مشاهدة النسخة كاملة : نادي إبداعات الأعضاء الأدبي .. اقتراح جدير بالدراسة
الجويرية 14-07-2009, 02:50 PM السلام عليكم ورحمة الله وبركاته
كيف حال حضراتكم جميعا؟
اتمنى ان تكونوا بخير حال
اظن ان الموضوع باين من عنوانه
هانكون هنا من منتدانا لجنة ادبية
اى حد عنده موهبة كتابة خاطرة شعر نثر قصة قصيرة رواية
ممكن يشترك معانا
وهايكون لينا نشاطات للجنة الادبية
وهايكون ليها يوم اجتماع كل اسبوع
وفى اليوم ده كل واحد هايقدم قصيدة او قصة او خاطرة
وكلنا نناقشها مع بعض
وننقدها وهكذا
وهايكون فى ورشة عروض
وهنفهم يعنى ايه عروض
وممكن انا اتكفل واقوم بوضع دورة للعروض
علشان نكتب شعر بجد
والورشة دى هاتكون ع قصيدة مثلا معينة
وكل واحد يقول افكاره فيها منحيث الوزن
والكلمات الملائمة الحس القافية
لغاية ماتبقى شعر متكامل
لما نشوف التفاعل هنا
ومين هايشترك معانا
وبعدين نحط يوم نجتمع فيه
وهايكون فى الغرفة الصوتية ان شاء الله
والعمل ده قائم تحت اشراف
طمعانه فى رضاك يارحمن
و
آية من الله
واى استفسار ارسلوا لنا
وجزاكم الله خيرا
طمعانة فى رضاك يا رحمن 14-07-2009, 03:14 PM السلام عليكم ورحمة الله وبركاته
آية من الله
و
طمعانه فى رضاك يارحمن
كده الترتيب صح :d
you_my_lovely 14-07-2009, 04:41 PM أولا نقول وعليكم السلام
ثانيا انا حبيت ابعت شكر لمجهودكم الرائع الذى تقومون به من اجل المنتدى
وربنا يوفقكم ان شاء الله
:):):)
the black rose 14-07-2009, 04:56 PM الترتيب مش يفرق يا سمسمة
انتوا الاتنين واحد ;)
حلو اوى الموضوع يا يويو
عجبانى الفكرة
بس هو الاجتماع و الحاجات دى هتكون فين يعنى :romarioxp6:
ربنا يوفقكم و معتقدش انى هشارك :p
الأستاذة ام فيصل 15-07-2009, 01:41 AM السلام عليكم
فكره رائعه اهنئكم عليها
وبالتوفيق وجزاكم ربنا
خيرا
تحياتي
أحمـدنجـم 28-10-2009, 07:00 PM أقترح أن يخصص يوم لاجتماع المبدعين والمبتدئين في إبداعات الأعضاء ويعلن عنه في جدول الغرف الصوتية .. وأرجو تفعيل هذا الأمر من قبل أ/ سها وأ/ نداء الجنة حيث أنهما المسئولتان عن الغرف الصوتية وجداولها .. وأرى أن نقترح أكثر من موعد ويتم التصويت على موعد واحد من المواعيد التي سنختارها .. وليكن يوماً واحداً في الأسبوع داخل الغرفة الصوتية .. وأعتقد أن هذا سيكون مثمر إلى حد كبير .. والله الموفق .. في انتظار الآراء والتفعيل ..
