترسلها ل .... من أصدقائك تحصلك مصيبة

أو ارسلها واستنى المفاجأة

وأنا بطنش على طوول

موضوع رائع يستحق التقدير

الللللف اللللف شكر

موضوع رائع يستحق التقدير

الللللف اللللف شكر