بسم الله الرحمن الرحيم

اثناء تجولى بشتى المنتديات فى الشبكة العنكبوتية العزيزة
لاحظت فى بعض المنتديات واكيد كلكو شافها

حكاية التسجيل السريع
تكتب اسمك
وpassword
وايمييلك
واعمل علامة على موافق على الشروط وخلاص كده
الف مبروك
و انتظرناك طويلا يا غالى
و اشتقنالك ونبغى مشاركاتك
و آآآه يا كوعى...ما ترد على موضوعى( مش عارف ازاى)
و خش يا بكّاش ..الردود ببلاش

و....
و.........

سبحان الله

ولا قوانين
ولا حاجة

(معنى ذلك ان حكاية المشرفين دى منتشرة
اللهم الا بعض المنتديات )

وانا مش شايف اختلاف كتير بينها وبين التسجيل العادى

لان طبعا ومؤكد
ولا واحد وهو داخل اى منتدى بيقرى قوانين
هى قوانين لو خالفتها يعنى هتوديك السجن

لا طبعا
بس لابد من وجودها
اذا كان بالقوانين
والناس قربت تاكل بعضيها
امال من غيرها ايه اللى هيحصل
مش هتفرق والله

ويا ريت لو المنتدى
اتطور بعد سنة او اتنين ميعملهاش خاااااااااالص



ثانيا: حكاية ان الموضوع لن يظهر
او المرفقات لن تحملها
او اللينك مش هيظهر
الا بعد
الشروط التالية:-
1) تضيف رد ( فى منتدى )
2) تشارك بعشرين مشاركة(منتدى تانى)
3)التسجيل اساسا فى المنتدى(منتدى رابع وعاشر وخمسين)

ودى طبعا لا تنافق وترد
مشكور يا غالى
الف شكر يا حبيب قلبى
ربنا يبارك فى امثالك

طب افرض كان حاطط لينك لموقع لامؤأخذة
تشكره على ايه بقى
منظرك هيبقى زى الزفت


من كده نقدر نقول
ان المنتديات بقت عاملة
زى الطبيخ البايت

ووجود اشياء زى دى بيقلل
من احترام اى منتدى

واعتقد ان
حكاية تضيف رد وتشوف الموضوع
عندنا مناعة ضدها فى المنتدى هنا
يعنى لو عملها
هتقول لنفسك
عنى ما رديت هو يعنى هيجيبلى الديب من ديله

استودعكم الله

اللى بيحدد مصير الموقع الادمن بتاعه
الطيور على اشكالها تقع بقى
يعنى انت مخير مش مسير
شكرا لموضوعك يا خالد
موضوع جميل

بجد اسلوبك الساخر ده رائع يا خالد النوع ده من الاسلوب في الكتابة بعجبني

موضوع مهم والله لان بجد الاعضاء في المنتديات دي غالبيا بترد بطريقة مش محترمة وانا بقول غالبيا
ده اولا
ثانيا :
الموقع المنتدى بكون الاعضاء اللي في محترمين او مش محترمين
على حسب صاحب الموقع او المنتدى لانه هو اللي بيغيره بنفسه وبيحسنه بنفسه
وهو اللي بيوحشه بنفسه

وشكرا يا خالد على الموضوع