الشاعر/محمد علي 29-10-2009, 12:19 PM أولا ً أشكر الأختين الاتين عرضتا هذا الموضوع الجيد
ثانياً: أنا لم أتشرف بمعرفتهما أقصد من حيث القيام بدور تدريبى على العروض وورش العمل ولماذا لم يقترحن أسماءاً مثل أستاذنا أحمد نجم أو عمنا سعيد حافظ أو غيرهما
ثالثاً: الأستاذه آيه قالت : علشان نكتب شعر صح؟
أعتقد كان من الأولى أن تضيف لههذه العبارة (للمبتدئين)
==
أرجو لا تفهمونى خطأ
ولكن هذات ما أود توضيحه
لأننى بصراحة لم أرى أى نشاط إبداعى نقدى لأى من الأختين
ولكنى أرى منهما نشاطاً كبيراً فى الاشراف
دمتتن للبوابة وللإبداع
الشاعر محمد على
.. Mysterious .. 29-10-2009, 10:57 PM ثالثاً: الأستاذه آيه قالت : علشان نكتب شعر صح؟
أعتقد كان من الأولى أن تضيف لههذه العبارة (للمبتدئين)
==
أرجو لا تفهمونى خطأ
ولكن هذات ما أود توضيحه
سوري ي فندم ع تدخلي
بس حبيت اوضح شئ من وجهة نظري انا
اعتقد ان المشرفة أية كلامها صحيح
ليه ....؟ عشان هيكون دليل ع ان لا يوجد من هو مكتمل الصفات
وكلنا مبتدئين .. وكمان دليل تشجيع وحماس لكل من يتواجد هنا
مهما كان اسمه ... او رتبته ف الشعر
واعتقد ايضا ان الشاعر مهما كان خبرته ف الشعر ... فهو ايضا مبتدئ
لانه يتعلم من الحياة .. ويتعلم من المبتدئ ايضا كما ذكرت حضرتك
لان كل جيل وله طريقه مختلفة عن الجيل الذي قبله
الانسان مهما كان درجه خبرته ف الحياة ... فهو مبتدئ
لان كل يوم يمر عليه يتعلم منه شئ جديد يضاف الي خبرته
اخيرا ... انا مش بغلط حضرتك ابدا
ولا بقل من شأن حضرتك ف مجال الشعر
ولكني اردت قول هذا الكلام
كتوضيح زائد ع كلام حضرتك
ف النهاية .. دعني اقتبس اخر كلمة لحضرتك
أرجو ان لا تفهمني بطريقة غير صحيحة
ولكن هذا م أردت توضيحه
وسوري مرة اخري ع التداخل
الشاعر/محمد علي 30-10-2009, 01:44 PM سوري ي فندم ع تدخلي
بس حبيت اوضح شئ من وجهة نظري انا
اعتقد ان المشرفة أية كلامها صحيح
ليه ....؟ عشان هيكون دليل ع ان لا يوجد من هو مكتمل الصفات
وكلنا مبتدئين .. وكمان دليل تشجيع وحماس لكل من يتواجد هنا
مهما كان اسمه ... او رتبته ف الشعر
واعتقد ايضا ان الشاعر مهما كان خبرته ف الشعر ... فهو ايضا مبتدئ
لانه يتعلم من الحياة .. ويتعلم من المبتدئ ايضا كما ذكرت حضرتك
لان كل جيل وله طريقه مختلفة عن الجيل الذي قبله
الانسان مهما كان درجه خبرته ف الحياة ... فهو مبتدئ
لان كل يوم يمر عليه يتعلم منه شئ جديد يضاف الي خبرته
اخيرا ... انا مش بغلط حضرتك ابدا
ولا بقل من شأن حضرتك ف مجال الشعر
ولكني اردت قول هذا الكلام
كتوضيح زائد ع كلام حضرتك
ف النهاية .. دعني اقتبس اخر كلمة لحضرتك
أرجو ان لا تفهمني بطريقة غير صحيحة
ولكن هذا م أردت توضيحه
وسوري مرة اخري ع التداخل
الأخ أحمد شوقى
انا طبعا بحبك وانت تعلم هذا جيدا
أنا لم أقصد شيىء تفهم منه أنى ضد الفكرة أو أنى من الشعراء
أنا أقل الشعراء هنا شعراً وابداعاً
أنا لست دارساً للعروض
أنالست أستاذاً فى علم النحو
ولست متخرجاً فى أى من كليات اللغة العربية
زلكننى أعمل فى مجال (إدارة الأعمال)
أنا رجل هاو
أحس بما يحسه الآخرون ولكنى أجيد التعبير عنه بما أوتيت من موهبه
أنا لست ناقداً
وان حبى للغة العربية وللنحو جعلنى أجيد الغوص
أنا فقط اقترحت أسماءاً تدير هذا الأمر ولم أرشح نفسى لذلك
أما قولك أن كل جيل وله طريقه مختلفة عن الجيل الذي قبله
نعم ولكن يا أحمد الشعر هو الشعر
انا أجد الشباب هنا يحاول ان يحارب الكبار أقصد فى العمر
ويعتقد أننا راحت علينا
لدرجة أن بعض العضوات كن يحاربننى ويقلن ان المنتدى لهن وللشباب والطلبة وتنفيساً لهم ولهن
لدرجة أنى انسحبت كثيرا من المنتدى
لولا بعض الناس اللذين احبهم مثلك
هم اللذين دعوننى
أخيرا أرجو تفعيل ذلك بسرعة وأتساءل
أين الأخت التى طرحت الموضوع
أرجو تدعيمه
والاسراع بالاتصال بالآخرين
انا معكم وأول من يشجعكم
أختى آية
الرجاء بالعلم أنى معكم
وأنا اول من يشجعكم
بندق__2007 30-10-2009, 04:33 PM و الله يمكن الايام دى انا فى حالة مش مستقرة ذهنيا و نفسيا و بدنيا كمان
فأنا الحقيقة مفهمتش مضمون الفكرة بشكل كامل و تام
و واضح انه قصور فى الفهم عندى مش قصور فى الشرح من الادارية المتميزة آية
يعنى اللى فهمته بيقول انها ورشة عمل و نقد طب ما احنا عندنا معمل النقد
اى نعم هو واقف دلوقتى و لكن ممكن نطعمه بالافكار اللى اتقال عليها
يعنى لجنة أدبية مشرفة عليه و محددة و ليها نشاطات معينة ده جميل
يوم اجتماع فى الاسبوع للجنة دى فى الغرفة الصوتية ده رائع
و نعمل و نطبق باقى الافكار و لكن فى المعمل اللى انشأه أستاذنا كلنا الأستاذ نجم
ده طبعا على افتراضية انى فهمت الفكرة على اساس انها قريبة من معمل النقد
اما لو مكنتش فهمتها صح فياريت التوضيح من الادارية آية
(( ملحوظة صغيرة و أرجو محدش يفهمنى غلط بما ان الحوارات هنا بتدور بشكل حضارى لائق ))
انا مشرف مكسل شوية ممكن لكن على قدر المستطاع معنديش مصايب فى قسمى
انا مشرف دخولى مش لفترة طويلة بس ما بيعديش يوم ما بكونش دخلت فيه 4 او 5 مرات على الاقل
انا جايز مقصر بس متواجد و بحاول اعمل اللى عليا
فأعتقد ان اقتراح زى ده كان قبل ما يتعرض علنا فى القسم
كان المفروض تتعرض الفكرة على أستاذ نجم بصفته نائب إدارة
احمد شوقى بصفته مشرف سوبر
و انا بصفتى مشرف القسم (بما أن منه المشرفة الاخرى متغيبة لظروف )
و كل واحد فينا يقول وجهة نظره و تبقى زى ورشة عمل نطلع منها فكرة متكاملة و تتعرض بعدها فى القسم
* كلامى مش للتجريح و مش للانتقاد و مش بقول ان مفيش حاجة تتم من غير علمى و الكلام الكبير ده
بس كنت اتمنى ان الادارية المتميزة آية تبلغ استاذ نجم و تجتمع باحمد شوقى و بيا
و نناقش الفكرة قبل عرضها *
شكرا للفكرة يا آية
و انا طبعا بشجعكم فى اى شئ مفيد و مثمر بس ياريت توضيح اكتر عشان اخوكى فهمه على قده الايام دى
الشاعر/محمد علي 30-10-2009, 10:56 PM وانا مع كلام بندق كله وأؤيده
الجويرية 31-10-2009, 06:12 AM انا رديت رد طويل جدا والمنتدى كانت بيقع ظنا منى انه اعتمد
خصل خير
بس هارده تانى ان شاء الله
مع انه لايضفى جديد
هو مجرد توضيحات
وجزاكم الله خيرا
احمد رضا 31-10-2009, 08:07 AM فكرة رائعة ياآيه
اعتبروني أول تلميذ عندكم
ربنا يبارك فيكم
بس في أسرع وقت عشان متفقدوش الحماس للفكرة
:)
الجويرية 31-10-2009, 05:19 PM السلام عليكم ورحمة الله وبركاته
عذرا مش هاينفع اقتبس كل رد
هارد على نقاط اساسية
بالنسبة لاستاذى الفاضل احمد نجم
ادام الله حضرتك نجما وعله يضفى لنا بنوره علينا
واكيد حضرتك معلمنا ومفييش بديل يقوم بهذا الموضوع سوى حضرتك
بالنسبة لاخونا محمد على
يااخى انى لم اقل انا بافضلكم لا والله ابدا
ده انا اقل اقل اقل الموجودين
وانا لا اذل لا اقتنع انى اكتب شعر اصلا
ده مجرد حب فى افادة غيرى ليس باكثر
مهما اللى قدامى كان شاعر فحلا ولا يعرف العروض
فما فائدته؟
فهى عمليه توفيقية الشاعر بالفطرة يستفاد منه المبتدا والمبتدا وله علم بعلم العروض يفيد الشاعر
ما المشكلة :)؟
حضرتك مش علشان مش بنزل كتابات لى فى الوقت الراهن انى لم اكتب وان مستواى ليس بالقدر الكافى
انا الحممد لله مستمرة فى الكتابة وفى التطور ولكنى لست راضية بهذا المستوى
هناك مقولة معناها
التميز والا فلا
:)
وعلى كل انا قصاد استاذنا احمد نجم اكييد طبعا اقيد فمى بالانصات لاانهل من علمه
وبالنسبة لاخونا الفاضل احمد شوقى
حقا جزاكم الله وبارك فيكم
وفعلا لم يكن مقصدى (فرد علم او عضلات)زى مابيقولوا
كان نفسى افيد بعلم انا اتعملته وكان نفسى زمان الاقى حد يعلمهونى ليس باكثر
واحنا بنتعلم منكم والله
انا لسه المشوار قدامى عقبال ماابقى شاعرة انا لم اتجاوز فى الكتابة ال7 اشهر بعد
بالنسبة لاخونا الفاضل بندق
جزاكم الله خيرا اخى
وانا اعلم تمام العلم ان انا لا يخصنى اللتحكم ف قسم يعتبر عصب ركن الثقافة
ولكن
لو نظرت الى تاريخ انشاء الموضوع لعلمت اننى كنت الادارية المسؤلة عن هذا الركن انا واسماء
وايضا من حقكم اننى كان من المفترض اخذ رائيكم
ولكن ايضا
اطلب من حضرتك الرجوع بالاحداث الى تاريخ الموضوع وارجو تذكر ماتم فى حجرة المشرفين
وايضا الانشغالات بين حضرتك والاخ احمد شوقى والاخ احمد نجم
بالنسبة لاخونا الفاضل احمد رضا
حضرتك تلمييذ ايه بس؟
حضرتك خايف من الحسد
على كل
ده كان ردا على كلام حضراتكم
والموضوع عندى يعتبر ملغى
هو ليس انسحاب
ولكن هناك من هم افضل منى
واعلم منى مثل الاستاذ الفضل احمد نجم واخونا احمد رضا واخونا بندق واخونا احمد شوقى واخونا محمد على وكثيررر
وجزاكم الله كل خير جميعا
بندق__2007 31-10-2009, 08:50 PM يا دكتورة آية - الله لا يسيئك - انا مقصدتش اضايقك أو اخليكى تنسحبى
و بعدين يا ستى واحد الادارة و المشرفين كلنا فى الاخر على رأى الحزب الوطنى
" من أجلك أنت " و أنت بتاعتنا عايدة على العضو انما بتاع الحزب الوطنى الله أعلم عايدة على مين
المهم
ما تفرقش خلاص و انتى عداكى العيب و رديتى عليا رد منطقى و انا اقتنعت
إذن لا هناك مشكلة أبدا
بقيت نقطة صغيرة
ألا و هى " شرح مفصل للعمل و آلية ننفذ بيها الفكرة "
و السؤال " هل الفكرة تختلف عن معمل النقد ؟"
يلا يا آية و بلاش تلاكيك
ههههههههههههه
طبعا بهزر
عادى محصلش اى حاجة
و كملى معانا بس فهمينى الله يكرمك فهمى على قدى قولتلك
ربنا يضع نيتك و عملك فى ميزان حسناتك يا رب
الجويرية 31-10-2009, 09:14 PM يا دكتورة آية - الله لا يسيئك - انا مقصدتش اضايقك أو اخليكى تنسحبى
انا والله مانسحبتش
استاذ احمد نجم هايتكفل بالموضوع وهو كمان خريج لغة عربية
يعنى اكيد دارس عروض بردوا
و بعدين يا ستى واحد الادارة و المشرفين كلنا فى الاخر على رأى الحزب الوطنى
" من أجلك أنت " و أنت بتاعتنا عايدة على العضو انما بتاع الحزب الوطنى الله أعلم عايدة على مين
المهم
ما تفرقش خلاص و انتى عداكى العيب و رديتى عليا رد منطقى و انا اقتنعت
إذن لا هناك مشكلة أبدا
والله مكنش فى اى مشاكل من الاساس
دى مجرد توضيحات مش اكتررر
بقيت نقطة صغيرة
ألا و هى " شرح مفصل للعمل و آلية ننفذ بيها الفكرة "
و السؤال " هل الفكرة تختلف عن معمل النقد ؟"
يلا يا آية و بلاش تلاكيك
ههههههههههههه
طبعا بهزر
عادى محصلش اى حاجة
و كملى معانا بس فهمينى الله يكرمك فهمى على قدى قولتلك
ربنا يضع نيتك و عملك فى ميزان حسناتك يا رب
بص هى الفكرة ان علشان الواحد يكتب شعر ويتسمى شعر
لازم يكون متحقق فيه العروض
طيب وايه العروض ده؟
ده علم بيدرسه دارسى اللغة العربية وهو ازاى نتعلم القصيدة بتتبنى وازاى تعرف ان دى خاطرة ولا قصيدة
وازاى القصائد تتغنى
وتقطيع ابيات القصيدة
ولو عرفنا الاساسيات والبحور والتفاعيل اللى فيها
كدة مع الممارسة هايبقى اسمنا شعراء بجد
ارجو ان اكون وضحت وجهة نظرى
وبجد انا مش انسحبت او تراجعت لانى زعلت او مضايقة
بس فى مقولة بتقول
اذا حضر الماء؟
ذهب التيمم
وجزاكم الله خيرا
بندق__2007 01-11-2009, 01:28 AM آه كدة الحمار - احم احم - اقصد انا يعنى فهمت
العلم نور و الله يا ستى
هههههههههههههههههه
انا موافق على الفكرة طبعا و هو ده المنتظر من مشرفة متميزة زيك
و اهم من الفكرة و اهم من كل ده
ان مفيش حد شايل من حد
و احنا كلنا هنا اخوات حتى لو اختلفنا بنختلف بشكل حضارى و رائع
و انتى طبعا على راسى من فوق كفنانة و مشرفة و اخت - بعد اذنك -
أما بالنسبة للفكرة بقى
فالشخص المناسب فى المكان المناسب
حقيقة أستاذ أحمد أستاذنا كلنا بجد و هو أصلح واحد يقوم بالمهمة دى
و ياريت لو الأستاذ عبد العظيم وسية لو متواجد
و على البركة ممكن نبدأ وقت ما أستاذنا يجهز
و أنا فى أول تختة عشان انا فهمى على قدى زى ما انتوا عارفين
و طبعا عشان نظرى راح من زمان
ربنا يجعل ده فى ميزان حسنات كل المشاركين فيه
.. Mysterious .. 01-11-2009, 03:51 AM السلام عليكم ورحمة الله وبركاته
وعليكم السلام ورحمه الله وبركاته
بالنسبة لاستاذى الفاضل احمد نجم
بالنسبة لاخونا محمد على
وبالنسبة لاخونا الفاضل احمد شوقى
بالنسبة لاخونا الفاضل بندق
بالنسبة لاخونا الفاضل احمد رضا
حضرك فين بقي وسط الاسامي دي
وياريت مش اسمع انك حاجه غير دول
كلنا اخوة ف المقام الاول
وحضرتك لا تقلي شأنا عن هذه الاسامي
بص هى الفكرة ان علشان الواحد يكتب شعر ويتسمى شعر
لازم يكون متحقق فيه العروض
طيب وايه العروض ده؟
ده علم بيدرسه دارسى اللغة العربية وهو ازاى نتعلم القصيدة بتتبنى وازاى تعرف ان دى خاطرة ولا قصيدة
وازاى القصائد تتغنى
وتقطيع ابيات القصيدة
ولو عرفنا الاساسيات والبحور والتفاعيل اللى فيها
كدة مع الممارسة هايبقى اسمنا شعراء بجد
ارجو ان اكون وضحت وجهة نظرى
وبجد انا مش انسحبت او تراجعت لانى زعلت او مضايقة
بس فى مقولة بتقول
اذا حضر الماء؟
ذهب التيمم
وجزاكم الله خيرا
عندك كل الحق ف كل كلمة ذكرتيها
بس الكمة دي .. سوري يعني مش عجبتني
(( اذا حضر الماء؟ ذهب التيمم ))
حضرتك كدا بتقليلي من شأنك وهذا غير لائق بكل معاني الكلام
ياريت تسحبي الكلمة دي من ردك ... ثم ردي
حضرتك اللي بتدأتي هذا الموضوع
وحضرتك بردو اللي هتمشيه ع العجين ميلغبطوش .. "بيئة انا صح "
يعني م الاخر
بلاش تلاكيك ع راي "بنــدق "
وياريت لو نتعلم شئ ع يد حضرتك
ونطبق المثل اللي بيقول
اللي ييجي من اللي نعرفه .. احسن بكتير من اللي منعرفوش
توكلي ع الله ي اساتذة
وبلاش هرب
وياريت بعد اذنك
مش اسمع كلمه اخري
غير ان النادي هيبدأ يوم كذا ...
وبس ........... مفهوم :stickjo4:
واد حمش انا :006et4:
أحمـدنجـم 01-11-2009, 12:19 PM أنا ملاحظ أن النقاشات كترت أوي يا جماعة في الموضوع دا ولازم ناخد خطوة إيجابية للعمل .. وأنا أدعو إلى اجتماع بين مشرف سوبر الركن ومشرف إبداعات الأعضاء وبيني المشرفة آية وبيني غداً في تمام العاشرة مساء إن أمكن على الياهو .. إن أمكن منتظر الآراء لاتخاذ اللازم
بندق__2007 01-11-2009, 02:48 PM تمام يا استاذ احمد
و ان شاء الله مع حضرتك
الجويرية 01-11-2009, 07:06 PM وأنا أدعو إلى اجتماع بين مشرف سوبر الركن ومشرف إبداعات الأعضاء وبيني المشرفة آية وبيني غداً في تمام العاشرة مساء إن أمكن على الياهو
جميل يكون هناك اجتماعا لتقريب وجهات النظر
ولكنى اعذرنى فلن استطع حضور هذا الاجتماع
وهو كفيل بمن فيه
وجزاكم الله خيرا
.. Mysterious .. 01-11-2009, 09:37 PM أنا ملاحظ أن النقاشات كترت أوي يا جماعة في الموضوع دا ولازم ناخد خطوة إيجابية للعمل .. وأنا أدعو إلى اجتماع بين مشرف سوبر الركن ومشرف إبداعات الأعضاء وبيني المشرفة آية وبيني غداً في تمام العاشرة مساء إن أمكن على الياهو .. إن أمكن منتظر الآراء لاتخاذ اللازم
انا موافق بالتأكيد
جميل يكون هناك اجتماعا لتقريب وجهات النظر
ولكنى اعذرنى فلن استطع حضور هذا الاجتماع
وهو كفيل بمن فيه
وجزاكم الله خيرا
هو ايه بقي الموضوع
ومن الاخر ؟؟؟
انا شايف ان حضرتك
من بعد وجهات النظر اللي طرحت
وحضرتك بقيت سوري يعني ... زعلانة او عايزة تخرجي الموضوع الي قسم المحذوفات
سوري ع الكلام دا
بس اعتقد ان مفيش عمل ناحج ... من غير م يكون فيه وجهات نظر ... واختلاف بين الاشخاص
وكمان من المفروض بدل حضرتك صاحبه الفكرة وصاحبة الموضوع ايضا
ان حضرتك تكوني اول من يكون ف الاجتماع
وليس من يعتذر
ارجو اني مكنش شخص تقيل الدم بهذا الكلام
الجويرية 01-11-2009, 09:56 PM انا موافق بالتأكيد
هو ايه بقي الموضوع
ومن الاخر ؟؟؟
انا شايف ان حضرتك
من بعد وجهات النظر اللي طرحت
وحضرتك بقيت سوري يعني ... زعلانة او عايزة تخرجي الموضوع الي قسم المحذوفات
سوري ع الكلام دا
والله مااااااااازعلاااااااااااانة
اعمل ايه علشان تقتنعوا انى مفيش حاجة والله
وربنا يعلم ان حضراتكم جميعا بحترمهم زى اخواتى
بس اعتقد ان مفيش عمل ناحج ... من غير م يكون فيه وجهات نظر ... واختلاف بين الاشخاص
وكمان من المفروض بدل حضرتك صاحبه الفكرة وصاحبة الموضوع ايضا
ان حضرتك تكوني اول من يكون ف الاجتماع
وليس من يعتذر
ارجو اني مكنش شخص تقيل الدم بهذا الكلام
لا والله مفيش اى شئ
بس انا مش رافضة مبدا الاجتماع علشان الموضوع ده
لا والله نهائى
انا شخصيا مش هاينفع
وآسفة بجد
حاسة انى هاضرب اصلا:bosyht9:
وجزاكم الله خيرا
.. Mysterious .. 01-11-2009, 11:55 PM لا والله مفيش اى شئ
بس انا مش رافضة مبدا الاجتماع علشان الموضوع ده
لا والله نهائى
انا شخصيا مش هاينفع
وآسفة بجد
حاسة انى هاضرب اصلا:bosyht9:
وجزاكم الله خيرا
والله .................
اوكي اللي تشوفيه طبعا لازم يمشي
بس ليه حضرتك خليتي الموضوع شخصي؟؟
.. Mysterious .. 24-11-2009, 12:13 AM السلام عليكم ورحمه الله وبركاته
شبة بداية ... لنقل الموضوع الي مكانه عالية
ولتكن هذه اول خطوة
اضغط هنا :028ja7:
مدرسة للمبتدئين .. لتعلم الشعر (http://thanwya.com/vb/showthread.php?t=83188)
أرجو الاستفادة منها .. وكما قولت هذه شبه بداية
والقادم أفضل بأذن الله
...............
|